كاتب الموضوع :
روئ العين
المنتدى :
القصص المكتمله
يزوي كانت يالسه ورا بو سيف يعني تقريبا من مكان خالد مايقدر يشوفها بس هيه طول الوقت تكحل عينها بشوفته...
ام منصور: وينج يزوي؟
يزوي:هاااه انا هنيه..
ام منصور: شعنه ماتردين ع ولد خالتج؟
يزوي: ليش هو شو قال؟
ام منصور : يتخبر عنج..
خالد: لويزي اشحالج؟
يزوي: الحمدلله تمام...ربي يسلمك..اخبارك انته؟؟
خالد: والله نفس ماتشوفينا..اتشوهنا....واااااااايد
يزوي: اهم شي سلامتك...
خالد: الحمدلله ع كل حال...ظنتج اللي كانت تحبني من زمان وشافتني اليوم بتغير رايها فيني؟؟؟
(هو كان يقصدها برمسته)
يزوي فهمت نغزه خالد ولكن سوت عمرها عاديه: امممم ...أكيد وابتسمت...
سلطان: شو انا مالي رب تسال عني وعن احوالي...
خالد صد صوب سلطان: انا اصلا زعلان منك ....والا لاني اليوم نشيت ومالقيت حد عندي غير عيدالله المزروعي ومنصور...وانته وين عنهم؟؟؟؟
سلطان: كنا تونا ظاهرين من عندك.. سايرين البيت اصلا حنا صبح ومسا عندك
خالد: فديتك انت حياتي ولد خالتيه...تعال تعال في الاحضان...
سلطان سار عنده وحظنه خالد بكل ماعنده...ودقوا سوالف طبعا ..ام سيف مانست تطبخ حق ولدها خالد لازم تغديه...وقت الغدا كلهم ردوا البيت الا ام سيف ومريوم ....طبعا ام سيف يالسه تغدي خالد وخالد يدلع على امه وامه مستانسه ع دلعه...مريوم كانت تقرا المجله وهي يالسه تقراها ام سيف يالسه تزقرها....
ام سيف: مريوم
مريوم: هلا اميه...
ام سيف: شوفي منو يدق الباب...ظنتيه اللي يوزعون الغدا.قٌوليلهم مانبا
مريوم :اوكي:فسارت صوب الباب...اول مافتحته امها زقرتها :ها مريوم هم والا لأ؟؟
مريوم بعدنيه ماوحالي اشوف منو....اول ماصدت صوب الباب انصدمت بهذا الريال اللي تشوفه في كل مكان ..كل ماراحت مكان اتلاقت وياه....فخلت الباب مفتوح وسارت صوب امها....
مريوم:اميه ...ريال عند الباب...
خالد: منو هذا؟؟؟
مريوم: حنطاوي....طويل....حليو ..ههههه
خالد ..لا والله...بصفعج...
مريوم....امزح معاك زين....
ام سيف بعد ماوايقت: ويييه ..يا مرحبا يا مرحبا بك عبدالله (اتقول حق خالد) هذا عبدالله المزروعي...
خالد وهو يصرخ عشان يسمعه: مرحبا الساع ....اسفرت وانورت...واستهلت واشرقت..واتعطرت بك....مرحبا مرحبا اقرب..(ويهمس يقول حق مريوم..دشي الحمام بسرعه)
مريوم: ادش الحمام...؟؟؟
خالد:بسرعه بسرعه دشي احسن لج...
مريوم اونها بتصيح: اوكيه ..ههههه(ودشت الحمام)
خالد:مرحبا واالله عبدالله...
عبدالله:مرحب باقي فديتك...الله خلوودي....وسار لوى عليه وهو يضحك...فديتك انا خلودي..
خالد: هههه بعدك تذكر سالفه خلوودي هاااا؟
عبدالله :افااا عليك...بذكرها لي المماتي بعد...ِحالج عمتيه؟؟؟
ام سييف: الحمدلله ربي يسلمك...علومك انت الغالي؟؟
عبدالله :علوم الخير والله
خالد: اقرب اقرب ويانا؟
عبدالله:لا فديتك توها عيوزي ماكلتنيه ذبيحه...
ام شيف: هههه الله يخليك إلها.. واخبارها هيه؟؟؟
عبدالله: تسلم عليج..والله انها استانست يوم درت عن خالد قالت بتييكم
ام سيف: حياها الله ...من زمان ماشفناها...
خالد..لحظه لحظه...انا واحد يوعان اكليني اللقمه اخلاف سولفي معاه....
ام سيف:فديتك انا..( وشوي الا مريوم ظاهره من الحمام متغشيه...وسارت صوب باب الحجره بتظهر..)
خالد:ههههههه تعالي مريوم..
ام سيف: وين تبين؟
مريوم:والا هذي حاله بالله عليكم ميلسيني في الحمام وانتوا تسولفون ..
عبدالله : السموحه والله..خلاص بييكم وقت ثاني...
خالد: لا فديتك والله ايلس حياك.. حوووو انتي سيري ورا الشاره هذيك ابرك...
مريوم: احسن عن الحمام..
× في بيت ام منصور ×
البنات الاربع يالسات يسولفن في الحجره الفوقانيه ....وام منصور سارت ترقد من التعب ...أما الشباب كانوا في الصاله تحت...
بوسيف: ماشالله على خالد ولا كنه مريض....
سيف: هيه ماشالله
بو سيف: الله يحفظه انشالله..
الشباب :آآآآآآآآآآآآآآآآآآآآآآآآآآآآآآآمين
منصور: يعلني فداه والله ....محد ناقصنا غيره هوه...
سلطان : قريب امبينا انشالله
نزلت حصه من فوق....كانت تبتسم حق ابوها واللي كان يشوفها ومبتسم الها...ولكن حست عيون تناظرها بنظره قويه....صدت شافت " سلطان " لكت اول ماشافته صدت...وسارت تيلس حذال ابوها...
بو سيف: مرحبا مرحبا...
حصوص: مرحب باقي يعلني فداك...
سيف: مالت عليج ..والله يابويه مالقيت غير حصوص ترحب بها؟؟
بو سيف: والله بنتيه تستاهل..
حصه تغايض سيف في ايدينها"حررررررررررة"
سيف:ابويه ابويه...شوف شو استوي في ايدينها...
بو سيف:خلاها انزين...تراها آخر العنقود..
سيف:انزين وانا البكر وين حقوقي؟؟
بو سيف: اي حقوق واي خرابيط؟؟
كانوا طول الوقت يسولفون ويتضاربون حتى منصور عيبته السالفه فدخل عمره فيها الا سلطان الوحيد اللى كان في وادي ثاني كان يفكر ان بعد ما يحب حصه شو بيسوي...بيسير يخطبها وبتوافق عليه؟؟؟؟والا انها بترفضه وبستوي اللى بيستوي....
سيف:خلاص انا بسير الميلس
منصور: بخاويك...(وساروا)
بو سيف: حصوص فديتج....بويه سيري سويلي جاهي...
حصوص: بغيته ويا حليب والا؟؟
بو سيف:هيه نعم...سوي حق ولد خالتج بعد
حصوص وشافت سلطان بنظره....:ان شاء الله ابويه...(وسارت صوب المطبخ)
بو سيف:سلطان فديتك...انا بسير ايلس داخل...خل حصوص اتيبلي الجاهي
سلطان(اتشقق):ان شاء الله...(دش بو سيف داخل)وسار سلطان صوب حصوص في المطبخ...
سلطان:حصوص
حصه:نعم
سلطان:عميه ايقول وديله الجاهي في الحجره
حصوص: ان شاء الله
تم سلطان واقف ما يعرف كيف يفاتح حصوص في السالفه...
حصوص:سلطان شي بغيت؟؟
سلطان:لا ...يعني....والا اقولج هيه..ابغي اكلمج في سالفه....ممكن؟؟
الجزء 21
و في هاللحظه دش منصور المطبخ شافهم وابتسم...سار صوب الثلاجه
منصور: القوم القوووم ..حصوص وسلطان ..يعني شو السالفه اكيد تتواقعوون
حصوص: لا والله لا نتواقع ولا شي..بس الاخو يتريا الجاهي
منصور: كنت بعبّل عليج...بس اشرب لي عصير برتقال فرررش احسن
حصوص: By The Way انا مسوتنه ..ههههههه
منصور: خخخ ما خليتي شي ..حشااا
حصوص: كيييفي
سلطان: هييه لازم كيفج وشعليييييج!!
منصور: سلطان شوي شوي على عمرك
سلطان مستغرب: شو قصدك؟
منصور: افهمها وهي طايره ياخي..ههههه طلع برع المطبخ
حصوص: جاهيك جهز....وشلت جاهي ابوها وياية بتظهر
سلطان: حصوص
صدت حصوص صوبه: خيير؟!
سلطان: عادي ارمسج والا لا؟
حصوص: بسير صوب ابويه..وظهرت
تنهد سلطان ويقول: شو هاي حصوص تتهرب مني مادري ليش..خوفي حاطه في بالها حد ..ويمكن ما تباني احبها..اوهووووو (وجان يعني) "مشكللني حبج يا حصوووص مشكلني" خخخخخخخ صدق اني مينون
البشكاره سمعت سلطان شو يقول تمت اتطالعه ..يعني شكله صدق يضحك ..يتكلم وهو بروحه في المطبخ..يكلم نفسه بصوت عالـي!! سلطان ما انتبه لوجود البشكاره..
تم يضحك بصوت مب عالي ولا منخفض وقال: فديتها وفديت طول شعرها يعلني ماخلا من شوفها..يالله يارب انها تكون من نصيبي..(واتذكر لما شافها في المستشفى)
البشكاره ما قدرت تتحمل: ههه بابا شو هذا؟
سلطان صد صوبها وهو متفاجىء: انتي هنييه؟
البشكاره تهز راسها مستانسه: ايوه
سلطان وقرب صوبها: سمعتي كل شي؟
البشكاره: ايوه بابا
سلطان: دخييييييلج لا تخبرين حد عن اي شي سمعتيه وخاصه حصوص
البشكاره وتبى تتذاكى ع سلطان: كم تدفع؟
سلطان: كفين و7 بكوس فرقت خشمج..يويلج خبرتي حد تفهمين ..(جان ياخذ السكينه يبى يخرعها) اتشوفين هاي بتقص رقبتج تفهمين والا لا
البشكاره اشوي اتصيح ولاصقه ع اليدار: انزين انزين بابا
سلطان : بشاكير آخر زمن........ظهر من المطبخ وهو يضحك
**في حجرة منصور**
منصور توه ظاهر من سبوحه..سار وانسدح ع الشبريه يفكر في "فاطمه" حرمته اللي توفت وخلته في هالدنيا بروحه..اللي من يحاول يشوف بنيه ابدن ما يشوف غيرها ..فاطمه اللي حبته من كل قلبها ..فاطمه اللي عمرها ماكانت تزعل من منصور ولو ان السالفه تزعلها كانت تتحمل المستيل لكن ما كانت تتحمل تشوف منصور من غير ابتسامته اللي تذبح..كان يتذكر لحظاته معاها يتذكر يوم يسير البر هو واهلها يوم يركب البانشي واتصرخ" منصوور اترياني بركب معاااك " بس اخوها العود ماكان يخليها..كان يتذكر يوم ايسير بيتهم اتدور أي حجّه بس عشان اتشوفه وتسلم عليه....بس في النهايه "المــوت كــان أقــرب وأرحــم " ونزلت دموعه وهو مب حاس فيهن..صح اني انحرمت من اغلى شي كنت أملكه في الدنيا وانحرمت من فاطمه اللي بموتها حرمتني عن احلاام كثيره كانت امبينا..ولكني الحمدلله ايماني بالله قوي ..تنهد...بس انا ظلمت امي وخواتي معايه ...امي يحليلها تتريا اليوم اللي تشوفني به معرس وخواتي نفس الشي..ماقدر احرم امي من شوف عيالي..قبض تلفونه ياعسى يلاقي فيه شي يسليه ولكنه لقى في الارقام رقم لين احينه ما فكّر يمسحه وهو رقم حرمته الله يرحمها وكان مسجلنه باسم"نبض قلـبي" تنهد مره ثانيه..تذكر سالفة اخوه سلطان مع البنيه اللي اتصلت به
منصور: اووووووه نسيت اتخبر سلطان عن السالفه ..خلني بسير صوبه...طبعا ما نسى يشوف شكله في المرايا اذا يدل ع انه كان يصيح والا شي...
