الرايقه وبلا عنوان هههههههههههههههههههههه
اعصابكم اليوم بنزل لكم بارت يجديد يارب يعجبكم
تسلمون لي الله يسعدكم ولايحرمني منكم

وصلنا جده واحنا نازلين قلت :مين بيستقبلنا...؟ خفت يكون احد من قرايبه ..
: محد .. سيارتنا بالمطار وقلت مولازم يجي احد ...
سكتّْ ووصلنا سياراتنا .. الجو ماعجبني مهند يدخن بشكل فظيع .. واحسه كثير متوتر .. خايف يبين علي شي ... انا متضايقة منه صحيح وماني مبسوطه معاه وخاصة عند اهله وعماته وخالاته موجودات وبيدققون علينا لكن ماراح احرجه بإذن الله . ..
فتحت الدرج حق السيارة وطلعت سي دي لمحمد عبده بقطع جو التوتر وكمان خايفه انه يفتح معاي نقاش يزيد الطين بله ونتأثر فيني واحنا رايحين عند الناس .. خاصة اني مو مستعده اسمع أي نقاش ... وبحالته هذي لايمكن يكون هادي ..
بدت الموسيقى وانا مو عارفه ايش الأغنية بس يالله شي نسمعه أي شي حتى لو مو حلو اهم شي مااعطي مهند فرصة للكلام معاي ...

يامن يراعيني بعينه واراعيه

بعيون قلبي كل ما لاح زوله

يفز قلبي لا تبدت مواريه

واغض عنه الطرف والناس حوله

اقعد معه في الناس مقدر احاكيه

اخشى لساني يختلف في مقوله

يغلي الحكي في خاطري مقدر احكيه

ويصرخ بصدري صمت قد طال طوله

اسرح بفكري لا جرى طاري فيه

لا اقدر ارد الهرج ولا اقدر اقوله

ولا اقدر افيض سر قلبي ولا اخفيه

ولا اقدر اداري له جروح عليله

يا من يناديني بقلبه واناديه

يا مودع ليلي ليالاً طوليه

ينسى الغفى عيني إلا جيت باغيه

يامن يلوم اللي خلا من خليله
اخذتني الأغنيه لعالمي ماراحت بعيد عني ...
شفت مهند متأثر والتفت علي قال : ابو نورة على الوتر صح ..؟
: ها ... ؟ مو دايما ..! اهم شي الأغنية كلماتها حلوة ولحنها وتكفي انها بصوت ابو نورة .. كنت مرة متخربطه خايفه يطلع لي بسالفة ولا يسوي لي مشكله ..
انا صحيح تعودت على نقاشاته المشحونه بس الحين خايفه اتأثر قدام الناس ابغى اليوم يعدي على خير يارب استر ..!
طفى مهند المسجل بعد ماشافني طلعت جوالي ابغى ادق على احد يشغلني عنه .. كنت بدق على خالي بس قال : لاتدقين على ناصر لأنه عند اهلي وفيه رجال بالمجلس لاتحرجينه ... وبعد شوي بتشوفينه اكيد ..! .
: خلاص بدق على هدى بشوفها بتجي ولا لا
دقيت على رقم هدى وردت علي : هلا بالعروس
: هلا فيك مرة وحشتيني هدى كيفك
: الحمد لله بخير انتي كيفك والحمد لله على السلامه
: الله يسلمك بتجين على العشاء
: احنا هناك ببيتكم نستاكم
: اوكي احنا خلاص قريبين من البيت
: توصولون بالسلامه
: يالله هدى باي
:باي



