كاتب الموضوع :
اجمل احساس
المنتدى :
القصص المكتمله
::::الجزء العاشر::::
مر كم يوم على سالفه ناصر..وهو مايجلس كثير بالبيت..ام محمد ماقصرت بشئ من يوم قالها فرحت اكثر منه بس خافت على مستقبل البنت انه يحجر عليها وبالنهايه يطلع كله حركات مراهقه.. عشان كذا تمهلت وشاورت ابو محمد وقال مافيه شئ اذ الولد انربط من الحين دامه راضي بالعكس اقل شئ يتعود على المسؤوليه وقال لها تفاتح اخوها بس تكون السالفه بينهم لين مايجي الوقت المناسب.. كلمت حماه مها ام سلطان عن منال..وهي من جاها الخبر وهي متضايقه تفرح او تحزن..اللي خافت منه صدق جوها خطاطيب مثل ماقال ناصر..
من بعد ماجتها خالتها وتحس ان شئ مو طبيعي..."له كم يوم مطنشني..ياربي وش صار فيه؟...جواله اغلبيته مقفل او مايرد على ..ابغى افهم وش صاير..لازم يفهمني مو معقووله اصير اطرش بالزفه"....دقت عليه وقلبها يدق بقوووة وطووول مارد وانقطع ورجعت دقت وعلى اخر شئ رد...
خالد من غير نفس:الوووووووو
هديل مستغربه:خالد..شلونك؟؟؟........"ياربي ليش كذا يتكلم معي"
خالد بنفس نبرته:الحمدلله....وشلون امي منيرة؟؟؟
هديل:بخير.....بس امي منيرة تسال عنها وانا لا..؟؟؟
خالد:والله بكيفي اسال على اللي اعزهم واحبهم........"هديل انصدمت من الكلام"
هديل بعبرة مخنوقه:اسفه على الازعاج اعتقد دقيت على الرقم بالغلط......عالطوول سكرت
وجلست تناظر بجوالها على امل يدق بس مادق وعالطوووول صاحت ورمت الجوال..وجلست كل اليوم محبوسه بغرفتها ولا نزلت تحت...من ناحيه خالد كان متضايق اكثر منها مو قادر يصدق اي شئ..اول ماسكرت يناظر بشاشه جواله وقلبه متقطع عليها" لاياهديل منتي غلطانه..بس ليش سويت كذا..لو انك رافضتني من الاول اهون علي من اعرف من الناس..يارب ساعدني..اقووول لامي او لا..صعبه اقووولها اخاف تنصدم ببنتها..احسن شئ لازم اصفي معها كل شئ بهدوووء من غير محد يعرف"..
ام محمد:هاه ياخوووي وش رايك بالكلام اللي سمعته.؟؟ ...
ابو سلطان بحيرة:والله ياختي مدري وش اقووولك..لو الف العالم ماراح احصل واحد مثل ناصر يحافظ على بنيتي..بس ؟؟
ام محمد بحيره:بس وشو ياخوووي عسى خير..؟؟
ابو سلطان:خير ان شاءالله..ام علي حماه مها بنت اخوووي متقدمين لمنال لولدها مشعل..؟
ام محمد بضيق:يعنى افهم ؟؟؟
ابو سلطان:لاتفهمين غلط الله يهديك..بس حبيت اعطيك خبر؟؟
ام محمد:وش رايكم انتم وش راي منال..؟؟؟
ابو سلطان:انامدري وش اقووولك..ومنال للحين تفكر ماردت لنا.؟؟؟
ام محمد:طيب ياخوووي الزواج قسمه نصيب..ناصر وش اقووله
ابو سلطان:لاتقولينه شئ قووولي بنشاور البنت..وانتي تعرفيني يا نورة مااغصب بناتي على شئ مصيري..وانا بقوول منال وهي اللي تختار..؟؟
ام محمد:عساك سالم يابو سلطان وتاكد لو منال مااختارت ناصر والله بفرحلها وكانها بنتي وعسى ربي يوفق الجميع..يله انا بروح الحين...
ابو سلطان:لاوالله ماتطلعين لين ماتتعشين..ولاتقووولين ابو محمد وغيره...يجي هو الثاني يتعشى عندنا...اعوذبالله ماكننا اهل لاعشى ولا غداء اللهم الجمعه اللي ضافتنا..
ام محمد تبتسم:الله يخليك لنا ويخليك لعيالك خلاص والله ماكسر كلامك بتعشى وانت تفاهم مع مبارك
من بعد ما كلمت عليه اخر مرة ماصارت تطيق احد ولا تبغى تعرف اي شئ..الاسواق ماصارت تروح بحكم انها تعبانه او تكون نايمه ومالها مزاج لطلعه..ونزلت لان جدتها تبغاها
هديل بصوت تعبان:هلا يمه بغيتي شئ.؟؟؟؟
الجده:ايه...وش فيك يمه عسى ماشر ماعاد تنزلين وتاكلين وش فيه ليكون خالد للحين زعلان عشان السكن والله يايمه ماكانت اقصد شئ وكنت امزح واذ على خالد انا بكلمه وانتم احرار تبغووون تكسنووون عندي ياهلا ومسهلا واذ تبغون تسكنون ببيت عمتك الله معكم بس لاتسوين بعمرك كذا حتى عماتك مستنكرين تصرفاتك وخلاص براحتكم وهواكم...كانت بعالم ثاني مو عالم امها منيرة عالم خالد اللي تغير عليها ولاصار خالد الحبيب
الجده:هديل...وش فيك يمه...اذ على خالد انا اكلمه
هديل تحاول تكون طبيعيه:لايمه مافينا شئ...بس احس بشويه صداع
الجده:بسم الله عليك...اكلتي بندووول..
هديل قايمه:ايه اكلت...والحين اسمحيلي يمه بروح انام شوووي ...حبت راسها وراحت وهي تسمعها تدعي لهم..طلعت لفوق بخطوات ثقيله ووصلت لغرفتها وقفلت بابها وحطت راسها وهاجمتها نوبه بكى قويه ونامت من بعدها.....
خالد اللي قرر يجي لعندها يتفهم معها مو معقوله يجلس متكتف يدينه موعارف وشلون يتصرف..
حمد:خالد اشوفك مهموم....عسى ماشر؟؟؟
خالد يحاول يبتسم:ماشر ياحمد..بس مشاغل بالدوام......يشرب القهوة
حمد:خالد انا اعرفك زين اكثر من اخوانك وعمتي..وش فيك؟..صاير شئ بينك وبين هديل؟
خالد:مشكله وان شاءالله تنحل لاتشغل بالك....
حمد:خالد انت تعرفني ماحب الح عليك ...واذ بغيتني تعرف تلقاني.....
خالد يبتسم:ادري وربي ادري بس خلني اتصرف هالمرة ومن حالي...
حمد:ولو انك تسمع من غيرك احسن..بس دام ماتبغى براحتك وانا واثق انك بتجي وتتكلم...
جلسوووا يكملووون قهوتهم وسوالفهم بس خالد بعالم هديل اللي للحين مو مصدق اي شئ عنها
ام نواف تكلم امها:ليش يمه وش فيها...؟؟
الجده:والله مدري عنها...حتى الاكل ماتاكل مثل الناس مدري وش صار فيها اكيد متهاوشه مع خالد اجل تحبس نفسها ولا اشوووفها..
ام نواف متضايقه:خلاص يمه انا بكلم خالد افهم منه وش صاير بينهم...
الجده:لا ياسارة..لاتكلمين احد لو هديل تبغانا نتدخل كلمت عمتهانورة هي اقرب..وبعدين اذ بينهم مشكله خليهم يحلونها لحالهم........ويدق جرس الباب وراحت صفيه تفتح وتدخل للصاله
صفيه:ماما ..هزا مستر كالد يبقى مدام هديل..؟؟؟؟
الجده:روحي قووليلها بسرعه..تعالي ليش مادخل هنا ليكون جالس برا..؟؟
صفيه:لالا ماما دخل جوا بالمجلس تاني....راحت تناديها....
الجده تكلم بنتها:ماقلتلك جاء الحين وان شاءالله يهدي سرهم ويسعدهم.....طقت صفيه بابها اكثر من مرة لين مافتحت الباب ...
هديل بصوت مبحوح:خير صفيه وش بغيتي..؟؟؟
صفيه:مستر كالد تحت يبقى انتا.....هديل طيرت عيونها معقوله خالد جاء وتنازل يبغى يكلمها اكيد راجع نفسه.....
هديل بفرح:الحين بجي....وعالطووول قفلت الباب وغيرت ملابسها ونزلت تحت للصاله ولاحصلت احد ليكون طلع وهون بس الجده قالت انه ينتظرها بالمجلس اللي برا وطارت لهناك....واول مادخلت للمجلس كانت خايفه من نظراته الجامده لها
هديل بخوف:الـسـ.....السلام عليكم.........نزلت عيونها ومشت لين ماوصلت عنده ...
خالد ببرود:وعليكم السلام....وشلونك وشلون امي منيرة؟؟
هديل:مو انت تسال عن اللي تعزهم وتحبهم...ليش تسال عني؟
خالد:يالله..انتي ليش كذا معقده......."انصدمت هديل ولاحبت تتركله مجال "
هديل:لو سمحت احترم نفسك.......
خالد بعصبيه:انا محترم قبل ماعرفك..ولا شووفوا من يتكلم باحترام ...
هديل بحيرة:خالد انت ليش تسوي معي كذا...غلطت عليك...كذبت عليك..ليش فهمني؟
خالد بابتسامه جانبيه:معقوووله ماتعرفين ليش اعاملك كذا....هديل خلاص شبعت وانا العب دووور المغفل اوراقك انكشفت....
هديل بعبرة مخنوقه:اي اوراق؟؟ وش تقووول انت مو فاهمه شئ ...خالد حرام عليك اللي تسووويه فيني وربي حرام.....عالطووول قرب منها ومسك يدها بقوووة ويهزها
خالد يصارخ:حرام علي...انتي تعرفين الحرام..واللي سويتيه مو حرام ....
هديل تصارخ:انا وش سويت قووولي فهمني...لاتتهمني بشئ مالي ذنب فيه....بكت
خالد تركها:انتي سويتي اشياء كثيره ومع الاسف محد عرف عنك واولهم خالي المسكين..تدري اكتشفت اني اخطات باختياري فيك..ودموعك هذي ماراح تاثر فيني...تبغين تعرفين يا الغاليه مثل مايقولون اخوانك.."سكتت وتناظره بتحدي"..ممكن تقووولين لي يا مدام هديل وش مدى علاقتك بماجد ؟؟؟....
هديل مصدومه:اي ماجد...انت وش قاعد تقووول.؟؟
خالد:يامدام انا فتحت عيوني على الحقيقه اللي مخبيتها على الكل..بقناعك هذا المزيف قناع كله برائه وخداع ولو يعرفووون وش وراه كان شفتي اشد من اللي تشفينه مني..."دفعها عنه بقوة لناحيه الكراسي وجلست...وهي مو مصدق باللي تسمعه"..
هديل بصدمه:خالد ابغى اسمع اللي سمعته..ابغى افهم..لو سمحت..؟؟؟
خالد متمالك اعصابه:اسمعي يامدام...اكتشفت ومع الاسف مؤخر ان زوجتي كانت على علاقه مع اخو مرت ابوها ولا واي علاقه علاقه حب قويه لها سنين طويله ولما قال الحبيب ان امه مو راضيه على الزواج قامت الحبيبه وتركته وسوت سالفتها عشان تبتعد عن حبيب العمر ودقت على عمتها وتقولها تعالي اخذيني وهذا كله تلفيقxتلفيق..وضحكت على اهلها كلهم ولما جتها فرصه الزواج قالت ليش لا خليني انتقم من الحبيب يمكن يحس باللي بينا وراحت وضحكت على الزوج المغفل اللي هو انا...
هديل بتحدي:ممكن اعرف وشلون طلعت السالفه...لاتقووول ماجد جاء وقالك؟؟
خالد:لا مو ماجد...اخت ماجد قالت كل شئ عنكم وهي كانت ساكته عشان خاطر اخوها ولما شافته على حافه الجنون والانهيار قالت لازم تعطيني خبر عشان اخوها المسكين..بس لاتخافين محد راح يعرف بالموضووع انا وعدتها
هديل متمالكه اعصابه:اهاااااااااا...وانت وش تشووف؟؟وش الحل برايك..؟؟؟
خالد:مافي حل غيره...كل واحد يروح بطريقه.....
هديل دمعتها جامده بعيونها:خالد ممكن تسمعني؟؟
خالد:ماعاد يفيد الكلام ياهديل...لو انك رافضتيني اهون علي من اسمع كلام مثل هذا...وقام يبغى يطلع.....
هديل:لحظة يا خالد.."وقف عند الباب"..حتى لو قلت اني برئيه من الكلام كله...
خالد بنفاذ صبر:هديل ورقتك راح توصلك وصدقني راح احل الاشكال بطريقتي من غير فضايح انا وعدت وماراح اخلف وعدي..وطلع عنها وهي على وضعها مصدومه باللي سمعته..قامت ومشت لحد غرفتها وقفلت عليها الباب"دامك بعتني ياخالد بسبب انا مالي ذنب فيه انا بعد ابيعك..هذا اخر شئ اتوقعه انك ماتسمعني ولاتصدقني ...صدقت الغريبه وتكذب اقرب الناس لك..حسبي الله ونعم الوكيل ..خلاص انا بكيت كثير وعمر الدموع مافادت بشئ احسن اني انسى كل شئ انسى خالد وشيخه وكل شئ كل شئ ولا بكون متسامحه مع اي حد خلاص القلب ماعاد يتحمل الالم وعذاب"...
خالد اول ماطلع منها جلس بسيارته مايدري كان على حق او لا.."يالله تسرعت كثير بحكمي المفروض اسمعها وش الفايده الحين..وش اسوووي اقول امي..لا وشلون اقووولها واذ صار لها شئ من اللي تسمعه..انا بنتظر وبعيدن احلها بطريقتي "وحرك سيارته ولاهو عارف وين يروح
على الساعه 10بالليل وقف عند بيت اخته متردد فجلس بالسيارة يفكر وماحس بالوقت الا وابو محمد مع زوجته وقفوا بجنبه..
ابو محمد:ابو وليد ياهلا ومرحبا...ليش جالس هنا تعال ادخل داخل ..
ابو وليد طالع من سيارته..دقيت على البيت ولاحصلت احد وقلت انتظركم هنا...وشلونك نورة.؟؟؟
ام محمد مستغربه:هلابك اخوووي...بخير وشلونك انت وشلون العيال ليش ما دخلت داخل.؟
ابو وليد:الكل بخير....حبيت انتظركم هنا..وماصار شئ عاد كبرتوها..
ودخلوا مع بعض للخيمه و قامت نورة تجيب شئ لكن اخوها يبغاها بموضوووع ولما شاف زوج اخته قايم حلف عليه يجلس لانه مايرتاح الا معهم ام محمد استغربت من اخوها ومن الموضوووع اللي مايتأجل لبكرة وماحبت تضغط عليها بالكلام لين مابدء وتكلم وعرفت ان اخوها مهموم وبقلبه حمل ثقيل لازم احد يشيله معه وماحصل الا غيرهم....
مر اسبووووع على سالفه ناصر و منال..ماوصل الخبر لمنال كانت منهمكه بالامتحانات وموضوع مشعل.."اذ ناصر يبغاني ليش ماتحرك طيب ليش افكر فيه وهو مافكر فيني يمكن اللي فيه اعجاب لامو يمكن الا اكيد..وبعدين دام مشعل الكل يمدحه ليش لا..يمكن هو اخير من ناصر..باستخير وربي يسهل"..ناصر اللي مايعرف شئ عن الموضووع كان يتامل امه كل يوم تجي وتبشره..
نوف ماتدري عن الاحداث اللي صارت بالعايله لهديل ومنال..كانت مشغوله بالدراسه وتضغط على نفسها عشان تجيب نسبه وتدخل للجامعه مع هديل"هذا المتفق عليه"..
ام محمد بعصبيه:وبعدين معك انتي وخالد لا انتم تتكلمون ولاتقووولون وش فيكم..هديل وش صاير بينكم....هديل منسدحه بالسريرتحس بضعف بس ماحبت تقووول او توضح لاحد..