ظهر برع حجرته وسار حجرة سلطان ولكن مالقــى حد في الحجره ..نزل الصاله بعد نفس الشي الصاله فاضيه يسمع صوت ضحكات العيايز وكلولووووشهن من صوب الميلس..فيوم سار صوب الميلس برع..شاف العيايز والبنات والشباب كلهم في الميلس
أم منصور: تعال تعال يا ولديه ما باركت حق سيف ولد خالتك
منصور: مبروووك بو هناد..بس ع شووه؟
ام منصور: خطبوله بنت عمه حمده
منصور: لالا مبروووك..تستاهل..مبروك خالتيه
سيف: الله يابرك في حياتك
ام سيف: الله يبارك فيك الغالي..عقبالك فديتك "اتذكر سالفه فاطمه لكن ما حب انه يخرب الجو"
حصوص: مالت عليك يا سواف ما لقيت غير حمدوه هاللغنه تاخذها؟
أم سيف: عيب عليج شو هالرمسه
حصوص: انا بتم ارمس هالرمسه ..دام انه هاللغنه الغلسه بتاخذ اخويه
سيف: حصوص اصطلبي..هاللغنه الغلسه ع قولتج بتستوي حرمتيه
حصوص: عله تعلها
سيف معصب: حصووص قلتلج جـــــــب
مريوم: نحن قلنا حق اميه ما تاخذلك هالسباله حمدوه بس ما رضت
شمه: خلاااااااااااااص بلاكن !!! اخوكن خطبها وانتن ما تقدرن اتسون شي احينه
سيف: مب منكن..من اللي يبغي يفرحكن ..مالت عليكن
حصوص ظهرت من الميلس سايره صوب البيت..لحقتها اختها مريوم ..سارن الحجره يتحرطمن يتهن يزوي..وخبرنها ليش هن ما يبنها وعن حركاتها اللي تسويها
يزوي: قووووولن والله؟
حصوص: والله ..شو بنكذب عليج نحن ؟
يزوي: مالت عليها..ما تستاهل ولد خالتيه..انزين خالوه تدري؟
مريوم: اتسوي عمرها طيبه قدام اميه ..بس انا براويها
يزوي: خلكن انتن احسن عنها ولا تسون شي
حصوص: حشاااا علينا ولا بنسير صوبها الزفته هذي..فارقت عدوينها
مريوم : ليش عدوينها..فارقتها هيه
دشت عليهن شمه الحجره
شمه: استانستن احينه؟؟ خربتن ع الريال فرحته
حصوص: تراه الا بيفرحج كم من يوم اخلاف بتراويه الويل هذيك اللغنه
شمه: بدال لا تدعين حق اخوج اتقولين هالكلام؟؟؟ تراج صدق قليلة ادب(سكتت حصوص ونزلت راسها) وانتي يا ست مريم؟
مريوم: شووه؟
شمه : انتي ويا حصوص بعد
مريوم: نحن ما قلنا هالكلام الا لان نبا مصلحة اخويه وبعدين اميه ليش اصلا كييف تخطبله وخلّود مرقد؟ شو بيقول بيقول عنّا؟
شمه: عاد انتي مالج خص في اللي تسويه اميه ..ومصلحة اخوج محد ادرابها كثر اميه..وخالد اخويه بيتفهم هب شراتج
مريوم: لازم اتقولين هالكلام ..تراج الا بتعرسين وسايره عن البيت
شمه: شوفي مريوم..صح اني ماريد حمدوه اتدش بيتنا..لكن والله اني فرحت لان اخويه قرر انه يعرس..ومب يعني لان قال بيعرس انخطبله حمدوه..لأ اتعرفين انّا كنّا نبغيله موزه ولكن موزه انخطبت..واميه تريد حمدوه ومااريد اخرب فرحتها..
مريوم: فرخت امي في حمدوه ما بتدوم والمفروض انج توقفين ويانا واتقولين حق اميه ان حمده ابد ما تصلح لسواف
شمه : عاد انتي شدراج..ما تدرين يمكن اخوج هو اللي بيأدب حمدوه
مريوم: ليييييييييت امي ما خطبتلك اياها..الطفسه ما تستاهلك
حصوص: اكثررر عن شهررررررر سيف ما بيتهنا..يعلهها سااااااااحق
شمه: بسسج دعاوي..وبدال لا تدعين عليها ..ادعي ان الله يوفق اخوج
يزوي: خلاااااص سكرن السالفه ..انتي ما بتقدرن اتغيرن شي خلاص سيف خطبها ومافي شي باقي غير انهم يحددون موعد الملجه
شمه: ماشي ..الملجه والعرس في يوم واحد
شهقت حصوص: لاااااا ...
يزوي: مبروك عليهن..خلاص فديتكن
مريوم: عاد نحن قلناله ومالنا خص
حصوص : الله يوفقه ان شالله
** في العيين**
مانع: خلاص عيل فديتج يوم بتوصلين اتصليبيه..فداعت الله (وسكر التلفون)
ام مانع: علووومها لطوووف؟
مانع: علوووم الخير والله...ساييرين البر
ام مانع: الله يحفظهم ان شالله
مانع: سار وحب امه على راسها: تسلمين فديتج ع الحرمه السنعه
ام مانع مستانسه: الله يسلمك الغالي
مانع:انزين اميه بغيت اقولج..
ام مانع: عسى انه خير ان شالله
مانع: ترا دكاكينا اللي احترقن ..بيعوضونا عنهن...ساروا الجماعه واحتشروا عند الشيوخ
ام مانع: صدق والله ؟عاد امتا بيعوضونا؟
مانع:قريب ان شالله
ام مانع: ان شالله الله يسمع منك
مانع: ونسييت اقولج
ام مانع: اللهم اجعله خيرا
مانع: خير خير ان شالله...ترا عميه اتصل بي وقال انهم بيون باكر وبيحددون يوم للملجه وهالسوالف..
ام مانع: حياهم الله ..السعه المباركه
وان نازله النيره من فوق
النيره: مرحب السااع مانع
مانع: مراااحب كبار..وشحالج؟
النيره: احسن عن حالك
مانع: بلاج؟
النيره: ما بلايه شي
مانع:غربلات العدو
النيره: بلاك؟
مانع: ما بلايه شي
النيره: يالززززفت لا تقلّد
مانع: متفيق ما لقيت الا النيره اقلدها
النيره: ودك انته اصلا
مانع: امايه ياخي شو هذا متى بيحددون عرس هذي ونفتك منها (كان يالس يغلس ع النيره)
النيره : امرره اليوم عرسك بالباجر انا بعرس
ام مانع: ههههههه (ام مانع كانت دوم تستانس يوم تشوف عيالها يغلسون ع بعض ...وكل ما يمزحون كانوا يرمسون ام مانع ع ساس انها ربيعتهم وهالشي اللي كان صدق يفرحها...سرحت عنهم ولا سمعت شو قالوا وعيونها كانت مليانه دمووع)
مانع: هههه اصلا انتي يالسباله ما تسوين مويز...وين وين مويز؟
النيره من ورا خاطر : فوووووق
مانع يقلدها: فوووق...انزين ازقريها
النيره : اوكي (اتشغل النيره الونان وتزقر مويز وهي تصاارخ باعلى ما عندها مووووزه)
مانع عاقد حياته: لعنبووو ذا الصوت من وين تسلفتيه احيدج دوم ع السايلنت
النيره: ههههه
مانع: ويا راسج يالعيوز حتى متعايزه تزها..امايه امايه متى بتعرس هاي وبتفكنا
ام مانع:ههههه بسك لا تطفر ابها
موزه وهي ع الدري: خييير منو زقرني؟
مانع: الشيخ مانــع طالبنج
موزه: مررررررحبا ملايين وان زادن فلا باس..متى رديت من دبي؟
مانع ويكلّم النيره: هالناس مب انتي...ويرد صوب موزه..والله الا اليوم
موزه: مرحبا والله ..ونا اقوووول العين منوره ثرك موجود والله
مانع : احم احم اخجلتيني
موزه: ههه وشحالك؟
مانع : يسرج الحاااال والله ....رقييييص
موزه: حيك والله..والا اونك مخلّي الونان يزقرني هااه؟
مانع: ما كنت اعرف ان صوتها كذيه ...والا قسم بالله ما خليتها تزقرج
مويز: خوفي لا تسوي فيني حركة نذاله وتخليها تزقرني وانته تشرد برع البيت
مانع: اتصدقين فكرة ذكية ...بسويها المره اليايه ان شالله
موزه: جرب انته بس..زين ما اقبضها من شعرها واخليعا تربع وراك
مانع: ههه لا دخيييلج
النيره وبكل برود: امايه شوفي عيالج
ام مانع: بلاكم ع النيره؟
مانع: ماشي ماشي..ماكنا نرمس عنها
النيره: هيه اوني عاد صدقت
موزه: كنا نرمس عن الونان مب عنج
النيره: ع العمـــوم ما هميتووني
مانع: احسن بعد ..مويز شو كنت بقولج....امم والله نسيت ..الونان من صوته نساااااني ههه
مويز: خخخخ السبال اسكت
النيره: ترااك سخيف
مانع: هيه سخيف لاني اخووج
النيره: حشااا عليه
موزه: اوهوووو بدوا ألحين منو بيسكتكم؟؟؟(وهي تمزح) امايه تراهم ما يحشمونج
ام مانع: شفتي عاد ..مساعه انتي واخوج ما فكرتوا فيني طايحين ع النيره ..حشمتوني؟
النيره: هههه قفطووها
مانع: ويييييو ..كفج النيره
النيره: رح رح ..امررره ما عيبتك مويز ييتني؟
موزه: ههه قفطوووه
مانع: فارقتكن..ع العموم موزوه ...باجر بيون قوم عميه
مويز مستحيه: اها مرحبابهم
مانع: ياوللللد يا خطيير..عن يستويبج شي ..ههه طالعوا كيف اتغير ويهها
النيره: عاد اللي يسمعك يقول انك في يوم ملجتك ما كنت مستحي
مويز: عااااااشت النيييره
مانع: فرقتكن....فداعت الله (وشرد)
************
**في بوظبي**
ام سيف يالسه مع بو سيف في الميلس
ام سيف : والله انته شفت بناتك بنفسك..كلهن محتشرات
بو سيف: انتي ما عليج من البنات .خلاص نحن رمسنا العرب وان شالله مابقى غير تحددون الملجه
ام سيف: بنسوي العرس والملجه في يوم واحد
بو سيف: ونعم الشور ..وولدج شو رايه
ام سيف: فديته والله ....هو شار عليه هالشور
بو سيف: عسى الله يهنيه ان شالله
(اشويه وان سيف وسلطان داشين)
سيف: ماشالله الشياب..شو اللي موعنكم لين احين؟
بو سيف: هب عليك هبااب..جان امك عيوز..ترا الحمدلله بعدني شباب
سلطان: هه خالتيه طيحي به
ام سيف: وايه انا...علموهم الشياب يكذبون
بو سيف: منو الشايب يالعيوووز
ام سيف: مغيرررك انته الشايب..بعد ياليت شايب وبسس....لا شايب متشبب
سيف:خلاص خلاص..(يكلم سلطان) وانته يالدعله ما تصدق (يقلده"خالتيه طيحيبه")