وصلنا البيت كان فيللا حولها اشجار بوابتها كبيرة ومن برا كانت تحفه .. دخل مهند السيارة ووقفها وقبل ماننزل مسك يدي : ديمه ماابغى الناس
قاطعته بسرعه قبل لانفتح أي موضوع ثاني : مستحيل اخلي الناس تلاحظ شي اطمن
: هذا العشم .. ماابغى نكون سيرتهم
: لاتخاف
: يالله ننزل مع بعض
نزلت وهو راح ينزل الشنط ..استنيته لحد ماجا بسرعه مسك يدي ولقينا الباب مفتوح اول مادخلنا قابلتنا ريم وصرخت لمن شافتنا وجات سلمت على مهند بعدين سلمت علي وراحت قبلنا بتعلم امها .. بس ناداها مهند قال : اصبري بنطلع لجناحنا نبدل ونادي الشغالة تطلع الشنط ...
طالعت فيه انا قلت : انا لابسه مايحتاج
: لا تعالي يمكن تبين تعدلين شي لك كم ساعه بالطيارة
: اوكي
طلعنا جناحنا كنت ساكته مااتكلم ..! دخلت الجناح حقنا كان مرة فخم .. الصالة اثاثها يذكرني بأثاث شقته بأمريكا .. قال : اش رايك
: اكيد ذوقك
: ايوه كيف عرفتي
: يشبه اثاث شقتك بأمريكا
: اووه آسف اذا ذكرتك ..
: عادي
: اذا تبين نغير كل هذا من بكرة ... وعلى ذوقك انتي ...
قاطعته قلت : لا لا مو لازم يتغير هنا شي .. بعدين عاجبك انا شو دخلني ..؟
صح اني قهرته بس ماادري ليه حبيت الحين وباللحظة هذي انرفزه .. بالرغم انه باين انه رايق ومبسوط لمن جينا عند اهله ..
اخذ يدي وغريبة ماعصب بالعكس ابتسم وكأنه ماخذ دوا يهدي الأعصاب ومايخليه ينفعل او يعصب .. معقوله هذا مهند قال بهدوء : اتركي الكلام الفاضي عنك .. هذا بيتك انتي واذا تبين تغيرين فيه شي حاضرين .. ولاتقعدين تلمحين لأن والله ياديمه ماتفارقيني بالسهل .. وانا صعب وتعرفيني ..!
بلعت ريقي ونسيت كل شي لمن شفته يبتسم .. ياناس ساحر .. احترت هل هو يقدر يخليني ارتاح وانسى من مزاجه الرايق ولا انا من النوع اللي مايحب يسوي مشكله واستنى أي شي يهدي الوضع واروق بسرعه ..
اخذني للغرفة شفتها فخمة بشكل ماينوصف اللون البني هو اللي غالب على الديكور وداخل عليه العاجي والذهبي بصراحة فن وابداع صعب وصفه كأني قدام لوحة فنية من النوع الكلاسيكي الفخم
قرب مني قال وهو يبتسم ويتودد لي بوضوح : كيف ذوقي ..؟
ابتسمت ماادري اش اقول بصراحه .. هالآدمي ارهقني .. يتحكم فيني على كيفه يعكر مزاجي ويروقه بحرفنه وسهولة .. قلت بعد مابلعت ريقي : اكيد ذوقك حلو .. طالعت فيه وصديت بسرعه وكملت بثقة : ولا مااخترت ديمه بنت عبدالله ..!
: ههههههههههههههههههههه يازين الثقة بالنفس .. قرب مني وحط عيونه بعيوني قال : ولا اسميه غرور ..؟
بعدت عنه مااقدر على قربه مني احترق .. وبنفس الوقت مااحبه يقول عني مغروره ..: قلت واناافتح عبايتي وأعلقها.. بعد مانزلت طرحتي وبطفش : سبحان الله الغرور هذا محد نبهني عليه ولاحظه الا انت .
كان بيقول شي ، يبغى يرد ، يمكن بيعتذروخايف ازعل بس قعد يناظر فيني من راسي لرجولي ..!
تأملني بشكل فظيع وانا انحرجت من نظرته لي تذكرت انه ماشاف لبسي ولا مكياجي لأني لبست عبايتي بسرعه في الفندق ولمن سويت مكياجي بالطيارة خرجت له متغطيه ... صديت عنه ومسكني بيدي وهو يتأملني قال : حصني نفسك .. عمتي وبنتها هنا وتراها يمكن تسمعك كم كلمة تحمليها
ناظرته بقهر : هو انا ناقصه
كنت احس اللي قدامي مو مهند هذا واحد ثاني .. نظراته تحرقني..حنووون ..يخاف علي ..! اليوم غير ياناس .. معقوله اهله مصدر ارتياح له وثقة واحساس بالاطمئنان ..! ووجوده قريب منهم يهديه ويحسسه بالفرح ..!؟
رحت عند التسريحه وزدت المكياج حقي وهو واقف وادري انه يطالع فيني قال : لاتطلعين لين اغسل والبس اوكي
: حاضر
كملت مكياجي وحطيت عطر وبدلت الاكسسوار اللي كنت لابسته باسواره وعقد وخاتم ذهب من لازوردي ولبست ساعتي الألماس هدية خالي بمناسبة زواجي .. دق الباب ورحت اشوف لقيتها الشغالة جايبة الشنط فتحت لها ..
قالت : ريم قالت انا ارتب ملابس وجناح بعد شويه..
: لا لا ماابغى احد يرتب الملابس انا ارتبها اذا بغيتك تساعديني اناديك .. ماتدخلين هنا اوكي
: اوكي مدام ... وخرجت من عندي
احسني مو متقبلة كلمة مدام احسها تضحك علي اجل انا ديمه صرت مدام .. بجد مو لايقه ..
خرج مهند من الحمام ولبس ثوبه الأبيض وشماغه الأحمر ياربي نفس شكله لمن شفته بالمرسم بعد ملكتنا بليلة .. هذيك الليلة تمنيت ارسمه واليوم نفس الاحساس وجهه وأكتافه وطوله كلهم يشهوني بالرسم .. بجد لو ارسمه راح اتقنه .. وسيم كثييير ورجولته تأسرني ... رميت القلوس اللامع اللي كنت احط منه على شفايفي .. قلت بنفسي لازم اتجاهله ولا اصير هبله واقعد اطالعه واسمح لنفسي اني اعجب فيه واتمادى ...
اخاف ..اخاااااف .. اخااااااااااا ف اتورط اذا اعطيته فرصة ولا حبيته وهو ماتغير ..
مافيني اتعب واندم واتحسف خلني كذا احسن لي .. لاافكر باحد ولااشغل نفسي ولا اجيب لراسي القلق ..
حط من عطره الرجالي .. لا هذا ناوي يكمل علي اليوم .. قلت له وانا احاول اخرج من اطاره وأسره وسجنه : فيه احد ..؟ البس عبايتي وانا نازله ..؟
نسف شماغه على اكتافه وهو يطالع بالمرايه ويقول : لا لاتلبسينها مافيه الا ابوي ..
: اوف صح نسيت ... قلته بصوت واطي ..وقلت بنفسي الحين ابوه كيف اسلم عليه والله احراج ياربي ساعدني ...... بس باخذ معاي الشال حقي اذا جيت اسلم عليه احطه علي ..
شفته واقف بجنبي وحط يده على كتفي قال : وين رحتي ترى ابوي ماياكل ويحبك من قبل لايشوفك من كثر كلام امي والبنات عنك ..
نزلت راسي وقلت : الله يخليه لكم ..
نزلنا مع بعض وهو لاف يده على اكتافي .. لقينا امه تحت اللي رحبت فينا وهلت وضمت ولدها ساعه وجلست تبكي مسكينه .. كل ماتذكرت كلام ابوي الله يرحمه عنها احبها اكثر .. سلمت عليها انا بعد وحضنتني وسلمت على راسها باركت لنا وهي تدعي لنا .. اخذتنا وجلسنا بالصالة وقالت لريم تجيب القهوة والشاهي بس مهند قال بيطلع للرجال وماراح يجلس وشفته يهمس لامه بكلمه ماسمعتها وهي ضحكت بعدين قالت : اصبر لين عماتك وخالاتك يجون يسلمون عليك ..
رفض مهند وقال : بروح اسلم على ابوي ودخلي ديمه عليهن وانتبهي لها.. طالع في امه بتوسل وكمل : تكفين يمه ..
: ديمه بنتي ماارضى عليها شي لاتخاف
خرج مهند بعد ماناظرني وقال :انتبهي على نفسك واذا اهل خالك راحوا بجي اسلم على عماتي وخالاتي
قلت : اوكي
اخذتني خالتي لمجلس الحريم شفت هدى وفيه حريم اتوقع اني شفتهن بالزواج وبعضهم تصوروا معانا
سلمت عليهم كلهم وحضنت هدى كثير حتى هدى كانت عيونها مليانه دموع بس تبسمت ماتبغى تقلبها نكد قالت : مرة فاقدينك وبيتنا بدونك مايسوى وخالك مايحب يجلس فيه كل شوي خارج يقول مااتخيل البيت بدونها
: انتو بركة البيت وانا شوفيني قريبة كل يومين عندك
التفت للحريم وكنت ساكته ماتكلمت الا مع هدى طبعا العيون كلها علي وانا جالسه بجنب هدى
جلسنا فترة ساكتين الجو رسمي كثير .. احيانا هدى تكلمني بصوت واطي وأرد عليها رد مختصر واسكت ..
فيه وحده جالسه متينه شوي وقصيرة وشعرها اسود مسشورته وعيونها واااو واسعه وسودا تجنن هي احلى شي فيها .. باقي ملامحها عادية ولبسها مو لذيك الدرجة مرة عادي وأقل .. ماشالت نظرها من علي قالت : هذي انتي ياديمه ماتوقعناك كذا بصراحه
ابتسمت لها قلت : ليه
وردت لي الابتسامه قالت : قلنا تدرس ماجستير وكبيرة ماتوقعتك نحيفه بالشكل هذا .. بعدين تداركت كلامها وابتسمت يعني كان سمنتي شوي لأن مهند مايحب النحيفات ..
: ههههههههه عاد هذا انا وهذا جسمي مااقدر اغيره
طالعتني هدى وضحكت عفوياً قالت : اش دخل الماجستير بجسمك ههههههههههههه
ابتسمت على عفوية هدى وبغيت اضحك بس مسكت نفسي .. حسيتها اتريقت عليها من دون ماتقصد ..!
تدخلت وحده من الحريم : لاوالله بسم الله عليك الا قمر وماشاء الله على ذوق مهند
كانت ريم عند الباب وجات تضحك وجلست بجنبي : ماني مصدقه ديوم بتسكن عندنا
ردت البنت اللي تقول اني نحيفه : صحيح انك شرطتي تسكنين معهم
: ايوه كان اهم شرط
: غريبة ليه ماتحبين الاستقلاليه .. اقل شي اذا مو عشانك عشان مهند لأنه يحب يعيش حياته بهدوء وحرية ..!
مارديت عليها وتكلمت الحرمه اللي مدحتني : ديمه بنت اصول مو من اللي يفرقون على قولة ابو مهند
تدخلت ريم : ديمه بعرفك عليهم وتأشر على آخر وحده تكلمت : اشرت على حرمة كبيرة من اول مادخلت وهي تقول ماشاء الله تبارك الله.. هذي عمتي سارة أكبر من ابوي على طول ام الجميع.. الله يخليها لنا ...وهذي خالتي مزون .. واللي بجنبها خالتي سلمى .. وبنتها مها .. وهذي عمتي نورة وهذي ... تأشر على البنت اللي تقول اني نحيفة ... بنتها فاطمة .. وهذي سامية بنت خالتي مزون ....وهذي عمتي منيرة وبناتها خلود وهديل .. تكلمت سارة
:هلا بك ياديمه عزة الله عرف يختار مهند مكملك ربي ..
: تسلمين ياخالة الله يطول بعمرك
: تعالي اجلسي عندي يابنيتي
قامت فاطمه عندها وجلست بجنبها قالت : افا ياخالتي من العصر وانا هنا وماعطيتيني وجه
: هذي ديمة عروسنا خلينا ندلعها ..
جلست سارة تسولف لي عن عيالها وبناتها المتزوجات اصغرهن فاتن متزوجه من سنه ولسه ماحملت قلت لها : الله يرزقها ولسه بدري عليها لاتستعجل .
تدخلت فاطمة اللي كانت مركزة علينا قالت : ههههههههه ماشاء الله عندك خبرة في الحمل والولادة تصدقين مااعرف شي عنهم ..
طالعت فيها وابتسمت قلت : عادي ثقافة هذي
قالت : لا حبيبتي هذي تكتسب من التجربة
ابتسمت ومارديت .. صدق سخيفه .. شكلها تبغى تستفزني بس بعيد عليها .
تكلمت خالة سارة قالت :اقول يافاطمة البسي عبايتك وتغطي وروحي جيبي لي كاس مويه ..
شفت هدى معترضه على حركات فاطمه بس ماتكلمت .. قالت ريم بصوت عالي : ماعليه ياديوم بتلاقين مؤيدين ومعارضين .. وغمزت لي وكملت : تحملي عشان الحبايب ..
ماكنت ادري اش ارد بس هدى انقذتني وقالت وهي تبتسم : اللي يعرف ديمه يحبها على طول وانا والله مااقوله عشان هي بنتنا بالعكس ديمه انا وياها عشرة عمر تدخل القلب بسرعه وعمرها ماضرت احد .. يعني مااتوقع فيه احد بيصير من معارضينها الا اذا ماعنده ذوق ..!
دخلت فاطمة بكاسة المويه في يدها قالت :اش تقصدين ..؟ واخذت نفس كأنها تهدي نفسها وابتسمت قالت : اكيد محد بيعارضها لأنها اخذت مهند ..!
اش فيها هذي كل شوي مهند مهند .. لاتكون هذي غيرانه عليه .. طيب طالما انها تحبه ليه ماتزوجها وفكني منه ..
حسيت باحساس غريب .. شعور لأول مرة يصيبني لمن تخيلت ان مهند يتزوج وحده ثانيه .. اغاااااار معقولة ..؟ لا لا لا مااعتقد ..!
مهند مااثبت وجوده بحياتي لسه .. باااقي كثير عشان اقدر احبه او اغار عليه ..
هذا مجرد احساس بالكرامه .. .ايوه طبعا كرامتي ماتسمح لي اخلي أي وحده تتكلم عن زوجي وكأنها تعرفه ويعرفها وتفهمه اكثر مني حتى وان كان مهند ..
تكلمت نورة ام فاطمه وعمة مهند : قومي ياريم نادي مهند نبي نسلم عليه .. عاد فاطمة مشتاقة له من امس وهي تنتظره على جمر ، ههههههههههه اذا ماعندك مانع ياديمه تراها تبي تسلم عليه ..! وتراه ولد خالها مو غريب ..
ابتسمت لها وقلت : ماجيت عشان اغير شي بحياتكم .. وسكت .
قالت فاطمه : هههههههههههههههه عارفين انك ماراح تغيرين شي .. حطت رجل على رجل ورفعت راسها قالت بغرور : اصلاً اللي بيني وبين مهند اكبر من انك تقدرين تغيرينه
قالت هدى : ووش اللي بينك وبين مهند لهالدرجة
اشرت لهدى تسكت وابتسمت لها وغمزت يعني خليهم يتكلمون لاتحرقين نفسك .
ناظرت بريم اللي وجهها متغير وقامت بسرعه وبعد شوي دخلت امها اللي ناظرت فيني باهتمام وانا ابتسمت اهدي الجو قلت : خالتي تعالي اجلسي لاتتعبين نفسك
قالت فاطمة : ياخالتي تخيلي ان مهند مايسلم علي والله لاموت واذبح نفسي ..
قالت خالتي : مهند من متى يسلم عليك يافاطمه .. ذكريني بس
: حرام عليكم لاتنكرون ان طفولتي انا ومهند مع بعض
ردت ريم بحرقه وعصبيه : قلتيها طفولتكم .. الحين عيب ياماما رجال ومو محرم ومتزوووج حطي تحتها خطين متزوج يافاطمه يعني خلاااص
كانوا الحريم ساكتات وانا احس ببرود مو طبيعي وهذا اللي قهر نورة وبنتها ..
قامت مزون ولحقتها سلمى ولحقتهم منيرة بعد شوي ..
سألتني هدى قالت : ها ديوم كيف عساك مبسوطه .. ابتسمت لها قلت : الحمد لله .
قربت مني اكثر وقصرت صوتها محد يسمعها غيري .. قالت : بتجينا طبعا في بيتنا
: اكيد بقول لمهند نجيكم بكرة ..
: تكفين ديوم والله مااقدر لازم تجين ابغى اتطمن عليك قلبي يقول ان ديمه فيها اشياء
ناظرتها بثقة وابتسمت قلت : هدهود تطمني قلت لك ..
جات ريم عندنا وقطعت علينا كلامنا وسكتنا .. نادت خلود وهديل عندنا .. وجلسنا نسولف اما فاطمة فقعدت تسولف مع امها بصوت واطي .. والخاله سارة قالت : من يجيب لي العريس بسلم عليه ..
قامت ريم بتدق على مهند بس رجعتها امها قالت اصبري لين الناس يروحون لأنه مايقدر يدخل وفيه حريم وأشرت على فاطمه والبنات ..
تكلمت ريم : بنات وش رايكم في زوجة اخوي
خلود : ماشاء الله عليها تهبل .. وطالعت فيني قالت : تشبهين خالتك السورية شفتها بزواجكم ..
قلت لها وانا ابتسم : تسلمين .. صحيح فيه ناس كثير يقولون اشبه لها
دق جوالي وكان خالي اول ماقلت الو .. قال اطلعي لي انا عند باب الحريم وبسرعه ..
اخذت شالي الذهبي وحطيته على اكتافي وقمت بروح .. وناديت خالتي ام مهند اسألها اقدر اخرج براحتي فيه احد ولا البس عباية ..قالت خذي راحتك ماعندنا رجال بالبيت الا عمك ابو مهند وزوجك .. خرجت عند الباب اللي دخلنا معاه انا ومهند وحصلت خالي ينتظرني ومهند معاه .. سلمت على خالي وحضنته ساعه اشتقت له ياناس .. اشتقت له كثير .. ابوي امي اخوي اختي صديقي ..الآدمي هذا كل شي بحياتي .. اخذني لصدره وهو لاف يده على اكتافي قال : الحين بس حييت .. طالع بمهند وقال : ماادري وش مسوية ديمه فينا ، البيت كله كئيب بدونها ..
طالعته وقلت بارتياح وثقه وفرح وحياااااة من جديد : حتى انا ياخالي بدونكم ولا شي .. انتم كل حياتي
التفت خالي بشك لمهند ونظرة غريبة اربكت مهند اللي طلع دخانه ورمى زقارة في فمه..
قال خالي:ههههههه اجل مهند وين راح المفروض هو الكل بالكل الحين ..
لمن شفت مهند متوتر حنيت عليه وقلت بسرعه : لاخالي انتم شي وهو شي انتم اهلي انتم اجمل شي بحياتي وهو طبعا شي ثاني .. وانا اناظر فيه وابتسم ..
تدخل مهند : ياخي انا زوج وحبيب ومستقبل .. وانتم ذكرى وحياة ماضية ومجرد اهل تعزكم وتغليكم . ولا لا ياديمه
كنت اطالع بخالي وقلت : مممممممممم كلامك فيه شي غلط هو ان اخوالي دنيتي وذكرياتي وماضي وحاضري ومستقبلي .. اما الباقي صحيح .
: اهم شي تعترفين اني الزوج والحبيب وهه بقول مستقبل مشترك مع اهلك
: طبعا هذا كلام مفروغ منه ..قلته وانا اناظر في مهند بابتسامه ونظرة استهزاء . بس خالي مشت عليه وصدقها ماانتبه الحمد لله ..
قال خالي : والله اذا كذا خلاص اجل مطمن على الديم .. وانا راضي اني اكون ذكرى وماضي بس المهم تكون هي مبسوطة بالحياة الجديده
قلت : الحمد لله ياخالي مبسوطة لاتشيل همي .. المهم انت كيفك تقول هدى انك ماتجلس بالبيت
: والله ياديمه البيت بدونك مااطيقه .. اول اذا سافرتي اقول بترجع تملا البيت علي بس الحين اقول ان جات كلها كم ساعه وترجع مو راجعه زي اول .. الله لايفرقكم ..!
مهند كان يدخن ومسرح يفكر بشي ماادري ايش يمكن قهرته بس يحمد ربه اني داريت عليه ومابينت شي ...! سمعنا صوت وكنت ابغى ادخل بس مسكني مهند بيدي قال : هذا ابوي تعالي سلمي عليه ..
جا ابو مهند وانا مرة مستحيه ومنحرجة كثير وسلمت على راسه ويادوب لمسته احسني مو متقبله ان بين يوم وليله رجال غريب يصير عمي و يجي يسلم علي ..
اول ماشافني عمي ذكر الله وابتسم لي وبارك لي وانا رديت عليه بصوت واطي كنت مرة مستحيه ..
لاحظ عمي اني منحرجه قال لخالي ومهند : تعالوا العشا جا وخلوا ديمه تدخل تتعشا
راح خالي ورا عمي وكنت برجع ادخل بس مهند ناداني : ديمه لحظة
: هلا
: احد ضايقك
: لا محد ضايقني .. ليه ..؟
: مممممم ماعليك من أي احد يلطش عليك كلام اوكي
: عادي عادي ماعليك
: ايش اللي عادي اذا احد تكلم عليك تقولين لي فاهمه ..؟
: فاهمه .. اوامر ثانيه ..؟
: لا خلاص روحي ... وطلع زقارة وجلس يدخن ..وعيونه كانت عليّْ

