كاتب الموضوع :
قال الزهر آآآه
المنتدى :
الارشيف
الوليد
ركن سيارته ..بسرعه ..وكل حركه يسويها ....تفسر ...الكمد الي يحسه ...
والله لايوريه ...ان شافه ...بس يشوفه ...!!
دخل ...ولا كلم سعد ...قابله ..المسؤل ..عن ..تنظيم ...الطاولات ....وتوزيع ...الضيوف ..سفهه ومر من عنده وعلى طول رفع جواله ودق ...على حمدان ...
وكله ترقب ...لسماع ...صوت جوال يدق ..
كان متهور....وحركته ...مب موزونه ممكن يرن أي جوال يالوليد....بنفس اللحظه ..
.................
ضحكها مالي ...المكان ..وغنجها ...وفرحها بالهديه ....
دق جوال حمدان ..
وسفهه..
الجوهره- رد؟؟
حمدان مسك يدها ..هو ماصدق تعطيه وجه ...من زمان ونفسه يجرها لدربه جر!!!
حمدان- خليه يدق لين يشبع ....!!هااه شووقه ..حبيبتي ...عجبتك هديتي ..؟؟
الجوهره- رد!!؟؟يمكن ...؟؟يكون هو؟؟!!!علمه ..وخلنا نطلع بسرعه ..لا يشوفنا!!!
حمدان- عليك تفكير ؟؟!!!شيطاني!!!الا وينها هي!!!تدرين احسبها ...خويته!!!
وقف الدق ...وعين الوليد على..مكان ماسمع الصوت ....
دق من جديد وسمع ..نفس الاغنيه من جديد..
وكانت اغنية بيلامو...لأنريكي غليلاس..
مشى ...لين وصل ..وماكان يسمع الادقات قلبه ...
ومايحس الا بنار قايده بجوفه .....
نادى القرسون ...وطلب منه ينادي ...الي جوا المكان ..
................
سعد ناظر ساعته – تأخر الوليد ....غريبه !!!
نجلا تأملت – يمكن مب جاي!!!...يلا اطلب ..بس..خلنا ناكل ونمشي ..مت من الجوع ....!!
سعد- طلبت من شوي ...خلني ادق عليه ..
توه يضغط اتصال ..علا اسم ...ابو محمد..
الا سمع ..صوت دبج ...واصوات معترضه
نجلا- بسم الله وش فيه؟؟
سعد- يمكن هوشات ...عيال ...اقعدي ...لا تطلعين خلني اشوف !!!!
شبكت يدها ...- سعد وين ؟؟؟لا تروح خلك منهم !!!
سعد غمز..بعينه- تعرفين اخوك حباب اخبار!!!..
ابتسمت ...وسهت ...بجروحها الي ...تصرخ ...تبي ...تلتأم وعجزت!!!
......................................
طلع سعد ...وقرب ...وشاف ...الوليد ...يضرب واحد ...والمدير ...يطلب منه يوقف ....او يخرج برا ...
المدير- لو سمحت ....ياستاذ ..حلو مشاكلكم برا ....
مارد الوليد ..ويدماسكه ..جيب ..حمدان ..والثانيه ...تضرب...وتضرب
سعد قرب.بسرعه..وحاول يكون بينهم ....- الوليد ؟؟!!خف يارجال ....وتعوذ من ابليس!!!
الوليد ماسمع لسعد ....وكانت انفاسه تفح ...ضغط على رجله ..كثير ..ولا همه....جواه نار ..ولا زم يطفيها ...
سحب حمدان برا ....
سعد لحقه- يابن الحلال ....اتركه ...!!الرجال بيموت بين يدك !!!
الوليد قرب حمدان من وجهه- تعرفها هااه!!!يالخسيس!!!وعطاه ..بكس ثاني ..وثالث..لين تهاوى على الارض...والجماهير متجمهره ...وكلهم يتفرجون ...
ارخى الوليد نفسه ..بيسحبه ..من جديد ...وجا سعد بينه وبين حمدان ...
سعد- تعوذ من ابليس!!!وش فيك!!!ومن ذا!!!
عيونه ...لمحتها ....وجمدتها مكانها ....ياويلها ....منه ياويلها .....
الوليد- وخر ياسعد!!
سعد- ماني موخر!!لين تتعوذ من الشيطان !!!لميت الناس حولنا!!!
ابعده الوليد ...وسحب حمدان الي يون ...
الوليد بصوت هادي ...وواطي- مين الي دزك ...ياحيوان!!!تكلم!!!
حمدان- ا..ا....ن...ااااا.....رفع يده يأشر ..لشخص .....وكمل .......
حمدان- شوووو....ق!!!.....ه..رماه الوليد والتفت ..وكانت هي ...ماسكه ...لثمتها وترتجف......
.................................
طفشت نجلا من الانتظار ....
نجلا- اففف!!!وينهم؟؟؟!!!!
جا الاكل ...والضجه اختفت .....وسعد ماجا ...والوليد شكله اخلف مثل العاده ...او يمكن اقتنع ..من كلامها ...وحس!!
..........
قرب منها الوليد..يعرفها ....ويعرف هالعيون الخبيثه ....
الوليد- استري وجهك ..فضحتينا!!!اوسودتي ..وجيهنا!!..!!!
سعد يراقب ...الي صاير ....اكيد تقرب للوليد ....يالله ان تعافينا ولا تبتلينا....
ابعد عنه...ووقف...قلبه ...حس بضيقه ...التفت من جديد...يبي يشوف عيونها ..هي نفسها
شاف الوليد يامرها تتحرك....ويكلمها بصوت .واطي...
قرر ..يبعد هالعيون ..الي تراقبهم بشغف...
سعد- يلا كلن على ...المكان الي جا منه ..وش تشوفون !!!...
تفرقوا الجمع والي يضحك ....او يتمهزا ..او يقلد الوليد بحركاته ..عادي !!
دايما تسير بأحسن العائلات .....والضرب .بالاماكن العامه ..متعارف ومتعود عليه .....
وفجأه التفت له الوليد...
وكان يتكلم ...ولا سمعه سعد..
رجع له ..وقرب ...
سعد- ماسمعـــــــــتك!!
وبنفس اللحظه
..ماانتبه لحمدان الي ..قام وناوي للوليد نيتن قشرا .....
