عشنا على كف القدر فوق يده
الله خلقنا عباد ونفني له عباد
ولا حاصل للحي ماكان وده
ولا حاصل للي يموتون ميلاد





ياكثر مانذكر من الناس غالين**** تحت الثرى ماعاد فيهم رجوعي



مذهلة

تسولف لي عن الضيقه وانا كلي ألم وأحزان
وأنا من وين ماناظر بعيني شفـت ضيقاتـي

تسولف لي عن الضيقه وأنا عنوان للحرمـان
دخيلك لا دخيل الجـرح لا تكشـف معاناتـي

دخيلك لا تشجعني أسولف وأكسـر الكتمـان
تعبت من السكوت اللي تعود يسكـن بذاتـي

عليم الله مافيني شبر يضحك فرح وأشجـان
وأنا لو جيت ابضحك لك أجيك أضحك بدمعاتي

أناظر للبشر حولي أحد يضحك أحـد طربـان
وأنا صعبن علي أضحك أسايرهم بضحكاتـي

عجزت أكذب على نفسي بفرحه ما بها ألوان
وحزني ما عجزعنـي بـدا يرسـم نهاياتـي

طريقي صعب وجروحي كثير وداخلي ضميان
أبي لو يوم واحـد أحـاول أجمـع شتاتـي

أنا قصه تبعثـرت وتطايـرت بزمـن خـوان
تعلمت أخسر البسمه وأداري عضـة شفاتـي

أبكتب لك وبالخط العريض وريشـه الفنـان
أنا الخسران توقيعي وانا الخسران بصماتـي


أكمل لك عن الضيقه اكمل لك عـن الأحـزان
تأكد لو بكمل لـك تصيـح وتطلـب سكاتـي
هالابيات كلها تعبر عن حالتي :(

تقول الله خلقني والحزن توأم
محل ما رحت يصير الهم عنواني
عجزت أعشق مثل باقي البشر وأحلم
تعبت أنزف أدور نصفي الثاني
سنيني كلها ضيقه شقا وعلقم
ولا أدري لي متى والحيرة تهواني
غريب وكل ما حولي بني آدم
محد فيهم قدر في لحظة يقراني
أسولف وأبتسم وأضحك وأنا أتألم
وأجامل والأسى يطحن بوجاني
وأشوف العمر يطويني ولا يرحم
وأشوف الحظ يتباهى بخذلاني
أبي كف أصافحها ولا أندم
وأبي أنسى وينساني التعب والهم
قبل لا ينتهي عمري وانا أعاني



مذهلة