هاتها اوراقك وقرّب..واسمع لقلبي وقوله..
سجل حروف وتمعن في مساحات الشتات..
الهوى لامن تمكن..يهدي المملوك دوله..
والزمن..لامن تجهم يسلبك كل الجهات..

سولفوا تكفون لا عاد تسكتون ..
.. قبل لا أهوجس وياتيني بلاي
السكات يزود طعوني طعون ..
.. وتنكسر لا جا على راسي عصاي
سولفوا لو ما بغيتوا اتسولفون ..
.. قبل لا اقعد في الحزن رايح .. وجاي
واضحكوا لو بالعماله تضحكون ..
.. وجاملوني لو يضايقكم حكاي
لي وليفٍ راح جعله ما يهون ..
.. هو دواي وداي .. أو داي ودواي