ركب ..حمدان سيارته وشغلها بسرعه ...وهو مقهور ...اوريك ..ياثور!!!!...
اوريك ..!!!الدم مغطي وجهه ....حرك سيارته ...واتجه له ...وعليه وعلى اعدائه !!!
مب حمدان ولد مبارك الي ينظرب...!!من مين ماكان!!!!
دعس فرامل ....والشياطين راكبته من ساسه لين راسه ...
وصرخة الجوهره ...سمعها الكل ....
.....................................................
نجلا- اف!!!ياربيه ؟؟سعد وينه!!!؟؟..الاكل جا ..و برد!!..قررت تطلع تشوف ....وينه ....
لبست ..نقابها .....وطلعت ...دورته بالمكان مب فيه ...
طلعت ...وجرت رجلها وهي قلقانه ..وهلكانه بعد !!...وقلبها ..مقبوض..
وهاااالها الي شافت!!
رفعت يدها ...لوجهها....الناس متجمهرين ....والي يكلم ..والي يصرخ يطلب الاسعاف ...وهذا الي يصرخ ..
صوت
الوليـــــــــــــــــــــــــــــــــــــــد
ركضت ..لمكانهم ....
وانفتحت عيونها للأخر ....وتسارعت انفاسها ..ودوت صرختها تعلن حظورها ...
اخوها....مرمي ...على الارض...ودمه ..سايح ...وشماغه ...بجنب راسه ....شافت الوليد ...شماغه ...طايح ...و.ضاغط بيده على مكان ينزف ..دم سعد منه ....شافته ...وعيونه ...زايغه ...تناظر في الفضا ....
نجلا برتجاف...- ســــــــــــــــــــعد!!!!!!!!..سعد؟؟؟؟وش فيه اخوي ؟؟؟؟
الوليد شافها وقام ....ويده ..متلطخه بدم سعد ...يعرج كان ....
قرب منها وهي تصارخ ...بأنفاس ..مكتومه ...عجزت الاوتار ..تكوّن الصوت ....
الوليد- نجلا اركبي السياره ...
نجلا ناظرته- اخوي ؟؟؟اخوي وش صار له؟؟؟!!!اخووووي!!!!!..وخر !!!وخر ..!!!ابعد ....دزته ...وراحت لسعد ....وشافتهم يشلونه ....ويركبونه سياره ....
التفت للوليد...
نجلا- اخووووي؟؟؟سعد!!!وين بياخذونه!!!!وين؟؟!!!
الوليد بيروح ولا يقدر يتركها ....- بيودونه المستشفى ......قرب منها ..ومسك كتوفها يهديها ....
نجلا نفضت يده- اخوووي!!خذني له .....خذني!!!!!ودني لسعد....
ناظرها ...والتفت للحقيره ....
الوليد بصراخ- امشي !!!اركبي!!!!!
جت الجوهره .....وركبت بسرعه ....
وعيون نجلا .مذهوله ...
مسك نجلا ...بحزم ....الوليد- تعالي ..اركبي!!!
نجلا التفتت لسياره سعد- لأ بستناه ...هو قال بيجي!!!رح انت!!رح!!..
الوليد- نجلا سعد بالمستشفى الحين !!!اركبي لا تجمعين الناس علينا ...سحبها ...وهي تهذي ....بسعد .....
رجع بسرعه ...وعطى رقمه ...لأحد ..يوصله للشرطه ....ان جت ....
دخل وهي تهتز ....وتشاهق....وتتكلم ..
نجلا- كله منك!!!!كله منك!!!ليتني ماعرفتك!!!ليتني ..ماعرفتك!!!
مارد الوليد ....وشغل السياره .....همه يوصل ..هالتبن الي معاه ....ويلحق سعد .....
.................
الجوهره ..ماتصورت ان هذا كله يصير .....ولا حسبت حسابه ....اثره اخوها !!!..
ياويلها ....ياويلها ...شافها الوليد ....وش ذ ا...اليوم ..الاسود!!!
مسكت راسها تخيلت عمانها يدرون ..بيقطعونها قطع ....ذكرت عمها راكان .....
............................................................ ..................
قصر الوليد
ام سلطان- والله عاد ...انا حاسه انه بيجي !!!مدري ليه!!
سمر تعترض- يمه ماقلت لك ..لا عاد تحسين !!!طب علميني ماقالك قلبك ..اني بعرس قريب!!!
ام سلطان طفشت من هذرتها – لأ.....وتوك بزرن على ذا الهرج!!!
سمر- كل هالعقل الي فيني !!!وصغيره!!!لآلآلآ...زعلتيني منك ياماما!!!
ام سلطان- اقول ...اخلصي تراتس صجيتي راسي ....
سمعوا صراخ الوليد .....
وفزت ام سلطان .....- بسم الله الرحمان الرحيم ...!!! وش فيه ياوليدي!!
ركضت سمر ..لمكان الصوت عند المدخل ....
الوليد دخل يدخل الجوهره وبيرجع لنجلا .....
سمر- اهه...الجوهره؟؟؟وش جابك مع الوليد؟؟؟..انتبهت للدم الي بيدينه ....وانخرست ....
ماردت الجوهره .....وهي ترتجف ....
الوليد- سمر!!!خلي امي توديها لبيت عمانها !!!
وطلع بسرعه ولا لحقت عليه ..ام سلطان ...الي يوم شافتها الجوهره ركضت لها تصيح
الجوهره- خالتي !!!خالتي !!!الحقيني!!!
.....................................
رجع لسيارته ...وهو عينه عليها ....ركب ..ومسك يدها ....
الوليد- نجلا؟؟!!
ماردت ....وحرك .....وطلع .....
من قصره ...
نجلا ..مات فيها الصوت ....اخوها !!!اخوها!!شافته ..بلا حراك ...وبلا قوه ....والسبب مين السبب ؟؟
هو السبب !!من دخل حياتها ....حبه ماجاب لها غير السواد...
بتتكلم عجزت ..بتصرخ عجزت....دموعها انسكبت ...وبداخلها ..كرهه للوليد ....وللجوهره ....وللكل!!!!
وصل الوليد ....لأقرب مستشفى ...للمطعم ....
