هلا والله وغلا بزهرة الأيام ..
تسلمين يالغلا على الاطراء والكلام العذب اللي وصفتيني به واتمنى اني اكون قده ..!

خليني اقول لك ان حضورك افرحني كثير ..

كنت اتمنى هالنقد والملاحظات من زمان لأنها بالنهاية نقد هادف ولايهونون بقية قراءي وحبايبي اللي ردوا عليّ لأنهم هم الدافع الحقيقي لي والحافز اللي شجعني للرواية الثانية ..!

اقتباس :-

ولكن لي بعض الملاحظات ارجو منك تقبلها....."بما اني دارسه نقد نتفلسف شوي " ديما يعني سوت عمليتين في الراس يعني اكيد حلقت شعرها ما بينت اثر ذلك على نفسيتها اونفسيه مهند

يابعد عمري .. الصدر اوسع لك من المتصفح بنقدك وملاحظاتك واقتراحاتك ..
اول شي ديمه ماحلقت راسها .. عمليتها كانت في اكبر مراكز العالم للأورام في هيوستن بالولايات المتحده .. وهذا حقيقه .. الورم ازيل بفعل جرح بسيط في الرأس بواسطة احدث الأجهزة .. يعني حلق الرأس تقنية قديمه وابشرك حتى عندنا في السعودية ماصاروا يحلقون الشعر عسى الله يبعد عنا وعنك وعن المسلمين هالامراض والمشاكل .!

اقتباس :-

كمان يعني مهند يموت ويحب ديمة ويتركها وما يقرب منها وهو عاشقها وهي حلاله يعني احسها مره صعبة يعني شهر ممكن لكن تقربيا نص سنه مالمسها ما اعتقد فية زي كذا شوفي لوكان يكرها اوتزوجها غصبا عنة معك انا 100%

لو قريتي ردي لاحدى الأخوات اللي سألتني تقريباً نفس السؤال وماكان عاجبها الوضع او مو مقتنعه .. يمكن عرفتي اجابتي ومااضطريتي تسألين ..
انا رسمت مهند بصورة المحب اللي يبغى يوصل مع ديمه لحب ازلي ..
يبغاها تحبه عن قناعه وهدوء حتى لو صبر لأنه بالنهاية راح ينالها ويكسب رضاها ..
مافكر بديمة انها مجرد انثى ويشبع رغباته معاها بالرغم انها مو راضيه عن زواجهم ولاهي مقتنعه باسلوبه وحياتها معاه ..
ولو لاحظتي كمان ان ديمه كذا مرة قالت له خذ اللي تبي بس تأكد اني ماراح اجلس وساعتها راح ينفد صبرك ..
يعني صبرت على تهوره وضربه وكلامه وتجريحه ووصَّلَت له انه الا انك تاخذ شي غصب في هذي ماراح ارضى ..
وهو يبغى ديمه بحب مو ب الغصب ولا لحظة وفترة من الوقت ..
يارب اكون و صلت المراد والهدف ..

اقتباس :-

غاليتي اقدار....... لقد قلتي على لسان الابطال كلمات لاتجوز شرعنا مثل لعن اليوم والساعة وكذلك كلمة لاحوووووول والحلف بالامانة مع اني لمست في القصة حرصك على تمسك الابطال بالدين في نقطة اخيرة حبيت اقولها لك هو ترك ديمة للعباءة في الخارج واكتفائها با الملابس الساترة والحجاب اختي ديمة هي البطلة الرئيسة في القصة ومن خلالها تنثري الصفات الجميلة التي تريدينهاللقراء" واناعن نفسي من الناس الي تتاثر بلي تقراه "فليش تجعلينها تترك العباءة وتكتفي بالحجاب انا معك ان في بنات يسوا كذا لكن الاغلبية لا وانا قد مسافرت ورحت وجيت عبايتي معي وصديقاتي كمان زي يعني ربي هنا وهناك لا استغفر الله فليش ما تخلين البنت بعدكذا اذا جات تسافرتلبس عبايتها وتبثين هذا الشي للقرائك من خلال البطلات منها تكتبين قصة ومنها للك اجر نصحتي باسلوب غير مباشر

حبيبة قلبي والله مشكورة على التنبيه .. بس مو معقول اطلع لكم البطله نقية ومافيها عيوب .. وقراءي اكيد واعين مو معقول كمان يشوفون الغلط ويدرون انه غلط ويتبعونه .. خاصة في لعن اليوم والساعه اللي ماانكر ولاتنكرين ان شريحة كبيرة من المجتمع واشخاص كثير يستخدومنها وهذا عيب فينا لعل الله يهدينا بس ويصلحنا ويعفو عنا ..!

