مادري شقولج
اقول ان البارت اكثر من جنــــــــــــــان
طريقة وصفج للمشاعر تيينن وتخليني جن قاعدة معاهم مو قاعدة اقره وبس
ولا اقولج ان البارت حده حزين ويقمت الواحد وزاد حلة الاكتئاب الي انا فيها
هالاسبوع حده حزين بالنسبة لي
وااايد شخصيات بواااايد قصص ماتو وواايد شخصيات تعذبو وتمنيت لهم الموت
ونجلا منهم بس الوليد شبصير فيه لو نجلا ماتت
بتسوء حالته زيادة
نجلا
بليز
راجعي قرارج
ادري ان شعورج صعب
وان الوليد طلمج وااااايد
و وااااااايد خلف بوعدوه معاج
وادري بعد انج تعتقدين ان اهو سبب موت سعد
بليز سمعيه وجوفي ليش اهو سوا جذي
انا مو قام ادافع عنه
ولا أأيده بالي سواه فيج
بس اهو الحين ندمان انتي لو جفتيه آآه شكله يكسر الخاطر
صج اني كارهته وليش سوا فيج جذي
بس
حراااام اهو الحين ندمان
بليز رجعي له
اهو مستعد يتاسف منج ويسويلج الي تبينه
وتبدون حياة يديدة
ما فيها شك ولا شي
فكري بكلامي عدل
الوليد
صج انك تستاهل الي ييك واكثر بعد
بس
حسيت صج انك ندمان وان مالك ذنب
اي واحد مكانك بشك يعني قايلينله كل شي مرته وداق عليها وعارف اسمها بعد
بس
لو هديت بعدين كلمتها
مو وانت معصب
شنو فادتك عصبيتك الحين؟؟
خسرت نجلا
اما امك
صج اهي قست عليك واايد
بس لو تسمعها وتعرف اهي ليش سوت جذي
جفت شلون
امك تبي رضاك وانت تبي رضا نجلا
انت ما تبي تسامح امك وبنظرك ان ماعندها اي مبرر بالي سوته فيك ونجلا نفس الشي معاك
اسمع امك ونجلا رح تسمعك
فكر بكلامي عدل
الجوهرة
مادري ليش مسمينج جذي
انتي صج عكس اسمج ومثل ما قالت ابلا ارادة انتي جوهرة مزيفة
الكل منخدع فيج مايدرون انج انانية وقلبج اسود وحقودة درجة اولى
الله ينتقم منج
وتذوقين الي ذاقته نجلا واكثر بعد
رانيا وخالد
الله يخليهم لبعض
ويخلي رانيا تييب بيبي حلو نفسج زهورة
مو مشوه ولا فيه شي
ويبعد ام خالد وشرها عنهم
ام الوليد
صج انج تستاهلين الي صار فيج
المفروض تفرقين بين ريلج وولدج
مو ذنب الوليد انه يشابه ابوه
عشان تعذبينه كل هالعذاب مو كافي ابو طلال وشنو سوا فيه
تيين انتي وتكملين عليه
على كل حال الي فات مات واحنا عيال اليوم
لا تتاملين واايد ان الوليد بيرجعلج
ولا تعتقدين انه يكرهج
صج انج عذبتيه واايد
بس مهما كان انتي امه
اهو بس حاقد عليج
حاولي تكسبينه واوقفي معاه وساعديه
سبحان الله
اول كان اهو الي يبي رضاج
الحين انتي الي تبين رضاه
صج الدنيا دوارة
زهورة
سوري اذا ضايقتج بكلامي هذا بس والله من اندماجي بالقصة
واذا ضايقتج اوعدج اني مارح اعلق على اي بارت واقره القصة من خلف الكواليس بس
ومبروك على لقب كاتب مميز
تستحقين اكثر منه بعد
هذا تعليقي عالبارت
وان شاء الله اقره التكملة واعلق
تقبلي مروري

زهوووره.. خلاااص عاااد .. يااربي ليش هالوقفه البايخه..اوووف ..

المهم التكمله هااديه.. ونجلاا هااديه... بس احس ان ليلتهم مااراح تكون هاديه.. احس بيصير فيها شي..

انا متاكده ان طلال بيصير له موقف بها الليله مع سمر يمكن. او حنان. ومتاكده بعد ان الوليد ونجلااا بيصير لهم مووقف ويمكن يكووون خطيـــــــر.. بس ماا ابيه يكون قدام اهل الوليد... لاا تخلينها تسبه وتجرحه قدام اهله.. وهو لاا تخلينه يتجاهلها قدامهم بعد .. صرااحه ان قلبي يدق من الخوف اذا تخيلت وش بيصير في لقااائهم.. بس اتمنى انه يمر بين اهلهم مرور الكراام..
تدرين اتوقع ان نجلاا يمكن تحج مع امهم نوره.. ويمكن بعد الوليد يحج و ما بقى لها محرم في الدنيا الا هو لان نصوري توه صغير.. فاتوقع انها يمكن تغير تفكيرها وتصير تستفيد من وجود الوليد في حياتها بهالاموور.. اللي هي المحرم وتوابعه...

وسلطان وكلبه.. مدري ليش حاسه ان كلبه هذا بيسوي لنا مصيبه.. يااخوفي تكون على الوليد والا نجلاا.. جعله ان شاء الله يااكله ويخليه لحم مقطع ثم يروح على الجوهره وينتفهاا...
واتوقع ان هالكلب بنشوف له موقف قريب ويمكن بعد يكوون .. موقف ينتج عنه شي يوسع الصدر.. بس ماراح اقول وشو..ههههه.. ترى بعد انا عندي اخرااج...ههههه

المهم ترى اول الجزء هريته تحليل .. وهنا عااد التكمله..هههه

تحياتي لتس.. وارجوووتس انتس تنهين هالحزن من الاجزاء.. وتخلينا نستاانس شوي..

مشكوره قال ,.,., بارت ماشاء الله إبداع القلم وتنسيق الجمله وإختيار الكلمات من أساسياته

الله يحفظك وسلمت لنا هالأنامل الذهبيه الرائعه

توقعاتي ::
**وليد
أقترح عليه إنه يدخل في حياة نجلاء ,, وعمر الحب الحقيقي ماراح من مشكله أو صدمه ,, وأدبه مع أمه مره عجبني
صح إنه رد عليها لكن رده كان من باب إنه يعلمها وش سوت فيه وكيف أثرت على حياته ليس من باب الوقاحه وعدم البر

**نجلاء
ماأقدر أقول إلا (مالحبيب إلا الحبيب الأولي )
وسعد الله يرحمه الوليد ماله دخل ,,بس بنعذرها لأن الصدمه قويه وفاجعه بالنسبه لها

**سمر
شكلها تحب وأتوقع تحب سعود أو صالح بس الأغلب سعود

**رانيا وخالد
الحمد لله والله يبشرنا بقومة رانيا بسلامه وإن شاء الله تجيب 3توائم
ياقلبي متشوقين لعيالها

تقبلي فائق تحياتي

إختك
سعوديه وكلي عز