كاتب الموضوع :
روئ العين
المنتدى :
القصص المكتمله
*عند الخيمه*
الحريم كلهن مرتبشات العروس بتدخل..تسكرت الاضاءه في الخيمه وما بقى غير اضاءة الكوشه...والكوشه كان استيجها بيج وفارين عليه ورود ورديه وع الطرفين حاطين نفس الشير لكن الاوراق ع الوردي وكان كرسي الكوشه بيج والخلفيه سور بيج...دخلت شما الخيمه مع خواتها وبنات خالتها..غيروا الخطه..حصه ومريوم ع يمينها ويزوي ونواري ع يسارها..شمه كان فستانها بيجبس كله مطرز بوردي فاتح ونفس الشي طرحتها..كانت شما فاله شعرها ومسويه فيه حركات خفيفه...دشت ع قصيده كتبها حمدان
ام سعيد:ماشالله ماشالله يام سيف..صدق العروس تخبل
ميثه:ماشالله عليهن كلهن يخبلن
ام سيف ما قدرت ترمس لانها تبغي اتصيح
موزه:واااااااااااو ماشالله...فديت شمووه انا
النيره:الصرااحه ..فستانها وااااااو
ام مانع:ماشالله ماشالله عليها
يلست شما ع الكوشه بعد ما زفنها خواتها طبعا كانت بعد تتصور..سارت لها امها عسب تتصور معاها
شمه:اميه ملييت كله تصوروني حشى!!
ام سيف:يا بنتي تراها الا مره وحده ف العمر
شمه:..........
يت ام حمدان الكوشه نشت لها شمه وحبتها ع راسها
ام حمدان:ماشالله ماشالله تبارك الرحمن...فديت عروس ولدي انا
ام سيف:ماقصرتي ما قصرتي...عاد ما اوصيج يا شما
ام حمدان:المفروض توصينا نحن عليها..فديتها
ام سيف:كله واحد
ام حمدان :انزين حمدان متصل يبى يحدر
ام سيف:خليه يحدر...بسير اييب وقايه شما
*دخل المعرس*
طبعا حمدان الدينا مب شالتنه من الفرحه واخيرا تحقق حلمه..تحققت الساعه اللى كان يحلم انها تكون ملكه بروحه ومحد يشاركه فيها ويعيش طول عمره وياها من دون يفرقهم شي غير الموت...حمدان ما كان داش يروحه...دش وطابور شباب وراه..ع يمينه ابوه وعن يساره اخوه الوحيد...سار ع الكوشه ووقف حذال شمه هوه وابوه...انا الشباب الباقين كلهم كانوا في الكوشه وكل واحد بعصاته الا خالد سار ووقف حذال اخته شما..بدت المغنيه تغني اهواك(ميحد حمد) والشباب ما قصروا تموا ايولون ويرزفوون عاد اللى احتشرن عليه البنات سلطان وسعيد...
سلطان فر فوق وقبضه باليسار ورد ايوول هالحركه كلهن ينن عليه...
حصه:ولد خالتيه ...ماكنت اتوقعه جيه!
يزوي:فديت اخويه كيف ايول..جان اتيهن مريوم
مريوم:واااااااو شو هذا..كله ورود بيض...كشخه اسميهم..رابشين
حصه:ماشالله ماشالله..سلطان ولد خالتيه خطير..
مريوم:هيه شفته
يزوي:بس حلوه الحركه
مريوم:هيه حلوه..بس شوفي الحريم كيف بيقدن
يزوي:هههههه
مريوم:حصه نسيت ترا ميثه بنت ام سعيد كانت تتخبر عنج
حصه:وين هيه يالسه؟؟
مريوم:هناك على اول طاولة
حصة:تعالي يزوي بنسلم عليها
يزوي:منو ميثه؟
حصه:ميثه بنت ييرانا
يزوي:اهااا.يله انزين
سارن حصه ويزوي صوب ميثه
حصوص مستانسه:هلاااااا والله هلا ميثه
ميثه:اهلين شحالج
ام سعيد:هلا بنتي حصه..شحالج؟
حصوص:الحمدلله ابخير شحالج انتي؟
ام سعيد:ابخير دامج ابخير
حصه:منورين العرس
ام سعيد:تسلمين فديتج
ميثه:حصووص وين كنتي مخبيه هالانوثه؟
حصه:هههه..الا ما عرفتج...يزوي بنت خالتيه
ميثه:هلا اليازيه
يزوي:اهلين
ميثه:شحالج
يزوي:الحمدلله يسرج الحال
حصه:تصدقين ما كنت اتوقع اند بتيين! فرحتيني
ميثه:انزين اميه ما طاعت..بس سعيد اقنعها
حصه اتغير ويهها يوم ميثه قالت سعيد..حصه شكت ان ميثه خاطرها ترمس عن سعيد...وهي لين الخين تأكدت ان سعيد بعده ما ظهر من حياتها..وقلبها يرفض انه يستوي شي بينها وبين سعيد..لان الحركه مب حلوه كيف رضى لنفسه يخون ربيعه ويطرش اخته صوبها ومعاها الرقم...صدق ما يستحي
يزوي:حصووص بسير صوب نوراي اوكي؟
حصه:اوكيه(وسارت عنهم يزوي)
ميثه وتاشر ع سعيد:شوفي هذا اخويه سعيد
حصه:واللى حذاله سلطان ولد خالتيه
ميثه من طريقه حصووص حست انها ما تبى ترمس عن سعيد وهي ما تبا شي يخرب علاقتها بربيعتها وبنت ييرانهم حصوص..سكتت ميثه وف خاطرهاا: الحمدلله ما رمست والا عادي حصوص ترقعني اعرفها ..وهذا سلطان ما يفهم بعد
نزلوا الشباب من الكوشه بعد ما سلموا ع المعرس
حمدان اللى ظنيه محد حاس فيه...محد شالتنه الدينا كثره:
حمدان:شمه!!
شمه:لبيه
حمدان:فديتج يوم تقولين لبيه
شمه:ابتسمت
حمدان:جنج اليوم تخبلين والا انا غلطان؟؟
شمه:حطمتني ...بس اليوم!!
