الفصل الثالث والعشرين

تعال اقربـــــ
والله ان الجرح حي...
سمعت انك ظميت اليوم تعال اشرب نزف همي
بس اسقني
شربة المــــــــــــــــــــــــــوت

اول ما شافني وافي..حسيته متلخبط ومرتبك... طالعت بوجهه مستغربة منه..كأنه شايف له جني!!..
سحبني من ايدي بقوة...ودخلني البيت.. وسكر الباب بسرعه...كنت ابي اتكلم ابي اقول له شيء...بس ريحة عطره سكتتني.... يااااااااااااااارب الطف فيني...!!
انتبهت لأغراض شخص موجود...ولمن ركزت اكثر وانا احط شنطتي على طاولة الأكل.. شفت شنطة حرمه مرمية على الكنبة بإهمال!!
بنات الحقوووني..والله كنت راح اموت....فكرت بكل شيء سيء... يعني يجيبها لبيتي.. كنت ناوية اقلب البيت ساحة معركة..بس ربي رحمني مرة ثانية قبل لافتح لساني!!
: ترى صيته هنا..."
قالها وافي وهو يحك شعره بتوتر....فصخت عبايتي وحاولت ارتب من شكل شعري وانا ااشر لوافي وينها فيه؟؟...فأشرلي على غرفة النوم...!!
رحت لغرفة النوم حقتنا...وشفت عباية صيته على السرير...وبنتها منو برضوا على السرير ...
اخذت البنت وطلعت...سكر وافي باب الغرفة وراي...
وافي بتوتر: ترى ملابسك حطيتها كلها بدولابي!"
: وش السالفه؟؟...ليش مارديت على جوالات مهاا؟؟"
وافي وهو يحك رقبتها ويبوس منو اللي بين ايديني: كنت مشغول باجتماع.... بعدين دقت علي صيته.... تقول رجلها تزوج عليها...وكانت واقفه بالشارع...وعيا عليها تآخذ عيالها ..."
حطيت ايدي على صدري بعصبية: وشووو؟؟...جعله الماحي..ويييييي عليه... الله يآخذه .."
وافي وهو يروح لطاولة الأكل ويآخذ له قطعة بيتز: الله الله بأختي.... انا برجع للشغل..."
لحقته بسرعه: موب زعلان مني؟؟.."
طالعني بلحظات وقريت بعيونه الجواب.. كان زعلان...لكن الظروف ما تسمحله يعطيني كف معتبر!!
وافي وهو يلمس شعري وقال بنعومة: لو...صيته ميب فيه.... كان ذبحتك!!.."
ابتسمت له بحلاوة وانا فيني الضحكه: حمااااارر..اول مرة افرح لمصيبة انسان... يله عطنا مقفاك...."
ووصلته لحد الباب وقفلت منه وانا احس براحه بسيطة بس يوم شفت عباية صيته اكلني قلبي عليهاا...






صيته وهي تصيح: آآآآآآآآآآآآآآه...تزوج عليي...اللي مايخاف ربه....عمري ماقصرت عليه بشيء.. ااكله واشربه....واهتم براحته....حتى اني تنازلت عن الحياه اللي كنت عايشتها اول.... ورضيت بالشقه ال****ة اللي مسكني فيهاا...."
: صيته عيوني..هدي اعصابك...مايفيدك الصياح..خلك قوية...."
صيته وهي تشاهق وعيونها حمر: احس اني فقدت جزء مني..انوثتي...كل شي فيني تدمر.. تزوج علي يا ملكه...تخيلي لو وافي يسويهاا!!"
ابتسمت لها بحزن....وافي لو يسويهاا...بالعكس يمكن افضل... يمكن يخليني امارس حياتي بشكل طبيعي.. افيد واستفيد...آآآآه بس خلو اللي بالقلب بالقلب...
صيته وهي ترجع تمسح دموعها المتناثرة: راح اطلق منه... لا يمكن اصبر عليه... خليه يشبع بمرته اللي لا اصل ولا فصل.... خليه يعرف ان بنات الحمايل وراهم رجال!!"
طالعت بصيته...صح اني ماحبيت صيته اول ماشفتها...لكن الحق ينقال...صيته حلوة مرة... تشبه لوافي كثير..بعيونها المسحوبة...وحواجبها المرفوعه... يعني صدق ان زوجها ماعنده نظر!!
قمت من عندها وانا شايله بنتها بعد ماسمعت صوت الغلاية.... قررت اسوي لها شي يهدي اعصابها....ينسون مثلا...او شاهي بليمون... وتنسى هالزوج الخاين لو ثواني...
بيني وبينكم...حسيت بجانب اناني فيني...جزء مني كان مبسوط حيل.. ان صيته موجوده .. لأن وافي راح يحترم نفسه ويتسنع... ويحطني بعيونه...
ابتسمت لا شعوريا وانا اتذكر ارتباكه...صدق هالرجال غريـــــب... الله يعينه على نفسه ...والله يعني عليه^_^
بعد ماشربت صيته الشاي بالليمون....اعطيتها حبوب عشان تنوم... ورحت اخذت بنتها وجلست بالصاله...وقعدت الاعب البنت واخليها تضحك....حسيت ان البنت تحتاج تبديل ملابس....
وقعدت البسها ملابسها الجديدة....في نفس اللحظه اللي وافي رجع فيهاا....كانت الساعه تقريبا 3 العصر....
طول عند الباب واقف...فرفعت عيوني له مستغربة... كان متنح بشكل غريب... لو ماهو وافي اللي اعرفه... كان قلت هذا ذايب فيني...
صرخت فيه: وااااااااااااااااااافي...."
طالعني للحظات...واخذ نفس وقال وهو يجلس قبالي ويرمي الجريده على الطاولة اللي بالنص: السلام عليكم..."
: وعليكم السلام والرحمه...خذ بنت اختك..."
واعطيته منو وجلست جنبه وابتسمت له بخبث...ماطالعني في البداية...بس حسيت انه تضايق من قربي له..وآآآآآآآآآآآآآآآآه وش كثر المني هالشيء؟؟..
: وافي؟؟؟.." قلتها بنعومة وانا اطالع بأصابعي....
رفع عيونه لي: يا عيو....هلاء...وشو؟؟.."
ابتسمت له بدلع: طلب صغنون...قد كذا..." واشرت له على اصبعي الصغير..
وافي وهو ماله خلقي: طيب؟؟.."
: ابي جوالك شوي.."
وغمضت عيوني لأني حاسه انه بيرميني بشيء على وجهي..بس لمن مرت فترة من الوقت.. فتحت عيني الاولى ببطء...وبعدها الثانية براحه...لمن شفته يطلع جواله من جيبه ويعطيني اياه....
وافي وهو جامد: خلك هنا قدامي...كلمي اللي تبين قدام عيوني"
: اووووووه... من عيوني..."
وشلت الجوال وجلست قباله ودقيت على رقم غرفة عفاري.... وطول وهو يدق ولا ردت علي... رجعت دقيت مرة ثانية ولا ردت بعد...استغربت كثير وقلقت بنفس الوقت..
رجعت دقيت من جديد على تيلفون غرفتي...وكانت عيون تسرق بعض اللمحات من وافي.. اللي كان منمدج مع منو ويضحكها ويشيلها ويلاعبها...حسيت بطعنة بسيطة بقلبي.. ياحظك يا منيرة...مين قدك؟؟...وافي قاعد يلعب معك؟؟....سمعت صوت رفعة الخط...
: الوووو....السلام عليكم..."
**: وعليكم السلام...مين؟؟.."
استغربت من هالصوت الباكي الحزين..وانقبض قلبي....
: مين عفاري؟؟..شخبارك عيوني؟؟.."
حس وافي بتوتري فرفع عيونه لي... انا بسرعه عيوني غرقت دموع.. كنت حاسه بألم فضيع يقطع قلبي..وش اللي صار؟؟...مين ماااات؟؟؟..مييييييييين؟؟..
عفرا بصوت تعبان: ملكه؟؟؟...آآآآآآآآآآآه...ملـــكه...لحقي علي..."
: عفاري عيوني...وش فيك؟؟....قوليلي...ترى بطني يعورني...بسرررعه..."
عفرا وهي تآخذ نفس عميق: انا تعباااانه يا ملكه...محد عندي....البيت فاضي...اشتقت لج. ....اشتقت لسماح ولروعه.... اشتقت لجاااااااااااااااسر....آآآآآآآآآآآآآه..."
: عفاري عيوني...بسم الله على عمرك...تعوذي من ابليس...وش هالحكي؟؟...عفرااا... عفراااء..."
ردت علي عفاري من بعد نوبة صياح فضيعه: نعععم؟؟...آآآآآآآآآآآآه..."
: بدق عليك بعد عشر دقايق...ابيك تروحين تغسلين وجهك..مفهوم؟؟؟؟..."
عفرا وهي تبكي: لازم تدقين...آآآآآآآآه...الله يخليك ملكه...لا تقطعين انا محتايه لكم.. محد عندي... محد يبيني..اكررررررررررره بيتنا... ابي اموووت... الدنيا فضيعه... احس بوحشه..بوووووحشه يا ملكه..."
: عفراااء..يله قومي غسلي وجهك...وبرجع ادق عليك...باي......"
وقفت متوترة اول ماقفلت الخط.....ورحت المطبخ... كانت اعصابي مشدودة... وشفيها عفاري؟؟..ليش تبكي بهالطريقة؟؟..
لقيت نفسي لا شعوريا اطلع بيض ودقيق من الثلاجه..غسلت وجهي بموية المطبخ البااااردة كذا مرة..
لحقني وافي: ملكه...وش فيك؟؟.."
: ما ادري...متوترة...خااايفه...انت مخبي علي شيء؟؟..."
وافي وهو ماسك منيرة بيد وحده ومجلسها عليه وهي ماسك رقبته: لاااء... شي مثل وشو؟؟.."
حسيت بخنقة وبجفاف بحلقي.... وطلعت خفاق الكيك...وقعدت اخلط الدقيق والبيض ووافي واقف فوق راسي يطالعني كأني مهبولة....
وقفت شوي..وخذيت نفس عميق..
: وافي...عفراا كانت تصيح.. كانت تبكي.....مادري وش اللي ذكرها بجاسر؟؟.. مدري .."
وافي وهو يمسكني مع ايدي: عفراا كانت تحب جاسر من سنين...لازم تذكره يا ملكه.."
انزلت الدموع من عيني غصبا علي...وحطيت ايدي على فمي....
وافي وهو يربت على كتفي بخفه: ملكه...مايصير كل ماسمعت شي يضيق الصدر بكيتي .. خلص...مسحي دموعك...."
: مااا اقدر...انت ما تفهم...عفاري غالية علي....واللي قاعده تسوي بعمرها موب من صالحهاا..."
وافي وهو يشوفني تايهة: انا اعرف شلون اهي غاليه عليك... لكن ماحد يقدر يساعدها... عفراا تحب جاسر من سنين ويوم صار من نصيبها مات...وش تبين منها تسوي؟؟..."
طحت على الارض وحطيت ايديني على وجهي وبكيت بمرارة: محد فينا له حظ... كلنا حظوظنا ترااااب...بنات عم وورثنا نفس الحظ.."
سكت لثواني بعد كلمتي ذي... ما اعرف شلون تجرأت وقلتها....رفعت راسي اشوف وافي..اللي كان ساكت...لاحظت ان وجه وافي بهت بقوة...وطالعني بنظرات مصدومة... لكن تلاشت الصدمه وبقى مكانها البرود الفضيع...شفته يآخذ مفاتيح السيارة ويطلع من الشقه...
تمددت على البلاط بحسرة...وقعدت ابكي غصبا علي.... ابكي وافي...ابكيه...مو قادره احبه... مسكين...انا لمسااااااااااااااعد...فهمتوني كلكم؟؟...انا لمساعد وبس....وافي ولااا شيء... ولاااااااااااااا شيء...








اخذت الجوال بعد ماهدت اعصابي واخذت لي شاور..وضبطت نفسي عشان صيته... وكان بودي ارتب غرفة النوم..بس صيته كانت نايمة فيها وماحبيت اني ازعجهاا...كنت لابسه بنطلون زيتي برمودا... وبلوزه هندية ناعمه لونها فوشيا فيها نقوش ذهبية... وتكحلت زين...بالكحل الاسود....وحطيت ماسكرا....وجلوس فوشيا ناعم...وعطرت نفسي زين...وحسيت براحه وانا اطالع بوجهي....احس براحه كبيرة يوم اشوف نفسي حلوة....



جلست بالمكتب حق وافي...ودقيت على رقم غرفتي من جديد...رديت علي عفراا وكان صوتها اهون شوي....بعد ماسلمت عليها وسألت عن حالها طلبت منها تحكيلي كل اللي صار بغيابي....(( الكلام لعفرا في السطور الجايه))

بعد مارحتي...يا ملكه...كملنا العرس عادي..رغم ان قلبي آلمني لأني فقدت صديقة عزيزة واخت... لكني تظاهرت بالعكس...رقصت مع بنات خالة امايه.... وضحكت مع مهاا وخواتها ... وبعد ماصارت الساعه 2:30 بالليل...راحوا آخر المعازيم... بقينا انا وسماح وروعه ...وطالعنا ببعض..والحزن كان مرتسم على وييهناا... وكل وحده راحت غرفتها وانتهى يوم عرسج نهاية فضيعه عكس بدايته..نهاية كلها الم وحزن على الفراق...حتى اني انا وسماح وعفرا نمنا بغرفتج..كنا نمسك اغراض ونتذكرج ونضحك ونبكي في نفس الوقت...كتبج...رواياتج....مذكراتج..البومج اللي نسيتيه...كل شيء يخصك....وكانت روعه تمازحنا وتقول خلاص بحتل غرفة ملكه...وانا كنت اغايضها وقول لها اني ابي اوسع غرفتيه...لكن الصدق...ان غرفتج بقت مثل ماهي....حتى لبسك الاخير اللي ضميته كثير وبكيت عليه...جلست حاظنته بقوة...ولبسته ونمت فيه..."
" في اليوم الثاني...قمت متأخرة من نومي...على صوت صياح امي.... رحت ابغي اشوف وش السالفه؟؟؟... لقيت امي ماسكه ايد سلطان وقاعده تصيح بحرارة... غمضتني اماية..ماحبيت اشوفها تبكي بهالطريقة...كانت تتوسل لسلطان انها يبقى معناا...لكن سلطان اللي كان شخص ثاني...رفض وكان يصرخ عليها بقوة...
سلطان: انت السبب....زوجتيها اخوج...عشان تبعدينها عني....اي ام انت؟؟..اي ام؟؟؟.."
اماية وهي تصيح: انا كنت ابي مصلحتك...ملكه ميب لك يا سلطان...صدقني ملكه ميب لك..."
سلطان وهو يمسح دمعته بقوة: ذبحتيني يا يمه..غدرتي فيني انت ووافي.... خططتوا ونجحت خطتكم.. ملكتي اناا...صارت لوافي... صارت لخالي اللي مفروض يكون نعم الخال... واللي مفروض انه يفكر بمصلحة عيال اخته...لكن طلع وافي خبيث... واخبث من الافعى..."
امايه وهي تبوس ايده بضعف: بس...بس يا ولدي.... اللي صار صار.... نقدر نقنع خالك يطلقهاا...وتآخذها إذا تبيهاا.."
سلطان وهو يبكي بحرارة: ليييييييييييه؟؟...ليه ترخصونها بهالطريقة؟؟... اجبرتوها وسيرتوها وسفرتوها... مافكرتوا ان في رب فوقكم....بيحاسبكم على كل شيء؟؟.. ليش خالي طعني؟؟...ليش خذاها رغم انه يعرف اني احبها واموت بريحتهاا.. كنت اقوله على مشاعري...ماكنت اخبي عليه.."
صرخت فيه: سلطااان حرام عليك..ماتشوف اماية شلون توسلك؟؟..انت من شنو مخلوق ؟؟ .."
طالع فيني سلطان ببرود وقال وهو يآخذ شنطته ويسحب ايده من امي: آسف يمه... ما اقدر اعيش بهالبيت....يمكن...في يوم ارجع لكم... لكن الاكيد بعد ما اصير مثلكم.."
طالعت بسلطان وهو يروح ينزل الدرج..سلطان اخوي صار شخص ثاني...تغير.... صار قاسي..شرير... موب سلطان اللي نعرفه...
لحقته بدون ما افكر ومسكت ايده وقعدت ابكي عنده..: سلطان لا تخليني.. اناا عفرااء انا محتايه لك.... "
سلطان وهو يرفع راسي: لا تبكين يا عفراا....صدقيني روحتي من هناا افضل من اني اعيش مع هالذيابه...سامحيني يا اختي...."
مسح دموعي بحنان وباس راسي وراح...راح يا ملكه...طلع ولا فكر فيناا.. ولا فكر شلون حالنا بيكون من بعد روحته..
ابوي تعب علينا يوم درا بموقف سلطان...مرض وطاح على الفراش.. وكان يهذي باسمه طول الوقت... ابوي الجبل...اللي ماتوقعنا يجي يوم ونشوفه ضعيف مثل الطفل الصغير.. طاح واخذناه المستشفى والحمدالله كانت ازمه لكنها عدت وقال الدكتور انه بسبب الضغط ولازم يرتاح....
عودنا البيت انا وامي ولأول مرة احس ان بيتنا كبير اكبر مما نتصور.. اول مرة احس ان كل هالجاه اللي عندي.... مايسوى لحظه وحده من اللحظات اللي عشتها معاج وعشتها مع اخويه... اخويه حبيب قلبي...اللي مافكر وشلون حالنا بيكون من بعده...
انتشر خبر روحة سلطان لأستراليا.... وتعبت علينا روعه كثير.... وساد حزن فضيع.. حتى بدرية انكسرت... تخيلي ما كنا ننزل للدور السفلي...ولا للحوش... خلاص.. كلن عزل نفسه بعالمه....انا بغرفتيه مع جاسر ورسايله ووروده...وصوره...وسماح وميران على ذكرى ابوهم... وروعه كانت مريضة وماكانت مستوعبة لا سفرة سلطان ولا ان ابوها قاعد يلفظ انفاسه الاخيرة....وبدرية بعالم خاص فيهاا على صور مساعد وصور ملكتها...
مرت اربعة ايام...وطلع باباتيه من المستشفى...وحبينا نفرحه...فرحت انا وسماح وميران وخذينا له باقة ورد كبيرة....وخذيناه من المستشفى لمطعم فخم...وحسيت ان ابوي ارتاح شوي.. رغم ان عيونه كل شوي تغيم بحزن... وكان ينادي اسمج بالغلط كثير...كان يقول يا ملكه انتبهي..يا ملكه لا تشربين ذا...يا ملكه ويا ملكه..
وزاد الحزن بقلوبنا...واللي قتلنا اكثر هو بعدج...ما دقيتي علينا نهائيا... ولا قدرنا نسمع صوتج... انا كنت ادعيلج بعد كل صلاة انا خالي يحطج بعيونه... وكنت ادعي ان بدرية ما تتجرأ وتعلم خالي عن علاقتج بمساعد ...لأني اعرف ان وافي على كل صفاته شكاك ... ومايرحم لو لقى عليج غلطه....سأليني انا...واعلمج عن كل شيء....
بعد ايام من زواجج وبعد ايام من طلعة ابوي من المستشفى...وصلنا خبر ان العم ناصر خلاص... مات دماغيا....وانهاروا بناته... وسماح كانت على وشك تنين.... وميران اغمى عليها...وروعه كانت مش مستوعبة الموضوع....
يزيد حيز لهم على اول طيارة....كنت احاول اخفف عليهم...لكني كنت الاقي الصد.. تخيلي يا ملكه...ابوهم...كل شيء يعتبرونه في هالدنيا مات..دماغيا...ومرته تبي تقتله وتطالب انهم يشيلون عنه الاجهزة.... تصوري اي مرة هاذي؟... او بالاصح اي ام؟؟.. سماح كانت راح تذبح عمرها لمن عرفت ان امها ناوية على هالشيء....وفي ذيك الليلة.. كل اللي بالبيت ماشافوا النوم...
طلعت بتعب وفي آخر الليل علشان اشم هواء.. كان قلبي معاهم..ودعيت لأبوهم بكل حرارة ان ربي يقومه وهو القادر على كل شيء...
رحت صوب الورود اللي كنتي دوم تسقينها...كانت على بداية ذبولها... سقيتها ورويتها وشميت ريحتها وقطفت لي ورد منهم... يمكن انا ماقلت لج هالشيء قبل...بس تذكرين يوم عودتي من المستشفى ولقيت وردج متقطع؟؟..كان كله بسبة بدرية وميران... قاموا يقطعونه قدام عيونا...ورغم اني تهاوشت وياهم.... لكن بعد اهم ثنتين وانا وحده وقدروا علي...
سمعت صوت نحنحة وراي....كان يزيد..اول ماشافني وقفنا بمكانا للحظات.. كنت مو عارفة شلون اعزيه بمصيبته ولا كان لي ويه اتكلم....وظل الصمت سيد الموقف..لمن قررت اني اخيرا امشي..خصوصا اني ما اعرف اواسي اي احد...
عودت غرفتي بعد ماشربت كاسة ماء..تمددت على سريري...طالعت بصورة جاسر كان وسيم يا ملكه.. يبتسم لي اناا..يضحك في ويهي اناا...يهديني انا كل شيء حلو...
ضميت صورته بقوة ولا قدرت انوم...قعدت اناجيه واسولف معه وابكي عليه وابكي معه...
ودعت بنات العم ناصر بحرارة في اليوم الثاني انا وبدرية... اللي بكت معي رغم اني استغربت من هالشيء... لكن ربي قدر يحنن قلب بدرية.... ودعناهم... ولاحظت شيء غريب... كان فيه شرارات بين بدرية وبين يزيد.. انا بس اللي لمحت هالشرارات.. وما اعرف اذا انبسط عشان اختي..او احزن عشان يزيد؟؟..
لكني مافكرت كثير بالموضوع....خصوصا اني وصيت سماح على نفسها وعلى خواتها وطلبت منها تتصل علي....
ورحنا انا وبدرية البيت... ويلسنا بنفس الغرفة ساكتين....وكل وحده بذكرياتها... ورحنا قفلنا غرف الضيوف من جديد... ورحت قفلت غرفتج من يديد...بكل ملابسج وصورج وتذكاراتج....وتمنينا اننا نعود مثل ماكنا قبل لا نشوفج يا ملكه..لا تزعلين مني ... لكنج يا ملكه فتحت جروحنا وذريت عليها ملح... كنت ما اعتقد ان فيه شخص حنون بهالدنيا... كنت راضيه بحياتي مع اخت لا مبالية وام مشغولة بآخر صيحات الموضة وملاحقة باباتيه ... واخو كبير عايش طفولته لحد الآن...وصغير عايش اكبر من عمره..
انت ييتي...البنت اليتيمة اللي ما نعرفها...البنت الغريبة اللي ما توقعنا بتغير بحياتنا او بتأثر فينا...لكن كلنا حبيناج...آآآآآآآآآآآآه.... ماعادت الدنيا هي الدنيا...ولا عادت النفس هي النفس.... تعتقدين انه سهل علي..افقد ثلاث من اغلى ناسي بنفس السنة.... اخويه..اللي عشت حياتي وانا معه..طفولتي وسعادتي كانت معه...كنت اشوفه كل يوم وابتسم لابتسامته للدنيا... ولااا جاسر... جاسر اللي حبيته من صغر سني....جاسر اللي عشت ايام مراهقتي وانا اراقبه من بعيد..وكنت اتظاهر بكرهي له....كانت خالتي حوريه دوم تقول متى نجمع جاسر وعفرا بالحلال؟؟... متى نزوجهم ونريح ولديه...ولديه اللي يحب هالعفراء..ويحب كل مافيها...يحب شراستها...يحب شعرها....يحب دلعها..يحب كل شيء يمت لها بصله...آآآآآآآآآآه يا ملكه...ليتك تحسين بنص احساسي عشان تفهميني.. انا بفقدك انت وسلطان وجاسر فقدت نعظم روحي...تصدقين يوم كنت اشوفج معي في البيت.. كنت استمد قوتي...استمد شي غريب... كنت اضحك لأنج موجوده... انت غيرتينا يا ملكه....والله غيرتينا...كنت اشوف شلون انت صابرة على فقد اهلج وعلى غربتج عن ديرتج..مع هذا كنت تبتسمين لنا وتبردين اعصابنا...وتخدمينا بعيونج...آآآآآآآآآآآآآآآآآآه يا ملكه....ليتنا قدرنا هالشيء...ينناك..ودخلناج مصحه نفسية...شوهنا سمعتج... وبدرية قطعت فيج ولا رحمت ضعفج.... انا بعد زعلت منج....وكرهتج لثواني..لمن عرفت انج سبب طلاق مساعد وبدرية...لكن انا الحينه ما الوم ابدا مساعد على قراره....وتصدقين تمنيت بلحظة انكم تكونون لبعض.... لكني كنت اعرف ان فيه قلبين يحبونج بينون..اولهم سلطان وثانيهم وافي...ايه وافي يا ملكه...كان دوم يحكي لبدرية عنج...بس اهيه كانت تشوه سمعتج عنده..ملكه..عرفتيه ليش اصيح؟؟...اصيح من زماني يا ملكه..عودي لنا يا ملكه...انا اباك....ومحمد اخوي..وريما...كلنا نباك..ولا حنا قادرين نعيش بشكل طبيعي من بعدج...."