نزل ...والتعب شال فيه كل احساس ....حتى عصاه تركها ...سأل وصار سعد موجود ....
رجع لنجلا ...الي استغرب هدؤها بعد الصراخ الي شافه منها
الوليد فتح بابها- نجلا؟؟انزلي؟؟!!
ماردت ....
الوليد- نجلا ..يلا ..نشوف سعد!!!
الوليد- نجلا؟؟؟!!!
صوت على ..الممرضين ....جا بشيلها ..ماقدر يشد على رجله اكثر .....
جو خذوها ...ودخل وراهم ....وقلبه منغرف....وكلامها ...يسمعه مليون مره .....
............................................................ ............
بعد اسبوع
(انتهت مشاعري ....وأُؤدت...مع ولادتها .....قتلتها ....!!....قتلتها ....يا ..مرساً..كُنت لأحلامي ...ويابيتأً.....هُدّ..على ..جسدي...وقّطعني...ثم ..اهلكني....ثم انهاني
..!!...قتلتها ...و.غرست فيها ...كرهك ...من جديد....
كرهاً...قرر ان يقتلك!!!!ويدمي ...ايامك ...ومابقي منها ....)
مرت الايام الخمسه ...مكتسيها لون السواد .....
الجوهره!!...
لاتكن ولا تهجد....نفس الخباثه ....واللعانه...ونفس ...
الشرور.....مانتهت ...الي صار من صالحها ..محدن سأل ...ولا احدن عرف ...سر وجودها ..مع الوليد ...
الوليد!!
لا ارتاح ....وسيوف ...الندم ..تذبحه الف مره باليوم .....قبل ...شهرين ...دفن ابوها ...
والحين
دفن ...اخوها ...وهو الي ..كان المقصود....
.وهي!!
هي ...ماهي ..هي!!!
هي ..جسم بلا حياه ...
هي ....آهات ....موجوعه ....مختفي منها كل صوت
هي.....مجموعة ..حُطام وكسور....
هي .....عذاب ..متكتل ....ومتجمع...ومالقى له طريقن يتبعه..
............................................................ ...
سعد!!
مــــــــــــــــــــــــــــــــــــــــات
واختفى من الوجود...
انتهى عمره ...ولفظ انفاسه ....وتركها ...لظلام الدنيا ....والذياب الضاريه .....
تركها ..لنفس ماترحم اذا ...انعمت ...
تركها ...لنفس ...فيها الفجور ...تمادى ..
تركها لنفس ...أماره بالسوء.....طغت وتجبرت ...
تركها
واختفى
من
الوجووووووووووود
............................................................ ...................
اسبوع ثاني....مُر ...مثل العلقم ....مر على الجميع ...
بالمستشفى
وبغرفة نجلا
جسم متكور ....وخايف ..ويتلفت ..هينا وهيناك....وشعر ....سايح ....مغطي ..ملامحها .....التايهه....وعجز ..يخفي ...رسم ...التشتت ...والضياع ...والرهبه ..والخوف ....
جسم ...مر عليه ...18 ربيع...لا زاد ولانقص...
جسم....هدته ...النفوس الضعيفه ....
جسم هدته ...الشكوك...
جسم..هدته..فرقى
اغلى الحبايب..
تقدمت منها ..ممرضه ....بتحقنها ...ابر مُهدئه...وذا حالها من ...شافت سعد ...متمدد...ويوم...سمعت...صوت ...الكريهه...
يبلغها
بوفاته..
حركت يدها ..وهي تصارخ ...تبي تبعدها ..
شلتها ...الابر...
يدها ...كلها ابر ...
.......
الوليد سمع ...صوتها من الممر ...وهو جاي ....
دخل
الوليد- ابعدي عنها!!!
سمعت صوته ..وزاد صراخها ....هو ممنوع من زيارتها ....بس ..ماقدر يتحمل صوتها ..وخوفها ....
نجلا رجعت للزاويه بهستيريا- روح!!خلوه يروح!!!خلوه يروح!!!...مدت يده للممرضه ...وشدت ...على يدها ..
وتكلمت ....برتجاف...
نجلا- حطي ابره ....بس خليه يروح!!!خلوووه يرووووووح .....خلوووه يرووووح.......
دخلوا الممرضات ..وحاولوا يمسكونها .....ويسدحونها ....وهي تصارخ ....تبيه يطلع ....
والمسؤله عنها تكربت ..
الممرضه- ممكن ..اتلأ...برا....سير ...
دخلت ممرضه سعوديه- خير ...اش فيها نجلا؟؟..شافت الوليد..
الممرضه- استاذ لو سمحت الله يخليك ...اطلع !!!كم مره ...قلنالك ...انت تزيد انهيارها ...
وقف مشدوه...اول مره يشوفها وهي منهاره ....عيونها ..النجلا بتذبحه...
عيونها ...فيها اتهام..
فيها ..كرهه
فيها ضياع
فيها انكسار
فيها خوف
فيها
الــــــــــــــــــــــــــــــــــــم
الممرضه السعوديه بصوت حازم..- استاذ الوليد...لو سمحت!!!!!
التفت لها ....بتوهان...
الممرضه السعوديه- لو تكرمت اطلع!!!
جر نفسه ....لين ..وصل للباب...والتفت لنجلا...
شافهم كيف ماسكينها ...ومثبتينها ...وهي تحرك راسها ...وتصرخ .بأعلى الصوت
اكرهك
شد على يده ...لين ابيضت ..وغادرها كل لون ....
اول مره يحس...بحرارة ...الدموع..
اول مره ...تحرق ..جفنه دمعه..
اول مره ...يذوق ...ملحها ...ولسعة...حرّها
طلع ...تساند على الجدار .....
وغمض عيونه ....
طلال يمشي ...لاحق الوليد....ويوم شافه بهالحال...
وقف...عمر ..اخوه ماوصل هالمواصيل ...
قرب منه ....سمع الوليد خطوات ...شخص يقرب....رفع يده بلاشعور ...يدور الدمعه يمسحها ...مالقاها...جفت من ..حر ..مايوجس...
طلال- هااه الوليد...بشر!!...
الوليد- زي ماهي!!!..
طلال- ماكلمت الدكتور؟؟
الوليد وقف واعتدل- وش بيقول؟؟نفس الكلام يعيد ويزيد فيه ..!!!
