كاتب الموضوع :
قال الزهر آآآه
المنتدى :
الارشيف
الجزء الخامس
الفصل الثاني
...مشت ...بتدخل ..والجوال ..بيدها ....تبي ..توصل لمكان ...ماتشوفها فيه عيون ....
دخلت ..وراحت بسرعه لجهة المصعد ....
رفعت ...الجهاز....
وقرت ..المكتوب....
الى ...قرة العين
الدعاء...اعذب ..نهر...جرى ماؤه...بين ...المتحابين...في الله ..
ولأنك جزء منّي....
ولأنني احبك
اهديك من عذوبته
"بارك الله لك..ورزقك..قوة..الهمه...وفرج همك...وكربك...واعطاك اجمل ..مافي الدنيا ...والآخره...
وجعل مستقرك ...الفردوس الاعلى ....
راضيه ....عليك....
دقيت ...واحنا ..بالطياره ...
ومافتحت الجوال ...الاالحين...
............................
بحركه سريعه ...وبفضول ..اكبر...
راحت ...تدور هالرقم ...بالرسايل..الوارده ...مالقت ..غير هالرساله ....
طلعت ..وراحت ...للرسائل المرسله ....
اغلب الرسايل ..لهذا الرقم ...
فتحت آخر رساله ...كانت مرسوله ...الساعه ...3,5
ودمعت عينها ...لما ..قرت ....الكلام ....المرسول ....
رجعت ..قرت الرسايل الي قبل ...
ومو بس ..عينها دمعت ...الا ...
تحدر ...سيل ...مكسور ..
الملامح
............................................................ ...........................
رانيا- والله يمه....خالد...مشغووول....!!
ام سعود-..ياكافي ..ماعاد نشوفه..!!ولا يجي ...يسلم؟؟
رانيا ...بمزح-...وهو فظى؟؟..بعدين ...هماني الحين ..جيت ؟؟خلاص ....!!يكفيكم ..انا!!
ام سعود- تكفين ..يامي ..بس هذا من غلاته ..عندي ....استاحشته...
رانيا ابتسمت- ...مره ثانيه ...ولا اقولّك...؟؟اول مايجي من السفر ...بنجيكم؟؟هااه ...راضيه ...يالحبيبه؟؟
ام سعود- ..ان مارضيت عليتس ...يالرضيّه ....ارضى على مين؟؟
صالح- افأأأأأأأأأأأأأ!!!واحنا ..يعني ..منتي براضيه علينا؟؟؟
التفت لسعود....الي منتبه مع المباراه ...بالتلفزيون...
صالح- سعووووود؟؟؟الحق الحق ...امك ...جحدتنا!!!
مارد سعود ..
صالح- يالله ان تعلّك...انت وهالكوره..ادبلت ..سبودنا!!!ياسعوووود!!!
ام سعود- يابوي اتركه!!من تجي هالكوره ..وهو مايشوف!!!
رانيا- الله يعين ..زوجتك....عليك؟؟؟؟
انتبه ....سعود...مع هالكلمه بالذات ..واستقعد- وليه؟؟؟ناوين تخطبون لي؟؟
ام سعووود- والله ياوليدي ..اخاف اتوثم ..ببنت الناس...بتتركها ..وبتقابل ..هالكوره؟؟؟
سعود- والي يسلمكِ...الي باخذها ...لازم تكون ..حريّفة كوره....ومابي... فيها مياعتن تدبل ...سبدي ..!!!..وغير كيذ ماابي!!!
ضحكت رانيا-....مافيها مياعه ..موجوه ...قالتها وهي تناظر امها ...بس ...منين ...نجيب ..حريّفة كوره؟؟؟!!!
سعود..رفع حاجب..- نفس ..الخاليه ...من الميوعه ...يتلعب كوره!!!!
ضحكت رانيا..على ..خبثه..وفهمه لتلميحها ...-..توها صغيره....
ام سعود-...كانك تبيها ...من الحين ...نخطبها لك....!!
سعود-..الي صبرني ...طول هالفتره ..يصبرني ...لين تخلص دراسه ....
رانيا ناظرت امها- يمه ..ولدكِ...يبي يعرس..من .. جد!!لا ..وطلع ...رومنسي ..وحبيب!!!!
سعود رفع حاجب- .اجل الرومنسيه ..لك انتي وابو عيالكِ..وبس؟؟؟...رفع يده ..ومسك شواربه ...
سرحت .. رانيا ...بكلمة ابو عيالكِ....
صالح-...مالكم تاليه....انا الي ..قاعد ..ورازن وجهي معكم من الصبح ...وبتزوجونه ..هو؟؟؟
رانيا رفعت حواجبها..مستنكره- مب انت قايلي ...ماتبي ..تعرس؟؟؟والله يمه ماينعرف ..لعيالكِ؟؟؟
ابو ..سعود ..دخل عليهم ....وانشرح صدره بشوفة رانيا
ابو سعود- حيّالله ..هالصوت وراعيته....حيالله الغاليه...
قامت رانيا....وسلمت على ابوها .....
رانيا- هلا والله يبه ...اخبارك..؟؟
ابو سعود- اخباري تسرتس...انتي يابوي ..اخبارتس؟؟؟بشري ..عنتس؟؟؟
رانيا-..بخير الله يسلمك....
ام سعوود- وانا؟؟؟ورى ماتسلم ..علي؟؟؟ورى ماتقول حيالله هالصوت؟؟!!
