كاتب الموضوع :
سعود2001
المنتدى :
الارشيف
( عبد العزيز و أيام الطفوله )
هذا الاسم يعود لشخصيه عزيزه
عندي و الله مادرى أني حاط له هالمقدمات
هههههههههههههههههههه
هو يصير ولد خالي بس اكبر مني
وللأسف تأخر في دراسته
و كان شقي و حرك و تجيه
علقات من خالي
المهم رحنا في سنه وحده
الى مكه المكرمه في شهر رمضان
و طبعا عارفين الدجه في مكه الله يشرفها
يمكن عمري 11 سنه و عزوز 13
المهم الولد عنده أفكار و طرق لكسب العيش
بقنوات غير شرعيه
فقال سعوود تعال نسوي انفسنا
فقراء و أصير اعمى و انت تمسك يدي
و نطوف حوالين الكعبه
و بتشوف الخير اللي بيجينا
سويناها بصراحه بحكم انه اكبر مني
فهو يدبرني على كيف كيفه
ههههههههههههههههههه
و فعلا اول دوره جانا 30 ريال والثانيه مثل
جت الدوره الخامسه ويشوفني
صديق أبوووووي :
سعووووووووووود
و التفت على الصوت الا ابو فلان
و ارمي يد عزوز
و انطلق كني مسوي جريمه
طبعا عزيز ما يدري وش السالفه
لا يقدر يكمل التمثيليه و لا يقدر يركض
و انا طيرااااااااااان على الشقه
الله لا يربحك عزوز كله منك
شافتني أمي و أنا أتراعد
وشفيك سعوود عسى ما شر
و أخررر عليها السالفه
ضحكت أمي ضحك على عبد العزيز
هالشيطاني يا و يله من ابووووه
قلت لها تكفين لا يدري خالي و الله
ان يسلخه سلخ
ماطلعت طول اليوم
جالس بالشقه استنى القصاص
وعبد العزيز يرسل لي المراسيل
و انا مجمده خااااايف من ابوي
ما حسيت الا بالوالد داخل
علي يقول سعوووود وينك فيه اليوم الضحى
خلاااااص أنهياااااااااااااااار
قلت كله من عزوووز
قال وش دخل عبد العزيز في الموضوع
قلت أي موضوع
قال ليش تطلع من الشقه
و انا قايل لك رجلك على رجلي
ياليت تشوفون وجهي
انواع التنااااااااحه
قلت سامحني يابوي اخر مرة ما راح اطلع الامعك
راحت الايام و شفت عزيز
قال وينك فاتك الفلوس اللي جتنا
قلت تهنى فيها ما يسوى علي
الرررررررررررعب اللي جاني
قال الحين ابي اعرف ليش
تركتني و هجييييت
قلت شفت صديق ابوي و عرفني
قال عسى ما قلت عني شي عند ابوك
قلت لا بس قلبي حاسني
انه عارف و انت خالي ما قال لك شي
قال يا ربييييييييييييييييه
قلت خلاص لو درى عنك كان معلقك من زمان
رجع لشقتهم و هو يتنافض من ابوووووووه
............................
عبد العزيز الحين رائد فضاء
ههههههههههههههههه
لا والله بس ما شاء الله عليه متفوق
و موظف وظيفه راقيه درس الحاسب
الالي و تفوق فيه
هذا هو عبد العزيز
صديق الطفوله
|
19-10-07, 05:22 PM
جديد مواضيع قسم الارشيف
العرض العادي
