جهاد كانت اقرب وحده منه غزيل حركت كتوفها: غزيل
صحت غزيل: خير شو تريد موعيب تدخل حجرة البنات وهم نايمات
جهاد: لا والله بيتنا واستحليتيه وحجرة غزل واستحليتيه الحين حجرتي انا بعرف شويقربونك اليهود
غزيل: عيال عمي
جهاد: ووجع قمي روحي بيتكم ووقفها وخرجها من حجرته ورد لغزل
غزل وهي تكتم ضحتها: خلاص قمت
جهاد: ابااعرف ليش نايمات هنا
غزل وهي تاشر على جودي: حرام كسرت خاطرنا قلنا ننام معاها تعرف تخاف تنام بروحها
جهاد: بره
خرجت غزل بكرامتها
تقلبت جودي وهو ناظرها وشاف كدمه خفيفه على وجهها
جهاد: الله يلعن ابليس الحين هذيل شو يفكنا من لسانهم
خذ شاور سريع وخرج وشاف جودي مثل ماهي نايمه تقرب منها ناظرها نزل راسه عند راسها شاف خدها باسها بسرعه عليه وخرج
دق الجوال على ثمانيه قمت بسرعه ماشفت البنات رتبت الحجرة وبدلت ملابسي وخرجت
نزلت وشفتهم متجمعين
جودي: السلام عليكم ورحمة الله وبركاته
ورحت سلمت على عمي منصور
طبعا كنت منزله شعري على خدي المعلم مشكلة شعري الحين طول يضايقني لماينزل كله مو متعوده عليه وهو طويل يعني طويل لين تحت الكتف
جودي: ماتشوف شر ياعمي
منصور: الشر مايجيك وانت شلونك الحين جهاد يقول تعبانه
جودي: الحمدلله بس ضرس العقل وجعني
..ما ادري من وين تطلع الكذبات..
منصور: اوهوو اجل جهاد مو داري عنك يحسب بس زكمه
...انصدمت ماعرفت شو اقول..
موضي: الله يهديك وين يشوفها وهو من تنومت مايبيت الاعندك
منصور:الله يهديه بس صدق والله لي يومين ماكليت حلى وخاطري اكل إكلير
موضي: لااااااا والله ماذوقه كافي الي جاك
منصور: بس قطعه افاا امون عليك
موضي: حرام عليك السكر بالقوه اعتدل عنك
منصور: خلاص باخذ الدواء ولايهمك
موضي: لا وحرام عليك يعني تبي ابر انسولين
منصور: وحده مابضر وتعرفين انه السكر عندي مو مرتفع الحمدلله كثير وانا مهتم بصحتي وعامل حميه بس لازم كل يوم اكل جرعة حلى وقليله يعني
موضي: والغيبوبه من شو
منصور: زعلت وبس الحمدلله انتهى الموضوع
....زعل شكله جهاد قال انه بيطلقني لاجل كذا زعل والحيم انا متى اكلمه اخاف يرد يمرضى مره ثاني اليوم بكل جهاد واشوف شو اعمل بس انا خلاص هـ المره انا الي ابا الطلاق لانه جهاد جرح كرامتي خدش حيائي..
منصور: التقديم الاسبوع الجاي شو قررتن
غزل: انقليش
غزيل: وانا بعد
...اكتشفت اني ما اصلح لافي التمريض ولافي الطب انا كنت اخاف المس الكدمات الي على جسمي جود هي الي كانت تعمل لي الكمادات حتى الحرق الي في فخذي جود هي الي كانت تحط عليه فازلين وتفك كبسولت المضاد وتحطه علي اما انا اذكر مره وحده شفته وبعد كذا صرت اغمض عيوني لما جود تنظفه لي..بس اشلون اشلون بعيش بعد ما اطلق..تذكرت ابوي اختفى ومنيره طلعت مو ام البنات وانا في شبابي وهي في عجزه يعني احتراما لاخواتي ولعمرها اذا جات تضربني راح امسك يدها وراح امنعها وبدخلها حجرتها واسكر عليه اذا كنت انا وهي لحالنا في البيت اخاف تدخل علي احد من اصحابها علي..
منصور: وانت ياجودي
تنهدت: كنت اظن اني اقدر ادخل التمريض او الطب بس اكتشفت اني ما اتحمل المناظر الي ممكن تواجهني
وسكت لاني بالفعل محتاره شو ادخل انا اخترت هـ الشيائن لاني راح اضمن بعدها الوظيفه ولان كل همي كان تحسين وظعي واني ماراح ابات في الشارع بس نسيت شغله اذا ابوي رد يعني برد للماضي كله آآآآه محتاره شو اقرر
غزل: شو قررتي
احترت كثير تنهدت ودي احد ينزعني نزع من هـ الدوامه: مااعرف والله محتاره صدق محتاره
غزيل: اشفيك عادي قرري واختاري اذا ماعجبك حولي السنه الي بعدها عادي كثيرين عملوا كذا
..والله انك مو عارفه شي بس صدق بادخل طب واذا شفت اني اقدر اكمل كملت واذا شفت انه ابوي ما رد بغير قسمي اماااااا صدق اشكر فنك ياغزيل عليك افكار جهنميه...
ارتحت وبان علي اني ارتحت: خلاص بادخل طب واذا ماعجبني الوضع بحول
موضي: بس انت قلتي انك ماتتحملين المناظر يعني اهم شي في الطب التحمل والصبر وقوة القلب
جودي: نجرب شو ورانا
موضي: سنه بضيعيها من عمرك
جودي: ما اعتقد يعني لو غير الطب كان ممكن يعني باخذ اقل شي دوره سنه
موضي: بس انا اشوف انه الطب مايناسب المتزوجات يعني عادي اذا كنت بنت اما متزوجه صعبه ونسينا شغله مهم جهاد شو رائيه
...شو رائيه بيكون هو له رائ بيطلقني يعني ماله راي...