حمدان:هههه.فديت روحج انتي دوم حلوه...بس مادري اليوم احس غير
شمه:انزين...مب انا بس حتى انته اليوم محلو والا انا غلطانه؟
حمدان:ههههه:لا فديتج مب غلطانه...انا اليوم اذوب
شمه:يالخقه
حمدان:هههه..لازم اخق..عندي القمر
شما:حمدان تراني استحيت
حمدان:فديت اللى استحى
حمدان كان يشوف شما وسرحان..والمصوره تكلمه من الصبح عشان يشوف الكاميرا وهو لابسنها..صدت شما صوبه تضحك وترمسه ..هو ما فهم شو قالت...تم يشوفها..وشمه هيه بعد الثانيه تمت اتشوفه وسرحت فيه..وصروتهم وكاانت احلى صوره تبروزت في ليله عرسهم
*بعد 6 شهور*
حصه ناشه متروعه..حلمت حلم انها تسقط في امتحانات الثانويه العامه...نشت من رقادها وسارت اتصلي الفير ومن بعد الصلاه قرت قران ودعت ربها انها تنجح...سارت صوب الكمبيوتر تشيك على النتايج اذا طلعت والا لا..لكن النتايج ما طلعت..وردت ترقد
*العصر*
نزلت حصه الصاله وبعدها قلبها ناغزها...لقت امها وابوها يالسين
بو سيف:هلا حصه
حصه بصوت واطي:اهلين
بو سيف:بلاج حصه؟مريضه؟
حصه:لا ماشي
ام سيف:عيل بلاج بنتي اتغيرتي؟؟لوول يوم تنزلين تصرخين تشلين البيت شل!
بو سيف:الله يغربل الامتحانات جانها هي اللى مغيرتنج!!
حصه:هيه والله الله يغربلها من امتحانات..حتى الرقاد ما نرقد عدل نفكر في نتايجنا..تصدقوون اليوم حلمت اني اسقط في الامتحانات..وانتوا تهازبوني وابويه انته شليت العصى ومردغتني..وانتي اميه ما قصرتي بنعالج..وسيف يضحك عليا..انا الوحيد اللى استانس عليا خالد..قالي عيدي السنه انزين ما بيستويلج شي بعدين ضحك وقالي خلج ع الموجه:d
ام سيف:بل بل مب حلم
بو سيف:لا ان شاء الله خير يا بنتي..والا نتايجكم متى؟
حصه:اليوم فليل بيطرشون مسجات..وباجر بيحطونهن ع النت..والاحد ع الجرايد
بو سيف:ان شاء الله من الناجحين يا بنتي وان شاء الله ترفعين راسنا
حصه :الله يسمع منك
نزلت حرمة اخوها"حمده" من فوق..حصه ما تحب حمده حرمه اخوها واللى هيه تستوي بنت عمها..لانها راعية مشاكل وام ويهين
ام سيف:هلا بالغاليه هلا
حمده:مرحبا فديتج امايه(وخت وحبتها ع راسها)
ام سيف:شحالج فديتج؟
حمده:يسرج الحال ولا يضرج..السلام عليك عميه
بو سيف:وعليج السلام الرحمه
حمده:شحالك عميه؟
بو سيف:يسرج الحال
حمده:ان شاء الله دوم...شحالج حصه(بدلع)؟
حصه من دون نفس :الحمدلله(ونشت)
ام سيف:وين بتسيرين؟
حصه:بسير ازقر مريوم
حمده وخطفت حذال حصه وقالت لها بصوت واطي:فكه
حصه تمت وافقه مكانها فاجه حلجها منقهره:والا اقوول بيلس
حمده:افف
ام سيف:انزين انا بسير مع ابوج الهير وبنرجع خلاف يومين ان شاء الله
حصه:ليش؟
بو سيف:انا وامج ورانا شغل..شوي هناكي يوم بتظهر نتجتج اتصليبنا..بلغينا
حصه :من هالعين قبل هالعين
بو سيف يشوف حصه وفاج عيونه:وغدي انتي الحرمه
حصه شافت حمده وضحكت:خلك ع الموجه ههههه
بو سيف:ههههه..يالله شي ف خاطركم؟
حمده:سلامتك عميه
حصه:ربي يحفظك..اتصلوبنا يوم بتوصلون
بو سيف :ا نشاء الله(ساروا بو سيف وام سيف الحوش مع بنتهم حصه يحطون اغراضهم)
حصه:صدق ليش بتسيرون الهير؟
بو سيف:يا بنتي عن اللقافه
حصه:الحين انا ملقووفه؟؟اوكييه ما علييه!
بو سيف:فديت من فكر يزعل انا ..تعالي انا ابووج والله يا حصه مب قصدي فديتج انتي اخر العنقوود وانتي احلى مافي الكون
حصه:احم احم
ام سيف:بسك تغزل في البنت..يالله ورانا درب
بوسيف قبل عن يركب السياره حب راس بنته حصه هو ما كان يدري ليش حبها واليوم كان يعاملها غير وفي نفس الوقت استغربت حيه..لكن القدر محتوم ردت حصه الصاله وشافت حرمه اخوها ترمس في تلفون البيت بس اول ما شافت حصه سكرت التفون بسرعه
حمده:ثاني مره قبل لا تحدرين طلعي صوت ع الاقل او دقي الباب
حصهصدت وشافتها:ليكون خايفه تتحسبيني سمعت شو قلتي
حمد مرتبكه:ما اخاف لا منج ولا من حد شراتج..وبعدين لا تنسين تراني حمده بنت سالم عمتج وعمة عمومتج
حصه ببرود اعصابها:ههه ضحكيني اكثر!!
حمده:يوم بيرد سيف هوه اللى بيضحكج اكثر
حصه:اوكيه وسارت عنها فوق عند مريوم
حمده:ان ما خليتج تندمين يا بنت محمد..ما كون حمده..
