في كذبة العشق..قلبي ضيّع سنيني..
غلطان يوفي ..إذا قلب الوفاء خانه..
مااقول: عشقه خطأ..بس الخطأ فيني..
سلّمته القلب..مع مفتاح بيبانه..!!

اخفي دموع العين لا حل طرياك فكري على ذكراك قلبي يقوده

قلب يداريك ما اظن يخفاك قلب بحبك يوم اثبت وجوده

يالساني احذر عن فمي لاتعدى,,
قدام لااعضك على الضرس والناب,,
احذر تودي هرجةٍ..ماتودى..
إذا بدت قالوا لك: الناس كذاب...

لك كم سنه تسأل وانا اقول بعدين ..
لا عاد تسألني عن اسباب هالصمت ..
بيني وبين الصمت عشره من سنين ..
وشلون اخون الصمت لامن تكلمت ..
بعض الحكي يوجع ولو كان حرفين ..
وش ينفعك لا من حكيت وتندمنت ..
واجد جروحي بس والله غالين .
من كثر ما اغليهم الا شفتهم قمت ..
جرحي الا اقبل قلت ياجرحي اهلين ..
معروف اني من عذابه تعلمت ..
والا زماني لو ضحك عارفه زين ..
ماهوب يبطي لو بوجهه تبسمت ..
لاعاد اجل تطرح علي سؤالين ..
وش فيك ماتضحك !! ووش فيك ما نمت ..