غزيل: خلاص انا زهقت من هـ الموضوع اذا بتستمرو فيه بروح بيتنا ولمـ تنتهو منه نادوني
منصور:هههههه انزين في شو تبينا نتكلم
غزيل: بما انك تعبان وعاطينك اجازه اربعة ايام ويعني بظل فاضي هنا في البيت خرجنا
موضي: حد ماسكك خبري امك واخرجوا معاها
غزيل: لا نبي تغير
غزل والي فهمت عليها: ايه والله فرصه وجات لحدنا نرفزها لازم نستغلها
منصور:هههههههه والله شكلكن داعيات علي
الكل:هههههههههههههه
غزل وغزيل: لا والله
غزل: يعني باباتي انت محتاج لفترة نقاها واحسن مكان نروحه هو المدينه المنوره والله انها تشعر بالطمانينه فيها واهم شي تنسى كل همك وتعيش يوم وبس
منصور:هههههههه خلاص تم جهزو حالكم
موضي: لا شلون انت تعبان
منصور: لا بخلي السواق هو الي يسوق
موضي: خلاص تم
غزيل: طبعا ناخذ ماماتي حرام تظل هنا بروحها
غزل: ليش انت كنت حاسبه نفسك بتروحين ويانا لاعين انا وبابا وماما نرجع ايام شبابهم
غزيل: والله الفكره فكرتي ماتروحون الي ورجل قبلكم
موضي: من احماس الناس تقول رجلي فوق رجلكم وانت تقولين قبلكم
منصور: ولا الثانيه تبى ترجع شبابنا والله فكر شرايك موضي نروح انا وانت نعيد شهر العسل
موضي انحرجت بس ضحكت لما شافت اعتارض البنتين
غزل: والله باباتي توك خارج من المستشفى شلون تروح حرام تعب عليك
غزيل: لا هو قاصد يبي يرمي الغل كله على باباتي حبيبي ارجع لدوامك ضعيف ابوي ماخذ شغلك بعد
منصور:ههههههههه توهم فترة نقاهى وماادري شنو
غزل وبدلع وهي تحضن ابوها: عااااد عيد شهر عسلك بس خذنا وياكم
غزيل وهي تنط في الموضوع: والله مابنخرب عليكم حتى بالعكس بتكون ابلة زوجتك الي هي انا وراها لاجل اعلمها الرومنسيه
موضي وهي منحرجه وترمي المخده على غزيل: ليش شايفتني جفصه
الكل:ههههههههههههههههههههههههههههه
ـــــــــــــــــــــــــــــــــ

~|~الجــــ الخامس ــــزء~|~

على الساعه وحده
كنت اشوف غزل وغزيل وهم يجهزون اغراضهم وانا ودي اروح لها يعني في حياتي مارحت لها اكيد بحزن لاني ما اقدر اروح
غزل: جودي كلمي جهاد يخليك تروحين ويانا
غزيل بتريقه: لاعيني اخوك يخاف ينام من غيرها
جهاد: وهي صادقه اخاف انام بروحي
..هذا اشلون دخل ومتى ومحد انتبه له...
غزل: انت من وين جيت
جهاد: من الباب يعني من وين
غزل: لا موقصدي بس شو هـ الدم
...ما كنت اناظره بس لمـ قالت دم ناظرته شفت وكانه متحمم بدم حسيت بغثيان... بسرعه عطيته ظهري يعني لو بصير طبيبه بيصيرلي كذا... اف شو هـ القرف بجد ما اقدر ادخل طب..
غزيل: الله يستر لايكون احد مات
جهاد: ما اعرف انا ساعدتهم في الجرح بس ما اعرف اذا احد مات ولا لا
غزل: ان شاءالله كلهم يعيشون
غزيل: امين
جهاد: الا صدق رايحين المدينه
غزل: شفت شلون
جهاد: الله وياكم وانتبوا على اعماركم وبطلو هبل
..ابتسمت غصب عني على تعلقيه..
غزل: اقول جهاد خلي جودي تجي ويانا
جهاد وهو يقلد غزيل: اخاف انام بروحي
غزل وغزيل:ههههههه
جهاد: جودي نزللي ملابس على بال مااخذ شاور
وقفت ورحت وانا احس اني متقززه من شكل الدم الي عليه
جهاد بتريقه ومبين عليه انه معصب: الا ارتحتوا في نومكتن
غزل وغزيل:ههههههههههه
جهاد وهو معصب: ياويل وحده فيكن تعيدها فاهمات
سكتو البنات لانهن يخافن منه لاعصب يتهور
جهاد وهو يصارخ: فاهمات
غزل وغزيل: ايه
وخرج من عندهن
ناظرو بعض غزل وغزيل:ههههههههههههههههه
رد دخل عليهن: انتو هبلات ولاشو في شي يضحك
وناظرهم وهو ياكلهم بعيونه وهن سكتن
خرج ورزع الباب وراه
نزلت الملابس وحطيتها على السرير
وجيت اخرج بس شفته داخل
رجعت
جهاد تقرب مني وانا ابتعد لين التصقت في الجدر
جهاد: عدلي اسلوبك وياي قدام اهلي وياويلك وياخرب ليلك لو تطنشيني قدامهم وانا اكلمك ونظراتك هذه عدليها..كنت اناظره وانا متقززه من شكل الدم اصلا خلاص برجع ما اقدر اشم ريحت الدم في خشمي مديت يدي ابعده عني لاجل ما يقرب اكثر..
وغصب تقشعر جسمي من كثر ما انا قرفانه من شكل الدم وريحته
جودي: انزين فهمت ابعد لازم تلصق فيني
ابتعد عني وهو ثاير دخل الحمام ورزع الباب وراه رزع
خرجت من حجرته وشفت خالتي موضي داخله..ماعرفت شو اقولها يعني انا وهي ما نتكلم الافي الضروريات وبس
موضي: وين جهاد
جودي: يستحم
جلست موضي على الكنبه
موضي: خبريه اني ابيه ضروري
دخلت حجرته وقيت عليه الباب
جهاد وهو يصارخ: خير شوعندك
جودي: امك تبيك ضروري وهي هنا
بس صدمني خرج وهو في راسه الشمبو وجالس يعدل المنشفه على خصره
جهاد: ابوي صارله شي
حركت اكتافي باني ما اعرف بجد صدمني بحركته حتى انا ظنيت انه استوى شي
خرج بسرعه وخرجت وراه
جهاد: خير يمه ابوي صار له شي
ناظرتني موضي بقهر
موضي: لا الخير بوجهك بس كمل استحمام وابيك في كلمة راس
ناظرني وهو شوي بياكلني انا شو ذنبي هي قالت خبريه وانا خبرته وهو الي انفجع ليش يناظروني بلوم وقهر
دخلت المطبخ يعني ابعد جو التوتر خرجت إكلير في طبق وقدمته لخالتي وحسيت انها مصدومه
طبعا انا اخذت الاكلير لاجل عمي منصور مايشوفه وياكل منه
جودي: تفضلي خالتي
..كنت اتكلم وانتظر كلمه قويه منها بس شكلها مسالم اليوم..
خذت الطبق مني ومسكت الشوكه وذاقته وانا اناظرها ما ادري ليش بس كنت اناظرها يعني شكلها مسالم والله شكل البنات كلموها اني اروح وياهم وهي جات تكلم جهاد وووو بصراحه فرحت على افكاري...