بعد نص ساعه سارت حمده فوق حجره حصه
حصه :منوه؟
حمده :انا حمده
حصه تصتصر عمرها:شو تبا هاي بعد سارت وفجت الباب لها:شو تبين؟
حمده:اخوج سيف يباج في حجره الضيرف
حصه مستغربه:وهو شو يسوي هناكي؟
حمده:شدراني بس المهم قال يباج هناك..وسارت عنها قسها
سارت حصه غرفة الضيوف وهي مستغربه من اخوها ليش يبى يرمسها هناك فتذكرت سالفة حمده فقالت اكيد عشان هاي العصله...دشت حصه الجحره وشافت سيف معطنها ظهره..قربت صوبه وحطت ايدينها ع عيونه...هو قبض ايدينها فقال: حمده؟
حصه:لا يا عيوني انا حصووص
صد الريال وفج عينه:حصه!!
حصه:هاه؟؟ منو انته؟؟ شو تسوي؟؟ الشرده
وسارت حصه فوق حجره مريوم وخبرت مريوم السالفه
مريوم:قولي والله
حصه وهي خايفه:والله..الله يقطعها من حرمه اخو..اتقولي سيف اخر شي مادري منو طلع
مريوم:يوم كنت تحت قالت لي بيي حمد اخوها ياي البيت
حصه:خاطري اقبضها واصفعها ..ليش هاي جيه؟
مريوم: بي حركتها قويه..ان سيف درا شو بتسووين؟
حصه:اوهووو وانا اقوول اليوم ليش قلبي نازغني ثرها السالفه فيها ضرابه مع سيف
مريوم:الله يستر.....من دشت هاي البيت وسيف متغير مادري شو من سوا مسوتله؟
خطفت هالثلاث ساعت سلام وحصه لا شافت سيف ولا سيف شافها..حصه نست السالفه الحين تفكر في هم النتيجه..كم بتكون نسبتها وهل يا ترى بتنجح والا بترسب؟ ونتيجتها بتكون واطيه والا عاليه؟ كانت حصه تفكر في كل الاسءله وقلبها ينغزها ..فجأه تذكرت امها وابوها ما اتصلوا؟؟ غريبه..نزلت مريوم تربع من فووق وتصارخ:حصووص حصووص
حصه حست ان قلبها بيطيح فكرت ان امها ابواها شي مستوي بهم:شوو؟
مريووم:مبررررروك يبتي 89.8
حصه:قووولي والله؟
مريوم :يعني بجذب عليج توهم مطرشين في المسج
حصه:الحمدلله الحمدلله....ياسلام عليج ياحصه يا بنت محمد
مريوم:مبروووك
حصه:الله يبارك فيج..عقبااالج
مريوم:شو عقباالج؟؟ انا مخلصه من زمان
حصه:اووه نسيت....اتصلي اتصلي حق يزوي شوفي كم يابت
مريوم:انزين
*اتصلت مريوم ع تلفوون نواري تتخبرها عن نتيجة يزوي*
مريوم:ويييييييييييو غلبت حصووص..حصووص يابت 89.8
نواري:مبروك...بس الفرق مب وايد..مب لين هناكي...
مريوم:بس يزوي سكتت..باركيلها
نواري:ان شاء الله ...سلمي على اهلج
مريوم:يبلغ ان شاء الله ..وانتي بعد
نواري :ان شاء الله ..فداعت الله
مريوم:مع السلامه
حصووص:كم نسبتها يزوي؟؟
مريوم:يابت 90
حصه :ماشالله
دش عليهم خاالد الصاله
خالد:السلام عليكم
مريوم+حصه:وعليكم السلام
خالد:بلاج تصرخين؟؟حصوص حصوص؟؟
مريوم:ماباركتلها نجحت
خالد:مبرووك..عاد كم النسبه
حصه:الله يبارك ف حياتك...89.8
خالد:ماشالله حلوه النسبه...تستاهلين
مريوم:ويزوي بنت خالتيه يابت 90
خالد استانس:اسميها ماشالله عليها...
حصه:لازم ام السماوي
خالد:ههههه
حصه:خالد عطني تلفونك
خالد:شو حايتج منه؟
حصه:بتصل حق ابويه ...ببشره
خالد::انزين دوج
حصه:اخافهم رقود
خالد:لا مااظن
حصه واتصلت على تلفون ابوها بس مارد عليها
خالد:يمكن رقود
مريوم:بس وقتهم مب الحين
حصه:وغير عن جيه قالت امي بنرياج تبشرينا
خالد رد يتصل في ابوه بس بعده مايرد عليهم...حصه بدت تخاف ومريوم بعد نفس الشيء....سارت مريوم فوق عند اخوها سيف دقت عله الباب نزل سيف تحت ومعاه حرمته حصه....وعلامات الخوف ع ويههم
خالد:انزين ما تدرون عند منوه ساروا؟ والا مع منوه؟
حصه:انا ابويه ماطاع يقوليه
سيف:عندك رقم احمد القرعه؟
خالد:هيه ليش؟؟؟
سيف:ابويه ساير صوبهم
خالد:انزين بتصل به(واتصل)
احمد القرعه:شحالك خالد؟؟
خالد:ابخير الحمدلله؟شخبارك يا ريال؟
احمد القرعه:الحمدلله يسرك
خالد:الا بتخبرك؟
احمد القرعه:امر
خالد:امي وابويه ما يوكم؟
احمد القرعه:لا والله انا سمعت العيوز اتقول انهم بيوون ونترياهم من الصبح...توني كنت بتصل فيك
خالد:انته متأكد؟؟
احمد القرعه:هيه متأكد...رب ماشر؟؟
خالد:اميه وابويه ظهروا صوبكم من الظهر يوم نتصل ابهم ما يردون علينا..
احمد القرعه: شوف خالد انا بظهر بدورهم وان لقيتهم ان شاء الله بتصلبك
خالد:ان شاء الله...مشكور ما قصرت..فداعت الله
حصه ودموعها ف عينها:شو قال؟؟؟؟
خالد كان خايف في داخله كان الشيطان يوسوس له ويخليه يفكر في افكار سوده..لكن خالد كان يقرا من الآيات اللى حافظنها في نفسه...حصه ومريوم...يلسن ع الكرسي خايفات ..اشوي ويسمع صوت حصه اتصيح
حمده:بلاج تصيحين...استهدي بالله..ان شاء الله خير
سيف:بسج فديتج حصووص(بدت مريوم تدمع)
سار خالد صوبهن: شوفن فديتكن اللى مكتوب بيصير واللى كاتبنه الله بيستوي....محد يقدر يوقف المكتوب لا دموعكن ولا غيره
حصه من خالد قال هالكلام تمت اتصيح حست انها خلاص هو هذا اليوم اللى بتفارق فيه امها وابوها تذكرت حصه ابوها يوم باسها على راسها..واتذكرت كيف كان احساسها في هذاك الوقت....وتذكرت امها اللى عمرها ما كانت تبين لحصه احساسها...