قفلت الخط من عفاري وانا حاسه بروحي ثقيله....مكالمة عفاري زادتني الم على الم.. وفاة العم ناصر دماغيا...وسفر بناته لامريكا...وهجرة سلطان قوية على عمي..قوية على عفاري .. شلون بيتحملونها؟؟؟ الله يعنيهم.....تذكرت ايامي بذاك البيت...ولأول مرة احس لو اني رجعت هناك راح اموت....لو طلقني وافي راح اموت..لو كتب ربي اني اتيتم من جديد مدري وش راح يصير فيني؟؟...وحسيت برد يدخل عظامي ويهزني هز..وصوت يصرخ فيني...دامك خايفه من فقدان وافي ليش تكرهينه؟؟...جاوبت بعصبية المحبه من الله!!...رجع صدى صوتي يرتد علي...وحسيته غريب..وش اللي بوافي يعيبه؟؟؟..شكه فيني....طيب...يحقله يشك..من عرفك وانت مسببه شبهات لنفسك...مكالمات الريم.. سالفة مشاري..الولد اللي عند الاصنصير....وووووووووو



اخذت نفس وانا اسمع صوت الباب ينفتح...كان صوت باب غرفة النوم... كانت صيته توها قايمه من النوم....فقررت اني انسى سالفتي عندي ضيوف...ومو وقت هالتفكير...
ابتسمت لصيته اللي كانت عيونها منفخة من الصياح: صح النووووووم!!"
صيته بصوت مبحوح: صح بدنك...وين منو؟؟؟"
عضيت على شفايفي وانا اذكر ان وافي خذاها وهو معصب!!.....
: مع خالها...."
صيته وهي مستغربة: وين بيآخذها؟؟...."
وكملت وهي تضحك: يختي هبل فيها هالوافي....يعاملها كنها كبيرة....تصدقين انه حتى الكابتشيونو يذوقها؟؟...هههههههه"
ارتحت ان صيته اضحكت:بروح اسوي لنا قهوة عربي..وش رايك؟؟..."
طالعتني صيته وحسيت انها محرجة: عروس مشاء الله..."
عرفت انها تقصد ملابسي...فابتسمت لها وقلت وانا ادخل غرفتي وسحبت يدها: اختاري لك لبس من عندي...اريحلك من اللي انت لابسته....."
صيته وهي منحرجه: لاااا والله..بعدين وووووووين مقاسي ووينك عني؟؟.."
طالعتهاوقلت بدون رياء: والله يا صيته.... ان جسمك يجنن....ومشاء الله عليك مثالي... صدقيني مافيه فرق بين مقاساتي ومقاساتك....جربي هذا...كان واسع علي شوي..."
واعطيتها بنطلون اسود شمواه وقعدت ادور لها قميص ناعم عشان تلبسه وياه...وناولتها واحد لونه اصفر وانا مفتشله من شكل الدولاب الحوسه...
طلعت من غرفتي بعد ماعطيت صيته ملابسي وبعض الملابس الداخليه الجديدة ومنشفه.. رحت المطبخ...وحطيت الموية على النار وفيها قهوة مطحونه....سمعت صوت منو وهي تصيح بقوة....وشفت وافي وهو يدخل...
ركضت له...وجيت اشيل منيرة اللي قطعت قلبي...بعد منيرة عني...ولاحظت بعيونه شرر .. فخفت منه.. شفت وحده لابسه عبايتها ورى وافي... واول مادخلت كشفت عن وجهها وكانت حصه....سلمت علي بسرعه..وراحت يم صيته بالغرفة...وكان معها بنتها الكبيرة اللي جلستها بالصاله...
كان وافي يحاول يسكت منيرة بأي شكل والبنت تصيح بقوة...ياربي...عورت قلبي..
: وافي ؟؟.." كان صوتي خافت وخايف...
طالعني..وآآآآآآآآآآآآآآآآآآآآآه...ليته ماطالعني....عيونه كانت غريبة عني.... كان شيء ثاني.. كأنه الشيطان متلبسه...ارتعد قلبي منه...
فرجعت طالعت بنت حصه الكبيرة اللي حسيت انها محرجة مني كثير...ورحت المطبخ اللي مفتوح على الصاله..وصبيت القهوة بالدلة....وحطيت بسبوسة جاهزة بصحون وصبيت لها فنجال... وجلس جنبي وافي ورمى علي منيرة فجأة..وخذا الدله وصب له فنجال....

طالعته مقهورة من تصرفاته...عيب عليه بنت اخته جالسه قدامناا..سمعت صياح صيته يتعالى..فوقف وافي وراح دخل غرفة النوم...ولحقتهم بنت حصه....سمعت صوت جوال وافي يدق..شلت منيرة وشلت الموبايل....كانت مرام هي اللي متصله....رفعت الخط بعصبية: خير؟؟..."
مرام وكأنها ماتوقعت: ووو....ين...وافي؟؟.."
: وافي يا بعد قلبيه....نايم...ولا يبي احد يزعجه...مفهوم؟؟.."
وللحظه حسيت اني وافي خصوصا مع كلمة مفهوم الشهيرة....
مرام قفلت الخط بوجهي...وانا حسيت بحرقة بقلبي فرميت الجهاز بقوة على الارض... وطالعت حولي..وارتحت ان وافي ماشافني كان والله بيصير لي كلام ثاني...!!
حاولت انوم منيرة اللي كانت قلقانه حيل..وتصيح بدون توقف...وباءت كل محاولاتي بالفشل الذريع... فاضطريت آسفه اني اروح غرفة النوم... واطب على وافي وخواته رغم اني كارهة عمري لهاشيء...
على دخلتي كان وافي واقف وشكله مشتط على اخته....كانت حصه ضامه صيته بقوة.. ووافي واقف وحاط ايده على خصره....
اول مادخلت سكتت منيرة..وقامت تمص اصبعها فعرفت انها جوعانه..آلمني موقف صيته المهزوز...صيته اللي شفتها قبل امس..كانت كلها قوة...وهيبة...وابد ماتوقعت انها بتكون حساسه لهالدرجه....لكن نسيت شيء صغير....نسيت انها مرة..انثى..كاملة الانوثة... وزوجها طعنها بدون مايفكر...وراح تزوج وحده اصغر ويمكن احلى!!...
رجعت الصاله وانا اسمع وافي يزجر اخته بكل قسوة: مصيرك بترجعين له...لأن المره مالها مكان غير بيت رجلها!!"
دمعت عيوني بقلة حيله....هذا احنا العرب...طول عمرنا كذا...وبنموت واحنا كذا...هذا اللي مضعفنا...هالكلمات التافهة...المرة مالها إلا بيت رجلها؟؟...ليش وين اهلها وين عزوتها لاتصدمني يا وافي....الله يخليك....اختك ماتستاهل انك تسوي كذا....يا وافي اثبت رجولتك بغير هالطريقة...اثبتها علي اناا بس اترك اختك بحالها....خل صيته تعيش مكرمه مرفوعة الراس....خل زوجها يحس بالندم ويآكله قلبه...ويعرف ان الاولى وام العيال هي كل شيء...
..سويت رضعة لمنيرة..ونومتها بحظني...وشفت حصه تطلع وهي منزله راسها وبنتها وراها....
: حصه؟؟...."
طالعتني حصه وحسيتها مكسورة: هلاااء؟؟.."
: .............
سكت ماقدرت اقول شيء...واهي حصه بعد ماكانت مستعده تقول شيء....ابتسمت لي بأسى....
وقالت وهي ميب مصدقة: كان يبيهاا..رفضناه كذا مرة...عشان مستواه الاجتماعي... بس اهي اللي اصرت عليه.....وبالاخير... وش صار؟؟...تزوج عليها!!"
عورني قلبي..ولا قدرت اقول شيء....التزمت الصمت..وحصه المذهولة لبست عبايتها وباست منيرة وطلعت هي وبنتهاا....



بعد ثلاث ايام....من المقاطعه اللي بين صيته ووافي...ماكانوا خلالها يتبادلون اي كلمه.. ووضعي مع وافي ماكان افضل بإية حال...


كلنا في الصاله انا ووافي وصيته ومنو القمر.... وافي وصيته كل واحد فيهم بدنيا... وانا ومنيرة قاعدين نلعب سوا....الملل هو عنوان الجلسه....
طالعتني صيته وانا قاعده الاعب منيرة: مشاء الله عليك يا ملكه...الاطفال يحبونك..."
ابتسمت بخجل لكلماتهاا...الاطفال هم حلاة الدنيا عندي... لعبت بغرة منو وقعدت ابعثر شعرها الناعم الخفيف وهي ميتة ضحك....
وافي بلا مبالاة: خلها تسلى بعيالكم...يمكن عمرنا ماراح يجيلنا عيال.."
صيته وهي تطالعه بغيض: خاف ربك يا رجال...ان شاء الله بتجيب درزن...."
وافي وهو يبتسم ببرود: ماابي عيال من ملكه...إذا بغيت الاطفال تزوجت وحده ثانية.... اجمل واعقل..." وكمل بسخرية: واقصر!!"
صيته وهي مفجوعة: فيه شيء بينكم؟؟...انتم مخبين علينا شيء؟؟..."
والتفتت علي وسألتني بكل صراحه: ملكه انت عقيم؟؟..."
رديت عليها وانا اطالع بوافي: ايه..."
التفت علي وافي وكأنه انصدم من كلمتي فكملت ببرود: هذا اللي يبيه اخوك...لكن الصراحه انا ما ادري أذا انا عقيم او لاااء...لأن تونا متزوجين وبدري على الهم..."
وافي وهو يعض شفته: بدري على الهم؟؟!!.."
وفجأة قام يضحك ويضحك بدون توقف....ضحكته العالية حطمتني.... حسستني بالكره الشديد له....وحسيت بأهانه لأنوثتي...بسبب ضحكته الخبيثة الجارحه....
تركت منيرة على الكنبة....ورحت لغرفة النوم وقفلتها مرتين وقعدت اصيح بحرارة على السرير....
سمعت دق على الباب بعد دقايق...فعضيت المخده عشان مايسمع صوتي وانا اصيح.... لكني سمعت صيته هي اللي بره وموب وافي...





غسلت وجهي زين ورجعت لغرفة النوم...صيته كانت على السرير....ومعاها بنتها اللي كل ماتشوفني تضحك بوجهي...
صيته بهدوء: اعذري اخوي..."
ابتسمت لها بهدوء شديد ما يتناسب مع البراكين اللي تغلي داخلي...واطلقت رصاصة قاتله لصيته يوم قلتلها بكل هدوء: متعودة!!.."
سكتنا لأن مافيه كلام كثير ينقال بهالمواقف: يحبك والله!!..."
هذا اللي قالته صيته...توسعت ابتسامتي بسخرية...وشلت بنتها الصغيرة وضميتها بقوة لصدري: ما ابي حبه...ابي احترام..بس!!"
صيته وهي تطالعني مو عارفة وش تقول: ملكه..لا تقولين لي انك تهاوشت معه بسبتي؟؟ .."
: صيته!!..." صرخت فيها بعتب..
صيته وهي توقف معي: انا استاهل ان رجلي تزوج علي... لأني تحديته بكل غباء.... ملكه...ترى وافي يقول انه بيتزوج عليك..."
حطيت ايدي على قلبي مفجوعة: وشوووو؟؟...يتزوج علي؟؟...لييييييييييه؟؟...وش سويت له؟.."
فكرة ان وافي يتزوج علي خلتني شوي واموت..كنت مو مصدقة لدرجة اني حسيت ان فيه اعصار قاعد يدور براسي..
صيته وهي تصارخ علي: هذا اللي قاله لي.... وقال لي نفس كلام رجلي...آآآآآآآآآآآآآآآآآه.. علشان نتأدب...."
حطيت ايدي على فمي....مابي ابكي...وافي ما يستاهل اني ابكي عليه...شلون مافكرت بهالشيء؟؟..شلون ماجت على بالي؟؟...وافي راح يتزوج علي!!
صيته وهي تبكي: يقول اني راح ارجع بيت رجلي غصبا علي...لأني انا السبب في زواجه .....رجلي الحماااااااااااااااار قاله...آآآآآآآآآآآآآآآآه..."
حطيت ايدي على قلبي وحسيت بغثيان تركت منيرة على السرير وحاولت اني ما اطيح....
صيته تكمل: ملكه أنا آآآآآآآآآآآآسفه...."
: وش اللي آسفه عليه؟؟؟...آآآآه...طيب...شلون امنعه؟؟..."

وبعدين رجعت...قلت بغرور وانا امسح دمعتي اليتيمة: ماعاد يهمني..خله..من باعنا بعناه لو كان... زووو وووووجي ...آآآآآآآآآآآآآآآه.."
ومسكت صيته وقعدنا نصيح كلنا ومدري كم مر من الوقت واحنا قاعدين نصيح....حتى انا نمنا بنفس اواضعنا من كثر التخطيطات اللي شيبت بروسنا...كيف نخلي زوج صيته يطلق مرته؟؟؟...وكيف ان وافي مايتزوج علي؟؟^_*





تلفت بضيق وانا متمددة على السرير وحسيت بجسم صلب بجنبي.... فتحت عيوني اللي تعورني ببطء كان فيه ظهر اسمر على بعد سنتميترات عني....
وافي...نطقت اسمه لا شعوريا وانا اقوم بسرعه عن السرير...وش صار؟؟..وش جابني للسرير؟؟...
حمرت خدودي لمن تذكرت انه جاا ولقاني انا وصيته... حتى اني نايمة بنفس ملابسي... رحت الحمام واخذت شاور سريع...وطلعت منه وانا لابسه روب الحمام الموف...
فتحت الدولاب وجلست على ركبي اطبق واعلق بملابسي.... واخترت لي تنورة بيضا وواسعه( غجرية)....واخذت بدي ناعم لونه مشمشي وفيه زي القروش الذهبية....
وقفت عند المراية اكحل عيوني المتورمة واحاول اضبط شكلي... وطلعت من الغرفة... لقيت صيته نايمة في الصالة على الكنبة ومعها بنتها اللي توها تفتح عيونهاا....
جيت وشلت بنتها الصغيرة وضميتها بقوة وانا اشم ريحتها...ورحت المطبخ وسويت فطور خفيف لي...
كانت الساعه يمكن 10 ومفروض وافي في الدوام من كم ساعه.... خله يفوته الدوام...انا موب مسأولة عنه.. خل زوجته الثانية تهتم فيه...انا اوريك يا وافي...
قعدت آكل بأمان الله...بس كأني لمحت شيء على الكنب اللي بالصاله.... علبه مغلفة كويس...شكلها هدية!!
قمت ببطء وبكل فضول العالم مسكت العلبة وقعدت اقلب فيهاا....اكيد لي...قلتها وانا مبسوطة....اكيد وافي عرف اني زعلانه وشراها لي...مو يقولون انه يحبني؟؟؟... ولمعت عيوني بفرح....
ومسكت الكيس اللي جنب العلبة.....ولقيت فيه بعد علبة ثانية بس اكبر شوي مغلفة.... ياربي احس الفوضل بيذبحني....عضيت على شفايفي وانا افكر....وقررت اغامر وافتح العلبة....
توني ابي افتح العلبة...إلا اسمع صوت آمر عسكري مخيف بارد يقول: اتركي اللي بيدك.. وخلي اللقافه..."
التفت لوافي وانا مفجوعة يمه متى قام ذا؟؟..ماسمعت ساعته....بلعت ريقي ببطء.... وبأسرع تمثيل بالعالم ابتسمت لوافي بنعومة: شكرا وافي...."
طالعني ببرود وابتسم بسخرية: على؟؟.."
قلت بنعومة وانا اطالع باصابعي: على الهدية...ما تدري شلون كان خاطري متكدر امــ...س" نطقت آخر كلمة بصوت خافت وانا اسمع ضحكة وافي...
وافي بقوة: هههههههههههههه.....ههههههههههههههههه......هههههه"
وبعدها قال وهو يحك رقبته ويرجع للغرفة: ضحكتيني وانا مالي خلق اضحك..."
شلت منيرة ولحقته للغرفة وش قصده؟؟؟...وليش ضحكته؟؟..والسؤال الاهم...معقولة تكون الهدايا ميب لي؟؟..
كان وافي بالغرفة وقاعد يلبس الثوب الكحلي الغامق...تأملته وهو يسكر ازارير الثوب بكل اناقة...ويمشط شعره على ورا...
: وافي؟؟.."
وافي ببرود: نعم؟؟.." ورفع حاجبه وهو يطالعني وبعد ماتعطر قرب مني وباس منو اللي قامت تمد يدها له....
: ليش ضحكت علي؟؟..."
ابتسم وهو يضبط غترته البيضا: لأنك مغرورة وتافهه....يعني ما اهديتك بصباحيتك هدية...بهديلك هالحين وانت صايرة من سيء لاسوأ؟؟!!!!!!!!"
ارتجفت شفايفي بقوة...بس جمدت قلبي..هذا وافي..القاسي..وش بتوقع منه؟؟..
: الهدية...لمين؟؟.."
طالعني ببرود وابتسم لي: للبنت اللي رايح اشوفها اليوم...."
عورني قلبي..يشوفها..شلون؟؟؟..وافي موب راعي بنات ولا هو راعي مكالمات...مين البنت...
:تشوفها؟؟...مووو...فاهمه...."
طنشني ولا رد علي وهو جالس على السرير يلبس جزمته وانتم بكرامه.....
صرخت فيه بعصبية: مين اللي بتشوفهاا؟؟؟...."
وافي وهو يآخذ نفس وكأنه ضايق من شوفتي: يعني مين؟؟..البنت اللي رايح اخطبها... بخطبها اليوم...ويمكن الشوفه الاسبوع الجاي.....بس اشتريت الهدايا من بدري.. علشان مالي خلق الروحه والرده..."
طالعته مصدومة....بينما هو ابتسم بخبث..حسيت الهوا انقطع بينا...رجعت على ورا... وجلست على الكنبة بالصاله....وراقبته وهو يطلع من قدامي...وسمعت صوت الباب اللي تسكر بقوة..




رحت قومت صيته وانا قاعده اصيح..وامسح دموعي...قامت صيته وهي مفجوعة...
صيته وهي تحاول تفتح عيونها: وش فيه؟؟..."
: وووااا....ووواااافي....بيتزوج عليييييي..."
واشرت لها على الهدية وانا اصيح...مو عارفة وش اسوي؟؟...
صيته وهي تبلع ريقها: اعوذ بالله....وش قالك هالمهبول مع الصبح...."
وقامت وهي تترنح للحمام...ورجعت بعد ثواني وانا ماسكه العلبه قاعده اقلبها بين ايديني واحسها مثل الجمرة ودي ارميها بس خااايفه!!
صيته وهي تشوف العلب: وينه؟؟.."
: رااااح..آآآآآآآآه..شوفي..هذي هدايا الشوفة..."
وقلت بحرقة: وانا حتى بصباحيتي ماجاب لي شيء..."
صيته وهي متأثرة: انا صراحه صرت اشك بوافي....شكله تأثر من رجاجيلنا..يختي كان طيب وحبيب... وكان هو الوحيد اللي متوقعين يدلع زوجته دلع مامثله..."
: انااا...ابيي....اهرررب...."
قلتها بضعف وانكسار...ومسكت ايد صيته وانا اتوسلها: ابي اهرب... مابي اعيش مع اخوك ... خلاص النفس طابت...اكرههههههه...."
صيته وهي تطقني على كتفي: تهربين؟؟..هااا؟؟؟ قايلين لك عايشه بامريكا وانا مدري؟؟... عندك مكان تروحين له؟؟؟...عندك اهل هناا؟؟.. وبعدين حتى لو عندك..يمكن مايتقبلون رجعتك...."
انهرت بقوة وانا اصرخ بضعف: ماااعندي...اخوك مستغل هالنقطة... ماعندي والي يسأل علي....انا تعبااااااااااانه..تعبت منه ومن ظلمه...."
رميت العلبة بقوة على الارض وضميت صيته وقعدت اصيح بمرارة....
اه انا ملكه بنت آل.....يتزوج علي وافي... انا اوريك يا وافي...والله لذلك مثل ماذليتني..
صيته وهي تمسح دموعي ودموعها: ملكه....لنفرض انه تزوج...انت لازم تصيرين قوية .. وتدافعين عن بيتك... تدافعين عن كل شيء يخصك..."
وكملت صيته وهي تآخذ نفس: انا قررت برجع بيتي....وبرتبه وبتزين وبلبس وبقوله اني هنااك....ملكه...لازم مانصير ضعيفات..ليش اهدم بيتي واخليها تهنا فيه؟؟..."
ماقدرت اجاوبها....انا مالي خلق احارب وادافع....وافي عمره ماكان زوجي عشان اكسبه طول وقته بعيد عني...شلون افهمها هالشيء؟؟
صيته وهي تخليني اطالع فيها غصبا علي: امشي...بنروح بيتي.... اهو بس ملك عليها.. لسه ماجابها عندي.... ما اكون صيته بنت.... إذا ماخليته يطلق زوجته وعشر مثلهاا!!..."
طالعت بصيته بعجز وضعف...وهزيت راسي لها...ولبسنا عبايتنا وطلعنا لبيتهاا....بعد مادقينا على سواق حصه عشان يآخذنا....





