الجزء الأخير من قصة ندا وزواج النت

رن جرس الشقه فاسرعت ندا لفتح الباب ولكن والدها اوقفها واخبرها بان تدخل الى غرفتها حتى ينادى عليها وفتح هو الباب ليجد شاب وسيم انيق وبيده كيس موززززززززز استبشر العنتبلى خير ودعاه للدخول ولكنه اخد ينظر ورائه متعجب لعدم وجود احد معه فاغلق الباب بعنف خلفه وتغير ملامحه
العنتبلى: اهلاااااااااااااااا
حاتم: اهلا بيك ياعمى
العنتبلى: خير يابنتى؟؟
حاتم وهو قلق: هى الانسه ندا مقالتش لحضرتك انى جاى؟
العنتبلى: اه قالت بس مقلتش ان سيادتك هتيجى لوحدك
حاتم: لا ياعمى انا مش جاى لوحدى انا معايا كيس الموز
العنتبلى: لا ياشيييييييخ كيس موز
الام: ياما جاب الغراب لامه
حاتم: طيب ياعمى ندخل فى المفيد
العنتبلى: ندخل فى المفيد؟ وهو انت متاكد انك جاى تدخل فى المفيد؟؟؟
حاتم: اكيد ياعمى امال انا جاى ليه؟
العنتبلى: وان شاء الله هتدخل فى المفيد بطولك كدا من غير لا اهل ولا اى حد معاك؟
حاتم: لالالاياعمى متقلقش مهو انتوا هتشفوهم فى الفرح
وقف العنتبلى صارخا: نعم ياخوياااااااااااا؟ فى الفرح؟
حاتم: اتفضل بس ياعمى وانا هفهمك على كل حاجه
العنتبلى: اتفضلنا اهوا ها اتكلم خير نعم؟
حاتم: انا ياعمى اسمى حاتم وعندى 22 سنه و4 اشهرو 5 ايام و 3 ساعات ونص
الام بعصبيه: جرى اااايه يابنى كان زمانك اتجوزت وخلفت كمان
العنتبلى: استنى بس ياام ندا اما نشوف اخرتها معاه
حاتم: انا ياعمى عندى شقه وجهزه على الفرش
العنتبلى: اه وبعدين؟
حاتم: بس كدا وجاى اطلب ايد الانسه ندا وعارف انكم مستغربين انى جاى لوحدى
العنتبلى: الله ينور عليك هو ده المفيد فين الحاج والحاجه؟
حاتم: اصل بصراحه ياعمى ..بصراحه كدا.. الحاج والحاجه مش مقتنعين بجواز النت
العنتبلى وهو صارخا: نعم ياحبييى؟؟؟؟؟ هو مين اللى من النت انت ولا احنا
حاتم: احنا الاتنين ياعمى
العنتبلى: انت هتلخبطنى ليه بقا انا جزار مش صحفى
حاتم: وفيها ايه ياعمى منا طالب مش صحفى برضو
العنتبلى وهو قد فاض به: مش صحفى وكمان طالب
الام: امال انت فاكر ايه ياحاج مهو طالب على البتاعه اللى بيشتغلوا فيها دى على الكمبوتر
العنتبلى: بقولك ايه ياوليه خشى اندهى ندا
جاءت ندا مسرعه وينظر والدها اليها بغضب بينما حاتم ينظر اليها مبتسم ويقول اهلا ياانسه ندا
ندا: اهلا بيك يااستاذ حاتم
العنتبلى: اقعدى ياندا وشوفى المصيبه دى قال ايه البيه طالب
ندا: ما انا عارفه يابابا وطالب فى هندسه كمان
العنتبلى وهو يصرخ فى جهها: نعم ياحيله امك ؟؟؟ انا كنت فاكره صحفى
حاتم: صحفى؟؟؟ بس انا عمرى ماكنت صحفى ولا هكون
ندا: استنا بس ياحاتم باين فى سوء تفاهم ثم التفتت الى والدها وقالت يابابا الاستاذحاتم بيكتب على النت مش فى صحافه
العنتبلى: منا عارف انه بيكتب على الجرنال وبعدها بيدخل الجرنال من الشاشه علشان كله يشوفه ... هو انتوا فاكرنى جاهل؟؟؟؟؟؟؟؟
حاتم : لاياعمى العفو
ندا: يابابا هو فى جرنال فى الدنيا بيدخل من الشاشه؟ انت مين قالك كدا؟
العنتبلى: واحد صحبى متعلم ومتنور معاه تالته ابتدائى
ندا: تالته ابتدائى؟؟؟ يابابا الكلام ده غلط ومافيش حاجه اسمها جرايد تتحط فى الشاشه
العنتبلى: شوفى يابنتى انتى وهو لو قعدتو تكلموا على النت ده سنه مش هفهمه المهم دلوقتى بسلامتك اهلك مش موافقين ليه؟ هو احنا مش قد المقام ولا حاجه؟