ضحكو جميع
صالح- غارت ...الوالده ...غارت!!سلم عليها يابوي سلم!!
ام سعود ناظرت صالح- اهاا!!استح!!وش الي غارت!!؟؟
ابو سعود ضحك- ياحبي لتس ...رفع يده ...الغالي ..مايجي الا من الغالي!!!يام سعوود؟؟؟
ابتسمت ام سعود منحرجه ...
ابتسمت رانيا-...وانا اقول ..خالد طالع على مين ...بهالرومنسيه؟اثره على عمه؟؟
سعود- واحنا؟؟الرومنسيه ...مقطعتنا ...تقطّع!!!
صالح- خلّها ...خلّها ...ماخذتن به مقلب!!..وناظر صالح اخوه نظره بمغزى ..يبي يقهرها ..
رانيا- وليه ؟؟وش عندك ..انت وياه؟؟على خالد؟؟؟
ضحك سعود يوم شاف وجهها حمّر ..من القهر- يابنت الحلال ...رجلتس ..كان عاشق!!!
ابو سعود- يابوك ...وش هالكلام!!وش كبرك..على هالسوالف!!
سعود-..الله عليك يالغالي ...الي يسمعك ..مايقول ...انك تو ..تتغزل ...بالغزال الي جنبك!!!
ام سعود ضحكت- الله يخس سواليفك...ياوليدي..
صالح مامسك نفسه وقام يضحك ..على امه ....وابوهم بعد....
اما رانيا ..ماهي بمعهم...قربت من سعود ..وقرصته ..
رانيا..وبصوت واطي- عاشق؟؟هااه؟؟
سعود..يهمس-ايه ..عاشق للكوره!!...ابعد عنها ..يوم ..بغت ..تظربه ...من جديد...وهو يضحك عليها ..
سعود- بنتك ذي يبه !!مهوّله!!
انحرجت رانيا .وضحكت.....من زمان ..ماضحكت ....من قلب ...وعشان سمعت صوت ...الحبيب ...
حتى ..قلبها ضحك....مستبشر..
وابتسم....الامل...الحزين.....
......................................
بنفس اللحضات
بسويسرا
ماسكه ..الجوال ...بيدها ..ومازالت ..كلماته ..مأثره فيها ....اثره ..يرسل ...وهي تمسح!!!رفعت عينها .لأمها ...الي قاعده قدام المرايا ...تدهن ..وجهها بكريم...مو كريم؟؟الامجموعة كريمات ....
امها الي دايمن ...تشغل نفسها ...عن ..امورهم ..وحياتهم ...وعن مشاكلهم ...واحزانهم واتراحهم ...
سرحت ...وهتف ..سؤال ..حيّرها ...هي؟؟تعرف ..معنى ..للأمومه؟؟؟
غامت نظرتها ...بالجواب ..الي ..انكتب ...قدام عينها ...رجعت ..فرفرت ..بالرسايل ...
وقرت ..الي انكتب مره ثانيه ...
................................................
يمه انا ضايق...ومخنوق...متى ..بترضين ...علي...عشان ارتاح....
................................................
سألت اشواق نفسها ...
الى ..متى منبوذ!!؟؟الى متى؟؟؟؟لمعت عينها ....بدون محد يلاحظ ....قامت وتركت الجوال ....واندست بفراشها ....وبرضه ..ماحد انتبه ..لوجوومها ...وسرحانها ....
ماتدري ليه ...ذكرته ..فجأه؟؟
لها عنه ...سنه...واكثر بعد.....عمرها ..مافكرت ..تدق عليه ....او تسأل.....واصلاً..ماهي فاضيه لهاللأمور....لاهيه ...بخرجاتها ...وصديقاتها ....وجماعتها ...وحياتهم ..الصاخبه ...المليانه ...سفرات ..وروحات.....
بسمه- اشواااق؟؟؟يلا ماودك ..تطلعين معنا ..بنتعشى!!؟؟
اشواق...بدون نفس-...مالي نفس!!!
ام الوليد- ...وشفيكِ؟؟؟عسى ماشر .....!!!
اشواق ...رفعت اللحاف عن ..وجهها-....ماما لو قلتلكِ....بتسمعين؟؟
ام الوليد..انتبهت ..انها ...مادقت ...على ..وحده من صديقاتها ...تعلمها ..وين يتواعدون ..
ام الوليد- ياربيه ....نسيت ..اكلم ...ناديه....!!!!..التفتت ..لبسمه...
الم الوليد- بسمه ...هاتي الجوال ..ياماما...بسرعه ...عشان اكلمها ..؟؟؟
اشواق ..مسكته وعضت شفايفها – ماما ابيه ...استنى مكالمه ...!!!...
ام الوليد- ..هاتيه !!وبعدين خذيه ...واصلا..ليش ان شاءالله ...ماتدق على جوالكِ؟؟؟؟
ارتبكت ..اشواق ....ولاردت ..واصلا ..امها ..مااستنت منها الجواب ....خذت الجوال ...ولهت فيه ...
خافت اشواق يدق الوليد لما يشوف رسالتها...تبي هي الي ترد ....والله لو تدري ..عنها امها ...سوت لها ..سالفه ...
.....................................................
دخلت عليه بعد مامسحت دموعها ....واحساسها ..حيل ..حيل ...شفقان...