هديل بتعب:عمتي الله يخليك ارحميني...مافينا شئ..واذ انتي حاسه روحي اسالي خالد؟؟
ام محمد:وماراح اسال خالد وانا الحين اسالك انتي تتكلمين او شلون..هديل الله يهديك قووولي مومعقوووله كذا وضعكم ومابقى على زواجك الا شهرين..يمه اذ متهاوشين لنا حق نتدخل ونصلح مابينكم...
هديل بدموع متجمده:وش تبيني اقوووول...اقووول ان خالد......مايبغاني..
ام محمد مصدومه:وش تقوووولين.....ليش وش صاير؟؟.....تكلمي
هديل:موتبغين تعرفين وش بينا هذا اللي بينا....وانا خلاص ياعمتي وربي تعبت دام خالد مايبغاني انا مابغاه...واذ تبغين تعرفين السبب اساليه....ام محمد قامت عالطووول وطلعت من غرفتها وتركتها تبكي على حالها"ياليت ماتكلمت ولا قلت شئ...الحين بيقووول متمسكه فيني عشان كذا تكلمت..لاياخالد مو هديل تتمسك بشئ بعاها "...
اول مانزلت شافت اخوها وامها جالسين بالصاله وراحت سلمت عليه وخلت نفسها طبيعيه..وجلس شووي معهم لان قال بيسافر الحين وحب يسلم عليهم ولما بغت تمشي وصاها على هديل وعياله لان تدرون محد يدري متي يجي اجله وخاصه السفر طمنته وطلعت تروح تشوف خالد...سلمت هديل على ابوها ولاحظ اللي فيها التغيير على وجهها وسالها وقالت من الارق والتفكيروالحمدلله الجده مافضحتها لان ولدها مسافر ولاحبت تضايقه وجلس مع بنته شوووي ووصاها على نفسها وعلى امه واخوانها وطلع ومسك خط القصيم لانه عنده كم شغله وبعدين بيروح لجده....
اول ماوصلت للبيت راحت لغرفته لكن ماحصلته بتفهم منه وش السالفه دقت على جواله مقفله ومسكت اعصابها ..خالد اللي مو قادر يحصل سبب مقنع يقنع امه وخاله مو قادر يفكر فعشان كذا سافر للشرقيه ويمكن يطوول فيها لين مايحصل على حل مقنع..ساره لما عرفت الخبر من اختها تضايقت مرة وقالت لازم يضغطون على هديل عشان تتكلم بس نورة قالت تبغى تسمع خالد مو معقوووله يفكر بالانفصال الا بسبب كبير..
يوم الخميس بعد صلاة الفجر دق التلفون على دخله وليد من المسجد استنكر المتصل
وليد"اللهم اجلعه خير":الوووووووو
.....:السلام عليكم...اسف اخوي على الازعاج هذا بيت ابراهيم سلطان....
وليد بخوف:ايه هذا بيته..مين معي..؟؟؟
....:معك المستشفى...ابراهيم عمل حادث والحين هو بالعنايه المركزة ياليت تجون باسرع وقت لان حالته حرجه....
وليد مصدوم:اي مستشفى ..؟؟؟؟....وعرف المستشفى وعالطوول سكر واتصل على عمامه وطلع من البيت...الخبر انتشر بالعايله وتجمعوا ببيت ام وليد اللي من عرفت وهي تبكي وتولول على زوجها والكل ينتظر اتصال من اي احد..هديل اللي ماسكه نفسها
حاولت ام محمد تهدي ام وليد وتسكتها عشان عيالها اللي كل شوي يصحون وعشان هديل اللي مو مستوعبه الامر..وفجاءة دق التلفون وعالطووووول قامت سارة وشالته وعيونها على عمتها وتنتظر اي خبر حزين او سعيد...وسكتت سارة شووووي ولاتكلمت ولا حرف وجت ام وليد واخذت السماعه وشوووي الا وصرخت باعلى صوتها على ابو عيالها وزوجها وهديل اكتفت تناظر فيهم وهم مجتمعين عليها فجلست بمكانها وتبكي من داخلها وجت عمتها سارة ووقفتها وتناظر بعيونها والدموع متجمعها فيها ولما نطقت عمتها"عظم الله اجرك"..
هديل مصدومه :لا...لا...مستحيل....وصرخت بلا...وحظنت عمتها وبكت بقوووووة...صار العزاء ببيت ابو وليد والكل مجتمع عندهم ..خالد من عرف الخبر عالطووول جت هديل بباله وحب يعرف وش حالها..لكنه يكابر ولاحب يسال عنها...
وليد هو الوحيد اللي متمسك عشان اخوانه مثل ماقاله عمه عبدالعزيز هو رجالهم ولازم يكون اقوى من الظروووف و عمامه وعيال عمامه وعماته بيكونون معه وماراح يتركونه بحاله وماقدر وليد يتماسك وحظن عمه واول مرة يبكي على ابوه وحس بفراغ ووحده وخايف من مسؤوليه كبيرة يفشل فيها..
اما عبدالله مابطل من الصياح وكل شوووي فواز يجي يواسيه ولايتركه لوحده ويحاووول يتقبل وضعهم من غير ابوهم ويجلس يبكي وكل مايتذكر ابوه..اما الاطفال مايدرون عن السالفه كل ماشافوووا امهم تبكي او هديل بكوووا معهم ...
باخر ايام العزاء كانت هديل جالسه بالصاله الفوقيه وتناظر باب غرفه ابوها..."آآآه يايوبه رحت وتركتني لحالي..ماعاد عندي شئ استند عليه..الله يرحمك ويحلك..رحلت وتركتني
يوبه مابي شئ ابيك انت ترجع...ارجع وانا ارجع للبيت واتحمل كل شئ من خالتي بس ارجع"نزلت راسها وبكت بقوة..جتها عمتها نورة جلست بجنبها..
ام محمد بنيرة مخنوقه:يمه هديل الكل يسال عنك انزلي تحت..خالتك تبغاك ...
هديل بصوت مبحوح:مابغى احد..لاخالتي ولا اي حد..اتركوني لحالي..
ام محمد:ولا انا ماتبغيني...هديل....اليوم اخر يوم والمفروووض ماتجلسين لحالك قومي معي ....وقامت معها ونزلوا تحت وهي تترنح من التعب ..
جلستها بجنب خالتها اللي تبكي من قلب على فراق زوجها ناظرت هديل وحضنتها ..وبكوا سوا
على الساعه 11 انتهى العزاء والكل دخلوووا لصاله الكبيرة ببيت اخوهم لكن شيخه ماكانت معهم..العمام وعيال ابراهيم وخالد لان يبغى يشوف هديل ويعزيها..كان بالصاله الجده اللي تعبانه والضغط مرتفع عندها بفقدان ولدها وبناتها وهديل كانت بعالم ثاني ولاهي منتبه لهم لكنه يناظر فيها والتغير اللي حصل لها فقدت وزنها كثير وهالات سوداء تحت عيونها واثر الصياح باقي بوجهها...كل هذا ماغاب على نظره...
الجده:لا انا بجلس هنا ببيت وليدي وهديل معي..
ابو سلطان:يمه الله يطول بعمرك انتي تعبانه روحي ارتاحي العزاء وخلص والزم علينا راحتك..ولاحظ عمها ابو حمد سرحانها وكانها بعالم ثاني ....
ابو حمد يجلس بجنبها:هديل....فيك شئ تحسين بشئ...
هديل بصوت تعبان:مافي شئ عمي......"قامت وهي تترنح ".....عن اذنكم..
وطلعت فوق ويله تمشي..وتمسك بالدرازين وكانت بتطيح بس عبدالله كان وراها لان ملاحظ التعب عليها....
ابو حمد:وليد لاتترك اختك كذا ماتشوووفها التعب ماكلها اكل....
الجده تمسح دموعها بشيلتها:من زمان وهي كذا لاتاكل ولاتنزل محبوسه بغرفتها...والحين جات سالفه موت ابوها والله يستر على البنت وش بيصيرلها...
خالد نزل عيونه وكانه حاس بذنب بحقها وقال لوليد يبغى يكلمها...
وصلوا لغرفتها وعبدالله توه طالع منها وقالهم الافضل مايكلمونها لانها تعبانه بس خالد ماسوا له سالفه ودخل على طووول ووراه وليد..
خالد بتردد:هديل......"التفتت عليه وعيونها مليانه دموع"....عظم الله اجرك
هديل تناظرفيه ببرود:اجرنا واجرك..جزالك الله خير....ولفت للجه الثانيه
خالد:هديل.....مدري وش اقوووول ...قاطعته
هديل:مايحتاج تتكلم..كلامك وصلني من زمان و فهمته...مشكور تعبت نفسك على شئ مايسوى بحياتك.."تناظر فيه بتحدى"...انقهر منها وطلع من غير مايقووول شئ واستنكر وليد كلامها فجاءة.."اكيد ماهي صاحي والحادث ماثر عليها"....
مر على موته ابو وليد شهر..ام وليد تغيرت 180درجه مع الكل يمكن عشانها بحداد و لان فيه احد ينسيها ويشيل همومها..واخوانها انبسطوووا بوجود هديل وامهم منيرة..وهي يوم عن يوم تتعب جسديا ونفسيا وتحاوووول تكون قويه..
هديل تصب الشاهي:عمتي كان جبتي نوف.؟؟؟....
ام نواف:والله بغت تجي بس تعرفين اخر سنه ومابقى على الامتحانات شئ..هديل شلونك مع خالد
هديل تناظر عمتها وكانها تعرف شئ:..............
الجده:بخير كل يوم يجي يسال عنها..كلمتي اختك قوليلها مافي زواج الشهرالجاي ولا اللي بعده
ام وليد:خالتي مو حرام...خلوهم براحتهم...يمكن خالد مستعجل..
هديل تتدخل:لا انا مابغى اتزوج الحين..لدرجه ابوي رخيص عندكم اذ خالد مستعجل يروح يدورله على وحده غيري....قامت عالطوووول وطلعت فوق لغرفتها
ام وليد مستغربه:وش فيها...ماقلنا شئ يزعل ويعصبها....
ام نواف:مافيها الا كل خير بس تعرفين معزه اخوي الله يرحمه عندها...كيفها ماتبغى براحتها محد غاصبها لين مايطيب خاطرها..وانا مع بنت اخوي اذ خالد مستعجل يدور على غيرها...
الجده بعصبيه:انت انهبلتي..تعصين البنت ياسارة البنت محتاجه احد يوفق معها وانتي توقفين ضدها شوووفيها وش صايره بتذبح نفسها...لا تاكل وفوق كذا تجلس لازواج ولاشئ...لا لين جاء الوقت المانسب اعلنا الزواج رضت او لا...
ام نواف:يمه الله يهديك انا ضدها؟؟؟...والله ابغالها الخير بس كيفها معها حق تتزوج وابوها ماصار له كم شهر....
الجده بضيق:انت مهبوووله...ومن قال بنزوجها الحين والا عقب كم شهر...متى ماقررخالد الزواج زوجناهم..هذا وصيه ابوها(الله يرحمه)هو موصيني قبل مايسافر..
ام نواف قايمه:الله يرحمه خلاص سووا اللي تبونه..بروح اشوفها وبقولها الكلام..الله يهديها
*
ام محمد تفتح باب غرفته:اقدر اتكلم معك ...؟؟؟
خالد التف عليها متفاجئه:مايحتاج تستاذنين تفضلي يمه..؟
ام محمد سكرت الباب وجلست على السرير:وش اخبارك مع هديل....؟؟؟
خالد تنهد:زفت...."ناظر امه اللي تناظرله ببرود"...
ام محمد:انا ماراح اقووول شئ انت تكلم...بعرف وش صاير بالضبط....
خالد:يمه شئ وانتهى وانا ان شاءالله بحله بطريقتي....
ام محمد بصوت عالي:بطريقتك كيف...بالطلاق..!!!!!
خالد متفاجئ بامه:ومن قالك....هديل صح....على كذا عارفه كل شئ ليش تسمعين مني دامك سمعتي منها...
ام محمد بعصبيه:لو سامعه منها شئ ماجيتك او تعنيت اتكلم معك وبعرف وش اللي صاير..لاهي رضت تتكلم ولا انت راضي تتكلم انحشت ومدري وين رحت..
خالد بابتسامه جانبيه:اكيد مارح تتكلم..اللي يسوي الغلط يتكلم...
ام محمد:اهاااااااااا الحين هي مسويه غلط..طيب ياخالد قووولي وش مسويه؟؟
خالد:بقووولك يمه بس بشرط توعديني ماتقولين لاحد ولاتتصرفين باي شئ لين انا مااتاكد..الله يخليك يايمه مانبغى فضايح مع اي حد...
ام محمد:اوووف السالفه فيها فضايح..طيب بسكت ولا بتكلم لين ماتتاكد وهذا وعد...قال كل شئ لامه اللي انصدمت من كلامه ..
ام محمد بعصبيه:خالد انت وش تقوووول...اذ هديل هذه اخلاقها اعرف انها اخلاقك بعد انت..لعنبوا دارك هذي بنتي انا مربيتها وتقووول عن تربيتي كذا...الله يخسك من ولد..وانت صدقت كل الكلام على هالمسكينه..لا ونعم التربيه والله توني ادري بس اني ماعرفت اربيك زين..احد يشك بزوجته وفوق كذا بنتي..انا ربيتك ياخالد وربيت اخوانك شفتهم مرة اوسمعت يسوون غلط
"هز راسه بالنفي"...هذولاء عيالي..وهذيك بنتي..واللي يتكلم عن بنتي كلمه غلط ولو هو زوجي ماله مكان بقلبي...وطلعت عنه..وجلس على الكرسي يفكرومنزل راسه واكتشف انه على خطى وشلون يشك فيها ...شلون..انا لازم اوضح لامي كل شئ...وعالطووول راح لامه يكلمها..فكانت تصد عنه وماتبغى تسمعه ويجي يحب على راسها انه تسامحه ولما ذكر شيخه جن جنوووون ام محمد وعرفت مقصدها من هذا كله وعالطووول اخذت عباتها وقالت لولدها يوديها لبيت اخوها تصفي الحساب اللي المفروض تصفيه بحياه اخوها....
سكرت امها من ام علي تبشرها ان بنتها مواقفه على مشعل..دخل ابو سلطان وحصل ام سلطان مبسوطه وفرحانه..
ابو سلطان يجلس:هاه..وش عندك مبسوطه وفرحانه...فرحينا معك!!
ام سلطان:افاااا عليك..اكيد بفرحك معي....خلاص منال وافقت على مشعل وتوني مكلمه ام علي..وفرحت وقالت نبغى نحدد للرجال عشان يجون يتفقون على كل شئ...
ابو سلطان معقد حواجبه:ايه بس منال تبغى مسكن مستقل وام علي تبغى ولدها يسكن عندها..!!
ام سلطان:لاتخاف بنقووولهم ونكتبه شرط..دام الولد ماعليه كلام...."انتبهت على زوجها الضيقه"....عسى ماشر وش فيك..؟؟؟؟؟
ابو سلطان:ماشر بس اختي نورة كلمتني عن منال لولدها ناصر...والحين مدري وش اقووولها؟
باللحظة اللي ابوها تكلم وقفت منال مكانها وتوها نازله وانصدمت بالكلام اللي سمعته...وحطت يدها على فمها...
ام سلطان:يووووه طيب ليش ماقلتلي قبل مااكلم الحرمه..الحين وش بتقووول لاختك..
ابو سلطان:مدري انا وعدتها خير..وقصرت معها..انشغلنا بالعزاء ولا امداني اقولك او اشاور منال...والله اني مالي وجه اكلم اختي...."منال مو مصدقه اللي تسمعه عالطووول طلعت فووق وقفلت عليها الباب ناصر تقدم لي وشلون.؟؟..كيف يتقدم وهو ماخلص دراسته..؟؟اكيد يستهتر!!!لالالا مستحيل..انا وش قلت لامي وش سويت..؟؟ياربي احس استعجلت بقراري
وش اسوي وش اقووول"..........بكت على هالمصيبه
اول مادخلت بيت اخوها راحت للمجلس وحصلت زوجه اخوها وعيالها الصغار...وعالطووول وقفت ام محمد بعصبيه وهي تصارخ عليها وعلى اللي سوته وكانت مفوله عالاخر..وحاولت ام وليد تهديها وتفهمها اي شئ بس ام محمد ماعطتها فرصه تتكلم لين مادق التلفون وعالطوووول ركض حماده ورفع السماعه وقال لامه يبغاها وليد..بعد ماكلمت ولدها وسكرت قالت ان هديل راح تتنوم بالمستشفى..انصدمت ام محمد من اللي سمعته وسالتها عن المستشفى وقبل ماتطلع قالت ذنب هديل برقبتك ليوم الدين...وطلعت وتركت زوجه اخوها تبكي على حسرتها وافعالهاركبت السيارة وقالت لولدها يوديها للمستشفى..خالد مايدري ان هديل هي اللي تنومت بالمستشفى يحسب امه منيرة..واتصلت على وليد تاخذ رقم الجناح والغرفه..واول ماوصلت حصلت وليد واقف عند الاستقبال..وراحت له ووصلها لغرفه هديل ولقت امها واختها سارة وعبدالله وكانت نايمه وفي يدها المغذي..الجده تمسح عيونها بشيلتها وجالسه عند راسها
ام محمد منصدمه:وش فيها...وش صاير..؟؟؟؟
ام نواف تهدي اختها:مافيها الا كل خير..شووويه تعب وان شاءالله بتقوووم بالسلامه..