سلطان: ههه حشا
بو سيف: افا عليكم والله..فديت عيوووزي انا ..تدريبي امزح معاها
ام سيف: لا هالمرخ خذيت في خاطريه
بو سيف: لالالا ادريبج انتي ما تاخذين في خاطرج عليه
سيف: عاد الشيبه متعلم كيف يقردن العيووز
سلطان:ههه
بو سيف: بتخبرك سلطان
سلطان: آمر
بو سيف: انته سيف يايبنك تضحك بس والا شو؟
سلطان فقط ويهه ونزل راسه
ام سيف: خلاص عيل...شوفوا الساعه كم ..الساعه وحده ونص خليني بسير ارقد احسن
بو سيف:لحظه فديتج بيي وياج
سيف وسلطان يشوفون بعض يبووون يضحكون بس زاخين عمارهم
ام سيف: فداعت الله ياعيال(سيف وسلطان ما ردوا عليها بس اول ما ظهروا ..نقعوا صدق من خاطرهم وبعد ما شبعوا)
سيف: حووه ..بسك تراك تضحك على امي وابوي
سلطان: توك الا تذكرت
سيف: لاوالله صدقني من زمان اعرف..بس نسيت اليوم
سلطان: كنت تنكـــت؟
سيف صد صوب سلطان يضحك: هاي حصوص معلمتنك اياها؟
سلطان من قال ولد خالته اسم حصوص تذكرها وتذكر سالفته مع البنيه اللي دقت وفي خاطره انا لازم افهمها السالفه
سيف: حووو سلطان...يالله برايك بسير ارقد
سلطان: خلاص برايك..وبعد ما ظهر سيف تم سلطان يفكر في حصوص ...يتذكر المقلب اللي سوته له يوم اتصلت بيتهم وتذكر يوم يسيرلهم العين كيف كانت دوم تتناقع معاه..وفز قلبــه يوم تذكرها في المستشفى ..وهو ساير صوب حجرته فوق كانت حصوص توها طالعه من حجرة نواري سايره صوب حجرة يزوي ..شافته بس خطفت عنه من دون ولا نفس بس قبل لا توصل الحجره زقرها
سلطان: حصه ما قلتيلي ممكن اكلمج والا لا؟
حصه وقفت مكانها: خير ؟ شي مستوي
سلطان: هيه شي مستوي ..بس قبل ممكن تسويلي عصير برتقال؟
حصه: لا والله ..كم تدفع؟
سلطان: اللي تبينه
حصه: اوكي ثواني واييبه
سلطان: لالا انا بيي وياج
حصه مشت وماعطته ويه..دخلت المطبخ وطلعت كم حبة برتقال وبدت تسوي
حصه: سلطان شالسالفه؟
سلطان: حصه..ماعرف كيف ابداها
حصه:ابداها من بدايتها بعد كيف
سلطان: ههه..اوكي (تنهد) يوم كنّا في درب العين ورن التلفون ..ظنتيه سمعتي كل شي
حصه: أهاا
سلطان: سمعتي البنيه؟
حصه: هيييه
سلطان: شو خطر في بالج؟
حصه: مايبالها شي "ربيعتــك"
سلطان: هذا رايج فيني
حصه: عيل في وحده تتصل حق واحد وتتفداه وتسولف وياه وآخر شي مب ربيعته ولا شي
سلطان: عيل قسم بالله ياحصوووص اني مارمس بنات
حصه: لا والله عيل كيف بتعرف اسمك ورقمك؟
سلطان : والله علمي علمج
حصه: اهااا ..اوكي وليش اتقولي السالفه
سلطان: لاني احببببج ومابغيج تشكين في حبي لج
حصه وصدت صوبه: اتصدق عاد انك رومنسي..لا ورومنسي متفيق
سلطان: ههه
حصه: شووف يا سلطان اللي تفكر فيه عمره ما راح يستوي..لا انا اقدر احبك ولا انته تقدر تحبني
سلطان: بس انا والله احبج..وأنا حلفت..والله عزيز وغالي
حصه: انته تقس ع روحك ..انته ما تحبني ولا تعرف معني الحب...انته راعي بنات وبس"وحطتله كوب العصير " وتوها بتظهر
سلطان: والله قولي اللي بتقولينه وفكري اللي بتفكرينه..بس قلت احبج ..برضاج وغصبا عنج ..تفهمين والا لا
حصه تيبست من سمعت كلام سلطان بس ما حبت توضحله وقالت: حتى لو تحبني ..انا ما يشرفني ان يحبني واحد " لـــعّاب"
الجزء 22
سلطان بعد ماقالت له حصه هالكلام ....صح انه شل ف خاطره لكنه بعد تم يحاول لين ما يقنع حصه ان تصدق انه يحبها ظهر من المطبخ وزعل الدنيا كلها فيه...سار صوب حجرته ويلس بعده يفكر في سالفه حصوص..دش عليه اخوه منصور ...
منصور:سلطان بلاك؟؟؟؟شكلك معصب.؟؟؟
سلطان : مابلايه شي...
منصور: صقد؟؟؟
سلطان من ورا خاطر:هيه
منصور : انزين ماقلت لك يقول الدكتور يمكن بعد اسبوع بيظهر خالد...لان الحمدلله صحته استوت زينه..
سلطان: الله يبشــرك بالخير في حياتك كلها ان شالله
منصور: ان شالله..(سكتوا شوي) سلطان انته متأكد ما بلاك شي
سلطان: هيه ..قلتلك هيه ياخي
منصور: متأكد
سلطان معصب: خلاص قلتلك ما بلاني شي لا تزيد عليه وتطفر بي
منصور انصدم من طريقة اخوه في الكلام ..سلطان الحبوب اللي دومه مفرفش عمره يوم تضايف ابد ما صارخ ع حد ..بس شو اللي خلاه يعصب ويصرخ مره وحده
منصورماخذ في خاطره: خلاص برايك ....وظهر
سلطان كان معصب وزعلان ..صح انه فرح يوم قالوله عن خالد بس بعد هوه مضيّق من حصه وضاق اكثر يوم اخوه طلع زعلان عنه..بس محد يقدر يلومه لان هو بروحه معصب وزاد عليه اخوه يوم رد سأله اكثر عن مره..تذكر اخر جمله قالتها حصه" انا مايشرفني ان يحبني واحد لعاب" جملتها كانت قويه لكن والله اني براويها منو اللعاب هاي اللي ما تستاهل حد يحبها.والله انها ما تستاهل اني ازعل عمري عشانها ..انا اللي البنات يركضن ورايه ركيض الحين هاذي بتي تذلني ...رن تلفونه
سلطان: الو
المتصله: السلام عليكم
سلطان: وعليكم السلام والرحمه..حيبه ذا الصوت
المتصله: الله يحييك..عرفتني
سلطان: لا والله ..منو معايه
المتصله: عفره معاك
سلطان: عاشت الاسامي الشيخه
عفره: عاشت ايامك..انته سلطان صح
سلطان: هيه نعم
تم سلطان يرمس البنيه حوالي نص ساعه وهو يتفداها ويقردنها لين ما قالت بتسكر عنه
سلطان: خلاص فديتج ..متى برمسج مره ثانيه؟
عفره: اي وقت تباه فديت روحك
سلطان: خلاص عيل بنبقا على اتصال
عفره: ان شالله
سلطان: ربي يحفظج
سكر سلطان وهو بعده منصدم من نفسه كيف قدر يرمس البنيه بهالطريقه ..كان يتفداها ويقردنها وكأن يعرفها من زمان ..مع ان هذا كان اول اتصال امبينهم ..فكر انه يسير صوب اخوه منصور اللي ظهر وهو زعلان عليه..وهو توه طالع حصه كانت طالعه من حجرة يزوي نازله تحت ...لكن سلطان حتى نظره ما عطاها ..سار صوب حجرة اخوه ..دق عليه الباب ودخل
سلطان: منصور انته مشغول
منصور:لأ
سلطان:عادي ارمسك
منصور: اكيد عادي ..تعال تعال ايلس حذالي (واشرله ع الشبريه)
سلطان ابتسم حق اخوه وسار يلس حذاله وهو مريح ضميره
منصور: ادريبك زعلان ..وحصه اللي مزعلتنك ..وشي قايلتلك وخلتك اتعصب
سلطان : وانته شدراك!!!
منصور: انا في حياتي كلها ما شفتك لا زعلان ولا معصب مثل اليوم
سلطان تنهد
منصور: ماعليك يا سلطان..مش يعني اذا حصه زعلتك يعني ما تحبك يمكــ......
سلطان قاطع اخوه: لا انا متأكد انها ما تحبني...وتقزني بعد
منصور: لا لا ..انا اشوف ان حصه وايد تهتم فيك..اتسويلك جاهي وعصير برتقال وهلحركات وما تحبك؟
سلطان: مالت عليها وعلى اللي يفكر يحبها..وايد رافعه راسها والا انا اتقولي انا ما يشرفني ان يحبني واحد لعاب(كان يتنطز عليها) اتهبي واتعصب الا هي مادري شو تتحسب عمرها ..انا غيررررها مليوووون يتمناني
منصور: ومن هالمليون ..في وحده بتحبها كثر حصه ؟؟؟ سلطان بسك ترى اللي ترمس عنها وتسبها تستوي بنت خالتك ..وجان ما تبى تحشمها ولا تحشم خوانها احشم امها وابوها ع الاقل.
سلطان: افففف والله انه غصباً عني ..مادري مادري كيف ظهر هالكلام
منصور اتنهد: والله يا سلطان انه احلى شي في الدنيا كلها اللي اسمه "الحب" قسم بالله انك تعيش لحظات محد يقدر يعوضك عنها ..الله يرحمها حرمتيه فاطمه احس اني لين الحين اعيش لحظات عمري معاها..اتخيلها كل يوم معايه ..كل يوم ارمسها احس انها يالسه ع هالكرسي مقابلتني تنصحني اتقولي سوي هذا ولا تسوي هذا ..يعني انا عمري كله ما بنساها ..اتذكر يوم اكون معصب منها اتقولي منصور لا تزعل مني لانك حياتي كلها وما فيها ..من اتقولي هالجمله انسى الدنيا وما فيييييييها ..ليتها بس ليتها تكون موجوده ..عايشه معايه ..ما تفارقني ...ياليـــت ..سكت منصور لانه ما قدر يكمل ..ما قدر يتحمل ..عيونه كانت مدمعه وحالته حاله ..سلطان انصدم يوم شاف منصور بهالصوره ..ياحليلك يا منصور هذا كله فييك ..كم عانيت وكم شقيت وكم تعذبت من وفاتها ..سلطان ما حس بعمره الا وهو لاوي على اخوه منصور ويصيح في حضنه..
اليوم الثاني الكل ناش من وقت ..لانهم بيسيرون صوب خالد في السمتشففى
ام منصور: حصووص
حصه نازله من فوق: هلا خالوه
ام منصور: سيري الميلس شوفي ابوج جان زهب والا لا
حصه:البنات سارن؟
ام منصور: هيه ويا سلطان..علني فداه
حصه : الا علني بلاه
ام منصور: شو قلتي؟
حصه: قلت ان شالله الحين بسير صوبهم
"سارت حصه صوب الميلس"
بو سيف: مرحبا ملاين وامثاله عشر وان تضاعفن هوب بالنسبه كثييير
حصه: المرحب لها..