دورته بالغرفه الي ينام فيها ..مب فيه ...تارك عصاه ...جنب كنبته ...وساعته ...بعد ....والانوار والعه ...شافت الحمام ...مب فيه؟؟؟
راحت لغرفتها ...وشافته!!!
منسدح ..كان ...وبالعرض...يده ...محطيها على عيونه ....مما يدل ..على انه كان ...جالس ...وبعدين ارخى ...نفسه ...
عضت شفايفها ..وقربت منه....
وتأملت ...فيه ..الغرور ..والشموخ....ولمحت ..
الانكسار ....المنزوي ...
يدور ..للامل ..ملفى ....
يدور ...؟؟
يبي يلاقي ..الامان ...
كلامه ....الي انكتب ..في الرسايل ...وترجيه ...سحب منها ..كل....دمعه....
المها الي انوجد ..بهالحظه....كان ..لجله ...وله ...ودموعها له ....ودها تلمه ...وتحظنه....وتبعد شعور ...غربته ...وحاجته ...
فسخت شبشبها ....وبشويش ...حطت جواله ...على ...الكومودينو ...
وقربت ...من رجوله ...وشالت ...شبشبه ...بخفه ...
قامت ...
نجلا بهمس- الوليد؟؟...الوليد؟؟؟
رفع يده ...وشكله ..خلاص دخل بالنوم ....تم لحظات يناظرها ...كأنه يتأكد من وجودها ....
تشابكت ...نظرتها الرحوم ...بنظرته ...التايهه...المتغرّبه.....
ذكرت ..كلامه ..المرسول ...وكأنه قدام عينها ...مكتوب ...
يمه انا ضايق...ومخنوق...متى ..بترضين ...علي...عشان ارتاح
لمعت عينها ...
ياعيني ..لاتبكين؟؟...لاتبكين ..؟؟..
فاق الوليد ...وخر عينه عنها ....وهو يحاول ...يرفع نفسه ....ويستقعد..
الوليد-...متى جيتي؟؟؟حاول يقوم ....
نجلا ..بسرعه- توني جايه.....ترددت ..... الوليد؟؟؟
رفع راسه لها ....
الوليد- نعم ؟؟؟؟
نجلا اشرت على الجوال ...ماتدري وش تقولّه؟؟؟بس المهم ....مايكتشف انها ...شافت الرساله ...وهي متعنيه!!!
الوليد بمزح -بدري؟؟؟كان من كلمتكِ ..وانتي جايبته ....
نجلا بخوف...- الوليد ...جتك رساله ...وفتحتها ..وانا مدري ......توترت ..وبان عليها ...الاحراج ..
قطب الوليد ..-..رساله؟؟وطيب؟؟...خذى الجوال ...ودور ..على الرسايل ...
ناظرت نجلا ...وجهه....والعلامات....الي ...ظهرت ....
راح التوتر ...وبانت الفرحه ..عليه ...وابتسم ...رفع راسه لها ....وهو ...بيضحك..من شكلها ...
الوليد . على وشك يضحك..- من تحسبين ذا الرساله منه ..يومن ...ادموعكِ...مشرفه...وبتغرقنا!!؟؟
مافهم ....وماعرف انها ..عارفه ..من مين ...يحسبها ...شاكه ...
ماردت ..عليه ..وابتسمت...
الوليد- ..يالغيور....!!!...هز راسه ...تغارين؟؟؟..
انحرجت نجلا ..وخلّته ...يظن ...الي شاف...
الوليد ....بصوت فرحان ...حيييل....باين عليه ...الشوق
الوليد- هاذي امي!!يا مهرتي...المصون!!
ضحكت ..بين ..دموعها...فرحانه لفرحه ...ودها تضمه ...وتقول ...
ياحبيبي يالوليد ....
انسى
معي جرحك ...
وخلني
اكون... فرحك ...
واترك
معي .....همك
وبترك
معك ....فرحي
شافت اصابعه ..بسرعه ..تضغط اتصال ...
واشر بجنبه ...وهو يناديها ..الوليد.- تعالي ..اقعدي ..بكلمها ..واحط السبيكر.....عشان ..تدرين ..انها امي...
نجلا...جلست جنبه ....خذى يدها .وغمرها ..بيديه....وحست ..بفرحته من ..رجفة يدينه ....
الوليد ..يتكلم ..بسرعه- ...اخيرا ردت !!...ناظرها مبتسم ...
الوليد- امسحي عيونكِ يالبكايه ...وعن الغيره الزايده ...انا ..يا لكِ!!ولا ماني لغيركِ!!!
الجوال بجنب اذنه
...مثل الطفل ...كان ...في فرحته ..وفي بسمته ...وفي نظرة ..ترقبّه...
طرت لها ..كثير اسئله .....ومالقت لها أي جواب....
سمع الخط ..يرن...نزل ..الجوال بعد ماضغط ...على الميكرفون...وبخاطره ...
اخيراً....راضيه عليك ....كتبتها ...اخيراً....
بعد ..الجفا طول هالسنين حنت لك امك يالوليد ....ايه حنت ...
وليه ماتحن ؟؟؟انت ..ولدها ...ومهما ..بعدت ...او رفضت ..
انت لها ......بتبقى اكيد .....
...........................................
الجوال بيد ام الوليد ....
دق وسمعت الدقه ...
شافت الرقم ...تغيرت ملامحها ....وش يبي؟؟؟ ؟؟وليه يصر؟؟؟
حاولت ..بس ماقدرت ..
