كاتب الموضوع :
قال الزهر آآآه
المنتدى :
الارشيف
الجزء الخامس
الفصل الاول
لف بكرسيه ....وده يشوف وجهها ...لا شافت سعد!!!..
من قالت له ...وهو ...سائلن عنه ....وعرف من ..مركز شغله ...واصحابه
انه بيجي اليوم ...
لكن مادرى ..وش صار له ..ولا يدري بالي صابه ...
حتى هو متشوق يشوف ..اخوها الي تحبه ...وتفتخر فيه ....
تشوق ..يعرفه ..من كلامها ...عنه ...ومن ملامحها الي ..ينرسم فيها الفخر ...وهي تذكر اسمه ...
وبصراحه ..حس بالغيره ..منه ...
ابتسم بطرف شفايفه ...ورفع حاجبه ....
رجع لمكتبه ....ورفع ..سماعة السنترال ..
الوليد- طلال ..تعال ابيك ....
طلال- يلا جاي ..
............................................................ ..........
سكرت نجلا منه ...ولا ودها ...التفتت ...تناظر جميع الزوايا ...اليوم ..صارت ..تناظرها ..وتحس ...بشي ثاني ....راحت ...للستاير ...فتحتها ....على الاخر ...وجرت باب السحب ....وطلعت .....رفعت عينها للسما ....وكانت غير ...السما السودا ....وغير الظلام ....الي ...الي لمحته قبل ....تراكت ..على ..الحاجز ....وفلتت شعرها ....وغمضت عيونها ...وخذت اكبر نفس ....اليوم ..غير ....وكل شي ..حواليكِ يانجلا غير ....اليوم ...صرتي تعرفين ..منهو انتي ..بدنيته ....فتحت عينها وعضت شفايفها ....استرجعت كلمته ...الي قالها ...
اذا شفت ..كيف بتستقبليني ....قلتلكِ ...
دخلت بسرعه .....وراحت لغرفة الملابس .....فتحت الدولاب ....قطبت حواجبها ....وعفست بيدها ...الدولاب كله ....عشان ..تطلع ...الي كانت ..خافيته من الوجود .......واخيرا ..لقته ....سحبته ...من بين الاغراض...
ورفعته بيدينها تستعرضه ...على متنها .....عند المرايا....رفعت حاجب ..كان معكرش....ويبغاله ..كوي ....وش تسوي؟؟...وبلحظه ..تركته ..على الكرسي ....وطلعت ..من الجناح ....وهي عارفه وش بتسوي ....
نزلت ..وكانت الساعه ....10 ...
نجلا- صباح الخير خالتي ..؟؟
التفتت لها ام سلطان- نجلا؟؟قمتي؟؟هااه ..وشلون الحمى معتس..اليوم؟؟
نجلا رفعت عينها ..للسقف- لا الحمد الله اشوى ...ودعتها ...
ام سلطان- اييه باين ..على ..شكلتس...الله لايعودها ...
نجلا- آمين ...وين البنات ماقاموا ...
ام سلطان- لا والله ماقاموا ...انتي عشانتس ..كنتي تعيبينه ...نمتي طول اليل ...واعتدل نومتس..وهم .مثل العاده ..مغير سهر ..وبس ...!!الله لايعاقبنا .
نجلا..قعدت ..بجنبها ..بتفطر ... وهي ..مبتسمه- لا انشالله ..انا ..بعدل ..نومي...عشان ..الوليد..قالتها وسكتت بسرعه ...
ام سلطان ابتسمت- والله احسن لتس ..يابنيتي ...
نجلا- خالتي ..ابي بخور ...عندكِ؟؟
ام سلطان ببمسمه- ايه يامي عندي ...وكثير بعد ...تبين ؟؟
نجلا ..وهي منحرجه ..- والله ..ودي ابخر جناحي...
ام سلطان – ابشري ...الحين ..اخلص ...ونرقى سُوى ...لغرفتي ...