رحنا لشقة صيته....وكانت طبعا الشقه فاضية..لأن زوجها خذا عياله وحطهم عند اهله... مشاء الله كان ذوق الشقه مرة راقي....والاثاث فخم حيل...وخمنت انه ذوق صيته...وطلع تخميني صحيح...
الاثاث يتراوح بين الكحلي والذهبي والالوان الترابية....دخلنا انا وصيته غرفة النوم حقتها .. وقررت اني اساعدها بالتنظيف....
وزعنا الشغل بينا.... انا نظفت لها غرفة النوم وعطرت المفرش وحطيت ورود عليه وولعت الشموع.... وصيته راحت تطبخ شيء خفيف ولذيذ واقترحت عليها ستيك... كنت اساعد صيته بس قلبي ماكان معي.... كنت خايفه من وافي.... وحاسه اني اختنق واختنق لدرجة اني إذا فكرت فيه احس اني على وشك اموت....
زينت لها سفرة الاكل بذوقي انا وهي دخلت تآخذ لها شاور سريع....حطيت مناديل حمرا ... وولعت شموع معطرة وفواحات....وزينت الطاولة بورد طبيعي شريناه واحنا جايين للشقه ...
وحطيت الاكل بحافظة صغيرة مرتبة...ورحت لغرفة النوم حقت صيته...شفتها توها طالعه من الحمام...نشفت لها شعرها وسويت لها بطريقة خيال...خصوصا مع البلياج حقها الذهبي ومع بشرتها البيضا طلعت قمر....
مكيجتها باتقان وبنعومة....نثرت ظل ذهبي ناعم فوق عيونها وكحلت عينها وخليتها تحط روج احمر...ناعم حيل....ولبست فستان احمر نعوم...وبستها وودعتها...بعد ما اصرت اني اخلي منيرة رغم اني كنت بآخذ منيرة معي....





طول الطريق وانا ادعي ان زوج صيته يرضى عليهاا....ولا يكسفها بفرحتهاا... وينسى مرته الثانية...والافضل انه يطلقهاا...
وصلت اخيرا للعماره اللي اعيش فيهاا بعد ماطلبت من السواق يوقف عند مطعم وشريت اكل صيني للغدا... اعطيت السواق فلوس صدقة..ونزلت من السيارة بعد ماسويت عبايتي فوق راسي...
وطلعت لشقتي ...اول ماوصلت فوق تذكرت ان وافي مايرجع غير متأخر....كنت بروح لبواب العماره عشان يفتح لي الشقة...بس خلال ترددي عند الباب....شفت باب المصعد يفتح ....وكان وافي هو اللي فيه...
بلعت ريقي اول ماشفته...لاحظت انه يناظرني بطريقة تخوف...وقعدت اقرا المعوذات وانا ارتجف....
فتح الباب بسرعه ودزني داخل بقوة....





صرخ وافي فيني بعصبية: وش قااااااااااااااعده تسوين برررره؟؟؟.."
: وش فيك ماتفهم؟؟؟..قلتلك كنت مع صيته..."
وافي وهو معصب: عطيني...سبب واحد...سبب واحد يخليني اصدق انك من بيت صيته للشقه دايركت..."
فكرت بضعف: السواااق..."
وافي وهو يضرب بيدينه على الجدار: السواق...ههههههههههه...السواق اللي ممكن تعطينه كم هللة ويبيع كل هله علشانهاا..."
ضميت نفسي بقوة وقلت وانا احاول اني ما ابكي: اصلااا عمرك ماراح تصدقني..."
طالعني وافي باستحقار: عطيني اثبات واحد انك بريئة عشان اصدقك...."
وكمل وهو معصب: كل يوم تثبيتين لي ان مايفيد فيك طب!!"
انا يا وافي؟؟..انا اللي مايفيد فيني طب....الله يسامحك...قعدت افكر...مساعد..سلطان.. يزيد... الولد اللي عند الاصنصير...شلون اثبت براءتي منهم كلهم؟؟..وابتسمت بسخرية يوم تذكرت مشاري...
وافي وهو يشوف ابتسامتي: عرفتي انه لا يمكن تثبتين انك نظيفه...."
: اقدرر...." قلتها بضعف وكملت وانا ارفع راسي له وبتحدي: وتطلقني اذا قدرت اثبت لك اني بريئة.."
وافي وهو يضيق عيونه: بريئة من ايش؟؟...حددي...ولك مني اطلقك....لكن لو ماقدرت فاعرفي اني قسم بالله راح اتزوج عليك بعد اسبوع بالضبط..."
رفعت راسي له وبكل ثقة قلت وانا حاسه ان خلاصي قرب: من الفاتورة... انا بريئة من هاذيك المكالمات وراح اثبت لك هالشيء..."
ولمعت بعيوني نظرة تحدي...وابتسم وافي بسخرية وهو يطالعني....

ليه يا دنيا المحبه..خذيتي مني اللي احبه...
شاللي سويته بعمري؟؟...ودي افهم ودي ادري...
من سواتك فيني والله شيبت والعمر بدري...


الفصل الرابع والعشرين
في اليوم الثاني..

توني مخلصه من مكالمة رائعه مع صيته... الحمدالله رجعت امورها مع زوجها عال العال... وكانت مفاجأة حلوة بالنسبة له...لكنه ماعلق على موضوع زواجه من الثانية...ورفض انه يناقشها فيه...انا نصحتها انها تهدي الاوضاع شوي...وتنسى او تتناسى مرته الثانية...وتسحره السحر الحلال...بحيث انه يقولها بعد فترة آمري وتدللي لو تبيني ارمي الثانية بنار جهنم ارميهاا!!


طالعت بالسرير اللي توني مغيرة المفرش حقه.... الجو كل ماله ويزيد بروده....مسكين وافي إذا تطلقت منه من راح يهتم فيه...واعرفه عجااز ماراح يغير مفرشه بنفسه...سبحان الله من يصدق ان هالشخص عاش عازب طول عمره....زين لقيت عنده بطانية دافيه....

رحت للدولاب عشان ارتبه زين واعزل ملابسي عشان بسهولة احطها بالشنطه حقتي... تلمست ملابسه... معقولة يا ملكه؟؟..معقولة عشتي معه بس شهر واسبوعين.... ومع هذا تعرفين وش يحب ووش مايحب...تعرفين شلون يفكر؟؟...تعرفين وش اللي يتعبه؟؟...في حريم مع رجالهم من ثلاثين سنة ماعرفت وش اللي يزعل رجلها حتى الآن؟؟..
طلعت بعض الملابس اللي تحتاج غسيل وبعض الثياب المصفرة..... ومسحت الدولاب بقطعه معقمه وحطيت له اكياس عطرية بين طيات ملابسه..عشان يتذكرني^_^
سكرت الدولاب وشلت الملابس اللي بايدي... ورحت للمطبخ....حطيت الملابس بالغساله.... وشغلتها....ثمن رحت حطيت لحم على النار....اكيد وافي راح يرجع جوعان على الغداء.. اقله يلاقي اكله جاهز....بعد مو حلوة بحقه كل يوم وانا جايبه من بره....
ورجعت غرفة النوم.... لبست لي بنطلون بني قطيفه ناعم... ولبست بلوفر بيج...ومشطت شعري وقدرت بصعوبة اني المه ذيل حصان...
حطيت لي بلاشر خفيف وكحلت عيوني ببني بعد مارسمت حواجبي.... واخذت شنطتي ولبست عبايتي..وافي خلا باب الشقه اليوم مفتوح عشان إذا جات الريم اقدر ادخلهاا...
توكلت على الله....وخليت الباب مردود...الحمدالله العمارة امان...والكل عارف وافي... ومحد راح يدخل البيت...
نزلت عند البواب في البداية....وسألته عن مواصفات الريم.... وانكر ان فيه احد ساكن بالعماره مثلها...
البواب: اسمها ايه يا ست؟؟"
: اسمهاا....ريم...ام لجين..."
البواب وهو يهز راسه بتفكير: دنه عارف كل واحد بالعماره دي....مافيش حد بالاسم ده... لجين .... لاااء مافيش بت زغيرة بالاسم ده..."
: الله يخليك يا عم احمد... حاول تذكر...يمكنهم ساكنين جدد..."
البواب وهو يعتذر: والله يا ستي... انا بعرف كل واحد بالعماره دي....اصلا جوزك السي وافي.. دنه بعارفه من زمااااان....لما كان عيل صغير...."
طالعت بالبواب...قاعد يبربر علي..هو انا ناقصه؟؟... تركته اول ماسكت بعد ماعطيته من اللحم الي عندنا لأن وافي كان ناوي يعطيه....
بس لسه..انا متأكده اني راح الاقي الريم....يعني معقولة ماتكون ساكنة هناا؟؟..طيب معقولة تكون كذبت علي باسمهاا؟؟..استحاله مافيه ناس بالتفكير ذا؟؟...هاذي حركات بنات الثانوي مو حركات حرمه كبيرة عاقله...
فكرت للحظات وانا بالاصنصير وتذكرت ان ريم مرة قالت لي انها ساكنه فوقنا...رحت لاول طابق فوق شقتي....
ودرت على الشقق كلها ادق..بعضهم مايفتحون وبعض الحريم يفتحون ويوم اسالهم عن ريم ينكرون معرفتهم لهاا...ويقولون انه مافيه احد بالاسم هذا بالعماره كلها...
وصفتها لهم....ووصفت بناتها....قلت كل معلومة اتذكرها عنهم...بس ولا كأن الحرمه اختفت وابلعتها الارض....
رجعت لشقتي وانا محبطه...صابني احباط فضيع.....الدموع تجمعت بعيوني....وحلقي عورني... كنت تايهة ...ضايعه....شلون راح اخلي وافي يطلقني وانا مو لاقية اثبات واحد..يثبت براءتي... يثبت اني طاهرة..شريفه لا عرفت التيلفون ولا قربته....
فصخت عبايتي بضيق ورجعت المطبخ....قفلت على النار..ورجعت جلست بالصاله... ياربي... ياربي دلني على حل...حل واحد بس...كيف ممكن اخلي الريم ترجع لشقتي؟؟...كيف اخلي وافي يسمع اعترافها؟؟..يعرف انها هي اللي كانت تستخدم التيلفون؟؟..
حطيت ايديني على راسي بضيق....فيه حل وحيد...يتيم....لكنه هو اللي ممكن ينقذني..بس فيه مخاطره كبيرة....مع انــــــــ......
وقفت بضيق...انا ملكه افكر بهالشيء؟؟...اكيد اني هبلة...بسس....كذا...بكون مثل مايقول وافي فعلا...شلون اواجه نفسي..ما راح اقدر ابتسم بوجه احد...بحس اني ****ة....
رجعت المطبخ وطلعت طماطم من الثلاجه..وقعدت اقطعه وانا مترددة....اكيد عرفتوا وشو الحل اللي قاعده اخربط عنه؟؟...الحل ببساطه اني اكلم مساعد...ايه لا تطالعوني كذا كني مجنونة... صدقوني هذا الحل... اكلم مساعد...اطلب منه يرسل الريم لي...واقوله ان وافي راح يطلقني إذا فعلا تأكد اني ماكلمت احد...وبكذا...اتزوجك!!...
اييييي...جرحت نفسي بدون ما انتبه....سمعت صوت الباب....ورفعت راسي وانا اصبعي ينزف بسرعه... كان وافي توه راد من شغله... ما اجمله!! لابس ثوب اسود..والغترة البيضاا... والنظارات ... افففففف...زفرت لا شعوريا وانا اصد عن عيونه....
يآكلني بعيونه....احس وجهي ينحرق إذا تقابلت عيوناا....مايحق له يطالعني كذاا...انا مو زوجته.. عفوا انا زوجه بالاسم بس...مايحق له يتمقل فيني...يخلي النظر لمرومته! *_*
حسيت بيد وافي تمسك ايدي بقوة...كانت حركته تلقائية وغريبة....قعد يدقق النظر باصباعي المجروحه... ياربي انا قاعده اشتعل هالحين... ليش قريب مني لهادرجة؟؟..
: وافي..خله..." وسحبت ايدي من ايده...بس رجع مسكها بقوة...
وافي وهو يترك شنطته حقت الاب توب على جنب: حيات...ممم..ملكه...اصباعك ينزف بقوة.. وش مسوية فيه؟؟.."
وكمل وهو يبتسم بخبث: الظاهر نسيتي اصباعك مع الطماطم....امممم...عاادي ما الومك..دوم اللي عيونهم زرق نظرهم ضعيف!!..."
:هههه..ما تضحك..اساسا عيوني خضر...ولا هي زرقة...ونظري اقوى من نظرك مية مرة... معروف اني زرقاء اليمامه عند صديقاتي بالثانوي..."
وافي وهو ضاغط على الجرح بقوة: اكيد زرقاء اليمامه بالغش!!..."
: ايــــــــــه بالغش..عندك مانع؟؟؟..."
وحاولت اسحب ايدي من بين ايدينه...بس سفهني وسحبني للمغسله...حط اصباعي تحت الموية... وبعد فترة وانا متخدرة..مو من الجرح ولا من الماء الباااااااارد....متخدرة من هالاحاسيس الموطبيعية اللي قاعده استشعرها وانا جنب وافي.. كل شيء فيني ينبض بقوة...قلبي...وعروقي... وانا نفسي قاعده انتفض....قعدت اطالع بوجهه...شكثر انت جميل!!....ذكرت نفسي بعنف وش فايدة الجمال إذا النفس طالحه!!...ولااا شيء....هذا هو مساعد اخس من وافي... ايه يا ملكه كلهم مثل بعض...خلك اكثر لؤم منهم...كلمي مساعد ووعديه بالزواج وخلي وافي يطلقك واهربي بعيد عنهم....مو لازم تروحين لبيت عمك...اهربي ارض الله واسعه...معك فلوس...معك لغة.. معك ايمان قوي بالله...خلاص..وش تنتظرين؟؟...
عند هالنقطه من افكار..سحبت ايدي بعنف.... حتى ان وافي تفاجأ بهالشيء... طالعني وهو مقطب حواجبه... وهز راسه مستغرب وطنشني وراح غرفة النوم....
دورت لي لصقة جروح...وحطيتها على جرحي.... وتمنيت لو البشر اخترعوا لصقه لجروح النفس اللي كل مالها وتعمق...
ايه جاتني فكرة...ليش ما اروح لاستراليا؟؟..واتزوج سلطان....وخلص بلا وافي بلا مساعد بلا هم.. الحلوين مامنهم غير المرض...بعدين سلطان وش زينه وش حليله وفوق هذا ولد عمي..
ابتسمت بخبث...خلاص...لازم انفذ الخطوة بدون لحظة تأخير وحده...
خلصت غداي...ورحت لوافي اللي ماطلع من الغرفة... دخلت غرفة النوم... كان وافي يطالع الشنطه اللي تركتها مفتوحه على الارض...وحسيت بنظراته شيء...ما ادري وشو بالضبط؟؟.. شيء عنيف..شيء تملكي...مااا ادري..ولااا ابي ادري...
: احممم..."
التفت وافي علي: هلاااء...الغدا؟؟"
: ايــه...وش فيك تطالع شنطتي؟؟.."
طالعني ببرود: ابد....اشوفك جهزتي اغراضك..مستغرب من ثقة المدمرة بنفسك..."
قلت بدلع: واثق الخطوات يمشي ملكا...وانا ملكه...فلازم اكون واثقة..."
ايه خلك كذا يا ملكه...خليه يعرف ان الله حق..وانه راح يفقد ملكه...ملكة الدلع والجمال والانوثة... ملكه القوية اللي تدمر عشرة من اشكال وافي ومساعد..
ابتسمت له بنعومة وانا اسبقه على طاولة الاكل...
سحبت له الكرسي فطالعني مستغرب...
: شبيك لبيك ملكه بين ايديك...."
وافي وهو يحك رقبته بتوتر ويجلس: شكراا...!!"
: اممم....اليوم سويت لك غدا غييييير...بمناسبة الاتفاق اللي بيني وبينك..."
وافي بهزء: التحدي...اللي خسرانه فيه..."
طالعته بعتب وانا ابتسم بدلع: اممم اوكي التحدي....سويت لك ستيك لحم...ولا افضل شيف يضبطه..."
وحطيت له الستيك وقعدت ازينه بالصلصة وصبيت له عصير تفاح بكآسة بلورية كشخة...
وجلست قباله وحطيت لي....رجعت الخصل اللي تطايرت من ربطة شعري...ورجعتها ورا اذني بنعومة...
كنت مبسوطة حيل وانا اشوف وافي يطالعني مستغرب....راح ادمرك يا وافي...راح ادمرك.. كافي علي التعب...كافي علي..كل هالحزن...انا لأني خبله..انضحك علي...انا لأني خبله...قدرت ريم توهقني... انا لأني خبله قدرت مهاا تسحبني وراها... انا لأني خبله وهبلة وطيبه انطردت زي الكلاب من بيت عمي...وليتهم حطوني بالشارع..حطوني بمستشفى شوهني وحطمني.. انا لأني خبله خليت وافي يقلب لي حياتي من فوق لتحت....انااا..لأني خبله حبيت مساعد وما حبيت سلطان!!
لكن من هاللحظة... استقوي يا ملكه...تظاهري بالقوة...مثلي ياختي..مثل مهالعالم تمثل... مو الناس تمثل الطيب... انا راح امثل الشر...آآآآآآآآآآه يا خسارة بس الفراش الدافي اللي حطيته لوافي.. مو مشكله يله اقلها بكسب اجر فيه.. مع انه مايستاهل...
طالعني وافي وقال فجأة: اشفيك ما تاكلين؟؟.."
قلت بنعومة ودلع: افكرر...ههه....عجبك الاكل؟؟..."
وافي وهو يرجع شوي ويطالعني مستغرب: وش ناوية عليه؟؟.."
: ابد..سلامتك...مو ناوية على شيء..بس انت زوجي..ولازم اكون قد مسؤولية الزواج... المره مالها إلا بيت رجلهاا"
وافي: افهم من هذا...ان مافيه طلاق؟؟.."
ابتسمت: وافي...دوم اقول عنك ذكي!!....بس شكلي بغير رايي.... فيه طلاق...بس انت اعطيتي يومين واليومين توهم بدوا لسه ماخلصوا...اقلها عيش هاليومين مثل هالبشر المتزوجة..."
وافي وهو يسرح شوي: بعيش حياة المتزوجين الصح...بعد اسبوع..."
ضاق صدري بقوة: هههههه يا حبيلك يا وافي...لسه شاك ببراءتي...يله...الف مبروك يا عريس..."
طالعني ببرود: انا بنوم شوي..قوميني على المغرب...بنروح بيت حصه..."
لمعت عيوني بفرح...زين بنروح لحصه..راح انفذ خطتي بكل بساطه.....
هزيت راسي له وانا اوقف معه: من عيوني..الثنتين" واشرت على عيوني وانا اخذ الصحون للمطبخ...وقف وافي شوي يطالعني...وحسيته مرتبك مو قادر يفكر صح...خله...بقلعته!!
اول ماشفته وصل غرفة النوم...وانا حاطه الصحون بالمغسله ابي اغسلهم...صرخت بألم...: ايييييييييييي..." خطرت على بالي فكرة مجنونة...
وقعدت افرك عيني اليمين وانا اتظاهر بالالم...رجع لي وافي بسرعه...حتى انه ضرب بطرف دولا بالمطبخ...ياقلبييييييه يا حرام مسكين!!! لااا تضحكون صدق قلبي حن عليه!!بس شوي^_*
قلت وانا اصيح: آآآآه..عيني دخلت شي جواتهااا..."
وافي وهو يتألم من حد الطاولة وحاط ايده على بطنه: خلين....ي اشوف!!"
فتحتله عيني: آآآآآآآآآآآآآي..تعووووووور!!"
وافي وهو يمسك وجهي...اووووه...بموووت...وش اللي خلاني العب هاللعبة...حمر وجهي بقوة...ياربي ايده دااااااافيه رغم برودة الجو...
فتح عيني باصابعه: مافيه شيء..."
: آآآآآآآآآي تعورني موت.... اححح..شكلها عينك!!"
وافي وهو معصب: طيب اثبتي على الاقل يمكن غبااار..."
وترك وجهي وفتح الثلاجه وطلع منها قطرة منظفة...
قلت بدلع: ماا احبهااا..."
وافي: لااا يا شيخه.....بطلي دلع..."
ورجع مسكني مثل اول وقطر من القطرة بعيني...غمضت عيني اول مابعد وقفل القطرة....
وافي بنعومة: عيونك عجيبه!!"
: وش اللي عجيب فيهم؟؟.."
واعطيته قفاي وانا افتح الموية عشان اغسل الصحون بعين وحده مفتوحه!!
وافي وهو كأنه يكلم نفسه: لونهاا...غريب...لا هو لون الذهب الصافي..ولا هو لون العشب... ولا لون السماا...احس اني كل ماطالعتك شفت عيونك بلون!!...إذا لبستي الاخضر تلمع عيونك بقوة.. وتصير مثل حبات الفيروز...وإذا لبست الازرق... تغمق عيونك حيل...ومايبين لونهم مرة..."
وكمل وهو يقرب مني وصوته يعلى: كأنها شفافه....قطع زجاجية...فااضحه... تفضح كل شيء.. تفضح وش تحسين فيه بالضبط؟؟.."
طالعته وهو يوقف جنبي بالضبط...فاضحه؟؟...يعني معقول يعرف ايش افكر فيه!!
وافي وهو يزيح خصله متمرده جات على جبيني: لا تحاولين!!"
: وش احاول؟؟" قلتها بخفوت وانا ارجع اغط ايدي بالصابون واغسل الصحن اللي صار يلمع ويلق ومع هذا مستمره بتنظيفه...
وافي وهو يشيل الرباط عن شعري: خلك كذا....ليش ما تحبينه؟؟...ليش تلمينه...خليه متمرد.. مثلك...!!"
مارديت على وافي بس بلعت ريقي بقوة كذا مرة..
وافي من جديد وبنفس الصوت الرتيب الغريب الهادي: ملكه....عيونك تفضحك..!!!"
: وش..تفـــ....ضح؟؟.."
وافي باصرار وهو يبتسم: تفضح وش قاعده تفكرين فيه؟؟...اساسا عيونك ماعورتك!!...."
تجمدت ايديني بالمغسله...
كمل وافي وهو يلف وجهي عشان اقابله: ماعورتك...ولا دخل فيها شيء...مايحتاج انك تلجأين لهالطرق الملتوية.."
طالعته وقطبت حواجبي بضيق: وليش الجأ لطرق ملتوية؟؟.."
ورجعت لصحني اللي صار يلمع ولا افضل محلول غسيل يقدر ينظفه كثري..وقعدت افرك فيه...
وافي بضحكه جذابه: هههه...صحنك يلمع يا حلوه...ومايحتاج تلجأين للطرق الملتوية لاغرائي... لأني متزوج متزوج الثانية..."
وراح وخلاني لوحدي اطالع بصحني النظيف!!^_*