تنسى ..
المراره
الي سببها لها...
ابوه
عجزت
تتقبل ..
وجوده
كل شي فيه ..
يشبهه
لا الطول ..لا العرض ...لالملامح...لالعيون
حتى ...صرخة....الام العطوف...سكّتتها..
ام الوليد...تنهدت..
يكفيها ..
ابو طلال...
الي يذكرها ..
بأسوء ..ماضي...
انوجد
معه
اسم
الوليد
اشواق ..بعد ماسمعت امها تتأفف..عرفت ..انه الوليد ....
استقعدت بسرعه ..
اشواق- يمه هاتي ارد عليه؟؟؟.....سكتت ...لانها كشفت نفسها ....
ماردت امها عليها ...بس عطتها نظرة اتهام ...وضغطت ..بترد...
ام الوليد- نعم؟؟
الوليد باضطراب- هلا يمه ..وحمدالله علىا لسلامه...
ناظرت اشواق...
ام الوليد- الله يسلمك...!!!ماني ..قابله ..لاعاد تدق!!؟؟!!
اشواق..
ماسمعت رده ....بس ..هدوؤه...علمها ...انه مصدوم ....شدت على شفايفها .....وهي تتخيل ..وجه اخوها الحين
..ليتها ماكتبت له شي ...
كان احسن !!وش يفكها من امها الحين ....
الوليد...قاوم ..شعوره الي احتواه- اخباركِ..يالغاليه...
ام الوليد- هااه ..وش عندك ؟؟اوجز؟؟؟!!
الوليد... جمدت الفرحه بعيونه ...وحس بنجلا تشد على يده ...عيونه ..ابعدت عنها ...
الوليد..ضغط ..سماعة الهاتف....ورفع جواله ...
جابيسحب يده الي ماسك ..فيها يدها.....وشدتها نجلا ...واخيرا استكانت....بين ايديها ....
راقبته ....ولاحظت ..صدمته ....وتسآؤلاته....المرسومه ...بنظراته ...الي ..يحاول يبعدها ....عنها ....
الوليد- انا يالغاليه ..ارسلتلكِ وانتي رديتي!!!
ام الوليد- والله لارسلتلك!!ولاقريت لك رساله !!!المهم الحين ...انا مسافره !!!بوسع صدري!!فرجاءً...لاتدق علي ...وتسبب لي مشاكل ...مع عمك!!!؟؟؟فكنا عاد!!!
سكرت الجوال بوجهه.....بعد ماسمعت صوت ...ابو طلال ..وهو داخل ...
منعت يدها ترتجف ...ولاقدرت .....
ابو طلال- ..ماطلعتوا؟؟؟!!
دخل عليهم ...زامر ...وجوالين بيده ...
ام الوليد ساكته ...توخر عينها عنه ...
ابو طلال بصوته الكريه- ورا ماتردين؟؟؟طرمى؟؟؟
وكمل ..وهو يناظر بنته ..اشواق...
ابو طلال- انا طالع ...لاتستنوني؟؟؟
ام الوليد- ومن متى ..استنيناك...!!!
كان بيروح ...ورجع...مره ثانيه ...وجهه....مسود..
ابو طلال- هااه؟اشوف لسانكِ طلع؟؟؟!!!خير؟؟؟وش الطاري؟؟
قالها وهو ماسك ..ذراعها ...بقوه...
ام الوليد..خنقتها ..ريحة الشراب الكريه..والمحرم- رح الله يرحم والديك ..انت وذا ..الي تشربه!!!
اشواق ...تعودت على ذا الموقف ....اذا مو كل يوم ..فهو كل لحظه ...
بسمه ...طلعت من الحمام..و ...تشاغلت بتمشيط شعرها ...وهي ترتجف
..تخاف ..تاخذ لها علقه بعد...
.......................
الوليد
نزل الجوال ....وبصوت ...جامد ...ومتوتر- ..روحي ..ابي انام!!سكري باب السحب ..والستاير واطلعي!!
شدت نجلا يده- الوليد اش فيك؟؟..
سحب يده منها ..بسرعه....- مافيني شي ..اطلعي ابي انام..وابعدي شوي ..ابي انسدح...
قامت ....من جنبه ...وهي عارفه ...وشهو شعوره...ولاتلومه....هي بعد ..
يمكن ..ماحست بوجود الام ..لكن عانت ..من ابوها..وظلمه الدايم لها ....
عطاها بظهره ....
الوليد- سكري النور واطلعي ..ولا انا الي بطلع ..!!!
............................................................ ............................
في الحديقه ..ومكان ..ماكانت نجلا ورنا ....
رنا – وين راحت؟؟نجلا؟؟رفعت يدها تشوف الساعه ....
رنا – شكلها .مب جايه ؟؟!!!التفتت لحمام السباحه ..تشاور نفسها ....
وقررت ..تسبح ....راحت ...تغير ....ملابسها ...بالغرف الخاصه ...فيها اغراضها ...ومايوها...
..............................
يدور .....بالشوارع ....اخيرا لقى شقه ....مفروشه ....
وخذى له شريحه ....
الله ...يسلم احمد .....من دونه ...مايدري ..وش بيكون حاله ...!!
تذكر سلطان ...والي سواه له ....ورجعت التسآؤلات ....من جديد....
لازم ...ارجع له فلوسه ....واعرف ...سبب .كلامه ...واتهامته للوليد....