ام محمد:اي خير دامها بالمستشفى وبتنومه اكيد فيها شئ.....
الجده:يابنيتي...مافيها شئ...اطمني واسكتي عنها خليها ترتاح ..
ام محمد:طيب فهموني وشلون جبتوها هنا...؟؟؟
ام نواف:لقيتها طايحه عاللارض..وجبتها انا وامي واخوانها...والدكتووور طمنا عليها..
ام محمد:ليش وش فيها وش قايلين لها...
الجده:ماقلنا شئ...بس تكلمنا عن زواجها وعصبت وقامت علينا ولحقتها عمتها وماوعينا الا وسارة تنادي وتصارخ على وليد وعبدالله...
ام محمد:معقوله كل هذا عشان الزواج لالالا اكيد فيها شئ اعظم وماتبغون تقووولووولي..وش فيها بنتي..؟؟؟؟..محد تكلم وطلعت الا خالد ووليد توهم واصلين للجناح وسالت وليد عن اسم الدكتور وتبغى تروح له خالد اللي متضايق لما سمع من وليد عنها وطول الوقت يحاسب نفسه وعلى تصرفاته معها..
وام وليد جالسه تلوم نفسها وعلى تصرفاتها وان ظلمتها كثير وجلست تعض اصابع الندم على اللي قالته من كلام كذب وتلفيق على المسكينه..كلمت اخوها وقالت له كل السالفه عصب عليها وزاد عليها وان تصرفت بعدم عقلانيه ومن العصبيه ماحس الا وسكر التلفون بوجه اخته اللي جلست تبكي
على اللي سوته معها..
من بكرة الخبر انتشر عند اهل هديل جوها عمامها وكانوا فيه عماتها واخوانها..نوف لما عرفت تضايقت ولاقدرت تجي لان ازمة اختبارات ففضلت تكلمها..خالد اللي للحين متلوم وينتظر الفرصه المناسبه عشان يتكلم معها صحيح يكون موجود معهم بالغرفه بس قلبه متقطع عليها..اما هي
مافكرت تحط عينها بعين خالد اللي تحس بنظراته لها..
ابو سلطان:ماعليك شر ان شاءالله..بس الظاهر تبغى تشوووف غلاها عندنا..هاه هديل
ام محمد تناظرها اللي منزله راسها:هديل من يوم يومها غاليه علينا..
ابوحمد:ايه والله غاليه..اقول نورة ماقالوا متى يطلعونها...
ام محمد:لاوالله ماقالوووا..باقي تطلع نتايج الفحوصات..
ابو سلطان:مافيها الا كل خير..هديل وانا عمك تبغين شئ محتاج شئ..مايردك الا لسانك..وانا وعمك صالح مانقصر معك ترى غلاك من غلى عيالنا ويكفي انتي بنت المرحوم رحمه الله عليه
هديل بصوت تعبان:عساكم دايمين..ويطول باعماركم..وتاكد يا عمي اني اطلع الله ثم
اطالعكم مالي غيركم بالدنيا واذ احتجت لشئ ماراح اتردد عالطووول بوصلكم..
ابو سلطان:الله يوفقك يابنيتي ويقيمك بالسلامه..اسمعووا كلكم...هديل تحت رعايتي انا واخوووي بعد امي والكلام موجه لك ياخالد...
الجده:ياكبرها عند الله وشلون تحت رعايتك لو ان البنت مو متزوجه كان صح البنت بحكم زوجها ياوليدي..الظاهر الكبر ماثر على عقيلك..."الكل ضحك على كلام الجده الا هي اللي اكتفت بالابتسامه"..
ابوسلطان:مو هذا مقصدي يا يمه الله يهديك..انا قصدي هديل برعايتي لين ماتروح للبيت خالد وهو بكيفه...
خالد تدخل:عساك سالم ياخالي..بس السموحه منك ومن خالي صالح هديل زوجتي وتحت
حكمي من يوم ملكت عليها..وماراح اخليها تحتاج شئ ان شاءالله"ناظرفيها اللي باين انها تضايقت
من كلامه ولاقالت شئ"...ناظر امه وشافها مرتاحه بكلامه ومبسوطه بس مهما اللي سواه مايغتفر له..
ابو سلطان يقوم:والله انك اصيل ياولد اختي..تدري لو ماتكلمت ولا قلت شئ بقووول اختي ماعرفت تربي عيالها
واخوووي الله يرحمه عرف يختار لبنته..الله يوفقكم ويسعدكم...يله ابوي هديل تبغين شئ محتاجه شئ قووولي لاتستحين...
هديل تبتسم:سلامتك ياعمي وعساك على القوة ويطول بعمرك انت وعمي صالح..وحب راسها وطلع بعد ماقال بيجي بكرة يطمن عليها ووراه اخوه..قرب وليد عند اخته وقالها بيروح للبيت اذ محتاجه اغراض عشان يجيبهم معها..
ام محمد:انتظر يمه وليد...خذ امي معك خلها ترتاح...
الجده:واخلي بنيتي...لالالا روحي انتي معه انا مافيني شئ ومرتاحه...
ام محمد:يايمه الله يهديك ماقلت لاتجين..بيجيبك بعد المغرب حتى ادويتك مااكلتيه..
الجده:ماعليكم مني هذه صحتي وانا اعرفها اكثر منكم..بجلس مع بنيتي..
هديل بصوت حنون:يمه الله يخليك روحي عشاني ارتاحي لك شوووي واذ على انا والله بخير ومافيني شئ وانا الحين بنام ابغى ارتاح شوووي...
الجده قامت:يله قوووموووا بنتي تبغى تنام يله قووومي وش مجلسك انتي وولدك..كلام وتكلمت معكموضحك وضحكت كل اليوم...والحين تبغى تنام..
ام محمد:الحين نقووووم ياربي عليك يايمه ماشاءالله عالطووول من قالت تبغى تنام وترتاح تطلعينا اصبري بنسالها اذ تبغى شئ عشان نجيب معنا...
الجده:يله لاتتعبون بنيتي..بسرعه قدامي خالد وصلني للبيتي مابغى اروح لبيت خالك بشوف البيت تاركته لي كم يوم..وجاء عندها خالد ومسك يدها والتفت على هديل يودعها...ولافتحت فمها بشئ
ومشى مع امه وطلعوووا برا ...
ام محمد:اسمعي هديل اذ طلعتي ان شاءالله ابغاك تعيشين عند امي منيرة ببيتها او عند عمتك سارة؟؟
هديل مستغربه:ليش ياعمتي...وبيت ابوووي؟؟؟؟
ام نواف:يوووه يا نورة وش ذا الكلام..انهبلتي..
ام محمد:سارة انتي مو فاهمه شئ بعدين افهمك..هاه ياهديل..وش قلتي؟؟ بيت ابوك انسيه..اخوانك اذ يبغونك يعرفون طريقك..اسمعيني..انتي فكري زين واختاري..او تجين تسكنيين عندي؟؟.....عالطووووول هديل قاطعتها بصوت شوووي عالي..وكان خالد بيدخل بس وقف لما سمعها يوم تكلمت...
هديل:لا...لا..اسكن عند امي منيرة احسن لي..وتركوها مع احزانها وهمومها وقبل ماتنام ناظرت للسقف وكانها تبحلق بشئ "ياالله سبحانك..ارحم حالي التعبان..ارحم ضعفي وقل حيلتيقدرلي الخير..ساعدني نور لي طريقي..ياربي تعبت من كل شئ..مو قادرة اتحمل شئ"
نزلت دموعها واقتلبت لجهه الثانيه ونامت..من جهه خالد فكان مايعرف شلووون يفاتح امه من بعد مانزل خالته سارة لبيتها..بالنهاية تشجع وتكلم عشان يوضح لها مبرراته وتركته امه يتكلم ..
ام محمد:خالد..دامك شكيت بزوجتك اللي راح تعيش معها طووول حياتك...صدقني بتجي لحظة ثانية وثالثة ورابعه وعاشرة بتشك فيها وبتعيشون بحياة مليانه شكووك وبتخسر نفسك وتخسر حياتك..
خالد بضيقه:يمه انا اعترف اني اخطات بحق هديل..بس يايمه لاتحسبيني من سمعت الكلام سكتت ولادافعت عنها..لاتكلمت ووقفتها عند حدها بس هي اكدت لي وقالت اذ مو مصدق تجيب الدليل لحد عندي..يمه لو كنتي بمكاني تصدقين او لا..
ام محمد:وانت عالطووول صدقت...طيب كان قلتها جيبي الدليل!!!
خالد:بالعكس تضايقت من كلامها..ومن ناحيه الدليل ماقصرت قلتلها تجيب ومن عقبها ماسمعت عنها ولا شفتها..وهذا اللي خلني اتاكد انها تبغى تفرقنا بس قالت اسال اخوها اذ مو مصدقها..يمه تتوقعين مني راح اتخلى عن هديل عشان كلام من غير دليل..تدرين لما فقدت هديل احس فقد شئ بحياتي..ولاتحسبيني سالته لا والله انا رحت وقلت لها عن كل شئ..قلت يمكن القى اللي معذبني...
ام محمد مستغربه:هديل عرفت..وش قالت..؟؟؟
خالد:هذا اللي بيذبحني وبيجنني ..ماقالت شئ..وهذا زاد مخاوفي..
ام محمد بجديه:وش قالت..معقوله ماقالت شئ..؟؟؟
خالد:قالت......واذ انا قلت اني بريئه تصدقني..؟؟؟
ام محمد:وش قلت..ليكون جبت طاري الطلاق...
خالد:مع الاسف ايه يايمه..كنت معصب وماكنت بوعي..بس والله متلوم..
ام محمد بعصبيه:الله يهديك..بالله هذا كلام او تصرف تسويه..تدري لو اخوي الله يرحمه سمع اللي قلته بيقول ماعرفت اختارلبنتي اللي يحافظ عليها..اسمعني ياخالد دامك واثق من هديل وتبغاها تمسك فيها..بالبدايه بتشوف منها جفى وتسمع كلام..تحملها مو عشاني عشانها المسكينه..اللي مافي احد ياخذ بحقها..خالد مو عشانك ولدي بحل اللي بينكم ترى اللي سويته وقلته مايسويها احد مثلك..ولااني ببرئ بنتي عندك لاانا عارفه مين بنتي مثل ماانا اعرفك..وانا بحل الاشكال بينكم
واوقف شيخه عند حدها..."خالد وارتاح لما عرف ان امه بتوقف معه عشان تسترجع اللي فقده بحياته"..على وقت المغرب..جات منال مع امها ومرت عمها صالح وماكان عندها احد.. وجوا اخوانها..وسالتهم عن امها قال ان تعبت شوووي وجاء عمه عبدالعزيز يشوفها ولزم عليها تجلس ماتطلع..وطلعوا يشفون الدكتور عشان يسالونه عن موعد خروجها..جلسوا الحريم عندها اللي فرحت بجيتهم وقبل اذان العشاء طلبت ام حمد من وليد يوصلهم للبيت انتظرهم تحت وعبدالله دخل على اخته وترك ناصر لوحده واول ماطلعوا الحريم عرف الطويله معهم ودق قلبه بقووة ونزل راسه..اما منال اللي خافت ووقفت بمكانها واول مامشت سلم عليها فسكتت ماقالت شئ ومشت وهي خانقتها العبرةوتركته واستنكرحركتها وطلع عالطووول من المستشفى مايدري وين يروووح بسبتها...
ام محمد:يووه ياسارة خلاص انتي امس عندها خليني انا مع بنتي....
ام نواف:طيب انتي عندك عيالك وزوجك انا ابو نواف مسافر والعيال يدبرون انفسهم..
ام محمد:لالالا مافيه واذ مسافر عيالك محتاجين لك وخاصه نوف وفواز اللي بازمه الاختبارات..الله يهديك بس انا جايبه اغراضي..وانت ماوراك مذاكره تخلصها..ليش مارحت مع وليد..
عبدالله جالس بجنبها:اول ماجيت من المدرسه ذاكرت جزء واذ رجعت بذاكرالجزء الاخير.
هديل بتعب:عبووودي شد حيلك مابقى شئ...
ام محمد:هديل..ماجاء الدكتور عندك؟؟ماجاء احد كشف عليك؟؟ماحد قالك متى تطلعين..؟؟؟
هديل :لاماجاء احد اللهم تجزي النيرس تغير المغذي واذ سالتها عن الدكتور قالت الحين يجي!!
عبدالله ببرائه:انا ووليد رحنا سالنا الدكتووور..؟؟
ام محمد+ام نواف:وش قال؟؟......انفجع عبدالله على طريقه عماته...
عبدالله بخوف:اذ جاء وليد يقولكم...!!!
دخل وليد وخالد للغرفه واول مارفعت عيونها شافته يطالع فيها بابتسامته الجذابه..
ام محمد:هاه يمه وليد وش قال الدكتور عن اختك...
وليد مبتسم:لا ان شاءلله مافيها الاكل خير..وان شاءالله تطلع بكرة...
ام نواف:طيب طلعت نتيجه الفحوصات...؟؟
وليد:ياعمتي طلعت وقالوا معها فقر دم حاد."ناظرها اللي رفعت عيونها له"..بسبب قله الاكل ولازم تتغذاء زين..."يناظرهاويبتسم"...سمعتي زيييييييييييييييييييييين...
ام محمد:ماعليك منها انا اتولها واخليها ترجع احسن من اول بعد..
وجلسوا لين ماانتهت وقت الزيارة وطلعووا..وفجاءة دخل خالد عليهم و قال مضيع شئ وطلب من امه تجي تدور معه..وطلعوووا وتركوا هديل لوحدها..رفعت راسها مثل كل مرة تستنجد وماحست الا خالد جالس بجنبها...
خالد مبتسم:وش سبب دموع الغالية.."رفعت هديل راسها ومومستوعبه اللي يصير قدامها"..
ماحبت ترد عليه ومسحت دموعها ونزلت راسها وهي معقده حواجبها...
خالد بصوت حنون:هديل...انا ....والله مدري وش اقووول...كل اللي ابيه منك..
هديل قاطعته بصوت مبحوح:مايحتاج تقول شئ....كل كلامك وصل مايحتاج تكثر....
خالد:....هديل....لازم تسمعيني.....
هديل بين دموعها:اسمعك....ليش اسمعك...وانت سمعنتي لما طلبت منك...
خالد:هديل الله يخليك افهميني..واسمعيني....
هديل بصوت عالي:افهمك.....واسمع بعد....اسفه استاذ خالد..مابغى اسمع منك شئ
دخلت نورة على صوتها وقالت لولدها بوقت ثاني يكلمها..
خالد قبل مايطلع:بقولك شئ ياهديل...انا متمسك فيك....لو وش مايصير...متمسك فيك
وطلع وجلست هديل تبكي وعمتها تهدى فيها...وقالتلها كل شئ عن سالفتهاوعدتها عمتها بتاخذ حقها من كل شخص واولهم خالد ...
اسفة على التاخير
طلع براسه انه يكلم خاله بالموضوووع واتصل عليه وعرف انه ببيت امه منيرة وراح لعنده وقاله عن الموضووووع..فرح ابو سلطان من اللي سمعه وحس بكلامه انه مشتريه بنته وماراح يفرط فيها ووعده خاله خير ويعطيه مهله..ارتاح ناصر من كلامه هو صحيح ماخذ منه كلمه بس اقل شئ حط خاله بالصورة وماعنده استعداد يفرط ببنته منال...ووصل الكلام لام سلطان وقررت تكلم ام علي وتعطيها خبر والله يسهل عليهم...