نجلا- تسلمين ..خالتي ...الله لايحرمني منكِ...
ام سلطان بترد وسمعت ...ماريتا ...داخله ..
ماريتا- ماما....ماما نوره ..يبغى انتي ..تليفون ..
ام سلطان- غريبه ..مادقت على جوالي ...هاتي ..تلفون ..
سحبت ماريتا ...سماعة التليفون ...وناولته لام سلطان ..
ام سلطان- سلام عليكم ..
امي نوره- وعليكم السلام ...اصبحتوا؟؟
ام سلطان- ايه ..والله ..وقاعدين نفطر ...انا ..ومرت الوليد ...
امي نوره- مشالله ...واخبارها عقب السخونه ؟؟
ام سلطان تناظر نجلا ..ومبتسمه- لا ..مشالله ..ماعليها ...غزال ..
امي نوره- والله ..اني ..عندي كلامن ابي اقوله ..لتس...
ام سلطان- وشو ياخاله ؟؟
امي نوره- تذكرين ..يوم قلتيلي ..ودتس تخطبين ...عبير ..بنت ..خاة الجوهره..
ام سلطان- ايه ..
امي نوره- اقول ورى ماتخطبون له الجوهره ؟؟مب هي اولى ؟؟
قطبت ام سلطان ..حواجبها – والله مدري ..ياخاله ...
اني نوره- تصدقين اني ..ماعاد انوم ....مغير اهوجس...بهالموضوع
ام سلطان- الحين خليه ..يرجع ...ولا يجي زياره ....ونشوف..
امي نوره- ليه ..ماكنه ..طول ؟؟
ام سلطان- توه رايح ..ما صارله شهرين ...ومدري بعد يمكن احنا ..نروح له ..والله انه واحشني .
امي نوره- وش يوديتس ديرة العجمان ؟؟قريّ وخليه هو الي يجي ..
ضحكت ..ام سلطان- البنات ..يبون يسافرون ...العام ماسافروا ...ابوهم توفى الله يرحمه ...ومدري عاد ..وش الله يكتب لنا ..
امي نوره- اييه ..الله يكتب الي فيه الخير لنا ولكم ..سلميني على نجلا ...وهاذهو ..عاد ..قلت الي عندي ...وشوفي انتي ..وخبريني ..
ام سلطان- انشالله ...انشالله...يلا ..فمان الله...
امي نوره- مع السلامه ...
سكرت ...منها ..وهي ..بالها ..انشغل ..بالكلام الي قالته ...امي نوره ...
نجلا- اخبارها ..ياخالتي ...؟؟
ام سلطان- ماعليها تسلم عليتس ...
نجلا – الله يسلمها ..من الشر ..
........................................................
مشتاق...حيل ...لها ....طول الايام الي عدت ..كان يعد الساعات ...والثواني ...يبي ..يرجع ...ويشوفها ...ويطمنّها ...ويرجع ..لها طعم الامان ....
اخته ..وقطعه منه ...ليته ..ماراح ..من اصل ..لين تطمن عليها ...لو ماراح ..كان ماصار الي صار...
كان ما انغصبت ...ولا ..اضطرت ..تاخذه ...مايدري وش حالها الحين ...اكيد الخسيس ..مانعها ..تتكلم معه ...اكيد ...
احمد- سعد؟؟وين رحت ؟؟
سعد- رحت لديرتي ...ماني مصدق ..اني ..اليوم ..بوطى ..ارضها ...
احمد- الشكر لله ...الحمد الله ...ان كل شي عدى ...وتركناه ورانا ...ماقلتلي ..وش ناوي عليه ..؟؟
سعد تنهد- ناوي على اشياء ..كثير ...كثير ...
احمد- ..المهم ..تشوف اختك ...وتطمن عليها ...صح؟؟
سعد- اكيد هي المهم ...وغيرها ..مافيه ...شي مهم ..