وين يروح؟؟؟وين يروح؟؟؟؟ابتسم ...وقرر يروح لها ...
مافيه ..غيرها ....الصغيره ...الي ..كبرت ...
الصغيره ...الي ...قالت؟؟
هذا بيني وبينه..
............................................................ .....
بيت ..عمان الجوهره ..
الجوهره ...ماسكه جوالها- ...ماترد!!ماترد!!!قافله جوالها؟؟؟
دلال- ؟؟غريبه ؟؟طيب كلمي ..امها ...؟؟ولا سمر؟؟
الجوهره- يووووه...انا وذا البنت ..مانتواطن!!!
عبير- ..الجوهره ..غريبه ....بالامزرعه ...حسيت ..انهم ..كلهم ..يبتعدون عنكِ..!!
سكرت الجوهره ..الجوال...وزفرت ..
الجوهره- مايحبوني ..عشان ..امي نوره ....مدلعتني...وتنفذ كل طلباتي....قالتها ..وهي تمط ..الكلام ....
دلال- اقول ...؟؟جوجو؟؟تذكرين ..حمدان؟؟هبل بي ....يدق علي باليوم ..7مرات ....يبي رقمكِ؟؟
الجوهره- اصحكِ تعطينه الجديد ...؟؟؟انا بفتح القديم ...وبرد عليه ذا العله؟؟
سكتت الجوهره ..وهي مقهوره من رنا ....
مطنّشتني ..هااه؟؟؟
ماعليه ...ماعليه ...؟؟
هنا- ..بنات ..وش رايكم ..نروح ...الفيصليه ؟؟ولا صحارى؟؟طفش؟؟
عبير- ايه والله ...قومو ا!!حرام ..هالكشخه ...ونقعد بالبيت؟؟
الجوهره فكرها بعيد ....بعيييييد.....بعيد....
هنا- الجوهره؟؟؟جوجو؟؟
الجوهره- هااه؟؟يلا ..وش ورانا....!!
............................
نجلا..
سكرت النور ...لكن ماطلعت ...وليه تطلع ...وهو محتاج ...لها ....وهي ..بعد!!
مشت ..بشويش.....غمضت عينها ...تعرفه ..وتخبر ردات فعله العنيفه...
ولجل ..حبه...بتتحمل ..منه أي شي ....
قربت بشويش...وجلست بجنبه...وهو منسدح ...للجهه الثانيه ...
نجلا بصوتها الهادي- الوليد...انا مثلك ..ترى...
سكت ولارد....وارتاحت شوي...كملت...
نجلا- صحيح امي ..ماحسيت ..بوجودها ....بس!!ابوي الله يرحمه ...خلاني ...اتمنى اعرف ..وش معنى ام!!
التفتت لراسه...ولاقدرت تمنع يدها ..من ..تمسيد ..شعره....الي يتخلله ...شعرات ..شيب ...تلمع وتضويه...كملت..
نجلا..ماودها ...تقول ..عن ابوها شي ...لكن ..عشان الوليد ...كل شي يهون- كان ..يمسيني ضرب ..ويصبحني ضرب ...
التفت لها ...لانه تذكر انه ..مب بعيد عن ابوها ....
كان قريب...واقرب لها من هدبها ....
من قربه ..لمحت ..اثر جرح...الصدمه الي تعرض لها ...
يوم العشى ..
الي سوّوه لها
ابعد يبي ...يشوف عيونها ..وملامحها ...وهو ..حاس ...بضيق من رد فعل امه .....وشي ...ثاني ..غريب ...شي يشبه...
طعم الفرح ...بقربها
الوليد-..نجلا؟؟
نجلا ..ماصدقت نطق...- نعم.....
ماتدري ..كيف الملامح صارت ...
الوليد.بهدووووء....-..مره ..وداككِ المستشفى!!...وكنتي ..مظروبه!!صحيح؟؟
ارتجفت ..شفايفها للذكرى الاليمه ...- ايه.....كان ظاربني !!
الوليد- ليه؟؟
نجلا- مرت ابوي ..تهاوشت معي ..وسبت امي الله يرحمها ...ورديت عليها
الوليد اتكى على ذراعه- مرته؟؟وكيف؟؟هنتي...عليه؟؟
نجلا..ابعدت ..عينها ..ولسانها ...استعجل ...- مثل ماهنت عليك...
الوليد- ماهنتي...ولا بتهونين ابد!!دور يدها ..ومسكها ..رفعها ..لشفايفه وباسها ...
الوليد- انتي...يانجلا....صرتي ..كل دنيتي...بس انا انسان عصبي...ولما اثور ..انسى ..نفسي...والي قدامي...مين ماكان...ودي ...تفهميني...ولازم...لأنكِ...بالنسبه...لي...شي كبير ...وتعنين لي....كثير...
نجلا برجفه..- صادق يالوليد؟؟
تنهد الوليد- ايه...صادق...
نجلا- طب ليه؟؟...قاطعها ورفع يده ...لشفايفها ..يمنع ...الي بتقول..
نزلت يده لذقنها ...الوليد- مابي تندمين ....انا اقول ذا الكلام ...وانا عارف ..اني ...لاتركتك....انا الي بكون خسران..