غفيت بعد الغدا شوي بالصاله ... مع ان غفوتي كانت متقطعه... وقمت وانا افكر ونمت وانا افكر...كان كل تفكيري شلون اطلب الرقم حق مساعد من عفاري؟؟..وهل راح ترضى انها راح تساعدني..هل راح تخليني اخون خالها ؟؟ ..بس انت ما تخونينه يا ملكه...اهو اضطرك تستخدمين هالطرق...لازم تنتبهين وانت تنفذين خطتك لانه لو درى وافي انك كلمتي مساعد..راح يذبحك..... ماراح يتردد للحظة وحده....
انقلبت بضيق على جنبي الثاني وانا اطالع بجوال وافي... ومفاتيحه.... شلت الجوال بتردد...دخلت الرسايل على طول... شفت رسايل كثيرة من مرومه...ياااااااااه.. يا مرام راح تشبعين بوافي من جديد... مايحتاج تلجأين لأي خطط ****ة....البنت هاذي تحبه...الا تموت بترابه.. ومن مايحبك يا وافي؟؟..استدركت الجملة بسرعه مين مايحبك غيري يا وافي؟؟..
رحت بكل فضول للاسماء..... قلبت بين الاسماء اللي كانت معظمها تبدا بابو فلان وابو علان... لمحت اسم..ما انتبهتله في البداية...بس...مساعد!!....هذا رقمه...!!
حسيت بارتباك... وبدا جبيني يعرق...ووقفت...بتوتر...طليت على باب غرفة النوم... وتنفست الصعداء وبسرعه بسرعه...رحت ادور قلم؟؟...لازم الاقي قلم بسرعه قبل لا يصحى وافي هذا موعد قومته...
دورت في الفازات اللي فوق التلفزيون...ورا البراويز ,في المجلس ,عند المدخل.....ياربيييييييه لازم اروح لغرفة النوم...
فتحت الباب ببطء....وتسللت بخفه.. شفت وافي..يا الله... كان كأنه طفل صغير... فيه براءه مو طبيعيه....دق قلبي بعنف...بس زجرته وانا معصبه مو وقت العواطف!!...هذي فرصتك يا ملكه للخلاص... خلك سريعه..
فتحت ادراج التسريحة ومالقيت قلم....ياربي طلعت من الغرفة ورحت للمكتب الباب مقفل... زفرت بضيق ورجعت لغرفة النوم...
اللهم اهدني ضالتي" ركزي يا ملكه وفتحي عيونك زين اكيد فيه قلم هنا ولا هناك.. وفعلا تنبهت للقلم تحت السرير...تحركت ببطء....فسمعت صوت فجعني...
: ملكه!!....وش تسوين؟؟؟"




طالعت بوافي وانا فاتحه فمي مفجوعه... كان صاحي...مفتح عيونه النعسانه خلقه...وشكله مبسوط ...انتبهت للجوال اللي بايدي فخبيته ورى ظهري....وخلاااص كنت عارفه انه مماتي بهاللحظة.. يارب الطف فيني!!...اللهم لا اطلبك رد القضاء بل اطلبك اللطف فيه!!"...يعني قولوا لي وش اقول لوافي لو مسكني وانا معي الجوال وفاتحه القائمه على رقم مساعد...... وانا قاعده افكر بخوف واحاول ارتب جملة كامله مفيده....ابتسم لي وافي بنعومة....ورجع غمض عيونه: خليني انوم زياده ربع ساعه حبيبتي..بكمل الحلم!!"
طالعت وافي مو مصدقة وهو مغمض عيونه....كان نايم في امان الله...
: آآآآآآآآآآآه.." قلتها مرتاحه وانا اطلع من الغرفة...واشكر الله على نجاتي من موت اكيد...طبعا انا مو هبله...علشان كذا قررت اكتب الرقم على ذراعي.... افضل من الاوراق...بعدين ماراح احتاج الرقم إلا اليوم وبس...!!
كتبت الرقم بسرعه...ورحت رجعت الجوال...ورتبت شكلي زين....عند مراية المدخل... ورجعت المطبخ مو مصدقة ان فرجي قرب...
قررت اسوي كيكة علشان مهاا وحصه.... فطلعت الاغراض من الثلاجه وسويتها على السريع وحطيتها بالفرن ورحت لوافي.....







طالعني وافي وهو لابس روب الحمام بس:بسرررعه...ترا ماراح انتظرك!!"
قلت وانا اقلب الكيكة بالصحن واصب عليها الصوص: طيب..تراني شبه جاهزة...."
وافي بضيق: يلاا ملكه...ورحي البس ملابسك..."
: من عيوني....."
وافي بلا مبالاة: تسلملي عيونك...خليهم لك..."
:هههه...باااااااااايخه...لا تعيدهااا..."
وافي وهو يحك شعره ويصرخ: ملكه...يلااااااااااااااااا..."
: يااخي روح البس اول....اففف..ياشينك لا جيت تطلع مكان..."
وافي بضيق: وش هوله كل هالحفله؟؟...ترانا رايحين بيت حصه..."
: عااارفة...بس عيب ندخل على اختك كذا...موب حلوة بحقي وبحقك..."
وافي بضيق وهو يضرب الارض مثل الطفل: كان قلتيلي بالطريق نشتري جاهز..."
: طيب...من عيوني....المره الجايه..."
وافي وهو فاض فيه الكيل: بسررررعه تعالي طلعيلي ثوب...."
هزيت راسي له وقصدرت صحن الكيك والفطاير وغسلت يديني وسحبت الثوب الاسود من النشافه .... رحت وراه غرفة النوم....وحطيت الثوب على طاولة الكوي...
وافي وهو يطالعني مفجوع: لسه ماكويتيه..."
: حبيبي..خلاااااااص.." وما انتبهت لكلمة حبيبي اللي طلعت لا شعوريا....
وافي تنح شوي بس بعدها: طيب...اكويه بسرعه..بحلق وإذا خلصت ومالقيتك جاهزة بروح وبخليك ....ترى حصه عندها عزيمة...يعني مو فاضي ادخل متأخر على الرجال..."
طنشت كلامه وكويت ثوبه بسرعه..وانا افكر وش البس..اهاا...خلصت كوي وعلقت الثوب وانا اسمع صوت ماكينة الحلاقة....
تذكرت شيء..فدخلت راسي الحمام: وااااااافي؟؟.."
وافي: ايييي....وشوووووو؟؟...لا تدخلين زي كذا مرة ثانية!!"
طالعته يوووه ياقلبي عليه جرح نفسه...مسكيييييين...مو مشكله...فيه دم!!..كان ودي اروح امسحه..بس انثبرت مكاني!!
قلت بدلع ومصاخه وانا اتذكر مرام: لا تشيل شواربك...خلها مثل ماهي تجنن وهي خفيفة.."
وافي وهو فاتح فمه: طيب عمتي ملكه..."
بدلع: امممممم...خلك كذا..."
وافي يتريق: آآآآآآآآآه منكم يالحريم...تبيني مثل انا..علشان ماحد يطالع بخشتي...لاااا يا آنسه انا عريس...لازم اصير كشييييييخ بيوم العرس..."
قلت ببراءه وانا ضايقه: والله مو كذا....على العموم...ترى ثوبك جاهز.."
ورجعت الغرفة وقعدت اطالع بملابسي... رجع وافي بعد عشر دقايق وانا لسه واقفه بمكاني...
قلت بدلع: وافيييييييييييي..."
وافي وهو مولع: نعم؟؟..."
رفعت له فستانين عريانه: اي واحد احلى؟؟.."
وافي وهو يعض شفايفه مقهور: كلهم روووعه...." وقلد صوتي: كل شيء حلو عليك.."
: لا تتريق!!...اممم..الشرهة علي اللي اتصرف مثل المره العاقل اللي ماتخالف شور رجلها بملابسهاا..."
وصديت عنه وسويت نفسي زعلانه...وكلها ثواني...وجاا وافي...
- ملكه؟؟.." قالها بهدوء...
- هلاااء..." رديت عليه وانا ماده بوزي...
- ملكه حبيبتي...مو قصدي والله..اتريق فيك..."
-زعلاااانه..."
-ملكه الله يخليك لا تسوين فيني كذاا...البسي ملابسك...والله كل شيء زين عليك..."
- لاااء...موب رايحه..."
- يابنت الناس والله تطردني حصه ومهاا ويخلوني ارجع اجيبك....يله يا حلوو"
-خلاااص مو رايحه...."
وصديت عنه وجلست على السرير وانا امسح دمعه وهمية...
وافي وهو يزفر: اللهم طولك يا رووووح..."
وجلس جنبي: ترضين تضيقين صدري؟؟.."
سكت لثواني وبعدها التفت عليه وانا مبتسمة: اي واحد احلى؟؟.."
وافي وهو يفكر وطول وهو يفكر وشكيت انه يفكر بشيء ثاني وماصار فستان ذا!!
: وافييييييييييي" صرخت فيه برفق..
وافي وهو يفكر: الفستان الاحمر حلو مرة...بس الاخضر عليك شيء ثاني..."
ورجع يطالعني بعجز: مو عارف ايهم حلوو..."
: اختاااار" قلتها بدلع واصرار..
وافي وهو يآخذ نفس ويوقف: الاخضر...لالالا..الاحمر...يا شيخه الاخضر.."
خذيت الفستان الاخضر اللي بدون اكمام وفتحتة مربعه شوي كبيرة ويوصل لنص الساق وكان ناعم مرة وقماشه حرير روعه..وقررت البس فوقه بلوزه صوف مشققه ناعمه مرة بالوان مختلفه....تتناسب معه واهم شيء ان الرقم اللي كاتبته بايدي مايبان..
دخلت الحمام..وارتجفت وانا احس بملمس الحرير على جسمي..كان باااااارد...سكرت الفستان بالموت...وطلعت من الغرفة..وانصدمت لمن لقيت وافي واقف...توقعته راح للصاله يشوف الاخبار...
كان قاعد يزر ثوبه... والتفت علي ورجع صد عني..ثمن رجع طالعني وكأنه يشوفني اول مرة..
طرت على بالي فكرة..فدرت قدامه بدلع: حلووو؟؟.."
ووقفت قريب منه على التسريحه وقعدت امكيج وجهي على السريع عشان مايعصب اكثر...
ووافي وهو ينطقها بصعوبة:اي...شيء عليك...بيطلع حلووو....بسس.."
ابتسمت له بالمراية مع ان خدودي حمرت بقوة بس قدرت اتماسك:وشوو؟؟.."
وافي وهو يمشط شعره: كأنه قصير شوي.."
: وافيييييييي!!....طويل والله..ماشفت البنات وش يلبسون؟؟.."
وافي بضيق: مايهمني...وش يلبسون انت مرتي...ملكه والله قصير..."
: موب قصير يا ابن الناس... انت ماشفت لبسي قبل...بالعكس هذا طويل..."
حسيته مو مقتنع وشفته بيفتح فمه بيقول شيء ...فقلت وانا ارمي الفرشاه حقت احمر الخودي: اففف ملل...حتى اللبس ما اقدر البس زي النااس..."
وسويت نفسي معصبة وكنت بروح الحمام...بس مسكني وافي.. ولفني عليه: خلاص..خلصي مكياجك بسرعه...."
ابتسمت له ممنونة..وراقبته وهو يطلع وقعدت انطق بفرح...آآآآآآآآآآه ذوووق يا وافي شوي.... واعرف وش انت بتخسر؟؟...
لبست عبايتي وبرقعي وطلعت بسرعه من الغرفة بلحق بوافي بس اول ماشافني وانا مدرعمه قباله..حسيته مو راضي عن لبسي بس اضطر انه يسكت...ويوم ركبنا السياره ذكرني بنبرة عدم رضى: ترى ساقك طالعه...حاول تمسين عباتك وانت داخله البيت...كله رجال..."
هزيت راسي له وانا قاعده ارتب شنطتي الصغيرة وارتب الاشياء اللي عند رجلي الاكياس وعلب الحلااا
بيت حصه كان بالرحمانيه...وعرفت من وافي ان حصه ساكنه عند رجل بنتهاا...لأنها رفضت تزوج بعد ماتطلقت من زوجها ابو البنات...
: وافي...ليش ما نجيبها عندنا؟؟.."
وافي وهو يطالعني ويرجع يطالع الطريق: ان شاء الله إذا اشتريت البيت..بشتريه قبل لا تزوج..."
وكمل وهو يسحب الغطا على عيوني: غطي عيونك...فيه رجال..."
زفرت بضيق: يا ابن الناس انا بالسياره هالحين...وش جاب سيرة الرجال؟؟.."
وافي: عارف بتسوين نفسك ناسية..او بتنسين صدق..."
ضاق صدري اسوي نفسي؟؟...اففف...يله كلها يوم واتطلق وارتااااااااااااح...
وصلنا بيت حصه بعد ربع ساعه تقريبا....ودخلنا السيارة جوا بالحوش... دخلت انا مع الباب الرئيسي...بينما شفت وافي يروح لديوانية الرجال...اللي كانت اصواتهم عاليه وريحة دخانهم تصرع...
دخلت البيت....واول مادخلت شفت عيال صيته..اللي سلموا علي اول ماشافوني واعلنوا عن وصولي: خاله ملكه....خاله ملكه وصلت..."
شلت البرقع..ورتبت شعري وانا اطالع بمرايا المدخل....الفخمة... وانتبهت لصورة لعبير وزوجهاا... عبير هي بنت حصه الكبيرة اللي جات لشقتي ذاك اليوم..بنت مرة عاقله مالي اي علاقة فيهاا بس اني احبهاا من محبتي لمهاا وحصه...
: يا مشاااااااااااااااء الله...فستاااااااااان روعه..."
التفت على مهاا اللي كانت لابسه ترينق ولامه شعرها...
سلمت عليها وسحبتني للغرفة بعد ماخلت الخدمات يشيلون اغراضي....
تعطرت او بالاصح غرقت نفسي بالعطر.... وساعدت مهاا بمكياجهاا ولبسهاا... ونزلت تحت لخوات وافي وبعض جارات حصه....وسلمت عليهم كلهم وجلست جنب صيته اللي كانت طايره من الفرحه لشوفتي...
صيته: مشاء الله قمرر....فستانك روعه..."
: يفداك يا قلبي..."
صيته باقتناع: قوليلي....كيفك مع وافي؟؟.."
: الحمدالله زينه...بس لسه مصر يتزوج علي"
صيته وهي خايفه: ياربييييييه...لااا ان شاء الله يطلع كلام بس!!"
: ما اتوقع يا صيته....بعدين دامه قال لحصه فهو متزوج متزوج..."
صيته: ترى حصه ماعلمت احد....عشان مهاا راح تقلب الدنيا لو عرفت...."
: الله يستر..."
صيته: ماعليك يا ملكه..انت قمر...وبتقدرين دايم تروضين وافي....بس اصبري....لا تسيرين مثلي... هذاني تحديت..واكلني تراب بالاخير..."
: ان شاء الله يطلقهاا..."
وقمت من عند صيته ورحت المطبخ...واخذت الكيكه وقعدت ازينه بالمكسرات وانتبهت للرقم بايدي فتذكرت جوال مهاا!!
رجعت طلعت بسرعه فوق...ودخلت على مهاا بغرفتها....
مهاا: هلاااء..وش فيك رجعتي؟؟"
: ليش ماتنزلين تحت؟؟؟؟"
مهاا: لحظة بس خليني ارتب هالكشه..."
: مهاا ترى شعرك مايحتاج شيء... مرتب من الله..."
سفهتني فقلت وانا اجلس على سريرها:" مهاا..بطلبك طلب؟؟"
مهاا بدفاشه: واسطه عند خالي..لااااء...فلوس من خالي...لاااء..."
: ياعلك اللي..هونت مانيب طالبه"
مهاا بفضول وهي تترك المنشفة وتجلس على السرير: وشو؟؟...وش تبين؟؟"
: مانيب قايله هونت.."
مهاا بترجي: يله عاااد..خاله ملكه..."
: اممممممممم...مانيب قايله..."
مها بضيق: يله عاااااااااااااااااااااادي"
: طيب...جوالك...ابي اكلم عفاري ضروري...."
مهاا: ليش؟؟.."
ياربي ذي وش اقولها عشان تروح...
: امم...جايبتلها عريس...بس مابي احد يعرف عشان مايضغطون عليهاا..."
مهاا وهي تضربني: اه يالخاينه...تجيبين لبنت عمك عريس وانا مرتزة عندك مافكرتي تزوجيني.."
: اييييييييي....مايصلحلك..... يا مهااا...نااااااعم وانت دفشه..."
مهاا وهي تعطيني الجوال: دامه ناعم خل عفاري تشبع به....تراني بنزل تحت"
ارتحت يوم شفت مها تطلع...ومسكت الجوال ودقات قلبي تتطاير بسرعه....ياربي هو انا اللي اسويه صح؟؟؟... بلعت ريقي بخوف...وبديت ادق ارقام الجوال بتوتر...واغلط فيهم واعيد الدقات....
خلاااص...قسم بالله احس موتي قرب....حتى اني مو قادره اوقف على رجولي... اخيرا دقيت.. بدا الجوال يرن...كنت ادعي ربي يطلع الجوال حقه مغلق...او مفصول...اووو يرد احد ثاني غيره...
جاني صوت مساعد اخيرا...وكأنه ف مجلس رجال..وارتجفت بقوة وانا اسمع صوته..
: الوووو..."
: الوووو...مين معي؟؟...ترى بقفل..."
حركت شفايفي ببطء ابي ارد عليه بس وقف قلبي يوم شفت الباب ينفتح ووافي واقف عنده...

من يشتري قلب همومه ملايين؟؟؟
ويبيعني قلب من الهم خالــــــــي؟؟؟



الفصل الخامس والعشرين

انا متأكده ان اللحظة اللي تقابلت عيوني فيهم بعيون وافي وقفت دقات قلبي.... لدرجة ان ايدي لا شعوريا تركت الجوال فطاح على الارض وانكسر...
صرخت لمن شفت جوال مها منكسر ولا اراديا اذا نقدر نقول!! قلبت الوضع على وافي وصرخت فيه: لاااا تدخل بهالطرريقة مرة ثانية!! فجعتني ..!!"
وافي اللي انتبه للجوال اللي طاح: ليش خفتي؟؟ من كنت تكلمين؟؟.."
رديت عليه بتوتر: خفت؟؟...وافي...لا تكلمني بهالطريقة...انااا...قلتلك فجعتني لأني ضنيتك مشاري...!! وبعدين كنت ادق على عفرااا..."
كنت اتنافض وانا اكلمه بس مع هذا صوتي كان نوعا ما متماسك... دقات قلبي سرعتهم جنونية وكانهم في سباق الموت!!.... حلقي جف بشكل كبير...وحسيت ان لساني لصق بحلقي يوم قرب وافي مني...
وافي بشك: عفااري؟؟...هذا مو جوال مهاا؟؟؟"
: ايـــه...ماا..ما كنت ابيــ....ــك تعرف الموضوع..."
وافي ببرود: موضوع؟؟..وش موضوعه؟؟...."
: موضوع اللي كنت....بكلم عفاري علشانه...."
ما اهتم باللي قاعده اخربط فيه..حسيت ذهنه مشغول بحاجه فضيعه...
سوى حركة خلتني اغمض عيوني بقوة..حط ايده على عرق ينبض بجبيني: ليش متوترة؟؟؟"
حسيت بحرارة اصبعه وكأنها بتخترق دماغي وتعرف انا وش كنت ناوية اسوي؟؟..
قلت بصوت خافت وانا اناظر بعيد: وش كنت تبي من مهاا؟؟.."
وافي وهو يطالع الجوال اللي على الارض: كنت ابي اكلمها بموضوع...." وكمل فجأة: تعرفين ان مساعد الكلب ال**** هنااا...."
طلع وافي علبة سجايره وسحب منهم وحده....وحطها بفمه وولعها واخذ نفس بطيء منها وقال وهو معصب: ابي اعررف له عين يجي بعد...صدق انه سافل...عارف اني ما اقدر اسوي له شيء عند الرجال..."
حسيت بنفسي اتهاوى....بس مسكت بطرف السرير وجلست عليه..مساعد هناا!!...ياااويلي وش كنت ناوية اسوي انا؟؟..صدق اني غبيييييييه...ياربي الطف فيني....
وافي وهو يطالعني: لسه تبينه؟؟" كان تقرير اكثر منه سؤال...
ماعرف شلون لقيت القوة عشان اجاوبه...بعد ماحسمت الحقيقة المره...وهي اني ماعدت احب مساعد لكني بعد ما احب وافي لذا...
: ايـــ...ــه..." هذا صوتي؟؟...لالالالا..هذا صوت وحده ثانية صوت ناعم جبان ينتفض بقوة...







غريبة ماذبحني...ماخنقني..ماضربني!!....رفعت عيوني لوافي...كانت سيجارته على الارض... وكان يطالع مكان رجوله....لاحظت انه قابض ايدينه بقوة.... وحسيت انه ينتفض...ايه ينتفض... مااعرف ليش خفت عليه في ذيك اللحظة؟؟!!وخفت منه بعد!!
: وافي؟؟؟"
سمعت منه سبة قوية....وبعدها رد ببرود وهو يرفع عيونه: خير؟؟!!!"
وكمل بصوت غريب: خايفه عليه صح!!...ماقدرت توقفين على رجولك من كثر شوقك له.. مساعد ....حبيب القلب...."
وبعدها ضرب يدينه ببعض وقام يضحك بسخرية: ههههههههههه....صدق مهزله..."
طالعت فيه بخوف ماعندي رد..... اخاف منه!!...رغم انه هو هلي....إلا اني اخاف منه!!... آآآآآه...
: آآآآآآآآآآآآآآآآآآآه..." استغربت لمن سمعت صوتي طلع مني بدون ما انتبه..
حسيت بوافي عند هالنقطة انهار....ارتكى على الجدار اللي وراه باهمال....كانت عيونه زايغه.. وحسيت انه قاعد يختنق...
وافي ببرود فضيع:آآهة طالعة من قلبك!!...هه...ياااااه...وش كثر مشاعرك قوية ناحيته؟؟.. مشاعرك اللي مفروض تكون لي اناا...اللي مفروض تكون لرجلك.."
: وافي....عمرك ماراح تقدر تحكم قلبيه...لأنه مخلوق متمرد لا يمكن في يوم تقدر تحبسه بقفص.. حتى لو كان هالقفص هو الزواج.."
كملت وانا انتفض لا شعوريا ويرتفع صوتي تدريجيا: مشاعري...مشاعري يا وافي..تقدر تملكها بغير هالطريقة...بغير هالجبروت بغير هالتحكم...مشاعري مثل الريح القوية عمره ماراح توقف قدام شيء...ولا احد يقدر يغير مسارها حتى لو بالقوة!!"
رفعت عيوني وتلاقت بعيونه: طلقني..!!..طلقني يا وافي...لا انا لك ولا انت لي..."
سكتنا فترة موب قصيرة عيونا قاعده تبحر في بعض.... عيونه تدور علي..على وجهي...وعيوني تتهرب من عيونه....يمكن ماعاد اشوف هالوجه ابد!!...فماله داعي اعور قلبي بمشاعر وليدة للحظات صغيرة بيني وبين وافي...
تحرك وافي من مكانه وجا يطلع من الغرفة...وبنفس هاللحظة جات مهاا فضربت بصدره...
مهاا:...الله...خالي هنا..." وباسته بحب كبير...
وافي وكأنه ماشاف مهاا طالعني وبكل قسوة قال: ولااا حتى بأحلامك.."
طالعتني مهاا باستغراب بعد مابعدها وافي عن طريقه بقوة وطلع...
مهاا وهي تقرب مني: وش السالفه؟؟..وش فيه معصب؟؟..وش اللي ولااا حتى باحلامك؟؟؟"
وانتبهت للجوال المكسور: لاااااااااء....جوالي الجديد..ليييييييه يا ملكه؟؟.."
وجلست على الارض تحاول تركب الجوال وتركب الشريحة من جديد...كنت اطالعها وانا حاسه اني مخنوقة...ليه يا وافي؟؟..لييييييييييييييييييييييييييه؟؟...مو من حقك تملكني...
ياربي قمت من مكاني وانا حاسه اني بدوخ...وحاسه بحرارة فضيعه..طلعت من الغرفة ولا اهتميت بصوت مهاا اللي ناداني...