طلال- لا تيأس..يالوليد ...الا بقولك؟؟
الوليد رفع يده- لا تجيب طاي ..اي شي...ماني ..فايق ...لأي موضوع!!
طلال- بس!!
الوليد- بروح للدكتور....مشى وترك ...طلال...يتبع ..اثره بنظراته .....
................................................
قصر الوليد
سلطان- وش ذا الكئأبه عندكم!!!خلاص الرجال ..ومات ...ليه وجيهكم تسد النفس!!!!
رفعت سمر راسها ...وناظرته- توه ميت ...ونجلا ..مازالت في المستشفى !!!
سلطان- اقول روحي ..عني ..انتي ...والنكد الي ...مو لايق لك!!!..قومي جيبي شريط ..نشغله ..ونرقص!!
رنا بحقد..وعتب- سلطان ...!!..كلنا نحب نجلا ....نزلت دمعتها ....وانكتم صوت ...لسانها ..ونطق بعده ..قلبها ..وانا ...حبيت ..سعد!!!
سمر التفتت لرنا- ...مسكينه !!...كل ماجت تفرح ....هرب ...الفرح ...منها!!!
سلطان- ههههههههه......تكتبين ..خواطر ...!!!...
التفتوا له ...وماعطاهم فرصه يتكلمون..
سلطان- افففف....ليتني مارجعت!!!شكلي ....برد ...للوناسه!!!!
بعد ماطلع ...
سمر- هذا ..مايحس!!!..
ماردت رنا ...تبكي ..حبن ...برئ...بوسط المهد ....
مات...واندفن...
دخلت ام سلطان ...
ام سلطان..بعبره ..- ...الله يهديكن ...لا عاد تبكن!!!...وجعتوا قلبي...
رنا- يمه ...نجلا متى ..نجيبها ؟؟
ام سلطان- مدري ..ياحبيبتي ..يانجلا....الله يرحم سعد ...ويجازي الي كان السبب..!!!
سمر..ساكته ..مازالت ..ذكرى اليوم ..الاسود ...تمر عليها ...
وسؤال ...يكرر نفسه ...
الجوهره ...وين مكانها من الي صار..
..............................................
قصر الجد
محمد
ساره- الله يكون بعونها ...
حنان- شفتي كيف تغيرت ؟؟...مب نجلا الي نعرفها !!!
ساره- ياختي ...تحسبينها سهله!!!شافت سعد ..وهو ...دمه سايح ومصدوم!!!
حنان- ...الله يصبر ...ولد اخوي ..حتى هو ..حاله تغير!!
ساره- مرته!!..ويشوفها كيذى ...!!...زين انه متماسك الى الان!!!
حنان- الرجاجيل ..ماعليهم ...ياخوفي ..ينساها ...بعد فتره ..خصوصا اذا تمت على هالحال !!!
ساره- لآلآلآ مستحيل ...الوليد غير ....!!!....
..................................................
بيت جدان الجوهره
ماسكه تلفونها ...كالعاده..
دالال- ومرت ...ولد عمك ..نجلا ..كيفها!!!
الجوهره- المجنونه!!!...زي ماهي وكل مالها تنجن!!!!
دلال-...تخوفين يالجوهره ....كلامك ...عنها ..يخوف!!
الجوهره بغموض- هههههههه......وليه ؟؟هي ...بدت ...وهذا ..عقابها ...!!
دلال- كيف ..عقابها ؟؟؟ليه انتي الي جننتيها!!!..مب فيها انهيار؟؟
الجوهره- ..الا الا انهيار ...لا تعطين كلامي بال ...خلينا منها .....وين جمعة البنات ...اليوم ...؟؟
.....................................................
بيت ابو ...خالد
ام خالد- ...هااه يابو خالد ..متى معزمين ..تروحون لبيت اختي!!؟؟
ابو خالد- والله اني هالايام مشغول ...اجليها !!
ام خالد ..بنرفزه ..-..الله يهديك ..يابو خالد خير البر عاجلوه!!!!
ابو خالد- مرت الوليد بالمستشفى ونسيبه ..ماله اسبوعين متوفي ...!....وامي ...بمكه ...مب فيه .!!
الحال مايشجع..
ام خالد- انتوا ..الحين ..تكلموا رسمي!!انا اخاف نجد تروح من يدي!!
ابو خالد- ان كان لنا نصيبن فيها ...بناخذها ...
ام خالد تحلطمت .....
ابو خالد- وين خالد؟؟
ام خالد- طلع ..معها ...لو تشوفه ..كنه ..طالع مع ام عياله؟؟!!!
....................................................
بالمستشفى
خالد شاف طلال ..واقف..- هاذي غرفتها ....
رانيا- يلا بدخل لاتروح ...شوي وبطلع ...
دخلت رانيا ...على نجلا ...تزورها ...
بس كانت ...تون ..وتهذي ...بسعد ...
قربت منها ..ومسكت ..يدها ...
رانيا- سلام دكتوره
الممرضه السعوديه- هلا عليكم السلام ...
رانيا اشرت على نجلا بهمس- كيفها الحين ؟؟
الممرضه- والله ..حالتها مستقره ....اي مرض عضوي مافيها ..حالتها نفسيه ....
ناظرتها رانيا من جديد ....ووخرت ..بعض الخصل عن وجهها ...
............................................................ ...
بغرفة ..الطبيب المسؤل
الوليد- وبعدين يادكتور ...الى متى تاخذ مهدئات!!؟؟
الدكتور- المدام معها انهيار ...عصبي شديد ....وتفسيره واضح ....فقدت ...انسان غالي عليها مثل مافهمت منك ....تتكرر هالحالات ...دايم ......والمريض فيها ....ينهار اولا ...لأنه مايبي يصدق حصول الي يكره....
بس الي ماني قادر افهمه ...انك انت ..تسبب لها ..حاله ..خاصه من انهيارها ..كل ماشافتك ..رجعنا لنقطة الصفر ...ممكن اسألك سؤال؟؟
الوليد عارف وش بيقول- تفضل ..
الدكتور- يوم وصلت كان فيه ..كدمات ...على ذرعانها ....وهي اثار ..احد ضاغط على يدها ...ممكن اعرف من ايش؟؟
الوليد سكت ..ومارد ....