نجلا بسرعه- وليه تتركني؟؟؟الوليد ...اسمعني ...انا امس ..يوم قلت انك الهوى الي اتنفسه ...قصدت اني معك على الحلوه والمره ....؟؟سامعني...؟؟وحتى لو تركتني...وهذا الشي.....مستحيل ..ارضى فيه...
انا وشلون اعيش بعدك؟؟تعودت على ضربك؟؟!!قالتها بغنج...تبي تخلق ..جو المزح بينهم ...
الوليد ضحك- احلفي ...؟؟زين ..قلتيلي ....عشان ...لامديت يدي مره ثانيه ...مااتحسّف...!!
نجلا ابتسمت ورفعت حاجب ..- امزح ...عاد ..مو تصدق؟؟؟وبربك!!صدق تتحسف؟؟
قطب الوليد ..ومط الكلام ...-..واللــــــهِ...لا شفت دميعاتكِ...ضاق صدري...بس احياناً تستفزيني!!!وانا ديني ودين ...الاستفزاز!!!!
نجلا حركت راسها معترضه- تقول كلام ..مب فيني...وتبيني ..اسكت ...!!؟؟وانطم!!!...
الوليد..بلهجه .حلوه...وصوت..حيل..يذبح-والله...لو.ماني...احبكِ....ماضربتكِ؟؟؟!!انا لما اسمع ..اي كلام عنكِ ...احس اني بنفجر ....واصير مجنون..واحط حرتي فيكِ؟؟
نجلا استحت ..- والله انك غريب ..يعني من كثر ماتحبني تضربني؟؟
الوليد..بصوت ..هادي- من كثر مااحبك ....منعت نفسي عنكِ!!!ومع الكلام .الي ..يجيني ..او ينقال..يزيد ...كبتي ..وقهري ...واجيك ..واشوف لسانك يطول اذانكِ...فمااقدر امسك نفسي !!لكن ..والله ...وربي الي سواني...احبك!!!
نجلا..احمرت ..خدودها ...وبهمس-..يعني ..خلاص؟؟مافيه ...روحي اتركيني؟؟
الوليد سكت ...مايدري ..وش الكلام ...الي يقدر يقوله ...عشان ..يعبر لها ..عن مدى ...شعوره ..وفرحه ...
وبكلامها معه ..خلّته يتعلق ..بها ..اكثر واكثر ...
نجلا تشجعت ...وهي تشوف ...الوليد رجع الحبيب الي تحب ...واحسن ...بكثير من الي كانت تحب..
نجلا- الوليد...انا...ماراح..اقدر ...ابعد عنك...انا ...ماصدقت ..لقيتك.....ابعدت.. عينها عنه....ومع ..اعترافاتها ...القويه...بدت اوصالها ترجف...
ناظرها ...طربان ...بسماعه...احلى ..لحن...ممكن ينعزف..
نجلا-...الوليد انا صرت ..احس انك ...ترددت.....
الوليد بهمس يغرّد..- وش تحسين؟؟
نجلا- احس انك ...جزء..منّي....وجزء كبير ...بعد...
الوليد..وخر يده عن ذقنها ...ورجع انسدح على ظهره ...ويدها معه...-...ماني مصدق...!!
احس اني بحلم ....معقوله؟؟وجود انسانه ..مثلكِ...كان سراب...عجزت رجولي ..توصله..!!
بس!!ليتني!!اقدر!!شدد على آخر كلامه ...
...
نجلا عرفت ..الي يقصد..- مثل ربي ..ماكتبنا لبعض!!ورضينا ...بحكمه...وسلمنا...وماخسرنا.....ناظرت ..عينه ..بحب ...يكبر ويزيد ..وسألت..
نجلا بلهفه..وبرآئه...غلبت ..كل ملامحها...- صح؟؟ماخسرنا ..يالوليد!!مو تقول تحبني؟؟؟وحتى انا ..احبك!!يعني كسبنا ...خلاص!!نرضى ..بالي قسمه لنا ...ماتدري؟؟يمكن؟؟يجازينا ...بشي اعظم ...
غمض عينه ....ورفع يدها ...وباس ..كل ...اصبع يرتجف....
الوليد...سحبها لحظنه....وهي؟؟ماهربت...او...قاومت....سمعت ..دقات .قلبه ..المجنونه.....
الوليد..- تدرين؟؟مهما كبرت فرحتي....الا اني احس ..بصغرها ....
نجلا..قرت ...الضياع..الي بكلامه وفهمت .رفعت نفسها بشويش.....-..عشان..امك..؟؟
ناظرها الوليد ...-..امي يانجلا...من جابتني ..وهي ..تعاملها ..جاف...تكرهني!!!
قالها وتمثلت ..فيه صرخه ..والم..
نجلا- مستحيل!!تكرهك...اكيد فيه شي ...!!..يوم اقولك ان ابوي يضربني مو معناها يكرهني ...لأ...ابوي ..يحبنا ..انا وسعد ..بس بطريقته ..الجافه ...
وامك..؟؟ اكيد ...فيه سببب ......
الوليد- يانجلا ...كل شي سوته...كوم...ونبذها لوجودي كوم ثاني....
نجلا-..هونها ...وتهون...ولاتنسى ...ربي ..القادر ...
الوليد- ونعم بالله .....تصدقين؟؟انا ...لو بجيب عيال..بحطهم بعيوني....سكت وبآخر كلمه ..كان صوته ..مضطرب..
نجلا بهمس- الله كريم...مافيه ..شي بعيد عن الله...ولو ربي رايد ...نجيب عيال ..بنجيب ....بس..انت ارضى ...