موضي: ممكن تنزليلي قطعتنين بوديها لمنصور حزنت عليه خاطره فيها
تحمست اني اتلكم وياها شكلها مسالم وما راح اسمع كلمه تسم البدن: اصلان انا عملته له بس تذكرت انه عنده سكر فاخذت الطبق وطلعته
موضي:ممم ونزلت الطبق من يدها خلاص باخذ هذا دام انه له
جهاد وهو خارج ولابس روب الحمام: خير يمه شو صار
موضي: كمل لبس وتعال
جلس جهاد: ما اقدر شو الموضوع
ناظرتني وتذكرت انها قالت كلمة راس سحبت نفسي ودخلت حجرة جهاد وسكرت الباب وانسدحت على السرير ..اصلا انا مانمت الي بعد صلاة الفجر وصحيت ثمانيه والسرير يغريني كان رحت حجرتي بس كيف وامه هنا غمضت عيوني نمت
موضي: ما ينفع نتكلم هنا ندخل حجرة الاستقبال يكون احس
وقف جهاد بس رد جلس تذكر اللحاف والمخده: ليش لهـ الكثر الموضوع مهم
موضي وهي توقف: ايه تعال
مسك جهاد يدها: اجل تعالي نجلس في الحديقه يكون احسن( تذكرون حديقة القصر الي تهزئة فيها جودي من موضي)
جلست موضي: والله خواتك بطرانات يعني مسوين لهم حديقه وفي الاخير كرهوها
جهاد: ههههههههه يمه طفشو منها كل ما قالولكم خرجونا قلتو لهم الحديقه وكلفنا فيها وحطينا فيها يعني طبيعي يطفشوا منها بس اعتقد بيرجعون لها لو حطيتوا فيها تلفزيون ورسيفر اعتقد بينامون فيها
موضي:هههههههه يبيلنا بس خلهم اسفل اقل شي نشوفهم ويشوفونا
جهاد: يمه شو الموضوع
موضي: انا ماودي اتدخل في حياتك بس شفت وجه زوجتك يعني انت ماخذها لاجل تحميها من ابوها وتقوم تطقها
جهاد: يمه استفزتني
موضي: الرسول صلى الله عليه وسلم خبرنا انه الضرب ما يكون مبرح واذا زودتها ترى الهجران يسوي مفعوله يعني اهجرها يوم اثنين ثلاث اسبوع اسبوعين وبتعقل واذا حسيت انه الهجران ماجاب نتيجه احبسها في جناحكم واحرمها من البنات وبتشوف النتائح فوريه
ابتسم جهاد: ان شاءالله
موضي: تعلم انك تضبط قوتك ونفسك امامها ولاتمد يدك عليها
جهاد وهو يغير الموضوع: العنود بتروح وياكم
موضي الي فهمت لولدها:هههههههههه لا هي لصقه في زوجها
جهاد:ههههههه
عند السياره
غزل: وين جودي
جهاد: نايمه
غزيل: اجل سلم عليها وانتبي عليها موو
ناظرها جهاد بقهر
موضي: يالله قدام والابنخليكم
دخلت غزيل وورها غزل
بس غزل خرجت راسها
غزل: اقول جهاد اشتري لـ جودي جوال يعني يمكن تحتاجه ولا شي
هنا جهاد صدق عصب عليهن: اقول لاتدخلي نفسك في شي مايخصك
مزون: اشفيك هدي شوي ودخلت السيارة واسير ماسكه يدها
جهاد: سوسو تعالي سلمي على خلوو
اسير وهي تناظر مزون وجهاد
مزون:ههههههه روحي مابنخليك
نزلت اسير وسلمت عليه وبسرعه ردت لمزون
جهاد: شف بنت اللذينه السياره مو طايره تعالي ماشبعت
:خلاث يتفي(خلاص يكفي)
موضي: روح لزوجتك شوف شو سبب التاخير يمكن تاخذ حبوب منع حمل ولاشي
جهاد: يمه الله يهديك شو هـ الكلام
موضي: فمان الله توصي بشي
جهاد: سلامتك الغاليه
صحيت على دخلت جهاد وبسرعه وقفت وخرجت من الحجرة رحت لحجرة غزل شفتها مظلمه وفاضيه حتى الشنط مو موجوده..ناظرت للساعه كانت ااربع معناتها راحوا.. انسدحت على سريرها باقي ثلث ساعه على الصلاه.. يالله كيف بتعدي الايام وانا بروحي انا يومين طلعت روحي من الطفش غريبه حتى الوحده من جيت هـ البيت ماصرت اتحملها قبل في بيت ابوي كنت اتحبس في الحمام وبروحي كنت الي اشعر فيه الخوف واحس بالظلم بس شعور الوحده كان خفيف لانه شعور الظلم كان طاغي علي

على الساعه تسع ربع دخل جهاد الصاله
جهاد: السلام عليكم
جودي: وعليكم السلام
جهاد: حطيلي الاكل على مابدل هدومي
حطيت الاكل ونزل جلسنا ناكل بهدوء
جهاد: سمعت من الوالد انك بتدخلين طب
حركت راسي بايه
شفته بيوقف ناديته
جودي: جهاد ممكن نتفاهم
جلس وهو يناظرني
جودي: بكلم عمي عن الطلاق
جهاد: انسي موضوع الطلاق الحين
جودي: بس خلاص انا اريد اتطلق ابوي اختفى وشكرا لك على كل الي سويته لي
جهاد: لا والله مبروك متى اختفى ابوك
.قهرني اسلوبه تكلمت وانا اوقف: على العموم انا بكلم عمي اول مايرد بقوله اني انا الي اريد الطلاق
جهاد وقف بسرعه ومسك يدي ولفني له: لو تكلمتي بخرب عيشتك فاهمه ولا لا شايفه الرجال تعبان وبتكملي عليه كافي الي جاله بسببك ولا هذا جزاته اني اواكي بتذبحينه
...سكت ما عرفت شو اقول.. بس صدق انا كنت ناويه اكلمه ما اقدر اعيش مع واحد مشاعري كل يوم تكبر ناحيته وهو كل يوم يهدر كرامتي صرت احتقر نظراتي له كانت تنظر له لاجل تكحلها وهو حتى مارحمه بنظرة عطف..
ترك يدي وراح
في صالة جناح جهاد
جود: جودي زورينا
جودي: لا انتو زوروني قولو عندنا اخت نزورها
جود: شلون ياحسره
جودي: بكلم جهاد يرميني عندكم بس اخاف انه مايرضى
جود:ههههههههههههه خلاص صار لكم ست اشهر وعليها وهو للحين ماشبع منك
جودي:ههههههههههه عاد تصدقين
جود: شلونه حبيب خاله
جودي: طلعي اشاعات طلعي
جود:ههههههههه احبك
جودي: وانا بعد احبك وهذي وبوسه اموووووووووووووووووووح
بس عدلت نفسي وعدلت السماعه كنت ابوس السماعه
نزلت عيوني على الارض: جود شو قررتي
جود: طب
جودي: وانا بعد بس اخاف