من اليوم الثاني بتطلع من المستشفى وتوها مسكرة من التلفون ودخلت عمتها مع خالد وعدلت جلستها
ام محمد:مين كنتي تكلمين.....؟؟؟؟؟
هديل:خالتي شيخه.؟؟؟؟
ام محمد بعصبيه:وبعدين معك ومعها انا ماقلت لاتكلمينها ولا تسلمين عليها...انتي ليش ماتسمعين الكلام.."نزلت راسها وعضت على شفايفها"....
خالد بحنان:شلونك هديل..."رفعت راسها له وهزته"...يمه الله يهديك وش سوت عشان هذا كله...
ام محمد:هي ماسوت شئ..بس شووف مين سوا فيها "نزل عيونه لما عرف مقصدها"...انا قلتلك مالك علاقه معها فاهمه...او افهمك بعد....
هديل بضيق:خلاص ياعمتي فهمت والله فهمت...وقامت وراح للحمام وقفلت عليها الباب..
خالد:يمه الله يهديك..عاجبك الحين..خليتيها تقوم..
ام محمد:ماهي طايرة بترجع...انا ابيه تعرف الناس مابهم خير بذا الوقت...
جلست تبكي بصمت وتسمع كلامهم وطولت بالحمام لين ماطقت عليها عمتها عشان يبغون يروحون طلعت ومنزله عيونها مسكتها عمتها من يدها ووضحت لها سبب عصبيتها وشدتها معها ولا تحملت وحظنت عمتها وبكت ودخل خالد عليهم وشافهم وطلع من غير احد يحس فيه...
خلصت الامتحانات والكل انتهى من هم الدراسه..والحين وقت التسجيل للسنه الجديده عبدالله وفواز انتقلوا للمرحله الثانويه..هديل ونوف جسلوا بالجامعه تخصص علم اجتماع بما انهم ادبي..وكل من منال ونواف ووليد انتقلوا للمستوى الثاني..اما ناصر الحين اخر سنه وحمد اخيرا تخرج وقد اوراقه بالشرقيه بشركه ارامكوا يشوف حظه فيها..ام وليد مابقى على عدتها غير كم اسبوع..
ماجد كلم خالد ووضح له الالتباس وكلام اخته مو صحيح..الجده لما عرفت بالسالفه ارتفع عندها الضغط وتنومت بالمستشفى والحمدلله طلعت على خير..ام محمد قطعت عن ام وليد ولا عاد تسال عنها خير شر اللهم بس عن عيال اخوها وتطلب من وليد يجيبهم لبيت امها كل بعد يوم..
اما هديل تحسنت جزئيا صارت تاكل بس مو كثير لكن بان النحف والتعب على وجهها..ماصارت تهتم بوجود خالد تحاول تتجنب نظراته قدر الامكان..
ام علي بضيق:وش هذا الكلام يا ام سلطان..توكم تعرفون ان البنت محجوزه..؟؟
ام سلطان بارتباك:والله يا ام علي حنا ماندري ابوها قال ولد خالها يبغاها وتعرفين جت سالفه موت عمها وخالتي ام عبدالعزيز تنومت بالمستشفى ولا صار فيه وقت عشان يقول لنا واسمحيلنا يا ام علي والله العالم فرحنا يوم طلبتي بنتي لمشعل..بس كل واحد ياخذ نصيبه..والله لو عندي بنت ثانيه بقولك اخذيها لمشعل..
ام علي تحاول تكون طبيعيه:والله هذا من طيبك يام سلطان..والزواج قسمه ونصيب والله يوفقهم ويسعدهم..والله مو كاتب ان ولدي ياخذ بنتك
ام سلطان براحه:الله يرزقه ببنت الحلال ان شاءالله...
ام علي:الله كريم..يله ماطول عليك..وسلمي على منال وباركيلها عني..
ام سلطان:ان شاءالله ..الله يسلمك...وسكرت ام سلطان وتو ابو سلطان داخل الصاله وقالت له كل شئ وقال بيفاتح منال بموضوع ناصر ...والله يقدم بما فيه الخير........
وشوووي ودخلت منال عليهم ومعها البنات وسلموا على عمهم وزوجته..
ابو سلطان:من وين جايين ومن جابكم..؟؟
منال:كنا بالجامعه نسجل الاخوات السنه الجايه يدرسون معنا...
ام سلطان بفرح:الحمدلله...انقبلتوووا..
هديل:ايه الحمدلله...بس باقي المقابله الشخصيه...
نوف:عاد اللي يسمعك يقووول مقابله على C.n.n..مقابله عاديه كلها كم سؤال وخلصنا..
ابو سطان:من جابكم...؟؟؟
منال:السواق يوبه...انا بروح اخذ دش واجيكم...وقامت منال عالطووول وطلعت فوووق الكل ملاحظ على منال ونقص وزنها
هديل:عمي اقدر استعمل التلفووون عشان يجي وليد وياخذنا...
ام سلطان:وين ترحووون اجلسوا تغدووا عندنا وبعدين توكلوووا...
هديل:مرة ثانيه..ماقلت لامي منيرة..واخواني عندها واخاف يزعجونها..
ابو سلطان:لالالا ماصدقنا تجين وتروحين...اتصلي عليهم وقووولي انك عندنا واذ يبغون يجون الله حياهم..
هديل:عمي مرة ثانيه...والله حماده وريمي عند امي منيرة واخاف يزعجونها..والله وعد اجيك انا وامي نتغداء وش رايك...؟؟؟
ابو سلطان:خلاص دامك وعدتني قوووموا اوصلكم...ووصلهم عمهم كل وحده لبيتها ..
اول مادخلت البيت حصلت اخوانها جالسين يلعبون عند جدتهم وابتسمت لما شافتهم واختفت الابتسامه لما شافت هيئه رجال جالس يضحك....."الله يستر"
سلموا عليهم وجلس ابوسلطان عند امه يتطمن عليها واستأذنت منهم طلعت معها ريمي فوووق وقالت لها تجلس بمكانها ماتتحرك بتاخذ لها دش سريع وتطلع ...
ووقفت قدام المرايا وناظرت نفسها.."ياالله وش كثر انا نحيفه..وجهي مرة رايح وطي..وحتى عيوني ماسلموا.."مشطت شعرها بالاستشوار عالسريع ونزلت خصل قصيرة من قدام وحطت كحل ولبست تنورة وبلوزة باللون الاسود..ونزلت مع ريمي وحصلت خالد وحماده يضحكون على شئ وعمها باين انه راح ..جلست على الكنب وحطت ريمي بحظنها...
هديل بلا مبالاه:حماده وين امي منيرة...؟؟؟..."الحين انا مو مالي عينك ياهديلوه"
خالد يقهرها:توها داخله تبغى تصلي الظهر...ماردت عليه ونزلت ريمي وقامت
خالد:لحظه...هديل...ابغى اتكلم معك.؟؟؟؟
هدبل بحاجب مرفوع:مابينا كلام...لفت تبغى تمشي...
خالد بجديه:لا....بينا كلام...ولازم تسمعيني بالطيب بالقووووة اهم شئ تسمعيني..
هديل بعصبيه:تبغاني اسمعك..وانت ماعطيتني فرصه تسمعني...اسفه ياخالد ماراح اسمع منك اي شئ..مو انت بترسل الورقه وينها انتظرها..
خالد:من صدقك تتكلمين ..تبغين الورقه ارسلها لك..
هديل بتحدي:ايه ابغاها اليوم قبل بكرة...خلاص ولاتعور وراسك
خالد بقهر:ان شاءالله مدام هديل...ماطلبتي...وعالطووول راح وهديل تناظر فيه بكل تعب
نزلت وجلست تتغداء وماكانت امها فيه واول ماصبت اللبن قالها ابوها عن ناصر..بالبدايه انصدمت وماتدري تفرح او تحزن عشانها مخطوبه وموضوعها منتهي"ماعندها علم ان خطوبتها فركشت"وسالت ابوها وشلون ناصر يتقدم وهي مخطوووبه قالها ابوه كل السالفه وحست ان السعاده مو سايعتهاومن فرحتها انفتحت نفسيتها بالاكل.."لدرجه نويصر يبغاني..يالله وانا بعد ابغااه...الله يازين الحياه اذ فيه احد يبادلك نفس المشاعر.."
نواف يشرب اللبن:وش معنى عاد علم اجتماع..؟؟؟
نوف:انت تعرف وش قسمي ومافيه تحصصات احسن الا هو...
نواف:ايه ماقلت شئ بس مو كانه صعب ..وبعدين لاتنسين فيه علم نفس الكل يمدحه وسووقه ماشي...
نوف:لاوالله تبغاني يصير بكرة فيني امراض نفسيه لالالا بسم الله علي..وذا سواقه ماشي او واقف ماعلي منه اهم شئ اختار شئ مقتنعه فيه..
ام نواف:وهديل معك نفس الختصص..؟؟؟
نوف:ايه يمه هديل هي اللي اختارت القسم..تقووول احسن من بقيه الاقسام...
فواز:طيب ليش مادخلتوا مثل منال انجليزي..اقل شئ نستفيد منك بكره..
نوف بعصبيه:لاياقلبي..راح تستفيد مني بكرة وعقبه..تصدق يازينك ساكت ..
ابو نواف:هااااااااه ...وبعيدن...لمتى بتظلون كل يوم مناقر..سكتووووا
ام نواف تكلم زوجها:هاه وش قلت؟؟باللي قلته لك!!!!....
ابو نواف:كلام طيب وانا اليوم بروح ادور على استراحه مناسبه لنا وادفع عربونها..
نوف بلقافتها:وش السالفه....اي استراحه..واي عربوون؟؟؟
ام نواف:العالم كلهم تعقل الا هالبنت...نووووف اعقلي مو زين هالطبع اللي فيك..
نواف:يمه هذا نوف وهذه حركاتها مستحيل تتغير.."شاف تعابير وجهها متضايقه".
نواف: بس تصدقين نوووووويف...خليك كذا دايم لان البنت حلاتها بحركاتها الخبال ههههههههه
نوف بقهر:خبال بعينك.."ناظرت ابوها معقد حواجبه"..هييييييين يا نوافوووه يصير خير..
نواف:ههههههههههه امزح معك ماتعرفين المزح انتي هههههههههههههههههههههههههههههههه
طلعت ام وليد من العده واول ماطلعت عالطوووول راحت لبيت الجده منيرة تبغى تكلم هديل وتفهمها موقفها وتطلب منها السماح.."كنت عمياء والدنيا عمت عيوني..والحين ماعاد يهمني غير عيالي من بعد مافقدت ابوك..حسيت العالم ضدي..انا صحيح غلطت واعترف بغلطي..كل هذا عشان اخوي الوحيد اللي تمناك له..ولا حبيت اكسر بخاطره وامي فاتحته بموضوعك وامدحتك له..ومع الكلام اعجب فيك وحب يشووفك قبل كل شئ..كنت رافضه بقووووة بس قدر ياثر علي وناوي يخطبك..وجاء فعلا وخطبك بس مع الاسف مالحق عليك حصلك مخطوبه لخالد..ورضى بالواقع وكان عنده امل يخطبك..وكان ناوي يكلم ابوك مرة ثاني ..لكن انصدم لما عرف بالاخير انك تملكتي على خالد..وزعل وتضايق وطلب مني اساعده..وانتي تعرفين هذا اخووي..واذ منتي مصدقه ان اخوي ناوي فعلا يتزوجك اسالي وليد"هذا الكلام قالته لهديل وكانت مصدومه من اللي تسمعه..
هديل بقهر:طيب ليش ياخالتي سويتي كذا..انا وش اذيتك فيه..
ام وليد منزله راسها:والله انتي يا هديل ماقصرتي معي ولا مع اخوانك..لكن الشيطان هو السبب
هديل:طيب ليش ياخالتي..وش سويت؟؟؟
ام وليد:انتي ياهديل ماسويت شئ........."رفعت عيونها"....امك اللي سوت
هديل بدهشه:امي....وش فيها ياخالتي....تعرفين عنها شئ.....قولي الله يخليك
ام وليد:صدقني ياهديل لو اعرف عنها شئ كان عالطووول قلتلك وخليتك تعيشين عندها انا مادري عنها..وابوك الله يرحمه لما جاء يخطبني رفض يقول اي شئ عنها....
هديب:طيب وش جاب موضوع امي...وش سويت لك امي..؟؟؟؟؟
ام وليد:والله مدري وش اقووولك يا هديل....اللي اقدر اقووله انها للحين عايشه مع ابوك؟؟
هديل بحيرة:خالتي مو فاهمه عليك شئ...الله يخليك وضحي اكثر...وشلون عايشه مع ابووووي...وانا مدري عن مكانها؟؟؟؟
ام وليد:كان كثير يغلط باسمي وينادي باسم امك..عشان كذا ياهديل اعاقب امك فيك انتي ..سامحيني ياهديل..سامحيني....بكت
هديل مصدومه:وين امي ياخالتي.....ابغى اعرف وينها؟؟؟
ام وليد بين دموعها:والله ياهديل ماعرف شئ عنها..انا ابغاك تسامحيني باللي سويته معك..
هديل بعبرة مخنوقه:خالتي..كنتي ناويه تهدمين حياتي...عشان سبب مالي ذنب فيه..
ليش ياخالتي....ليش؟؟؟.........
ام وليد:قلتلك ياهديل كنت احس بغيرة من امك..وخاصه انها مازالت بحياه ابوك الله يرحمه..وماكنت اشوف شئ غير انتقم وبس...سامحيني"حظنتها"..سامحيني
هديل تبكي بصمت وكانت ترتجف وخايفه من شئ ماتدري وشو...ودخلت ام محمد عليهم بالمجلس
وكانت تناظر بام وليد بغرور...
ام محمد بجديه:ولك عين تجين ..بعد ماسويتي اللي محد يسوووويه..؟؟؟
ام وليد تقوم من مكانها:انا جايه اعتذرواتمنى تقبلوا اعتذاري...
ام محمد:لا تبغين بكل بساطه نتقبل اعتذارك..وانتي تمشين وتغلطين وحنا نتقبل اعتذارك..شوفي يا شيخه..كنت بتصرف معك تصرف لكن عشان عيال اخوووي وانتي امهم..مع الاسف غضيت النظر عنك وعديتك مو موجوده بالعائله..وروحي بطرقك وحنا بطريقنا لاتتعرضين لنا يا بنت الناس..
ام وليد:انا اعتذرت لهديل ووضحت لها كل شئ......
ام محمد:مايحتاج تتعذري..بعد وشووو هااااااااه..اللي يهدم بيت مرة بيهدمه ميت مرة..
ام وليد حست مافي فايده:طيب........مع السلامه...وطلعت بسرعه ومرت من قدامها وهي تناظر فيها بتكبر ولما اطمنت انها طلعت برا البيت شافت هديل بحاله صدمه وتبكي..
ام محمد تتقرب منها:هديل وش فيك؟؟؟...وش قالت لك.؟؟؟.
ومسكت يدها وطلعوا من المجلس ودخلوا للصاله اللي كان فيها خالد..فسال عنها وقالت امه انها تعبانه وطلعوا لفوق ..وكان خالد واقف عند الباب يطمن عليها..
ام محمد:هديل وش فيك..؟؟..تكلمي قولي شئ...؟؟؟
هديل بين دموعها:عمتي...ابغى...امي......."حظنت عمتها وبكت بقوة"
عمته خافت عليها وخافت اكثر وش سمعت عن امها عشان تحن لها..ناظرت خالد اللي معقد حواجبه...
هديل تبتعد عن عمتها:تكفين عمتي..وينها...ابوي مات...معقوله احد مايدري عنها..
ام محمد تهدي فيها:هديل...اسمعيني.....
هديل:تعرفين مكانها وينها...تكفين عمتي..قولي وين؟؟؟....بكت مرة ثانيه
خالد جلس بجنبها:ايه نعرف وينها...بس انتي هدي نفسك..وراح نقولك كل شئ
هديل بصدمه:تعرف وينها...بروح لها.....اخذوني لها...قامت وجلسها خالد
خالد بهدوء:راح نوديك عندها بعد ماتهدين....وتاكلين لك شئ امي منيرة تقول ما اكلتي
هديل بعصبيه:مابغى اكل...مابغى شئ....ابغى امي.."مسكت يده"تكفى خالد ودني لها
خالد بجديه:هديل انا بوديك لها..بس لما تهدين وتاكلين الحين بخليهم يطلعون الاكل لك..
هديل بصوت متقطع:...مابغى شئ.....ابغى اروح لامي....
