المنتدى :
الشعر والشعراء
@@* معافي زمــــــــانه *@@
ألا واهني اللي من الحب مايهتم*********يطيب الزمان ويختلف شين.. ماهمه
معافى زمانه لا يهوجس ولايندم*********يقضي ليال شباط والقيظ ..عند أمه
وأنا اللي عيوني تزعج الدمع دمعه دم****وأخفي جروح الروح والروح.. منسمــّه
سبب جاهل لاهوب يصخف ولايرحم*****لو إني من أقصى الناس والا.. ولد عمه
ضربني وأنا ماني بطاغي ولا مجرم*********أنا بالبخت ياهافي الوسط ..والذمه
إلى صار دينك جايز ذبحة المسلم********فاللي حل ذبحي خل ذبحي على.. يمه
ألا يامربي قذلة تقل ذيل أدهم***********من العنبر الغالي على بعد ..له شمه
أبي شربة تشفي غليلي من المبسم*********إذا كان تسمح لي على مطلبي.. تمه
صويب المحبة لو نجح دور مايسلم********يسومل على همه وهو ناشفٍ.. دمه
ياليت الثريا مااعترض دونه المرزم*******لما الكبد يطفي حرها بارد الجمه
حرام الهواء غيرك من الناس مايلزم *****إلى صرت غيري ماتلد النظر.. يمه
الشاعر : حمد المغيولي
|
07-09-07, 07:59 AM
جديد مواضيع قسم الشعر والشعراء
العرض العادي