الوليد- انا ..راضي بحكمه...بس مابي اظلمكِ معي ...كنت ابي اكشف ...واعرف ...واتأكد...قبل تعرفين!!
نجلا بهمس مالّ- وبعدين؟؟!!
الوليد..بقهر- لكن ..سلطان ..سواها وسبقني!!
نجلا اسم سلطان ..اصبح ..غثيث..وهي تسمعه..-..كيف عرف سلطان ...؟؟بكل هالأمور..؟؟
الوليد-.....سالفه طويله ...
نجلا استقعدت ...- قول لي..؟؟ابي اعرفها..؟؟
الوليد..ناظر ..وجهها ...ابتسم...-...تدرين اول مره اسولف لاحد...واكون مرتاح لهالدرجه؟؟
نجلا- انا مو أي احد..!!انا...ليلك انا شمسك ..انا كلّك!!
الوليد ضحك- بتسمعين ولا بتقصدين؟؟؟
نجلا ابتسمت بفرح..- لا بسمع ...علمني ...
قال لها الوليد ...الي صار ...
نجلا- طيب ...انت تقول الدكتور ..قال ...ان الامل بالله ..كبير ...واحنا نعرف..ذا الشي ...واكيد ماقالك ..هالكلام ...الا ..عنده امل...
الوليد- عشان كيذى ..ابي...اكشف..!!
نجلا- ورجولك ...؟؟
الوليد- رجلي ممكن ..بعمليه ...ترجع ...بس انا ...كرهت شي اسمه ..مستشفى ...
نجلا-..يعني ان سويت العمليه ...تمشي ..طبيعي بدون ..ماتتكي على عصا؟؟؟
ناظرها الوليد- ايه..
غمضت عين ..وكأنها تتخيل شكله...
الوليد- ايش ؟؟ليه مغمضه؟؟
نجلا ابتسمت- اتخيل شكلك بدون عصا!!
الوليد- وكيف شكلي ...طلع ..براسكِ ..الصغير...ولمس بأصبعه راسها ...
نجلا ..ببتسامه...- حلو..
سكت ..يناظر ملامحها ...ويناظرها ...وجودها ..غير ...كل حياته ....
وحبها ..نور.....ابعد ..ظلام ...ايامه ....وسنينه.....
..........................................................
سبحت .....وملّت لحالها ..دايما تسبح ..معها ..الجوهره...
ذكرتها ...وهي تسبح على ظهرها ....ياني ..كنت غبيه !!
تمشيني على هواها ....وظلمت نجلا ....
سمعت صوت ..البقره ...وضحكت – وش تسوين؟؟؟صاحيه؟؟؟منتي خايفه ..من الحمى ؟؟؟لا وتسبحين ..بعد!!
رنا تبي تحرها - مب قالّكِ الوليد ...تكلمي بالاشاره؟؟؟
سمر- ..اقول؟؟اعقلي ..ترى منتي بقدي؟؟!!
رنا ضحكت- ياامي ..فكينا؟؟!!اسمعي ..بس!!؟؟ ...نجلا ..جوى؟؟عندكم؟؟
سمر .بمكر.- ليه؟؟ماجت؟؟زابنتن عنده؟؟
رنا تمسح وجهها ..-..ياختي انتي ..ماتستحين ..!!انا اكبر منكِ ..واستحي ..اقول ..هالكلام ..قدامها؟؟
سمر- ياعمري ..نجلا عندها ..تموت ..فيني..تحبني!!!وتتقبل ..مني ..كل شي!!!
رنا- ايش ؟؟مااسمع؟؟؟روحي ..تكفين ..انتي ..وبحتكِ...خربتي علي ..الجو الحلو ..بهالصوت النشاز!!!
سمر- هين!!هين!!..مشت وهي تتحلطم ..وتتوعد ...اليوم حظها شين ..الكل شايفها مطنزه!!!التفتت لأختها ..وهي تبتسم ...بمكر ..وبنفسها...انا اوريكِ ..يارنا؟؟..
رنا ..ابتسمت وهي ..تشوف ..سمر ..تروح ..قدرت ..ترفع ضغطها .... ...ارتاحت ....لان الامور ..بينها ..وبين نجلا ...صارت تمام ....
بس باقي الوليد يارنا ...كلميه ...
تذكرت ..تهديد الجوهره ....ورجعت ..سابحه ...بتطلع من ...حمام السباحه ...
...وين ...عقلها ؟؟.يوم كانت تماشيها ؟؟؟...
راحت ..وغيرت لبسها ...وتركت شعرها ..سايح ...
ميته من الجوع ...يارب يكون خلص الغدى ...
.........................
نجلا
..تكلمت ...لأنها ..انحرجت ..من نظراته- طيب انت ..بس عندك ...طلال..من امك؟؟؟
الوليد- لأ....عندي ..خوات ..ثنتين...اشواق ...وبسمه...
شهقت نجلا- والله!!ولا يكلمونك..وتكلّمهم؟؟
الوليد-..لأ....نجلا انا تربيت ..بلحالي...مع جدي ..الله يرحمه...وامي ..ان جت ...تتجاهل وجودي...وبسمه ..واشواق ...مافيه بينا..الاسلام ..وبس...
سمعته نجلا ..وهي مدركه ..وشهي ..الاحاسيس ...الي ..فاقدها .....بفقدهم...
