المنتدى :
التاريخ والاساطير
* أسطورة المينوتور *
مينوتور : ( مينوس + توروس ) في الإغريقية وحش نصو كإنسان ونصو التاني كثور
يعيش في المتاهة الي بناها ( ديدالوس) لـ ( مينوس ) ملك كريت .كانو يقدمولو قربان سنوي من
سبعة شباب وسبع عذارى الين قتلو ( ثيذيوس ) ابن ملك اثينا.
تذكر الاساطير الاغريقية لـ ( ديدالوس ) انو هوا أول مين حاول الطيران في التاريخ واستعمل
جناحين من شمع
وللأسف سوا التجربة دي مع ابنو ( إيكاروس )
وجاك التاني دا واتحمس
وقرب من الشمس أكتر من اللازم ودابو الجناحين وطاح (إيكاروس) و غرق في المحيط
كما يذكر لـ ( ديدالوس ) انو هو الي بنى ( اللابيرنث ) أو ( المتاهة ) في ( كريت ) وكريت
هيا جزيرة يونانية على فكرة
وكان بناء المتاهة هوا الحل السعيد الي لاقاه للتخلص من كارثة بيولوجية حطت على دي الجزيرة
( مينوس ) ملك ( كريت ) كان عندو وحش من دي الوحوش الشنيعة الي معبية
الاساطير الإغريقية
وما كان اسوأ من ( ميدوسا ) لكن كان سيئ بما يكفي
كان دا الوحش مزيج من الانسان والتور
وفي روايات تقول : انو التور كان هوا النصف العلوي
ورواية تقول انو التور كان هوا النصف السفلي مو مهم
المهم انو كان مزعج ومرعب بزيادة وكان يقتل كل مين يقرب منو وبالتأكيد ما كان يصلح لتربيتو
زي توتو بسة زيادونست ههههههههااي
لكن ( مينوس ) الاهبل جا على بالو انو من المفيد انو يحتفظ بـ ( مينو تور ) في بيتو ودفع ثمن
دي البلاهة غالي
لما زاد شر الوحش استنجد الملك بالمهندس الإغريقي العبقري ( ديدالوس )
وشكلو المهندس فكر كتير مرررة كتير في حل دي المشكلة وشكلو اجرى حسابات دقيقة .. و
بعدها لما جا ينام طل في السقف وقال : حنبني ( اللابيرنث )
( اللابيرنث ) في الإغريقية معناه : التيه او المتاهة حنحيط دا الوحش بممرات
معقدة ومنحنيات وشعاب متداخلة وخلي الوحش بين الممرات ليوم يبعثون عاجز عن الخروج
وساردا (الابيرنث) المعقد جزء من معالم ( كريت ) ويقولو انو لو بقايا لدحين ومتاهة كريت هيا
اساس كل الالعاب اللي نعرفها حقت المتاهات وزي كدا واللي تضيع وانتا تحاول تخرج منها وافلام
لكن القصة ما انتهت والجزء السيء منها بيبدأ دحين
فاز ابن (مينوس) ملك (كريت) بالالعاب الاولمبية في (اثينا)
زعل ابن ملك (اثينا) وأكل الحقد قلبو فأرسل قطاع الطرق وهاجمو ابن ملك (كريت) وقتلوه ورمو
جسمو للحيوانات الحق ينقال انها كانت خيانة وسخة بجد
أما المصيبة فهيا انها وصلت بالكامل ل( مينوس ) فانجن الرجال واخد جيشا مهول زحف بيه على
(اثينا)
وما جا الصباح الا والاراضي مليانة بدم قتلى الإغريق
وبدأ حصار ( مينوس ) الطويل لمدينة( اثينا ) عشان يرغم اهلها على الاستسلام وكان الحصار
مرهق سار في شح في الموية والاكل وأرسل ( ايجوس ) ملك (اثينا) ل( مينوس ) يعرض عليه
الصلح لكن الابو المكلوم في ابنو رفض الصلح وقال انو كل اثينا ما تكفي عوض عن ابنو
وبعد تفكير قال انو يكفيه انو يرجع بسبعة من أجمل وأقوى الفتيان .. وسبعة من أجمل العذارى
ويأخدهم معاه ل( كريت ) عشان يرميهم ل( المينوتور)
وما لاقى ملك ( أثينا ) غير انو يوافق على دا العرض الي حيتكرر كل سنة ولا فهيا الحرب
ورجع الكريتيون لجزيرتهم حاملين لوحشهم صيد يكفيه لمدة عام سنة
ومرت السنين
وأهل ( اثينا ) يدفعو الفدية وهما مستسلمين الين ظهر ( ثيذيوس) و ( ثيذيوس) بالمناسبة هوا
ابن الملك ( إيجوس ) من عذراء ريفية حسناء قابلها في وحدة من رحلات الصيد ( ثيذيوس
إيجوس ) باشا زي مانتوقع هوا بطل إغريقي متحمس من الشباب الي يفتشو عن المشاكل
بالمجهر ودي الشخصية ذات البعد الواحد تتكرر بافراط في الاساطير الاغريقية البطل مفتول العضلات
عاري الصدر بسيفو البتار وغضبو الجبار وبحثو الدائم عشان يرث عرش مملكة ما ودايما هوا يتحرك
طبقا لنبوءة
كلهم كدا من ( اوديب ) ل( أخيليس ) ومن ( هرقل ) ل( برسيوس )
وكدا تقول الاسطورة انو ( ثيذيوس ) أصر على أبوه في انو يرسلو ل( كريت ) دي السنة عشان يكون
ضمن المجموعة الي حياكلهم ( المينو تور ) وقال: " يجب أن يعلم أهل ( أثينا ) أننا نجرع ذات
الكأس التي منها يجرعون "
بدا الحس الديموقراطي الفظيع ركب ( ثيذيوس) السفينة مع المجموعة ووصلت السفينة ل
( كنسوس ) عاصمة ( كريت ) ونزل منها الضحايا القادمين
لكن ابنة ( مينوس ) اعجبت بـ ( ثيذيوس ) الوسيم القوي ناسية أو متناسية انو أخو قاتل اخوها
وقررت انقاذو فادتو خيط قالتلو يربطو عند بداية ( اللابيرنث ) ويدخل المتاهة فيدور على (المينوتور)
ويقتلو بسيفو بعد كدا يقدر يرجع ويسترشد بطرف الخيط الي معاه كدا ما حيضيع طريقو
ويموت زي ما بيسير للي قتلهم (المينوتور).
نجح ( ثيذيوس ) في قتل الوحش ورجع واتزوج البنت وكان الصلح بين ( اثينا ) و ( كريت )
وتعم السعادة البلاد.
وبالمناسبة لازم نذكر انو المينوتور ما زال ماثل لعلماء النفس حيث انهم شايفين انو (المينوتور)
يرمز لامتزاج البهيمية والنبل في نفس الانسان
طبعا دي مو الاسطورة كاملة قد ما هيا نبذة عنها
راح حاول أدور عليها كاملة
|
17-07-07, 09:16 AM
جديد مواضيع قسم التاريخ والاساطير
العرض العادي