بو سيف: وشحالج؟
حصه: بخير وسهاله ..علومك الا انته؟
بو سيف: علوم الخير فديتج
سيف: شحالج حصوص؟
حصه: يسرك الحال ولا يضرك...كيف اصبحت؟
سيف: الحمدلله ..يالله ما بتسيرون المستشفى
حصه: امبلا تراهم مطرشيني عشان اشوف جان خلصتوا والا لا
سيف: خلصنا بس نترياكن انتن
حصه: الحين بنلبس عبينا وبني..اوكي
بو سيف: اوكيك
سيف: ياويل حالي ع الشيبه..منو معلمنك؟
حصه: ههه ..شو قصدك؟
سيف: مالج خص..اذلفي انتي
بو سيف: لا تقول حق بنتي اذلفي
سيف: ليش يعني؟
بو سيف: لانها آخر العنقود
سيف:وانا البكر..
بو سيف:هههه..فديتكم كلكم والله...غلاتكم وحده..
حصه:وانته بعد غالي
سيف:انتي بعدج هنيه..سيري والا بنتأخر على خالد..
حصه:اوكيه وسارت حصه صوب امها وخالتها وظهرن الحريم وسارن صوب خالد...دشوا الغرفه..
تم سيف+ام منصور:السلام عليكم
الكل:وعليكم السلام..
بو سيف+سيف+حصه:السلام عليكم
الكل :وعليكم السلام..
ام سيف:هلا وليدي...شحالك؟؟
خالد:الحمدلله فديت روحج...
بو سيف:كيف اصبحت؟
خالد:ابخير وسهاله..شحالكم انتوا
بوسيف:الحمدلله..يسرك حالنا
خالد:عساه دوم
حصوص فرحانه:خووويه...وشحالك الغالي؟؟
خالد:ههههههه....تمام ربي يسلمج...شحالج انتي؟؟
حصوص:يسرك...اشقح وانطح
خالد:شكلج مستانسه؟
حصه:الا مستانسه..شالتني الدينا من الوناسه.
خالد:ليش يعني عشان الامتحانات قربت؟؟
حصه:هههههههههه..والله لو السالفه حيه...جان ماشفتني شاقه حلجي جيه
خالد:هههههههههههه
شمه:وحد بيبتلي فيها غيرنا؟
حصه:وانتي شو لج؟؟تراج قريب بتعرسين...
خالد:هييه صح شو استوى عن عرسج
ام سيف: ماغيرناه بعده
خالد:يعني تقريبا بعد 3 اسابيع
شمه:هيييه
ام منصور:وبعدج لا نقيتي فستان العرس ولا شي
شمه:الله كريم
خالد:حوووووووووه...صدق والله ما نقيتي فستان عرسج ولا شي؟؟
ام سيف:هييه عيل بتكذب عليك؟؟
خالد:يالله انا اليوم ظاهر ..وبوديج دبي...والا اي مكان يعيبج
شمه:لا فديتك مشكور
خالد:عيل متى بتخلصين؟
شمه:بلاك مشتط؟
خالد:لا والله..عرسج وانتي بعدج ما سويتي شي وتبيني استانس
شمه:لا عادي فديتك...المصممه عندها الموديل والقياس بس باقي اختار الرقعه
خالد:انزين يالله نشي
شمه:وين انش
خالد:بعد وين...سيري شموه.من اليوم مابقى لج الا 21 يوم
ام سيف:خلاص انا اليوم العصر بسير وياها
شمه:خلاص تم..ارتحت خالد؟؟
خالد :هييييه
بو سيف:الله يحفظكم لبعض ان شاء الله...
ام منصور:الله يسمع منك
خالد:وانتي الدبه متى عرسج؟؟؟فكينا ياخي.....ملينا منج...
الكل:ههههههه
نواري:عيل عنااااااد مابعرس وبتم على قلبك
خالد يمزح:الله لاييب ذاك اليوم
نواري:ودك اصلا...
بو سيف:البنات غلبن الشباب..يالله ان شاء الله ....الله يوفقكن كلكن وتعرسن في سنه وحده وتفكنا...
خالد:كلهن الا حصووووص...ظنتيه كل يوم طايحه مشكل ويا ريلها
سلطان وظهرت من خاطره:وانا اشهــد
حصه:مب لازم حد يشهد...اصلا يوم بنتمشكل بيكون هو السبب لاني مااحب امشكل ولا اتمشكل..
منصور:واذا فهمتيه غلط...وزعلتي عليه...
حصه سكتت وما ردت على منصور
خالد:انا اعرف اختي وما تزعل اصلا...ولو بتزعل اللى بيزعلها شي قوي
حصه:هلا والله باللي فاهمني
بو سيف:حصه وخالد الحين ما يتفارقون...لول سيف ويا حصه...وخالد ويا مريوم...وشمه بروحها ...الحينه العكس...
شمه:لازززم تراني بنت البطه السوده
سيف:لا والله لا سوده ولا حمرا...انتي عندج حمدان ...هن خليهن منو عندهن؟؟
خالد:ع طاري حمدان تراه اتصل بي واستسمح لانه ساير يشوف شو صار عن حجز الخيم وهالسوالف...
شمه:ادريبه قال لي...
ام منصور: يعل الله يوفقكم ويهنيكم
خالد:وشو المعرس مستانس الحينه هااه؟؟
سيف:الحمدلله ع كل حال يا خويه..عقبالك
بو سيف:اميين
حصه:من بؤك لباب السما
خالد:انا لو ابا اعرس بأخذ وحده فبالي
ام سيف:افا والله...وشوري وين سار؟؟
خالد:والله يااميه اني بتم احلفلج من اليوم لين باجر انه البنيه بتعيبج..
شمه:ماشالله متأكد من شور الوالده يعني هاااه؟
خالد غمز حق شمه وابتسم بخبث وصد وشاف يزوي لكن شافها بنظره غربيه حتى يزوي من يوم شافها خالد نزلت راسها
بعد هاليلسه الحلوه اللى كان الكل موجود فيها قالوا بيردون البيت....
بو سيف:البنات يالله سيرن ويا سلطان ونحن الشواب وسيف ومنصور فسياره
حصووص:لا لا لا....انا بيلس ويا اخويه..ويزوي بعد
ام سيف:ماشي خليه يرتاح
خالد:لا اميه فديت اللى بيلس عندي اصلا هم اللى بيريحوني
حصه فهمت تنغيزة خالد وعرفت انه يقصد يزوي بكلامه
حصه:شفتي اميه..اصلن انا من يوم انولدت لين اليوم ما قذيت حد
سلطان فخاطره:هيييه واضح..وانا اللى جدامج..عمرج ما حسيتي فيني(كان يقولها وهو يتقطع فخاطره)
ام سيف:خلاص عيل برايكن..شي تبى فديتك خالد؟؟
خالد:ابدن سلامتج فديت روحج
ام منصور:هالله هالله فعمرك عاده...جان بغيت شي هكن البنات حذالك ما بيقصرن
خالد:ان شاء الله خالوه.من عيوني
بو سيف:فداعت الله
الكل :فداعت الرحمن
خالد:شموووه
شمه وهي بتظهر:هلاا
خالد:لاتنسين تشترين..
شمه:ان شاء الله
خالد يرمس يزوي وحصه:وانتن خلصتن
يزوي:لأ
خالد:شموه...لاتنسين تاخذينلهن...
شمه:عاد ماعرف الالوان اللى تناسبكن
خالد:انا اقولج السماوي وايد ينفع على يزوي....وهاي حصووص خذي لها وردي
يزوي:انا احب اللون السماوي شدراك؟؟
خالد:لاني انا احبه بعد...وابتسم
شمه:خلاص عيل فداعت الله..وظهرت
كان خالد مستانس في يلسته مع حصه ويزوي..صح كان مستانس لانه خته حصوص معاه...واتفرفش لكنه استانس اكثر مع يلسته لان يزوي يالسه وياهم ومستانس بشوفها...اما يزوي ما كانت تتوقع انها يوم بتيلس مع خالد وحصه بروحهم..دوم يوم تيلس معاه بيكون اخوها سلطان موجود..ولكن هالمره تحس غييير تحس خالد كلامه طريقة حركاته ونظراته غيييييير...خالد ما كان جييه شي غيراه....اما حصه كانت طول الوقت شاقه الحلج...اتشوف الحركات اللى بين يزوي وخالد....
حصوص:اقوول...انا بنزل الكفتيريا بشتري عصير لاكنور ممنقا
خالد:ليش ماشي في الثلاجه
حصه:لا
خالد:لازم لاكنور يعني؟؟
حصه:هييه
خالد:انزين سيري وردي بسرعه عن المشاكل
حصه:شو قصدك يعني؟؟؟؟تشوفني شاله بكسات في ايديه؟؟
يزوي:ههههههههه
خالد فخاطره(فديت الضحكه وراعيتها):ههههههه..روحي روحي
يزوي استحت انها بتيلس ويا خالد بروحها:بيي وياج...
حصوص:لا والله واخويه؟؟؟...ومنو بيقابله ايلسي عنده يالله وعطيني نقابج بسير اسوي لهم نينجا..نينجا سلاحف النينجا
خااالد::كح كح..غباااااااااااااااار بعدج تذكرينه؟؟
حصوص:وكيف انساه وانا احب راعي العيناوي..هههه
خالد:ههههه والله انج
حصوص بعدها ما اتنقبت :خالد عطني عطني شريطه عيناويه بربطها ع راسي...
خالد:لا دخليج يكفينا فضايح
حصه وفاجه باب الغرفه بتظهر:يالله شباب بررررررررررب وظرهت
يزوي تمت ساكته كا تعرف شو اتقول ولا حتى تعرف شو اتسوي اصلا يزوي كانت ناسيه كيف يتنفسون...كانت تتمنى الدينا تبلعها ولا تحط في هذا الموقف...وخالد كان ناشي الدينا من الوناسه اللى فيه..ويقول فخاطره...عقبال ما نعرس يارب
خالد:يزوي..ممكن اتيبين لي الدوا ؟؟
يزوي:اي واحد..اللى كرتونه اصفر والا ازرق
خالد :الازرق
يزوي:ان شاء الله(نشت يزوي اتيب له الدوا وعطته على حسب ما طلب منه الدكتور)
خالد:ما بتعطيني اياه..
يزوي :تراني عطيتك
خالد:اقصد تشربيني الدوا
يزوي انصدمت من خالد وفي نفس الوقت تغير لون ويهها وخلاص حست ان ويهها استوى صغير:هاه؟؟
خالد ضحك:ماشي ....سلامت راسج الشيخه
يزوي:الله يسلمك(فخاطرها...وينج ياحصووه يالخاامه)
خالد:يزوي بسألج ممكن؟؟
يزوي:نعم
خالد:شو رايج فيني؟؟
يزوي انصدمت من السؤال ولكن جاوبت:ريال والنعم الساع فيك...
خالد:صح اني مرقد في المستشفى ويمكن مقدر امشي لمده سنه او اكثر بس انا ابى اخطبج وانتي تعرفين....بتوافقين والا لا؟؟؟
يزوي:ان الله اراد ان شاء الله
دشت عليهم حصوص وهي تضحك ناااقعه من الضحك..