طلعت من غرفة مهاا ورحت للدور السفلي ورجعت للحريم....ولقيت ان جدة وافي كانت موجوده ...وابتسام بعد..وحتى مرام اللي من شفتها حسيت ببرودة فضيعه... رحت سلمت على جدتنااا وبعدها على ابتسام اللي طلبت مني اجلس جنبهاا...
ابتسام: مشاء الله فستانك رووووعه....من وين شاريته؟؟.."
: هااا؟؟...وشو؟؟"
ابتسام وهي تطالعني مستغربة: سألتك عن فستانك؟؟..لا تقولين لي انك ماتحبين تقولين من وين شريتيه عشان محد يقلدك؟؟"
: ايه..صح..."
قطبت ابتسام حواجبها مستغربة من ردي: ملكه؟؟؟..انت بخير؟؟"
رفعت عيوني لهاا: وشو؟؟.."
مسكت ايدي وسحبتني وطلعنا بره الصاله ووقفنا بسيب: وشو؟؟..قوليلي وش فيك؟؟" هذي كانت ابتسام وهي تهزني عشان تصحيني...
: تعبااانه يا ابتسام...انا احس بتوتر...مدري وش فيني؟؟.."
ابتسام وهي تبتسم مبسوطة: تحسين بغثيان؟؟.."
: ايه...احس بغثيان...واحس اني كارهة هالدنيا..وودي اهرب..."
ابتسام وهي تضمني بفرح: مبروووك انت حامل!!"
بعدتها عني بعصبية: ابتسااااام!!"
ابتسام وهي مبسوطة: وناااااااسه..وانا بعد حامل...ماكنت راح اعلم احد...بس دامك حامل عادي اقولك...ماراح تحسديني.."
حسيت بمشاعر قهرر من تفكير ابتسام الغبي....: مانيب حامل..وارجوك لا تقولين لأحد..."
ابتسام وهي مستغربة: عيوني ملكه...ترى انا كنت متأكده اني موب حامل..بس لمن رحت المستشفى اكتشفت هالشيء..."
: بس انا متأكده.."
هزت ابتسام اكتوفها باحباط: طيب...وش فيك؟؟.."
: ابدا...كارهة هالدنيا..وحاسه شكثر هي صغيره...ياربي متى امووووووت؟؟..."
ابتسام بزعل:اكيد وافي مزعلك....ملكه ماحب اسمع هالكلام..وش هالافكار؟؟؟..تعوذي من ابليس.. والانسان مفروض مايستعجل الموت... وحتى لو وافي زعلان منك..بكره راح تتصالحون من جديد...لأنه يحبك!!"
طالعتها لثواني وهزيت راسي لها وانا مو مقتنعه باللي قالته......



رجعت الصالة وجلست جنب الجدة اللي كانت مبسوطة حيل بشوفتي وقعدت تسولف علي براحه .... وحاولت اني اقنعها عشان تجي تعيش معناا....بس كانت رافضه للفكرة نهائيا... لاحظت مرام بطرف عيني وهي تطالعني وتآكلني بعيونها...كانت صابغه شعرها احمر!!...وحسيت ان فيهاا شيء متغير مرة!! بس وشو ما ادري؟؟...وحسيت انها تشبه...!!...عرفتم تشبه مين؟؟.. تشبهني...
كنت راح اضحك على النتيجه اللي وصلت لها....بس كتمت ضحكتي وانا اشوف جوالها يدق وتقوم من الصاله..ما اعرف ليه حسيت ان هالشخص اللي دق هو وافي؟؟؟...يمكن نظرتها لي... اسلوبهاا السخيف لمن قامت وهي تتدلع....مين قال الدلع زين؟؟؟...إلا يجيب المرض!!..صدق ان الرجال ماعندهم سالفه!!
الجده وهي مغتاظه: نعنبو ذا الوجه...ذي ماتستحي...ماتعرف الحيااا....شوفي وين رايحه؟؟...لم الرجال...آآآآآه..بس والله اللي ماعرفوا يربونهاا..."
-الله يهداك يا جده وراك مغتاظه؟؟...ماعليك منهاا...الشره على اهلها"
الجده وهي تكلم بصوت واطي: اناا خايفه تآخذ منك رجلك يا بنيتي...ترى الرجال ضعيفين قدام المره..."
- ولا عليك يا جدتي...انا ملكه مو اي وحده ثانية..." وكملت وانا امزح: بعدين لا يغرك ولد بنتك ترى ماملى عينه غير ملكه..."
الجده وهي تضحك: اقووول...تذكريني ببنت خالتي عمشة ...بس يوم اعرس عليها زوجهاا... حرمت تغتر بنفسهاا..."
-حراااااااام عليك ياجده..انا مغرورة...على العموم بروح الحق رجلي اخاف اجي القاه معرس عليهااا..."
ضحكت ابتسام وجدتي على الموقف ورحت انا للمدخل بشوف صدق وافي مع مرام ولااا لاااء؟؟... وش تتوقعون؟؟؟..طبعا لقيتها واقفه...وشعرها يتطاير بنعومة حول وجهها ونظراتها اللي رافعتها لوافي ناااااااعسه ولا احسن فيلم رومانسي....حسيت بغيض فضيع...وافي كان يطالعها وحسيت انه متفاجأ واتمنى اعرف وش تقوله عشان يصير متفاجأ بالطريقة هاذي؟؟؟
ماقدرت امسك اعصابي فقعدت اصفق برواقه: مبروووووووك...افضل مشهد رومانسي للسنة هاذي؟؟"
لف علي وافي وكأنه ما توقع شوفتي: ملكه؟؟...وش هالكلااام اللي قاعده تقولينه؟؟"
-لااا ابداا...بس قاعده اصفق لكم...مشاء الله ابدعتوا بمشاعركم..."
تقدم وافي مني ومسكني بقوة مع ذراعي....: ايييييييييييييي...وافي عورتني.."
وكملت وانا اشوف مرومه ترتجف غيض: ماله داعي تظهر مشاعرك قدام الاعدااء..."
مرومه بعصبية: ما اعداء إلا انت..."وبحركة مفاجئة استغربتها بقوة رمت الكاسه اللي بأيدها بوجهي...ضمني وافي بسرعه ونزل راسه...فجات الكاسه قريبه من كتفه مرة وضربت بالجدار وطبعا حاست ثوبه...ما ادري كم مر من الوقت؟؟...بس انا كنت متسمرة هنااك...مصدومة...وافي دافع عني!!...عني اناا؟؟؟.. ماخلى مرام تطقني؟؟؟...معناته...معناااته يهتم فيني!!....وافي يهتم فيني..!! كنت ارتجف عدم الاستيعاب...وضليت ماسكة بصدره فترة...وسمعنا صوت كعب مرام وهي تروح بس ماتحركنا من اماكنا....
سمعت صوت صيته فبعدت عن وافي بسرعه بس مافاتت صيته الحركة: السلاا...."
وسكتت تطالعنا..انا كان وجهي الوان واعتقد ان وافي ماكان احسن مني...وكنت ارتجف...
صيته بنعومة: آآآآسفه..نسيت ان فيه عصافير حب في البيت هذاا..."
ولع وجهي بسبب كلام صيته..وحاولت اتحرك...بس سمعت وافي يتكلم مع صيته فوقفت بينهم..
وافي: صيته...قولي لعبير تطلعلي ثوب من اثياب رجلهاا..."
صيته وتوها تنتبه للكاس: وش ذاا؟؟..مين اللي كسرها؟؟...صراااحه..انتم حب.."
قاطعتها وانا حاسه ان لساني مو راضي يتحرك: صيته!!..."
ضحكت صيته وهي تلف" طيب..انتظروني هناا..." وكملت عشان تغيضنا قبل لا ترجع المطبخ: ياعصافير الحب!!..."
كنت اطالع بجزمتي وانتم بكرامه ولا تحركت من مكاني...ووافي كان واقف بمكانه بعد...
وافي بعد مدة شوي طويله: ترى مرام ماقصدها...بس اهي ماتمسك اعصابهاا.."
رفعت راسي له ورغم اني كنت خجلانه من لحظات لكني رديت عليه بحرارة: اصلااا هي قليلة ادب...للاسف مااعرف ليش انت معيطهاا وجه؟؟.."
وافي وهو معصب: البنت مريضة..."
: مرررريضة؟؟!!!...وش هالمرض اللي لازم تراعونها كلكم بهالطريقة؟؟...وافي...مرام مافيها إلا العاافية....ماله داعي تقعد تلزق فيك بهالطريقة المهينة!!..." وحسيت اني راح انفعل اكثر لو ماسكرت الموضوع..
وافي بلهجة تسلية: كأني اشم ريحة غيرة!!.."
طالعت فيه وانا اضيق عيوني: غيرة!!...هه؟؟..تمزح انت؟؟..اكيد طبعاا..لا غيرة ولا غيره هذي شغلة احترام لقدسية الزواج...وشغلة كرامه"
وافي بنعومة: اهااا...؟؟..صدقتك.."
: صدقتني؟؟...ليش كنت متوقع اني اكذب؟؟.."
وافي وهو يشوف عبير جايه من بعيد ويقرب مني: لاااء يا زوجتي العزيزة...انت اكبر من انك تكذبين على رجلك..."
تمنيت لو اشوه وجهه بس آآآآآآآآآآه ماكل مايتمنى المرء يدركه!!...
جات عبير واخذتنا لغرفة نومها الفخمة...وطلبت منا نآخذ راحتنا...وكانت بتعطيني من ملابسها.. بس انا عييت ودخلت حمام غرفتها بينما وافي دخل غرفة الملابس عشان يلبس ثوب نظيف...
في الحمام مسحت بقايا العصير اللي جات على لبسي...ولقيت كحل وماسكرا على المغسلة... فزينت وجهي من جديد وطلعت لوافي ولقيته واقف عند التسريحه..يمشط شعره برواقه...تلاقت عيونا في المراية..ولأول مرة اشوف وافي يبتسم لي بصدق..
وافي: خلصتي؟؟..."
: ايـــه.....وانت؟؟.."
وافي وهو يعدل شماغه: خلاااص..."
: وافي؟؟..وش اقول لصيته بالنسبة للموقف....اللي...تعرف؟؟!!"
وافي وهو يبتسم بنعومة: قوليلها اللي تقولينه....ماراح تفرق مع صيته لأنها كونت موقف وانتهى..."
: طــ....ـيب.."
طلعت مع وافي من غرفة النوم وهو نزل الدرج عشان يروح للرجال اما انا كنت ابي اروح لمهاا بس قررت اتناقر مع صيته اول قبل ماتفضحني بين خواتهاا....



بعد نصف ساعه تقريبا..
لقيت غرفة مهاا مقفلة فطقيت الباب كذا مرة...لدرجة شكيت اذا كان في احد بالغرفة...بس لمن انفتح الباب...كان فيه وافي ومهاا قاعده تبكي...استغربت..وقبضني قلبي...وش فيهاا مها تصيح؟؟ .. لا يكون وافي قالها شيء عني...
: مهاا عيوني وش فيك؟؟.." وجيت جلست على السرير ومسكتها من كتوفي....وانصدمت من رد فعلهاا.... دفتني بقوة...وكانت عيونها حمر من الدموع...
وافي بعصبية: مهااا..ما اسمحلك تمدين يدك على مرتي....هذي جزاتها انها خافت عليك..."
مهاا وهي تصيح اكثر وتطالعني وانا اوقف: اطلعوا برررررره....انت ومرتك....ما ابي اشوفكم ..."
وافي وهو يطالعني وبعصبية وبصوت واطي: وش سالفتها هالبنت؟؟؟...صار بينك وبينها شيء؟؟"
: لااااء....نهائيا.." وطالعت بمهاا وانا مستغربة من صياحها وهي دافنة نفسها بين مخداتها وتنتفض ...
وافي وهو يسحب ايدي: على العموم يا آنسة مهاا إذا راقت اعصابك..انتظر منك اعتذار..."
وطلعنا من غرفتها وسكرنا الباب...
وافي وهو يلفني اواجهه وبعصبية خوفتني: بذمتك...صار بينكم شيء؟؟.."
: لااااء...طلعت انا على طول بعد ماتركتني...."قلتها بدفاع...
وافي وهو يآخذ نفسا ويتكلم ببرود: دقت علي وقالت انها تبيني بحكي مهم.... كلها خمس دقايق... جيت لقيتها منهارة وعيت تقولي وش هو الطلب اللي اهي تبيه....ولا قالت ولا كلمه لي..."
: طيب..مفروض ما نخليها لوحدهاا..."
وافي وهو يبعد عني عشان ينزل الدرج: الافضل انك تخلينها بحالهاا اعرف مهاا اذا كانت زعلانه ..."
طالعته وهو ينزل الدرج..ورجعت طالعت بباب غرفة مهاا...ابي ادخل اكلمهاااا...الصراحه انا مستغربة من ردة فعلهاا...لا يكون زعلت لأني طلعت من غير ما اكلمهاا...بس مهاا مو سخيفه لهالدرجة...ياربي....ترددت للحظات بس قررت اني ادخل على مهاا بالاخير واللي يصير يصير ...
فتحت باب غرفة مهاا..مالقيتها على السرير...سكرت بباب الغرفة وناديت باسمهاا باعلى صوت..
بعد لحظات انفتح باب الحمام...وطلعت منه مهاا...كانت عيونها حمر متنفخه...وماسكه كرتون مناديل بايدها...ودموعها قاعده تسيل بسرعه..
: مهاا ياقلبي....وش فيك؟؟"
ورحت لها كنت ناوية اضمها...بس بعدتني عنها بقوة...
مها بعصبية وباحتقار: لا تقربين مني...ياعقربة...."
لدغتني كلمة عقربة....انا عقربة؟؟؟!!...طيب ليش يا مهاا..وش صار؟؟؟..
: مهاا وش هالكلام؟؟"
مهاا وهي تمسك الجوال وترميه بقوة على الجدار: انت اللي قوليلي وش هالكلام؟؟...ليييييييه يا ملكه؟؟...وش ناقصه؟؟...قووولي..."
طالعت بالجوال اللي تكسر على الجدار....وحسيت اني شوي تايهة...
: وش تقصدين؟؟..."
مهاا وهي تتهاوى على سريرها: ابداا..ما اقصد شيء...غير ان كل الحكي اللي بيني وبينك انتهى يا ملكه..."
: مهاا....فهميني وش السالفه؟؟..ليش تصارخين علي.؟؟ ابي اعرف وش الذنب اللي انا ارتكبته؟؟ ..."
سكتت مها لحظات ومسحت دموعها بكفهاا وهي تحاول تآخذ نفس عميق: ملكه..انت خاينه..."
حسيت وش كثر هالكلمة قوية؟؟...وطالعت بالجوال اللي متكسر على الجدار...لقت الرقم!!... اكيد اتصلت عليه!!
مهاا وهي تشاهق: ليه يا ملكه؟؟..وافي يحبك..يحب كل شيء فيك....ليش؟؟...حرااااااااام عليك تخونينه...اهو اللي مستعد يعطيك الدنيا كلهاا...خنتيه بدون اي تفكير...." وحطت ايدها على فمها واخذت تضغط عليه بقوة عشان مايطلع صوت صياحها عالي...
قربت منها بتردد: مهاا...انت فاهمه غلط!!"
ماكنت ابي اخسر مهاا...لكن مهاا وقفت وقامت تضربني بقوة بايديها..كانت تضربني بقسوة... وانا ماكانت عندي اي قوة عشان ادافع عن نفسي قدامها..انا حاسه بضعف...حاسه ان كل مشاعري قاعده تنقلب ضدي وتضعفني وتهزمني...
صرخت فيني: خااااااااااينه!!.....خااااينه...."
وكملت وهي تضربني بقوة على يديني اللي رفعتها قدام وجهي: ومستخدمه جوالي بعد!!...آآآه... مو بس خنتيه...خنتيني معه يال****ة....ياليتيمة....صدق انتي مو وجه خير...انــ.."
قطعت جملتها فجأة...وحسيت فيها تبعد عني...كنت ميتة صياااح...شلت يديني ببطء...حطت ايدها على فمهااا من جديد...وكملت بعد لحظات: كاتبه رقمه بعد على ايدك؟؟؟...وين قابلتيه؟؟.. تكلمي ؟؟ ...توك عروس ومع هذا...آآآآآآآآآآآآآآآآه...ياخسارة وافي فيك...ياخسارة كل لحظه عشتيها معه..."
ورجعت تسحبني بقوة وانا اتوسلها تسمعني....ودخلتني حمام غرفتها ومسكت ذراعي اللي مكتوب فيه الرقم وقامت تغسله بعصبية: لا تدخلين هالقذااااارة بيتناااااا....فاااهمه؟؟؟...بيتنا مايصير فيه الحرااام..."
وبعد ماخلصت طلعتني بره غرفتها وقفلت الباب...انا وقفت عند باب غرفتها اتنافض بقوة...كنت حاااسه بخوف...وحسيت ان اوصالي قاعده تذوب..انا حرااام!!....ليييييييييييييه؟؟؟؟...ماكان قصدي اسوي الحراام...اناا...غبيه!!...مشيت بتعب وانا متسندة على الجدار...كان قلبي ينتفض مثل عصفور جريح....وعيوني غاشيتهم الدموع.... تذكرت المستشفى وشلون كانوا يعاملوني فيه ويضربوني....حسيت ببرد قوي يدخل ويعصرني من جوا....يلعب فيني...يجمد اوصالي.. يوقف دقات قلبي....ينهيني...ببساطه يقتلني!!....حسيت بظلال كثيفه من حولي....ومسكت درابزين الدرج وحسيت نفسي اتهاوى ببطء... لما فقدت السيطره على نفسي...!!!





-يبه!!!"
طالعت بأبوي مستغربة...وش يسوي هناا؟؟....ابوي انت مفروض ماتكون هنااا...انت ميت... شلوون...؟؟!!
قرب ابوي مني وهو يبتسم كان وجهه يشع نور ولحيته الطويلة السوداء زايدته جمال!! وريحته كلها مسك...
-يبه ملكه.....ليش تسوين كذاا؟؟.." سألني ابوي بحسرة...وعيونه تمتلي دموع...
مديت ايدي له بضعف ابي المسه...ابي اضمه...ابي اصيح بحظنه...ابي اقوله خذني معك وعمرك لا تتركني...بس هو ميت!! ميت ولا يدري!!....شلون يمشي هناا؟؟...
- ابوي انا تعبانه بدونك انت وامي..انااا محتاجه لكم...ابيكم ترجعون لي...الله يخليكم..."
- ملكه...انا ماربيتك كذاا...وين ايمانك بالله؟؟؟...معقوله لسه تنتظريني انا وامك واخوانك؟؟"
حطيت ايدي على فمي بضعف وانا انتفض: طول عمري راح انتظركم...انتم هلي شلون انساكم.. ابي اجيكم...ابي انوم معكم...خذوووووووني وياكم...لا تخلوني اجيكم بالغصب...."
طالعني ابوي بعتب يوم قلت كلمتي وامتلت عيونه دموع وهز راسه باسى..ودار عني وراح!!
قمت ببطء من الأرض اللي انا متمدده عليها...ولحقته بسرعه..ركضت وراه ودورت عليه بكل مكان بس اختفى...ابوي حبيبي زعلته واختفى!!....كل الي يحبوني يروحون...كلهم يختفون... كلهم يزعلون مني!!
حطيت ايديني على وجهي وصحت بمرارة...وحسيت ببرودة جليدية تخش عظامي يخالطها حر غريب..شلت يديني بذعر عن وجهي...ورجعت غطيت وجهي بخوف..مااااابي..ماااابي اشوف... كانوا يحترقون هناااك....على بعد امتار قليلة مني....صرخت مترجية...خااايفه انااا!!....شفتهم يمدون ايديهم لي!!....ما اقدر اسوي لهم شيء...جباااانه اناا..كان مفروض رميت نفسي معهم.. كان يمكن لحقتهم وارتحت!!







حسيت ببطانية ثقيله تغطيني....فتحت عيوني ببطء....شفت عيون كسلانه تطالعني...حمرت خدودي وتسارعت دقات قلبي....الساعه كم؟؟...متى نمت اناا؟؟؟....
تحركت بضعف على السرير....بس وافي مسكني بقوة...: ارتاحي!!"
طعته بدون ما اجادله..وتنبهت اني مو بالشقه...حاولت اتذكر آخر شيء صار لي!!...وليش انا هناا؟؟...
غمضت عيوني بقوة...وحسيت بقلبي يعورني...مهاا..مساعد..الجوال!!!
وافي بنبرة قلقانه: ملكه..وش فيك؟؟.."
- من متى؟؟" وفتحت عيوني اطالعه...تتوقعون انه عرف؟؟..اكيد علمته مهاا...
وافي بهدوء: من امس!!..." واضاف بقلق:وش قالت لك مهاا؟؟"
- مــ...هااا؟؟؟..ولااا شيء!!"
وافي ببرود: على العموم انا تفاهمت معهاا..."
وكمل بنبرة عتب: ماقلتلك لا تكلمينها وهي زعلااانه..."ومسك ايدي برقة وكمل وهو يبتسم: مهاا موب ناعمه مثلك!!"
:وافي!!.." وسحبت ايدي منه بتعب..بس مسكها بقوة....
وافي بصوت غريب علي: ملكه....اناا..يمكن...اسات التعامل معك....كثير!!...بس خلاص.. هذا وقت التغيير..."
استغربت هدوءه وخفت منه كثير...اكيد عرف اني كلمت مساعد...بس يتصرف معي بهالطريقة.. لأني بالمستشفى...بلعت ريقي بخوف...
: وافي...انااا..انااا..." وحاولت اني ما ابكي: ابي اتطلق منك!!..."
وافي وكأنه ماكان متوقع وما اعرف ليش: ملكه!!...لا تفكرين بهالموضوع هالحين........"
هزيت راسي بعناد وصوتي يختنق: وافي...اناا...دورت عليهااا...بسس..اهي...اختفت...."
حط ايده على شعري: مين؟؟.."
: ريم!!..ريم اختفت يا وافي.." صرخت فيه بقلة حيله وصوتي يتهدج بضعف...
وافي وهو يوقف: خلاص ملكه انسي موضوع ريم!!...اناا...وانت...لااازم...نبــــ..."
قطعته بعصبية: ليش؟؟....ليش ننساه؟؟؟...ما اقدر يا وافي..ليش ماتبي تطلقني؟؟؟..تبي تهيني؟؟.. تبي تلعب باعصابي؟؟...تبي تتعبني اكثر من تعبي؟؟....خلااااااااااااص...طلقني يا وافي....ترى ماعادت النفس قادره تتحمل..."
وافي وهو يرجع يمسك ايدي: ملكه....انا عارف اني ماراعيت مرضك..ولااا..."
صرخت فيه وانا اسحب ايدي بقوة: مرضي؟؟...صح...ذكرتني...للحظة نسيت اني مجنونة....صح انا مريضة... بس انا مابي شفقتك....ابي ورقة طلاقي...مااابي شفقتك..."
وتكلمت وانا كلي ارتجف بقوة: خلاااص ماعدت احتمل عيشتي معك!!..."
وافي حاول يهديني وقرب مني علشان يمسكني...صرخت بقوة فيه...ما اعرف ليش خفت منه؟؟؟.. ليش تذكرت توم!!...المستشفى....كل شييي...مسكت مخدتي ورميتها بوجهه وقعدت اصارخ بأعلى صوت....كنت اطلب منه يطلع بره وحسيت باعصابي متشنجه على الاخير.... دخلوا علي مجموعة ممرضات وطلعوا وافي بره واعطوني ابرة مهدئة...