دخلت عند خالتي ام مهند بالمطبخ وأول ماشافتني قالت : عروسنا بالمطبخ تعالي يمه اجلسي بالمجلس
: خالتي والله عادي بجلس هنا معاكم جلسة الحريم توتر ..
: يابنتي فاطمه لاتهتمين لها ولا تاخذين على كلامها
: لا ياخالتي لاتشيلين هم مافكرت بكلامها والحمد لله انا اكبر من هالخرابيط اهم شي لاتضيقين خلقك
: الله يرضى عليك والله ان ربي رازق ولدي يوم اخذك
: تسلمين ياخاله .. الله رزقه بأم مثلك عسى الله يخليك لنا
دخلت علينا فاطمة قالت : خالتي تبين مساعده ترى انا سنعه وراعية بيت
ردت ام مهند : لا مشكورة يافاطمة ماتقصرين روحي عند الحريم
وقامت ام مهند لمن سمعت مهند ينادي .. قالت بشوف العشا وصل ..
طلعت فاطمه على طول وأنا متأكده انها سمعت مهند وعشان كذا بتطلع له
خلها قلعتها هي وياه خلهم يشبعون من بعض .. هالغبيه اللي بتستعرض عند واحد توه متزوج من كم يوم لا وأنا متأكده ان مهند مفتون فيني عرفت من نظراته لي وسرحانه اذا شافني .. ومسكته ليدي .. !
شفتها وقفت عند المرايه حقت المطبخ وطلعت وانا جالسه بالمطبخ الا صوت مهند : يمه انا ماشي اذا بغيتي شي كلموني
جات ام مهند وهي معصبة قلت لها : خير خالتي اش فيك ..؟
: البنت هذي ماتستحي ..
فهمت قصدها : خالتي ماعليك منها بعدين مهند مو محتاج يناظر فيها .. وقلت بدلع: ولا اش رايك ياخالتي ..؟
: لاوالله يابنتي مو محتاج انتي احلى واعقل وافهم بس مابيها تتعرض قدام ولدي كل شوي ، مو حلوة بحقها ولا بحقك ولا بحق مهند .
: ياخالتي مهند مااهتز للبنات اللي برا احلى من فاطمة بمية مرة وهو عزوبي مو يطالع في فاطمة وهو متزوج ... ومتزوج ديمه لاتنسين قلت آخر جملة وانا اضحك .. بغير جو خالتي ماابغاها تتضايق عشاني
: ههههههههههههههههه وانتي الصادقه يابنتي آخذ زينة البنات نظر عيني الله يرزقك يابنتي ويسعدك
: ويخليك ياخالتي ويطول لنا بعمرك
دخلت علينا فاطمة بعدين خرجت وهي تضحك بطريقه لئيمة .. ماالتفت لها ولا عطيتها اهتمام الحمد لله احسني احسن منها بكل شي بداية بالتفكير وانتهاء بالشكل ..