خالد:شو فيج؟؟
حصووص:ههههههههاااااااااااي...وبعدها تضحك
يزوي:يالسباله شو فيج؟؟
حصوص:شفت لكم كتاكيت هنود صغار يشوفوني وخلاص بيصيحون..جان اعطيتهم حلاوة ..استنانسوا وخفطت عنهم جان اسمع واحد يقول this is ninjaوالثاني لا هاي بابا نويل
خالد:غربلات العدو
رن تلفون خالد
خالد:السلام عليك.تمام ربي يعافيك....خلاص تم حياك
حصه:خييبه ما كمل نص دقيقه
يزوي :قولي ماشالله
حصوص:ويل حالي
انفتح الباب ودش سلطان..انجلب ويه حصوص 180 درجه وكرهت اللحظه اللى دش فيها سلطان..ما ادري شو يتحسب عمره وايد مصدق نفسه..لكن يهبي الا هو يذلني..وانا براويه الويل
الجزء 23
سلطان: السلام عليكم
الكل: وعلكم السلام والرحمه
خالد: اسفرت وانورت واشرقت واستهلت وامطرت بك
سلطان:هلا والله كل هذا حقي انا
خالد:عيل حق حصوص
سلطان :شحالك ربك ابخير
خالد: بخير وسهاله..علومك ؟
سلطان: عليوم الخير والله …من صوبك؟
خالد: انت ادرى بالحال…اقرب
سلطان: عاد منو بيقرب بي؟
خالد : فالك طيب ..حصوص هنيه ..ما بتقصر
حصه تبغي تقهر سلطان: نعم نعم نعم..تباني انا اقرب بسلطان
خالد: هيه نعم
حصه: سمحلي ياخويه …ماحيده غريب والله
سلطان: صدقها والله ومحد غريب الا الشيطان يا بنت خالتيه
خالد: يالله عاد قومي
حصه : عشان خاطرك بس
نشت حصوص وسارت صوب الفواله
سلطان: الا ما خبرتك
خالد: خير ان شالله
سلطان: سعيد ولد عم محمد ربيعنا
خالد: هههه ..القرفه ..بلااه؟
سلطان: يسلم عليك سلامن كثير قبل شوي شفته هنيه
خالد: الله يسلمه ويسلمك من الشر..خير ان شالله شي بلاه هو ياي المستشفى؟
سلطان: مادريبه عاد..بس شكله كان عنده موعد
خالد : الله يعافيه ان شالله..ماشالله عليه هوه ريال والنعم فيه ما عنده حركات منيه مناك
حصه من سمعت طاري سعيد ..تذكرته يوم اخته ميثه تخبر حصوص يوم سعيد شافها في المول ويوم طرشلها الرساله ويوم ردت عليه..لبتسمت وفي خاطرها صدق ماستحي..
قربت حصه بسلطان
سلطان وهو يشوف حصه وخلاص حاس انه ماله امل فيها: سلمتي حصه
حصه: الله يسلمك من الشر ..(وصدت عنه)
**ما عاد باقي بقلبك شي ما قلتــه
الله يا كـــثر منت بنيــتك قاســــي
يمكن لو اني سمعت ما تجاهلتـــه
كان الله اعــلم وش دار في راسي
لكني تحملت منك اللــي ما تحملته
واقول لحظه غضب وترد لي ناسي
والحين اشوفك حبطت الشك واشعلته
كنك تـــحاول بنارك شد هوجاســي
بالهون يا صــاحبي تــــراك طولته
لا ماتحمل ابد تــــكذّب احساســـي
فلب يحـبك وبك بالحيل مشغلــــته
لا تجرحه وان جرحته آه يا ياسي
دام الـــثقه بيننا بالشـــك بدلتــــــه
ما باقي الا تصب المر في كاسي
وان كان هذا غلاك اللي تأملتـــه
الله يعين الخفوق اللي ما هو ناسي
**اليوم الثاني**
البنات كلهن ناشات من وقت ...بيسيرن دبي مع شمه يتشرن حق زهبتها..وطبعــا قبل لا يسيرون دبي ساروا صوب خالد المستشفى..عند باب الحجره
شمه : لحظه لحظه لا تدشون
مريوم:ليش ؟
شمه: بسير اخذله باقه وكافي عاد موته ع الجلكسي..خلنا نسير ناخذله
مريوم: انا عن نفسي بدش عنده ..وبترياكن لين ما تن..منيه بتدش معايه؟
يزوي: انا
حصه خزت يزوي بعين وهيه تضحك..ويزوي حمرت بس محد يدري بالسالفه غيرهن الثنتين
شمه: خلاص عيل انا وحصوص ونواري بنسير كارفور وبني
مريوم: اوكيك
يزوي: شو رايج اتسوين في خالد مقلب..
مريوم: هلا هلا ..فكره حلوه..شوفي شو بسوي به
ما دقت الباب ...فجته بقو ودشت وهيه تقلد المصريات
مريوم مغلضه صوتها: يا قدع يا خالد ..فينك ؟؟ مستخبي ليه ..حاسب اني ما بشوفك؟؟
كان خالد مسكر ليتات الحجره ..وعاد يوم فجت مريوم البا واقفه وراها يزوي..والظل ينبات انها وحده ضخمه..خالد استغرب منيه هالمصريه اللي دشت عليه..
خالد: منو انتي؟؟
مريوم بعدها واقفه عند الباب وانشقت من الضحك يوم خالد قال منو انتي
جان اتقول: هههههه يالخوااااااااف انا مريوم
خالد ما عرف شو يسوي ..استحاااا لان كان عنده ربيعه عبدالله ..ومريوم ويزوي دشن ..والغرفه نفس ما قلت كانت ليتاتها مسكره ...سارت مريوم وفتحتهن واتيبست اول ما شافت عبدالله ربيع اخوها خالد.....جان تتغشى بسرعه وظهرت هي ويزوي
يزوي: غربلات العدو نحن شو سوييييييينا؟؟؟يويلنا من خالد !!
مريوم: اسكتي بروحي ميته من الزيغه
يزوي: الله يستر..اتصلي اتصلي بخواتج خلهن اينّا...نسير دبي ابرك النا
واتصلت مريوم حق شموه وقالت لها السالفه
شموه: انتي مينونه؟؟والا صاحيه
مريوم: لييش انا شو سويت
شموه: مالت عليج ما تستحين
مريوم: ترا جيه والا جيه كنا بندش وانتوا كنتوا ويانا بس الله كتب ان انا ويزوي ندش..يعني شو اسوي
شموه: خلاص سكروا السالفه(ويرن تلفونها "خالد يتصل بك") شمه هذا خالد الله يستر
خالد : الووه
شمه: هلا خالد
خالد: انتن غبيات؟؟ والا مينونات
شمه: ليش؟
خالد: والله انكن ما تستحن ..يعني ييتني المستشفى ما تعرفن تتصلن يمكن يكون عندي واحد من ربعي والا شي...
شمه:---------------
خالد: وهاي الغبيه مريوم مادري كيف داشه عندي...يعني صدق ..اففففففففف
شمه: انزين هيه ما تدري ان عندك حد
خالد: حتى ولو
شمه: شو حتى ولو ..دوم نحن يوم نيييك ما عندك حد...
خالد: لانكن تتصلن واتقولن انكن بتن
شمه: هالمره حبينا نسويها مفاجأه
خالد: مثل ويهكن طلعت..
**في الدرب**
سيف يسوق السياره وهو يسولف مع حصووص عن السيايير والدعاس طبها حصوص كانت شاقه الحلج..وخطفت عدالهم "كريل"
حصه: اصلا انا يوم باخذ لي سياره باخذ لي كريل
سيف:ههه كريل عاده
حصه:ودك به والله
سيف: احيدج ع الفتك والنيسان الكبسوله
حصه:اتقوولك الشاعره حصه بنت محمد..
" والله ماشريك يا وارد النيسان ..دام الكروزر في الوكاله يبيعونه..عزاه يا بو هناد لو شفت ما شفته..كرز جديد عليه مدعوج الاعياني"
سيف:صح لسانج
حصه" صح بدنك
سيف: منو نقلج هالقصيده
حصه: ههههه ..مظهرتنها من ألبي ماحدا نألني اياها
سيف: اوني عاد صدقت
حصه:خخخخخخخ سبال
شمه: اوهوووو انتوا لعوزتونا..وانتي لو ريال مادري شو بتسويين؟
سيف: والله كششششخه..خطيره بتطلعين لو ريال
حصه: احم احم لا تحاول ما بوقعلك
سيف:هههه..خقاقه
حصه: لازم اخت سيف بن محمد
سيف: والنعم والله
حصه: والنعم بحالك
مريوم: انت بدال ما تواقعها تشجعها ع انها تستوي شبابيه اكثر
سيف: يلي يسمعج احين يقول يفيد فيها الكلام
حصه: ليشش الشيووووووخ قالولكم عني رياله انا ..تراني الا بنيه واهوى السيايير واعشقهن ما فيها شي
وفي شباب ما يحبون هالسوالف حياالله شي ويمشي معاهم..يعني مب شرط كل من يعشق السيايير قلتوا عنه ريال
مريوم : بس الاغلبيه شباب
حصه: وانا مش من الاغلبيه
مريوم: بس انتي مينوووووونة سيايير!! ما تفهمين
حصه: هواويه
سيف: ياخي مالج خص في ختيه ..
حصه:هههههه ..لو خالد هنيه والله ليغسل شراعنا يا سيف لو درابنا جيه انقول حق مريوم
سيف: صدقج والله
**في بوظبي بيت بو عبدالله**
عبدالله يالس في الحوش عند الزراعه يفكر في مريوم ...ولما شافها اليوم..
ام عبدالله: عبدالله فديتك بلاك؟
عبدالله صد صوب امه: ماشي ما بلاني شي..الا انتي من متى واقفه..تعالي ايلسي
ام عبدالله تضحك: اللي ماخذلك عقلك يتهنا به
عبدالله: محد في بالي هههه
ام عبدالله: عليّه انا ..انزين انزين ..شخبارهم هل خالد؟
عبدالله في خاطره والله امي فهمتني : بخير امايه يسرج حالهم..الا ما قلتلج
ام عبدالله: عن المزيونه
عبدالله : شوو؟
ام عبدالله : قلتلك قول قول
عبدالله: هييه ...خالد اخلاف باجر بيظهر
ام عبدالله فرحت من خاطرها وتعتبر عيال محمد نفس عيالها ..يوم كانوا ساكنين في العين دوم كانوا اييون هم والشباب يسهرون عندهم ومع بو عبدالله وتذكر اخر مره سهروا عندهم دش عندها خالد وعد فيها قصيده الا يبى يغايض بو عبدالله
ام عبدالله: الله يبشرك بعروس ما تملك
عبدالله: آمييييييييييين
ام عبدالله تبى تنغزه: عبدالله
عبدالله: هلا
ام عبدالله: متى ناوي تعرس؟
عبدالله: والله باجر...شو بعد متى بتعرس
ام عبدالله : رمسني عدل
عبدالله: السموحه
ام عبدالله : اتكلم صدق انا ...انا حاطه في بالي وحده
عبدالله :----------
ام عبدالله: باخذلك روضه بنت خالتك
عبدالله ماكان متوقع ان امه تذكرله اسم وحده غير اسم مريوم..مع ان عبدالله كان مرمس امه من قبل عن مريوم..معقوله امي نست السالفه..لا والله هب من زود عيالها ولا من زود المشاكل...كيف تنسى سالفة ضناها الوحيد اللي يسوى الدنيا كلها من عقب بو عبدالله
ام عبدالله :شو قلت؟
واييهم بو عبدالله...: يقوول عن شووه وفي شووه؟
ام عبدالله: ولدك بيعرس يا بو عبدالله
بو عبدالله: هذا الخبر الزيييين !! مبروك يا ولدي واخيرا حسيت بنا
عبدالله متضايق: الله يبارك فيك
بو عبدالله: عاد منو بتاخذ؟
ام عبدالله: روضه بنت خالته وانا رمست ختيه عذيجه
بو عبدالله:والنعم الساع فيهم
عبدالله كان متضايق وحااس بعمره مب قادر يتنفس يعني سالفه روضه صدق احينه والا اميه سارت ورمست العرب الحين اذا قلت انا لا شو بيقولون عني الناس..عاااد انا ما صدقت يوم عرفت انه مش هيه العروس ..اختها العوده يلي بتعرس..والحين يعقون عليه انا السالفه..والله انــــي ما باخذ غير مريوم ..واللي في لسانه اي كلام يقوله..نش عبدالله
ام عبدالله: وين ساير ايلس ..خلنا نحدد متى انسيرلهم ونخطب بلاك ؟؟ مب موافق؟
عبدالله بصوت واطي: راسي يعورني بسير ارقد
بو عبدالله : اسمع كلام امك وايلس
عبدالله يلس وهو خلااااص منقهر
بو عبدالله: حد حاط في بالك انته؟؟
عبدالله: هييه
بو عبدالله (اتشقق من داخل بس ملامحه جاده ما تعيرت): من وين تعرفها
عبدالله: شفتها في بيتهم
بو عبدالله: يلي ما تستحي في بيتهم مره وحده؟
عبدالله: بويه بالغلط
بو عبدالله: بنت منوه؟
عبدالله: بنت محمد بن سيف ...هل العين
بو عبدالله: والنعم..ترمسها في التلفون انته
عبدالله: بويه انا ماخون ثقة ربيعيه فيني ..وحتى لو انا فكرت اني برمسها مستحيل هيه ترضا..هلها مربينها ونعم التربيه
بو عبدالله : قبض ايدين ولده..الله يوفقك يا ولدي ان شالله
ام عبدالله: انا ما بخطبلك الا...........