اما مريوم تمت تقرا في داخلها ايات وتحاول تقنع نفسها ان مش هذا اليوم اللى امها وابوها بيفارقونها لانها ما تتحمل فراقهم...ان شاء الله يارب ان والديني ابخير...وتدعي في داخلها"اللهم اني لا اسالك رد القضاء بل اللطف فيه"
حصووص وهيه اتصيح بصوت عالي:اميه وابويه راحوااا
مريوم من سمعت حصوص ربعت صوبها:لا ان شاء الله فديتج امي وابويه ابخير
حصه:لو انهم ابخير جان وصلوا بيت احمد من زمان(وردت اتصيح) مريوم من قالت حصوص هالجمله وتاكدت انها ماراح اتشوف امها وابوها من بعد هاليوم....يلست اتصيح...حمده حرمة سيف صح انها كانت راعية مشاكل والكل يكرهها بس وايد حسااسه من شافت حصه ومريوم يصيحن سارت لوت عليهن وتسمح ع راسهن: ان شاء الله خير لا تصيحن فديتكن بس
اتصل احمد القرعه
خالد رد عليه بكل توتر:بشر؟؟
احمد القرعه:اممم..خالد انته ريال مؤمن وايمانك بالله قوي....البقاء في راسك
خالد دموعه طاحن ع خده:كيف استوا؟؟
احمد القرعه:سرت على الشارع العام واشوفلك الشرطه والاسعاف هناك...ابوك داعم بعير ونقز ع سيارتهم....واتوفوا
خالد:في اي مستشفى حطوهم؟
احمد القرعه:بلاقيك في الجيمي؟
خالد:فداعت الله
حصه ربعت وزخن اخوها من ايدينه:خالد وين امي وابويه؟؟
خالد سكت ماعرف شو يقول...مريوم سارت صوب خالد ويلست عند ريوله تصيح:فديت روحك خالد خل امي وابويه يردون البيت دخيلك
خالد زخ عمره ما بغى يصيح جدامهم:البقا في راسكم
سيف من الصدمه يلس ع الكرسي ما يعرف شو يسوي
خالد:سيف تراني بسير المستشفى جان بتخاويني؟
سيف وبعده مب مستوعب:لحظه بس بغير كندورتي
حصه ميته من الصياح:لا والله ما تسيرون من دوني..ابى امي وابويه
خالد:انتي هبلا
حصه: اريد ابووس اميه...اريد احضن ابويه..مالي غيرهم
مريوم وهي تصيح :وانا بعد
خالد:لا ماشي
مريوم:والله مب كيفك ان ما سرت معاكم بوقف لي تكسي حصه ربعت فوق تييب عباتها وعباة اختها وساروا مع اخوانهم ..وصلوا المستشفى وحصه ما طاعت تنش عن جثة ابوها..
الدكتوره:لو سمحتي اختي ممكن؟
حصه اتصيح:مالج خص فيني خوزي عني..حصه وهي حاضنه ابوها حست انها حضنت الدينا كلها ...هذا ابوها اللى عمرها ما قد ذكرت انه غصبها او سوالها شي ما يعيبها..ابوها اللى كان يبيع الدينا على شانها..والله احبك يا بويه
*والله ما يسوى اعيش الدينا دونك....لا ولا تسوى حياتي بهالوجود*
*بعد 5 سنوات*
حصه تذكرت يوم اتوفى ابوها كيف استوت حياتها مع سيف وحرمته حمده اللى كل ما فيها مشاكل...حصه الحين بروحها في البيت ......مريم عرست خذهاعبدالله وخالد عرس خذ اليازيه بنت خالتهم....حصه يالسه في حجره امها وابوها تقرا قرآن ومرتاحه ومن كثر ارتياحها تمت اتصيح....بعدها لين الحين تذكر كل شي كانوا يسوونه امها وابوها..دشت عليها حمده الغرفه من دون لا تدق الباب ولا شي
حمده:اييه انتي
حصه صدت صوبها:خيير؟؟
حمده:كم مره قلتلج لا تقولين خير
حصه سكتت
حمده:وبعدين انتي ما تفلحين الا في هاي الشغله يالسه في هالغرفه المعفنه وزاخه القران مادري شو مسويه عمره
حصه ونشت عن سيادتها:انتي ايه...تراج مكبره راسج وايد..لا تتحسبين انج كل ما رمستني وشفتيني ساكته عنج يعني خايفه منج والا من شيفتج..تراني ساكته عنج لانج حرمه اخويه سيف...وام عياله(مشت عنها) وعلى فكره...تراج انتي المعفنه
حمده منصدمه:وطلعلج لسان بعد
حصه:ولو تبين اطلع الاثنين عادي عندي
حمده شافت حصه باحتقار وسارت عنها فوق
اتنهدت حصه وفي خاطرها:لين متى هاي بتتحكم فيني ولين متى بسكت عنها..الله يعين...انا وربي يعلم من متى ساكته عنها الا عشان ابويه يوم قالي "واغدي انتي الحرمه"والا والله كنت براويها شغلها..طلعت حصه من الحجره وهي تفكر في العله حمده...سارت الصاله شافت يزوي حرمة اخوها
حصه ابتسمت:هلا يزوي
يزوي:هلا فديتج
حصه:شحالج وشحال البيبي اليديد؟
يزوي:يسرج حالنا
حصه سارت صوب "محمد"ولد خالد تلعب معاه:فديته حمودي الغالي
يزوي:حصه ممكن اكلمج في سالفه؟
حصوص وهي شاله محمد:امري فديتج!!
