المنتدى :
الشعر والشعراء
ابيعك وانت خــــــــــــــــابرني...
*********************************
اتعبني الحلم لين الواقع انكرني 000 كني مسكت الفرج بيدي وهديته!!
مافيه داعي على فرفاك تجبرني 000 حتى الجفا منك ولعني وحبيته!
الجرح عدّى زمانه .. لاتذكرني 000 هذاك وقتٍ ..تعذرته.. وجافيته
لوشفت دمع القصائد كان تعذرني 000 تصور ان الشعر يضحك وبكيته!
ماغيروني ياكود الله يغيرنـــي 000 كم واحدٍ عنك يبعدني ورديته
وفيت وادري وفايه مايصغرني 000 صوبت يم الهدف لكني اخطيته
من طارسرب الغلاوالشوق طيرني000 شف ماعلى الارض واحد ماتعديته
خليت قلبي معك والله يصبرني 000 مبطي وانا اقول قلبي وين خليته؟؟!
نسيت اعلمك طيفك جاء يسهرني 000 بس انت ماشفتني وشلون ضميته
اشتقتلك مابغيتك عاد تشكرني 000 تغيب والشوق ماعمري تباطيته
ماخذ على خاطري والبعد قاهرني 000 مدري شسوي وانا كل شي سويته؟؟
وين انت رايح ولاكنك معبرني 000 ماكني اللي على العالم تمنيته!!
لاصار هذي علومك راح تخسرني 000 ماعمر احدٍ راح من كيفه وناديته
عند الكرامه ابيعك وانت خابرني 000 الله وكيلك ترى كل شي سويته
كانه هجر بالسلامه روح واهجرني 000 اخوي لاصد عني ماترجيتـــــــــــه!!!
***********************************
|
05-09-07, 10:17 PM
يسلموووووووووو اجمل احساس
جديد مواضيع قسم الشعر والشعراء
العرض العادي