حاتم: لاياعمى العفو ده شرف ليهم انهم يناسبوا حضرتك انت وطنط
الام: طنط؟؟؟؟؟؟؟؟؟؟ طنط مين ياضنايا؟؟؟؟؟؟؟
ندا: اهدى بس ياماما هو يقصد يحترمك مش اكتر
الام: بس معلش يابنى لاطنط ولامدموذيل اقولك قولى ياحاجه احسن
حاتم: حاضر ياحجه
العنتبلى: طب لما هو شرف ليهم مش موافقين ليه؟؟؟؟؟؟؟؟؟
ندا: هو يقصد يابابا الطريقه بس
العنتبلى : ليه هو مش جواز على سنه الله ورسوله؟
حاتم: طبعا ياعمى بس تقول ايه بقا ربنا يهديهم
نظر حاتم الى ندا وهو يقول: عجبتنى مشاركتها ياعمى
حاتم: بص ياعمى انا قابلتها اول مره فى موضوع بيتكلم عن السجاير كلامها لفت نظرى اوى
العنتبلى: اخص عليكى ياندا بقا كدا تخليه يشجع الزمالك عن الاهلى
حاتم: لاياعمى دى خلتنى اسيب الكوره خالص واشجع الوحده الاسلاميه بس.. دا بعد ما اقتنعت بكلامها طلبت من الموديراتور يقفل الموضوع و.......
قاطعه العنتبلى: طلبت من مين ياخويا؟؟؟؟؟
حاتم: الموديراتور
العنتبلى: ويطلع ايه الموتور ده كمان؟
ندا: بقصد المشرف يابابا اللى بينظم المكان
العنتبلى: طيب
حاتم: المهم بقا بدئت اعجب بيها واهتم بمشاركتها ومشيت وراها فى كل موضوع تروحه وبقيت ارد على مشركتها ونسيت اشكر صاحب الموضوع الاصلى وبعد كدا لقتها داخله موضوع شمس وقمر قلت نلعب واستنتها كتير تقول قمر مافيش فايده المهم قلت لازم البنت دى تبقى من نصيبى لانها محترمه اكتر الوقت مشراكتها هادفه وطلبت من المشرف اميلها ومرداش ابدا
طبعا العنتبلى والام قاعدين مسبهلين ومش فاهمين اى حاجه ويستمعون لحاتم ويهزون برؤسهم كأنهم فاهمين
فتبسمت ندا بخجل وقالت: امال عرفت اميلى منين
حاتم: قدرااااااااااااااا .... لائيتك كتباه لوحده صحبتك قمت اخدته على طول
العنتبلى وهو متنرفز: بقولك ايه ياض انت ادخل بقا فى المفيد
حاتم: حاضر ياعمى.. انا زى ماقولت لحضرتك انى اخر سنه فى كليه الهندسه و ناوى بعد ما اتخرج هدور على شغل وهشتغل على طول وانا يسعدنى ان ندا تكون شريكه حياتى
العنتبلى: طب واهلك فينهم؟
حاتم: مش مهم اهلى المهم انا مش انا اللى هتجوز ولا هما؟؟؟ وانا نويت اتجوزها خلاص
العنتبلى : بتقول ايه مش مهم اهلك ؟ اسمع بقا يااض انت
قاطعته ندا: يابابا
العنتبلى: اسكتى يابت انتى وامشى ادخلى اوضتك
حاتم وهو مرعوب: نعم ياعمى
العنتبلى وقد فاض به: اسمع ياض انت بقى أنا صابر عليك من الصبح وإنت عمال تحكيلى قصة حياتك ولا كأنك صلاح الدين وبعدين عمال تقولي كنت بجرى ورا البت عالنت من موضوع لموضوع لغاية ما قطعت نفسى وجيت اتقدمتلها
حاتم: مش بقول الصراحه ياعمى
العنتبلى: صراحه ايه وكمان جايلى وبدون اهلك اعمل بيك ايه بطولك وداخل بكيس موز وعمال تقولى ناوى ناوى بقالك نص ساعه ناوى وعلى ايه مش عارف والمصيبه لسه طالب كمان
حاتم: بس ياعمى
قاطعه العنتبلى: بقولك ايه انا معنديش بنات للجوز واتفضل المقبله انتهت
حاتم: طب نتفاهم بس ياعمى
العنتبلى: بقولك ايه انت هتخرج من نفسك ولا اعلقك زى الدبيحه عندى فى المحل .. اجرى ياوليه هاتى السطور من جوه
حاتم: لالالالالا خلاص ياعمى سلام عليكم
العنتبلى: وعليكم السلام ياسى طالب افندى .... قال عريس من النت قال بكره تجبلى عريس من الانترنت