يزوي:انتي وايد تغيرتي من بعد وفاة خالتيه..خلاص حصوص صار لهم 5 سنوات
حصه:...........
يزوي:وانتي هاي اخر سنه لج في الجامعه ولا حتى انخطبتي..كم يوا خطبونج وانتي مب طايعه
حصه وردت محمد مكانه:يزوي(نزلت عيونها) انتي تبين الفكه مني؟
يزوي:لا والله فديت روحج....بس انا ما قلت جيه الا لاني اباج تحسين في عذاب اخويه سلطان..6 سنوات يحبج ويترجاج تاخذينه وانتي مب طايعه...ليش حصووص اخويه في عيب؟
حصه مستغربه:سلطان يا يخطبني؟؟
يزوي عاقده حياتها:هيه ....ليش ما تردين؟
حصه:والله اني ماعرف..ما وصلني..ما....محد قالي شي
يزوي:عيل قالوا حق سلطان انج انتي اللى رافضتنه
حصه:والله اني ما رفضت غير حمد ولد عمي
يزوي: عيل كيف قالوا له ان حصوص اللى ما طاعت
حصه:والله ماعرف شي..بس تدرين ان السالفه عند اخويه سيف..وحوده ما تقصر...تلعب في راسه لعب
•العصر*
اليازيه يالسه مع ريلها خالد في قسمهم...خالد مب طايع يودر ولده..حتى في الرقاد مايودره فرحته بقدوم"محمد" ما تنوصف....خصوصا انه يذكره في ابوه "محمد" اليازيه تمت في خاطرها سالفه حصه ويا اخوها سلطان وقررت اخر شي انها تكلم خالد
اليازيه:خالد؟
خالد:لبيه ياام محمد
اليازيه:بس ام محمد ما في شي ثاني؟؟(تدلع الحرمه)
خالد:انتي ...ام محمد وحياتي وعمري وكل مافيني انتي
اليازيه ابتسمت له:شو كان الدوام في الشركه اليوم؟
خالد:الحمدلله والله ..مافي اي مشاكل
اليازيه:الحمدلله
خالد وهو يلعب ولده:اليازيه؟
اليازيه :عيونها
خالد:فديت عيونها انا...انتي شي كنتي بتقولين صح
اليازيه:لا
خالد:مادري ليش احس انه في شي
اليازيه:الصراحه خاطري ارمسك في موضوع
خالد وحط محمد على شبريته:امري
اليازيه:شلطان اخويع
خالد بخوف:بلاه؟ فيه شي
اليازيه:لا ما فيه شي الا العافيه..بس بغيت اتخبرك
خالد:؟؟؟
اليازيه:هو طلب منك حصه صح؟؟
خالد:والله ماصار
اليازيه:يعني هو مارمسك انه يباها؟
خالد:ليش هو لين احينه يباها
اليازيه:هيه..وكم مره يا خطبها بس انتوا رفضتوه
خالد:لحظه لحظه لحظه شو قصدج؟؟اصلا هو متى ياها ومنو رمس؟
اليازيه:مادريبه بس هو زعلان لانه كم مره يا يخطبها وسيف يقوله انه حصه مب راضيه...يوم رمست حصه اليوم قالت انها ما تدري عن السالفه
خالد:سواها الهرم...بس ما عليه انا اراويه
ظهر خالد من القسم معصب وهو ظاهر شاف سيف
خالد معصب:سيييف!!
سيف:خير شعندك؟
خالد:صدق انه سلطان يا يخطب حصه وانته رفضت؟
سيف تغيرت تعابير ويهه:هااه؟؟شو ؟ لا ماصار
خالد:سيف عن الجذب..انا بروحي مرمس الريال
سيف:هيه يا يخطبها وحصه رفضته
حصه ظهرت من حجرتها يوم سمعت اصواتهم
خالد :حصه صدق انج رفضتيي سلطان ولد خالتيه؟
حصه:لا..اصلا محد رمسني في السالفه
خالد صد صوب سيف:وهذييه حصه ما تدري عن السالفه
ظهرت حمده من قسمها طبعا كانت تسمع كل شي وقالت: لويستوي اللى يستوي حصه ما بياخذها سلطان..البنت لولد عمها وحمد اخويه يباها
خالد صد صوبها: اتخسيين واتعقبين انتي واخوج
سيف معصب:لا تطول حسك ع حرمتيه
حمده:لا لا خله...تراه الا اصغر عني"يااهل" لا يجدم فيني ولا ياخر
خالد:ههه..سمعتوا قالت ياهل ..والله محد ياهل غير ريلج...حرمه تجدم في رمسته وتاخر..خلي الياهل يفيدج
شيف عصب من رمسة خالد سار وقبضه من رقبته :احترم نفسك
خالد ودز سيف: شوف يا سيف..الوحيد اللى بياخذ حصه هو سلطان ولد خالتيه..ولا تنسى انه ابويه الله يرحمه كان معطنه كلمه ولا تفكر تكسرها عشان خاطر حرمتك الدعله..وصد عنه دخل قسمه هو وحرمته اليازيه
حصه اول ما سار خالد هي دخلت حجرتها
اليازيه:خالد ماكان له داعي لكل هذا
خالد:لا ..له داعي ونص ...ابويه الله يرحمه كان واعد سلطان بحصه ولو شو مايستوي حصه ما بتعرس الا وسلطان ريلها
اليازيه ارتاحت من كلام ريلها خالد ..لان بهذا الكلام اخوها سلطان بيرتاح ونفس السالفه حصه بعد بترتاح...حصه يالسه في حجرتها تفكر في سلطان ولد خالتها اول واحد حبته في حياتها واخر واحد......اول من نبض قلبها باسمه معقوله سلطان لين الحين يحبني؟؟ وهل ياترى انا استاهل محبته؟؟ اخ يا سلطان من متى ما شفتك..من عرس شمه وانا ما شفته...لو تدري شكثر اشتقتلك والله لتدمع عينك..
