كاتب الموضوع :
قال الزهر آآآه
المنتدى :
الارشيف
السلام عليكم
واخيرا نزلتي البارت لكن من جد شي يستحق الانتظار وش اقول ابداااااااااااااااااع من جد بارت روعه
اولا نجلا/
احسها رجعت للحياة من جديد وقلبها رجع يدق بالحب ما اعتقد راح تطول الى ان تسامح الوليد وترجع المياه الى مجاريها
سمر/
يا قلبي عليهابدل ما تفرح بخطبة سعود لها انصدمت لمن بيتهم افترضوا ان سعود يبي رنا والشئ اللي خايفة انا منه ان هذا اللبس ما يتوضح يوم سعود يجي يخطب او ان سمر ترفض سعود اعتقادا منها انه فعلا كان يبي يخطب رنا مو هي
رنا /لا زلت مصرة انها راح تكون مكن نصيب احمد اخو شيخه ولا تسالوني عن السبب احساسي يقول جذي
سارة /
احسها صارت تحقد على راكان عقب اللي صار وياها مع ابو اديب واحسها مخططه انها تنكد على راكان وتكره في عيشته
راكان/
الله يعينه على سارة بس اتوقع انه بيقلب مخططات سارة ضدها وبدل ما هو يركهها هي راح تحبه
حنان /
انا قلت من قبل اني اتوقع ان طلال راح يكون من نصيبها بس بعد مخططات ابو طلال ضد سلطان اتوقع ان هالارتباط يكون صعب ويواجه مشاكل
سلطان /
مشروع توبه بس الله يعينه من ابو طلال واللي ناوي عليه وطبعا اللي يسويه ابو طلال مو المقصود به سلطان او امواله المقصود بكل هذا الوليد واتوقع اما ان سلطان يتدارك نفسه ويتوب قبل ما توقع الفاس في الراس او ان توبته تجي متاخرة بس راح يعرف قيمه الوليدلاني اتوقع ان الوليد هو الوحيد الي راح يوقف في صفه ويساعده
ام الوليد/
راح تجيها الفرصه انها تعيد بنا ء علاقتها بالوليد بانها راح توقف ضد ابو طلال في صف الوليد وهذا شي راح يقدره الوليد ويخليه يفتح ابواب قلبه في وجهها
الجوهرة /
ما ادري ليش احس انها اذا تابت بتكون توبتها عقب فضيحه
تركي/
واضح ان مخطط الانتقام من الوليد ابتدأ
الوليد/
معور قلبي هالرجال انسان حامل هموم الكل فوق راسه احس جبال من الهم قاعدة على قلبه يلقاها من وين ولا من وين من نجلا اللي تحتاج الى صبر وجلد علشان يتحمل اهاناتها ويسترجع حبها له ولا من اخوه سلطان اللي مو راضي يفهم يعني شنو اخوه ولا من ابو طلال وحقده واللي ناوي عليه ولا من مخططات النذل اللي كان السبب ف موت سعد ااااااااااااااااااااااااااه عليك ومنك يالوليد
ادري ان طولت وتاخرت في الرد بعد
بس ما اقدر الا افرغ اللي في داخلي كله
والصراحه البارت خلاني متحمسه للبارت اللي عقبه
واخيرا يعطيش العافيه
وفي انتظار ابداعاتك
التعديل الأخير تم بواسطة معاميريا ; 19-04-08 الساعة 09:37 AM
|
15-04-08, 08:31 PM
جديد مواضيع قسم الارشيف
العرض العادي