نجلا- وطلال؟؟كيف ..صار غير عنهم ...
ابتسم ..لذكر ..اسم اخوه....- طلال ..كان ينظرب .....عشانه بس!!يكلمني!!كان ياخذ علقات ..من ابوه...الله لايوريكِ!!!
نجلا- لهالدرجه يكرهك ...زوج امك؟؟
الوليد- يكرهني وبس؟؟؟تدرين انه يتهمني ..بأني سارق حلال ..جدي...؟؟وامي ..مصدقه كل كلمه يقولها!!!
رفع الوليد نفسه ....وسحب ...التي شيرت بسرعه .....وفتحت نجلا ..عيونها ...و..ارتجفت ...
اما هو ...بعد مافصخها....عيونه ..كانت ..تدور....اشاره ...على كتفه ..الايسر ...
الوليد..- شوفي ؟؟هذا ..هو الي مسويه...!!رفع راسه ..والتقى بعيونها ....الي ..الرهبه ارتسمت فيها ...
وضحك ....من قلب....
الوليد بصوت ضاحك- وش فيكِ؟؟؟يالخوافه!!الحين مب امس ..جايتن برجليك؟؟؟
عضت شفايفها ...وتكلمت ...تحاول ..تبين ..انها ..متأثره ...بالاثر الي شافته ..
نجلا- يااااالله.....وليه ..كيذى؟؟حسبي الله ونعم الوكيل ....وامك ..تدري وساكته؟؟؟
الوليد- تصرفين ؟؟هااه؟؟؟ماعلينا....امي ماتدري...لما يشوفني ..قاعد ادرس لحالي ..يجي يرفع ضغطي ...ويقول
رح ؟؟رح ..يالخواف ..قول لجدك؟؟ابو طلال ..حط السيجاره ..علي!!!
كان يقهرني...
نجلا برحمه- ولا كنت تروح؟؟كم كان عمرك؟؟
الوليد..وهو يلبس ..مره ثانيه ...- 13..15...
تأثرت نجلا ..- ياربي توك ...صغير ...بصراحه ..مايخاف ربه ...ولا يخاف العقوبه ...
الوليد يوصف مشاعره ..- لما ابوي جا...ماصدقت....كان زوج امي ..يسميني...ياولد الفاجر...وكنت ...اموت الف مره لما اسمعها ..ولاادري ليه يقولها؟؟!!....
بس لما جا ابوي ...وشفته ...وعرفته ...
سامحته ...من اول مره ....كأني ..ماصدقت ...يجي ..وفرحتي ...ضاعت ...بروحته الله يرحمه...وجيت ...هينا ..لقيت سلطان يكرهني...وعيّا يتقبلني..!!وتصدقين؟؟اول شخص ..تقبلني...كان ام سلطان؟؟؟
نجلا رفعت خصله..ورجعت طاحت ..مره ثانيه ..- ياعمري ..يالوليد!!
الوليد...رفع اصبعه ..ورفع خصلتها ورى اذنها ..وهو ...يهدد- لا تصيحين ..ولا؟؟؟!!
نجلا بصوت ..مضطرب ..متأثر وبنفس الوقت ..مُحرج-..ماني صايحه؟؟!!
الوليد- اصلا الكلام ..هذا ...وانا الحين اقوله ...مااحس ..بأي مراره...تدرين ليه؟؟
نجلا- ليه؟؟
الوليد- لأنكِ بجنبي...وقدام عيني ...ومعي !!...ولأن نظراتكِ الي كانت تذبحني اختفت!!
نجلا- أي نظرات؟؟
الوليد قطب- الخوف ...والرعب الي كنت ..المحه ..في عيونكِ...لما ..اكون معكِ ..او امر من جنبكِ...كان ...يتعبني!!
دق جوالها ....خذته .....وكان رقم ام سلطان ..
نجلا- هلا خالتي...
ام سلطان- ..نجلا ...يامي ..تعالي ...اخوتس جا..؟
ابتسمت نجلا ...والوليد يناظرها- طيب ...الحين نازله ....!!
سكرت ..
نجلا..وهي ..فرحانه- سعد جا؟؟بنزل ..!!...تجي؟؟
الوليد- انزلي ..شوي وجايكم ....
تركته نجلا ...وقبل تطلع التفتت له ..
نجلا- بسرعه..لاتتأخر!!!...
طلعت وسكرت الباب ..وطوالي ..نزلت ....تقابل ..العزيز الغالي ...
كل يوم ..بقربها يكتشف ...طعمن جديد.....كل يوم ..يمر ..وهي ..موجوده بحياته ...يعطيه..
احساس ....يسكنه.....السرور..
.ثم
السرور ....
.ثم
السرور ....
............................................................ ....
بمجلس ...الرجال .....
مابغى حارس الامن ...يدخلّه .....
مادخل ..الابعد ماشافه يعقوب ..وعرفه ....
ضايق ....ومكبوت .....طلع من بيتهم ...الكئيب ....
مايقدر يقعد فيه ....قبل ..كانت نجلا مضويته ...والحين ..لأ
الحين فيه انسانه ...شكّلت ...كل اشكال ...الحزن ...ورسمتها ....بحياتهم ...
تلفت يناظر ....المكان ....والفخامه ....والديكور .....
.........................
|
30-01-08, 06:38 PM
جديد مواضيع قسم الارشيف
العرض العادي