خالد بحنان:انا قلتلك بوديك لها..بعد ماتهدي وتاكلين شئ...خلاص ماعاد تثقين فيني..
"نزلت راسها "...الحين بنزل واقولهم يجيبون الاكل لحد هنا اوكي...
هزت راسها مثل الاطفال...ابتسم عليها...وطلع ...
دخل ماجد على اخته بالصاله وحصلها متضايق واثر الدموع على وجهها سلم وجلس عندها وعرف انها راحت لهديل تتسامح منها لكن عمتها ماتبغها تكون بينهم وان مستحملينها عشان عيالها..هدا فيها
اخوها وقال انه كلم خالد وفهمه سوء الفهم اللي حصل و ماكانوا يقصدووون هدم بيت لكنه ماتقبل الا بعد تعب ومحاولات وزين عطاه فرصه للتفهم..واخيرا حل الاشكال
نزلت بالصينيه لوحدها واول ماشافت ولدها جالس سال عنها قالت اكلت شوووي وتركتها تنام..اما من ناحيتها ماقدرت تنام تفكر بكلام خالد انه راح يوديها لامها متى..متى..؟؟
"يارب...يارب...لاتخيب رجائي في خالد..يارب..يارب التقى مع امي..
لاتحرمني منها...يارب"..بكت وحظنت المخدة وانقلبت للجهه الثانيه ومع البكى ماحست الا وهي بسابع نومه..وبعد ساعه طلت عليها عمتها وشافتها نايمه من غيرلحاف فدخلت تلحفها وباستها من جبينها وسمت عليها....
الساعه 9 بالليل..توه جاي من السفر يبشر اهله انه قدم على شركه ارامكوا بالجبيل وقبلوا طلب التوظيف..ففرحت امه وابوه ومابقى غير العروس..
حمد منحرج:مو كانه بدري يايمه..خليني استقربالاول والزواج لحقين عليه...
ام حمد:والله ياوليدي ودي افرح بك وابغى اشوف عيالك قبل ما اموت..
حمد:الله يطول بعمرك انتي وابوي..وان شاءالله بتشوفيهم..بس خليني استقر ويصير خير..
ابو حمد:الحين ماتقولي ليش قدمت بالشرقيه وزوج عمتك واعدك بوظيفه...
حمد:يوبه الله يهديك..انا ابشتغل بجهودي ورجل عمتي والله مايقصربس مابغى احد يتوسط لي والحمدلله هذا انا توظفت وان شاءالله اذ استقريت جبتكم عندي ..
ام حمد:يوه..ونترك بيتنا وانا امك..لالا مانبغى نتحرك منه..
ابوحمد:الحين ليش ماقدمت اللي بالرياض ؟؟؟....
حمد:تقدر تقووول نوع من التغير ومرة وحده بشوف غلاي عندكم..
ام محمد:يوه يايمه انت غالي من يوم يومك..وغلاتك ماراح تتغير حتى لو تعجز وعيالك قدامك
حمد:الله يطول باعماركم..بثبت وضعي هناك وبعدين انقل للرياض..
ابو حمد:الله يوفقك ياوليدي وسوا اللي يعجبك..حنا مانبغى غير سعادتك والتوفيق لك
حمد يحب راس ابوه:الله يسلمك ويخليك لنا..هاه يمه اشوفك نسيتي موضوع العروس..
ام حمد بفرح:انت عزم اول وماراح تحصل الا اللي يسرك..وانا حاطه عيني على بنت الحلال اللي بتفرحك وتفرحنا...
ابو حمد:ماشاءالله اشوفك ماظبطه الوضع..ومين هي سعيده الحظ...
ام حمد:منال...بنت اخوك..ماشاءالله عليه...
ابوحمد:منال بنت اخوي...لالالا شيليها من راسك..
ام حمد بتعجب:يووووه..وش فيها البنت..وبعدين انت ناسي هي بنت اخوك وش بلاك
ابوحمد:مانسيت ويعلم الله فكرت فيها قبلك لحمد بس..اخوي قالي ان ناصر يبغى منال..
حمد:اووووه ناصر يبغى يعرس..هين يانويصر تخطط من غير ماتقووولي...
ام حمد:ايه والله ومحد قالنا غريبه..لانورة ولاام سلطان..وش صارلهم...
ابوحمد:انت وولدك وشفيكم..للحين ماصار شئ..البنت ماردت عليهم للحين وبحكم انه اخوي شئ اكيد يقولي..وبعدين اللي خلق منال ماخلق غيرها..عندك نوف ماشاءلله عليها..
حمد يبتسم:نووووف ههههههه يوبه مااسمع عنها غير لسانها الطويل ههههههههه
ابو حمد:لالاماعليك منها العرس يقعلها بكرة..وش رايك ياام حمد
ام حمد:نووووف ماشاءالله عليها ماعليها بنت سارة بس هاللسان مثل مايقول ولدك..
ابوحمد:ماعليك من لسانها نشرط يقطعونه لها ههههههه.....يضحكون ...انتم توكل على الله حتى لو خطبه مبدئيه وبعدين نحدد كل شئ اذ استقر حمد ان شاءالله..وش قلت حمد..
حمد يبتسم:اللي تشفووونه..انا تحت امركم وماراح اقول لا لكم...
قامت وتحس بصداع ولاانتبهت على الوقت راحت للحمام تغسل وجهها..وقفت على تسريحتها وناظرت شكلها"يالله عيوني..متنفخه وشلون يخف الحين..بروح اجيب ثلج احسن لي..ايه صح خالد قال بيوديني لامي..بروح اشوفه"..نزلت عالطووول وماحصلت الا الجده
هديل بخوف:يمه وين خالد..؟؟؟؟
الجده:هلا ببنيتي تعالي تعالي..اجيبلك العشاء..هزت راسها بالنفي..
هديل:وين خالد ؟؟وين عمتي نورة..؟؟؟
الجده بحزن:راحوووا لما شافوك نايمه قالوووا بكرة بيجووون...
هديل ركضت للتلفون ودقت على رقم خالد وشووي وحصلته مغلقه..تنفست بصعوبه..ودقت مرة ثانيه..وحصلته نفس الشئ..ومسكت نفسها عشان ماتبكي عند جدتها اللي مسكت كتفها تهديها..
هديل صوت مرتجف:ليش...ليش...يسووي فيني كذا.."حطت يدها على فمها"
يمه..ابغى امي..ليش يحرمني منها..ليش...ليش...وجلست على الارض تبكي..
الجده تهدي فيها:ياهديل من قال يحرمك منها..قال بكرة بيجي ويشوفك..
هديل بصراخ:ماااااابغى اشوووفه...مابغى اي شئ منه..مو يكفي انه رفضني من الاول..وشك بي..والحين يكذب وينحاش.."حطت يدينها على وجهها تبكي"...
الجده:بسم الله عليك يايمه..قومي معي..
هديل تبكي:مااابغى اقوووم ..ابغى اموووت وارتاح وترتاحوون من مشاكلي....
الجده:بسم الله عليك..وش ذا الكلام ياهديل..تعوذي من ابليس..قومي معي
خالد اللي كان واقف وسمع كل شئ من غير ماحد حس بدخوووله:متى رفضتك ياهديل...؟؟
هديل رفعت يدينها من وجهها ومتفاجئه مو مصدقه ان خالد جاء عشان يوديها لامها...
الجده:اشوا انك جيت..مو راضي تتعشى ولا تبغى ترتاح..كلمها عساه تسمع منك..
خالد بجديه:ان شاءالله يمه..بالاول تقووول متى رفضتك؟؟.جاوبي!!..
هديل بتعب:..ابغى اروح لامي...
خالد بنفاذ صبر:استعدي بكرة بجي اخذك من الساعه 9الصبح.."مشى ووقف والتف عليها"
عشان بس ماتقووولين كذبت عليك وانحشت..وطلع عالطوووول..هديل الي حست انها بعالم ثاني"مو مصدقه بكرة اروح اشوف امي..ناظرت للباب اللي طلع منه خالد..ونزلت عيونها وبكت"
في نفس الليله لاهديل ولا خالد ذاقوا طعم النوووم..هديل تفكر ببكرة وشلون تلتقى مع امها..اما خالد فكان يفكر بهديل والكلام اللي سمعه منها"ليش يحرمني منها ..ماااااابغى اشوووفه...مابغى اي شئ منه..مو يكفي انه رفضني من الاول..وشك بي..والحين يكذب وينحاش.."
"آآآآه ياهديل..لو تعرفين وش مكانتك بقلبي..لو تدرين وش بقلبي لك بتقولين اني مراهق..بس بكرة راح تعرفين عمري مارفضتك انتي شخصيا..ولاشكت بك..ولاكذبت عليك.."
من كثر التفكير ماقدرت تنام الا ساعه ونزلت وشافت الجده جالسه تتقهوى وحبت على راسها وطلبت منها تفطر واكلت شئ بيسط وجلست تنتظره على اعصابها..
__________________
لساعه 8ونص اتصل على البيت ومحد يشيل التلفون ودق على جوال خالد حصله مغلق..ودق على جوال ناصر اللي نسى يحطه صامت واول دقه قمزمن نومه مو مستوعب شئ يتوقعها الساعه وماحس الا وقفل بوجه اخوه..ويدق مرة ثانيه ورد الا ومحمد يصارخ بوجهه..وهو مو مستوعب شئ لين ما قاله جاه ولد ويبغى يبشر امه وابوه..انبسط على هالخبر واخيرا صار عم..وقام يبشرهم ونزل تحت الا يشوفهم وقالهم الخبر السعيد و طارت ام محمد من الفرح راحت مع زوجها للمستشفى..
توها قايمه ونزلت تحت وكانت امها تكلم بالتلفون فراحت للمطبخ تسوي لها قهوة وساندويش توست وجلست واول ماقفلت بشرتها عن زوجه محمد..ورفعت القهوة بتشرب الا سالتها عن موضوع ناصراستحت منال وقالت اللي تشفونه زين سوووه..وقامت للغرفتها وهي مو مصدقه تحس بفرح وسعاده وان كل شئ يضحك لها..وصل خبر ولاده اسماء للكل..واخيرا صار اب وعلى قوله ناصر صار عم..اما هديل فجالسه على اعصابها الساعه 10 ولا جاء..وراحت دقت عليه ولما رد عليها قالها انه الحين عند باب البيت..
خالد:السلام عليك.."حب راس امه"صباح الخير يمه.. جلس بجنبها
الجده بفرح:صباح النور ..مبروك على ماجاء اخوووك...وعقبالك ..
خالد يناظرها:الله يبارك فيك..المفروض حنا نبارك لك مو انتي..
الجده:ياولدي..كله واحد وشلون ولد اخوووك شفته..وشلون اسماء ومحمد..؟؟؟
خالد:الحمدلله كلهم بخير..مبارك الصغير شفته مارضوا يطلعونه للين ماتقوووم امه!!
الجده مستغربه:وليش ماطلعوووه..وش فيها اسماء فيها شئ..؟؟
خالد يطمنها:مافيها الا كل خير بس لما كنت عندهم لسه ماصحت.."يناظرها".هاه جاهزة..
"رفعت عيونها وهزت راسها "...طيب خليني اكلم امي اذ تبغى تروح معنا او لا...ويدق عليها وفهمت من كلامهم انها رافضة...
خالد:امي تقوول نأجلها..وش رايك..؟؟؟؟
هديل منزله عيونها:...لازم عمتي تروح...؟؟؟
خالد يبتسم:لا..مو لازم...يله انا بالسيارة انتظرك..مع السلامه يمه..
الجده:يمه خالد ماوصيك على هديل وانتبه عليها ولاتسرع بالسواووقه..
خالد يناظرها:هديل بعيوني..احد يوصى على عيونه"شافها منحرجه ومنزله عيونها"
وطلعوووا بعد ماباست راس جدتها..وركبت بجنبه وكانت تحس بخوووف وقلبها يدق بقوووة
ماتدري خوووف من خالد او تلتقي بامها..؟؟؟ وفهمت من كلامه انهم مسافرين للشرقيه لان خوالها هناك ساكنيين..بالبدايه ترددت وتوكلت على الله ومسكوا طريق الشرقيه وكانت تحاول تهدي نفسها ماتدري سبب التوتر والخووووف من ايش بالضبط؟؟؟؟؟
على وقت الظهر كانت تحس بتعب وتحاول تتمسك قدام زوجها وخالتها وكانت امها فيه وجلسوووا يسولفون و يجي ناصر ومع باقه ورد كبيرة ودق على اخوه..طلع محمد وسلم عليه ودخل الباقه ورجع وراحووا لمبارك الصغير..ولما رجعوووا دخل محمد عشان يبلغ الموجودين ان ناصر بيدخل بيسلم وسلم على اسماء وتحمدلها بالسلامهوقالها انه هالمرة سماح تسمونه على اسم كبير العائله المرة الثانيه باسمي ..وضحكوا عليه وقبل مايطلع نادى امه عشان موضوعه وقالت مو وقته لكنه هو اصر تكلم خاله ..وماقدرت على اصراره وطلعت جوالها ودقت على اخوها وكان ناصرمهتم بكل كلمه تقولها ولما سكرت مو باين عليها اي علامات بوجهها مجرد معقده حواجبها وكان قلب ناصر يدق بقووووة..وشووي تضحك وباركت لولدها اللي مو مصدق الخبر..وحب راس امه ويدق جواله وطلع حمد..سلموا على بعض وجلس يعاتب فيه بسبب خان العهد اللي بينهم..بالسيارة كان
الجوووء بينهم صمت....
خالد:هديل...."لفت عليه"..نوقف بمكان نتغداء فيه..
هديل:مو جايعه...كم باقي على وصولنا للشرقيه.؟؟؟؟
خالد:باقي ساعه وشووووي....طيب انا جوعان.!!!!
هديل بحياء:اوكي ناخذ لنا شئ..."وشافته مبتسم"...
ووصلووا لمطعم..جلست على الطاوله وراح يطلب الغداء..وكانت تناظر حوليها ووجدته مطعم مقبوووول لابأس فيه..الا ويجي خالد ويجلس مقابل لها مبتسم..
خالد:ماعجبك المطعم..اذ ماعجبك نروح نغيره....
هديل بحياء:لا..عادي...اهم شئ تاكل مو انت جوعان....
خالد بستهبال:انا...مو قال...اللي اعرفه انتي الجوعانه...شووفي لاتتبلين علي من الحين احذرك...
هديل مستغربه:خالد وش فيك توك تقووول انك جوعان..انت سالتني وانا قلتلك لا...
خالد:يوووه وش فيك هديل ليكون الفرحه نستك كلامك..يابنت الحلال..انتي اللي قايله مو انا..
هديل بتاخذه على قد عقله:طيب..اممممم وش طلبت لي....ترى انا ماكل اي شئ...
خالد مبسوط:امممممم والله طلبت كل مالذا وطاب..مندي..سمك..مقبلات..
هديل مستغربه:الله الله ..كل هذا مين بياكله...
خالد بنظرة حنان:انتي...
هديل بحياء:وانت..ماراح تاكل..مو انت جوعان...
خالد:اذ كليتي كاني انا اللي اكل..."نزلت عيونها"...هديل..."رفعتهم".من قالك اني رافضك ؟؟؟؟..
هديل بتردد:............انت
خالد راص على عيونه:انا...متى ...وشلون....؟؟؟؟
هديل بتوتر:....سمعتك...بالصدفه....وانت ....قطع عليها
خالد بجديه:اهااااااا....وش سمعتي بالضبط....."ماردت عليه".....هديل لازم تتكلمين عشان اقدر ادافع عن نفسي..وانتي قاعده تقوولين اشياء ظالمتني فيها...
هديل:يعني شكك فيني اعتبرها اني انا ظلمتك.....
خالد:هديل..انا اتكلم عن الرفض ...جاوبي...متى رفضتك؟؟
هديل:قلتلك..سمعتك صدفه..ببيت عمتي سارة..وانت تقووول ماتبغى تتزوجني...؟؟
خالد براحه:شفتي انك فاهمه الموووضوووع غلط..
هديل معقده حواجبها:شلون فاهمه غلط ممكن توضح....جلس خالد يفهمها الموضوووع ..ووضح لها كل شئ من اول يوم شافها للين اخر شئ ماصار بينهم..هديل اللي تفاجئت من كلامه"يعنى حاطني بمزاجه من قبل ماتفاتحني عمتي وهذا يدل على شئ".....
هديل بتردد:...وشكك فيني..؟؟!!!!
خالد:انا اعترف اني اخطت بحققك..بس ياهديل والله انا ..