جا العشا وأخذتني خالتي غصب عني للمجلس وجات هي معاي وأرسلت ريم وسميرة اللي دوبها وصلت وسلمت علي بحرارة .. للمطبخ يحضرون العشا ..
جلسنا وأنا احس الجلسة رسميه عشانهم ساكتين تعشينا وانا كنت جالسه بين هدى وخاله سارة ..!
اكلت مكرونه وسلطة وأخذت تفاحه اكلتها قالت خالة سارة : ديمه ليه ماتتعشين ..
: اتعشى ياخاله
تدخلت هدى : ديمة لاتحاولون فيها لايمكن تاكل رز ولحم
" اجل مهند وش بياكل ان شا الله " قالته فاطمه بقرف وهي تاكل ..
مارديت عليها قالت خالتي ام مهند : اذا ديمه مااكلت رز خلاص مهند ماياكله
قالت نورة : مادام ماتحب الكبسة اكيد ماتعرف تسويها ..! ولا نسيت انها ماقد دخلت المطبخ راعية كتب ودراسة .
تدخلت هدى بسرعه : ديمه طول عمرها عايشة بعز ودلال وان شاء الله بيزيد دلالها عند مهند واهله ..وهذا عشمنا فيهم يوم عطيناهم ديمتنا ..!
ابتسمت لهدى احسها متأثرة بكلام خالي ناصر .. اسلوبها اليوم وكلامها عني يشبه كلام خالي ..
قالت ام مهند : تستاهل ديمتكم من يدللها ويعزها عسى الله يهنيها ويسعدها
انا ماعلقت الا بكلمه : تسلمين ياخالتي الله يخليك لنا
كنت احس ان نورة تناظر فيني بس ماالتفت لها وقمت بغسل قالت : كثر الله خيركم واكرمكم الله ... هذي حفظتها من الضيوف اللي يجونا ولا انا اول مرة احد يضيفني رسمي كذا ..
: هني وعافيه يابنيتي ..!قالته خالتي ام مهند وسارة عمة مهند ..
قمت ولحقتني هدى قالت واحنا نغسل : ديمه انتي كيف صابرة عليهن بجد ماتستحي هذي وامها ..
: عادي هدى ماعليك منهم ولاتشيلين همهم مقهورات مني غير كذا مااهتز فيني شي اذا شفتيني اعبرهن ولا اهتم لهن ازعلي ولا انقهري بس الحين ماعليك خلينا نستانس ونضحك عليهن .
: معاك حق والله مو قد انا نعطيهن اهتمام .