تفاجأت وانا طالعه من الحمام على الساعه 8:00م بوجود حصه وصيته بغرفتي وجدتهم.... ابتسمت لهم بحرارة وانا احيي واهلي فيهم...كانوا جايبين لي شاي وقهوة وبعض الاكلات... وصيته ملت الغرفة ورود حمر!!
جلستني حصه على السرير وغطتني بالبطانية اللي جابها وافي لي: سلامااات يا ملكه...ماتشوفين شر...وش هالحكي يا بنتي؟؟؟..اكتئااااااب مرة وحده...."
صيته بتأثر: ملكه يابعد عمري..صدميتنا وطيحتي قلوبنااا...."
- صدق انكم راعيات واجب...بس ليش كل هالحفله اللي جايبنهاا؟؟.."
حصه: علشان متى ماحسيتي بالجوع اكلتي....اساليني عن اكل المستشفيات..."
ابتسمت لها باامتنان...واهي قامت عشان تحط لي اكل...
: انا اقول هذا بسبب قلة الاكل وكثرة النوم!!" كانت هذي جدة وافي...
ابتسمت وانا ارد عليهاا: والله اني آكل يا جدة...بعدين نومي موب كثير!!"
العجوز باصرار: إلا والله...هذا وافي كل ما اتصلت عليه لقيته ناايم....ترى كثر النوم يا بنيتي موب زين...شوفي شلون غادية؟؟...عظما يكسيه جلد..."
صيته تغمز بعينها لي: الله يهداك يا ميمتي...هذا جسم عارضات الازياء..."
الجده وهي تضرب صيته بعصاها بخفة: وشووو؟؟.......والله الجسم الزين...موب تسذا.. انا راح آخذك اول ماتطلعين من هالمكان...واعتني فيك...مير وافي ذا مايخاف الله فيك..."
حصه وهي ترجع وتعطيني الصحن: والله يا ميمتي ان وافي ماراح يوافق...انت تعرفين ان وافي مايقدر يعيش بدون حرمه...ولاااا يموت بمكانه.."
وكملت صيته عنها وهي تغمز لي: وملكه موب اي حرمه..ملكه مرته..."
الجده باصرار: وافي مايعصاني!!...كلي..كلي وش تنتظرين تطالعيناا؟؟"
اخذت صحن الثريد اشوف البخار اللي يتصاعد منه...مالي خلق آكل...بس عشان صيته وحصه وامهم الثانية بجاملهم وآكل...
صيته وهي تشوفني آكل: وش اللي صار يا ملكه؟؟؟...معقولة يصيبك اكتئاب؟؟...احس اني مصدومه ...."
حصه وهي تلعب بشعري بنعومة: يابعد عمري...صدق ان الرجل مايفهم المره ابد...يا ملكه..مية مرة قلتلك انا مثل امك....اذا تبين تصارحيني بشيء متعبك تعالي وقولي لي..."
دمعت عيوني بقوة وخفضت نظري عشان ماينتبهون...
حسيت بيد حنونة تربت على اكتافي...ويوم طالعت...شفت وجه حبيب شربه الزمن من كاسه الكثير ..... ضميتها بقوة...كنت ابي استشعر حنان مفقود من زمان مالقيته....ابي حنان يا ناس...ابي صدر ارتمي عليه....ابي حظن ابكي فيه...ابي يد تمسح دموعي عن وجهي...بكيت بحرارة...ورجعت ابكي الاطلال والحاظر والمستقبل...بكيت امي وابوي واخواني وشغالتنا وعفاري وجاسر ونورس وكل شيء...كل شيء بكيته...وزاد احتظاني لجدة وافي اللي كانت هي تبكي بعد.......محد كان عارف وش فيني بس مع هذا شاركوني المشاعر....ماتعتبرون هالشيء... اعظم المشاعر!!..طهارة قلوبهم....انهم تأثروا معي وانا ما اقربلهم...وانا حيا الله مرت اخو!!...








على الساعه 11:00م طلعت حصه وصيته والجده اللي كانت مصرة تبي تنوم عندي بالمستشفى بس بالاخير قدرنا نقنعها ان المستشفى راح يضرها ولا راح يفيدني خصوصا ان المكيفات زي الثلج..وهي عجوز وعظامها تألمهاا....اكتشفت ان مشاري هو اللي موصلهم وسلم علي من ورى الباب...وحسيت بحقد على وافي اللي يتجرأ يشك ان بيني وبين مشاري شيء..
رجعت ارتمي على السرير...وانا اطالع بالحوسه اللي اتركتها صيته وراهاا....غطيت نفسي زين ...وفتحت المصحف وقعدت اقرا بسورة البقرة..
سمعت صوت الباب حق غرفتي ينفتح ببطء... وعرفت وافي من ريحته العطره اللي جات قبله.. غمضت عيوني بقوة وعديت لعشرة عشان ما انفعل اذا شفته..
فتحت عيوني وشفته جاي وشكله قرفان من الدنيااا....رمى نفسه على الكنبة الجلد....الغير مريحه ...
: نعم؟؟!!..وش تبي؟؟..خلص وقت الزيارة..."..
وافي بفتور: عااارف!!" وحك جبينه بقوة وهو يفتح ازرار ثوبه العلوي..
حاولت آخذ نفس عميق: وافي...ماراح اسمحلك تنوم هناا!!"
وافي بلا مبالاة: ما اخذت رايك...."
فكرت للحظات وقلت بعصبية: تشك فيني؟؟؟...صححح؟؟.." وحسيت بقلبي يألمني بقوة...
وافي وهو يطالعني بكسل: ملكه...اجلي الهواش ليوم ثاني...ابي انوم.."
: وافي لا تنوم هناا...لا تحرجني وياك....لا تخليني الجأ للحول الصعبه..."صوتي بدا يخوني ويرتفع تدريجيا ويهتز بقوة...
وقف بعصبية وحسيت انه يحاول يتمالك اعصابه...بلع ريقه: ملكه....لا تخليني اخذك من المستشفى بالقوة..."
:اطلع بره..." وهزيت راسي بانفعال: اطلع برررررره..."
رمى شماغه بقوة على الارض: وش تبين منييييييييي؟؟...طلااااق ماراح اطلق..."
: بره..اطلع...ماااابي اشوفك...برررررررررره....اطلع عن وجهي..."
مشى باتجاهي بسرعه..صرخت فيه بهستيرية لمن مسكني بقوة مع اكتافي: ملكه اقصري صوتك .."
صرخت فيه وقعدت اضربه...بقوة وامخش كل مكان بجسمه تجي ايدي له...حاول يهديني يسيطر علي...ما قدر....
صرخت فيه بأعلى صوتي وانا اتنافض: طلقنيييييييييييي.... اكرررررههههههك.... بررررررره ... ياحقيييييييييييير...رووووح عن وجهيييييييييييي.. ما احبكك...فاااهم..انت ولااااا شيييييي"
وصلت بوافي لأقصى حد...فقعد يهزني بقوة وتألمت كثييييير....بس هالشيء ماخلاني اهدا.. بالعكس زادني جنون حتى اني قمت احذف عليه بعض الاشياء اللي جنبي والكتب...
دخلت ممرضة على صوت صراخي..وانفجعت من اللي شافته...وحاولوا ان وافي يطلع بس رفض... فاضطروا يدقون على السكيروتي....اللي سحبوا وافي غصبن عنه ورموه خارج المستشفى .. انا كنت اتنافض بمكاني...احس ان عروقي بتنفجر...احس ان قلبي بيوقف.. احس باحاسيس غريبة...احاسيس كرهتها...احاسيس حقد وكره..احاسيس وحشية...حسيت باحتقار لنفسي.. انااا ملكه اتنافض من كثر كرهي لوافي...اكررررررررههههه...اكرررره قلتها بضعف وانا اصيح بصوت مهتز واتكور على نفسي في ركن الغرفة!!









طالعت بالكتاب اللي بأيدي...كان من صيته ارسلته لي مع السواق...قوانين الحب العشرة... شكله ممتع جدا....كانت حاطه رسالة اهداء في البداية..بخط ايدها...
" ألى من علمتني....ان الحب بحاجة لتضحية ليمشي بهداوة خلال امواج الحياة العاتية....إلى ملكه .... "
تلمست غلاف الكتاب العنابي...وضميته بقوة لصدري...وانا افكر بوافي...كان موقف مهين له امس...صرفته بدون رحمه...طردته...انااا ملكه؟؟!!..وين انسانيتي وين عطفي وين تسامحي؟؟.. اطرد زوجي!!...غمضت عيوني احاول اني ما ابكي...وافي لازم يطلقني...كافي اني قاعده اتحول لانسان ثاني غير اللي انا كنته...انا ملكه الحنون الطيبة...تحولت لمخلوق ثاني...صرت شريرة.. خاينه...العب على الحبلين...كنت ناوية استغل مساعد عشان اتخلص من وافي... وكنت ناوية استغل وافي كحجة للوصول لسلطان!!..
كرهت الصورة اللي تكونت بعقلي عن نفسي... ففتحت عيوني وبديت اقرا بالكتاب...القانون الأول... احب نفسك ليحبك الآخرون!!....فكرت بنفسي للحظات...انا احب نفسي؟؟!!..ايه احبها لأنها رقيقة وشفافه لأنها حنونة ومعطاءه....
صرخ فيني صوت بقوة: بس انت خاينه!!...انت تغيرتي...انت صرت تلعبين..حتى لو ماطبقت اللي فكرتي فيه....لو مااكتشفتك مهاا...كنت راح ترجعين وتفكرين من جديد..وترسمين خط جديد للهروب من وافي...للانتقام من مساعد..للسفر لسلطان!!معقوله بعد هذا كله احب نفسي؟؟!!
كملت قراءة الفصل الأول..وللاسف تأكدت اني ما احب نفسي ابداا!!....طويت الصفحه للحد اللي وصلت له..ورميت الكتاب بزعل!!...
رحت لشباك الغرفة اللي انا فيها...طلبت من الدكتور ينقلني للقسم النفسي....واخذت موعد عند واحد من اكبر الدكاترة النفسيين بهالمستشفى....بنات انا تبعانه...حاسه اني ابي ارجع للمستشفى اللي بأمريكا...مفكرة اكلم عمي وارجع هناك....استغفر الله ياربي...احس اني راح انتحر!!... وهالاحساس قاعد يزيد بشكل غير طبيعي...عارفين وش المضحك...اني لقبل فترة بسيطه وانا مقتنعه اني شخص سليم..مانيب مجنونة مثل مايقولون....لكن حاليا لااااء....انا فعلا تعباانه..لو شفتوني كيف صرخت على وافي؟؟...اناا مرة كارهة عمري...مسكين ماكان يسوى عليه يصير له هالموقف التافه...









قال لي الدكتور وهو يوقف: على العموم...يا ملكه...عندك خيارين....يا انك تآخذين حبوب اكتئاب عشان تعيشين حياتك بشكل طبيعي....يا أنك تضلين مثل ماانت...لكن راح تكثر انهياراتك وراح تتدمرين...!!...انا كدكتور مفروض اجبرك على هالحبوب...لكني دائما افضل ان الانسان يآخذ خياراته بنفسه..."
: بس يا دكتور....راح اصير مدمنة!!..."
الدكتور بتفكير: إذا التزمت بالجدول اللي حاطه لك....لا يمكن توصلين لمرحلة الادمان..."
: اناا خايفه....محتاااره....ابي اجلس هناا..."
الدكتور وهو يحط يده علي كتفي: ملكه...انت محتاجه تختلطين بالناس....كونك عشتي فترة ماتعتبر قصيرة في غرفة مترين بمترين...."
: بسس!!....انااا... ما ابي ارجع لزوجي...ابي اطلق منه!!...ماابيييه.."
سكت الدكتور لفترة ثمن قال: هالقرار بيدك...حياتك بيدك يا ملكه...لا تضيعينها...انت الوحيده اللي تمتلك قدرهاا...إذا تبين تطلقين من زوجك...تناقشي معه بشكل عقلاني وبهدوء واكيد ماراح يرفض...."
هزيت راسي له واخذت منه اسم الحبوب..
راقبت الدكتور وهو يطلع...وقمت من السرير....رحت الحمام غسلت وجهي كويس...وحطيت كحل على عيوني...ولملمت شعري بطريقة مرتبة...ولبست البنطلون الجينز اللي جابته لي صيته والبلوفر البني..طلعت من الحمام وضغطت زر استدعاء الممرضات...وجاتني الممرضة بعد دقيقة واعطيتها الروشتة حقت الحبوب وطلبت منها تجيبها لي....
الدكتور يقول انه ماله داعي اني اجلس بالمستشفى لأن مشكلتي نفسية.... والأفضل لي ان اطلع...بس وين اروح؟؟...اخذت نفس عميق احاول اني اطرد الافكار هذي من راسي... طالعت بالورود الحمراء اللي تارسة الغرفة...وابتسمت بكسل وانا اتذكر مساعد...مساااعد!!...وين سمعت هالاسم قبل؟؟...ههه ليلة سقوطي..الليلة اللي مهاا شرشحتني فيهاا يعني قبل يومين تقريبا... ليه يا مهااا؟؟؟.....صح انك بتوقفين مع خالك..بس ما اهتميتي بسماع جانبي من الحكاااية... اي حكااية؟؟ .. الخيانه اللي كنت مقدمة عليها وانت بكامل قواك العقلية؟؟..
وقفت افكاري عند هالحد...لمن سمعت الباب حق الغرفة يفتح...جيت بسرعه عشان اشوف مين اللي عند الباب..اول شيء تقابلت عيوني بعيون...لحظاات واستوعبت اللي انا قاعده اشوفه... فصرخت بخفوت وانا اغطي وجهي عن عيون هالغريب.... اللي صرخ بأسف: اوووه...آسف... شكلي غلطااان بالغرفة..." وطلع من الغرفة بسرعه...اما انا ظليت ارتجف لللحظات قبل ما استوعب اللي صار..وجاتني ضحكة قوية غصبا علي..فما كتمتها قعدت اضحك واضحك على شكل الرجال اللي دخل الغرفة....يااااربي لا تحطني بهالموقف مرة ماااله داااعي....
سمعت صوت صراخ بعد لحظات وبعدين اصوات تجمهر ناس...وشكله في مهاوشة... تمنيت لو اقدر اطل...بس ماكان في يدي اي شيء اسويه بيطلع شكلي غلط لو لبست عبايتي وطليت..دخلت علي الممرضة وكانت شكلها مفجوعة اعطيتها فلوس واخذت الحبوب...وصبيت لي كاسة مااء عشان اخذ لي حبة اكتئاب...اخذت حبتين مثل ماهو مكتوب بالجدول...وما امداني اسأل الممرضة عن اللي يصير إلا سمعت صوت انا اعرفه زييييييييين....

خواطرنا كسرتوها وجيتونا بعد مانتوا كسرتوها
بعدمالوقت عاندكم وسايرنا وحشناكم وقيمتنا عرفتوها
نسيتوا بالوفا كم مرة بادرنا نسيتوا كم محبتنا نكرتوها
وحشناكـــــــــــــــــــــــــــــم
بعد ما في الهوى سرنا نعيش الحب في دنيا خسرتوها
خوطارنا كسرتوهــــــــــــــــــا
تعذبنا تغربنا وكابرنا..تعلمنا نعز نفس هجرتوها
صعب نرجع...فردنا جناحنا وطرنا
صعب نجبر زجاجات كسرتوها