صدقيني انا معاك في سالفة العباية وانا شخصيا لايمكن اسافر الا وانا لابستها ومستحيل اخلعها .. خاصة ان معاي ابوي واخواني يعني امان الدنيا بوجودهم الحمد لله ..
لكن لو ركزتي بكلام ديمه وليه خلعتها واكتفت بلبس الحجاب والملابس الساترة لاقتنعتي ..
ديمه اول ماسافرت كانت تلبس العباية وتلاقي مضايقات من الناس اللي هناك خاصة ان الأنظار على الخليجيين عموماً والسعوديين خاصة ..
وديمه بنت تروح لجدتها غالباً مايكون معاها احد من اهلها ..
يعني تضطر تطلع مع جدتها ، خالتها ، ولد جيرانهم بدون رجل يحميها ..
وسبق وتعرضت للسرقه كذا مرة آخرها جوال جديد على حسب كلامها من النوع الجديد والغالي
المهم البنت اضطرت تكتفي باللبس الساتر اتقاءً للمشاكل اللي تنعكس عليها من ورى العباية والغطا ومعرفة الناس هناك انها سعودية وقناعتهم ان معاها فلوس ولا شي قيم ..
بعدين ياقلبي اذا هذا في حدود الشرع وماخالفت تعاليم ديننا واذا حادت عن عادتنا بحجة ولسبب مايعني اني طلعت صورتها بشكل مو حلو ..
وابشرك في روايتي الجاية بتلاقين اللي يسرك وبإذن الله اني اتلافى الهفوات وعسى ربي يقدرني اني اكون بس قد ثقتكم وعند حسن الظن فيني ..!
يارب اكون وصلت وجهة نظري او وجهة نظر ديمه ..

اقتباس :-

حبيتي شوفي قصص بنات قطر والله العظيم اني كنت احسبهم زي الي في التلفزيون لاكن اثبتوا بقصصهم العكس وانهم ماتخلو عن العباءة ولا الغطاء لا في قطر ولا في غيرهاوانا شفتهم بنفسي في حديقة الملك فهد شفت سيارة قطريه جيب وكل الحريم اللي نزلو منها بعبي وغطاية والله لمن شفتهم ذكرت الكاتبة القطرية بالرحمة الي اعطت الصورة الصحيحة لبلدها

فديتهم والله بنات قطر وقصصهم ..
فعلاً انا معك ماكنت اتوقع انهم يغطون وجيههم بين بعض ..
يعني توقعت انهم يكتفون بالحجاب ولايغطون بس انصدمت لمن عرفت من خلال قصصهم ..
احياناً القصص تصور الواقع اكثر من التلفزيون اللي يعكس صورة سيئة عن المجتمع والواقع مثلاً اضرب لك مثال ..
المسلسلات الكويتيه .. تراها ابعد ماتكون عن المجتمع الكويتي
بنات الكويت صحيح فيه النوع الفري .. تلبس لبس مغري وتطلع بالتي شيرت الضيق والبرمودة اللي مبينتها ولاكأنها لابسه شي .. ولاتنورة قصيرة وبلوزة زي البدي .. ومررررة شكلها مو حلو لبنت خليجيه وعربية .. وهذا ترى قليل جداً فيالمجتمع الكويتي الحقيقي ..!!!!
المهم اللي ابي اقوله ان الصورة الحقيقيه لبنت الكويت هي اللبس الساتر والحجاب للغالبية حتى لو ماتحجبت تلاقينها محتشمه مع الاحتفاظ بأناقتها المعهودة واللي نسمع عنها ...
والله يابنات اني اعرف بنات كويتيات لبسهم مايفرق عن لبسنا بشي .. عباية وغطا وستر وحجاب شرعي لكن التلفزيون وفجر السعيد شوهوا المرأة الكويتيه بالمكياج المبالغ فيه واللبس الفري وووو

وسلامتكم

اقتباس :-

حبيبتي وعزيزتي اتمني تتقبلي نقدي وتوجيهي بصدر رحب وانا اخبرك باني سانتظرك على شوق ولادة ابنتك الثانية الي ماعرف اسمها لانك بالفعل مشروع لقاصة مبدعه قادمة لك مني كل تقديري واحترامي

يابعد عمري والله

عساني بس مااخلا منك ومن هالحضور المختلف .. الثري والمثري ..
اتمنى والله من كل قلبي الاقيك بروايتي الجاية .. لأني احب النقاش والتعمق في الرواية وليه تسوين كذا وليه تقولين كذا منها استفيد من النقد والملاحظات ومنها اوضح لكم وجهة نظري عن طريق الحوار والمناقشة ..

عساك سالمة واسعد الله قلبك ووفقك بحياتك ..!


وشكراً شكراً شكراً مدد بلا عدد ...!