كاتب الموضوع :
سعود2001
المنتدى :
الارشيف
( البلكونه )
سافرنا كم مرة بالصيفيه لماربيا
بس السنه هذي غير شكل
لأن معنا جدتي أم أبوي
قلت لكم عنها فلللللللله
تحب الوناسه الله يطول عمرها
بصراحه السفر مع العيله حلو الا في شيء واحد
المطاااااااااااااااااااااار و بلاويه
المهم دخلنا الشقه و مبسوطين و فالينها
ودخنت امي الشقه بالبخور
و جلسنا كلنا في البلكونه
بما فينا جدتي
مدري وشلون تسكر باب البلكونه
وكلنا برا الشقه و على البلكونه
و البلكونه هذي مو على الشارع
كانت على مسبح العماره
و منظرها يشرح القلب
و المسبح يجي بعده البحر
يعني المنظر فعلا يحكي
المهم حاولنا في الباب
ما فتح و لا هو يم فتحه
جدتي متسنده على الكرسي و راميه
راسها ورا و تقول لا تستعجلون
على فتح الباب
و أمي بتنهبل الا شوي
آخر شي جبت عصا الطاوله
وأضرب بباب البلكونه
الزجاجي بس و لا حتى انخدش
اففففففففففففففففففففففف
وأبوي مسند راسه مثل جدتي
و أمي مفحطه ما تدري و ش تسوي
و اخواني ساكتين
و شكلهم خايفين
قلت : يبه وش الحل
قال مدري
بقلبي يبه وش ما تدري
و اتلفت على البلكونه
شفت واحد يطل جنبنا بس تحت شوي
يعني حنا بالدور السابع
والمنقذ بالدور الخامس
أشّرت له و قلت
Help us
و انا اصارخ
وقلت له باب الشقه مسكر
و نظام الحمايه في البلكونه ما شلناه
المهم حاول يفهمني بس ما ادري
وش يقول
قعدنا خمس دقايق
الا و اللي على جنب البلكونه
رجاال بيدخل علينا
طبعا امي حجابها مو لابسته
وجدتي و حنكتها و ابوي بثوب البيت
و انا اللي رايح في خرايطها
دخل علينا المنقذ و يمكن انه
بالخمسين سنه
تصوروا حط رجله عندنا و رجل عند جيراننا
و تحته ارتفاع سبعه طوابق
يعني لو يدزه الشيطان ماااات
ههههههههههه تذكرت
سواليفنا يومنا صغار
امي صرخت و جدتي
تقول : واوييييييلييي
وشو هذا
قلت هذا اللي لا تستعجلوون
و فعلا بدا المنقذ و فكك الباب
أخواني قاموا يصارخون من الفرحه
قراثيس قراثيس سنيووور
هذا اللي عرفتوا تقولونه
و أمسك جدتي
و الله يايمه لو اننا ما استعجلنا
كان راح وقت أبرتك
قالت الله يذكرك الشهاده ياسعوووود
اي والله اشوى انه فتح لنا
قلت بركاتي جعلكم ما تحترون علي
ردت جدتي و لا نحتر على ابوك
قلت بس ابوي ما دبرنا
قالت ابوك اللي جابك و انت اللي دبرتنا
لو ما جابك ابوك ما قدرنا
قلت جدتي لا تستهبلين علي
والله اني عارف لك ورا ما تقولين
انتي بعد اللي جبتي ابوي
اللي جابني و انقذتينا
هههههههههههههههههههههه
المهم جاني بعد موقف البلكونه
كوابيس الباب الللي ما يفتح او
كني بطيح من البلكونه
جلست أسبوع و انا افكر
لو ما تصرفت من بينقذنا !!!!!
...........................
|
12-10-07, 05:22 PM
جديد مواضيع قسم الارشيف
العرض العادي
