المنتدى :
الارشيف
يوميات أتعس موظف .. أدخل .. لا يفوتك ..
 حبيت أديكم أسوء يوميات حصلت لموظف
هذي قصة واحد يشتغل بالاستعلامات
الله يكوووووون في عوووووون هذا الموظف...
كان الموظف مرهق ومزاجه مش ولابد وخصوصا والمايك معلق على رأسه وهو يستقبل مكالمات المشتركين:
المكالمة الأولى : شايب كبير السن
الموظف : الو ..استعلامات الدليل محمد الــ......, مرحبا
المواطن : الو .. ممكن لو سمحت تعطيني رقم عبد الله فهد سعد
الموظف : وين ساكن اخوي لو سمحت
المواطن : ساكن هنا قريب منا .
الموظف : وين قريب منكم بالضبط .
المواطن : يا خوي هنا جمبنا جارنا ماتعرفون رقمه .
الموظف : ياعزيزي أنا مادري أنت وين بعد .
المواطن : أقول والله ماعندك ماعند جدتي بس .
طوط طوط انقطع الخط
المكالمة الثانية : صوت ناعم
الموظف : الو ..استعلامات الدليل محمد الــ......, مرحبا
الصوت الناعم : هلا اخوي ممكن تعطيني رقم بيتزا هت بس مابي فرع النسيم دايم تعطوني إياه
الموظف : أي فرع تبغون رقمه .
الصوت الناعم : تدري ايش فيه فرع النسيم بايخ لآن البيتزا حقتهم توصل باردة .. وبعدين شكلها خبز تميس .
الموظف : بيموت من الضحك بس ساكت . .. طيب خوذي فرع العليا اجل
الصوت الناعم : ياخي ليه ماتضحك .. لايكون انت صاحب بيتزا هت ..مالت عليكم وعلى دمك .
طوط طوط انقطع الخط
المكالمة الثالثة : طفل يرفع الضغط
الموظف : الو ..استعلامات الدليل محمد الــ......, مرحبا
الطفل : الووووووو عطني رقم وشسمه ..هذا..وشسمه ياربي .. ايه ... حمود بادي فرج
الموظف : طيب خذ رقمه
الطفل : لحظه ابي رقم ثاني بعد . ابي رقم هذا وشسمه ... مانع فالح سامي الموظف : طيب خذ رقمه ؟؟ (ممنوع أكثر من اسم في مكالمة)
الطفل : طيب أبي واحد ثاني هذا رقم أبو نادر عمي سعد .
الموظف : اتصل مره ثانيه لأنه ممنوع أكثر من رقم في اتصال واحد .
الطفل : أقول وجع .. يوجع بطنك (ألفاظ قبيحة).. ترى مالك فضل ... أنا ماكلمك مجاني اكلم بريالي .
الموظف : يخرج من طوره ( أقول اسمع ............. طوط طوط قفل الخط
المكالمة الرابعة : كانت صوت ناعم
الموظف : الو ..استعلامات الدليل محمد الــ......, مرحبا
الصوت الناعم : عوافي اخوي .
الموظف : الله يعافيكم يارب ........ ( أول مره احد يعطيه روح معنوية)
الصوت الناعم : لا أنا قصدي ابغي مطعم عوافي اللي في العليا .
الموظف : طيب خوذي الرقم ؟؟؟
المكالمة الخامسة : كانت صوت ناعم أوي
الموظف : الو ..استعلامات الدليل محمد الــ......, مرحبا
الصوت الناعم : مرحبا اخوي ممكن تعطيني مستشفى العيون للولادة .
الموظف : كيف ..
الصوت الناعم : مستشفى العيون للولادة .. تسمع يا اصقه .
الموظف : يبي يصرفها المكالمة مسجله طبعا ( هذا رقمه غير معلن ) .
الصوت الناعم : طيب ظف وجهك .
طوط طوط انقطع الخط .
المكالمة السادسة : كان صوت ناعم.. بنت
الموظف : الو ..استعلامات الدليل محمد الــ......, مرحبا
الصوت الناعم : هلا اخوي ممكن تعطيني رقم صيدلية السقاف
الموظف : تفضلي الرقم ؟؟؟؟
الصوت الناعم : لا لا لا هذا رقم صيدلية السقاف اللي في الروضة
الموظف : طيب ايش فيها .
الصوت الناعم : ماهي زينه ... مايبيعون إلا فقس ..
طوط طوط انقطع الخط .
المكالمة السابعة : كانت فتاه أيضا
الموظف : الو ..استعلامات الدليل محمد الــ......, مرحبا
الفتاه : عيوني.
الموظف : بلا هالكلام ايش تبغين .............(عشان المكالمة مراقبه).
الفتاه : لا أنا أبي محل عيوني للعدسات والنظارات اللي في التحليه .
الموظف : ايش اسمه عيوني.
الفتاه : لا مو عيونك عيوني أنا ياعيوني .
الموظف : خوذي رقمه ؟؟؟
الفتاه : طيب شكرا لعيونك اللي كنها عيون بقره ...ههههههههههههههه عندها بنات يضحكون .
الموظف طلع وترك الدوام (مسكيييييييييييييييين )
من كشكول الموظف التعيس ههههههه
تحياتي ... Nimo
|
27-07-07, 01:39 AM
جديد مواضيع قسم الارشيف
العرض العادي