..بس ما فهمت شي من جود الله يهديها تتكلم بسرعه وما ادري شوتخربط وهـ الانسان واقف على راسي: جود بكلمك بعدين
جود: لا والله كلميني الحين اخاف تصحى غيداء وتغثنى
..هذي اشفيها ماتفهم صايره غبيه: خلاص بعدين
جود: لا الحين
تكلمت وانا اتحرك وفتحت شعري ورخيت راسي وتكلمت بصوت منخفض: جهاد وصل
جود: ايش ماسمعت
عصبتبي: جهاد وصل بكلمك عقب
جود:آآه اجل سلمي عليه ويالله باي
سكرت الخط ووقفت
جهاد: يعني في حرمه محترمه تبوس سماعة التلفون انا الي اعرفه الحرمه تسويها لمـ يكون الطرف الثاني زوجها..بس حرمه وبنت شو معناتها
...كان كل مايقول حرمه اعتصر الم واذكر ذيك الليله وكلمته الي دمترتني احس اني بديت اذبل جهاد ما نزعني من بستانه هو داس علي في بستانه صرت ورده محطمه تيجاني وبتلاتي وسيقاني ورحيقي اختلطو ببعض..بس كمل الحين وخلاني شاذه
تركت له الصاله وانا محطمه كلياً
رزعت باب حجرتي بالقوه وقفلته بالمفتاح
صرت ارمي بالاشياء في الارض حتى الكنبات الي قدرت عليها قلبتها ما خليتها لحالها وجلست ابكي على الغلطه الي ارتكبتها في حق نفسي انا الي تماديت وانا الي اغريته وطبيعي أي واحد يشوف وحده ولا عامله جو عرفت ان الاغينه كان لها دور كبير في الي صار وحركة مشاعرنا مو بس حركتها الي خلتني بركان ثائر لو ما كنت عامله جو في الصاله ما كان التفت لي كان دخل مثل عوايده مثل البرق انا الي اغريته استاهل الذل استاهل الي قاله استاهل الموت انا استغليت ضعفه آآآآآآه انا استغليت ضعفه
جهاد وهو يصارخ: شو تسوين يالخبله
صارخت عليه وانا ابكي: موشغلك خليني بحالي اصلا لو انت رجال كان ما التفت لبنيه مثل ماتقول
جهاد وهو يصارخ ومعصب: بتندمين صدقيني بتندمين على كل كلمه قلتيه
طنشته خليته ياكل في نفسه براحته كل شوي يشك في اخلاقي اذا اخلاقي ادمرت معناته انت الي دمرتها وانت السبب الي فيه
عد اليوم الاول وانا ماشفته
اليوم الثاني نزلت اخذت لي اغراض من المطبخ وطلعت حجرتي
طبخت واكلت وبخرة الجناح ووتوضيت ورديت حجرتي الساعه وحده
حسيت فيه لما دخل
دق علي الباب بس مارديت
جهاد: جودي انت بخير
مارديت كيفه هو يتهمني اتهامات باطله
جهاد: ووجع ان شاءالله تكلمي لاتموتين عندي وتعفني
رميت الباب بفازه طاحت واتكسر
جهاد: ايه كسري مو بفلوسك
سكت خليه يقول الي يقوله
قمت رفعت الكركبه الي سويتها ولميت الي اتكسر على جمب
بس الكنبات ما قدرت عليها ما ادري شلون قلبتها
اذن العصر صليت العصر وانتظرت لين صارت خمسه يعني اكيد راح الدوام لانه دوامه يبدء خمسه
خرجت الصاله وكنست وغسلت الملابس
ورديت لما صارت ثمانيه
غزل: ادق على جودي ما ترد
غزيل: يمكن نايمه يعني بروحها شو تسوي بالله عليك
غزل: اوكي بدق على جهاد
وقت ورد عليها جهاد: هلا مرحبا
غزل: هلا فيك شلونك جهاد
جهاد: الحمدلله انتو شلونكم
غزل: بخير والحمدلله اشتقنالكم ياليت تاخذ اجازه وتجي
جهاد: خربيني خربيني
غزل:ههههههه الاجودي شلونها
جهاد: بخير دفي عليها
غزل: ادق رقم جناحكم ماترد على رقم الصاله ماترد شو صارلها
جهاد: يمكن نايمه
غزل: خلاص اول ماترد البيت خليها تكلمني
جهاد: ان شاءالله
غزل: توصي بشي
جهاد: سلمتكم وسلمي عليهم
غزل: الله يسلمك هي مع السلامه
سكرت
غزيل: شو قال لايكون ذبحها
غزل: انت خبله ولا شو بالله عليك ابا افهم هـ الكلمه انت فاهمه معناها اصلا
غزيل: ايه مثلا ذبحها من الحب ولا ذبحها من القهر ولا خاف يحبها وهو ينذبح
غزل وهي تحرك راسها بانها خلاص طفشت من افكار هـ الادميه الي قدامها طيرت كل الابراج الي في راسها: شو هـ الكلام الي تقوليه ابا اعرف انتي عاقله ولافيك شي ..ولمست راس غزيل... انت واعيه ولا شو
غزيل: اجل يمكن هو يموت فيها انفتن في جمالها نسى انغام وطوايفها صارت جودي تظهرله في كل مكان في اكله في شربه في نومه في عمله خاف يحبها وهي ماتحبه تحس بانها عنده كرامتها مهدوره يعني على الطريقه الي جات فيها او خاف تموت ويظل متعلق فيها ويتعذب بعدها ولا خاف انه يموت وتتعذب بعده قام قال خلينا نكره بعض احسن لنا
غزل: انا اشك انك عاقله
غزيل: هو اخوك خلى فيني عقل حتى تلفونات مايرد عليها
غزل وهي متفاجئه: انت اشفيك انهبلتي...وتذكرت شي...غزييلووه تكلمين انس يالحماره
غزيل وهي تستوعب الي قالته: انت خبله شو اكلمه انت الثانيه
غزل وهي تبتسم بخبث:مممم اجل من هو الي مايرد على تلفوناتك
غزيل:ههههههه جهاد
غزل: كذااااااااااابه
غزيل: كيفك صدقي الي تبغيه
غزل: انزين بس اذا زل لساني انا مالي صالح
غزيل انفجعت وردت تساير غزل: غزوله حبيبتي انتي فهمتيني غلط
غزل: فهميني
غزيل: يعني انا ادق على تلفون الشقه ما ادق على جوال خالد لاني اخاف ادق عليه ويكون في محاضره في المستشفى
غزل:هههههههه ايه كملي عاد تخافين على مستقبل اخوك يعني ايه ايه ياحرام بينطرد من المحاضر اذا رن الجوال والا اوه نسيت ماتعرفين التوقيت والفرق ولا ياحراااااااام خالد ماقاسي وما اعطاكم جدوله
غزيل:ههههههههههههههههههههه
غزل: انزين كملي
غزيل: يعني ..وصارت تلعب بايدايه وتناظرها..