الدكتور ..-ياستاذ الوليد ...فيه اساليب غير العنف تعامل فيها المرأه.....ولا تنس قول الرسول ..صلى الله عليه وسلم ...(رفقاً بالقوارير)
الوليد مو ناقص ...يزيده ..ذكرى ..وندم- عليه الصلاة والسلام ....طب متى اقدر اطلعها ؟؟
الدكتور فهم تسكيتته وتغير الموضوع- الى الان ..مقدر اقولك خذها ...خلها كمان اسبوعين ..نشوف حالتها ..لوين توصل ؟؟!!
..........................................................
مسحت رانيا بمنديل ..دمعه ...نازله من عيون نجلا ....ونست دمعتها ...الي ..نزلت ..على خد نجلا...
سمعت جوالها يدق ...ودق قلبها معه ....اكيد النتيجه طلعت ....
خايفه كانت ...من المجهول ...
رانيا- هلا خالد..
خالد- اطلعي بسرعه ....بسرعه ...
طلعت ....له ...
رانيا- وش فيك؟؟طلعت نتيجة التحليل ؟؟
خالد- ..ياقلب خالد انتي ....وش ...تتمنين ؟؟بنيه؟؟ولا ولد؟؟!!
ارتجفت ...بفرح ..مكسور- حامل؟؟؟
خالد- ايه حامل؟؟؟وفيه شي بعيد عن الله!!؟؟
مسكت يده .....ولا انتبهت ...للوليد ....الي ..سمع ...ولمح فرحتهم ..
رانيا- ونعم بالله ....بس ..هو بيتم؟؟اخاف يطيح؟؟
خالد- وحتى لو ..ماربي كتب نجيب عيال ...انا احبك ..وعنك مستحيل اتخلى!!!
سحب نفسه ورجع ....وطلع من المستشفى ...كله ....طلع والسما ..الزرقا ..بالنسبه له ...سودا ...وغيومها ..شحيحة مطر ....مثل السعاده بدنيته ...ودنياها ....
ركب سيارته .....وهو يذكر ...كلامها ...الي قالت ...
ماخسرنا ..يالوليد!!مو تقول تحبني؟؟؟وحتى انا ..احبك!!يعني كسبنا ...خلاص!!نرضى ..بالي قسمه لنا ...ماتدري؟؟يمكن؟؟يجازينا ...بشي اعظم ...
ضرب الدركسون ..متحسر ...هو الي ضيعها بيده ..ورفس النعمه برجوله ...
تكلم بصوت مقهور ومضطرب- ليه مارضيت يالوليد؟؟؟وحمدت ربك ؟؟؟!!!ليه؟؟؟
شغل سيارته ....ودعس فرامل ....وهو ضايع...وين يروح؟؟؟وفي البيت يشوفها بكل الزوايا ..يشوفها بعيون رنا ..وبعيون سمر ...وبعيون ام سلطان .....يشوفها بعيونه....بعد...
.......................................
بيت ابو خالد..
خالد- يبه !!!يبه!!وينك!!؟؟
ابو خالد- هينا يابوك ...اقصر حسك وش فيك؟؟؟
خالد دخل ...فرحان ...عيونه تنطق فرح- يبه ...رانيا ..حامل!!!!
ام خالد- ماجبت جديد ...بيطيح مثل غيره ؟؟!!
ابو خالد- الله يثبته يابوك ...ويتمه!!!
رانيا- تسلم ياعمي ...
ام خالد- الله يتمه !!!...الخوف يزلق مثل الباقين!!!
ابو خالد- ام خالد!!!خلنا نفرح ...ولا افرح ..حرام علينا!!!؟؟
سكتت ام خالد ..توها تقدرنه ...على روحتهم ...وجا هالخبر ...وشكله ..انهى ..مخططاتها ...
ام خالد- والله كلنا نبي نفرح ....بس ان ماتم !!لا تلومينا ...ان زوجنا خالد!!!
ارتيكت رانيا ...متعوده تسمع هالكلام ..والتهديد...بس الرب كريم ....زادها ..قوه ..وايمان ...بالمكتوب ...والمقدر....
خالد- بحز نروح ..لندن ؟؟
ام خالد- وليه؟؟؟تراها حملت مثل العاده ..ما ولدت!!!
خالد جلس جنب امه وباس راسها – يايمه ..ياحلوة اللبن ...بنروح هيناك الدكتور الي بيشرف على حالة رانيا ...
ام خالد رفعت يدها لصدرها- ياويلي!!!يعني بتروح ...تقعد هيناك لين تولد!!!!
خالد- الله يسمع منك ..ومن لسانك الحلو يمه ..وصدق تولد!!!
ام خالد شافت فرحته ..مرسومه ..بوجهه قبل عيونه ...ومابغت تكسر خاطره ..
ام خالد- آمين ...ياحبيّبي آمين!!!
............................................................ ....
بيت الجد ...
محمد
امي نوره ..- خذي دقي على الجوهره ..ماشفتها لي فتره ...ابس اسمع صوتها ..
ساره خذت الجوال..ودقت على جوال الجوهره ..
ساره- ماترد يمه !!
امي نوره – دقي على بيتهم ؟؟
طلعت ..ساره رقم البيت ..ودقت...
راكان كان بالمكتب ...حقه بالبيت ..شال التلفون على طول ..
راكان- الو؟؟
ساره ارتبكت ...تعرف صوته ....لما كان يطلب اديب على البيت ...
راكان- او؟؟
ساره- الو السلام عليكم ..وين الجوهره ؟؟
راكان ..قطب حواجبه ..- لحظه؟؟
ذكر الصوت ...بس مو متأكد..
راكان- من يبيها ....
بسرعه ..ساره عطت الجوال لأمها ....
امي نوره- وش فيتس انرجيتي الله يهديتس!!!
ابتسم راكان ...
امي نوره- الوووو
راكان- يالله حيها ..
امي نوره- الله يحيي اصلك ...اخباركم ياولدي واخبار الوالده والوالد؟؟
راكان- بخير الله يسلمك؟؟ويعافيك؟؟!!
امي نوره- وجوهرتي ...المزيونه ..علومها ..ماسمعنا لها حس؟؟!!
راكان ضحك- موجوده تنط نط هينا وهناك....