عبدالله: مريم!!!!!! (قالها وكله امل)
ام عبدالله ابتسمت: مريم بنت محمد..مبروك
عبدالله: هييييه ..وسار وحب واليه ع راسها ..فديتكم تسلمون علني ما خلا منكم
ام عبدالله: حبتك العافيه
عبدالله: الله يعافيج متى ان شالله؟
ام عبدالله: عبدالله شو هو؟
عبدالله : بتخطبيلي
ام عبدالله: خلاف عرسهم ان شالله
عبدالله: انزين انا بترخص الحين ..تعبااان وبسير ارقد
ام عبدالله: ربي يحفظك
عبدالله: ابويه بغيت شي؟
بو عبدالله : سلامة راسك
عبدالله: الله يسلمك الغالي(وسار عبدالله)
بو عبدالله: كفففج ام عبدالله نجح المقلب
ام عبدالله: ههههه..ان شالله على خير..وولدك هذل يستهبل ما عند عذيجه بنيه اسمها روضه
**************
** في بيت ام منصور**
بو سيف: والله يا منصور يا ولدي..هذي الدنيا مثل ما تعطي تاخذ..ومكتوب عند الله كل شي..والناس تقول الحمدلله على كل حال..كل هذا امتحان ..واذا اليوم صليتوا على ابوك باجر بيصلون علينا
منصور: الموت حق
بو سيف: صدقت يا ولدي..نحن لوّل ما كنا نشوف ابونا وايد..كان يشتغل ويكد علينا..ونفرح يوم بس نشوفه كنه يوم عيد
منصور: زمانكم غير زمانا
بو سيف: هيّها ..ايام الاول احلى ايام والله ..كانت ايام بسيطه والحياه سهله..قبل الدرهم اييب اربع بيبسي..كنا دوم نتعازم انا وربعي..والعروس كان عندها سبوع بالكثير تتزهب ولباسها بسيط..هب مثل اليوم عوذ بالله مب فستان عرس هذا هالكبر...اتقول حاطين دش تحته..وشميم سايره تتزهب من دبي وباجر مادري وين ..والفستان عند المصممه الفلانيه..
منصور: ههههههه كل هذا في خاطرك؟
بو سيف: ما بقول غير لا حول ولا قوه الا بالله..ا العيال لين الحين ما وصلوا ؟
منصور: لا بعدهم
بو سيف: كيف الحين الساعه 11.30 ف الليل
منصور: خلاص الحين بتصل بهم..(واتصل)
سيف: مرحبا مليوم وامثاله عشر بالشيخ منصور
منصور: هلا هلا..المرحب لهان فديتك..وشحالك , ربك بخير؟
سيف: يسرك الحال ولا يضرك ..علومك؟
منصور: علوم الخير..وينكم؟
سيف: ع اللفه..ليش؟
منصور: لا بس عمي يتخبر
سيف: مشتاق للبكر والا اخر العنقود
حصوص: اكيد اخر العنقوود
منصور: عوذ بالله ..هاي حصوص صح
سيف: هيه
منصور: اووه نسسيت انها وياكم ف الرحله..هههه
سيف: هههه يالله نحن عند الباب
منصور: مع السلامه
بو سيف: وينهم
منصور: هكم ها عند الباب
بو سيف: حلفت عليهم جان بطوا اكثر
منصور: عمي ...خلهم ايام وبتعدي..البنيه تتزهب
بو سيف: فديييت بنتي بتسر عني
في هاللحظه دش سيف
سيف: السلااااااااااام عليكم
بو سيف +منصور: و عليكم السلام والرحمه
سيف وخى وحب ابوه: شحالك الغالي؟
بو سيف: بخير ربي يسلمك..ليش بطيتوا؟
سيف: والله لو الود ودي جان رجعت ساعة ما سرنا..بس تدري كلهن اللي سايرات معايه بنات
بو سيف: هههه الله يقطع بليسك عن تدش علينا وحده منهن وتسمعك واتسوي لك سالفه
منصور: اتمنى تكون حصوص..خخخخخخخخخ
سيف: نذل
منصور: نذل هاه..الحين بسير اخبرهن
سلطان: السسسسلام عليكم
الشباب:وعليكمم السلام والرحمه هلا
سلطان: شحالكم.. عساكم مرتاحين
سيف: تمام التمام
منصور: كويسين
بو سيف: ترتوبيشن
الكل صد صوب بو سيف..سمعوا كلمه غريبه ظاهره منه
سيف: شو قلت؟
سلطان: منو معلمنك
منصور: شو معناها؟
بو سيف: شفييييييكم بسم الله كلهم بهتوا...قلت ترتوبيشن..اللي معلمني خالد ..معناها مادري ..بس اسمعه يقول حق ربيعه ترتوبيشن
الشباب من سمعوا بو خالد محد قدر يتحمل: ككككككككككككككككككككككككك...ههههههههههههههههههه..خ خخخخخ
بو سيف: هب عليكم هباب ما تستحوون.ههههه..
الجزء 24
سيف: بسكم عاد شباب..تراه ابوي
بو سيف: لاوالله ..انا ابوك هاه وقبل شوي تضحك معاهم هاه؟
سيف: لا ابويه ماكنت اضحك
بو سيف: عيل شو تسوي؟ترقص
سيف: حشا عليه
كانت يلسة بو سيف والشباب دوم حلوه ..صح انه مان شيبه يعني مب في عمرهم ..بس سوالفه كانت سوالف شبابيه"عكســه" كانت يلساتهم كلها ضحك وفي نفس الوقت دروس ونصايح حقهم وحق مستقبلهم
** عند البنات**
البنات يالسات ويا شمه فووق يرتبن الاغراض اللي اشترتهن شموم حق زهبتها
حصوص: ياااااي ..شموه عطيني الشيله عايبتني
شمه: واصل..بس بعد ما البسها
يزوي: ياااااااي ..شموه عطيني هالرقعه بفصل فيها
شمه: وصل ..بس بعد ما البسها
نواري: ياااي ..شموم انتي عايبتني
شمه: واصل بس بعد ما البسها
البنات: ههههههههههههههههههااااااي
شمه: بلاكن؟
مريوم: انتي اللي شو بلاج؟
يزوي : يوم قالت نواري شموه انتي عايبتني انتي قلتي اوكي واصل ...ههه
شمه: خخخخخ..عذرني بالي هب معايه
مريوم: اللي ماخذنه يتهنا به
حصوص: انتن لازم تعذرنها..تراها عرووس...والعروس لازم اتكون متوتره وخايفه قبل عرسها ..وبعدين لا تنسن ترا شميم ما لحقت تتزهب ولا تشتري شي الا اليوم
نواري: ويل حالي ع اللي تتفلسف
حصوص: احم احم..الشيخه
شمه: تعرفن.. انا باجر بسير اخيط هنيه في بوظبي وبخليه يخلصهن هالسبوع وبفر عليه كم من درهم بيسكت..والعطور بخلي الشباب يشترونهن ..طبعا مع خالد ..امممممم اما الملابس الجاهزه وهالسوالف باجر بنحوط في المولات الصبح مع حد من الشباب
حصوص: خلااااص تم..دامنه المول تم والله...بس تعااالي انا باجر لازم ارجع العين
مريوم: ليش؟
حصه: لا تستهبلين السبت مدرسه
يزوي: تعااااالوا حتى انا
شموه: ما عليه ع خير ان شالله
ويلسن البنات يسولفن عن فساتين العرس ووين بيفصلونهم وعند منو بيسوون ميكابهم
مريوم: حووه نسينا...الخيمه شو شغلها ؟؟شو الكوشه؟؟
نواري: صدقج نسيينا
حصوص: غربلات العدو ..مسويين عرس ومتزهبين ومرتبشين اخر شي لا خيمه ولا شي كوشه ولا خدمه ولا مقهويات ...واللا اقولكم مب لازم انسويه مختلط ..هههههه بسير انعش عند الرزيفه
مريوم: عشان بنلعن قفدج
شمه: حمدان متصل بي وقال عن الخيمه والكوشه هو مختارهن خلاص وحجز كل شي
حصوص: بس يمكن الفستان ما يناسب الكوشه
شمه وغمزت: افا علييج كل شي مرتبينه
مريوم: آخ يالخاينه من ورانا!
يزوي: انزين بتخبركن..ياخي شبابنا لا هم مرتبشين ولاشي حتى ما اتجهزوا ولا فصلوا ولا شي...الا نحن
مريوم: افا عليج يتريون الشيخ خالد بن محمد
يزوي: منوووه ؟؟ولد محمد بن زايد؟
شمه: الله يغربل عدوينج ..قصدها اخويه خالد
نواري: ومن متى استوا شيخ ان شالله!!