غزل: يعني اول مره تشوفين اصابعك ايه من اللقافه الي فيك مالحقتي تشوفينها وتوك فضيت لها
غزيل وهي تبتسم لانها صدق تحس بالاحراج: عااااد غزوله تراى ماراح اكمل
غزل: كيفك بس انا ما اضمن لساني
غزيل عصبت : انزين اكلم على الشقه اذا رد خالد تطمنت عليه
غزل: واذا رد انس غازلتيه ههههههههههههههههههه
غزيل وهي توقف: قليلة ادب
غزل: هههههه بالعداااااال الادب يقطر عندك
غزل وهي تاشر لغزيل: تعالي حبيبي تعالي مابقى شي عاد لساني الحين ممكن يزل كثير فتعالي حياتي
جلست غزيل وهي معصبه: بتسكتين ولا شنو
غزل: سكت كملي
غزيل: اذا رد أنس اسال عن خالد وبس
غزل: وبس هااااا وبس ما اصدق
غزيل: والله
غزل وهي تجر غزيل: يعني شو تقولون
غزيل: شو شو نقول انتي الثانيه
غزل:هههه لا انا قصدي من يرد لين ياخذ خالد السماعه شو الحديث الدائر بينكما
غزيل: يعني على بالك عدلتيها
غزل:هههههه عاد قولي خليني اتعلم
غزيل: عادي اسلم
غزل: شلون تسلمي
غزيل: ابوسه شلون بالله عليك اسلم
غزل: والله
خافت عزيل هـ الخبله تصدق كل شي: لا والله اسلم يعني اقول السلام عليكم
غزل: ايه وبعدين
غزيل: هو يقولي اشلونك وانا اقوله الحمدلله واساله عن حاله وهو يرد بالقطاره يعني تعرفي عائلتكم الكريمه في الحب الواحد يجر الكلام جر
غزل: شو من كلام حب تقولونه
غزيل: انت اشفيك صايره هبله اقصد يعني ينتهي عندنا الكلام من اسال عن حاله واضطر اني اسال عن خالد
غزل:آآآآآآآه قلتتيلي
غزيل وهي تبوس خد غزل بالقوه
غزل: ههههههه انا تراني غزل لساتني ماقلبت
غزيل:هههههههههه الله يخليك دقي عليه ابا اسمع صوته لي فتره ما
مزون وهي تدخل: قرب المغرب يالله جهزو حالكم
صحيت على رن التلفون شفتها خمس العصر بسرعه قمت فتحت الباب ورديت على التلفون
جودي: الو
العنود: هلا جودي مابغيتي تردين
جودي:هههههه كنت نايمه
العنود: وينك صارلك يومين مختفيه
جودي: والله مشغوله انت شو اخبارك وشو اخبار ورعانك
العنود: الحمدلله بخير وحمودي طفشني ماغير اشيله خالتي الله يهديها عودته على الشيل
جودي: يستاهل حمودي
العنود:هههههه والله تعبني وانت شخبارك
جودي: الحمدلله
العنود: اقول جودي تعالي عندي
فكرة بس في الخير: اوكي بس ابدل ثيابي واجيلك
بدلت على السريع حتى شعري ما مشطه اصلا هو مايحتاج
قفلت حجرتي يعني لو تاخرت وجاء جهاد يظن اني داخل
لبست عباتي وخرجت

غزل: شوفي هذه مقاس جودي
غزيل: ايه اشفيك هي نفس مقاسنا
غزل: مممم اوكي
غزيل: اقول هذا يناسب جودي
غزل:ههههههههه ايه والله خذيه
غزيل: ههههه بس اخاف تشقه قدامنا
غزل:ههههه عادي بس اهم شي نضحك على شكلها
غزيل: أي لون نختار
غزل: الوردي اشوف ..وحطته على يدها.. روعه بصراحه احسه يبرز الانوثه غصب طيب
غزيل: الله يهديك هو اصلا خافي شي
غزل:ههههههه
كنت شايله حموده وابوس فيه: تجي ويايا تعبت ماما
العنود وهي تحط الصينيه: تبينه خذيه في الليل هههههه
كنت ابا اقولها هاتيه بس اخخخ قهر ما اقدر وفي الاخير تكلمة يمكن تعطيني اياه: اوكي ما عندي مانع
العنود: ههههههه تبين جهاد يفضحنا
جودي: هههه
العنود: جودي شفيك شكلك متغير
اتفاجئة : شلون متغير
العنود: احسك مرهقه وجسمك مصفر
جودي: لا بس تعرفين جهاد متى يرجع ومتى يخرج يعني اظل بروحي بس صدقيني من يردن البنات بارجع مثل قبل
العنود وهي متفاجئه: شلون يعني

...حسيت انه اجابتي ماكانت في محلها ييي: لا يعني الي اقصده وجباتي تكثر مع البنات تعرفي انت جلست بنات اكيد الاكل عنصر مهم فيها
العنود:ههههههه اجل شكله جهاد هو المتضرر الاخير
ابتسمت: ليش
العنود: ليش جهاد ما قالك
جودي: شو
العنود: انه مايحب السمان
ناظرت عمري:
العنود:ههههه اشفيك انت جسمك حلو وصغير وجهاد يموت على الجسم الصغير ماتسمعيه من يشوفني يعلق علي
جودي: بس جسمك حلو يعني انا عن نفسي مو عاجبني جسمي
العنود: والله حتى انا يعني هو يناسب البنات لاكن سيده ما اعتقد بس عاد افكار جهاد
وقفت: يالله صار لازم اروح
العنود: خليك باقي لين يوصل جهاد
جودي: لاخلاص صارت ثمانيه بروح اجهز العشى الحين
العنود: الله وياك
وقفت عند باب الجناح شكله جهاد رد لانه الباب مفتوح
وسمعت رن جواله
تحركت بسرعه ودخلت حجرة البنات وسكرت الباب بهدوء
صليت العشى وخذيت بجامه مسكينه غزل دولابها امتلى من اغراضي واغراض غزيل
خذيت شاور على السريع وجلست قدام التسريحه مشط شعري بس كاني سمعت احد يضرب شي على الارض
بسرعه دخلت في الدولاب اما صدق البيت يخوف اتفتح الباب وزاد الضرب على الارض يعني صوت طق
وانا ما دخلت الا في الدولاب اخاف انه حرامي وبيسرق شي اكيد اول شي بيفتح الدولاب
زاد الظلام فجئة لا شكله وحش
ظليت وظليت
بس الباب اتقفل وصوت الطق بدء يبعد لين اختفى
فتحت الباب شوي وعيوني تعودت على الظلام ماشفت احد سميت الله وبسرعه خرجت ودخلت تحت اللحاف حتى التكيف مافتحته
صحيت الصباح وصليت الفجر وبسرعه نزلت لازمت المطبخ سويت فالوده ووو ليالي لبنان وشارلوت
ودخلتهم في البراده
وفتحت كتاب الاكلات الحجازيه
عملت منتو كذابه وبشميله كذابه
عجيب والله حتى الاكل كذبوه
بس يم يم يم ريحته تفتحت النفس خرجته من الفرن وخرجتلي شوي في صحن اكلت وطلعت بس دخلت حجرة غزل خذيت شاور سريع وبدلت ملابسي
وكاني سمعت نفس الطق بسرعه هـ المره دخلت الحمام وسكرت على نفسي الباب انتظرت دقايق محد دخل الحجرة والله صدق البيت يخوف ليتني دخلت جناح جهاد اضمن
خرجت وسكرت باب الحجرة ورديت جلست على اعصابي
صليت الظهر ورتبت الحجرة ونزلت حمدت ربي الجماعه وصلوا
نزلت بسرعه وسلمت على غزل: شلونكم والله ولكم وحشه
غزل: لاتكلمينا حتى تلفون ماتردي عليه
جودي: ماسمعت وانتي الله يهديك اعطيني رقم جوالك
غزل: كان خذيتيه من جهاد
ابتسمت لها وتركتها بس سلامنا انا وغزيل كان غير
حضنتني غزيل وانا حضنتها مثل ما سوت
غزيل: اشتقنالك حييييييييل
جودي: هههههه وانا بعد
غزيل: مبين والله وجهك شاحب
جودي: اكيد بيشجب دام انك بعيده
غزل: لاغاب الاط العب يافار
جودي:ههههه وانت بعد
تركت غزيل وسلمت على راس عمي منصور
منصور: شلونك
جودي: الحمدلله انت شلونك ان شاءالله بخير
منصور: الحمدلله
موضي كانت جالسه جمب جهاد تقربت منها وسلمت عليها وواجهات
جودي: شلون خالتي
موضي: الحمدلله
رديت جلست جمب غزل وغزيل وكان سلامي لخالتي موضي بارد وماناظرت جهت جهاد خير شر
المشكله انه هم مقابلينا فاضطريت انا الف لليمين يعني اناظر البنات وعمي وبس
غزيل: والله وتعرفوا لرومنسيه انت وزوجك
..ابتسمت وانحرجت بس ما اعرف السبب..
