المنتدى :
الارشيف
البوم اصالة الجديد لايفوتكم عاد ادخلو
طلبتك ..
طلبتك لا تحاكيني .. عن احبابك ولا ذكراك ..
ولا ودي تعلمني عن الماضي ولا أدري ..
انا ما همني الماضي ولا ايامه قبل ملقاك ..
انا عندي بدايتنا .. بداية عمرك وعمري ..
اخيرا جيت يا وجهٍ ..
قضى عمري وانا استناك ..
وجيت بصورة فاقت خيالي وحلمي العذري..
حبيبي خلنا نبدا حكايتنا انا وياك ..
قبل ما الوقت يسرقنا ولحظات الهوا تسري ..
انا ابغى حبنا راقي .. يودينا بعيد هناك
لدنيا ما بعا فرقا .. ولا كذبة ولاغدر ..
اذا عالوصل .. انا اعاهد وربي ما بيوم اجفاك ..
لا اخجل بالعطا غيري .. واجازي صبرك وصبري ..
انا طمعان بوصالك .. وشاري بدنيتي دنياك ..
وحب بالحب في دنيا ..
تبيع احساسي او تشري ..
اذا شاري سنين العمر ..
يا عمري الهوا يفداك ..
واذا انك بعت لا تنطق ..ابأعرف عندها قدري ..
_______________________________________________
تبي تتركني ..
تبي تتركني .. اتركني ..
تأكد اني ما حازعل ..
ولا اسال وش تفاصيل البعاد .. وطوله ونوعه ..
ولكن قول انا ماشي .. ترى بعض الوداع اجمل ..
من هروب الحبيب اللي ترك له ناس موجوعه
اذا حبي ما يعنيلك .. اكيد ان الفراق افضل ..
واذا عيني بتبكيلك اكيد العين مخدوعه ..
واذا انت اللي بتتركني ..
ولا احد جابرك ترحل ..
حرام اتضايق واشقى .. وانا اللي رايح بطوعه ..
انا بقول لك بنسى .. ولكن مستحيل اسأل
ابأحبس اصغر انفاسي لو الهمسات مسموعة ..
انا بتذكر ايامك .. ولا انسى حبي الاول ..
بتبقى صورتك عندي .. بوسط الروح مطبوعه ..
حبيبي لو بترجع لي .. وتعطيني العذر بأقبل ..
ابأغفر للحبيب .. اللي .. غياب احبابه يلوعه ..
ومهما طول غيابك .. بتبقى رحمتي اطول ..
تأكد في شرع قلبي .. لك الاقلام مرفوعة ..
_____________________________________________
لا تخاف ..
لا تخاف من الزمان ..
الزمان ماله امان ..
خف من اللي كل امانك في ايديه وتامنه ..
لو حبيبك ما وفالك .. لو حبيبك فيك خان ..
وايش ترجي من زمانك .. النتيجة باينة ..
نكتشف مر الحقيقة .. بعد ما يفوت الاوان ..
قلت لك لا تندفع له ..
قلت حبي صاينه ..
وين هاللي صان حبك .. ما اشوفه يوم بان ..
قلبك اللي هوا قلبك .. لا تحسبك ضامنه ..
لا تتعذر باحتياجك ..
كلنا ناقص حنان ..
كلنا طفل يتمنى اي شخصٍ يحضنه ..
نبني الدنيا وحنا .. نوقف بنفس المكان ..
للأسف ينقص وفانا .. مع مرور الازمنة ..
_______________________________________
شموخ عزي ..
من يقول انك تحب ..
من يقول انك وفيت ..
كل هذا كان له ..
ياما خذت ولا عطيت ..
كافي ما جا منك كافي ..
بان لي ما كان خافي ..
كنت اظن الحب وافي ..
واثرك حبك خسارة ..
كم تناسينا خطاك ..
ما يهمك وش يصير ..
بعت قلبي اللي عطاك ..
صدق ما عندك ضمير ..
غلطتي ارخصت نفسي ..
يوم اضويتك بشمسي ..
بكرة ماهو مثل امسي ..
قلبي وتغير مساره ..
كان قلبي في ايديك ..
ضامنه لا ما يخون ..
لا ولا بحلمك اجيك ..
هذا في حكم الجنون ..
اذكرك ياللي انت ناسي ..
و اوقف بوجهك يا قاسي ..
شموخ عزي واحساسي ..
يسوى كوني ومداره ..
_______________________________________
كلمة شكر ..
كلمة شكر يابووي . . ما توفي الشعور ..
واحساسي صوبك يا بعدي اكبر كثير ..
مهما شكرتك .. لازم اشعر بالقصور ..
بنتك يا بو عبدالله .. تشوفك كبير ..
غالي يا بوي .. وقلتها .. بقلب فخور ..
يا تاج احطه وين اسير ..
ياللي غلاك بقلبي بانيله قصور ..
قلبي بلادك .. وانت يابوي الامير ..