*في بوظبي*
سلطان توه واصل البيت وداش تعبان..طبعا امه رقدت ومنصور مع حرمته وبنته"فاطمه"...سار سلطان حجرته وهو همه من 6 سنين"حصه" اللى عمرها ما فارقت تفكيره..وقلبه...دخل حجرته حط راسه ع الشبريه وهو مفكر انه بيرقد لكن هيها يا سلطان وين اييك الرقاد وحصه ما تفارق بالك تنهد سلطان وقام يرمس عمره:هزرك يا سلطان حصه ليش ما تباك؟؟شي بدر عنك مهب زين والا امممممممممم ...ماتباك ما تواطنك..لا مستحيل..ماظن حصوص تكرهني..بس ليش ما تباني..يمكن تحب حد؟! لا ماأظن....تنهد..آخ ياقلبي..ياحصه قلبي عليه اليوم خوف...عادي ادش مستشفى الميانين بسبتها..فديتها انا تستاهل
*اليوم الثاني*
اليازيه يالسه في الصاله مع ولدها محمد...حاطتنه عدالها وهي يالسه اتعلم البشكاره اليديده كيف تكوي...نزلت حصه من فوق ..شافت اليازيه وفي خاطرها:طاعوا الفرق بينها وبين السباله حمده
حصه:السلام عليكم
اليازيه:وعليكم السلام
حصه:اليازيه شو تسوين؟
اليازيه:اعلمها كيف تكوي
حصه:خلي عنج....بتتعبين..خليني انا اعلمها
اليازيه:لا تعب ولا شي
حصه:انزين خوزي انا بعلمها
اليازيه:اوكي...على فكره
حصه:هلا
اليازيه:اتصلت حرمة عمج ام حمد..قالت انها بتيي اليوم تتعشا عندنا
حصه مستغربه:حياها الله ..اتصلتي حق قوم شموه؟
اليازيه:اصلا شموه رمستها البارحه قالت بتي
*اتبطل باب الصاله*
شمه:السلاااااااام عليكن
حصه+اليازيه:وعليج السلام ..ينت حلال والله
شمه:هاااه كنتن اتحشن فيني؟
اليازيه:لا حشا ...اصلا ولو فكرنا نحش عنج..ما بنلقى شي انقووله
حصه:هههه..بدت يزوي اتقردن
شمه:ههههه..لا اصلا كلامها كله عسل
اليازيه:مشكوره فديتج
حصه مبهته:شو السالفه...المعرسات يغازلن بعض
شمه+اليازيه:هههههههههههه
حصه:شمووه عيل وين عيالج؟؟
شمه:بس يبت هالشحرووره رفيعه...انا سعيد ما يطيع ايي...غدا ريال الحين ما يفارق ابوه من مكان لي مكان معاه
حصه:فديته والله زين...خله يخاوي الرياييل من الحين..
اليازيه:فديتها رفيعه..تاخذ ملامح من ابوها اكثر
شمه:هييه
حصه:شمه..ترا حرمة عمي حمد قالت بتيي تتعشى عندنا اليوم
شمه:يامرحبابها
حصه:انا بتصل حق مريوم بخليها تيينا..
شمه:بتييج من بوظبي؟؟
حصه:لا البارحه يت مع اهل عبدالله بيتهم اللى في العين هنيه
شمه:اهاااه
** بعد آذان العشا**
ام حمد : الحمدلله الحمدلله ..يالعشا السنع والله بشكارتكم زوينه
شمه: لا فديتج ...حصه وحرمة اخويه اليازيه هن اللي سون العشا
أم حمد: ماشالله ..لو تفتحين لكن مطعم بتربحن
شمه: هههههههه
حصه: امممم شو رايج حرمه اخويه؟؟؟؟والله شورج زين يا حرمة عمي بنفكر
ام حمد:ههه لا عنبو تصدقين وتسوينها
حصه : لا شو
اليازيه: قهوه ؟
حمده: شو مشغلينج مقهويه ؟هههههههه
حصه حرت حمده بعين وفي خاطرها : نشي انتي وقهوي امج مب انتي حرمة العود ...بس والله مافيج خير..حصه: هاتي عنج اليازيه...محمد ولدج يصيح
ام حمد: وااااافديته محمد...هاتي بشله(عطوها محمد) ماشالله عليه امررره يشابه يده الله يرحمه
شمه: الله يرحمه ..الا شخبار عمي ؟؟؟
ام حمد: الحمدلله تسرج اخباره ..الا هو عند خوانج في الميلس
شمه: وانا اقول الميلس ليش منوّر
حصه في خاطرها: والله منور من الليتات اللي فيه مب عشانه هوو
حمده: حصه!