احمد- وشغلك؟؟نسيته؟؟
سعد- مب تقول ..عندي ..اجازه ..مفتوحه ..؟؟خلاص ...ارجع بس ...وارتب اموري ...ويكون خير ..
احمد- والله ..حتى ..الشله ...سألت عنك ...وقلتلهم ...انا بنجي اليوم ..
سعد- تدري وحشوني...لا ...واشتقت ...لجلساتهم ...
احمد- لا تخاف ..بنلحق ..عليهم ....
رجع التفت للجهه الثانيه ...وعيونه ..غايمه ..مثل افكاره ...
............................................................ .............
ام سلطان- ..هااه خذي هذا ؟؟وش حلو ريحته ..
نجلا- تسلمين ياخالتي ...بس انا ابي ..شوي ..مو كل هذا ...
ام سلطان- ..والله ان تاخذينه ...وانشالله بجيب لتس ...اكثر ...
ابتسمت نجلا – تسلمين ...يالغاليه ...
ابتسمت ام سلطان ...- ذكرتيني ..بحبيبتس ...مايقول الغاليه لا..هو ...
انحرجت نجلا ..من كلامها ..يوم قلت ...انه حبيبها ...
سمر دخلت عليهم – ماشالله ...وش قاعدين تسووون؟؟؟
التفتوا جميع لها ..
نجلا- الناس يصبّحون ...اول؟؟
سمر..- والله شكلكِ..عاديتنيني ...بحماكِ..عجزت انام ..من حلقي ...
ام سلطان- انا اقوله ...وش مقومها ..بدري ...مب لله ..
سمر- ..ييوه ..ياماما..حرام عليكِ..هذا بدل ماتقولين ..سلامتكِ يافنار البيت ...
ضحكت نجلا على شكلها ...وشوشتها الطايره ..
نجلا- لا صادقه ..بهالكشه ...صدقتي ...فنار البيت ..!!
ضحكت ام سلطان ...- والله انتس جبتيها ..يابنيتي ...بدخل الحمام اتوضى ..واصلي الضحى ..لا طلعتن سكرو الباب ....وراحت ...
سمر- هذا الي احصله ..منكم ...ياناس ..انا ..تعبانه ..نجلا عطيني ..من مضادكِ ...
نجلا- يييوه سامحيني ..هذا الي جابه الوليد ...وبتنهد ....مقدر ..اعطيكِ اياه ...
سمر بتكشيره- اصلا انا غلطانه ...وقلدت ..نجلا ....بطريقتها ....
هذا الي جابه الوليد ...خلي الوليد ..ينفعكِ...ويقابلكِ طول النهار ..!!...ولفت راحت ...
نجلا بضحك- تعالي ..تعالي ..والله رحمتكِ ..وشكلي ..بتنازل ..عنه ...بس هااه ...اذا خلصتي ..هاتي ..القرطاسه ...ابيها ..
سمر- وليه انشالله؟؟
نجل بنظره حالمه ..ا- احتفظ بها للذكرى ...
سمر- انا لي فتره ..وانا شاكتن ...بصحاحة عقلكِ ...لكن الحين ..ببصم ..بالعشره ..على ..جنونكِ...!!وبسرعه ..مُفاجئه...كملت
سمر- نجلا حبيتي اخوي؟؟؟
نجلا وهي ..تتعداها ...بتروح لجناحها ...- استحي ...استحي ..على وجهكِ ..توكِ ..صغيره ..على هالكلام ...تعالي ..ياماما ..اعطيكِ ..الدوى !!!
سمر- ماعليه ..خلني اطيب ...وتشوفين ..منهو ..الصغير !!
نجلا معطيتها ظهرها- لا تهددين!!ترى بهون!!وخلي السواق ..ينفعكِ ..!!
سمر- اخلصي ..اليوم انتي ..مب طبيعيه ...الظاهر الحمى ...سوت فيكِ عمايلها ...!!