..كنا مطقمين بالصدفه انا بلطلون ابيض وهو برمود ابيض وانا تيشيرت اسود وهو كت اسود...
الكل:هههههههههه
جهاد: اقول غزيل عمي قرب يوصل روحي بيتكم واستقبليه
غزيل وهي توقف: بروح من غير ماتتكلم بس انا جيت اطمن على جودي وتطمنت يالله مع السلامه
الكل: مع السلامه
موضي: الا صدق شلون تعورت ماعطيتني كلمه عدله لغاية الحين
..تعور منو ذا ناظرتها وشفت وجهها على جهاد وجهاد حضنها وهي راسها على كتفه بس غصب طحت عيوني على رجوله فتحت فمي متى وشلون رجوله مجبسه بالجبس..
دقتني غزل بركبتها: سكري فمك بتفضحين عمرك
..انا ما اشوف نظرات جهاد لي لانه نظري ضعيف بس كنت احس انه يناظرني..
جهاد: يمه هذه جودي الا تبيني العبها شرعت ولعبة وطحت وتكسرت رجولي
موضي: حسبي الله على ابليس هذه ثالث قصه تقولها لي
جهاد: اسائليها
..ابعدت نظري عنه وطاحت على العكاز الي موقفه جمبه..
جودي:ههههههه
..ضحكت لاني عرفت الوحش الي دخل علي حجرة غزل..
موضي: جهاد وبعدين وياك ببتكلم ولا شلون
جهاد: انت اسأليها وهي بتجاوب
موضي بنفاذ صبر: جودي شلون تعور
...هذا من جده ولاشلون هو اصلا انا شفته..
جهاد:ههههههههههه اعترفي ليش ساكته هههههههههههههههه
..بجد قهرني شنو ليش ساكته والله بيورطني مع اهله..
موضي: حسبي الله عليك يعني لازم تلعبي شرعت
..فتحت عيوني على كبرها..
غزل: عادي يمه شفيها رجال وزوجته يلعبون عادي
منصور: ايه مافيها شي بس هو الخبل الي طاح
جودي:هههههههههههههههههه
..يستاهل حد قاله يبدء..
جهاد: ايه اضحكي مو انت الي تعورتي انا الي تعورت كافي انك دفيتيني وسكتلك
موضي وهي معصبه: تلعبين معاه وتدفينه شو هـ المصخره هذه ولا تنتقمين منه على الكف الي عطاك اياه
....شو المسلسل الي ينعرض قدامي وقفت على حيلي وطلعت وانا امسح عيوني معصبه منها ليش تدمع وانا مظلومه المظلوم مايبكي.. دخلت حجرة غزل اخذت مفتاح حجرتي ورحت لها وسكرت الباب علي..
منصور: شو سالفة الكف
جهاد: يبه نلعب عاد انتو مو تدقدقون على كل شي على كل لعبه طلعتو لنا بسالفه
منصور وهو معصب ووجه محمر: شوف انا مو مدمغ تعدي علي السالفه كذا
جهاد: استفزتني
غزل: ايه يبه استفزته وحنا كنا نلعب بس جهاد عطاها كف بس استسمح منها وهي رضت يعني لعب حتى انا اضرب غزيل وغزيل تضربني يعني عادي
منصور: اوكي العبوا يعني لازم تمدو اياديكم
غزل: لعب يبه لعب
منصور: وانت ياموضي الله يهديك خفي عـ البنيه شوي مو تشتغلين لها شغل الحموات شوفي مزون ماشاءالله عليها تحب بنتك وتعالمها مثل بنتها وصدقيني الي تسويه في بنت الناس بيرد لبناتك ولاتقولين مزون وما مزون الدنيا دين وكما تدين تدان
غزل: صلو على النبي ياجماعه والحين بروح اجيب جودي بس اذا تاخرت معناته لقينا لنا شغله غيركم وتشاوا وطلعت جري
منصور: جهاد
جهاد: خلاص يبه سمعتني امي محاضره طول بعرض ووعد ما امد يدي
ابتسم منصور
بس موضي كانت تغلي من داخلها صار مسلسل قدامها ابطاله غزل وجهاد وهي سكتت لاجل منصور الي كان مبين عليه انه تضايق
غزل: جودي افتحي الباب
فتحت لها الباب وارتميت في حضنها وانا ابكي
غزل: جودي اشفيك امي ماتقصد
جودي: والله اخوك كذاب لا دفيته ولا لعبت وياه
غزل:ههههههه اعرف شفيك تعالي تعالي نجلس
ودخلنا حجرتي


غزل: يييييه شو صار لايكون تضاربتو هنا
ضحكت من بين دموعي:هههههه ايه كملي اشاعات
غزل:هههههههه الا صدق شو صار في الحجره
جودي: صرصور عده وكنت ادور عليه
غزل: صرصور هاااا ياماما راح زمن الصرصور راح كره عمره امي جابت احسن شركه ونظفت البيت تنظيف
جودي: لا هذا كان لاصق في ملابس اخوك وهو صار ينطنط لين هو طاح وانكسرت رجوله وانا قلبت الحجره قلب
غزل:هههههههههههههه الاصدق شو صار
جودي: عصبت وطلعت حرتي هنا بس ماقدرت ارد الكنبه المزدوجه
غزل: ياحراااااام ضعيفين شو ذنبهم بس صدق تخوفين يعني لاعصبي ولعي الضوء الاحمر بنشرد انا وبنت عمي
جودي: انزين تعالي ساعديني
غزل: لاعمري انا اخاف على عمري بناديليك وحده من الشغالات
جودي: تبينهم يفضحوني
غزل:ههههه لا انه تثقين فيها بس آآآه مرياتي بتلاقين موضوع في الجزيره
جودي: وانه بتعلم مرياتي
غزل: لا هم اصلا مايطيقون بعض فلاتخافي
جودي: اوكي
سعد وهو خارج من المسجد: الابو وولده ياحظهم
منصور: هههههههه حتى على المرض حسدونا
عناد: اخ ليتني انا الي طحت يبيلي اعمل مثل جهاد اجي مسرع واطيح
منصور: الاصدق هو اشلون تعور
عناد: وصلتنا حالت طوارئ ووهو مثل ماتعرفه اذا ما كانت عنده حاله يساعد وكان يجري وطاح من الدرج والحمدلله جات كذا وما اتكسر ظهر اما طاح طيحه طيحت قلبي وياه
منصور:ممم الحمدلله
متعب: الاشور رايكم نطلع الهدى من الخميس
منصور: بنضيع صلاة الجمعة في الحرم
متعب: والله نفسي ابيت في الهدى لنا فتره
عناد: ايه والله حتى انا
سعد: يصير خير
عناد: دام الوالد دخل فيها الله يستر