الفصل السادس والعشرين

ابتسمت بنعومة وانا اسمع صوت وافي....مسكين مايسوى عليه الطرده اللي ذاك اليوم..بستقبله احسن استقبال يمكن يحن علي ويطلقني!!
دخل وافي وكان شكله معصب مرة....لاحظت انه يطالع فيني من فوق لتحت...كان معه باقة ورد متقطعه وحوسه....كان شكلها حززين!!..ووجهه كان فيه تمخيشات معتبرة....
وافي ببعصبية: على وين ان شاء الله؟؟"
ابتسمت له بكسل وانا اخذ باقة الورد: ولااا مكان..بس حبيت انعنش شوي...!!"وطالعت بوجهه حرااام..مسكين!!...بس مالمست وجهه...ماتجيني الجرأة علشان المسه!!..
كان يبي يتكلم بس حسيته مستغرب هدوئي...رحت وطلعت باقة الورد القديمة وحطيت مكانها الباقة الجديدة...وافي وهو يحاول يتمالك اعصابه: الرجال اللي دخل قبل شو.."
قاطعته وانا احاول امسك الضحكه اللي جاتني:اهاا...مسكين يا عمرري... ههههههههههه ...الرجال..هههههههه....ياا حياااتــ...هههههههه...ي....مررررة شكلــ.....ه....تحفـ....ه .. هههههههههههه"
حطيت ايدي على بطني وانا اضغط عليها بقوة...وعيوني دمعت وجلست على السرير.. وانقلبت ضحكتي لكحة قوية...
وافي بسرعه راح صاب لي كاسة ماء وجلس جنبي وشربني شوي...حاولت آخذ الكاسه منه...بس رفض..بعدما خلاااص...شربت كفايتي..بديت احس باشعاعات حرارية تطلع مني...وجهي سخن بقوووة...حاولت اني ابعد عن وافي بس خانتني رجولي..
وافي بنعومة وهو يلمس شعري: لا تضحكين كثير...الله يكفينا شر ضحكك!!"
: ههههههههههههههههه...." وماقدرت امسك نفسي..ورجعت اضحك من جديد..." ههه كان شكله مررررررة...هههههههههه...غلط...حرررااااام عليييك...ههههههههههه... ليش طقيته؟؟..هههههههههههههه"
وافي اللي كان ساكت يطالعني عند آخر كلمة قلتها هو هنا انفجر ضحك: لااااا...هههه هههه ...ماشفتي شلون شكله...قطعت...ههههههههههه...قطعت له باقة الورد اللي كان ماسكها...هههههههههههههه...هههههههههههه..."
تميت اطالع بوافي لحظات...ياااااااااه ضحكته عذاب؟؟!!...ابتسمت بنعومة له يوم خلاص وقف ضحك وقعد يكح...شكله شرق بريقه!!
عطيته كاسة الماء فشربها مرة وحده...وكان يبي يتكلم معي...بس سمعنا طق على الباب.. رحت دخلت الحمام...ووقفت ورا الباب...سمعت صوت الدكتور وهو يتكلم على او مع وافي...
الدكتور: يا أخ وافي...احنا قلنا لك مية مرة...مايصير تدخل المستشفى بهذي الطريقة... هذا مستشفى كبير ومحترم...."
وافي ببرود: راح تكون آخر زياره..لأني جاي آخذ الاهل!!..."
الدكتور: طيب وينها الاخت ملكه؟؟.."
وافي وحسيت انه يبي يخنق الدكتور: وين يعني بتكون؟؟...في الحمام!!..."
الدكتور: آه...طيب..ممكن تشرفني لمكتبي ثواني...ابيك بموضوع يخصها رجاء..."
وافي ببرود" طيب لحظه والحقك!"
طلعت بعد ماسمعت صوت باب الغرفة يقفل...لقيت وافي واقف وكان يتأمل الورود الحمر المتناثرة بسبب صيته!!
وافي بهدوء بارد: تحبينه؟؟.."
رفعت حواجبي لأني مافهمت السؤال..
وافي بنفاذ صبر:الورد الاحمر!!...الجوري.."
: اي..ه...احبه مرة...احسه غير..." وكملت بتردد وانا اشوفه يسمعني: الاحمر لون قوي يدل على حب الحياه...عشان كذا لما اشوفه احس اني لسه ابي اعيش اكثر على هالارض.. "
وافي وهو يقرب مني ويغير الموضوع كالعاده اذا ماحب يكمله: راح نطلع من المستشفى.. "
: لاااء...." ورفعت عيوني له: وافي الله يخليييك....خليني هنااا..بليييز..."ومسكت ايده ولا شعوريا كنت ابي ابوسها بس وافي سحبها بسرعه ومسك ايديني الثنتين بقوة....
وافي بعصبية: ملكه!!...راسك ماينحني لأحد مفههوووم؟؟؟ حتى لرجلك..."
كنت راح ابكي بس تماسكت:..................آآهىء..."
وافي بلهجة حنون وهو يرفع وجهي ويطالعني: مفهوم؟؟.."
: ايه.."
وقف بمكانه ولا تحرك بعد كلمتي....كنت حاسه بخجل فضييييييييع من كلمته...احس اني اذوووووووووب!!...اني اغرررق...اغررررق في بحر عينيه...اذا صح التعبير..
كان راح يغمى علي لمن تركني وافي وطلع بسرعه...وافي باسني...باااااااااسني...لالالا اكيد احلم...فركت جبيني مو مصدقه..ورحت ركض للحمام....غسلت وجهي كذا مرة بموية باااردة رغم برودة الجو...كان وجهي مولع..احمرر...وحاسه اني اتهاوى بمكاني... شعور عجيب غريب...!!...
طالعت بجبيني وغمضت عيوني بكسل!!...ياربييي وش هالفشله ؟؟...وافي باسني... لالالا...اكيد حلم..ايه حلم...إلا حلم..واخذت نفسس عميق وطلعته ببطء كم مرة عشان اهدي اعصابي...
رجعت الغرفة شيلت الاغراض اللي كانت موجوده...كأني نمت بالمستشفى شهر...ياااه وش كثر احب حصه وصيته....لمن كنت انوم بالمستشفى في دبي... كانت الغرفة تظل مثل ماهي...من كثر زياراتهم!! قلتها بسخرية...
شلت الاكل الل جابته حصه وخليت وحده من الممرضات تآخذه وترجع الاغراض.... رحت للطاولة الصغنونه اللي جنب السرير...شفت الورود حقت وافي...جايبلي ورد ملون من كل شكل ولون...ياربيي من هالرجال...يبي يغير مزاجي بالقوة...
طالعت بالكتاب حق صيته....قوانين الحب العشرة!!...فكرت بمكر اطبقهاا على وافي؟؟!! ..بس..لااااا هزيت راسي بقوة... وافي موب زوجي بعدين اخاف ينقلب السحر على الساحر واصير انا اللي احبه وهذي مصيبة كبرى .. الافضل نكون مثل ما احنا..ناقر ونقير على قولة اخوانا المصريين...
سمعت صوت باب الغرفة ينفتح...وشميت ريحة عطره..وافيييييي...!!!..مالتفت عليه .. كنت متوترة حيييل...واطالع بالعباية حقتي... وبالاخير لبستها بسررعه...وغطيت وجهي والتفت على وافي...: يله نطلع!!"قلتها بسررعه عشان مايتكلم بأي موضوع ثاني...
وافي وشكله مصدوم: طييــ...ــب....بس لحظة...شوي...ليش متغطية؟؟.."
: هااا؟؟..كذا..مافيني ارجع اتغطى مرة ثانية...">>>يارربي مرات علي اعذار غبييييه..
وافي وهو يشيل الاكياس اللي على الارض: يله اجل..."
لحقته ببطء وانا شايله اغراض بعد..وركبنا الاصنصير اللي كان فيه واحد...كان وافي هادي مرة وحسيت انه يفكر بشيء....لكن ماعرفت وشهو الشيء اللي شاغل تفكيره؟؟..لو وافي اللي اعرفه دوم..ماكان ركبنا الاصنصير وفيه رجال!! بس هذا شخص ثاني...
طلعنا على المواقف..ورحنا لسيارة وافي...ما اعرف ليش تذكرت يوم السوق؟؟...عفراا وجاسر..!!...وش جاب هالاثنين على بالي؟؟..فتحلي وافي باب السيارة لأول مرة بالتاريخ لالا لثاني مرة..لمن كنت بالسوق معه بالامارات فتح لي الباب...لااا لثالث مرة يوم العرس ... صدق ان وافي فيه مميزات ما كنت اشوفها قبل!!....والحين فتحه لي.. دخلت السيارة ..ولملمت عبايتي بحظني...ركب وافي جنبي..وما ادري شلون طاح غطاا وجهي... حسيت بالفشيله...
وافي بشماته: مافيني ارجع اتغطى مرة ثانية!!..."
: اهاا...لالالا تضحك.." قلتها بعصبية وانا احاول اضبط الغطا..ووافي يحرك السيارة وماسك ضحكته...
طلعنا اخيرا من المواقف بعد ماضبطت الغطا زين... طالعت بوافي اللي كان شكله سرحان شوي..ودي اعرف وش يفكر فيه؟؟...طيب اساليه!!
: وافي...؟؟"
وافي بشرود: ياعيونه...!!"
حسيت بخجل فضييييييع لالالا ماراح اقدر اقول شيء..ياااويلي ليش يكلمني بهالطريقة.. لا يكون شفقه!!...اففف فشله...مرررررررة فشله..!!
قلت وانا حاسه ان عبايتي تقطعت من كثر ماجريت فيهاا: ليشش....سرر..حاان؟؟.." اوفف الحمدالله جات سليمه...مافيه اي اصابات....معناته كان متوقع السؤال..بس ابي اشوف وجهه...طالعته بفضول....كان مقطب حواجبه...وقفنا عند الاشارة..ورجع راسه لورا...شكله تعبااان...ياحياتي رقبته معدومة جروح...اكيد من الكلب اللي دخل بالخطاا... صدق مايستحي على وجهه!!..
: وافي..." قلتها بخوف هالمرة....
طالعني بكسل: وشو؟؟...ليش سرحاان؟؟.."
ماتكملت ولا رديت عليه..مسك ايدي بنعومة..حاولت اسحب ايدي بس ماقدرت..نامت بأحظان ايده بكامل رضاها!!..
وافي بلجه كسول: بوديك المزرعه...عند جدتي.."
حسيت ببرود فضيع...ليش يوديني المزرعه؟؟..وش سويت اناا؟؟...امتلت عيوني دموع بسرعه فضيعه...يمكن لازم اخذ جرعه دبل من حبوب الاكتئاب...
وافي اللي حس بايدي ترتعش بين ايدينه: ملكه؟؟..وش فيك؟؟.."
: ولاااا شيء...متــ....آآه..متى؟؟؟..."
وافي بهدوء: اليوم....بحطك عندهاا...يومين...لأن عندي شغل مهم فمضطر اسافر.... وبعدين اجي اشوفكم...وارجع اسافر من جديد للشرقية لأن عندي شغل مهم بعد!!"
: ليييش؟؟.." وماقدرت اكمل السؤال ووافي يحرك السيارة بس ايده متعلقه بايدي..او يمكن العكس!!...
وافي وهو يبتسم: وش اللي ليش؟؟..."
:ليش؟؟..تساافر لوحدك..." اخيرا قلتها....ياشين الخجل!!*_*
وافي : لأن..امممممممم...تبين تسافرين معي؟؟..."
: لااااء.." قلتها بسرعه...وتنحنحت بخجل: يعني قصدي....مدرري...بس لا تروح لوحدك .. خذ مشاري وياك..."
وافي: مشاري!!... لااا عنده دراسه...ماراح اطول..يمكن اسبوع مجموع السفرتين.."
قاطعني وهو يوقف عند المطعم الصيني اللي بعماير السيركون: تبينا نتغدا...ولاا اخذ الاكل ونرجع للبيت عشان تلمين اغراضك..؟؟"
: خلناا...نتغدا هنا..." وسكت شوي وكملت صوتي مبحوح: كنت دووم اجي لهالمكان مع ابوووي..اهىء..." حاولت اني ما اصيح...حط وافي يده على كتفي...وطالعني باهتمام...
: اناا بخير...تأثرت شوي بس!!.."
وافي وهو يآخذ نفس: ننزل!!...ولا نروح مطعم ثاني..."
هزيت راسي وانا افتح باب السيارة: لااا خلاااص...بعدين هالمطعم مرة حلوو..."
دخلنا للمطعم وطلبنا طاولة بعيده شوي عن الازعاج والناس اللي اصواتهم عاااااااااالية مرة....وماراح اذكركم المشاعر اللي حسيت فيها بداية...بس راحت لمن جلسنا باماكنا... وبعد ماخلصنا طلب....كشفت غطاي...وطلعت مراية من شنطتي وقعدت ازين مكياجي قدام وافي....ولمن خلصت لقيته يطالعني باهتمام...
ابتسمت: وشووو؟؟؟..."
: ليش ماتحطين مكياج كثير بالبيت؟؟..."
: آآه...امممم...جمالي طبيعي..ما احب المكياج الكثير..." وضحكت له...
علق: ياشين الثقة!!...."
: ليش عندك شك بجمالي؟؟...شوف شعري طبيعي...وعيوني طبيعية...ولا سويت عملية تجميل خشم...وجسمي بدون ريجيمات يهبل..."
وافي بلؤم: اي جسم؟؟.." واشر علي من فوق لتحت : كومة العظام هاذي جسم حلوو؟؟.."
: ياسلاااام...انت عارف ان الناس في اوروبا يقدرون الجسم اللي تستهون فيه انت..!!"
وافي ببرود وبشماته: معليييييش....اسمحيلي...جسمك يا ملكه..." وهز راسه موب عاجبه ...
حسيت انه قهرني...فقلت وانا ارفع راسي بغرور: على الاقل احلى من جسم مرااام...ووع جسمها يجيب المرض...حتى لها كرش!!..." وطبعا مايحتاج اقولكم اني نصااااااااااااابه!!
وافي بضحكة: وش دخل مرام؟؟...هااا؟؟..وبعدين الصراحه ماعمري دققت بجسمها...لكن انت زوجتي وكل شوي وانا اشوفك قبالي..."
حمرت خدودي...فشربت من كأس البيبسي اللي قدامي بتوتر...
وافي بحقااره عشان عارف اني استحي: الجو حااار؟؟؟..."
: لااااء..." قلتها بصعووبة شديدة...
وافي من جديد: غررريبة...ليش وجهك احمرر؟؟...طالعه فراولة.."
مسكت المناديل الورقية اللي قدامي على الطاولة وقعدت اهوي فيها بقوة...من جد حر!!..
ابتسم وافي وماعلق على حركتي التلقائية....
جا الويتر وحط الاصناف اللي طلبناها..وراح..كشفت غطاي من جديد....وحاولت اكل بدون ما افكر بوافي..اللي كان قاعد يطالعني وهو سرحاان!!..وش فيك يا وافي؟؟...قلت هالسؤال داخلي ولكن...كأن وافي سمعه لأنه رد علي بتعب...
وافي: تعبااان!!..."
رفعت عيوني اطالعه: تبينا نرجع البيت؟؟....ليش ما تأجل السفره حقتك؟؟.."
وافي وهو يهز راسه ويآكل: لاااء..ما اقدر لازم اسافر لاااازم..."
ماتكلمت بعدها وقعدت اقلب الاكل بصحني بكسل....دق جوال وافي...وعرفت انها مرومه من النغمة!!ولأول مرة اشوف وافي يعطيها مشغول ويرجع يكمل اكله...حسيت اني مولعه ..
: وافي؟؟..مرام صح؟؟.."
وافي وهو يشرب شوية ماء: ايه...مرام..اكيد داقه عشان توصيني بأغراض..."
: نعععم؟؟..." وعضيت على شفتي بقوة...مابي اعصب..مااااابي اعصب...عديت لين العشرة وانفجرت فيه: هذي ماتستحي يومها تدق عليك كل شوي؟؟...ترى خلاص فاض الكيل منهاا....ابي افهم وين ابوها واخوانها؟؟..ولا امهاا الي تشوفها وبكل برود جالسه وسط الحريم؟؟.."
اشر لي وافي بيده انطمي على تراب: هيييييي..ترانا بمطعم وبمكان عام...بلااا فضايح..."
: وافي؟؟!!..خلاااص..ماعدت احتمل.." قلتها وانا انتفض..
وافي وهو يرمي الشوكة: اللهم طوولك يا رووووووح...ملكه خلص...انطمي..."
خفت منه..وبلعت ريقي ورجعت اكل لا شعوريا...دسيت كل اللي بالصحن بفمي... وشربت الموية ووقفت..
وافي ببرود: لسه ماخلصت اكل...انثبري ليما اخلص.."
جلست اطالعه بغيض وانا ادخن...انا متأكده اني في ذيك اللحظة طلع مني بخار!!
وافي: ليش متغطيه؟؟..اكشفي عن الوجه الصبوح..."
يتريق الاخ!!...كشفت وجلست اهز برجلي بقوة.....وفتحت شنطتي...وطلعت حبوب الاكتئاب اللي معي...مفروض اخذ وحده بعد ساعتين...لكن...طلعت لي حبتين..وبلعتهم بالقوة وبدون موية...
وافي سحب مني علبة الحبوب وقلبها باهتمام بيده: حبوب اكتئاب؟؟...ليش؟؟.."
: لأن...اممممممم...كذااا..مالك شغل فيني.." وحاولت اسحب منه الحبوب...
وافي وهو معصب: انت عارفة انها مضرة للصحه..انت عارفة انها تسبب ادمان!!... انت عارفة انها راح تخليك ماتدخلين مع الباب..."
قلت وانا معصبة وعيوني مدمعه: احسن...مو مو عاجبك جسمي!!..." وحطيت ايدي على فمي عشان مايطلع صوتي...
وافي وهو يوقف: امشي...يلاااا..."
لحقته بسرعه وشفته وهو يرمي علبة الحبوب بالزباله..حسيت اني راح امووت من القهر ..رجع ركب جنبي وحرك سيارته...لاحظت انه مسرع مرة..
: لا تسرررع...تبيني اموووت!!..."
وافي وهو واصل حده: ليتني انا اموووت يا شيخه وترتاحين من وجهي...ميب عيشة ذي" وصرخ بوجهي فجأة: اساسا يمكن قريب اموووت وارتاح من هالعيشة..."
مسكت ذراعه بقوة: تموت!....ليش وش صاااار؟؟...انت تعبااان..صح؟؟...قلبي كان حاس .." وقعدت اضرب وجهي بقوة واصيح بمرارة..وافي راح يموت...راح اكون يتيمة من جديد...مااالي اهل...ياااويلي!!
مارد علي وافي...وصلنا العماره وطلعنا شقتنا...كنت بحالة فضيعه من الصياح...وشكلي يخوف ووجهي متنفخ..
فصخت العباية ورميتها على الارض ولحقت وافي اللي دخل غرفة النوم...ودخل الحمام بسرعه...قعدت اطق عليه باب الحمام بقوة عشان يفتح..بس ولا حياة لمن تنادي!!... سمعت بس صوت الموية يجري بالحمام..
طالعت بغرفة النوم....وحسيت بكآبة...يارربي...صدق اني اشتقت لهاالشقه...بس مع هذا شوقي لها تبخر مع..اخبار وافي اللي تمرض القلب!!
اخذت لي شنطه من فوق الدولاب وراكمت فيها مجموعة من البناطيل والبلوفرات الملونه الدنيا برد والمزرعه مووووووت... وحطيت لي بجايم مختلفه..وقعدت اضحك وابكي وانا اتذكر سماح يوم تضحك علي يوم اشتريهاا....الله يذكر ايامك بالخير يا سماح!!
رحت للصالة...وجلست على الكنبه بكسل..وفتحت التلفزيون....حطيت قناة العربية قناة وافي المفضله..وغمضت عيوني..وافي تعبااان!!...ياررربي..اشفيه..لا تعذبه...طول بعمره ...انا لمين اعيش لو وافي ماات!!
صرخ فيني ضميري المعذب: بس انت تبينه يطلقك.."
تحركت بتعب على الكنبه..ايه صح ابيه يطلقني...بس هذا زوجي...ويظل زوجي.. حتى لو طلقني..راح يكون زوجي السابق...يعني جزء من حياتي لا يمكن استهين فيه!!..
وقفت عند هالحد لمن شفت وافي يرجع لي الصاله...كان شعره مبعثر وفيه موية...ولابس بنطلون جينز وقميص عادي خفيف...حسيت بقلبي يخفق بجنون..لمن جاا ورمى نفسه بتعب جنبي...
وافي وهو يحاول يتماسك: ززعلتك؟؟..."
مارديت عليه....مسك ايديني الثنتين بقوة: لا تشرهين علي...انت دوم تقلبيني من فوق لتحت...ما اعرف ليش؟؟؟.."
: لأنك تكرهنييييييييي..آآآآآآآه..تكره كل شيء فيني...ما تحبني...تعتقد اني مجرد وحده خاينه...وبتعرس علييييي...عشان كذا بتحطني عند جدتك..آآآآآآآآآآه...وبتروح تسافر شهر العسل!!..آآآآآآآآآآآآآآآآآآآآآآه....والهدايااااااا ..اللي شريتها لها.......آآآآآآآآآآآآآآآه" نزلت دموعي بسرعه..تسابق مع بعضها...
وافي مسح دموعي وهو يبتسم: يا غيووور!!....لسه متذكرة موضوع الزواج...لهالدرجه مغبرة!!..."
مارديت عليه....فاضي ينكت!! مو رايقه له..بعدين الموضوع قبل ثلاث ايام..
وافي بنعومة: بما انك عارفة الموضوع....ماراح اكذب عليك اكثر...انا فعلا رايح اخطب وبآخذها شهر العسل......"
وكمل وهو يرفع ذقني عشان اطالعه: تعرفين عروس لازم تروح شهر عسل لو اسبوع..!! ..."
بلعت ريقي بتعب وانا اتجنب اطالعه ودموعي تنزل بسرعه: مبروووك!!..مو حلوة تسمعها من الناس ولا تسمعها مني!!...احنا اصدقاء..ههههه.." ضحكت بفتور..
وافي وهو يبعد خصلات شعري عن وجهي: صح...اصدقاااء..بس دوم نغلط على بعض .."
: آآآآآآه...صح...مفروو...ض...مانغلــ....ط على بعض!!...ونحترم بعض!!"
وافي: صدقيني بتعيشين مرتاحه عند جدتي...راح تحبك وتضمك وتعتبرك بنتها..." وكمل بمزح: خصوصا انها مع الزوجة الاولى دااائما وابداا..."
: آآآآآه...صح!!..وانا احبها بعد.."
وافي: اممممم...واذا شفتي زوجتي...ابيك تتصرفين معهاا بذووق.."
سكت ماقدرت احتمل..غمضت عيوني بقوة..ماابي ابكي اكثر مااابي اذل نفسي عنده.. حراام عليييييييييه..صدق قااااسي!!..
وافي بلهجة خلتني اصيح اكثر: ملكه..لا تبكيييييييييين!!..."
هزيت راسي بقوة: غصباا علييي....حاسه انيي..منهااااارة.." قلتها وانا امسح دموعي واحاول اتماسك...
كملت بصعوبة: لااازم...نروووح..هالحين...تبيني اساااعدك...بشيء؟؟.."
وافي: شي زي وشو؟؟..."
: يعني...اثاث...ملابس تحب تشتريها لهاا...بس خايف ماتكون حلوة.."
مارد علي وافي...ولمن رفعت عيوني عشان اطالعه كان سرحااان...بس طالع فيني فجأة وابتسم: لاااء...عندك شك بذووقي؟؟.."
هزيت راسي من غير ما اتكلم....
كمل وافي: يااا ليت تشوفين الفله اللي اخترتهاا عشان نعيش فيهاا..مو معقولة اسكنها معك بنفس المكان.....بآخذك لهاا قبل مانروح لجدتي..." وتابع وهو يشوف الشنطه: خلصتي؟؟؟ .. "
هزيت راسي بتعب مو قادره اتكلم وافي يذبح الشخص ويمشي بجنازته...مين اللي قال مرة بنت الاغراب فوق الراس...؟؟!!...اكيد كان في غير وعيه!!
لبست عبايتي وشفت وافي وهو يدخل الغرفة وطلع بعد شوي وهو ماسك كيس فخم بايده.. لحقته بعد ماقفل باب الشقه...وركبنا السيارة..

ماكنا نتكلم نهائيا خلال جولتنا الجميله خلال شوارع الرياض...عشان نوصل للبيت اللي اختاره وافي لعروسه المستقبليه...مايحتاج اقولكم شلون قاعده اموووت واتقلب على نااار ... واحس اني صرت اغلي مثل الغلاية...
شغل وافي CDوتعالى صوت متأثر لأقصى حد...


لااااااااااااااااااا لا تروووووووووحي!!
غلطت بحئك سامحيني...آخر مرة سامحينيييي!!....غلطت بحئك وندمان على الوئت المضى...غيره وعزاب وحرمان ولا لحظة رضااااااااا..
خليكي الله يخليكي...عمره الجااي بشوفو فيكي...بدي انتي تربي اولادي وتكون الزينة باعيادي...حبك شهادة ميلادي...لاااااااا لا تروووحي!!

حسيت ان هالاغنية ماتصلح لي انا ووافي وتمنيت اقفلهاا...وقعدت اهز برجلي بعصبية... وماطلعت بوافي نهائيا...لأن عيوني دمعت...اكيد راح يهديها لزوجته الثانية!!...اما انا بيقولي روحي والله لا يردك!!


راح عوضلك كل اللي راح..والماض الئاسي والجراح...ئولي ان شاء الله...راح ارئصلك راح اغنيلك...راح ئضي عمري مئابيليك..ئولي ان شاء الله...
طلباتك والله اوامر...نايم صاحي بئلك حاااااااظر...خليكي الله يخليكي...عمري الجاااي بشوفوا فيكي...بدي انت تربي اولااادي..وتكون الزينه باعيااادي...حبك شهادة ميلااادي.. لااااااا لا تروحي....


اخذ وافي هنا يردد ورا المغني بحماااس..واستغربت انه فتح الشباك ورمى علبة سجايره اللي كان توه مطلعهاا..لأبعد مدى...طالعت فيه مستغربة...فمسك ايدي بقوة...وباسها بحركة سريعه...انتفضت بقوة..وحمرت خدودي...وغمضت عيوني حتى اني حسيت انها تألمني!!...


بدي اتصبح بعيونك..واغفى على ضحكك وجنونك...ئولي ان شاء الله...يا اغلى من الدنيا كلها..عن حبك ماراح اتخلى...قولي ان شاء الله...بدي تكوني بحياتي شمسي اللي بتنور حياتي...خليكي الله يخليكي عمري الجاي بشوفه فيك...