سمعت سمر ضحكة نجلا ...وهي تفكر ...ان ..البيت ...انور بدخلتها عليهم ..وزادت البهجه فيه ....
من زانت ...طبايع الوليد ..معها ..ومعهم بعد .....
فكرت ..ان هي الي لها الفضل ...لتغير اسلوبه ..معهم ...وارتحال ..الجديه ...عن محياه ...
نجلا...دخلت ...وتركت الباب ..وراها مفتوح ...عشان سمر ....تاخذ المضاد ...ورجعت للباب ..المفتوح ...شافت سمر ..مسلهمه ...
نجلا- سمر؟؟؟!!!سميروه!!
سمر نشقت ...بمنديل معها – هااه..؟
نجلا- الظاهر انتي ..الي الحمى بتسوي عمايلها فيكِ ...تعالي خذي المضاد ..
سمر –ارميه ..مافيني ...من مشي زايد ..
نجلا حذفته عليها ....
نجلا- مع تمنياتي لكِ بالشفاء العاجل .....باي ...وسكرت..الباب ...
جت بتروح لغرفتها ...وتذكرت ..
نجلا- يووووووووووه نسيت !!..ووقفت تستنى سمر ..تروح ..لجناحها ...
وطلعت ...نزلت تحت ..من الدرج ....بسرعه ....
رفعت السنترال ....ودقت ..على قسم المطابخ ...رت عليها ..كانو
نجلا- الو ؟؟كانو..وين ماريتا؟؟؟
كانو- شويه مدام ..
لحظات ..وجت ..ماريتا ..
ماريتا- الو؟؟
نجلا- ايوه ماريتا ...عندكم ..مِكواه على البخار؟؟؟
ماريتا- ايه فيه مدام ...ايش إبغى انا اكوي...
نجلا- لا هاتيها ...فوق عندي ...بسرعه ..طيب؟؟
ماريتا- الحين جيب ..
نجلا – يلا مع السلامه ...سكرت ...وتلفتت ..وراحت ..للمصعد ...بترجع ..لجناحها ....
.................................
في بيت ..محمد العارضي ...
ابو ناصر- هااه يمه ..ماودتس ..تجين تقعدين عندي ؟؟
غاده- وليه ؟؟تبون تخلوني لحالي ...
ام عادل-..اصبر خل اختك تخلص الحداد ...
غاده- هه...حتى لو خلصت ..طلعه منهاليت ماني طالعه !!!هذا بيت ولدي!!
ابو ناصر- عارفين بيت ..ولدتس ..وان جوا عيال رجلتس ...وقالوا البيت يتعذرتس!!؟؟
غاده- يخسون ...سعد ومسافر ..ولو فيه خير ..كان حظر ..عزى ابوه ...والثانيه ...بعد العز ..الي هي فيه ..وش تبي ..بذا الزريبه ...!!
ام عادل- على قولتس ...
............................................................ ...........................
غافيه ....بسريرها ...باليالله نامت .و.قدرت تسكر عينها ...سمعت ..
دقة جوالها ...مدت يدها ..وخذته ..فتحت عينها ...الرقم غريب ...ترد ..ولا ..ماترد ..؟؟ضغطت ..وفتحته ..
رانيا- الو؟؟
خالد- هلا بهالصوت وراعيته...
انتفضت ...ورفعت نفسها ....
رانيا بلهفه- وينك انت؟؟؟وين رحت ..وخليتني؟؟؟وليه ..مقفل جوالك؟؟؟
خالد يدري بلهفتها ..- موجود ياروح خالد..موجود..اخباركِ؟؟
رانيا بعبره- اخباري ..شينه !! من رحت ...!!كيذى ياخالد؟؟ووشذا الرقم ..الي انت داقن منه ؟؟؟
خالد- انا بلندن؟؟
رانيا ..بلعت ريقها- ايش؟؟؟وش وداك؟؟
خالد بهدوووء-..رحت اودي ملف حالتكِ ...واشوف يمكن فيه امل ..؟
تجمعت عبرتها ...وزادها الشوق ...رجفه ...