منصور:هههههه ولايهمكم بس انتظروا اضبط لكم الامور وبخليها اربعاء وخميس وجمعه شورايكم بعد تقديم البنات باسبوع ولا اقول خلاص بما انه حنا علينا ضغط الاربعاء والخميس بنخليها جمعه وسبت واحد
سعد: اش وراك انت تعودت على الكسل
منصور: معلي فيك انا بروح وويايا الشبب وخلاص عطيتهم اجاوات
متعب وهو يحب راس عمه: تسلم يالغالي
عناد باس راس عمه: نردها لك في الافراح ان شاءالله
منصور: يالله هذه مو محسوبه من اجازاتكم السنويه
سعد: خربتهم الله يهديك
منصور: خلينا نتمشى مثل العالم كلنا مع بعض حنا اثنين يظلون واثنين يروحون هي ثلاث ايام ونستودع الله الذي لاتضيع اماناته
العنود: اقول ماخليتوا شي
جودي: والله اقولهم هي ثلاث ايام تقولين ثلاث اسابيع
غزل: والله كيفنا وانت بعد خذي مثلنا لاجل نطقم مع بعض
جودي: انا خذيت ثلاثه اطقم وبجامتين بس انت وهي خذيتوا الدولاب بكبره
غزيل: يعني لبس الصباح ولبس العصر ولبس المسى
جودي: انا اكتفيت ماراح اخذ شي اضافي
غزل: يالله ابا اليوم يعدي بسرعه
العنود: هههههههه هانت بكره الجمعة
على الساعه عشره ركبت سيارة عناد وجلست خلف جهاد
عناد: خلاص نمشي
جهاد: ايه شو تنتظر
عناد: يمكن ناسين شي
جهاد: امشي امشي بس
عناد وهو يحرك سيارته: هههههه ياثقل دمك ياخي
جهاد: اقول كلمة الشباب
عناد: ايه
جهاد: ونشرت اخبار مثل عوايدك
عناد:هههههه خبروك
جهاد: اريد اعرف لمتى تالف علي قصص
عناد:ههههه كذابين هـ المره خبرتهم بالصدق بس صدموني أنس يقول انه امك خبرته انك طحت وانت تلعب شرعت مع الاهل
جهاد: ههههههههههههههههههههههههههههههه
عناد: هههههه كذبت عليها والله لافضحك
جهاد: يااخي عندك مناديل في الخلف
عناد:ههههههه
..بجد عصبت يضحكون علي.. بس انا الخبله استاهل كان رحت مع البنات ولا اهتميت له..
جهاد: وقف واشتريلنا كوفي
عناد: اوكي
..فرحت هـ المره راح اشرب قهوه مثلهم والله ادمنت عليها..
عناد: شلون
جهاد: حنا وسط
عناد: ثنين وسط وواحد سكر زياده
وحركت سيارته وراح اخذ الطلب من البوابه الثانيه

...خذيت الكوب من جهاد وكنت اشرب بس احسه مو الي دوم اشرب منه يعني هذاك جهاد يشرب منه بس هذا ساده ماذاقه جهاد... يقطع الحب شو بيذل..
صلينا في الساحات لانه جهاد مايقدر يمشي كثير بسبب رجله وانه ماتعود على المشي بالعكاز..
طلعنا الهدى بس هـ المره رحنا النقبه الحمره واستاجرنا في بيت الشعر الي فوق
اول شي تغدينا لاجل مايبرد الاكل
وعلى بال مانتغدى ونرفع اذن العصر وصلينا والحين فضينا للمكان
جودي: روعه والله روعه والجو جنااااان
غزل: اشوه ابوي راسل السواق والخدامه من بدري ولا كان ماحصلنا لنا مكان
كنا فاتحين الباب الي يطل على المنتزه من جوه ونشوف الاطفال هم يلعبون
غزيل: خساره كان جبنا المنظار
العنود: اعتقد في سيارة متعب في واحد
غزل: كلميه خليه يرسلوه لنا
دقت العنود على متعب بس مارد عليها
غزيل: ماما كلمي الشباب ينزولنا اسفل
غزل: ايه والله تعبت وانا اناظرهم بروح العب
العنود: لا والله تبينهم يرجعونا
جودي: ليش
غزل: والله ماتعرفي شباب الطايف تقولين موشايفين خير
العنود:ههههه لا حرام موكذا بس هم اهلهم مايلعبونهم أي مكان يعني هم يروحن الحكير اما البقيه للمصطافين
غزل: ايه يسترو اهاليهم ويبصبصو في حريم الناس
غزيل: ههههههه والله كله كوم ولوشافوا وحده حلوه كوم ثاني
جودي: ليش هم موحلوين
غزل:ههههه اشفيك تراى ديارنا ودياركم من ضواحي الطايف بس هم يعشقون الجمال
جودي: مافهمت
جهاد وهو داخل ويعرج: مساء الخير
الكلك مساء النور
سكر التلفزيون : ارحموا حالكم يعني لازم تشغلو التلفزيون تموتون اذا ما اشتغل
العنود: انا عن نفسي ما اعرف لازم شي يشتغل عندي اذا ما اشتغل احس انه شي ناقص
مزون: وانا مثل العنود اذا كان موجود يشتغل نشوف اخبار العالم
موضي: وانا عادي عندي اشتغل ما اشتغل بس اهم شي انه مايرجني
غزل: وانا ضروري عندي
غزيل: وانا بعد
...اما انا من دخل جهاد جلست على طرف الباب الي يطل على المنتزه وتذكرت جود آآآآآه ياجود ليتك تحسين فيني انا اذبل كل يوم صدني زوجي بطريقه داميه موميته انا اموت ببطء اول مره اشعر بهـ الاحساس احساس غريب مشاعر متناقضه انا موفاهمه الي يصير داخلي داخلي صراع ..صِراع عنيف ..مشاعر حاولت انزعها باظافري بس ابت في الخروج..
...اتفاجئة بشي على رجلي كزيت...
الكل:هههههههههه
جهاد: بغيتي تكسري راسي مثل ما كسرتي رجولي
رد حط راسه على رجولي..طبعا انا كنت جالسه وانا ثانيه رجولي..
جهاد: اقول لو سمحتن اخفضن من اصواتكن
موضي: كافي نوم من اخذت اجازتك المرضيه وانت ماعندك غير النوم
جهاد: شو اعمل جودي ليلها كله وهي تسولف عند راسي المستفيده الوحيده من اجازتي ...وكانه تذكر شي.. والله انك خبيثه لاجل كذا طيحتيني كان خبرتيني انك مشتاقتلي كان اخذت اجازتي من بدري
...اصلا شكيت انه الكلام موجه لي..
العنود: غريبه متعب يقول انك طحت بالمستشفى
مزون الي كان عندها القصتين: والله الكذب حبله قصير
موضي: شو السالفه اخخخ ومسكت اعلبة المنديل وضربته
..ابتسمت غصب عني..