امي نوره- عطني ايها وانا امك؟؟
راكان لحظه شوي؟؟!!
سمع امي نوره تكلم ساره- هذا راكان ماغير!!!ياحبي له ..احبه من ..حب اديب له الله يرحمه ...أيييه ليته من نصيبتس!!!
سمعها..ترد...
ساره- يمه كم مره قلت لكم لاتجيبون طاري العرس ..لا عاش ولا خلق ..الي ..يكون بمكان اديب!!!
امي نوره- اردى لتس ...يامي ...ليني راستس ...العمر ..يمشي ...
ساره- يمه خلاص ...الي يشوفك يقول ..يبيني!!!ولا منهبل علي!!!تلقينه باحلن حتى ..برسالتي ,,ومنحرج ..يرميها بوجهي !!!
حنان- ههههه......يمه قوليله ..ماياخذني انا؟؟؟
امي نوره- اسكتي ووجع!!!..ماتعطين اختس ...من ..هالفهاوه ...شوي!!!
............................................................ .................
فقد الاخ …غير فقد ..الحبيب …الاخ
ظهر …تستند عليه ..الاخت الكسيره ….وترمي بأوجاعها …عليه ….وتسكب دمعها بحظنه …بلا ..حواجز …او خوف ..
الاخ
هو الامان ..والصدر الحنون …
ونجلا
منعت ..الدموع ..تنسكب ..لكي ..لا ..تُحزنه ..
ومع ذالك
فقدته
ورحل
يانبضة القلب فزة خاطري
ياجرة الااااه باقصى ضامري
تمضي الليالي والزمن فينا يدور
ويبقى الشعور نفس الشعور
ياخوي ياعزوتي ياضحكتي وبكاي
يامن على فزعتي يمينه في ميناي
ياخوي يعزوتي ياضحكتي وبكاي
من لي سواك الي على كتاف ارتشي
لي خانني الوقت وخان فيني القهر
انت العضيد الي اشد فيه الظهر
ياخووووووي
ياخوووووووووووووووي
ياخووووووووووووووووووووووووووووووي
............................................................ ...................
من يوم ...ذرّوا ...التراب ....على ...توأم الروح
سعد
مر شهرين...اليوم ..نجلا ..بتطلع لبيتها ….
رنا وام سلطان ..وحنان وساره ..وسمر …مجتمعين …في بيت ..الوليد ..
ومشتاقين لشوفتها ….
حنان- ..تذكرون يوم …يجون من المستشفى ..انعاد اليوم ..مره ثانيه …
حنان- صرت اكره ..حفلتنا ..
سمر- ههههه والله الظاهر وجهك ياعمه ..شؤم عليهم ….لا تحظرين اليوم …
حنان- ياهي واحشتني!!!
رنا- وانا بعد …اشوفها بكل مكان …ماني متصوره البيت ..كيف كان من دونها !!!
جا سلطان ورى حنان ..وقرصها …
حنان- اوووووووووووووووو…..التفتت له وهو يضحك …
سلطان- ماهقيتك …ذروق!!!
حنان- سليطين!!!؟؟ابعد عني احسن لك؟؟
سلطان- اوف ….اوف …عصبيه والله!!!
ساره- لآلآ لاتجيني!!!ماحب القرصات!!!
سلطان- وش عندكم مجتمعين؟؟!!غريبه ..توم تحتفلون بزيارة ولد اخوكم!!؟؟
رنا ابتسمت – اليوم نجلا بتجي !!!
سلطان- أهاااا….وهذا كله ..عشان ..وحده ….عقلها …حرك يده ….علامة …للتخريف
ساره- استح على وجهك ياولد!!!واحترم مرت اخوك!!!
سلطان- اشوى ربي فكني ولا خذتها !!!!
طلع وهو يدن دن ..وماهمه ..مشاعر احد …..شوفته للوليد ..بالكم يوم …اشفت غليله …
شوفته مهزوز…
خلته يعيش احسن لحظاته ..لو يدري من زمان ..صرف ..سعد!!!...مو دفع عليه الوف!!!!
………………………………………………………………
بالمستشفى
مكتب الطبيب
الوليد- طيب يادكتور …النرفزه والتعصيب ..الحمد الله اختفت …بس حالة ..السكوت …الى متى ؟؟
الدكتور- اصبر ان الله مع الصابرين ….
احمد ربك ان حالات الهيجان خفّت ..بس مااختفت ..!!يعني ممكن تنتكس بأي لحظه …!!
الوليد- طب وهالمهدئات …ليه مانخففها ؟؟!!
الدكتور- المدام ياستاذ الوليد ..مازالت تعاني ..من اثار الانهيار …والي هي فيه هروب…من الواقع ….!!
شد الوليد شفايفه ….ليته معها يهرب …
الوليد- والحل؟؟
الدكتور- مالك الا الصبر …وبعدين …اقرا عليها ….وحصنها ….وخلها تقرا القران ..وان ماقدرت انت اقراه …وشغله بالمكان الي هي فيه …
(الا بذكر الله تطمئن القلوب)
الوليد- صدقت!!
قدم الدكتور وشبك يده- يعني الي بوصيك فيه ..اعتبر اني اقوله لواحد من عيالي ….
انا ..ودي …تحاول تحل ..او تغطي ..ولو قليل محل ..اخوها الله يرحمه …
هي الحمدالله خاليه من اي مرض عضوي ….الي فيها نفسي…مع ذكر الرحمن …والدعا ..لها بالشفا ..بتتحسن بأذن الكريم!!
……………………………………………………
دخل عليها ….وهي ..مكانها نفس ماتركها ..نفس الوجوم….ونفس …العيون الذابله ….
الوليد- نجلا؟؟
ماردت وذا حالها …قرب وحط عيونه بعيونها …
الوليد برجفه- نجلا؟؟متى ترجعين؟؟؟محتاجك انا!!!...سامحيني!!..سامحيني!!!
عيونها …عليه ومو عليه ….نظراتها خاليه من الاحساس ….خاليه من الحياه…
الوليد- نجلا …!!..بنرجع اليوم بيتنا!!...وبنسيك الي صار ……لمح دمعه ..طارفه ….ونازله ….من عينها …
الوليد- سعد الله يرحمه ..ويغفر له …
سمعها ..تهتز ..وتون
نجلا- امممممممممممممممممممممم……اممممممممممم..