حصوص: ودج عاد به..الشيخ بمعانيه يطولّي بعمرج...=====> يعني اخوي شيخ
نواري: ههههه حشا كلتيني
حصوص: لازم تراج ترمسين عن خالد
نواري: خلاص آسفه والله آسفه
حصوص: هههه ..لا فديتج امزح معاج
نواري: حشا جيه تمزحييين
البنات: ههههه
حصوص: اقولكن بنزل تحت ..شي تبن من المطبخ؟
شموه: جاهي حليب لو سمحتي
حصوص: ان شالله عروسنا,,,, حد ثاني؟
نواري: لمممممم نسكافيه
مريوم: حتى انا
حصوص: ليش عويناتي..ما وراكن رقاد؟
مريوم: نسيتي سالفة البطايق؟؟ لازم نكتبهن تعالي حسبيهن كم وايد
حصوص: بطايق شووه
مريوم: العرس والا تستهبلين
حصوص: شووووووه ؟؟العرس...يالخاينات ولا حد خبرني ولا شي !! معلوم بنت البطه السوده ...انزين منو يابهن
مريوم: حمدان ..اليوم الصبح
حصوص: واكيد ع ذوقه
شمه: اكييد
حصوص: كــــــــــخ عيل اكيد بايخات
شمه: ايييه ..كله ولا ريلي..شوفيهن بتغيرين رايج
سارت حصوص صوب الصناديق اللي حاطين فيهن البطايق وظهرت بطاقه وحده يعني صدق البطاقه كانت حلوه ولونها كان ع الوردي الفاتح
حصوص وخاطرها تغايض شموه: وع ..شو هاللون؟
شمه: والله انه يجنن
حصوص: اع
شمه: انتي اصلا شدراج سيري هاتي الجاهي وتعالي بسرعه
حصوص: اوكي اوكي..يــزوي تعالي معاي
يزوي: اوكي
نزلن يزوي وحصوص وهن يتكلمن عن البطاقه وعن ذوق حمدان
يزوي:والله البطاقه تجنن
حصوص: ادري بس قلي بقهر شموه شويه
يزوي: حليلها بتسير عنها....ما اتخيل الشله بدونها
حصوص: لالالا تكملين في هاي السالفه...مافيني اصيح
يزوي:صدق بتصيحين؟؟
حصوص :لآ
يزوي:امبلا
حصوص:لآ
يزوي:اوكي بنشوف يوم العرس(ووصلن المطبخ شافوا سيف وسلطان ومنصور يالسين على طاوله الطعام اللى في المطبخ وسلطان صوب الفرن)
يزوي: سلطان شو اتسوي؟؟
سلطان:صد ويتحسب يزوي بروحها وكان بيرمس بس من شاف حصوص سكت
منصور:اونه يبى يسوي لنا نودلز
حصوص:عااد امره النودلز ما يباله
سيف:لا خلوه يتفنن ع كيفه
يزوي:ههههه
كانوا الشباب كلهم يتمازحون ويا بعض ويتمصخرون على سلطان..وهو مب حاس شو يقولوله...كان في عالم ثاني يفكر بالبلوه اللى اتبلى فيها من يوم حب انسانه اسمها"حصه" اللى عمرها ما فكرت انها تعبره او تقوله كلمه حلوه ولو بالغلط...ويمكن هالكلمه لو قالتها بتفرح سلطان العمر كله...لكن ما بقول غير الله كريــم
حصه:سلطان
سلطان<فديت اللى نطق اسمي>:لبيه
حصه:خله انا بسويلكم النودلز
سلطان: لا لا ما ابغي اتعبج...سلطان وهو يقول هالجلمه وحاس انه هو وحصه بروحهم ومحد وياهم في الدينا كلها...حاس ان قلبه بيطلع من ضلوعه من الفرحه...معقوله حصه حاطه عينها في عيني؟؟ عله دوم ياربي من الصوب الثاني حصه تشوف سلطان مستغربه من نظراته ومنه هو نفسه..سلطان ابدا في عمره ما كلن جيه معايه شو اللى غيراه؟؟؟
حصوص:ابدا لا تعب ولا شي ..هات هات
سلطان :لا ما اريد<الريال يتغلى>
منصور: وبعدين بيني وبينكم تراه الا نودلز مكبرين السالفه ليش؟
سيف:جان نش وسويتلنا انزين
حصه: والله برايكم تواقعوا بروحكم خلني اسوي حق البنات احسن
يزوي:هيه والله.....هالشباب مب ما يعرفون يسون شي
حصه:والا دخيلج النودلز منو ما يعرف يسويه...لو واحد صف ثالث ابتدائي بيقرا الطريقه والله يسوويه
يزوي: مب هذيلا طول وعرض ولحيه وشن وجتوف ولا حد يعرف يسويه شو الدينا فوضه
حصوص: خلاص اسكتي عنهم..الله يعينهم
والسموحه والباقي باجر ان شاء الله
الجزء 25
منصور: عنبووكن بالعات راديو+تلفزيون والا شوه
حصوص: لا والله انته الصادق الستلايت بكبره بالعينه
منصور: تراني عادي اصدق
حصوص: وحد قبضك ؟
يزوي وحصوص كان في خاطرهم صدق يغايضون الشباب وغايضوهم لو تشوفون شكل الشباب بتضحكون ..ولكــــن اصلا الشباب مستحيل يسكتون عنهم
حصوص: يزوي عيوووني هاتي الصينيه عشان انحط الاكواب عليها
سيف شاف سلطان ومنصور وسوا حركه بحواجبه طبعا منصور وسلطان ابتسموا ابتسانه خبث
يزوي سارت ويابت الصينيه وحطوا الاكواب عليها ..توها يزوي تبى تشل الصينيه الا ويقوم منصور اخوها ويقبضها من ايدينها بقوو وسيف نفس الكلام سواه في حصوص..ما بقى غير سلطان وهو يشوف حصوص ويضحك سار بكل ثقة بيشل الصينيه الا ويسمع :
ام منصور: لا والله ...شعنه جيه قابضينهن؟
سيف ومنصور من اول ما سمعوا حس ام منصور ودروا البنات وتموا يصفرون اونهم ما سووا شي..
سلطان: شو فيني امايه حليلي انا هب قابض حد
ام منصور: وحليلي انا غشيمه ما فهمتكم يعني
سلطان: ههههه فديتج امايه ليش هب راقده؟
ام منصور: من حشرتكم
حصوص: حليلنا خالوه نحن ما سوينا شي هم هذيلا الشباب الحشره
ام منصور: انا ادريبكن
يزوي: مالت عليكم ما خليتوا امايه ترقد عدل الا من حشرتكم يالمقاليع..ترا امايه نحن نكتب ع كروت العرس
ام منصور: يزاكن الله خير
سارت ام منصور ترقد اما حصه ويزوي شلن الصينيه وسارن...
سيف: حسااافه ما نجحت الخطه
منصور: كله من سلطان اونه متفيق يتمصخر ع حصوص
سلطان: مالكم خص احمدوا ربكم قالت بتسويلكم نودلز بس انتوا اللي ما طعتوا واتمصخرتوا عليها
منصور: عاد مرره انته ما ترضى ع حصوص ...." القلب" لازم
سيف من سمع هالجمله عصصصب..صد وشاف سلطان بنظرة احتقار وقال: صدق انكم عاقين الحيا
وسار فوق ..سيف ابدن ما كان يتوقع ان هالكلام يظهر من اخوانه وعيال خالته ....الحين معقوله سلطان اللي دومه صك حك وضرابه ويا حصوص جيه يفكر فيها..وانا اشوووفه هالايام كله عن حصوص ويوم قلتله ان حصوص سمعته وهو يرمس هذيك تغيّر ويهه..وانا براويج يا حصوص يا مسودة الويه..تيلس اتسويلي قصص حب ..سار حجرة البنات ودق الباب
سيف ونبرة صوته متغيره: ممكن ادخل؟
شموه: دش دش
سيف: حصوه ..تعالي اباج اشويه
حصه سارت صوب اخوها وعلاامات التوتر في ويهها لان هيه حاسه بيصير شي..
شموه: سيف شي بلاك؟
سيق طقّع شموه ولا رد ع سؤالها وبند الباب باقوى ما عنده ..وهم ظاهرين من الحجره كان سلطان توه داخل الصاله اللي فوق ووراه منصور..فشافوا حصوص مع سيف
سلطان: سيف ترا حصوص مالها خص
سيف: جب انته ولا كلمه
سلطان: سيف انا اكلمك بهداوهوانا بفهمك السالفه ....حصــــوص مالها خص
منصور: صدقه سلطان البنيه مالها خص..نحن بنفهمك السالفه
سيف وهو معصب علا صوته: جب انته وياه يلي ما تستحون هاي سواه احد يسويها في بنات اهلكم(هنيه طلعن البنات)بدال لا تحترمونهن تفكرون فيهن التفكير الصح وتقولون القلب ومادري شوه
حصوص وهي خايفه : سيف شو مستوي؟؟؟بلاك
سيف من الغيظ يلي فيه صفع حصوص صفعه قويه ..الكل كان منصدم من سيف اول مره يمد ايدينه ع حصوص..ومب لاي سبب واضح يعني محد كان يدري بالسالفه غير الشباب..حصه حطت ايدينها ع ويهها وتصييح ..سلطان عصب من سيف وقرب صوبه وقبضه من رقبته وبدوا يتواقعون..منصور كان يحايز امبينهم لكن من دون فايده..
سلطان وهو بعد يتضارب مع سيف: يالحيوان انا قلتلك هيه مالها خص والا ماتفهم
سيف: جب جب لك ويه ترمس بعد ..اخ عليك وعلى تربيتك انت واخوك ..والا هذي كلمة تنقال
سلطان: ياخي قلنلك اسمع بس انته ما طعت
سيف وهو يدز سلطان من صدره: وخر عني يالكلب..اصلا ما يشرفني اني اقبض واحد شراتك (قبض حصوص من راسها وقال) يالله قدامي البسي عبايتج اترياج ف السياره
شموم: سيف شو مستوي؟؟؟؟
مريوم ومدمعه: وين بتسيرون؟؟؟
سيف: بتسكتن والا بييكن شي ما ياكن وان شفتكن مع هذيلا الخياس ما تلومن الا عماركن فهمتن؟وع فكره باكر يوم تخلصين من اشغالج اتصلي بي عشان ايي واردكن العين
شمه ومريوم ما قدرن يسون شي غير انهن يسكتن لان سيف يوم يعصب محد يقدر يرمسه..طبعا حصوص لبست عباتها وظهرت حق الصاله اللي تحت كاننن يزوي ونواري عند سلطان اللي كان يصب من خشمه دم..وهو يشوف حصوص وهي نازله من الدري خطوه خطوه وفي خاطره : اسمحيلي حصوص انا اللي سويتبج كل هذا ..لكن حصوص حتى نظهر ما نظرت صوبهم..كانت منزله راسها وعيونها مستويات حمر وحتى كلمة ما نطقت سارت برع صوب السياره يترياها سيف...
اليوم الثاني الصبح ..البنات نزلن وهن تعبانات ما نامن الليل بطوله –كانن يفكرن في سالفة حصوص وفي نفس الوقت خلصن من كتابة الاسامي ع كروت العرس..
ام سيف: مرحبا بناتي..شحالكن؟
البنات: بخير ربي يعافيج ...شخبارج انتي
ام سيف: الحمدلله بخير ونعمه..بلاكن شكلكن تعبانا
مريوم: لا والله اماية لا تعبانات ولا شي
ام منصور وهي يايه من المطبخ: هلا بالبنات الحلوات هلا
شمه مبتسمه : هلا خالوه
ام منصور: شحالكن؟
مريوم : بخير ربي يعافيج
ام منصور: عيل وينهن يزوي ونواري وحصوص؟
شمه: يزوي ونواري فوق
ام منصور مانتبهت ان اسم حصوص مانذكر ..
ام سيف: الا تعالن بتخبركن ..البارحه شو مستوي عندكم فوق..اسمع حس سيف وسلطان
شمه ما عرفت شو اتقول حق امها : هاااه ...لا امايه كانوا يمزحححون ..تدرين بهم شباب شباب
ام سيف: هيييه
مريوم: بسير ازقر قوم يزوي
شمه:بيي وياج
ام سيف: عاد توكن نازلات
شمه: ههه عادي عادي رياضه(سارن فوق)
مريوم: خالوه تتخبر عنكن
يزوي: هييه الحين بننزل
نواري: تعالن بنتصل بحصووص..من متى اتصل ابها وما ترد عليه
شموه: ظنتكن شو مستوي ..شو اللي خلا سيف وسلطان يتواقعوون؟
يزوي: والله علمي علمج..برحي متحرقصه اريد اعرف
نواري: اللي في القدر بتظهره الملاس..بس تدرين شكل السالفه قووويه ..وتخص حصوص ويا سلطان او منصور...لان سيف قال ما تحشمونهن جيه تسوون فيهن
مريوم: عاد شوه استوا.؟؟؟؟ والله حالــه
شمه: سيف اول مره يسويها ...مستحيل اكيد شي قوي قوي
يزوي: فدييييييييت حصوص ..غامضتني والله
مريوم: الله يكون في عونها
نواري: خل نتصل اخر مره
شمه: اوكي بس لا تتصلين ع تلفون البيت اتصلي ع تلفون حجرتها
نواري: اوكي 037812...... (دقت نواري بس يعطيها التلفون مقطوع)
شموه: اكيد سبف قصاه
مريوم: اتصلن ع تلفون البيت انزين
نواري: انا من متى اتصل ولا حد رد عليه ..خلنا بنجرب(واتصلت نواري لكن؟؟؟؟)
شموم: بينفجر التلفون من كثر ما اتصلنا بيتنا
نواري: بلاها ما ترد...وتوها بتسكر التلفون الا وحد يرد عليها....
