لم أتوقع هذا التجاوب الفظيع ههههههه

طيب فيني جاوب :
اول شي كأني فهمت انو موضوع الخيانة محصور في اطار العلاقة الزوجية بين الرجل والمرأة واكيد جلاد الليل كان ذكي لما حصر الموضوع ضمن هيده الاطار لانو كل علاقة والها نكهة خيانة معينة ...بس احقر وابشع انواع الخيانات هيي العلاقة المقدسةياللي الله وصفها ب"هن لباس لكم وانتم لباس بهن" يعني ستر وغطا /حنان ودفا/ عشرة وحياة مشتركة........وقوله تعالى"وجعل لكم من انفسكم ازواجا لتسكنوا اليها" ...وبتصور الاية بتحكي عن حالا وما في داعي للتفسير ...
خليني هلاا اجاوب عن اسألتك جلاد :

ماذا تفضل ان تفعل عندما يتهمك أحد : أن تتركه يهذي ولا تنصت له ، أن تبرء نفسك بأسباب مقنعة ، أن تلعب دور المهاجم على طريقة الهجوم خير وسيلة للدفاع ... ؟؟:

بصراحة بهمني كتير اعرف الاتهام ونوعو واكيد بدي اسمع للنهايي مشان اقدر سكر كل منافذ الاتهام من اول نقطة لاخر نقطة مشان ما اترك ولا منفذ شك ...بهمني كمان اني دافع عن حالي وقت ما بحس انو هيده اتهام باطل ووقت ما بتكون معي ادلة وحجج ع برائتي فهيده اكبر موقف قوة وشعور بالثقة ممكن اشعر فيه ......ومني بحاجي ابدا للهجوم بكفي سلاح ثقتي بحالي وبرائتي مشان اطلع من هالمعادلي كسباني ...
مصانع الخيانة من يعمل فيها أكثر : الرجل أم المرأة ، وأرجو وضع نسبة ... ؟؟

مصانع الخيانة بتنتج موديلات كتيري وانواع متعددة وكل يوم حسب الموضة ومتطلبات السوق وظروف الحياة ...والحياة هي حبل بيشد اطرافو رجل وامرأة وهما الاثنين بكفتي ميزان مرة بتصير الكفة لصالح المرأة ومرة لصالح الرجل..وذلك حسب وزن وحمولة متطلباتن وحاجياتن من منتوجات مصانع الخيانة ....

ماهو أول تفكير يخطر ببالك عندما تسمع خبر خيانة الطرف الآخر .... ؟؟

اكيد رح انصدم لانو الخيانة بكل اشكلاا فوق طاقة واحتمال البشر ...بس الصدمة وقتا بتكون عاطفية اكتر منا عقلية ..لان العقل وقتا رح يضل يفكر بالاسباب والدوافع وكيف بدي اتصرف وشو هيي ردة فعلي ......

وشكرا كتير لالك جلاد الليل موضوع متميز ومتألق كالعادة

ماذا تفضل ان تفعل عندما يتهمك أحد : أن تتركه يهذي ولا تنصت له ، أن تبرء نفسك بأسباب مقنعة ، أن تلعب دور المهاجم على طريقة الهجوم خير وسيلة للدفاع ... ؟؟
أقول كلمة واحدة إذا ما تثق فيه مع ألف سلامة ، ما أحتاج أعرف أحد عديم الثقة
مصانع الخيانة من يعمل فيها أكثر : الرجل أم المرأة ، وأرجو وضع نسبة ... ؟؟
الرجل أكثر من المرأة بنسبة ضئيلة يعني 5% تقريبا وبصراحة في حالات المرأة أكثر
ماهو أول تفكير يخطر ببالك عندما تسمع خبر خيانة الطرف الآخر .... ؟؟
صدمة وممكن افقد الوعي
وبعدها أتدمر نفسيا لفترة طويلة