المنتدى :
الخواطر والكلام العذب
دعاء الكروان
فى وقت الشروق سمعت صوت الكروان افتكرتك
ولقيته من شوقى ليك ولصوتك زعلان وتخيل منك بيغير
ولما لمحت الحمام الابيض طاير فى السما
حسدته لانه قادر يطير
وقلت لو كان بامكانى أملك جناحين
أجيلك وده عليك حبيبى مش كتير
واحشنى وان كان السكوت غالبنى
فالصمت فى الحب ابلغ من الكلام تعبير
وفى عز الليل ما يسدل ستايره أحسك
زى نور القمر يحول ستاير العتمة لحرير
تعرف ان وجودك فى حياتى زى طاقة نور
توهبنى فى ظلام الحياة بريق من ياقوت منير
وانى بملك قوتى من قوتك وفى لحظة احس
ان من ضعفى فيك بقيت فى قربك زى الطير الأسير
وفى بعدك احس بخوف مالكنى كان العمر بساط
بيتشد من تحتى وقلبى يتسرب من جواه النور ويصبح ضرير
تخيل انى عرفت دلوقتى بس انى فعلا بحبك
وبحبك كتير
|
20-07-07, 12:52 AM
جديد مواضيع قسم الخواطر والكلام العذب
العرض العادي
