المنتدى :
الارشيف
@@* ياناس شوفو لي حل مع الآدمي هذا *@@
من جد بهذلني هالمصيبه
********************
لو تعرف الخطايا كيف كنت محروم
كان سود الليالي يـوم طحـت سمحـت
لو هموم المفارق مثل كـل الهمـوم
ماتشوفـون عينـي بالدمـوع سبحـت
ولو تحن المشاكل عقب حب الخشوم
كان حبيت خشـم المشكلـه واستحـت
بين صـدة عزيـز وكبريـاء مهزوم
عيـن شحـت علـى وعيـنٍ استسمحـت
بس مالله خلقني من بكـاي معصوم
وادري انه المحاجر لو تفيـض افضحـت
والله اني على جرحي صبـور وكتوم
لكن ان الدمـوع ان روحـت روحـت
اعذلـتني ظـروفي وانهكـتني عزوم
والوجيه احزنت لـي والقـلوب افرحـت
اشهد ان الليالي ماتعـرف السلـوم
قلب جافـي لقـاه ووجـه صافـي بحـت
راهنتنـي تبلـل بالدمـوع الكمـوم
ويشهـد الله عليهـا راهنـت واربحـت
احرمت نور عيني من غلا ريم قـوم
بـذرةٍ وارتوتنـي واثمـرت واطرحـت
جادلٍ دوم ماهـي مـثلها كـل يوم
استضاحت غمـوض وبالغمـوض اوضحـت
دورت بين قلبي والهـدب درب نوم
وامرحت ويـن مـدري المهـم امرحـت
تنحت اسمي بقلبٍ جيت فيه معزوم
واسمها بيـن جلـدي والعظـام انحـت
مثل جفني لعيني بالنعـاس محـكوم
كل مانمت نامـت كـل ماصحـى صحـت
ماتعارض كلامي غير عند اللـزوم
بس لا قمت اسولف واندمجـت سرحـت
دايم ازعل عليها بس قلبي رحـوم
وهي تموت بعذابي من تحـت لـي تحـت
مثل وجه العلاقه في ثياب الخصوم
ان تطيبت طابت وان جرحت اجرحـت
خصها الله بوصفٍ من خيال معدوم
لا اذان اسمعتبـه ولاعيـون المحـت
كن ربي خلقها من بياض الغـيوم
ومـن كفـوف السحابـه بالـورد القحـت
عن سواها فرقها بالقمر والنجـوم
وكـل عـذرى تباهـا بالجمـال انزحـت
بالحلا هي كوم وباقـي النـاس كوم
كفـتٍ عادلوهـا بالبشـر وارجحـت
حسبي الله على اللي مابغـاها تدوم
من بعد كيف كانت شوف كيـف اصبحـت
لاتحقـق وصـال ولا فـراق محتـوم
خطـةٍ قربتنـي للفشـل وانجحـت
لعنة العشق تبقى مثل ضرب السهوم
لو محى الوقت جرحه صورته ما انمحت
كيف ابنسى وانا اللي من جفاف لسموم
ماحشمت العيون ولا الدمـوع فلحـت
كانهـا بالـحميا كـل ربعـي قـروم
لـو يلـدون لاصعـاب الظـروف صلحـت
اجزم ان كنت ياقلبي شجاع وجـزوم
لـد لعيـون بنـتٍ لا التفـت الفحـت
ماتهين البخيـل الا يديـن الخـدوم
دام كـف الخطايـا بالجفـا لوحـت
نطح الباس باس ونطح اللـوم لـوم
وان تهـدت تهـد وصيـح ان صيحـت
ياتعيـش بمعـزه ياتمـوت محشـوم
ودك ان الليالـي لافعلـت امـدحـت
عمر ضعف الاراده مايسر الرخوم
ضربت السيف لوبيديـن الشجـاع ذبحـت
خوينا : المتنبي
|
22-09-07, 10:36 PM
جديد مواضيع قسم الارشيف
العرض العادي