وقفنا اخيرا عند القصر اللي راح تسكنه مرت وافي!!...سحبت ايدي بدون ماينتبه بسرعه ...وحطيتها بحجري....دق وافي بوري...فطلع واحد مصري من جوه...وفتح الباب لوافي بسرعه...دخلنا بالسيارة...وطالعت بحسرة بالحدايق الممتدة من كل جهة...هذا البيت1!! هههههه...صدق حظوظ...قلتها بحسد وانا افتح الباب...
: مشاااء الله...روووووووووووووووووعه..." وكشفت الغطا عن وجهي...ورحت امشي مبهورة بتنسيق الملعب حق السلة...وطريقة السلالم الرخامية الفخمة...واحواض الزرع اللي ابهرتني....من متى؟؟...من متى وهو مخطط على كل هذاا؟؟؟..
سبقني وافي على باب الفله...وحط المفتاح وفتحه...واااااااااااااااااااااو...هذي الكلمة الوحيده اللي طلعت مني!!...
طالعت بوافي مبهورة: وااااااااااااو...روعه يا وافي...الله يهنيك فيه!!...."
وطالعت بالديكورات الغريبة اللي ابهرتني...الديكورات الجبسية اللي على شكل ورود ونخيل وعالم ثاني!! وفيه زي النافورة صغيرة...صراااحه ابداع هالبيت!!
وافي وهو يسبقني: اوريك الدور اللي فوق..؟؟.."
هزيت راسي له وتبعته بسرعه.... وراني اول غرفة واللي كانت لجدته....واعجبتني مرة ...
شرح لي وافي وهو يأشر على الشبابيك: راح نحط لها قماش خفيف على الشبابيك... علشان الشمس تدخل غرفتها...تعرفين اهي مريضة ومحتاجه شمس!!..."
: ايه...مشاء الله راح تحبهااا مرة..بس صعبه عليها تطلع الدرج..."
وافي وهو يطالعني: وين نخليها تنوم؟؟...غرفة في الدور اللي تحت؟؟.."
: ايه...طبعا بعد ماتوافق زوجتك...يمكن تكون مخططه لشيء للضيوف...بسس.. احس انو افضل لهاا...انها تنوم بغرفة تحت عشان طلعة الدرج متعبه..."
وافي بابتسامه: اعرف زوجتي قلبها طيب..بتوافق..."
اكلتني الغيرة..آآآآآآآآآآآآآآآآآآآآآه...ليتني اشوفها بسس..خلوني ساكته افضل لي!! ولكم*_*
وافي وهو يفتح باب الغرفة الثانية: وهذي لمهااا..." وكمل وهو يضحك: لأنها مززعجه واكيد بتطب علينا كل شوي!!"
: اهاا..." وزميت شفايفي بغيض...تطب علينا كل شوي؟؟!!...طبعا عريس وعروس مايبون احد يضايقهم !*_*!
وافي: هاا وش رايك؟؟؟..مانحط غرفة لمهاا؟؟.."
رديت ببرود: مدري...اسال اللي بتسكن البيت.."
وافي: ماعليك منها الشور شوري...مو شور احد ثاني!!"
: طيب...حلو ان مهاا يصير لها غرفة في بيتك..."
وافي بجدية: مهاا غلطت عليك..وكانت تبي تزورك بالمستشفى بس انا منعتهاا..."
: لييش؟؟.." قلتها وانا اسكر باب غرفة مهاا والحقه على الغرفة الثالثه اللي جايه بالنص... والدرج الرئيسي متفرع لاثنين بعد يأخذونك للدور الثالث.. ذكرني ببيت عمي...اللي كنت اكره حجمه مرة...
وافي: مهاا تجاوزت حدودها....لا يمكن اسامحهاا...وانت بعد لا تسامحينهاا..."
: وافي..انا مسامحه مهااا...بس ماراح اكلمها..." وهزيت اكتافي وكملت: كافي انها غلطت علي..وهالشيء ماراح انساه لها بس ماراح اخذه معي للقبر...!!"
وافي بفزع: بسم الله عليك من القبر وسيرته.."
وهز راسه وفتح الغرفة الثالثة... كانت اكبر من الغرفتين اللي قبل...واقشعر جسمي يوم دخلتهاا...غرفة النوم الرئيسية... وافي وزوجته راح ينامون بهالغرفة...راح يتذكرني بشماته!! وانا نايمه لوحدي احتظن البرد والمرارة!!...والجروح النااازفة.... حسيت بدوخه ...
وافي مسكني بقوة : ملكه!!...وش فيك؟؟..." وجلسني على الارض البااارده...كان وافي حاط ايده ورا كتوفي...
: مدرري!!...خلنا نروح لجدتي بسررعه!!..." وكملت وانا احاول ابعد عن نطاق جاذبيته المدمر: محتاجه ارتاح..."
وافي هز راسه باصرار: وجهك حاااار!!....متأكده انك بخير؟؟!!"
ابتسمت له بكسل: لا تخااف يا عريس..." ولمعت عيوني بدموع متجمده!!...وقفت ب مساعدة وافي... وودعت غرفة النوم بعيوني...وصور غرفة نومي تهاجمني بدون رحمة !!بعد اسبوع راح اكون بغرفة في بيت جدة وافي اضم المرارة والمخده المليانه دموع.. بينما وافي راح يكون يضم عروسه...والمخده الجافه!!
وصلنا السيارة...فتح لي وافي الباب...غطيت وجهي بسرعه عشان ابكي براحتي...ركب جنبي...وماحرك السيارة.. حسيت بالغطا يتهاوى عن وجهي...مافتحت عيوني عشان ما اشوف بسمة الشماته اللي اكيد مرتسمه على وجه وافي!!
بس اضطريت افتح عيوني ببطء... كان وافي يطالعني بعتب: ليش تصيحين؟؟.."
ما جاوبته لأني انا مو عارفة ليش اصيح؟؟...اصيح لأن زوجي بيتزوج علي.. حتى لو ما احبه لازم ابكي قهرر...انا عرووس!!..بعدين لو ماصحت يمكن راح انجلط!!
وافي بهدوء وهو يمسح دموعي الكثيرة: ماتعرفين شلون دموعك خناجر؟؟!!"
طالعته مصدومة: وشش...قصد..ك؟؟"
وافي بنبرة معذبه: قصدي....ان كل دمعه نزلت من عينك من اول ليلة...طعنه يا ملكه... طعنه.. هناا..." وضرب على صدره بقوة...
طالعته وانا فاتحه فمي:موو فااهمه..." ولااا ابي افهم...وافي وش قاعد يقول؟؟...
وافي مسك راسي بيدينه برقة: انت فاااهمه...كلن قالك...بس عمرك ماصدقتيهم... لأن.." غمض عيونه وحسيت بجبينه يحرق جبيني...واخيرا كمل بحرارة: لأنك عمرك ماحبيتيني ...اناا... عذبتك كثير!!... بس قد ماعذبتك قد ماعذبت نفسي!!...انت نفسي يا ملكه... بس عمرك ماراح تعرفين قدرك هناا..." وبعد عني وهو يضرب صدره بقوة...محل قلبه!!
- وافي..." التفت يطالعني وهو يمرر اصابعه بشعره..
- عيونه!!....وشووو؟؟..مصدومه!!"
- امممم...ايه.." اعترفت وانا ارجع اعدل جلستي..
-ليش مصدومه؟؟..."
- آآآآآآآآآآآه..لأن....امممم...كذااا..مووو...قادره اصدقك!!...سامحني!!"
-مو مشكله...مسامحك...!"
- طبعا من قدك؟؟..بتعرس بعد اسبوع.." ذكرته بعصبية وانا ارجع اضبط غطاي..لازم اصرف الوضع..لأني شوي واذوب...وانا مابي اذوب..حتى لو وافي اعترف لي ببعض مكنونات قلبه...يظل وافي وافي..واظل انا ملكه...وعمر الماء ما يختلط بالزيت...وانا الماء ووافي الزيت!!
وافي وهو يحرك السيارة: صح...بعرس بعد اسبوع..." وكمل وهو يطلع خارج بوابة البيت" وحده طويلة....نحيفه مررررة...شعرها لونه عجيب غريب..ومع الشمس يتحول لشعر جدتي!!....امممم..وش بعد اقول عنهاا؟؟...عيونها غريبة مرة...خشمها خلقته عجيبه .. كنه منحدر تزلق...ههههههه..."
طالعت بوافي مصدومة: تتريق فيهاا...حرااام عليك!!..."
وافي بنعومة: نسيت انك ماتحبيني اسب احد!!..."
: عروسك موب مرام؟؟؟!!"
وافي وهو مفجوع: هههههه...لاااء مو مرام...على اي اساس حطيتي انها مرام!!"
هزيت كتوفي: لون شعرها غريب..وعيونها غريبة...وخشمها موب زين!!"
وافي: اهاا...بس انا ماقلت ان خشمها موب زين...عليها يهبل...ومتأكده ان هذي مرام؟؟ ..ترى في احد ثاني عنده نفس المواصفات..."
: وافي حرام عليييييك...امممم..مفروض ماتزوج وحده من عيلتك...كذااا..اجتماعتنا بتكون صعبه.." اعترفت بمرارة وانا اتحرك بقلق في مقعدي...
وافي: لااا تخافين..اللي اعرفه ان خواتي يموتون عليهاا..وحتى جدتي..."
: وافي...قلي ميييييييييين؟؟..لا تخليني اطلع هبله قدام الناس...اقله يحق لي اعرف مين العروووس!!"
وافي باصرار: لاااء...بعد اسبوع بتشوفينهاا.."
: قصدك بعد اربع ايام!!..لمن تحديتني ذاك اليو..."
قاطعني وافي : لا تذكريني.. كان تحدي سخيف وغبي..."
: حلفت انك تعرس علي!!..وهالحين...مبرووووووك...هذا كل اللي عندي..." قلتها باستسلاام وانا احط راسي على القزاز واغمض عيوني عشان ما اسمع مواصفات عروسته!!
ما اعرف كم مر من الوقت...بس اخيرا وصلنا المزرعه...طلعت من السيارة اول ماوقفنا عند البيت...ورحت ركض جوه...
شفت جدة وافي جالسه قدام التلفزيون...جيت وسلمت عليها وعلى راسها....
الجده وهي مستغربة: ملكه؟؟..وش هالزيارة؟؟..."
وافي وهو يدخل ومعه الشنطة: السلااام عليكم..."
لاحظت ان جدة وافي اشرق وجهها يوم شافها وافي...وسلم عليهاا وجلس قريب منها وهي حاظنته...
الجده بفرح: بتنومون عندي؟؟....والله هذي الساعه المباركة..."
وافي وهو يبتسم لي: لاااء بخلي عندك امانه..."
: وافي بيخليني وبيروووح...وبيتز..." اشر لي وافي عشان اسكت...فخفت منه وسكت على مضض!!
وافي: ملكه محتاجه تغيير جوو...وانت يا بعد عمري يا يمه الله لا يحرمني من ريحتك.. محتاجه لوجه جديد يسليك..."
الجده: اي والله ان كنت ابيها تجي عندي تبات..بس عااد..وانت وياها.."
: افاا يا جده...تبين وافي معي؟؟..ماصدقت افتك منه.." ورفعت راسي له بتحدي..
وافي وهو يصك على اسنانه: هذي هي يا ميمتي...علميها مقدار الزوج...وانه نعمة في هالزمن..."
مدت جدته العصا وضربته بخفه على فخذه: يله براااا...مع السلاااامه..وبعدين اللي مثل ملكه تلاقي بدل الرجال عشر...ماوقفت عليك يا ولد ال..."
وافي وهو مسوي نفسه معصب: طيب طيب...صدق حريم وتجمعوا وانا ضعت بينهم..."
وطلع...
الجده وهي تأشرلي على الباب: روحي لحقي رجلك...شوفي اذا يبي شيء؟؟.."
ترددت شوي..لاقل من جزء من الثانية...ولحقته بسررعه وانا مبسوطة ان عندي حجة: وااااافي..."
التفت علي: هلااااا..."
: اممممممممم..."
وافي: وشوو؟؟"
: تبيي...اه..اممم...اففف.."
وافي يتريق: اممممم..اف..اقول مع السلااامه..."
مسكت يده بسرعه...وحسيت اني انلسعت...بس ماقدرت اشيل ايدي عنه: تبي شيء قبل ماتروح؟؟..شاهي..قهوة؟؟ حليب بزنجبيل؟؟"
وافي: لاااء مابي شيء..انتبهي على نفسك..ولا تركبين الخيل!!..ولا وصيك على نفسك.."
: وااااافي!!..."
ابتسم لي وافي بنعومة: هممم؟؟...وشووو؟؟؟.."
: لا تروووح!!..."
طالعني لثواني واتكلم اخيرا: بسس!!.."
: لااا..تتز....تتزو...اه...لااا..تتزوووج!!" وعضيت على شفتي مستحيه!!
وافي بكسل: بسس!!.."
رفعت راسي له بعتب: تحب تذلني؟؟.."
وافي وهو مقطب حواجبه: ماعاش من يذلك...بس طلباتك صعبه!!..."
: ليش؟؟.." قلتها بسرعه وانا ابعد عنه شوي..بس اهو قرب مني..مصر يذلني!!
: اول شيء روحتي امر مفروغ منه..والله عندي شغل..."
: طيب..انت تعبااان...انتبه على نفسك...." وكملت بحرارة ودموعي تسيل: اذا صدعت زوجتك الجديدة ماراح تعرف تسويلك مساج...لااازم تعلمهاا انت..."
وافي غمض عيونه بقوة وقال سبة قوية لنفسه وتركني وراح!..ركب سيارته بكل بساطه وراح...اشر لي بايدي فامان الله وراااااااااااااح!!..





يا حلو الغروب... كنت انا وجدة وافي اللي صارت جدتي...جالسين في البلكونه...نتأمل الغروب ونشرب شاهي بليمون عشان حلوقنا اللي رايحه وطي مع البرد!!
الشمس تحاول تنتصر على الظلام..بس تضطر بالاخير تستسلم وتنوم بامان..شكلها جميل مثل اميرة نعساانه ترجع تستلم للنوم^_^..
: جدة؟؟"
طالعتني وهي تبتسم: هااااا؟؟.."
:ممكن اناديك يمه!!.."
طالعتني وهي مستغربة...وقالت بكل حنان: اكيد يا بنيتي...وانا اساسا اعتبرك بنتي لأنك مرت الغالي...اللي اعتبره ولدي....واغلى من عيااالي وبنااتي كلهم..."
حسيت بفضول لمعرفة حياة وافي: انت اللي ريبتي وافي ومشاري وخواتهم....؟؟؟"
سرحت الجده للحظات وشربت شوي من فنجالهاا: انا اللي ربيت حصه...وحصه هي اللي ربتهم...وشالتني معهم..."
وسكتت تتذكر...وسكت انا احترام لهااا...
كملت بهدوء: يمكن وافي يقسى عليك لحظااات...بس ترى اللي شافه مو شوووي...تطلقت بنتي ام وافي من زوجهاا...وجابت عيالها كلهم عندي....ورمتهم بوجهي...قالت انها ماتبيهم وانها تبي تعيش حياتها...واذا ابوهم مابغاهم هي ميب مسؤوله ...ليش يروح يعرس وهي لاااء؟؟.. حاولت معهاا انها ماتخلي عيالها..لأنها بكره راح تحتاجهم...بس ولا كأنك تكلمهاا...راحت وتزوجت...وماتت مع زوجها بحادث من ثاني اسبوع....وافي كان اكثر واحد متعلق بأمه...عرف باللي صار...فكرررههها حيل... وتعلق بحصه اللي اعطتهم كل اللي يحتاجونه... كانت تخدمني...وتخدم اخوانها..والله انها ابر من بناتي "
حسيت بالم قوي..مسكين وافي...وش هالام؟؟..اقلها ماتوا اهلي وانا احبهم ومحتفظة لهم بصور حلوة بداخلي...تخيلت وافي الطفل المسكين المحروم من امه...ضميت نفسي.. يابعد عمري..يا وافــ.... قطعت تفكيري؟؟؟...وشووو انا اذكر اسم وافي..حتى لو يحزن مفروض ما اعطف عليه..حتى لو يحبني...ماراح اعطف عليه...!!
: يعني حصه اغلى من امهاا؟؟"سألت بهدوء مشوب بالفضول!!
جدتي قالت: حصه البنت الحنون هي اغلى ماخلق ربي عندي... انا ما انسى يوم انها تذاكر وتقعد تهمزني... كنت توني طاايحه بسبب الروماتيز...هذا اللي يهشم العظام ويلعن جدفهاا.. كانت تحب تنوم جنبي...علشان توفر طلباتي....وحتى يوم اعرست بكيت كثييييي ييير....ووافي بكا كثييييير....وانا كنت طماااعه وماكنت ابيها تعرس... كنت ابيها تعيش معاي تخدمني وتخدم اخوانها...بس الحمدالله انها مادرت وش كنت افكر فيه وقتها...."
انتظرت جدتي تكمل...لكنهاا سكتت...وغرقت عيونها بدموع وقامت تمسحها بشيلتها.. رحت يمها وضميتها بقوة ومسحت دموعها: ليش يا يمه؟؟..ليش تصيحين؟؟..."
جدتي وهي تشاهق: ابكيي لأن حصه تغربلت كثيييرررر... كان زوجها يطقها...ولا عمره رحم ضعفهااا.... حتى وهي حامل اسقطت ثلاث مرات....صدق كان يوم فرح يوم طلقهاا زوجهاا..."
قلت بفضول: متى طلقهااا؟؟..وكيف؟؟.."
- طلقهاا بسبب وافي...وافي اللي كبر وتعلم بره...ومسك كل حلالناا..وصار ينخاف منه ولا يخاف من احد.. طقه وكسر ضلوعه...وخلاه يطلق حصه غصبن عليهااا..."
وضحكت عند هالنقطه: هههههههههه....هذي ميزة وافي...مايعرف التفاهم...شري من كان صغير..."
لا شعوريا قلت: الله يحفظه لي...."
كملت جدته وهي تبتسم لي: بسس ترى مية مرة تمناه...والله اني ما انسى بنات ال... كانن دايم ينتظرنه على باب الفله.. مع انهن اكبر منه!!..."
حسيت بغيرة: كم كان عمره؟؟.."
-يعني كان توه داخل ال15سنة...."
حسيت بنار تشتعل بداخلي فقلت وانا ابعد عن حظن جدته: صدق بنات قليلات ادب!!"
جدتي وهي تضحك: ههههههههه...لااا والله..إلا بلااا ولدي انه مزيون..."
: مو مرررة..يعني ترى فيه شباب ازين منه..."
ضحكت جدتي: الله من الحريم..مانخاف ربنا اذا غرناا..."
: هههههههه...انا ماقلت شيء غلط...صح ان وافي حليووو...بسس..." وسكت يوم جاتت جدتي تضربني بعصاها....وهجيت من قدامها...
: هههههههههههه بروح اسووويلك حليب.."







تذكرت الاغنية اللي غناها لي وافي وانا واقفة عند ابريق الحليب..." ئووووووووول ان شاء الله..." وتمايلت قدام الابريق..وانا اغني بأعلى صوووت..: خليكي الله يخليكي عمري الجاي بشوفه فيك.."
: مشااااااااااء الله!!.."
التفت جزعانه: مهاااااااا!!..."
طالعتني مهاا وابتسمت بكسل: وشووو؟؟...ماتوقعت شوفتي؟؟..."
: لاااء...البيت بيتك..حياااك..." ولفيت عنها وحركت السكر بالابريق واضفت له زنجبيل... وحطيته بالصينية وحطيت كوبين..
: تبين حليب؟؟.."
مهاا وهي تهز راسها: لااااء...شكرا..."
: جايه مع احد؟؟..."
مهاا: وصلني خالي مشاري...اممم...بتروحين تقعدين مع جدتي؟؟.."
: لااا بعطيها الحليب...."
استغربت زيارة مهاا...رحت لجدتي..وحطيت عندها الحليب..وصبيت لها كوب...ولقيتها متمددة على الكنبة...غطيتها ببطانية...
ورجعت لمهاا..بعد ما تأكدت من شكلي في المراية اللي بالسيب...كانت بعض بقايا الكحل حول عيوني...وشعري الحمدالله مترتب..
دخلت الصاله...لقيت مهاا جالسه سرحانه على الكنبة...طالعت فيهاا بتردد...خاايفه انها تكمل اللي بدت فيه ذاك اليوم...وحاسه اني هالمره راح امووت لا محاااله...قلبي ماعاد يحتمل كل هالصدمات!!
: مهاا؟؟!!" نبهتها لوجودي وانا اجلس قبالهاا..
مهاا وهي ترجع شعرها ورى اذنها: آسفه..." قالتها وهي تطالع باصابعها...
: اها؟؟؟"
مهاا: عاارفة اني تصرفت معك بطريقة مرة غبيية...امممم...ماراعيت انك مرت خالي.."
:.............."
مهاا وهي تطالعني بعذاب: بسس انا لمن صلحت الجوااال....رجع دق عليي رجااال.. وقال لي ان فيه وحده متصله علي من الجوال حقي.."
:..........طيب؟؟" قلتها بفتور وانا محتاره اذا اعترف لمهاا بكل شيء ولااا اسكت افضل واشوف لوين بتوصل...
مهاا وهي تقلب عيونها بكل مكان: دقيت على خالي وافي...كنت بقوله انك تخونينه.. مافكرت مرتين اذا اللي انا اسويه صح او غلط...كنت راااح ادممرر خاااال.." سكتت عند هالنقطه وبكت بقوة...
: مهاا...نصيحه مني...عمرك لا تفسرين الامور بكيفك..." وكملت وانا اوقف: مرات ظاهر الامور يكون غير باطنها...وانت لازم تتعلمين من غلطتك....انااا..بروح اخذ لي غفوة..عن اذنك.."
ومشيت وتركت مهاا تبكي لوحدها ورغم ان قلبي كان ميت صياااح عليها...لكن خلاااص ان ملكه مو اي بنت!!...انا عزة اهلي اللي ماتوا فيني!!...شلون لعبت بكرامتي وسمحت للي يسوى واللي مايسوى انه يدوسها...





مرت فترة المغرب ببطء.. وتبعتها العشاا بكسل اكثر!!...وحسيت على الساعه 9:00 ان النوم قاعد يناديني لاحظانه... رحت لغرفة النوم اللي جمعتني انا ووافي قبل فترة...فتحتها ببطء...وكأني متوقعه اشوف وافي متمدد على السرير....بس مالقيت شيء غير الفراااغ!!
تمددت على السرير بتعب...وضميت مخدة وافي بقوة.... يااااااااااه تجنن ريحته!!...دخلت تحت البطانية الثقيله...وفتحت كتاب قوانين الحب العشرة...ثاني قانون...قريته باهتمام.. الاعتراف بالماضي!!...آآآآآآآآآآآآه من الماضي....يجب على المرأة ان تعترف لزوج المستقبل بكل ماضيها ويجب عليه المثل!!...
قريت هالقانون باهتمام....وبعد ماخلصته..طويت الصفحه وحطيت الكتاب على جنب... قمت من السرير....وفصخت ملابسي...ولبست بيجاما ثقيله كحلية...تصدقون اني ما اتكلمت مع مهاا نهائيا!!....ولمن عرفت اني ماراح اسامحها تركتني وراحت قبل نص ساعه... مسكينه والله!!..بس قلبي ماعاد يحتمل!!
غمضت عيوني بهدوء..بس سمعت صوت الجوال يدق...طالعت بالجوال باهتمام...كان وافي...الوافي!!....ترددت اذا ارد عليه او لاااء....بس اخاف يقفل...رديت بسرعه وسكت...
وافي: الوووو....ملكه؟؟"
:......................هلاااء..." رديت اخيرا بخوف!!
وافي وكأنه ارتاح: غريبة مانمتي؟؟!!.."
: كنت على وشك..."
وافي: اهاا..كيفك؟؟..."
: اممم الحمدالله بخير.....الحياه مع جدتك لها طعم غير!!...احس كأني ببرنامج الوادي..هههههه.."
وافي: ههههههههههه.....هيفاء وهبي؟؟"
: لاااء وععع..انا احلى من عشر من اشكال هيفااء..."
وافي بنعومة: صحح!!..."
حسيت اني قاعده اذوب..مثل قطعة الثلج اللي تذوب بصمت..
وافي: ملكه؟؟.."
:.............هلاااء.."
وافي بخبث: ليش سكتي؟؟...هممم؟؟"
: اممممم...ولااا شيء...اه...اممم..وش تسوي؟؟.."
وافي بملل: ولااا شيء جالس على سريري...احاول اني انوم..بس موو قادر.."
: ليش؟؟..."
وافي وهو يقلد صوتي: ليش؟؟...ابدا..لأني فاقد وحده مزعجه لها شهر ونص تنوم معي ..."
حسيت بحرارة فضيعه بجسمي...فرميت البطانية بعيد عني...ودورت شي عشان اهوي على وجهي....
وافي: هههههههههه...وش فيك؟؟.."
: هااا؟؟؟...ابدااا.."
وافي: هااا؟؟؟..ابداا..."
: واااااااااااااااااااااااافي...." قلتها بيأس!! والله انه حمااار!!
وافي بنعومة: عيوووون وافي..."
: امممم...لاااا..لا تكلمــ....ني بهالطررريقة..." وكملت بعصبية وصعوبة: بكره بتزوج قول هالحكي لمرتك!!"
وافي بحرارة: من عيوووني!!...وش تبيني اقولهاا بعد؟؟؟..."
: اممم...قولهااا....لنار جههنم ان شاء الله..."
وافي: لاااا بسم الله عليها ان شاء الله بجنات النعيم!!"
: تحبهااا؟؟...قلبك جمارك!!"
وافي: هههههههههه...قلبي ايش؟؟..."
: اه...قلتلك جمااارك...يحب كل شوي!!...."
وافي بخبث: الشرع حلل اربع...عشان كذا لازم احب اربع..!!"
: بسس!!...انت.....تحـ....تحب وحده صح؟؟؟" وحسيت بلساني لصق بحلقي عند هالحد...
وافي: احبهااا بس يبيلها تكسير راس...ترفع ضغطي كثير...وتثير فيني مشاعر اكررههها ..."
: مشاعر تكرهها؟؟.."
وافي وهو يأخذ نفس: تحسسني اني ضعيف عندهااا..عشان كذا اجبر نفسي استقوي عليهاا غصبن علي..."
:..............."
وافي بكسل: ملكه؟؟..."
سكت ولا رديت عليه حسيت ان قلبي كل العالم تسمعه...وتجمدت بسريري...ياربييي... وش اللي قاعد يصير فيني...يااارب اكوون اقوى من وافي...ومن عشرة مثل وافي!!..
وافي بقلق: ملكه؟؟...نمتي؟؟..."
:.................."
وافي باستسلام: ماراح اقفل...بجلس على الخط معك حتى لو انك نايمه...بس تصبحين على خير.."
: وانت من اهله!!...تقدر تقفل.."
وافي بنعومة: لااااء راح اظل معك على الخط...يله نومي ولا تزعجيني..."