تتكحل عيوني .. ويغمرها السرور ..
كل ما تشوفك مبتسم قلبي يطير ..
يا نور كل ما شفته زاد بوجهي نور ..
ما دامك انت بخير .. هالدنيا بخير ..
وان جيت الف الكون ذا كله .. وادور ..
بلقاك شي بهالزمن ماله نظير ..
يعني اختصار اللي بقوله من شعور ..
موزة .. يا ضي عيونها تحبك كثير..
___________________________________
سواها قلبي ..
سواها قلبي .. يا حبيبي وحبك ..
ما طاعني وانا عن الحب ناهيه ..
الظاهر انه .. ما يبي غير قربك ..
عاف الجميع واول الناس راعيه ..
عليه ما اوصيك لاصار جنبك ..
صبح عليه بحب .. وبحب مسيه ..
نبضه وفا .. وبتضحياته يعجبك ..
صافي ولكن ما لقى من يصافيه ..
خلا دروب الكل واختار دربك ..
داريه تكفه قد ما فيك داريه ..
وابشر بقلب ما يبي غير قربك ..
يموت وغير محبتك ما سكن فيه ..
_______________________________________
ديرة الغربه
الله يسامحك على كل ما جاني .. القلب لعيونك الثنتين أعذر به
والا طموحي في راسي واسأل امتاني .. اكبر من اللي على شرواك أجاهر به
تذكرني ايام سعدي واتناساني .. في الضيق والهم واللوعات والكربه
تدري وش الغربه اني داخل اوطاني .. واعيش مثل الغريب بديرة الغربه
لا تعتذر عذر ما يقنع على شاني .. وان كان به عذر تكفى لا تعذر به
لكن تذكر بان ابن آدم ٍ ثاني .. والكبر صاحبه له يوم يحدر به
في الحب ساير تعيش الحب وحداني .. وتحارب الناس عقلك ما تفكر به
الاول اللي يعاني مثل ما اعاني .. واليا شعرت الذي بالشوق يشعر به
واللي خفوقي على شوفته طرباني .. كل الدروب العفيفه تطمح لدربه
ليا تحدى لا قمت اتحداني .. وانا مكاني على النشبات افاخر به
_______________________________________
أقرب قريب
أضيـــــع في الدنيا بلياه عني عذولك لا يردك
إنت تامر واللي تطلبه ياك الا الوداع وصوت صدك
أقرب قريب الروح تهواك والله وربي ما اردك
إنت تامر واللي تطلبه ياك الا الوداع وصوت صدك
إنت حبيب الروح تفداك يا مبهدل العالم بقدك
حتى شفوفه تتبع رضاك واكثر من ودادك يودك
إنت حبيب الروح تفداك يا معذب العالم بقدك
حتى شفوفه تتبع رضاك واكثر من ودادك يودك
يا نور باسري وين مسراك بحدد حدودي بحدك
اضيع في الدنيا بلياك عني عذولك لا يردك
وابرد بثلجك واتدفاك تلمس كفوف ايدي خدك
أحبك أكثر واتحداك تلقى بقلبي من يندك
وكذاب لي قال لك بنساك لو تقوي الصده بردك
أقرب قريب الروح تهواك والله وربي ما اردك
_______________________________________
أمنيه
والله اني ما اتمنى في حياتي الا شي اني املك كل هالدنيا بايديا
ما اسمعك في يوم تنطق كان ودي
قبل لا تحلم احقق قبل لا تحكي اقول قبل لا تشكي همومك لك اجي كلي حلول
وليت كل هالكون بايدي لاجل احقق كل ما تبي
ادري امنياتي هي مجرد امنيات لو اني املكها حياتي كنت ابهديك الحياة
بس اشوف الإبتسامه ما تفارق دنيتك ياللي كل ايامي تضحك لما المح بسمتك
انت يا عزي وذلي واجمل اجمل ما حصل لي ويش اقدم لك سواي
وارمي ايامي تحت اطهر خطاك ياللي كل ايام عمري قبل ما احبك خطا
اي قهر والله قهر اني ما اقدر حتى اقدر اوصل حدود السما لاجل اهدي لك قمر
ودي ودي والله ودي بس مافي ايديني شي
--------------------------------------------------------------------------------
ياعمري الدنيا ماتسوى
ياعمري الدنيا ماتسوى تنام وخاطرك زعلان
ولابها شي يستاهل يخلي قلبك يعاني
طلبتك إن كان لي خاطر تباعد عندك الأحزان
فديت عيونك الحلوة تبتسم لو على شاني
حبيبي صاير لي مدة أشوفك تايه وحيران
وانا والله لا شفتك حزين تزداد أحزاني
انا أحبـــــــــــــــــــــــــــــــــــــــــــــك
ولا ودي تعيش بدنيتك ندمان
ترى الأيام محسوبة وتالي العمر فاني
|
28-07-07, 01:05 PM
جديد مواضيع قسم الارشيف
العرض العادي