هديل قاطعته:انت وشو ياخالد...انت شكيت فيني بدل الثقه..بدل ماتدافع عني توقف ضديطيب ليش مارحت سالت اخوها اذ انا على علاقه معه او لا..بقولك شئ وانت منها احكم من الصادق فينا.."قالت له هديل سالفه مرت ابوها لما دخلت على ماجد ببيت الشعر"..
هاه وش رايك؟؟؟......
خالد:هديل...ننسى الماضي ونبداء صفحه جديده..واللي صارلنا تجربه وانا اعترف اني اخطيت
هديل مستغربه:ننسى ..وتجربه..لو انا شاكه فيك وش بتكون رده فعلك ياخالد..وشلون ترتبط مع وحده بيوم من الايام شكيت فيها..خالد دامك شكيت بي مرة بتشك بي ميت مرة..وبصراحه كرامتي ماتسمحلي..ارتبط مع انسان يشك فيني...
خالد بجديه:اسمعي ياهديل..الشيطان قدر يدخل بينا..بس ماقدر يفرقنا طووول العمر..انا ماصدقت اخذك وانتي اللي تعاندين..هديل...انا اسف على كل شئ سببته لك..تبغيني ابوووس على راسك عشان ترضين..ابتسم...
هديل مستحيه:لالا مايحتاج..وماله داعي تتاسف..نزلت عيونها..
خالد:وليش ماله داعي..انا غلطت ومنك السماح...يعنى....صافي ياللبن....
هديل مبتسمه:حليب يا قشطه...ابتسموووا لبعض وجاءطلبهم..وجلسووا ياكلووون وكل واحد انفتحت شهيته من بعد الحوار اللي صار واخيرا توصلوووا لحل.....عرفت ام محمد انهم بالشرقيه وتضايقت وطلبت منهم يرجعووون والا بتجي هي وابوه..هدئها خالد وقال بنفس اليوم بيرجعوون..شووي وكلمتها هديل اللي ماسلمت من هواش عمتها بالبدايه ..
واخيرا سكرت وكانت تضحك على عمتها وعصبيتهاسالها خالد وقالتله وابتسم لها لما شافها تضحك..وتمشوووا على الكورنيش واخذوا عصير يبرد على قلوبهم..وعلى الساعه 4 العصر ووقفوا عند بيت يشبه القصر..ناظرته هديل وراحت تناظر خالد بخوووف..وطمنها خالد انه معها ماراح يتركها..ونزلوووا ودقوا الجرس وشوووي ويفتح لهم شاب ابيض طويل وعليه علامات التعجب منهم..تكلم خالد وطلب ابو فهد..دخلوووا للمجلس الكبير اللي برا البيت وكانت هديل متمسكه بخالد بقوووة وترتجف وطلب الشاب منه ان تدخل زوجته للحريم..بس هديل هزت راسها بالنفي..وفهم خالد الشاب وراح ينادي ابو فهد ...
ام محمد بعصبيه:مبارك الحين توديني الدمام..!!!
ابو محمد:عسى ماشر...وش فيه....الدمام مرة وحده..
ام محمد:ايه من عمايلك ولدك وزوجته توديني او اخلي ناصر يوديني...
ابو محمد مستغرب:محمد...وش فيك يانورة ...ليكون خرفتي...
ام محمد:والله انت اللي خرفت..ولدك خالد..رايح للدمام عند خوال هديل..انا الغبيه اللي
سمعت كلامك واقووول لخالد..قال ايش قال زوجها ولازم يعرف كل شئ...
ابو محمد يهديها:يا بنت الحلال..انتي ليش معصبه..ابو وليد الله يرحمه وش وصانا..ماقال اذ
هديل سالت عن امها ودوها عندها..
ام محمد بنرفزة:ايه بس مو لحالها.........ولبست عبايتها..وطلعت
محمد يطالع ولده:هاه اسماء ليكون بروكي تعبك...
اسماء بتعب:اوووف تعبني الا ذبحني..حسيت روحي بتطلع..
محمد:بسم الله عليك وعليه..شووفي يفتح عينه...."عالطوول سكرها وحط يده على جبينه
عشان يحجب النور وفتح عيونه وابتسموووا..وشال يده وغمض عيونه بسرعه"...
اسماء:محمد حراااااام عليك..ياويلك من الله تلعب بولدي..
محمد يضحك:هههههههههههههه ياشيخه خلينا نضحك شوووي ههههههههههههه
اسماء تبعده عنها بيدها:رح زييييين وش شايف ولدي لعبه لك.....ويصيح مبارك الصغير وتهز
امه ومحمد يبتسم لهم ويحس بشعووور غريب اول مرة يحس فيه....
منال:هلا نوف..وش اخبارك..واش اخبار الاهل...
نوف:بخير كلنا بخير..وينك يالقاطعه زمان عنك...
منال:والله تعرفين..الاجازة انتي وينك غاطسه لاحس ولاخبر..انتي وهديل؟؟
نوف:والله تصدقين ادق عليها وارسلها مطنشتني هالقعيطيه..وتوني داقه على امي منيرة تقووول
طلعت مع خالد...
منال مستغربه:طلعت!!!وين طلعوا؟؟...تصدقين من تملكت انشغلت عنا...
نوف:اييييييه خلاص جاء حبيب القلب لازم تنشغل عنا..الله يوفقها ..
منال:امييييييين...اقوول ياحلووووة...امي تسال متى تروحون تزورون اسماء..؟؟
نوف:والله مدري عن ماما..بسالها واكيد اليوم..واذ مو اليوم اكيد بكرة هههههههههه
منال:يادمك والله انك رايقه..المهم عطونا خبر عشان تمرون علينا ونكلم على مرت
عمي صالح...Don't forget us...bay
نوف:...بااايااااايااات......سكرووا من بعض...
جلست بجنب خالد وكان قلبها يدق بقووة وخالد كل شوووي يطمنها..ويدخل عليهم رجل كبير بالسن
وناظر فيهم ..وقف خالد وحاول يقومها اللي خانتها رجولها من الخوف
ابو فهد:ياهلا ومسهلا..خير امرني ياولدي..
خالد بابتسامه:مايامر عليك عدوو..اعتقد انت ابو فهد...؟؟
ابو فهد يناظرهم بتفحص:ايه انا ابو فهد.."ناظر بهديل"..ليش ماخليت حرمتك تروح عند
الحريم...؟؟
خالد يناظرها:معليش يابو فهد..حرمتي ماهي غريبه عنكم...
ابو فهد مستغرب:وشلون ماهي غريبه؟؟؟...ماني فاهمك ياولدي...
خالد:انا بفهمك كل شئ....وقالوه عن السالفه من يوم تزوج ابوها امها لين الحين..ابو فهد
تضايق لما عرف ان ابراهيم توفى بحادث وناظرها وعرف انها حفيدته المفقوده..وابتسم وقام ووقف
قدامهم اللي وقفوووا وطلب منه تشيل الغطووة مسكت خالد وطمنها وقالها تشيلها..وشلتها وكانت
خدودها حمراء من الخجل...
ابو فهد بصوت حزين:اشهد ان لاالله الا الله..انتي بنت ليلي...انا ابو ليلي..يعنى ابوك
سبحان الله..ماخذه من امك كثير..واختل توازن ابو فهد ومسكه خالد عالطووول وجلسه على
الكنب..
ابو فهد:تعالي يابنيتي تعالي يابنت الغاليه..تعالي..."مسك خالد يدها وقربها من جدها"..
ابو فهد يكلمها:وينك من سنين طووويله..الله ياالدنيا..تفرق وتجمع بنفس اللحظة
هديل انربط لسانها من اللي قاعده تسمعه وتناظر فيهم بصدمه..
ابو فهد:بروح انادي ام فهد وخوالك فهد وسعود وخالتك هيا...وقام وطلع من المجلس ..
وعالطووول جلس خالد بجنبها..
خالد بخوف:هديل وش فيك..؟؟؟؟....هديل...
هديل تبلع ريقها:خالد....انا....خايفه....
خالد:لاتخافين دامني معك...وانتي حاووول تمالكين نفسك..خلاص تقريبا وصلنااللي نبغاه.
هدووووله..عمري..هدي نفسك شوووي..تبغين نرووح.."هزت راسها بالايجاب"..
طيب ولا يهمك بس يجوون خوالك ونسال عن امك..اللي هي خالتي..ونروح اوكي..ابتسم لها
ام وليد:وليد وين اخوك عبدالله..؟؟؟
وليد:بغرفتي عند الكمبيوتر..الا يمه مادريتي ان زوجه محمد جابت ولد..
ام وليد تجلس:ماشاءالله ..محد قالي...متى ولادت؟؟
وليد:والله مدري..بس جاني الخبر من ناصر..يله يمه تبغين شئ..
ام وليد:وين تروح مارح تتغدي معنا..؟؟؟
وليد:ناصر عازمني انا ونواف بروح بمرة ونتغداء سووا..
ام وليد:وش المناسبه يعزمك؟؟؟
وليد:يقوووول بمناسبه الخطوووبه...مع السلامه وحب راسها وطلع..وتركها مستغربه
"متى خطب ومحد قال ..وهو لسه ماخلص دراسته...وعقبال ماشوووفك يا وليد خاطب ومعرس
ان شاءالله.."وطلعت فوق تشوف عيالها..حصلتهم عند عبدالله بغرفه وليد يلعبوووا .....
دخل ابو فهد عليهم ومعه عجوز كبيرة بالسن..واول مادخلت حظنتهاوجلست تبكي وتولول على
بنتها..ويدخل فهد وسعود وسلمووا على خالد وعلى بنت اختهم اللي كانت مستحيه منهم وقامت
وجلست بجنب خالد وانبسط وحس انها مثل الطفل يدوور على الامان وحس بفخروسعاده ان تدووور
عليه عشان يحميها..
سعود:واخيرا يابنت اختي ..توك تتذكرينا.."تناظر فيهم وخالد اللي استغرب من كلامه"
ابو فهد:سعود..وش فيك..مو قت الكلام....
سعود:الا وقته ونص....هي لما سمعت ورث وملايين جت هي وزوجها..
خالد بعصبيه:لو سمحت اخ سعود عن الغلط..حنا ماجينا عشان مثل ماتقووول..
سعود بتريقه:اووووه لاوالله اجل ممكن تقووولووون ليش رازين الوجه وجايين..هاه...
خالد قام:الظاهر حنا غلطان بالعنوان..يله ياهديل...ومشووا شوووي...
ام فهد:وين تمشووون خل هديل عندنا..ماشبعنا منها....
خالد:والله ودي ياخاله بس هديل مو مرغوبه..وانا ماترك زوجتي بمكان ماهي مرغوبه فيه..
ابو فهد:الله يهديك ياولدي وش ذا الكلام..لاتنسى هديل بنتنا قبل ماتصير زوجتك..استرح
وامسحها بوجهي..لاتاخذ بكلام سعود..ترى مايقصد شئ..استرح..
سعود بعصبيه:ليش وش شايفني يوبه خبل مثل بنتك..وبكرة بتقووول ان سعود ماقال..جاين ياخذون حلالكم ..
فهد:خلاص ياسعوود قلت كلام كثير ...خلنا نسمع وش عندهم.....سكت سعود وجلس
وتاسف فهد نايبه عن اخوووه..تكلم خالد وقال السالفه اللي قالها لابو فهد..طبعا مااقتنع سعود
بكلامه..وعصب عليه وحاول يتمالك نفسه عشان خاطر امه وابوه اللي فرحووووا من قلب بشوفه
بنت بنتهم ليلي...
سعود:خلاص خلصت..وش المطلوب مننا...؟؟؟؟؟
ابوفهد:وش هالكلام يا ولد..اذ موحاشم ضيوفك..احشمني انا وامك..خلنا اعتبر شووي
سعود:يوبه انتم على العين والراس..بس....
ام فهد:بس ايش..حنا ماصدقنا تجي بنت بنتي لحد عندنا وانت تقوووول شئ من عندك اسمع ياسعود
اذ موعاجبك كلامنا مع السلامه واذ عاجبك حياك الله..
سعود:الحين تطردوني عشان اثنين جيين ينهبون حلالكم"ناظر فيهم".طيب يصيرخير..وطلع
خالد بصيق:عموما يا ابو فهد..حنا اسفين على اللي صار و ....
ابو فهد:افاااااا ياولدي ياخالد هذا كلام تقوله..جميلك بحطه برقبتي..مو يكفي جبت لنا الجوهرة
اللي فقدناها من سنين..الله يوفقكم ويسعدكم ...
خالد بتردد:طيب يا بوفهد..كنت بسالك...عن....ام هديل....وينها؟؟؟؟
ابو فهد يتنهد:والله مدري وش اقووولكم..اطلبوا لها..الصحه..والعافيه...
هديل بخووف:ليش وينها امي .؟؟؟؟ تكفووون قوولووووا وينها..؟؟؟؟
ام فهد:هدي نفسك يابنيتي..امك بخير...بس.....
خالد:بس ايش يا ام فهد..وش فيها خالتي ليلى...؟؟؟؟؟؟
ابو فهد:اسمعوووا ياعيالي...انا بقولكم..والله يخليكم لاتقطعوني"يناظر بهديل"..
ليلى..تزوجت ابوك الله يرحمه...وعاشت سعيده..فرحت اكثر لما عرفت انها حامل فيك
"تنهد"..لكن....ليلى....طلبت من ابراهيم الطلاق..وابوك كان متمسك بامك لابعد
درجه..يعنى تقدرون تقولون انه....يحبها...لكن ابراهيم رفض طلب ليلى اللي اصرت
عليه..وصار بينهم هواش و....افترقوا عن بعض لين ماولادتي ياهديل..وجاء ابراهيم تكلم
مع ليلى ووضحت لها كل شئ...وبالنهايه وافق على الطلاق بشرط ياخذك انتي منها...و
ليلى ترددت بالاول...وبالنهايه اعطتك لابووك...."انتبهت على ام فهد تبكي بصمت وابو فهد
متمالك نفسه"...
هديل:طيب..ليش كل هذا؟؟..وش الاسباب؟؟ ...انا مو فاهمه اي شئ؟؟....
خالد:هديل...هدي نفسك...ابو فهد...للحين ماعرفنا سبب الخلاف بين خالتي ليلى وخالي
ابراهيم...ماوضحت وش صاير عشان يحدث الطلاق...
ابوفهد:اللي صار.....كانت اوضاعنا الماديه عاليه..وجاء واحد يقاله ابو عمر..واخذ
منا صفقه كلفتنا كل ماورانا وقدامنا..يعنى صرنا على بساط الفقر...وليلى ضحت بزوجها وبنتها
عشانا..انا اعرف بتقوولون وش سوت.."ناظر فيهم"..بنتي طلبت الطلاق من ابراهيم..