رانيا بعبره وارتجاف- ..الى الان عندك امل؟؟
خالد- الين بكره ....لاتنسين ...الامل بالله كبير
رانيا- ونعم بالله ...بس ؟؟انا كم مره حملت ..واسلبت ...!!
خالد بهمس وبلهفه- ياعمري ..انا ..ارسلت ..حالتكِ...من اول ...وجاني رد ..بأن فيه امل ...وطيران ..سافرت ...اقابل ..الي ..قال هالكلام....
رانيا- طيب؟؟
خالد- ابد يقول ...ممكن اذا حملتي ....يتابع حالتكِ من البدايه ...
تنهدت..رانيا- لا ياخالد ماني مستعده ...نفسيا ..احمل ...واشوف ..ضناي ..يفلت مني ...زي كل مره ..
خالد برجى- اسمعيني ياعمري ...انشالله ..ماتسلبين ...لانه يقول ..راح يسويلكِ ..ربط ...وتكونين ..على ظهركِ ..مدة حملكِ ..كلها ....
سكت يشوف رد فعلها ...
رفعت اصابعها ..ومسحت دمعه ...خالد مستعد ..يصبر معها ..ويعاني ..من جديد...
رانيا- مدري ...هزت راسها ...
خالد- رانيا ...هذا هو الحل ...خلينا نجرب ...ماراح نخسر شي ...
رانيا- طب ..والي ..كلموهم اهلكِ...
خالد- عطيني ..وعد ...انكِ ..تصبرين معي ...واهلي ..خليهم علي ...
رانيا ..بشوق- بعطيك كلي...لو تبي ...
خالد- وهذا الي ابيه ...بسكر الحين ...ياعمري ...ولاتقولين ..اي شي ..لاحد...
رانيا- بس خالتي مشغول ..بالها عليك ..؟؟
خالد- بجي ..انا ..ماراح اطول ....
رانيا- متى بتجي؟؟؟
خالد- بعد يومين ...انشالله ...ليه ..وحشتكِ؟؟
رانيا بهمس- اكيييد...وحشتني ...اكيد...اقدر اكلمك ..على ..هذا الرقم ؟؟
خالد- ايه ...ياروح خالد....هااه تامرين شي ؟؟
رانيا ...- احبك..
خالد- وانا اكثر ...انتبهي لنفسكِ...ولا تفكرين ..كثير ...طيب !!
رانيا- انشالله ...
خالد- يلا مع السلامه..
رانيا- مع السلامه ....سكرت ...وحطت الجوال ..عند قلبها ...وحظنته ...رفعته ..وشافت صورة خالد ..على الشاشه ...باستها ...ودمعه حاره ...متحدره ...من عيونها ...الي اضناها ...الشوق ...والسهر ....
............................................................ .............................
سمعت نجلا ..دق على ..باب جناحها ..
اكيد ماريتا ....
فتحته بسرعه ..وخذت ...الي معها ,,
نجلا- ..شكرا ماريتا ...شوفي ..الساعه ..1.5ولّعي فحم ..خلاص..
ماريتا- انشالله مدام ...
سكرت الباب ..ومعها ..المِكواة..
وبعد ربع ساعه
خلصت نجلا ..وكوت ..قميصها ....الي بتلبسه ...له ...فرشته على السرير ...
ناظرته نظره اخيره ...وتذكرت الجازي ..هي الي اصرت عليها تاخذه ....يجنن ...كان ...
لونه ..سُكري ...حرير ..بدانتيل ...وشرايط عند الصدر ...وخرز لولو ..عند الصدر ...وفتحه لين اعلى الفخذ ...
رفعت حاجب ..وشافت الساعه ..الي بجنب ..سريرها ...كانت ..12...خذت جوالها ...ودقت ....
