ياوقت .. دمعة عيوني مالهـا والـي
ولا لها غيـر ليلـه حـزن تسريهـا
من يوم غابت .. تعرضت الخلا الخالي
جنّت جنون المشاعر مـن تجافيهـا
جب صوتها حلم .. واتركني على فالي
اضحك واداري دموع العين واخفيهـا
ماتدري ان صوتها لا جا على بالـي
تعانق عروق قلبي عند طاريهـا .. !!

جيت المكان اللي من سنين جيتـه والفرق شاسع بين هـذي وهذيـك
العـام يملانـي الفـرح لانصيتـه لا قبلت يمـه ودي أطيـر وأجيـك
يا ما احتوانـي بالغـلا واحتويتـه ياما سمعت بكـل شبـرٍ خطاويـك
يامـا بكانـي مثـل ماانـا بكيتـه لا بعدت عني وانت تشـر باياديـك
أذكر صدى صوتك وهمسك فديتـه لا قلت يا.. ثم قلت لك سـم لبيـك
أّذكرك وأذكـر كـل شـيٍ حكيتـه سميتني نصفك وأنا ويش اسميك ؟؟
واليوم كل اللـي مضـى مالقيتـه يبكي مكاني من فراقـي ويبكيـك
ماعاد ينفـع يـا عساهـا وليتـه ماعاد يمدينـي ولا عـاد يمديـك

يـــضايقـــك ..

لو جيت أطمن خاطري

وأسأل :

وش اللّي .. مضايقك !؟

لو جيت الملم غيرتي

وأقتل بشوفك حيرتي

ما كنت أظن..إني إذا :

حبيتك أكثر من كذا

يا عمري

راح أضايقـــك ..!

ليــه غايب

أو عشاني .. مـت ..لين إني عرفتك

ودّك تعرف أش بسوي لا فقدتك

لا " تطـمن ! "

مابي خلاف..إلا إني :

كل ما أسهي لمحتـك ..!

تبي تشوف الغلا وشلون يلعب بي ؟؟
شوف الطفل لا لعب بألوان مائيه

تبيه تبيه تبيه
ماملت وظلت تحتريه
كل الوفا شفته على ذاك الرصيف ذاك المسا
كل الجفا شفته على نفس الرصيف نفس المسا
كانت تعظ ابهامها حيره
كانت تشب وتنطفي غيره
كانت تموت وتحتضر
كانت ابد ماتنتظر..ماتنتظر غيره