عشان ....تتزوج من ابو عمر...اللي تقدم لها قبل مايخطبها ابوك ورفضت بحكم انه
اكبر منها..وهو بفعلته المشينه قدر مثل مايقووول رد اعتباره...هذا الشئ ابوك مايعرفه طبعا
بس طلبت منه الطلاق بحكم انها مريضه واحتمال تموت باي وقت...وانا مثل ماقلتلكم..ابراهيم
متمسك فيها..وعرض عليها يسافرون عشان تتعالج برا..لكن هي الله يهديها..رفضت بشده
عشان بس ترجع شركتنا وهذا كان شرط ابو عمر يتزوج ليلى ويساعدنا ماديا..وبالوقت هذا عيالي
صغارمالهم ومال التجارة..وانا وحيد اهلي..وعندي 3خوات..وابوي تدهورت صحته بعد
ماعرف عن الشركة و...صار اللي صار..وقالت له انها عايفه الحياه معه وانها محرومه من كل
شئ وهذا الكلام مو صحيح وابراهيم ماقصر لا معي ولا مع بنتي برغم انه كان تاجر صغير ومادخل
بالصفقات الكبيرة بس عشان تبغى تنقذنا من الحاله الردئيه اللي وصلناها.....من بعد مافترقووا
وبعد ولادتك وصل الخبر لابوك جاء وتفاهم مع ليلى للمرة الاخير بس من غير فايدة....سوت اللي
براسها ومن عقبها ماعرفنا عنك ولا عن ابوك اي شئ ولما بدت اوضاعنا الماديه بالتحسن..انا
وخالك فهد ماقصرنا جينا وسالنا عنك لكن ابوك الله يهديه كان يردنا ويقول مالكم شئ عندي..ويتركنا
بحيرتنا للين ماوصلت ليلى بحاله من شبه الانهيار العصبي..وسفرنها على حساب ابو عمر
تشافت جزيئا..ولما رجعنا للبلاد تزوجت من ابو عمر وسافروووا لبرا وجلسوووا حوالي 6 شهووور..ورجعت عشان زواج..ثم رجعت لفرنسا وجلست شهر تقريبا الا ويتصل علينا عمر ولد ابو عمر وقالنا لازم نجي عشان ليلى بحاله حرجه..وراح فهد اللي ما كمل شهر على زواجه..وعرفنا بعدين ان ابو عمر مات بحادث وليلى كانت معه والحادث وجلست بغيبوبه والحمدلله قامت منها وخسرت الطفل اللي كانت حاملته واثر عليها نفسيا ومعنويا..واكتشفنا انا معها ورم خبيث بالرحم وفوق هذا وهذا انتشر بكامل جسمها ولاقدروووا يسيطرون عليه..ورجعوا وحالتها حاله لاتاكل ولا تتكلم ووصلت لحاله اكتئاب..وكانت دايم تنادي باسمك ويتهيئ لها اي شئ ساءت حالها ودخلنها للمستشفى..وقررت ارووح لابوك واقوله عن حال امك يمكن يتعاطف معها...وكان بوقته على ماظن انه توه متزوج واخيرا كلمته بالبدايه ماقصر معي لكن كلمته وحده ماعندي لكم شئ..ووضحت له وضع ليلى لكنه مافي فايدة..وطبعا ليلى كانت تسال عنك وعن ابراهيم كل يووم بس كنت اقوولها انهم مسافرين لعمل وقريب يرجعووون مع الايام تحسنت حالها وطلعت من المستشفى وبدت تتقبل وضعها ويوم من الايام عرفت كل شئ من سعود وساءت حالتها اكثر لما كلمت ابراهيم وسالت عنك وقالها نفس كلمته وتعتبر ان مالها بنت وكانها ماولادتها او تعتبرك متي..والحمدلله على كل شئ والحين عايشه على هالكيماوي وننتظر رحمه رب العالمين..
هديل بين دموعها:والحين....وينها...امي...؟؟؟؟؟
ام فهد تمسح دموعها:بالمستشفى..بكرة نوديك عندها ....
هديل بصوت مخنوقه:لا...الحين...بروح لها..تكفى خالد..ودني لها
ــــــــــــــــــــــــــــــــــــــــ
الجده:ماشاءالله لا اله الا الله كله ابوووه فمه وخشمه وحتى عيونه..
محمد:لاعاد يمه وش رايك تقوووولين انه انا لكني مصغر..الله يهديك خشمه وفمه من اسماء وهو اشوووا ذكرني وصارت عيونه مثلي ههههههههههههههههههههههههههه
اسماء:ههههههههههه استغفر ربك وش ذا الكلام...
الجده:خوووذي ولدك ياكثر حركته مدري وش فيه...اخذه محمد وباس راسه وعطاه امه
اسماء:لايايمه منيرة هو كذا اذ احد سب امه يزعل.......وصاح
محمد:شفتي يمه احبطتي الولد من الحين..
الجده :ماقووول الله يصلحه وش احباط وش خرابيطه..اهاه كلم على نويصر خله يجيني..
محمد:افاااا ام عبدالعزيز ليكون زعلتي توو الناس ماشبعنا منك..
الجده:لا ياوليدي لازعلت ولا شئ وانتم لاحقين علي..بس بشووف بنيتي هديل راحت ولا اتصلت
اخاف تتصل على البيت وماتحصل احد..
اسماء تهدي ولدها:وين راحت هديل ؟؟....قالتلهم انها راحت عند خوالها بالدمام..
وانتظرت ناصر لين جاء ووصل امه منيرة لبيتها .....
ام نواف:نوف كلمتي منال وقلتيلها بكرة بنروح لمرت محمد ومعنا قهوتنا...
نوف:لا مااتصلت عليها اكلمها بعد شووووي..يمه وش عند ام حمد متصله عليك؟؟؟؟..
ام نواف:بسم الله انتي وش عرفك..كلمتها عشان نروح نزور اسماء..
نوف:وشلون تكلمينها ومنال قايله اعطيهم خبر عشان هم يكلمووون على عمي صالح مو انتي تكلمين...
ام نواف:ياربي على هالبنت..نوف متى تكبرين وتعقلين عيب عليك اللي تسوينه
نوف بضيق:يمه انا وش سويت كل شوووي والثانيه تفشليني ياعند ابوووي اواخوواني ولا فوق
كل هذا عندخالتي نورة وحريم خوالي..لدرجه انتي مفتشله مني خلاص انسى ان عندك بنت..
وعالطووول راحت لغرفتها وهي متضايقه وقفلت عليها الباب..
ام نواف"صحيح كل شووي وانا اقووولها متى تعقلين ولسانك طووويل بس انا ابغى مصلحتها مو بكرة يقووولوون سارة ماعرفت تربي الله يهديك ان شاءالله يانووف.."
حمد:هلاناصر..اقوول ماتدري وين خالد اليوم خير شرماشفته..ومايرد على جواله؟؟
ناصر يبتسم:اووووه انت وينك..الحبيب راح يقضى شهر العسل..
حمد متفاجئه:لاعاد..متى صار الكلام..ناصر تضحك علي او ..."سمعه يضحك"
ضحكت بلاسنوووون انت وكلامك اللي مدري من وين تتكلم..
ناصر:هههههههههه يعنى من وين اتكلم..اكيد مثل باقي الناس وخاصة المزييين مثلي
حمد بتريقه:هههههههاااي..احد كاذب عليك وقايلك مزيوووون..هيييييه فوووئه يابني
ناصر:ماتخافشي دنا فايئه هههههههه الله يلعن ابليسك...نعم اخوووي وش بغيت خالد والله طالع
مشوووار مع مدمتوووووه...
حمد:يارب اعطينا مثل ماعطيتهم..وشو نوع المشوووار يا استاز ناصر..
ناصر بثقل:والله..احم يا اخ حمد..على حسب معلوماتي البسيطه..والثمينه..مدري؟؟
حمد:مالت على هالمعلومات لاوبعد ثمينه وبسيطه..تدري انا الخبل اللي اكلم ناس مستعجلين بكل شئ اللهم لك الحمد والشكر..يله مع السلامه........
ناصر:هههههههه لاو الله يعنى الحين مو مستعجل مثلنا..."ناصر فهم قصد حمد بالمستعجلين"
حمد بارتباك:وش تقصد..؟؟؟؟
ناصر:لالاسلامتك..بس حبيت اقووولك مو كل شئ يتخبى مع السلامه...وسكر بوجه وجلس
يدق على ناصروهو يضحك "عناد فيك يا حميدان ماراح ارد"..وترك جواله بالسيارة ونزل عند
المحطة يعبى بنزين لسيارته....
ــــــــــــــــــــــــــــ
واقفين بالممر والدكتوور معهم يطمنهم عن حاله ليلى وقال انه توها ماخذه الكيماوووي ولازم ترتاح والافضل يجووون بكرة يشفونها لان حالتها ساءت اليوم وام فهد تبكي على حاله بنتها اللي تسوء يوم عن يوم..واصرت هديل تشوفوووها ولو من بعيد سمح لها الدكتووور تدخل لوحدها ولمده 10دقايق..دخلت عندها وكانت ترتجف وحاطه يدها على فمها عشان ما تطلع منها اي صوت او شهقهواول ماوقفت بجنب السرير كانت ليلى ترتجف من تاثير العلاج وماكانت مركزه يعنى كانها بحاله اغمى..شالت الغطوووة ونزلت دموعها من غير صوت وكانها مو مصدقه عيونها صحيح اثر العلاج بدء يظهر على امها يعنى شحوووب وجهها ونحاله جسمها وسقوط شعرراسها وحواجبها..انحنت لامها وباست جبينها وابتسمت ...
هديل بين دموعها:انا هديل...يمه ليلى...انا بنتك هديل......"ماكنت بوعيها وكانت
ترتجف بقوووة وناظرتها وخافت على امها..وشووي تجيها النيرس عشان تطلعها وسالتها عن سبب الرجفة قالتلها من تاثيرالعلاج"...وطلعت وهي مو مصدقه عيونها اخيرا شافت امها..
وعالطووول مسكها خالد وسالها ولاردت عليه..الا ويدق جواله وشاف رقم امه وعالطووول رد..
وسالت عن مكانهم وخبرت زوجها عن المستشفى وبعد ربع ساعه تدخل نورة للمستشفى وشافتهم
نازلين من المصعد فراحت عندهم واول ماتكلمت نورة بكت هديل وحظنتها وحاووولت تهديها جاء ابو محمد وسلم على ابو فهد وعرفه بنفسه وتكلمووا شوووي واصر ابو فهد يتعشووون عندهم بس ام محمد رفضت لان وراهم طريق وبسبب حاله هديل ووعدتهم راحوووا يجوونهم عشان يشفون ليلى باحسن صحه..ووقفوا عند سيارة ابو محمد ...
هديل بين دموعها:الله يخليك ياعمتي خلني عند امي...تكفين
خالد:هديل استهدي بالله وبكرة نجيها..
ام محمد تهديها:هديل انتي الحين شفتيها وهي مادرت عنك بس بكرة بإذن الله نزورها..
هديل:لالالا بجلس عندها مابغى ارجع للرياض..تكفون طلبتكم خلني عند امي....صاحت
خالد:خلاص..طيب لاتبكين..وش رايك يامه ناخذ شقه او فندق...
ابو محمد:وش فيكم ماركبتوووا ..وش فيها هديل؟؟
ام محمد:هديل تبغى تجلس عند امها...
ابو محمد:من حقها تجلس..ابوي خالد انت توكل وانا وامك بنجلس معها وبناخذ لنا غرفه بفندق اللي دايم ناخذ منه..
خالد بضيق:يووبه الله يهديك..انا معكم لاتصرفوووني..وبعيدن دامني جايبها يعنى برجعها
ولاتحاولون تقنعوني ارجع..
ام محمد:مبارك وش فيك انت الثاني خلاص اليوم ننام هنا وبكرة يحلها الف حللال..فتحت باب
السياره لكن خالد طلب من امه تركبها عنده عشان يمشى فيها شووي على الكورنيش ويطلعه من اللي هي فيه ....
ــــــــ
ام نواف:وين اختك..مانديتها؟؟؟؟
فواز يجلس:تقووول ماتبغى عشى.....واخذ خبز وبدء ياكل وجلست ام نواف تلوم نفسها هي
ماغلطت بس ماتوقعت بنتها تسوي كذا..الله يهديها وبكرة تكلمها..
حمد:لا والله احلف انت بس..مين الحين الخاين انا او انت يا قيس ابن الملوح..
ناصر+وليد+نواف:ههههههههههههههههههههههه ههههههههههههههههههه
حمد بقهر:قسم بالله الحين اترككم ولاعاد تشووفووون وجهي الا يوم عرسي..
ناصر:ههههههههههه يارجال انت ماتعرف المزح...ماقووول الا الله يعين العروس عليك..
حمدبغرور:الا يابختها بي..وانتم مالكم نيه او مشروووع قولوا من الحين لتصيرووون مثل الخاين
وليد:والله مافكرت ولاعمري بفكرلين اخذ الضوء الاخضر من الغاليه.."راحوووا تفكيرهم لبعيد"
حمد:اووووووف الولد طايح ولاحد سم عليه..عاشق هاه...مين قووول ماراح نقول لاحد
ناصر:لا حمد اسمع بعد غاليه...والله ياوليد اثريك مو سهل...
نواف+وليد:ههههههههههههههههههههههههههههه...."نواف يعرف الغاليه"
حمد:تكلم وخل عنك الضحك لعطيك بووكس يطيح اسنانك واخلى الغاليه تلعن اليوم اللي شافتك فيه..
وليد:هههههههه سبحان الله ههههههههههه كل واحد يفهم على حسب تفكيره ههههههههههههههه
ناصر:لا يعنى انت طالع فهيم وحنا دلوووخ..؟؟؟؟
نواف:هههههههههه عليك نوووور انت اللي قلتها دلووووخ...ياذكي انت وياه الغاليه بمصطلح وليد واخوانه هي اخته اللي هي زوجته اخوووووك يا دلخ.....وافتشلوووا الاثنين وجلسووا يضحكون معهم..
ــــــــــــ
طلعت وفتحت البلكونه ووقفت عندها تستنشق ريحه البحر..وتناظر للسماءوتحمد ربها ان شافت اغلى شئ بحياتها..وهبت نسمه حركه شعرها المفتوح..وجلست تناظر بتحت وماحست الا وخالد واقف عندها ونقزت بخوووف..
خالد يبتسم:ابغى اعرف شئ واحد متى تتركين الخوف اللي بداخلك..؟؟؟؟؟
هديل بحياء:خالد...ممكن اسال سؤال.؟؟؟؟؟
خالد بنظرة حنان:اسالي...مو سؤال واحد مليون سؤال..وبعيدن اتركي عنك الرسميات.؟؟؟
هديل تبتسم:امممممممممم لو انا مو هديل...راح تسوي معها اللي سويته معي؟؟؟
خالد باستغرب:مافهمت عليك وضحي اكثر..يافيلسوفه؟؟
هديل:ههههههههههههههههههههههه يعنى يا استاذ خالد..لو انت اخذت وحده غيري راح تسوي معها كل اللي سويته..
خالد بخبث:وش تبغين توصلين له بالضبط..هدووووله..لاتلفين وتدووورين؟؟؟
هديل بتردد:يعنى...احم....امممممممم...انت ..وش الدافع اللي يخليك تسووي معي
كذا..مثلا هل هو....طيبه وشهامه منك...او.....او....
خالد بجديه:شفقه.."رفعت راسها له"..شوفي ياهديل كلمتين مو ثلاثه...انتي هنا..
"اشر على قلبه"..وتحرك عشان يبغى يطلع....
هديل بحنان:خالد.....وقف عند باب البلكونه"...يهون عليك تروح وتتركني لحالي..
خالد:لامايهون علي...بس متاكده من كلامك...
هديل بحياء:اكيد....متاكده...والتفت عليها مبتسم ووقف عندها يسوولفوووا ....
ــــــــــــــ
ام نواف تطق باب غرفتها:نوف....نوف...انتي نايمه
نوف فتحت الباب:نعم يمه..."منزله عيونها"...
ام نواف:وش فيك لاتعشيت امس واليوم ماتغديت..ليكون تشووفين غلاك عندنا..
نوف:لايمه مالي نفس....ودخلت امها بغرفتها...استعدي بنرووووح لاسماء بعد شوي
نوف:مالي خلق اروح..روحي انتي....نزلت راسها
ام نواف:يمه نوف..عشاني ابغى مصلحتك تزعلين..هو حلو منك تسالين بكل شئ بس مو كل
شوووي تنطين وتتلقفين..."رفعت عيونها المتجمده فيهن الدموع"..انا ابيك تصيرين مثل منال
وهديل ماشاءالله عليهم الكل يمدح فيهم..
يمه انا ماقصد شئ اذ قلت لسانك طويل او ملقوووفه ابيك تنتبهين ومابغى يكون طبع فيك..
نوووف..
اعتقد انتي كبرتي وبسن زواج واكيد الكل بياشر عليك وبيقووول هذا نوووف بنت سارة..
عشان كذا تشووفيني شديده عليك مابغاهم يقولون هذه نوووف ام لسان طووويل...
عشان كذا يايمه اقووولك اعقلي لانك بسن زواج..فهمتي...
نوف مستغربه:يمه..وش قصدك...؟؟؟؟
ام نواف تبتسم:اقصد ان ناس خطبووك مني..عشان كذا اقووولك مابغى بكرة يقووولون سارة
ماعرفت تربي بنتها..ابغاك تبيضين الوجه..
نوف:يمه..كانك تقووولين هالكلام وكاني موافقه..بالاول مين هو؟؟؟ ووش يشتغل؟؟...
ام نواف تهز راسها:ماتتغيرين ابدا..اولا هو ماهو غريب عليك مننا وفينا...وقالتلها امها كل
شئ..بالبدايه طلعت اعذار الدنيا قالت دراستها وانه كبير وماتبغى تبعد عن اهلها..طبعا ام نواف
قفلت كل الطرق عليها..وضحت انها مجرد خطبه واذ قرر الولد الزواج يصير خير ويمكن تجلس سنه او سنتين وهو ماقرر متى الزواج...
