تدري بعد ماغبت وش كنت اسوي..؟!!
كنت وخيالك..مثل جفن على عين..
كنت انتظر..والوقت كنه عدوي..
لاطال..زاد الشوق فيني بضعفين..!

ابيـه ومـا ابيـه! ولايغيـب بكـل حزاتـي
احبه واكرهه مدري! احبـه والعـن اوقاتـه
ليامن غاب عن عينـي افكـر فيـه واحاتـي
واذا عندي يضايقني كلامـه واكـره اسكاتـه
ماغيب الا لضروره.. واختصر بالحيل غيباتي
وهو لاغاب احسب بالثوانـي طـول غيباتـه
مابي شوفه وابي قربه ولا ابغا اجيه او يأتـي!
واراقب كني الجاسـوس روحاتـه وجياتـه!!

هذا انا ماقد صفالي.. بدنيتي غير الحسايف
ابتسم قدام حظي..وحظي اعمى مايشوف
عزتيلي احسب اني صاحبه بعد الطوايف
جيته اضحك للحياة..ورحت اصفق بالكفوف..
مادريت ان كل حب فالورى..كاذب وزايف..
اوله حيره ودمعه..واخره وحده وخوووووف...