اخذت هدى بوريها الجناح حقي وطلعنا فوق ربع ساعه بس فرجتها عليه كان صالة و مطبخ مفتوح على الصالة .. وغرفة نوم ومجلس للحريم طبعاً... وغرفة فاضية فيها مكتب ومكتبه صغيرة وفيها استريو وسيديهات واللاب توب حق مهند وشنطته الطبيه.. وكنب لونه كموني كأنه سرير لشخص واحد شكله مريح ومعاه تكايات كأنها مخدات لونها بني ..... كانت الغرف كل وحده احلى من الثانية كأنه تحفة بصراحه ..اعجب هدى كثير ,, قعدت تمدحه وتمدح ذوق مهند لأنها توقعت انه هو اللي اختاره ... وجلسنا نسولف عن لبسي ولبسها وزبطنا مكياجنا ..بعدين نزلنا تحت
اول ماجلسنا قالت نورة : الحين اللي مأثث جناح مهند من ..؟
قالت خالتي ام مهند : هو مختاره يقول يعرف ذوق ديمه
: ياشين الوانه تجيب المرض
انا ابتسمت وطالعت بهدى اللي ابتسمت لي بدورها ياربي احسهم صغار الحمد لله ماعندنا احد يتصرف هالتصرفات ولا تعودت عليها ..
جات سميرة عند هدى وعلاقتهن ببعض صارت مرة مرة قوية .. جلسوا يسولفون وانا و ريم وخلود وهديل جلسنا نسولف الين الساعه قربت على اثنين احسني خلاص تعبانه .. اتصل خالي على هدى قال اطلعي بنمشي ..وقامت هدى راحت لبيتها .. بعدها ارسل مهند لعماته وخالاته يجن عنده بالصالة وطلعت فاطمة اول وحده للمطبخ ولحقتها سميرة وشفتها تنادي ريم وهي تضحك ... طلعن كلهن يسلمن عليه وانا جالسه مع البنات
راحوا عمات مهند ..ساره بعد ماحضنتني وسلمت على راسها .. ومنيرة وبناتها اللي مرة ماكلمتني الا يمكن كلمتين سألتني كم باقي لي واكمل دراسه وجات بجنبي قبل تروح قالت انا آسفه ياديمه على كلام فاطمه لاتواخذينها عقلها ناقص وامها مدلعتها وقلت لها ماصار شي ولاتشيلين هم مازعلت انا ... حسيتها طيوبه مرة عكس نورة اللي تحقد علي ....
وراحوا خالاته بعد ما عزموني وقلت لهم اذا جات فرصه راح ازوركم مع خالتي ...!
باقي نورة وبنتها .. وانا خلاص تعبانه حتى خالتي ام مهند مرة تعبانه .. رحمتني ريم لمن قالت ديمه كلمي مهند بالصالة .. استغربت نورة للحين مارجعت ... وقمت مريت على المرايا حقت الحمام الخاص بمجلس الحريم شيكت على شكلي .. صحيح عيوني شوي ذبلانه باين عليهم التعب بس احسني حلوة رحت لمهند كان جالس بالصالة وراسه بين يدينه .. ياويلي اذا شفته كذا احس فيه مصيبة
جيت قلت بصوت ضعيف وخايفه : خير فيه شي ...! وانا قلبي بيوقف لايكون خالي صار له شي ..!
كنت استناه يقول شي بس وقف لمن شافني وتلفت اذا احد يشوفنا ولا لا : اش فيك
: انت اللي اشفيك صاير شي ؟
: تعبان والله ياديمه وراسي بينفجر
: بسس ؟
طالعني قال : ايه تطمني كل الناس بخير الا انا ..
يووه هذا الحين فهمني غلط .. صدق ماعندي اسلوب قلت : سوري مااقصد بس انا خوافه .. واذا شفتك كذا اتخرع ..!
: قوي قلبك لاتصيرين خوافه .. قومي يالله خلينا نروح نرتاح ترى البنات هنا وو
حسيته مايقدر يقول لي عن فاطمه خايف من ردة فعلي وقاطعته قلت : ايوه شفتها .. تبسمت لمن تذكرت ان البنات حجزوها بالمطبخ .. بعدين كملت : حرام حقق لها رغبتها ترى الكبت مو حلو
ضحك مهند بصوت عالي وانا تجمدت وانا اطالع فيه صديت واخذت نفس عميق يارب لايبين علي يارب ارحمني لاينتبه لي مهند .. ياناس حتى في ضحكته رجولة وسحر غصب عني تفتني مو بيدي ..!
وقف وأخذ يدي وانا قمت معاه قلت :نمر على خالتي نقولها تصبحين على خير
قال : اوكي ..!
دخلنا عليهم بالمجلس ومهند حاط يدي بين يدينه بطريقه احسها تذوب ..
سلم عليهم وقال: يالله ياام مهند تامرينا على شي هلكانين بنروح ننام
: سلامتك يمه وياجعله نوم العافيه
: الله يسلمك ويعافيك يالغاليه
قلت انا : يالله خالتي تصبحين على خير
: الله يجعلك من اهل الخير .
قلت لنورة : تصبحين على خير ياخاله نورة
ردت علي غصب عشان مهند وامه واقفين وباسلوب جاف ومن دون ماتطالعني : وانتي من اهله ..
قال مهند : تصبحين على خير ياعمه
: وانت من اهله يالغالي ..

طلعنا مع الدرج ودخلنا الجناح .. رحت على طول للحمام احسني قرفانه من نفسي ومن الجزمة ( الله يكرمكم ) خاصة انها من امس برجولي .. دخل مهند الحمام واخذ شور على بال مااشيل مكياجي وعدساتي اللي متعبة عيوني .. وخرج وهو لابس بيجامه لونها اسود كانت روعه عليه
دخلت انا أخذت لي شور معتبر رجَّع لي النشاط والحيوية .. لبست بيجامه لونها سكري كانت حرير وناعمه مرة بنطلونها واسع شويه وقميصها كم طويل ومقلم بسكري درجة اغمق من اللون الأساسي ..
خرجت من الحمام بعد ماجففت شعري بس لسه فيه شوية موية ..لقيت مهند متمدد ومتكي بظهره على السرير ... وجواله في يده يقرا الرسايل
قال : ديمه تعالي هنا ... وهو يأشر على السرير
: ها ؟...ممممم ليه ..؟ فيه شي ..؟
: لا مافيه شي بس بوريك شي بجوالي
جيت من جهته وسحبت كرسي التسريحه قلت : شو ؟
قام جلس قال شوفي الرسالة هذي
قريتها بصراحه جلست اضحك على السخافه كان مكتوب ( مهند حبيبي يؤسفني انك تزوجت وحده بالأخلاق هذي ماتحترم امك وتكلم حرمة خالها عن حبيبها الأول وهي مالها شهر معاك .. حبيبي والله ماتستاهل تتزوج وحده خاينه .. عاشقتك للأبد )
: ههههههههههههههههههه بجد هذي سخيفه .
: تدرين مين
: ممممممممممم اشك انها فاطمه
: ايوه اكيد هي ... ياما وياما الرقم هذا ارسلي رسايل .. .. واذا دقيت عليه يفتح الخط يسمع صوتي بس ...!
: طيب طالما انها تحبك هالقد ليه ماتزوجتها
ناظر فيني بنظرة غريبة قال : هذا سؤال بالله .. خليني خليني انام جسمي متكسر وعيوني مااقدر افتحها .. بعدين فاطمه ماتناسبني وانا ماابي اتزوج الا وحده على كيفي وذوقي ..!
ماادري ليه ضحكت قلت وانا افتح شعري ابغاه ينشف اكثر : وتزوجت ديمه مو حباً بس انتقام وتكسير راس ..!
ناظر فيني بعدين ابتسم قال : ايووووه عليك نوور
: وانتقمت وأهنتني ورديت اعتبارك وكسرت راسي ... وبعدين ..؟
: ولا قبلين .. سكت بعدين قال : ديمه
: خلاص الله يخليك مانبغى نزعل من بعض اكثر من كذا ..!
: تعالي طيب نامي هنا ..
انام قريبة منه ..؟ وبعد كلامه هذا ..؟ والله انه يحلم هالمهند قلت : لا لا نام انت براحتك .
قمت من قدامه وفتحت الدولاب وأخذت بطانية وخرجت للصالة ماراح انام معاه بنفس الغرفه ..!
لحقني بسرعه قال تعالي نامي بغرفتك واذا ماتبين قربي انا اطلع عنك ..
: مو قصدي بس بخليك براحتك وخلني براحتي الله يخليك .. وبليز كلنا تعبانين ولازم نصحى بكرة مع الناس ... كانت دموعي في عيوني وماابغاها تنزل .. ياليته قال لا ياديمه .. تزوجتك لأني ابغاك، عاجبتني ، لأاني احبك ، عشان اسامحه وارتاح من العناد والانتقام بس والله يامهند لأوريك ولأخليك تدفع ثمن كلمتك هذي ..! وزي ماقهرتني من يوم ماملكنا لاقهرك وارجع لك عمايلك بإسلوبي ..!
: اوكي براحتك ياديمه ماابغى اضايقك اكثر من كذا ..!
نمت بالصالة وصحيت الساعه 3 العصر اليوم الثاني وانا مو قادرة اتحرك كان مهند يصحيني : ديمه قومي يالله تبين الغدا هنا ولا تنزلين مع اهلي تراهم ماتغدوا للحين .
: بننزل احسن ليه نجلس لوحدنا .. كنت اكلمه وانا مغمضة
: طيب قومي افتحي عيونك مو تكلميني وانتي مغمضة ولا ماتبين تشوفيني
تذكرت كلامه البارحه ولفيت راسي للجهة الثانية وحطيت الخدادية على وجهي
شالها بس هالمرة قدني فتحت عيوني وقرب مني وباس راسي قال : ماعندي عذر بس قلبك كبير
ابتسمت وماتكلمت ...ضعفت قدامه .. ماقلت لكم ساحر .. ويتحكم فيني على كيفه ..؟