ــــــــــــــــــــــــ
الدكتور:والله مش عارف ائولكم ايه..بصراحه حالتها ماطمنش ابدا..وخايف تزيد حالتها
ام محمد بعصبية:يعنى وش نفهم من كلامك..مانقدر ندخل نشوووفها.؟؟؟
ابو محمد:استهدي بالله ..الدكتور ماقال شئ..؟؟
نورة بعصبيه:ماتسمعه وش يقوول.؟؟؟
الدكتور:يامدام..هي بعد العلاق نمنع عنها الزيارات خوفا من تدهور صحتها لاسمح الله..
وانتوا قيتوا بوئت مش مناسب خالص..اعزروني..
هديل بصوت مخنوق:خالد تكفى كلمه..ابغى اشوفها بطمن عليها..
خالد:يعنى دكتور مافي اي مجال نشوفها..
الدكتور باسف:الحئيئه...مش عارف ائولكم ايه..انا ائولتلكم حنا نمنع عنها الزيارات بعد العلاق
وخاصه هي بدت بمرحله علاق صعبه..مافيش غير بكرة تيقووا..
هديل بحاله يأس من بعد ماكانت متفائله..وقالها خالد اللي صبرها هالسنين يصبرها لبكرة ورجعوا للرياض لان عند ابو محمد دوووام ونفس الشئ خالد وبكرة بينزلون ويشفونها...
الساعه 1وربع الظهروصلوووا من الشرقيه اخذ لها دش ونزلت عند امها منيرة وحصلتها جالسه
بالصاله..وطلبت منها تزور اسماء حماتها وحست الجده ان نفسيتها مرتاحه من بعد ماسمعت كلام خالد وسالتها عن امها اللي عالطووول تكلمت بفرح عنهابرغم ماجلست معها ولا كلمتها بس يكفى شووفتها وش سوت فيها..وتكلمت عن جدوودها وخالتها هيا وحريم خوالهم وكانت فرحانه..شووي ويدق التلفوون وترد وكان خالد يبغى يطمن عليها وحس بنفسيتها متحسنه..وعلى المغرب اتصلت باخوووها وليد عشان يوديها لاسماء بالاول طلبت منه يرحوون محل هدايا تشتري هديه بسيطه وباقه ورد الجده ماراحت معها لان كانت امس عندها..واول ماوصلت كان فيه ام محمد وام سعد(ام اسماء)جالسين يسووولفوون وكان محمد معهم شايل ولده..ولما دخلت كانت معها باقه الورد واول شئ سلمت على اسماء وتحمدت لها بالسلامه وحطته الباقة على الطاوله وسلمت على الباقين..وقالت لمحمد ان وليد برا...اعطى ولده لامه وراحت هديل اخذته منها تبوووس فيه..وجلست بجنب اسماء وعاد تعرفووون الحريم مين يشبه والامور هذي..وشوووي وسمعت ام سعد تدعي لهابالذريه الصالحه وانحرجت..وطووول الوقت كان بين يدين هديل اللي فرحانه فيه وكل شوووي تعلق عليه بحركه يسوويها ويدخلون حريم اخوانها واختها ومنال..سلمووا على بعض واعطت هديل البيبي عمتها ساره اللي تموت بالاطفال..وجلست تطلع عيوبه واسماء تدافع عنه وعن عيوبه..بعد صلاة العشاءكل واحد يدق على عياله ووعدوووها بزياره ثانيه بس ببيتها..وطلعت حصلت خالد واخوه محمد ووليد جالسين بالاستراحه ونادت وليد وجاء عندها
وليد:هلا هدووووله...يله نمشي...؟؟؟
هديل تناظر خالداللي وقف بجنبها:امممممممم لا...بروح لبيت عمي عبدالعزيز...
وليد مبتسم:طيب مو مشكله انا اوصلك..كم هديل عندي.....
هديل تقهر خالد:تـــســــلـــــملــــي يــــــا الـــــغـــــالــــــي..
خالد بقهر:من هوووو الـــغـــــالـــي...؟؟؟؟
وليد:يا شين اللقافه وانت وش دخلك...بيني وبن اختي انت تدخل ليش..؟؟؟
خالد:لاوالله ليكون ناسي ..اذ هي اختك تراها زوجتي مين الاولىّ..
وليد:اقوول لاتكثر تراك انت وزوجتك عاطلتوني....
خالد:اوووف..ومين ماسكك تفضل رح لاشغالك..ليكون واقفين بطريقك وحنا ماندري..
هديل تهديهم:خالد...نسيت اقوولك...مبروك على ماجاء اخوووك..
خالد يحرجها:الله يبارك فيك...وعقبالنا....."نزلت راسها من الحياء"..
وليد بخبث:اكيد تنسين"يناظر خالد"..اللي ماخذ عقلك يتهنئ...
خالد:مووووووت بغيظك اكيد انا اللي ماخذ عقلها اجل انت....
هديل منحرجه:خلاص..مو وقته الحين..المهم توديني او لا...
خالد بجديه:وين يودك...وليش ماطلبتي مني...
وليد:ليكون صدقت انها زوجتك...حبيبي اذ صارت ببيتك تعال وتحكم فيها..دامها عندنا لاتتكلم
ولاتفتح فمك بكلمه..OK "حب يقهر خالد"..اقووول هدوووله من زمان ماشيكتي على ايميللك..
هديل مندهشه:وش فيه ايميلي..؟؟؟؟..."وليد يناظر بخالد اللي معقد حواجبه"..
وليد:لا..مافيه شئ..بس رسايل المنتدى والمعجبين..لدرجه نقلتهم بايميلي عشان ايميلك صار
Full ....
خالد:اي ايميل واي منتدى...وليدوووه..لاتخرب زوجتي..مالها بالسوالفه البطاليه..
هديل+وليد:هههههههههههههههههههههههههههههههههههههههه هههههههه
خالد بزعل:وتضحكين بعد..ولاجبتي سيرة عن موضوووع خير شر..لاعاد تكلمين مع السلامه
ومشى عنهم ونادت عليه ولاكانه سمعها..
وليد:ماتوقعت زوجك دلوووع مالت على دلعه..اثريك ياهدوووووله مدلعته لاتدلعينه بكرة يخرب
عليك...
هديل:ههههه والله هو مدلع نفسه هههههههه ولايهمك الحين اضبطه لك..يله منال تنتظرني...
وركبوا السيارة ودقت على خالد اللي بالاول مارد وثاني رد بزعل وساحلت فيه للين رضى وسمع وليد يتريق عليه وانقهر خالد منه وطلب منها تحط سبيكر عشان يمرمطه وجلسووا يتهاوشون على مزح واخيرا تدخلت هديل بعزيمه من الاثنين بالبدايه رفضووا وقالت انه هدنه مابينهم تطوووع خالد يعزمهم على العشاء ووليد نفس الشئ لكن بيوم ثاني وبكذا رضوووا ووصلت لبيت منال واتصلوا على نوف تجي تكمل معهم السهرة.
ـــــــــــ
ام فهد:هاه..ليلى وشلونك الحين..
ليلى بتعب:الحمدلله يمه بخير...احسن من امس بكثير..يمه بقولك شئ..بس الله يخليك
تفهمني ولاتقوولين عني مثل مايقووول سعود...
ام فهد:لايهمك سعود بكلامه..انتي اعقل منه ومن عشرة غيرة..بس يمه وش بغيتي تقووولين؟؟
ليلى بتردد:.....بعد ماخذت العلاج.....شفت هديل بنتي.....
ام فهد تعرف ان ليلى كل ماخذت العلاج يتهيئ لها اي شئ ومن زمان ماجابت طاري هديل من بعد ماصار اللي صار بحياتها..ولاحبت امها تقولها عن الاحداث اللي صارت بسبب خوفها على بنتها والمضاعفات اللي تحصلها..
ام فهد بخووف:وشلون...شفتيها...يمكن تكونيين حلمانه...
ليلى بضيق:لايايمه..سمعتها تقول انا هديل....حاولت اتكلم اركز بشئ بس ماقدرت..
امس احد زارني .؟؟؟؟
ام فهد:ايه انا ابوووك..بس قال الدكتورانك بفترة راحه ورجعنا عالطووول...سمي بالرحمن
وتعوذي من ابليس كل هذا تهيأت..وشكلك كنت تفكرين بهديل صح..
ليلى:ايه كنت افكر فيها فهد قال اذ فضى بيروح يجيبها...ماراح للحين ؟؟؟
ام فهد:والله ماراح عندهم اشغال وصعبه يترك شغله على سعود لوحده لازم احد يساعده..دامه قال هالكلام ان شاءالله يجيبها..بس انتي لاتفكرين كثير وريحي عمرك..عشان تقومين لنا بصحه
وعافيه..هزت راسها وحاوولت تركز بكلام امها لكن فكرها شغال وكانت متاكده من اللي سمعته
واللي شافته وانه حقيقه وليس حلم....
واول ماوصلوووا للمستشفى الكل كان فيه جدوودها وخوالها وخالتها هيا..وكانت خايفه وتمشى بجنب عمتها وخالد متقدمهم..سلمووا على بعض وقالوووا لهديل تدخل بروحها وطلبت من عمتها
تدخل معها واول مادخلت كان قلبها يدق بقووة شافت امها وكانت شبه نايمه على السرير وتناظر
للشباك وكانها تتأمل شئ..ووقفت عمتها عن الباب وتقدمت عند امها للين ماوصلت لها
والتفتت ليلى عليها وماعرفتها وجلست تناظر فيها..
هديل بصوت مرتجفه: ....يمه........
ليلى بخووف:هديل.....انت بنتي هديل....."هزت راسها ورفعت امها يدينها
عشان تتحسسها"..تعالي بجنبي...راحت هديل ومسكت يدينها وعالطووول من غير شعووور
حظنتها بقوووة وكانت تبكي وتقووول"اخيرا لقيتك يايمه"....ليلى كانت تبكي مثل بنتها
وتحمدربها..وشافت نورة واقفه عند الباب وعرفتها عالطووول لان نورة ماتغيرت هذا هي..
ليلى بين دموعها:حيالك يانووورة..تفضلي....وجت عندهم وسلمت عليها ...
ليلى بصوت متقطع:وين امي..عشان اقوولها..اني ماكنت احلم..."رفعتها عنها"صح زرتيني قبل امس.."هزت هديل براسهاوباستها امها وحظنتها"..وينك ياهديل..وينك من سنين..الله يسامح ابوك..آآآه مت وانا حياء..مدري شلون طاوعني قلبي على فراقك...
وهديل تبكي:لاتقوولين شئ يمه..يكفى اني لقيتك..وماراح اتركك ابدا..
ليلى تبتسم بين دموعها:اكيد اكيد يايمه اكيد..نورة...ابراهيم عارف ان هديل عندي...
نزلت نورة راسها قالت لها عن اخوووها وحزنت ليلى وترحمت عليه ودعت له..ودخل خالد عليهم وفرحت لما عرفت ان بنتها متملكه وفرحت اكثر ان ولد نورة يعنى بكذا بتطمن على بنتها..ودخلووا اهلها كلهم..والكل فرحان بهديل وليلى صحيح سعود معهم بس ماحب ينكد عليهم الجوووء بس توعد انها ماراح يخليهم ينفذون مخططاتهم"من وهم خيال سعود"...ووعدت امها تجيها وراء يوووم اقل شئ....
ومع مروور الاسابيع طلعت امها من المستشفى تستكمل علاجها بالبيت وطبعا هديل معها سكنت عند خوالها مؤقت للين تداوم بالجامعه يعنى اسبوعين جلست عندهم..ومنها رجعت للبيت جدتها ومن الاربعاء تروح للدمام وماترجع الا الجمعه بالليل..
****************************************
:::: مـــــــــابــــــعــــــــد الـــــنـــــهـــــــايـــــــة ::::
اليوم ثالث يوم من ايام العيد الفطر وبهذا اليوم زواج هديل وخالد والكل فرحان ومبسوووط..بقاعه
الزواج كانت بالغرفه مع صديقاتها وبنات عمها وامها..ومع منال كاميرا فيدوووا عشان تصووور
احسن اللقطات للعروووس وجاء وقت الزفه....
كانت القاعه مظلمه وفيها الانارة الكبيرة مسلطه على الدرج اللي بتنزل منه العروس...بدت الزفه على اغنيه حسين الجسمي الصلاة والسلام بوقفتها على الدرج ومن وراها عمتها ومنال ونوف وخالتها هيا وامها جلست لان كل ماتقدمت بالعلاج كل ماتتعب اكثر..وكان قلبها يدق وكانت ترجف وماسكه باقه الورد بقووة يقالها تخف من حده التوتر..للين ماوصلت للمنصه وجلست وبعد نص ساعه دخل العريس مع ابوه واخووان العروووسه وهنا تذكرت ابوها وحاولت تتماسك عشان مكياجها..والكل باركوا وتمنوا لهم حياه سعيده....
من بعد اسبوع على الزواج اصر ناصر يملك على منال وخاصه مابقى الا ترم له..وسووا ملكه
واقتصر تكوون بينهم هديل وخالد كانووا مسافرين وجوووا بيوم الملكه..
ام وليد صارت تسال عنهم من بعيد واذ حصلت اي مناسبه ترووح تزورهم اما عيالها واصلين مابين عمامهم وعماتهم واختهم..حمد ونووووف اعلنوووا خطووبتهم بشكل رسمي..والزواج بعد
ماينقل حمد للرياض..يعنى باقي سنه او سنتين ..
.............بــعـــد ســـنــــه...............
خالد بصووت كله نووم:هديل......هديــــــــــــــــــــــــــــل...
هديل:خير وش فيه..."سمعت بنتها تصيح"....وليش ماقمت تشيلها...
خالد:شيليها لايجيكم شئ انت وهي..اطلعوووا برا خلوني اناااااااام...
هديل تغيظه:لاماراح نطلع وعناد فيك بجلس هنا ومارح اسكتها...لين ماتوافق انام عندي امي
خالد:اووووووووف...يابنت الحلال نيمي عندها اهم شئ اطلعوا وشيله صفارة الانذار هذي..
هديل تشيلها:ههههههههههههه حرام عليك هذي صفارة انذار.."باستها"..باخذ حق لولي منك.
المهم تخليني انااااام عند امي عشان اتجهز من الحين...
خالد بقهر:اخليك..بس اطلعووووا عني بنااام......وطلعت عنه وهي فرحانه وراحت للصاله الصغيرة اللي بقسمهم..وجلست تلاعب مع بنتها وشوووي يجي خالد عندهم ويجلس بجنبها
خالد ياخذ لولي:نسيت اقووولك شئ؟؟؟؟؟؟؟؟...مافي نوووم عند امك!!!!
هديل مستغربه:ليييييييش..؟ توك موافقك...شوي شوووي على البنت
خالد يرفع بنته لفووق:موافق لما كان فيني نوووم بس عقاب لكم..طار النووم ومافي نووم عند
خالتي...ويضحك على لولي لانها خايفه من رفعت ابوها..واخذتها منه خافت عليها
تطيح او يصير لها شئ..
حملت هديل وكانت بالسنه الثانيه بالجامعه وجابت بنت وسمتها على اسم امها(ليلى)4شهور...
واسماءتخرجت وجابت ولد سموه ناصر6شهوراللي نشب فيهم ناصر الا يسمووونه باسمه..وصار
دلوووع عمه ناصر وياويل الي يزعله و مبارك الصغير صار عمره سنتين..
منال بالسنه الثالثه وتوهم متزوجين ..
ووليد ونواف صاروووا بسنه ثالثه وطلب من رجل عمته يشتغل بنفس الشركه يعنى يساعد بمصرووف البيت..وعبدالله وفواز باخر سنه بالثانووي وشادين حيلهم وخاصه ان عبدالله يفكر يشتغل عالطووول وبعدين يكمل دراسته..اما سارة انشغلت عن الكل عشان تجهيز بنتها اللي اصر حمد عليهم يتزوجوون بنهايه العطله وتعيش معه بالشرقيه وتنقل اوراقها هناك بالبدايه نوووف عارضت لكن امها وخالتها ماقصروووا واقتنعت..اما هديل ماقطعت عن خوالها وامها اللي تجي لها بالاجازات وتحاووول مع خالد تنام عندها لكن من غير فايده مايقدر يستغنى عن لولي الصغيرة
ــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــ
تحياتي,,,
شوووق العشاق
-تمـــت بحمــدالله-
|
03-07-10, 10:43 AM
جديد مواضيع قسم القصص المكتمله
العرض العادي
