ياصاحبي وان كان بالعين..دققت..
عرفت من حطك..على الناس غاليه..

وعرفت من يمسح دموعك الياغرقت..
خدينك بدمعك..وضمك بياديه..

وش فيك؟...ماكنك على شوفي اشفقت
ماودك بشوفي..وذكري وطاريه...

وراك لاجيتك من الغرب..شرقت!!
وان جيت لك من غرب..شرقتني فيه..

اغويتني بالشوق..حتى تعلّقت..
ماقلت لي:لا لا..ولا قلت لي: ايه

ماابعدتني عنك..ولاانت بلي اعتقت..
بين الرجاء والياس..قلبي تعنيه..

شفتك قراح الماء بعيني وصدقت..
واثرك سراب..ماسقى كبد ضاميه..

الله حسيبك..ليه بالقلب حرقت..
وطلح الحزن شبيت بالجوف صاليه..

قدقيل بالامثال..في ماضي الوقت..
من لايعرف الصقر..بالنار يشويه..

"كان انت لي مشتاق..انا كلي اشتقت..
وان كان قصدك..صد من صد ماابيه"

واعرف لغير الله مايوم دنقت..
ولا ارخي لغير الله راسي ولا احنيه..

ولاتحسب اني من فراقك..توهقت..
جرحي..وابلقى له طبيب يداويه..

ذا كبرياء الجرح..لامن تضايقت..
واداوي جروحي بشعري واغنيه..

ولاضاق صدري في سما الشعر ..حلّقت..
اشعل دجى ليله..بنجمي واضويه..

ياصاحبي..لوكان بالعين..دققت..
المتلي يتلا....مامشى خلف تاليه..

أنـا | كبـرت | بـ عيـن جرحـي و شكرنـي
و سكـرت فـي : وجـه العفـو : كـل الابـواب !
الـدرس ~ قاسـي ~ بـس أنـا بـ اعتبرنـي
انـّي بعـد هـ اليـوم .. بـ / احسـاس كـذاب !
هـو ليـه : أعاتـب : و أنـا محّـد(ن) : كسرنـي
الا أعـز النـاس ؟؟ - وش عـاد ~ الأغــراب ~