سمعته يناديني : ديمه
ياربي اسمي في فمه يجنن .. كل يوم اعجب بشي جديد بمهند ..!
طالعته بكسل قلت : هلا
: الابتسامه هذي وش تعني .؟
قمت جلست وقلت : كل خير
: وانتي الخير كله ياعمـ...... يالله قومي يادوب تلبسين ولا لبسك هذا انزلي فيه
: بالله ..؟ انزل بالبيجامه ..؟
: لاصح لاتنزلين فيها الحين يتكلمون يقولون عروس ماتعرف تلبس ملابس نوم
فهمت مهند اش يقصد يعني عروس ماتلبس قمصان وبيجامات مغريه .. بس اوريك اذا ماجننتك مااكون ديمه اللي محد اهانها غيرك ..! والله لاخليك تمشي وتهذي باسمي وتدور رضاي يامهند ياللي شايف نفسك وتحسب الدنيا على كيفك ..الحين بس عرفت نقطة ضعفك .. والاسلوب اللي يناسبك ..
ابتسمت وانا احسه هالمرة يحترق كل ماابتسمت .. احسها لعبة حلوة نتبادل فيها الأدوار .. ابتسامته تذوبني وانا ابتسامتي بدلع تدوخه ادري وتخليه يعيش ثلاثين الف حاله بثواني قليله ..
قلت وأنا اناظر في بيجامتي بدلع : حرام عليك ... مو حلوة ..؟
تنفس بعمق وقال بارتباك : الا والله حلوة وانتي احلا
وقفت بدلع بعد ماتمططت قدامه ودخلت اصابعي مع شعري ورجعت كله على ورى ورجع تلقائي على ظهري بطريقه مرة حلوة .. وهو يراقبني بدقه رفعت راسي وقلت له :ترى بدق على جدتي من جوالك لأن جوالي مفصول ..!
وقف قدامي وقال : الجوال وصاحب الجوال تحت امرك ياست ديمه
: شكراً
: كتف يدينه وقال : العفو ..
حسيت اني انرفزه بابتسامتي .. ودلعي .. بس احسن عرفت الحين لمن كان ينبسط ويضحك اذا رمى علي كلمه من كلامه اللي يغث اثريه يحب يشوفني منرفزة .. يالله هذاني ارد له ..
رحت اتوضا واصلي الظهر وكويس اني صليت الفجر قبل انام .. نومي احياناً يخليني أأخر صلاتي ..!بس الله يسامحني ويغفر لي ..
لبست بنطلون زيتي وبلوزة تفاحي ماسكة علي فيها خطوط عشوائية باللون الأسود وصدرها شوي مفتوح بس اخذت معاي بروش راح اسكر صدري قد مااقدر بالبروش اذا عمي جا .
وحطيت مكياج خفيف بودرة وبلاشر وردي وشادو وردي وحطيت قلوز وردي لامع

لبست صندل زيتي ناعم وحطيت عطر وخرجت من الغرفة ومريت على مهند اللي كان متمدد على الكنبة في الصالة ويناظر فوق باين انه مسرح .. وقفت عنده وناظر فيني وقام جلس وقعد يطالع فيني بجد يحرقني بس لااااا انا اللي اوريه.. : يالله ننزل عند اهلك ..!
ابتسم بعدين قال : امر هذا ..؟
: مممممممممم اللي تحب امر .. طلب .. ترجي اختار اللي يعجبك قلتها وانا ابتسم ..
اما من يوم جيت هنا وانا ماسكه معاي الابتسامات شكله من الفرحه بالناس بعد انقطاعي عنهم شهر كله وحده ودموع وقهر ..!
ناظر بصدري قال : تعالي تعالي
جيت عنده قلت بدلع : خير
كشر وطلع سيجارة ورجع يدخلها بالعلبه شكله مايقدر يدخن لأنه مااكل شي لسه قال بعد ماتنحنح : الحين بتنزلين وصدرك كذا ؟
حطيت يدي على صدري قلت : ها ..؟ عادي اذا شفت ابوك بقفله بهذا .. وأشرت على البروش اللي في يدي ..
: وليه ماتقفلينه الحين
: اذا عمي مو هنا ماابغى اخرب الموديل .. مافيه الا زوجي وأخواته ولا نسيت .. خفت منه لمن احرقني بعيونه بعدين تكلمت جد قلت : بس اذا جا عمي راح اقفله عشان ماينقد علي .
: اها .. جلس يناظر بصدري ورقبتي وانا بسرعه رجعت ورا قلت : يالله
تمطط بكسل وكأنه مايبغى ينزل بعدين التفت لي قال : ديمه تلبسين عدسات ؟
: ايوه طبعاً
: ليه ماسويتي تشطيب ؟
: قالوا ماينفع ..!
: مين اللي قال ؟
: الدكاترة ..!
: ليه فين رحتي انتي أي مستشفى ؟
: مغربي ..!
: اها .. خليني اوديك التخصصي نشيك ماراح نخسر شي
: بعدين مو الحين .. وابتسمت بدلع وقلت :.. الحين انا عروس خلني اتهنى بلا عمليات ولا مستشفيات
مسكني بسرعه وشد على اكتافي بس بشويش قال : عروس هاه ..؟ وش سر الوناسه هذي ياحضرة العروس ..؟
: ماتبغاني انبسط خلاص عشان خاطرك اكشر وازعل شو رايك ؟
كان ماسك يديني من فوق بعدين حطني على صدره بقوة قال : ماعندنا اغلى من العروس وأكيد نبيها تنبسط ..
بسرعه وخرت عنه وانا بموت من الحيا ورحت عند الباب وجهي كان احمر وانا احس جسمي كله يرتعش هذا اللي انا جبته لنفسي . .. بس لازم اصير قويه والله لأتمادى يامهند وتشوف ..
كنت بفتح الباب قال وهو داخل الغرفة : انتظري ننزل مع بعض ..!
قلت بصوت عالي شوية : يالله بسرعه .. ترى اذا تأخرت بروح واسيبك
رجع لي لابس فنيلة بيضا وبنطلون ابيض ولسه مالبس ثوبه قال : حركات الدلع هذي اتركيها عنك واعقلي ..
رميت نفسي على الكنبة وانا مكشرة قلت : ياربي شكلك تحب النكد ..
طالعني ورجع يكمل لبس .. وبعد شوي خرج لابس ثوب ابيض وشماغه وعقاله في يده قال خذي عبايتك عشان بنطلع لاهلك بعد مانتغدى ..
: الحين آخذها ..؟ خلها اطلع بعد شوي وأجيبها لأني ابغى اخذ معاي البوم الصور اللي لسه ماشفناه .. وناظرت فيه بدلع وعتب بنفس الوقت كأني اقول انت السبب ..كملت : وكمان باخذ شنطتي
فتح عيونه كأنه مفجوع قال بسرعه وهو مكشر : أي شنطة ..؟
: بسم الله اش فيك ...؟ شنطة اليد الصغيره ..!
: اها لا هاتي الألبوم خلينا نشوفه تحت مع بعض
: اشبك مو حلوة تبغا الناس يقولون لسه ماشافوه
: اجل خلاص خليها لين نتغدى ونطلع
قرب مني قال :اش رايك نتغدى هنا ونشوف الصور هنا.. كان يطالع بصدري وشفايفي حسيت قربه يربكني وانفاسه تحرقني .. بعدت عنه وقلت : لا لا مايصير .. بعدين شهر كامل مامليت مني ..
: ليه انتي مليتي ..؟
ضحكت وانا ابعد عنه وقلت : ههههههههههههه ليه اجل احنا شفنا بعض زي الناس ولا جلس نا مع بعض زي باقي خلق الله
قال بلؤم وخبث وهو يبتسم ابتسامه واسعه : خلاص تعالي نجلس مع بعض زي الناس .. وغمز لي : ونعيش زي باقي خلق الله . ترانا للحين عرسان ..!
صحيح اني متخربطه ومرتبكه وارتجف وماانكر اني بلعت ريقي كذا مرة بس تشجعت ورديت عليه بلؤم اكثر : اوكي يالله ننزل تحت ونجلس مع بعض لوتبغى الين بكره .
مسك يدي ولفها بشويش : اتركي الدلع عنك فاهمه .. ؟ تراه مو في صالحك .
ضحكت بصوت طالع شوية وقلت : عاد تصدق ماكنت عارفه اني مغرورة او دلوعه الا منك .. نبهتني لشي ماكنت عارفته بشخصيتي .. مممم والدلع هذا بضيفه لصفاتي الحلوة ..
تأملني وهو يبتسم : اقول ديمه احنا لاجلسنا ولا خرجنا قرري وآمري خلينا نستقر ترى الوقفة كسرت رجولي .
رفعت نظري فوق كأني افكر وقلت : ممممممممم اوكي قررت انا ننزل ياحضرة الدكتور ..
: هههههههههههههههه يالله اوريك انا .
خرجنا واحنا نضحك وكان ماسك يدي اليمين بيده اليسار ولاف يده اليمين على وسطي ..
: " صدق قليلة حيا " بسم الله الرحمن الرحيم التفتنا على اللي يتكلم الا فاطمه حاطة مكياج سهرة وواقفه ورانا وانا ناظرت بمهند اللي صد عنها وأخذني بيدي ونزلنا من دون مايتكلم ..
قرب فمه من اذني وقال : تقدرين تطنشينها وماتردين
ابتسمت : حرام من البارحه وانا مطنشتها بس هي اش مقعدها للحين هنا .. دايماً تجيكم
: لا بس شكلها ناويه تخطفني منك
ضحكت بدلع : ههههههههههههههههههههههههههه .. حلال عليها
ناظرني مهند وقال : اجل اثني ..
: لا ثلث وربع كمان ترى انت الكسبان
: وانتي ..؟
: ممممممممممممممم راح اكسب ثلاث ايام بدون محد يقولي دلوعه ومغرورة ويلطشني بالكلام البايخ
:هههههههههههههههههههههههههههههههههههههه ضحك بصوت عالي بجد هذا مو صاحي اهله سمعوه
جانا صوت امه
: يالله تديم هالضحكة والوناسه عليهم ولاتغير يارب ياكريم
نزلنا لها وسلم مهند على راس امه وانا بدوري سلمت على راسها
قالت خالتي :ديمه تعالي بقولك على شي
: هههههههههههه عارفه ياخالتي قابلتنا فوق وشافها مهند
: والله يابنتي محد يبيها بس امها قالت بروح لمكه وخلوها عندكم ماعندها احد بالبيت
: ياخالتي مرة عادي ولافكرت فيها بس المشكله احسها بتنقهر اذا خرجنا بعد شوي
: ماعليك منها ولاتفكرين فيها ماتستاهل
: طيب خالتي تغديتي ولا تنتظرونا
: محد صحى غيري انا وعمك والخبلة هذي شفتها قايمه من بدري
: اجل عمي تغدا .
: ايه تغديت انا وياه وهو دخل ينام والظاهر اني بلحقه .
التفت على مهند اللي جلس يقرا الجريده وعرفت انه يسمعنا لمن قال : اجل راحت على البروش وبيجلس بجنبي .
فهمت قصده وحسيتني بختفي من الحيا قلت : ماراحت عليه الحين احطه
وجيت جلست قريب منه وفتحت البروش بقفل صدي لأنه كل شوي يطالعه بطريقه تحرجني .. سحب البروش مني قال بصوت واطي : اذا رحنا لبيت خالك تحطينه .. ! الحين خليه هنا ... اخذه وحطه على طرف الكنبه بجنبه .
انحرجت منه وابتسمت له وانا اناظر بعيونه ياناس مو طبيعيه حتى وهو صاحي من النوم فيها سحر ..
: ديمه اعقلي والا والله العظيم لاوريك ..؟
سويت نفسي متفاجأه وانا ابتسم : يوه شو عملت ..؟ قلت شي ..؟
تنهد من قلبه قال : بتندمين ياديمه على حركاتك هذي بس شغلك معاي .
جات خالتي بعد ماراحت للمطبخ وكانت بتجلس بجنب مهند من الجهه الثانيه يعني على الطرف بس انا قمت عنها وقلت : خالتي تعالي هنا
: لا لا بجلس هنا خليك انتي بجنب زوجك .
ابتسمت وانا احسني اغيض مهند قلت بدلع : خالتي بتجلسين بجنب ولدك وتتركيني تراني اغار عليك ..
ضحكت خالتي وجات بجنبي يعني بيني وبين مهند وهو يناظر فيني ويبتسم ابتسامه واسعه ماادري اش يقصد فيها وماتكلم .. قالت خالتي : يمه ديمه بطلب منك طلب ولاترديني ..!
كان مهند مهتم بطلب امه باين من نظراته قلت : آمري ياخاله مو تطلبين .. عيوني الثنتين لك ..!
: تسلم لي العيون وصاحبتها .. فاطمة لاتواخذينها ولاتخلينها تأثر على حياتكم ..!
: ابشري ياخاله ولا يهمك وانا ماتهمني التفاهات والخرابيط اللي مثل هذي .
: بيض الله وجهك وكثر الله من امثالك يابنتي .