جهاد: ايه ابتسمي شعليك
جهاد وهو يجلس: اقول ارجعي لي وره ولفي كذا
رجعت لورى وابتعدت عن الباب ولفيت صرت معطيتهم وجهي بدل ما كنت معطيتهم جنبي الايسر
بس هو فاجئني رد انسدح على روجلي يعني اول كان متمدد في النص بس الحين على طرف
موضي: جهاد وين خوانك عنك
جهاد: والله كل واحد حط راسه ونام وانا طفشت وجيت لكم
مزون: انا خلاص تعب ابا ارد البيت
جهاد: انتظري لين المغرب محد راح يصحى
اسير: ابا انذل
جهاد: ابوك نايم بعدين لما يصحى يوديك
اسير: لا انت وديني
جهاد: ما اقدر رجولي تعورني
العنود: غزل شغليلها سبيس تون
شغلت غزل التلفزيون
موضي: الحين هذيل جايني ينامون
جهاد: خليهم يرتاحون تراهم بي يشون في الليل وبيتسامرون يعني اول مره من سنين نخرج مع بعض بيسون شي فوق العاده
..حط يده على راسه ووصار يمسح عليه صدق اتكهرب جسمي احسه شعر فيني بس سويت نفسي مو مهتمه..
غزل: جهاد ماودك تقص شعرك
جهاد: قريب
..شف هـ الخبله يعني لسع مالحقت امسكه تبينه يقصه شو الي حارق رزك ابا اعرف بجد عليهن طلعات تقهر..وانا شو اقول يقصه ولا يحلقه انا قررت انفصل عنه وماراح اسمح لمشاعري تلعب فيني اكثر..
غزيل جلست جمبي وساسرتني: جودي لسع ماذبتي
جودي:هههههههههههههه
ضحكت غصب عني
جودي: اش رايك
غزيل وهي تساسرني: تعرفين شو عيب هـ العائله
..اتفاجئت: شو
غزيل: انهم يخفون مشاعرهم يحسوها ضعف فيهم
..ابتسمت لها بس ما عرفت شو قصدها..
جودي: اقول جبتي الاونو
غزل: ايه انا جبته وجات لنا وخرجته من شنطتها ورن جوالها
غزل: اف شو هـ القهر
غزيل: مين
غزل: معجبات جودي
...بجد كان خاطري انط فوق بطنها الحين الي نايم على رجولي بيفهم السالفه على كيفه.. أنا حبي لاختي اعتبره علاقه شاذه فشلون الحين..
جودي: انا قلتلك قبل لاتعطيهم رقمك بس انت الله يهديك
العنود: حركات جودي ولك معجبات
غزيل: لو تعرفين المدرسه كلها ودها تتعرف علينا لاجلها بس جودي ماتعطي احد وجه
..كان ودي ابوسها على كلامها الي زي العسل..
جهاد: لاوالله شو معجبات مو معجبات انتي الثانيه وانت عاجبك الوضع
..البنات توهن انتبهو لوجوده يعني مع السوالف نسوه..
العنود: اشفيك هن المعجبات مب هي
...رجعت سدحته على رجولي: كمل كمل نوم
غزل: جهاد تلعب ويانا
جهاد: اوكي شو وراي
وزعت غزل الاورق
كنا نتفق حنا البنات عليه وندبلله السحب
جهاد: والله غش ليش ترموا السحب ورى بعض
غزل: انا ماودي اسحب
غزيل: ولا انا
ناظرني: حتى انا
رفع راسه وقرب وجه مني وحط عينه في عيني اربكتني حركته
جهاد: قولي والله انكم مو متفقين
..رديت سدحته على رجولي: العب شوفنا قدامك كيف نغش..
العنود وموضي ومزون كانوا يسولفون عن الجامعه والمناهج وشغلات كثيره
بس في حاجه لعبت بقلبي لعب دمعت عيني وطاحت دمعه سريعه على وجه جهاد مسحت دموعي
ارتحتلــــــــــك إحساس غريب بحسوا
لما ببصلك
وبحن لك
لو حتى جمبي بحضن قلبي
بحن لك
سلمت لك
واغلى ما عندي حتى قلبي فتحته لك
وجهاد جلس وسحب الريموت من اسير ورجعه على سبيس تون
ردينا نلعب بس بهدوء وانا وجهي كان مبنين اني مو على بعضي وجهاد نفس الشي رد انسدح على رجولي
جهاد رمى الورق: بنام
وقلب على الجه الثانيه..
رديت ورق جهاد في السحب ورميت ورقي انتظر الي ترمي بعدي بس غزيل مسكت يدي اجبرتني اني اناظرها
غزيل وهي تحرك شفايفها: شو صار
جودي: ولاشي
كملنا لعب بدون طعم بس لعبنا لاجل الحريم ماينتبهن
موضي: خلاص طفشنا بنرجع بيتنا
جهاد وهو يجلس: جهزو حالكن
وصلنا بيت المصيف الي في الهدى
دخلت حجرة جهاد وارتميت على سرير وبكيت كان ودي اختلي بعمري رجعت لي الذكره كرهت جهاد كره كل شي
تـ
أ
ر
جـ
ح
غزل: شو فيها جودي
غزيل: ما ادري بس حتى جهاد انقلب
العنود: تعالن بنسوي كشته في الحوش ما جينا ننحبس
غزل: اوكي جاين
غزيل: بنادي جودي حرام نتركها هنا والفله ياكبرها مانجي فيها الايوم واحد في الاسبوع اخاف انها مسكونه ولاشي
غزل وهي ترتعش من فكرة انه الفله مسكونه:ييييي تعالي بسرعه نخرج قبل اهلنا مايخرجون..
غزيل: تعالي نشوف جودي قبل
خرجنا وجلسنا في الحوش وكان الجو ولا اروع
كنا جالسين والرياجيل قريبين منا
غزل: ماراح تقولين شوفيك
جودي: صدقيني ماصار شي
العنود: غزل وغزيل انتو تسون السلطه
غزل: اخاف تسممون
موضي: عادي كلهم دكاتره بيساعدونا
الكل:هههههه
جهاد وهويصارخ :عناد الفحم صار وين اللحم
عناد: ياخي انت لاجل رجولك مكسوره جالس تتامر وانا الي اروح واجي
متعب: خليه هـ المدلع يجيه يوم
جهاد:ههههههه حسد ياليــــطف
كنت كل ما الف اشوفه يراقبني
تعشين والشباب نزلوا السوني والتلفزيون ولعبوا دوري
غزيل: حتى حنا بنلعب
عناد: اقول سكتي
متعب: لاخليهن يلعبو شو ورانا..وكلم العنود: عنودتي تلعبين
العنود: لاشكرا
جهاد: مصدقين اعمارهم
متعب: لابنلعبهن غصب مو بكيفهن
عناد: خلينا نضحك عليهن شو ورانا
وعملنا دوري اخذ جهاد السنغال ومتعب الكميرون وعناد كرواتيا لانهم يعرفون للعب
غزل: انا البرازيل
غزيل: وانا الارجنين
العنود: متعب شو اختار
متعب: خذي فرنسا
جهاد: وجودي بتاخذ
غزل وهي تقاطعه: خذ لها ايطاليا
ناظرها جهاد وهو معصب
عناد: هي يالاخو مو لانك الوحيد الي محرم لهم كلهم كل شوي تناظرهم تراني بعد بناظر مثلك وانسى عمري واظن انهن خواتي
متعب: جرب لاقص رقبتك
عناد: اشفيك حتى انت بعد ناظر
العنود: عناد اترك متعب بحاله
عناد: اوه انت هني تصدقين نسيتك
متعب: انت ماتشوف المكان منور
ضحكنا كلانا على تعليقه بس غزل وغزيل زودو في العيار لاننا كن نشوف العنود وهي منحرجه