هذى هي اللي عندنا مالها طـب
.. .. .. .. .. ..لاصـــار من حبيت قلبي لعب به

غيـــــري إلامنه عرض له يرحب
.. .. .. .. .. ..ودربٍ أنا فيه أنوجد مايــطبه

وشلــون يعني..

وشلــون يعني..

وشلــون يعني مالنا بالغلا رب
.. .. .. .. .. ..لابــوه طيب ولعنبـــوها محبه

إن جيت ألمح له ومنــه أتقرب
.. .. .. .. .. ..ماكنــــــي إلا في حديثي أسبه

وإن جيت عنه أصد وأقول أبضرب
.. .. .. .. .. ..يثـــــوع ريحن فالحنايا بحبه

بلعـــون لامن الغلا بريحته هب
.. .. .. .. .. ..أونست لذة ريـــــحته في مهبه

ميـــــر البلا قلبه لعوبٍ مدرب
.. .. .. .. .. ..مـــاذاق مس الشوق وإلا المحبه

وعلــى رغـم ذلك أديـــبٍ مهذب
.. .. .. .. .. ..عـــــذروبه إنه فيّ ماخاف ربه

هــذي هي اللي عندنا مالها طب
.. .. .. .. .. ..لأهديــت قلبك من تبيه ولعب به
__________________

علمتني ان الغلا ان زاد عن حده عطا..
علمتني صدق الشعور للعاشق احساس ودليل...
وبعدها تركتني في عز ماحبك سطا...
وماكنت اظن ان السماء بفيضها كانت هميل...
"خليتني مابين ليه؟ايش صار ومنين الخطأ؟؟!
لوعتني جرحي همل نزف الم قلبٍ بخيل...!

مركون بين البحر والبيت وحداني...ابني لروحي امل وجروحي تهده
وامر قبل الغروب وارتب احزاني..اطوي شراع الهوى وانوح وامده
"لايابحر منهو اللي ناسي الثاني..انا او اللي هجر شاطيك من مده