قهر ياقلبي لاتشكي ولاتحزن ولاتسهر
سنين البعد تلعبك ونار الشوق حراقه
كثير الوقت يجمعنا لكن الوداع اكثر
كثر مامت في قربه اموت بلحظة فراق

اقسى من الهم والحرمان والذكرى..
احساسى انك لغيرى وانت فى ايدي

اتعبتنـي عيـونـي قــدّ مـاهـي بصـيـره
واتعبتـهـا يديـنـي قــدّ مـاهـي جـفـول
قلت : "خيره".. ولكن وينهـا و ويـن خيـره؟!
لا عيـونـي تـكـفّ.. ولا يديـنـي تـنـول
هيه.. وين انت يا للي كان مـا فيـه غيـره؟!
يفهـم اللـي اقولـه قبـل حـتـى لا اقــول
رحـت ادوّر حبيـبٍ مثلـك ابغـى استشيـره
واثـر مـا كــل زولٍ ينتـعـوّض ب (زول)
جيـت نـاسٍ تـزوّد حيـرة القلـب حـيـره
قلـت : "اطيـع الزمـان وكـل شـدّه تـزول"
قالوا : "العمر يكبـر".. قلـت : "كذبـه كبيـره
عمر الانسان يصغـر كـل مـا هـو يطـول"
قالوا : "الشعر بيت".. وقلت : "انا الشعر ديره..
..اعقـل اللـي سكنهـا فيـه طيـش مهبـول"
قالـوا : "اللـي فقيـر يحـب وحـده فقـيـره"
قلت : "واللـي يحـبّ يحـب وحـده خجـول"
قالـوا : "و ذيـك هـيّ الأولـه والأخـيـره ؟"
قلت : "ما ادري.. او ادري بس ما ابغى اقول"..!