دخلت علينا ريم وهي تضحك من مهند لمن قال لها : بسم الله حسبتك الخبلة داخلة علينا .
سلمت علينا وبعدين ناظرت فيني بعد ماعدلت جلستي بين خالتي ومهند وصفرت بقوة واعجاب قالت : مهند انت كيف ماانسحرت للحين .
التفت عليها وهو يضحك قال : اخوك رايح فيها من زمان
ضحكوا كلهم الا انا ابتسمت باحراج .. وحاولت اغير الموضوع قلت وانا اشوف خالتي تتثاوب : خالتي ليه ماتروحين تنامين .. باين عليك التعب . .
: صادقة والله بروح انام لي ساعتين .. يالله ابي امر على الشغالات اخليهم يحضرون لكم الغدا
قال مهند : لا لا والله روحي نامي ماعليك منا .. البنات هنا ويحضرنه بأنفسهن .
ضحكت ريم وقالت : لاوالله .. متأمل في زوجتك خير .. اسألها وش تعرف تطبخ
قامت خالتي وراحت تنام .. والتفت مهند علي وهو يضحك قال : بالله عليك ياديمه تعرفين تسوين شاهي
طالعته وانا منرفزة منه اجل يتريقون علي قلت : لا مااعرف .. بعدين ربي خلقني اتدلل ويخدموني الناس مو اخدمهم .
ضحك مهند بصوت عالي قال : لااا قوية هذي ياديمه وكبيرة في حقي .
: والله هذي الحقيقه عجبك كان بها ماعجبك شو اسوي لك .