سكت …ورفع يده لراسه …الي بينفجر ….
الوليد طلع من جيبه سلسالها …- شوفي ؟؟هاذا حقك ؟؟ذكرتيه ؟؟؟يوم ..تقولين الكلام الي احبه ..منك!!
ارجعي قوليه؟؟انطقي!!..حطه حوالي رقبتها ….بيدين ترتجف ….ولبسها ايها …
طلع ينادي ماريتا …تلبسها عبايتها …
رجع معها ..وشاف يدها ..ماسكه المهره …وتضغط عليها ..لين صارت اطراف اصابع يدها بيضا مثل الورقه…ابتسم …واختفت ابتسامته ..يوم شاف يدها ..تشده لين انقطع …وتركته ..يوصل ..للارض ….ودوى صوت ..سقوطه ..على الرخام …
الوليد- ماريتا ..لبسي مدام عبايه ..بسرعه واطلعي ..معها لاتخلينها …!!
طلع …وهو…مو مصدوم….كرهته !!خلاص!!بس مالها غيره !!وين يتركها ولمين ؟؟؟مكانها بقلبه …وعنده!!
ظلمها يدري!!ولا يستحق ..منها السماح …!!ليتها تفوق ..بيتركها بس تفووووق!!!!!!!! وترجع مثل الاول!!!
مخنووق …وفيه ضيقه ..كاتمته ….
……………………………..
ام طلال- وين ..موديني!!!؟؟؟لا يكون …بتاخذني …لخوك!!!ماابي اشوفه ؟؟!!..تتكلم …وهي تحرك يدها معصبه ….
وقف طلال ..عند مستشفى؟؟؟؟؟؟؟
ام طلال التفتت- ليه وقفت هينا؟؟؟اخوك فيه شي؟؟؟
طلال يناظر ..قدامه …- لا مافيه شي؟؟ وش بيهمك فيه يمه !!لو مات او حتى اختفى!!!!
ام طلال- فكني ..ياطلال من مواعظك ؟؟؟!!!انا جايه …الرياض ..لغرض معين ..وبرجع اليوم …ولا اي قوه ..تقدر ..تخليني اغير راييّ!!!!!
طلال- ناظري يمه؟؟
لفت براسها …
ام طلال- وش فيه؟؟؟ايش تبغاني اشوف!!!
مانتبهت …لشي محدد..
طلال اشر بيده- يمه …هاذاك ..تشوفينه؟؟
ام طلال – ايه وش فيه ؟؟اخلص بالا ..الغاز؟؟
التفت لها طلال وبهدوووووء- هذا الوليد!!!
لفت عينها بسرعه …لبقايا الوليد ….مو الوليد الي تعرف!!!
شعره ..واصل لرقبته …وشماغه على كتفه ….وجسمه ناحف …وكتوفه …الشامخه …مرتخيه …وشعر ذقنه مالي وجهه…
لفت لطلال بسرعه وبرجفه- هذا مب ولدي!!؟؟
طلال- توك تذكرين انه ولدك؟؟؟
رجعت عينها تراقب الشخص ….الهزيل ….لو ماكان يعرج ..كان ..شكت يكون هو …
شافته …يفتح الباب ..لحرمه ماسك يدها ….
ام طلال- ومين هاذي .الي ماتشوف؟؟!!.ام سلطان؟؟
طلال- يمه هذي مرته !!!....وهي مب عميا ..بس تعبانه شوي!!!
عم الهدوووء …وطلال وامه يراقبون سيارة الوليد …تغادر …
طلال- يمه؟؟!!تكفين!!!انسي ابوه!!!والي سواه!!!
انتفضت …بسرعه- وانت وش عرفك؟؟
طلال- ادري يمه ادري!!!وابوي يقصر!!!
ارتجفت يدها ….الي ماليتها التجاعيد ….
ولاردت ..
طلال- يمه …ليه تكرهينه ..على فعلن ..ماسواه؟؟..محد يشيل ..حساب احد …عند رب العباد!!!
ام طلال- سق ورجعني الفندق!!!
شد بيده على الدركسون ..مافيها امل ….!!!
طلال- يمه اسمعيني!!!
………………………………………………………..
الوليد وقف عند محطه ….ونزل يبي يكلم …
رنا- اسكتوا الوليد يدق!!!..الوو هلا خوي؟؟
الوليد- هلا رنا ..اسمعي …ابيكم تشغلون …صورة البقره ..بكل البيت ..وحتى بغرفتنا ….طيب!!!..
رنا- ابشر من عيوني ….نجلا …زينه؟؟
الوليد مارد لأنه سكر …..يوم شاف ماريتا تأشر بيدها ….راح لجهة نجلا بسرعه …فتح بابها ….
وشاف الدم …يطشر من معصمها ….ومعبي المكان ….بلحظه ..كل هذا صار ….
الوليد- وينك انتي عنها؟؟!!!خذى شماغه ولفه حول معصمها ….وسحب من يدها الثانيه …مشرط …كان بدرج السياره!!!!
رماه …برا..وسكر الباب …..
وبعجل ..ركب …ورجع للمكان الي جا منه !!!
……………………………………………………
عيونها ….تناظر في الفراغ الي تركته سيارته …وطلال صوته ….بعيد ..حيل بعيد ….
هزتها ..شوفة ولدها …كسير ….
صح ..كرهت …وجوده بحياتها ….بس تشوفه ..
كيذى؟؟؟!!!
ام طلال- شوفه رجع؟؟!!!!
التفت طلال …وشاف سياره الوليد ….توقف ..وهو ينزل منها …بسرعه ….
نزل طلال …..بسرعه ..وراح لأخوه ..
طلال- خير وانا اخوك ….؟؟
الوليد بعصبيه ورجفه…ولسان مفلوت- مرتي ..مب طبيعيه!!!!!..جرحت نفسها !!!تبي تموت!!!!
سمعته …..وبدت …..تنهار ….وبدى حسها يرجع …بس يصرخ!!..بدون كلام محدد…
ام طلال
شافت ..عيالها …وشافت الوليد يحاول يسيطر ..على البنت الي معه …طلعت بسرعه ….
وراحت لهم …
ام طلال- وخروا .. …وخروا ..اشوف البنت!! ….
