المنتدى :
الارشيف
قصة مشرفتنا (ندا المصرية) وجواز النت (الجزء الأول) هههههه
طبعا كل ام واب بيجى لبنتهم عريس بيبقوا فرحانين اوى بس المشكله بقا ان لو العريس ده من النت وخصوصا لو الام والاب ميعرفوش يعنى ايه نت ولاكومبيوتر ده عباره عن ايه
ندا كانت قعده على الكمبيوتر وطبعا اكتروقتها مش بتقوم من عليه
ندا بصوت عالى وصريخ: ماماااااااااااااااااا ماماااااااااااااااااااا
الام: فى ايه يابت بتصرخى ليه اخواتك نايمين خضيتيني
ندا: معلش ياماما اصلى فرحانه اوى اوى
الام:خير يابنتى فرحينى معاكى ربنا يفرح قلبك كدا
ندا: عريس ياماما عريس جالى
الام فرحانه طبعا: ياالف نهار ابيض ياالف نهار مبروك لولولىىىىىىىىى
وبعد طبعا الاحضان والقبلات والزغاريت
الام: مقولتليش يابت عريس مين ده اللى اتقدملك ومقولتيش ليه وفرحتينى اول ماجيتى من الكليه
ندا: لان لسه عارفه دلوقتى ياماما
الام باستغراب: عارفه دلوقتى ؟؟؟؟؟ عارفه منين يابت دنتى لسه قايمه من على الكمروتر
ندا ضاحكه: كمروتر ايه ياماما اسمه كومبيوتر
الام: مش مهم يختى مش موضوعنا المهم عرفتيه ازاى يابت ومنين هو اصلا؟؟؟
ندا: من النت ياماما
الام باستغراب شديد: النت؟؟؟؟ ودى فى انهى حته يابت؟؟؟؟
ندا: فين ازاى ياماما؟
الام: يعنى فى انهى منطقه يعنى يتركبلها اتوبيس ولامترو ولاتاخدى تاكسى ؟ اوعى يابت يكون بيروحولها بالقطر
ندا ضاحكه: ايه اللى بتقوليه ده ياماما بس قطر ايه ومترو ايه ده نت
الام: ماعرفت انه الزفت بس ده فى اى بلد بالظبط يعنى؟
ندا: ده فى كل البلاد ياماما
الام باستغراب: انتى عبيطه يابت يعنى ايه كل البلاد يامنيله؟
ندا: ياماما النت ده عباره عن كومبيوترات كتير اوى فى العالم وفيه معلومات كتير جدا
الام: معلومات ايه ينيلك تكونيش هتجوزى دايره المعارف يابت؟
ندا: المهم دلوقتى ياماما ان ده عريس ومتقدملى من على النت
الام: وده اتقدم ازاى يعنى ماتفهمينى يامصيبه
ندا: بعتلى ايميل
الام فى ذهول تام: ايميل؟؟
وازاى يامقصوفه الرقبه تتكلمى مع اللى اسمه اميل ده
ندا فى سرها: طب افهمها ازاى دى بقااااااااااااااااااا
ندا: ياماما اهدى بس ايميل مين اللى كلمته بس
الام: مش انتى اللى بتقولى يابت
ندا: ياماما ايميل يعنى جواب على النت
الام: برضو هتقولى على الزفت يابنتى انا مش فهمه البتاع اللى بتكلمى عنه ده
ندا: ياماما النت ده حاجه فى الكومبيوتر ممكن نبعت عليه رسايل ونستقبل برضو
الام: ماليش انا فى الكلام ده المهم اصله ايه وفصله ايه ومنين ومعاه شهاده ايه؟
ندا: اسمه حاتم وطالب فى كليه الهندسه
وقاطعتها الام: طالب؟؟؟؟؟؟؟؟؟؟؟
ندا: ايوه ياماما بس هو فى اخر سنه
الام: بصى انا ماليش دعوه بالكلام ده انا هتصل بأبوكى وهو يتصرف اتصليلى بيه عالموبيل وانا هكلمه زمانه قاعد على القهوه دلوقتى
ورن موبيل العنتبلى ابو ندا
العنتبلى يرد بصوت خشن: ايوه مين معايا؟؟؟
الام: انا يامعلم
العنتبلى: عاوزه ايه ياوليه؟؟؟؟؟؟؟؟
الام: تعالى ياخويا شوف بنتك جيلها قال ايه عريس من النت
العنتبلى: بتقولى منين يختى؟؟؟؟
الام: من النت يامعلم
العنتبلى: يعنى ايه ياوليه فهمينى؟؟؟؟
الام: ياخويا مش لما افهم انا الاول ابقا افهمك تعالى انت واسئلها
العنتبلى: ماشى..هخلص دور الطاوله ده وهاجى على طول
طبعا بقا قفل الموبيل وقعد يكلم نفسه علشان يفهم ايه نت ده
العنتبلى فى سره: نت ايه ده كمان تكونش الوليه مراتى اتهبلت؟ وبعدين هى ناقصه هبل ماهى كدا كدا هبله من يومها
سأله زينهم صحبه اللى بيلعب معاه طوله: مالك يامعلم عنتبلى؟ انت بتكلم نفسك ولا ايه؟
فانتبه العنتبلى لكلام زينهم: قولى يازينهم بما انك كدا متعلم ومتنور ومعاك تالته ابتدائى يطلع ايه النت ده؟
زينهم بقا وهو فى وضع فخر: وانت ايه عرفك بالاشكال دى يامعلم؟
العنتبلى: اهوا عرفت وخلاص بقا
زينهم: والله يامعلم انا سمعت من بنت واحد جارنا انها شافت صور لمزابح العراق
العنتبلى وبرضوا مش فاهم حاجه: اااااااااااااااااااه يعنى زى التلفزيون يعنى
زينهم:لا يامعلم مش زى التلفزيون لكن تقدر تقول عليه جرايد بتتشاف بالصور
العنتبلى: ياه يادين النبى معقول ياد يازينهم الجرايد تدخل الشاشه الصغيره دى طب وبيدخلوه ازاى؟
زينهم وهو عامل بيفهم بقا: مش فى فتحات من الجهاز ورا يامعلم اكيد بيدخلوا الجرايد منها
العنتبلى: اكيد الناس دى فاضيه ومورهاش حاجه تعملها
زينهم: هو كدا بالظبط يامعلم ... بس ليه كل الاسئله دى يامعلم؟
العنتبلى: اصل الوليه مراتى بتقولى ان بنتى جيلها عريس من النت
زينهم : الف مبروك يامعلم .... اكيد بقا تقصد ان اللى متقدملها صحفى
العنتبلى وهو مبسوط: بجد يااااض يازينهم؟
زينهم: اكيد يامعلم مهو زى ماقولتلك النت عباره عن جرايد يبقا قصدها ان واحد جرنلجى اتقدملها مبروك يامعلم واهو كده ممكن تعمل دعايه للمحل بتاعك فى الجرايد وتطلع صورتك انت والعجل فى صفحه الحوادث
العنتبلى: طب العب ياوش السعد العب
زينهم وهو بيرمى زهر الطاوله : دش يامعلم راحت عليك
لو عجبتكم القصة اجيبلكم الجزء التانى
وشوفو العنتبلى عمل ايه وقت ما رجع عالبيت
هههههههههههههههههههه
|
13-06-07, 04:15 PM
جديد مواضيع قسم الارشيف
العرض العادي