حصه بدفاشه : شوووووووه؟
حمده: سيري حجرتيه فووق فجي السده اللي على يمين الباب بتلقين صور خليفه وميثه ...هاتيهن امي تباهن
حصه منصدمه: عن اللاتها هاي لا مذهب ولا ادب ولا حتى اتقول لو سمحتي ترمسني جيه بعد من ورا خشمها...تتحسبني بشكارة اهلها
اليازيه الوحيده اللي سمعتها: وطي حسج
حمده: شو قلتي؟
حصه: ظنتيه ترومين تروحين برحج @@
ام حمد: وانا قلت حاطين بالكم على حرمة اخوكم العود اخر شي هذا يطلع منكم
حمده : هيه والله شفتي امايه ؟
شمه: حصه عاد سيري هاتيهن
ام حمد: ما هقيتها وعاد بنتي حامل قلت بتخدمونها
شمه منصدمه: شوووه ؟؟
حصه: والله بنتج تحمل والا ما تحمل نحن ما ندري الا يوم هي في المستشفى بتربي...ولا جنه نحن اهلها ...وبعدين ظنتيه فيها شده تقدر تروح بروحها
ام حمد ما بغت تخرب جو السالفه اللي يت عشانها : فديتج حمده روحي هاتيهن
حمده : بطرش البشكاره
حصه: جان طرشتيها من قبل ...توه ظهر العقل
ام حمد في خاطرها:ياينج العذاب يا حصه
شمه: حصه بسج
ام حمد: والله طولت في موضوعي ..شوفي يا شمه بما انج انتي العوده فيهن انا يايه اخطب حصه لولدي حمد
** ميلس الرياييل**
بو حمد: والا هذي علومكم يا عيال محمد
سيف: هيه والله يا عمي
بو حمد: الصراحه اليوم استانست بيلستيه معاكم
خالد : ونحن اكثر ..عاد اكثروا بزياراتكم علينا
بو حمد: فالك طيب من هالعين قبل هالعين
حمد: ان شالله ما طلبت
بو حمد : الا اني اليوم ياينكم طالبكم طلبه ..وان شالله ما تردوني خايب
سيف: تم طويل العمر
خالد: ان قدرنا عليه ياعمي امره فالك طيب وان ما قدرنا عاد اسمحلنا
بو حمد: الا مقدور عليه ونص
خالد: انزين وشو هو طلبك؟
بو حمد: طالب منكم حصه لولدي حمد
سيف: والنعم والله مافي خلاف
خالد : السمووحه عمي
الكل انصدم
بو حمد: كيف يعني السموحه ؟
خالد: والله والنعم فيكم بس اسمحلي يا عمي حصه ما بتاخذونها
بو حمد: ليش انزين ؟
خالد : حصه خاطبنها ريال من زمان
بو حمد: ومنو خاطبنها؟
خالد: سلطان ولد عبيد...ولد خالتيه
بو حمد: والنعم والله ...نسيبك ..بس متى صار هالكلام ؟
خالد: سلطان كان طالب حصه من ابويه ..وابويه وعده ابها ..والريال اليوم رمسته وان شالله قريب بتسمعون خبرهم
حمد: تقدرون اتقولون له ولد عمها يباها
خالد: اسمحلي ..الريال ما يتعوض..وانته الله يعوضك ببنت الحلال
بو حمد: عيل برايكم بنترخص احينه
خالد: لا تحط في خاطرك يا عمي
بو حمد: بالبركه ان شالله
بعد ما ساروا قوم بو حمد حس خالد بجبل انزاح من صدره كلام ابوه ونفذاه وعسى الله يوفق سلطان وحصه ..بالنسبه لسيف اللي ما كلتنه النار من الحركه اللي سواها خالد في نسايبه ...كيف يردهم واصلا منو هو عشان يتكلم ..لا انه اخوها العود ولا المسوول عنها ومظهرني ياهل لا كلمتيه تقدم ولا تأخر ...بس ما عليه يا خالد ما بغيت ترد نسايبك رديت نسايبي...ظهر سيف من الميلس معصب ...شافته حمده
حمده: بلاك ؟
سيف معصب: هالسبال خالد قال حق عميه اسمحلي حصه محيرنها سلطان ولد عبيد..لكن بشوف اذا خذاها
حمده من سمعت كلام ريلها حست صدق ان في مشكله بتستوي ..عمرها ما شافت ريلها معصب لهذي الدرجه بس من ناحية ثانيه ارتاحت لان ريلها بيخرب سعادة حصوووص وبيجبرها تاخذ حمد مره ثانيه وهذا خالد بتنحرق كلمته ..سار سيف صوب خالد اللي كان يالس في الصاله مع حرمته وخواته كلهن
شمه تضحك: لا بس فديته سعيد يعيبك رياال
خالد: عنبووو ما قلنا شي ..بس ويا راسه الحين نساني امرره كله مخاوي عمومته ..نسا خواله
حصه: خوفي ان طب علينا باجر ...واسير صوبه اسلم عليه يقولي استغفر الله منو انتي ؟
شمه: مب لهذي الدرجه عاد
خالد: مريم فديتج
مريم: هلا
خالد: شخبار ريلج عبدالله ؟؟بخير ان شالله
مريم: الحمدلله يسرك حاله
خالد: شو مرتاحه معاه ؟
مريم: لدرجة ما تصورها الحمدلله
خالد: الحمدلله ...ان شالله دوووم
مريوم: الجميييع ..تراني اليوم ببات عندكم
خالد: يا مرررحبا والله ..يعني اليوم سهرررررره
شمه: هلوووو ..حتى انا
خالد: رووووووووووح احلى سهررره..اللي ترقد منكن يا ويلها ..خلنا نرجع ايام شبابنا ..تذكرين شموه
شمه: هههههههههههههههه
حصه تدق ع الطاوله : حيوووو حيووو عاشوا عاشوا ..ورا ورا سرا سرا يمين يسار يمين يسار
سيف يصرخ عليها :وييييين عايشه انتي ؟؟
حصه: هااه ؟؟؟انا
سيف: لا انا
حصه: عنبوو حتى اسمي نسيته سميتني عايشه ؟؟
سيف ببرود وبنبرة حقد: ها ها ها ..المفروض اضحك يا حرم سلطان ؟؟؟؟؟؟؟؟؟؟
حصه:!!!
خالد: بلاك سيف مغيّظ ؟ ليش اني رديت نسايبك ؟؟؟
سيف: جب جب ..لا مغيظ ولا شي
خالد: انزين لا تقول جب لاني مش اصغر عيالك
سيف: والله بربهم عنك
خالد: هههههه قال شو قال بربهم عنك ..سر سر عند حرمتك عن تواقعك اذا تأخرت عليها
سيف عصب من كلام وسار صوبه : شكلك تبا تتواقع
خالد: المشكله اني لو بتواقع بتواقع مع رياييل مب .......................
وهنيه سيف عصصب ما قدر يكتم غيضه حاول انه يرفع ايدينه على اخوه بس ما قدر في شي كان يمنعه انه ما يمد ايدينه على اخوه ......كانت في عبره خانقتنه في صدره ...محد كان حاس به غير رب العالميين ..سار فوق القسم عند حرمته حمده..
