لاتعاندي ثم اسويها واغيب...
ولاتهددني ترى كلي عناد...
يعني..وش يعني تكون اول حبيب؟
او تكون انت الوحيد بها المداد..
ماابالي ان غدى دربي صعيب..
ومااخاف ان كان موتي في البعاد..
اعرفك واعرف شعوري مايخيب..
لوبعدت..احلف بان الحب زاد
وخايفه اللي توقعته يصيب..
العناد....ثم الموادع....................والبعاد

يصوّت حبيبي وقبـل أقـول ياعونـك
شكى جروحه ورحت أشكي له طعوني

يقول مقدر أعيش اليـوم مـن دونـك
وأقول حتى ولو ماعشت مـن دونـي

يمكن أنا اكون أعز إنسان ف عيونـك
بس انت والله كل النـاس ف عيونـي

دام بحر الشوق للعاشق مسار...
لاتظنه يانظر عيني غزير..
لو يطول الوقت واسبح في انتظار..
اشهد ان الوقت لعيونك قصير..
ماعرفت الحال بعدك كيف صار؟..
غيبتك صحراء وميعادك غدير..
قلت انا للناس كلمه باختصار..
احتريك ومايهم اللي يصيـــــر..!