طوووووووط............طووووووووط...
الجازي- هلا والله ....وغلا ..
نجلا- هلا فيكِ...اخباركِ
الجازي- ماعلي ...انتي علومكِ ...قطعتي ذاك اليوم ...ولاعاد اتصلتي ...
ذكرت نجلا ...يوم تشوف الرساله ...
نجلا- آآآآه والله لهيت ...رحنا المزرعه ...وانشغلنا ..لا وبغيت اغرق..!!
الجازي شهقت ..بضحكه- قولي والله ..عسى ماشر ...مره انكب الشاهي ..ومره بغيتي تغرقين ..؟؟
نجلا هزت كتفها- والله مدري ..وش السالفه ...اييه صح ذكرت ..وش كنت بقولكِ ذاك اليوم ...
الجازي- ايش؟؟
نجلا- ابيكِ...تروحين لغرفتي ...
الجازي- ياامي ..انا في بيتي ...جا فهد وخذني ...
نجلا بحسره- لآلآلآلآلآ,,,,قولي والله ...!!
الجازي- ايه خلاص .....ليه؟؟
نجلا- كنت ابيكِ ..تعطيني ..رقم ..وحده ..من صديقاتي ..موجود بالنوته ...حقتي ...
الجازي- خساره ..والله ...كان ودي اخدمكِ ...طيب كلمي غاده ؟؟
نجلا- من جدكِ؟؟مارح تعطيني اياه ..
الجازي- ياحبيبتي ..هاذي اختي ..واعرفها ..الحين انتي بالنسبه لها ...بنك...وان ماخدمتكِ ..فهي معتبره نفسها ..خسرانه ...
نجلا – تهقينه؟؟
الجازي- ايه والله ..جربي وتشوفين ..
نجلا- مالي الا اجرب ...لاني ابي ..هالبنت ضروري ...
الجازي- ليه عسى ماشر ..؟؟
نجلا- هاذي شيخه ..بنت جيرانا ...الي اخوها صديق سعد ...ودي اكلمها ..يمكن يعرفون رقم سعد ...
الجازي- ايه ...انشالله ...ربي ..يطمنكِ عليه ...
نجلا- ياللا..اجل خلني ادق عليهم ..
الجازي- بس ..هاذا هو !! ماكلمتي تدوريني؟؟
نجلا- ياحبي لكِ ...انتي وتشراهكِ...تدرين ..اليوم شفت ..القميص الي ..خليتيني اشتريه ...
الجازي- أي قميص؟؟
نجلا- هذاك السكري ...
الجازي بمكر-آآآآآه ..حق ليلة الدخله ..؟؟
نجلا- ايه هو..
الجازي- الزين ياعمري ..ماياخذ الا الزين ...قصدي انا يعني ...!!
ضحكت نجلا ..- الله يرجكِ ..يلا بس ..سكري ..بكلم ..غاده ..
الجازي- وسعي صدركِ عليها ...تعرفين لسانها ..
نجلا- لاتوصين حريص..
الجازي- مع السلامه ..
سكرت نجلا ...ورفعت ..خصله ...بين اصابعها ...تلعب فيها ...
والتفتت تناظر...صورة حبيب ..روحها ...قربت منها ....
نجلا- تناظرني ..هاااه؟؟
قربت اكثر...وباست الصوره ....
نجلا خاطبته مبتسمه – لو تمسك يدك شوي!!؟؟كان ياسلام؟؟
سمعت نغمة ...نوكيا ...
اكيد الوليد .....صاير ..باليوم ...يدق ..6 7 مرات...لين يجي ..من الشغل ...لازم تغير النغمه ....وتحط له ..احلى نغمه
ابتسمت ...
نجلا- الو؟؟
الوليد- سلام؟؟
نجلا- وعليكم السلام ...
