المنتدى :
القصص القصيرة من وحي قلم الأعضاء , قصص من وحي قلم الأعضاء
حواديت للبنت الى نامت - قصة قصيرة
حواديت للبنت اللى نامت
الشاطر حسن شايل على اكتافه شنطة السفر وماشى فى بلاد الله سواح بيدور على ست الحسن
.."من الساعة اللى العبودية صارت فيها فرض على كل مسلم انا حسيت ان فتاة احلامى هلاقيها فى بغداد..."
آخر مرة قابلها كانت فى ايد تاجر عبيد فى سوق بغداد الشاطر حسن غفل –يادوبك – ضاعت منه
..."الضياع اللى انا عايشه وعيشاه كان ممكن ينتهى فى اللحظة نفسها –اللى شفتها فيها- لوقدرت انقذها بالسيف بدل الفلوس"
.. لمين اتباعت ؟!... ماحدش عارف...
"التوها المره دى كبيرة جدا زى ما تكون الدنيا كلها على وعليها.." ..منتدى ليلاس الثقافي
الشاطر حسن بيلف اسواق الدنيا كلها يسأل كل تجار العبيد .. ان حد يدله
.."نفسى اقدر الحقها قبل ما يفوت الاوان.."
..فين صدر عن البنت اللى نايمه صوت يدل على انها قفلت آخر باب من ابواب الصحو ...
* * *
ست الحسن اللى نزلت الاسواق اول مرة مشترية انتهى بيها الامر – مع ارتفاع الاسعار – انها تبقى سلعة وتباع ...
"سلسال الظلم اللى جرنى من اسواق الدنيا رمانى فى سوق بغداد جارية "
... تاجر العبيد حطها فى السبت ووقف ينادى على البضاعة العال ...
"بضاعة !!! عمرى ما فكرت ان البضاعة بتحس او تنكسف لكن دلوقتى وانا جوا السبت مكسوفة من عرى باعيط يمكن دموعى تسترنى..."
... عشرات الرجاله – اللى معدين عليها- مدوا الايد ولمسوا وفحصوا اللى عايزينه ...
"كلهم بيفكروا بنفس الطريقة ... كلهم بيلمسوا نفس المكان .. اه لو دموعى تسترنى"....
وفى النهاية كانوا بيلاقوا اسباب علشان يسيبوا البيعة .. الوحيد اللى عاز يشترى من غير ما لمسها كان هو ...
" رمشه غطانى لما قفل عينيه .. من زمان .. كان دايما بيخبط على باب حلمى بنفس هيئته ماينقصوش غير بس سيفه يا ترى راح منه فين !!؟؟"
.. فى اللحظة اللى اتحرك فيها عدى الوزير ..
"الكابوس .."
عاين البضاعة
..."الكابوس..."
فاصل فى الثمن ودفع...
"الكابوس..."
... امر التاجر _ اللى شال السبت على راسه _ انه يوصلها البيت
... "الكابوس..."
فى الطريق م التعب والحزن لهروب الحلم نامت بعد ما فتحت صندوق الكوابيس
* * *
انا شلت البنت م السبت وحطتها فى السرير .. كانت جميلة زى حورية سهت ربنا وهربت م الجنة .. فكرت افترسها لكن حكايتها الحزينة اللى انا بنسج خيوطها من حرير ايامى ..واللى كانت قربت تخلص منى ودموعها اللى سايله غطا والوزير اللى اشتراها على شرط انها لسه بكر خلانى افكر كثير واخاف اعمل اى حركة عنيفة لتصحى واضطر اكمل حزنها...
|
07-10-07, 04:44 AM
جديد مواضيع قسم القصص القصيرة من وحي قلم الأعضاء , قصص من وحي قلم الأعضاء
العرض العادي