جمد الوليد ….ووقف ….والممرضين ….جابو سرير ..وحطوا نجلا عليه ….وخذوها …..
وقف الزمن لحظات ….
واختفت ..صرخاتها الموجعه …
اشتبكت …نظراتهم ….
انفاسه كانت تسابق الريح ….
والتعب اخذ منه كل مأخذ …
غمرها شعور ….!!!...مؤلم!!!حيل ..يألم ….لشوفته …مهدود…
جات ممرضه تناديه ….وهي مسرعه ….
انتفض ..وذكر نجلا …وتركهم ..وعيونه …انوجد فيها ضياعن جديد ….
……………………………………………………….
وقفت ...جامده ....
بس ..داخلها ...
سمعت ..صوتن يناديه ....
صوتن ....من ..اصل الوجود.....وقبل ....يتكون...ويكتمل ..داخل رحمها
خنقته ...
طلال بتوتر- نروح يمه؟؟
التفتت له ..
ام طلال- خذني!!....له!!
...................................
الوليد...يجاوب ..عن الاسئله ..الي توجه له ....
وعينه ..مافارقت ....طيفن سكنها ....
قرب منهم ..ومنها ...هاديه ..ومستكينه ....
عطوها موهدئات ....سحب شماغه ....المتلطخ بدمها ...
وضغط عليه ....
فضلت ...تموت ..على قربك ..يالوليد...
حتى ..وهي ..ماتحس ...تكرهك!!!
حتى وهي ضايعه ..تكرهك!!!
مد يده ...ومسك يدها ....البارده....حظنها بكفه...يدفيها...
سمع الدكتور من وراه
الدكتور- رجعنا للصفر!!
لف الوليد له
الوليد- ليه؟؟؟رجعنا للصفر ليه؟؟؟دكتور ابي افهم؟؟!!
الدكتور شاف فيه مستمعين جدد- تعال ..مكتبي...
انتبه الوليد لوجود ....انسانه ..حملت فيه تسعة شهور ...
وتخلت عنه ..اربع وثلاثين سنه!!!
الوليد- تكلم دكتور مافيه غريب!!
ارتجفت يد ام طلال ....وضغطت بأصبعها ...على ...سير شنطتها ...
طلع طلال ..برا ...
الدكتور هز راسه- انت اساس المشكله ....وهذا الي استشفيته ...من فعلها !!لازم تبتعد ...عنها خلال هالفتره ...ولاتخليها تشوفك!!
حتى المكان ..الي ..كانت عايشه فيه ...لا ترجعها له ...اي شي يذكرها فيك
خلها تنساه!!
اصابعه ...ضغطت ..على ...شماغه ...وعفسه بين يده ....
الي ..يصير ..فوق الاحتمال ...
يطلبون منه ...ينسحب ..من حياتها ...ويختفي
يطلبونه
يمحي اصل وجوده ..بدنياها ...اهتزت شفايفه ...وتوترت ...ملامح..الحُر الاصيل..
هذا جزاة ..شكه ..وظلمه ....لها..
هذا جزاة رفس النعمه ....
هذا جزاة ...الانصياع ...ورى....شياطين ..البشر ....
وتكذيب ملاكه الوحيد...
لف وناظرها .....وين اوديك؟؟؟ومع مين اخليك؟؟؟
مقدر ارجعك لمرت ابوك!!!ولا اقدر ارجعك ...عندي!!
وين ؟؟؟؟؟
طلع الدكتور ....وتركهم ....
ترك الوليد محتار ضايع ....
وترك امنّ...تعب الصوت يصحيها....
راح الوليد وقف عند نجلا.....
سمع صوتها اخيرا ...
ام طلال- هاتها عندي!!!
التفت بقوه ...نسى اصلا انها موجوده ....او تناسى ...
فتشت ام طلال ....وعيونها مدمعه....
جرحها في الصميم ....بنظرته....
ام طلال- مو يقول ..لازم تروح لمكان ...ماتذكرك فيه؟؟
خلاص..عندي ...وعند خواتك!!....ترددت.....جبها .ياوليدي!!!
جر نفسه للكرسي ..الي بجنبه ..ورمى بثقله ..عليه .....
الوليد برجفه- ياااااااه!!!وليدي!!!؟؟رفع راسه ..وناظرها ...بعتب ...يبي يجرح ...بكلمته
شين فيها ....بس يوم شاف نظرتها عجز!!!
ام طلال قربت منه وهي ...تحس تجاهه...برحمه ..شفوق-..وش صار لك يالوليد!!!وش خلاك توصل هالمواصيل!!!
وخر عينه عنها ...وحط راسه بين ايديه .....يحس انه بينفجر ..مخنوق ...وده يصيح ...وده ينوح .....فيه شي قابض ..عليه ..وفيه....ضيقه ..تكتم انفاسه .....
احساس كئيب ....كاسيه .....وغريب....توقع بشوفها ..وقربها يفرح...
لكن ...صار غير ..الي يبي!!
ام طلال..مسكت يده ...وضغطتها ....وارتجفت شفايفها ....
حقدت على نفسها ..وعلى كرههها ..له ...ولدها...قطعه منها ....ليتها ..اختفت من الوجود ..ولا شافته ..كسير ...
ام طلال- يابوي ...وامي.....وش الي مضيق صدرك؟؟!!!
كانت هاذي ...الكلمه ...الي ...كسرت ..كل الحواجز .....
بلا شعور ....مسك يدها ...الرحوم ...وباسها ..وهو يهتز ....من ...الظلام الي ...يشوفه.....
بكل مكان...
وقفت ام طلال ....بجنبه ....وهي تبكي ولدها ...الضايع ....
حظنت راسه ....وضمته ....وهي تسمع انينه ...
انين ..طفلن ..انحرم ...من ...ابسط ...حقوقه ...
انحرم
من
حب الام
وعطفها ..
............................................................ ................
قرائه ممتعه
وش تتوقعون
الايام
تخفي
لنجلا والوليد
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
التعديل الأخير تم بواسطة فراشة الوادي ; 11-08-08 الساعة 07:13 AM
سبب آخر: تصغير الخط
|
16-02-08, 09:37 PM
جديد مواضيع قسم الارشيف
العرض العادي