نواري : ألــــــــو؟؟؟
الجزء 26
سيف:ألــو
نواري زاغت جان تفر السماعه ع شمه
شمه: الوه..السلام عليكم
سيف: وعليكم السلام والرحمه
شمه:شحالك سيف؟
سيف: بخير ربي يعافيييج..شحالج انتي؟
شمه:بخير يعلك الخير
سيف:وشخبار اميه؟
شمه:الحمدلله توني يايه من عندها
سيف:اقووولج اذا اميه اتخبرت عني وعن حصوص قولي لها ان سيف تذكر ...حصوص عندها موعد ورجع وياها العين
شمه: ان شاءلله ..بس صدق انته ليش وديتها العين؟
(هنيه دش سلطان الحجره وتم واقف ع الباب)
سيف: وديتها وبس
شمه: انزين قولي ليش
سيف:قلتلج وديتها وبسسسسس
شمه حست ان اخوها عصب: شكلك تعبان...ان شالله خير
سيف: مارقدت عشان كذيه يمكن
شمه: وليش ان شالله
سيف: بس الحين بسير ارقد يالله بااااااي (وبند عنها)
شمه وبعدها قابضة السماعة وتفكر ليش اخوها جيه سوا في حصه ..محد يدري ليش سيف اتوحش ع حصه وضربها ....الله كريم..وردت السماعه مكانها
نواري: هاه شو قاال؟
شمه: ماشي هب راقد والحين بيسير يرقد
سلطان: وما تخبرتيه عن حصوص
شمه صدت صوبه: بروحه معصب وين اقدر اتخبره
مريوم: محد غيرك انته ومنصور يدرون بالسالفه..خبرنا
نواري: سلطان شو مستوي؟؟؟
يزوي: حرام عليكم والله
سلطان يلس ع الكرسي واتنهد والدمعه في عينه خطف عليه كل اللي صار البارحه امبينه وامبين ولد خالته سيف..وحلم حياته"حصـــه"اتذكرها يوم هيه طالعه من الحجره مع سيف وشكلها خايفه ..واتذكرها يوم نازله من الدري اتصيح.......خذت افكاره لي بعيد ..لكن محد يدري وين بتوصله!!!
نواري: سلطان شي بلاك؟
سلطانكان يبى يقول حق خواته وبنات خالته اللي يعتبرهن نفس خواته بعد ان هو يحب حصوص ..بس من تذكرها حس بعمره يتقطع..حس بضيق ...هو كان السبب في مشاكلها هو كان سبب المشكله اللي بينها وبين اخوها سيف..ماقدر سيف ايقول شي..وظهر برع الحجره
شمه: ظنتتتكن مستوي شي قوي؟؟؟؟؟؟
مريوم: علمي علمج..بس انا بديت ازيغ الصراحه
يزوي: انزين الحين يالله نشن عن تحشرنا اميه ..اوووووووه تعالن اذا تخبرنا عن يزوي وسيف؟
شمه: قالي سيف اقولهم انه هو تذكر موعد حصوص ورجع العين يوديها
يزوي: هزرج بيصدقون الحينه؟
شمه: ان شالله ..انتي الحين سيري وبلغي خوانج هالكلام عن حد يزل لسانه ويقول شي ثاني
يزوي: اوكيييييييك وتوها بتسير
نواري: يزوي تعالي انا بخطف عليهم انتي سيري ويا قوم شميم تحت
يزوي: اوكيك
شمه: نواري لا تنسين
نواري: ان شالله
سارن البنات تحت وخطفت نواري ع حجره منصور وبلغته والحين هيه في دربها لحجره سلطان طبعا دشت الحجره لقت سلطان يالس ع طاولته ويكتب...
نواري: السلام عليكم
سلطان صد صوبها: وعليكم السلام متى دشيتي مانتبهت لج
نواري: ههه هب منك ...من اللي تكتب له
سلطان: لاوالله انتي غير اكتب شعر
نواري: انزين ادري...يعني ف ذمتك الشعر اللي بتكتبه الحين بتكتبه في الهوى مثلا..تراه الا في انسان تعشقه
سلطان: يويلي ع الخبره
نواري: في بيتنا هذا كله محد ما جرب انه ما يكتب شعر..منصور ويكتب ويزوي تكتب وانا وانته نكتب..
سلطان : الله يرحمك يابويه ..محد معودنا ع الشعر غيره
نواري: انزين عطني اقراه
سلطان: لالالا..لا تحاوليييييييييين
نواري: ليش عاااااد؟
سلطان: بسسس ماباج تقرينه
نواري: انزين سلطان ..خبرني شو صار امس؟
سلطان:============
نواري: اذا ما تبى ترمس ف السالفه وتباني اظهر ..تراني بظهر عادي عندي
سلطان: اممممممم ...انا..انـــــا....انا احب حصوص و .........................................
****** في العين******
سيف ساير الحجره عند حصوص وهو بعده يغلي من كلام منصور ..لو سلطان كان يحب حصه وهله يدروبه او ع الاقل اهلي يدرون ما كنت بسوي شي..بس ان تطلع منهم الكلمه بهذي الطريقه..صدق مايستحون..سار سيف الحجره عند حصوص دق الباب ما طاعت تفج له ..حاول كم مره ولا طاعت
سيف يدق باب حجرتها وهو معصب: بتفجيييييين الباب والا شوووووه ؟؟!!!!
حصه:========
سيف: حصوص تراني مالعب وياااج
حصه:========
سيف: والله نها يا حصه اخر مره بقولج اياها...... بتفجيييييين الباب والا شوووه؟؟؟
حصه وهي تصيح: لا والله ما فججججه وجان تبى تكسره كسره ..اللي ما تطوله بيدينك واصله بريولك
سيف: لا والله وظهر لج اسان بعد !!! اوكي انا براويج
وسار تحت ياب له السكروب ورجع حجرتها وصل عند الباب وجرب اول مره يفتحه ما قدر جرب المره الثنيه وانفج الباب...لقى حصه يالسه ع الشبريه لا انها خايفه ولا كأنه شي استوى..واول ما شافت سيف..ابتسمت له وشافته بنظره من فووق لين تحت..هالنظره استفزت سيف..وخلته ما يقبض اعصابه وسار لعن قفدها ..ضربها ضرب البلا لين ما حس انه خلاص حط حرة منصور فيها هيه
صد سيف وشاف حصوص وقال: انتي عيدي هالنظره مره ثانيه وانا بدبل الضرب
حصوص:=========
ظهر سيف من الحجره وهو يفكر اذا اللي سواه صح والا غلط؟؟؟ اكيد غلط اصلا انا ليش ضربتها من البدايه اصلا كيف تجرأت وميديت ايديه عليها...والله لو ابويه يدري جان ذبحني...هاي حصوص اللي ماكنت اتوقع ابدا انه شي من مثل هالشي بيستوي امبينا..وبعدين انا شدراني اذا هيه لها ذنب والا لا..خلاص سلطان يحبها ..يحبها هيه ..مش هي اللي تحبه..انا اتصرفت غللللط ..المفروض اسألها هيه اذا تعرف ان سلطان يحبها والا لا
** في بيـــــت ام مانع**
أم مسلّم: والله الراي رايكم ..متى بغيتوا الملجه علمووونا بس انتوا
ام مانع: والله ما ندري نحن عاد..اللي يريحكم فديتج
ام مسلّم:هاه فديتج مويز متى تبينها؟
موزه: امم ...انا عادي عندي.. تخبري مسلّم
النيره تصاصر موزه: ياعيييني انا ..لازم القلب الحب الخطيب زوج المستقبل ..لازم تتخيره ههههه
موزه: جب انزين
ام مانع: بلاكن تتصاصرن
موزه: لاماشي
النيره: كنت اقول لها لو تسوي الملجه ع السبوع اللي بعد هذا يكون احسن
ام مسلّم :هي والله ..ماأزين شورج يالنيره
النيره: لالا لاتاخذون شوري....خذوا شور المعرس
ام مسلّم: وانا الحين بتصل به
مسلّم: الو هلا والله هلا الغاليه
ام مسلّم: هلا بك زود ..وين انته؟
مسلّم: في المووول ..ههه الله يهداج امي يعني وين بكون...في الميلس اكيد
ام مسلّم: وعلى ويش اتفقتوا؟
مسلّم : ع كل شي الا موعد الملجه...قلنا الحريم بيحددنه
ام مسلّم:انا متصله اتخبرك متى تباها
مسلّم: اليوم
ام مسلّم: تتمصخر
مسلّم: خلاص انزين باكر؟.
أم مسلّم: لا تتمصخر
مسلّم:انا ما اتمصخر صدق اباها اليوم والا باكر...
أم مسلّم: شووو باكر ماشي وقت ولا عزمنا ولا سوينا ولا شي..
مسلّم: مويز حذالج
ام مسلّم: هيييه
مسلّم: بغيت ارمسها..والله بس شويه
ام مسلّم: انزين..اقول عذيجه
ام مانع: هلا
ام مسلّم: مسلّم يبغي يرمس بنت عمه مويز
ام منصور: برايه يرمسها
ام مسلّم: دووج مويز
مويز خذت التلفون وسارت صوب الميلس
مويز: ألــو..السلام عليكم
مسلّم: وعلييييكم السلام والرحمه هلا والله هلا مليون هلا وغلا شو اقول اكثررررر
مويز استحت
مسلّم: شحالج ربج بخير؟
مويز: بخخير يعلك الخير..انته شحالك؟
مسلّم: دامنج بخير ..انا بعد بخير
مويز: مسلّم..قالت لي امك انك بغيتني
مسلّم: والله كلمه "بغيتنـــي" شويه
مويز: حوووه ...خبرني شو تريد
مسلّم: هههههه..عصبتي والا استحيــــــتي؟
موزه: هيه ..علّس غلّس بعد
مسلّم: افاااااااااا الحين انا غلس..
مويز: لا محشوووووووووم
مسلّم: جاااااااان استحي هههههه
مويز: هههه ..المهم بغيت ويش
مسلّم: ادريبج تبين الفكاااااك انتي والا شوه..ما تبين ترمسيني
موزه: لا والله ..منو قال ماريد ارمسك..العكس اصلا
مسلّم : هلا والله ...شحالج انتي ههههههه
مويز: ههههاي
مسلّم: عندي لج شووور
مويز: لبيييييييه
مسلّم: علني فدا من قال لبيييه ..شو رايج باكر نكتب الكتاب...والملجه والعرس يووم واحد
موزه: اممم ..خلني افكر
مسلّم: ما يبالها تفكير فديتج..قولي اوكي دخيييييييييييلج قولي اوكي
موزه: ويل حالي ع القرفه...يقول اوكيه بعععد
مسلّم: هههه فديت القرفه وشيخة القرفه
موزه: امم ...والله ع كيفك..شورك وهداية الله
مسلّم:لحظه لحظه مادريتي متى العرس؟
موزه: لا والله ..بععععد محدد ومفكر
مسلّم:ان شاءالله بيكووووووون خلاف شهرين
موزه: شوووووووه !!! شهرين؟؟
مسلّم بجديه: هيه نعم
موزه: لاوالله ماستوى..شو انا بعدنيه ما اتزهبت ولا اشتريت ولا سوينا شي..انت شي بلااااك؟؟؟؟
مسلّم: والله ظنتيه تقدرين اتخلصين شغلج في هالشهرين
موزه: لا مسلّم ما بقدر
مسلّم: والله هب مشكلتي المهم انه وصلج العلم..العرس خلاف شهرين..رضيتي والا برضاج
موزه: لا اني رضيت ولا انه برضايه
مسلّم: دام انه هب برضاج ..برضايه انا....العرس اخلاف شهرين
موزه: مسلّم حرااااااااام عليك
مسلّم: ماحيد حد محرمنه
موزه:--------
مسلّم: يالله تراج وايد ذرقتي بالرمسه فداعت الله
موزه !!!!!!!!!!!!!!!!!!!!!: فداعت الرحمن
|
03-07-10, 12:14 PM
جديد مواضيع قسم القصص المكتمله
العرض العادي