الوليد- مانمتي؟؟
نجلا قطبت- لأ ليه انام هالوقت؟؟
الوليد- مدري هاذي عاده ..عندكِ ..اذا قلت ...استنيني ...او استقبليني ...تهربين ..وتنامين...
ضحكت نجلا- والله اكون تعبانه ..والله...
الوليد- يعني ..اليوم ..مب تعبانه...؟؟؟
نجلا ..غيرت ..الموضوع- علمني ...ايش المفاجئه؟؟
الوليد- تقهريني ...لما تغيرين ...السالفه!!
نجلا- أي سالفه؟؟
الوليد بتنهيد- ولا شي!!
نجلا- ..امانه ..قول ..وش هي المفآجئه.؟؟حمستني!!
الوليد- تحمسي ..اكثر ...ابي ..اشوف الفرحه ..بعيونكِ ..لا شفتيها ...
نجلا- لهالدرجه ..حلوه؟؟
الوليد- مثل حلاوتكِ...
عضت شفايفها ...
نجلا- بتجيبها معاك يعني؟؟
الوليد- لأ ...بستناها تجي ....بعدين اجيبها ..
نجلا- يوووووه ...يعني لسه؟؟ماجات...!!
الوليد بهدووووء- اصارحكِ ..بشي؟؟
نجلا- ايش..فيه؟؟
الوليد- اخاف ..اذا جت ...وجبتها ..تاخذكِ مني؟؟
نجلا..فآجئتها...نبرته..وكلمه وحده ...حرّكت فيها..كل احساس...
اخــــــــــــــــــــــــــــاف
نجلا..ترددت....
الوليد- ليه سكتّي؟؟
نجلا – مد...ري؟؟
الوليد- الين الحين ...منتي ..مستوعبه ..اني شاريكِ؟؟!!انا ...حبيتكِ...وانتي ...اعترفتي بنفس الشي!!...لا تتوقعين .مني..بعد ..الايام الي فاتت .انيّ....اقدم أي تنازل!!!
نجلا- ما طلبت ..منك تنازلات...وتطمن ...مافيه أي شي ..ممكن يبعدني ...عنك!!الا ان ربي ..كتب ...هالشي!!..
الوليد تذكر سالفة ..عقمه..- أي شيّ؟؟؟
نجلا بثقه تامه ..- أي شي....الا؟؟؟
الوليد – الا ايش؟؟؟؟؟
نجلا- الا الموت!!!
الوليد بأنفعال- انتي صاحيه؟؟ولا مجنونه؟؟تتفاولين ...على نفسكِ بالموت؟؟!!
ارتبكت نجلا ..من عصبيته ...الي تطغى عليه دايم...
نجلا- ياربي ..على عصبيتك ..يالوليد...!!
الوليد- هذا انا؟؟فيه اعتراض؟؟؟
نجلا تنهدت- ..؟لأ مافيه......بسكر ..انا الحين ..طيب..
الوليد بنرفزه - انا الي اقول ..سكري ...مو انتي ..الي تحددين...!!
نجلا.بعتب.-...وبعديــــــــــن؟؟!!
الوليد- مع السلامه...سكر ...ماعطاها ..فرصه ..ترد....تخوفه ...من ..موضوع ...انعدام قدرته ...انجاب الاطفال....شل ..تفكيره....دقدق..بأصابيعه ..على طاولة المكتب...
كل .هاذا ..كان ..هو في غنى عنه ...لو ..ماتزوجها؟؟ ....ولو ...مااجتاحه ..احساس ..الحاجه ..لها ...؟؟
دخل يده بمخباه ....وسحب ..تعليقتها ....
قرى المكتوب ....وتذكره ...يوم قالته ..بأسلوبها ...ابتسم.....وغمض عينه ..يحاول يدور رسمها ..الي ...رسمه...بوسط ...الخفوق....
....
............................................................ ...............
|
23-01-08, 10:47 PM
جديد مواضيع قسم الارشيف
العرض العادي