حمده وهي معصبه:انا كم مره قلتلك اخوك لا تتواقع معاه ..ما تفهم انت والا شوه سالفتك؟
سيف: ----------------
حمده: ان عدتها مره ثانيه صدقني ما بتلاقيني عندك ف البيت
سيف: آسف وحقج علي يا حمده
حمده بنبرة حناان: والله انا يا سيف ماباك تتغربل مع اخوانك عشان خاطريه (تحب تسوي عمرها بريئه) خلاص دام حصه محيره لولد خالتها الله يوفقها ان شالله !!(كلام من ورا الخاطر) وبعدين لو فكرت ...ترا سلطان ريال والنعم فيه (تبى سيف يعصب وايقول انه ما يبا يناسبه )
سيف: اعرف انه ريال والنعم فيه ..بس انا مغيظ ليش خالد اللي رمس..بس صدق انا ليش مغربل عمري ..سلطان والنعم فيه والله
حمده قفطت ويالبركان اللي ظهر من راسها والدخان اللي ظهر من خشمها هههههههه
** بعد اسبوووع**
حصه فرحتها ما تنوصف اليوم بيحددون يوم الملجه والعرس...المعرس هو سلطان ..اللي حصه الحين ما تسميه غير "القلب" الفرحه مب لحصه بس ..الفرحه لخالد واليازيه واول واحد طبعا سلطان ...سيف كان فرحان لاخته بس ما بغى يظهر الشعور قدام حد كان سيف يالس مع نفسه يتذكر ايامهم اوول كيف كان مع حصه حك صك سوالف معاها ....لكن قال المثل " يرحم ايام الاول" معقوله من خذت حمده كل شي اتغير علينا ؟؟؟انا اتغيرت عليهن؟؟؟كان تأثير حمده على سيف وايد قوي الكل كان حاس بهذا التأثير الا سيف الوحيد اللي ماقدر يلاحظ ..كان تستغله بجمالها ..والريال اغتر!!
ام منصور: ترا حصه هب غريبه قبل لا تستوي حرمة ولدي ترا بنت اختي
شمه: صدقتي يا خالوه ..وانتوا بعد هلنا
ام منصور: يا بنتي يا شمه اتعرفين اني اليوم يايه احدد موعد العرس ..واتعرفون سلطان مستعيل
شمه شافت حصه اللي كانت مستحيه:شو رايج يالعروس؟
حصه: اممم اللي يعجبكم
مريوم: المعرس مستعيل وغمزت حق حصوص
ام منصور: هااه يا حصه يا بنتي شو رايج ؟
حصه وهي مبتسمه: والله مادري ...ع كيف المعرس..
** في بوظبي**
ظهرت ام منصور عن بنات اختها وماتعرف متى موعد العرس ...نست تتخبر سلطان
ام منصور: وييه نسيت اتخبر سلطان (ظهرت الصاله وشافت ولدها سلطان) يا سلطااااان
سلطان: لبيه
ام منصور: الا اني نسيت اتخبرك
سلطان: عيوني لج جان شفتيهن شويه قلبي وعقلي ورووحي لج بس آمري انتي
ام منصور: يا زينها غرشوبتك جان بتقول لها جيه
سلطان: ههه فدييتها
ام منصور: متى تبى العرس؟
سلطان منصدم : هااه ؟
ام منصور: اقوولك متى تبى العرس؟
سلطان: يعني على كيفي احدد !!!
ام منصور: هيه
سلطان تم يفكر ويفكر ومالقى غير يوم ميلاد حصوص
سلطان: ابااه 17/7
ام منصور: يعني خلاف شهر وشوي
سلطان: هيه نعم
ام منصور: خلاص بتخبرهن وبشووف
سار سلطان عن امه وهو مب مصدق عمره ..معقوووووله شهر وشوي وحصوص عندي ..لالا ما صدق بتخبل..لا خلني رزين احين خلاف ان تخبلت حصوص بتغير رايها ..يالله شو ياني ...لا يمكن صدق تخبلت ...
وصل خبر يوم العرس اللي يباه سلطان حق حصه ..حصه ما عارضت فهمت حركة سلطان ليش يباه في ذاك اليوم
يزوي: حصصه
حصه: هلا
يزوي: مأمنيني اوصلج شي
حصه: ؟؟؟
يزوي: سلطان عطاني شي اوصلج اياه
حصه تشققت : وييييينه؟؟
يزوي: في حجرتيه بسير ايييبه
حصه: خلاص ما عليه
يلست حصه في الصاله تفكر في سلطان ...اللي تقريبا ما بقالها غير شهر وشوي وتعيش معاه العمر كله باذن الله ..تمت حصه تفكر كيف بتكون حياتهم ....بس بعدين تذكر انها لين احينه بعدها ما خلصت زهبتها ولا خلصت شي ..وحتى ربيعاتها ما يدرن ...الله يكون في العون لازم من باجر ابدا في كل شي....
اليازيه: بوووووووو
حصه ابتسمت:هااه يبتيه والا لا؟؟
اليازيه:حطيته في حجرتج فوق
حصه:خلاص بسير فوق..باااي
اليازيه:تعاالي
حصه:هلا
اليازيه:ليش مستعليه؟
حصه:في ذكتج هذا سؤال؟
اليازيه:ههههه..سييري الله يحفظج
حصه ربعت ولا سوت حق اليازيه سالفه...وهي تربع فوق اشواقها تسبقها ..تشواقها تسبقها لحبيبها سلطان..الى من زمان لاسمعت ولاشافت عنه شي تتمنى تشم ريحة الغالي سلطان ....دشت حجرتها شافت بوكس عوود على شبريتها..كان غطا البوكس مكتوب عليه"من القلب الى القلب"..ضحكت حصه اول ماقرته..فتحته لقت داخله هدايا مغلفه وعطور وساعات ولقت محفظه مخمليه صغيره داخلها رساله مكتوب فيها الى العروس
جفني جفا نوم الليالي..متصوب والقلب ممحون
يضويني طيفه في خيالي.. واسري مع الاشواق مطعون
كل ماضوى ليلي طرالي...غر جميل وباهي اللون
ياللي هدب عينه ظلالي..ينزع فؤادي بحد مسنون
ناعم عوده ومياسي..هايف وانا بالخصر مفتون
دوم يتغلى وهو غالي..وارخص لعينه كل مزيون
بصبر ولو بي الصبر طالي..وكل صعب لزينه يهون
يلومني لي بالهوى خالي..مذاق قلبه هم وشجون
مادرى باشواقي وحالي..بالشوق ياما تتعب عيون
مشتاق له والشوق قتالي..خلي غلاته مثل العيون
النهاية
|
03-07-10, 12:25 PM
جديد مواضيع قسم القصص المكتمله
العرض العادي