قامت ريم للمطبخ وجلس مهند يناظرني قال بصوت واطي وكل شوي يناظر لريم : ديوم عمرك سمعتي بالعطشان والماء بين ايديه ..؟
ابتسمت وانا احاول اعقد حواجبي بدلع واأصغر عيوني : ينطبق على مين المثل هذا ..؟
: على المسكين اللي قدامك
: هههههههههههه ياحرام مسكين بقوة لأنك بتظل عطشان كثير
قرب مني قال : افاااا وليه وانتم راضين علينا وتبتسمون وتضحكون وباين انكم مبسوطين ..؟
التفت ناحية المطبخ اخاف ريم تجي قلت : من قال انا راضين لاااا ياعمري غلطان .. لاتحسبني رايقه واضحك واسولف خلاص بسامحك .
حط اصبعه على اذنه زي اللي ينظفها قال وهو يبتسم لي : يا أيش ماسمعتها قوليها مرة ثانيه ..
: ولاشي ..؟ ترى مو مقصودة طلعت بالغلط
ضحك بقووة قال وهو يشد شعره بشويش ويضيق عيونه : مممممممممم طيب وش رايك تسامحيني وننسى كل اللي راح ونبدا من هاللحظة ..؟
: وافرض سامحتك .. برضو بتظل عطشان كثير صدقني
: اوف اوف اجل كيف اشرب ..
: ممممممممم والله انا مااعطي احد شي غالي الا اذا حبيته ووثقت فيه ..
: وانا ماحبيتيني . ولا وثقتي فيني ..؟
هزيت راسي بمعنى لا وقلت : لسه .. استنى بخليك بفترة اختبار طويلة .
: لمتى طيب ؟
قلت وانا اضحك من شكله لأنه جاد ومهتم وفي نفس الوقت احسه مقهووور : ممممممممممم لين تراعيني بعينك واراعيك .
: هههههههههههههههههههههههههههههههههههههههههه هذي والله اللي بتذبحني صدق .
فتحت عيوني بدلع قلت : انا اذبحك ..؟ حرام عليك
التفت على المطبخ وقرب من صدري قال : بتذبحيني عطش .
: اها .. دور على اللي يروي عطشك بس مو عندي ..!
هز راسه قال : مافيه انتي العذب الزلال غيرك ملوث
: هههههههههههههههه انا السراب اللي تحسبه مويه وماتوصله يادكتور
: اوف قوية هذي قد التحدي ؟
: لا الله يخليك تحديك مخليته لك مااتحداك انا .
: هههههههههههههههههههههههههههههههههههه
دخلت ريم قالت يالله الغدا انا بروح اتغدى مع بطه وتلتفت وراها خايفه تسمعها
سحبني مهند مع يدي ووقفني قال : تعالي يالسراب خلينا نتغدى
قمت وانا اضحك وقلت له بهمس : حاضر يالعطشان .
ريم موفاهمه شي بس ابتسمت لنا وانسحبت راحت لفاطمة تتغدى معاها ومهند ماسك يدي لين وصلنا الطاولة قال تعالي بجنبي
: بقابلك احسن
: ماراح تتغدين لأني بطالع فيك
طالعت فيه بعدين جيت بالكرسي اللي بجنبه .. حطيت بصحني خضار وسلطه وحط لي مهند قطعة لحمة كبيرة قال هذي تاكلينها غصب عنك
نزلت الشوكة حقتي وصديت وراي قلت : يوووووه اكره اسلوبك هذا
: ديمه اشفيك انتي
: يعني تتأمر علي تحسبني ممرضة عندك
: ههههههههههههههههههههههههههههههه لاوالله مو قصدي بس هذا اسلوبي
ابتسمت له وانا احسني ادوخ اذا سمعت ضحكته .. : طيب واذا قلت لك اني وحده تسمع الكلام اياً كان وتتفاهم معاك بدون ماتزعلك بس اذا سمعت لهجة الأمر هذي تتنرفز وتعصب وتزعل كمان
: مممممممممممم آسف ياستي خلاص ديومه الغالية ممكن تاكلين هالقطعه عشان تزيد من وزنك شوية
: ايوه صح نسيت انك ماتحب النحيفات وتحب البطات والتفت على المطبخ كأني اقصد فاطمه .
: هههههههههههههههههههههه لاوالله جسمك جنان بس زيديه شويه احس انه نزل واحنا بفرنسا بس ليلة زواجنا كان يجنن
: طيب فطومه تقول انك تحب السمينات صح .؟
: لا بس عشان هي دبه تقول لك هالكلام هذي البنت عمرها مااعجبتني الله يكفيني شرها بس
: الله يستر ماعليك منها
شفته يناظرني باهتمام وهو يبتسم .. طالعت فيه وابتسمت : ممكن تتغدى
: تصدقين ديمه ..؟ سكت بعدين قال : ولا بلاش خلينا نتغدى
: لاقول بليز اذا شي مايسد النفس قول بس اذا بتكدرني اسكت احسن
: لا بسكت خلينا ناكل بعدين روحي جيبي الألبوم
: حاضر
: لاتقولين حاضر قدامي مو في صالحك .
: خلاص لاماني رايحه ههههههههههههههههه
: تدرين لوكنت عارف انا اذا جينا للبيت بتستانسين كذا كان من اول ليلة واحنا هنا
: مو البيت السبب بس كأن التلطيش خف شويه ولو ان البارحه كسرت خاطري وقهرتني بس سامحتك خلاص .. ونسيت .
تغدينا وهو مرة ياكل ومرة يناظر فيني وكل شوي يلتفت للمطبخ اذا فيه احد يشوفنا ولا لا .
قمنا رحنا للصاله ورحت للمطبخ قلت للشغالة تجيب لنا شاهي بالصالة
جلسنا نتقهوى وريم ماجات عندنا شكلها ماتبغى تحرجنا او منحرجه من حركات اخوها او بتمسك فاطمه لاتتعرض لمهند وازعل انا ..
قال مهند : روحي جيبي الألبوم بسرعه
رحت لجناحنا وتعطرت بطريقي وحطيت قلوس لأني غسلت ومسحته بعد الغدا .. وجيت جلست بجنبه .. اول صورة كانت لي انا وياه وهو ماسك خصري جلس يتأمل صورتي قلت افتح هذي شفتها التفت لي وشاف اللي بعدها وكنا نناظر بالمصورة وباين اني مستحيه ..
وفتحنا اللي بعدها كنت بجد مذهله جلس مهند يناظر فيها بعد رجع يطالع فيني والتفت فيه احد يشوفنا ولا لا انا بصراحه مرتبكه كثير وأخذت الألبوم منه حطيته على افخاذي وجلست اتفرج وهو مسرح طالعت فيه وابتسمت قلت :مرة قليل ادب هنا
انتبه مهند للصورة كان مقربني منه مرة ولاف يده على خصري وراسي على صدره: ههههههههههههههههههههههههههههههههههههه تدرين ان المصورة هذيك فنانه .. لواعرف رقمها شكرتها على اسلوبها ولا الحركات اللي تقول سووها فن بصراحه .. عطيني رقمها بدق عليها
: اوكي لحظة بطلعه لك واشكرها على قهري هذيك الليله
: عادي عندك اكلمها .؟
: ليه مو عادي .. اقولك لا يعني ؟
ناظر فيني : اوووووه نسيت انك ماتحبيني عشان كذا ماتغارين علي
: لاتنسى بعدين
سكت مهند ورجع يناظر بالصور كل صورنا روعه بصراحه .. مهند يجنن وانا الحمد لله طالعه حلوة .. .. طلع وحده من الصور وحطها على جنب
: ليه خرجتها
: هذي لي الباقي حلال عليك
:هههههههههههههههههههههه رجعها طيب وتصير لك لأنها بتصير عندك فين بوديها
: ها ..؟ عندك صور انتي غير هذي
: ناظرته بنص عين .. قلت بزعل : حقت الملكه
سحبني ناحيته وسلم على راسي وهو يضحك قال : هذيك الليلة قهرتيني اكثر مما قهرتك
ماحبيت ادخل معاه في تفاصيل او اسئله عن الأيام اللي راحت .. احسني الحين مبسوطه بس كل ماتذكرت انه مهند اللي اهانني وتكلم علي وكلمني باسلوب بايخ في أهم مرحلة بحياتنا ازيد اصرار اني اقهره وانتقم منه بدون طبعاً مااجرحه او اسيء له .. او حتى احرجه عند اهله ... بس بنتقم منه بطريقتي ..
التفت له وهو يبتسم من صورة امه وهي بيني وبينه قال : اجل تغارين مني على امي ..؟
: امك حبيبة لازم اكسب رضاها ..!
: تدرين اني طول عمري كنت احلم بوحده تحب امي وتحب قربها
ابتسمت له : حقق لك ربي الحلم ..!
غمز لي بعينه قال : للحين مااكتمل الحلم
ارتبكت انا وانحرجت قلت : لا اطمن انا احب امك واحب قربها
: بس هذا مو كل حلمي
: ههههههههههههههه شكلك حياتك كلها احلام
: وابشرك كلها تحققت الا واحد
: خلاص الله يحققه لك
:آآآآآآآآميييييييييين يارب .. ماتبغين تعرفينه
: مممممممم اوكي هات ولو انه عادي سواء قلت او ماقلت
: لا بقول لك لأنه بيدك تحققينه
: شو هو ..؟
: ان الانسانه اللي ترتبط فيني تحبني
: مين قال انو بيدي تحقيقه
: التفت لي بجسمه كله وقال : اجل بيد مين
: بيدك انت ..!
دخلت فاطمه علينا ومهند ناظر فيني وانا بكل برود قلت : هلا فاطمه حياك تفضلي
فتح عيونه مهند على آخر شي يناظر فيني بس ماتكلم
قالت فاطمه بميوعه بااايخه : مهند انت هنا آسفه والله ماانتبهت ...
كانت لابسه تنورة جينز ازرق وقميص اسود بزراير من قدام وتحته بدي اسود وهي كانت سمينه شوي يعني قدي مرتين ولها كرش باينه وحاطة مكياج ثقيل راسمه عيونها .. وحاطه على نص راسها طرحة سودا وحاطة لثمه وعيونها باينه روووعه .. .
وقف مهند وسحبني بيده قال : قومي معاي وهاتي الصور نكملها فوق
خرجت معاه ونادى ريم بصوت عالي وجات ريم تجري : هلا مهند ، وش فيه ؟.
: جيبي عبايه وغطا لبسيها بنت عمتك وعلميها ان فيه رجال في البيت وخليها تبطل حركاتها البايخه .
طلعنا بسرعه على فوق وأول مادخلنا حط يده من وراي وسحبني وانا احسني اضعف قدام رجولته وقوته وطريقته .
قلت له وانا وابعد عنه شوي : تعطيني جوالك الحين ؟
: لا مو الحين .
: الله يخليك بكلم جدتي قبل نروح بيت خالي وتنام ماكلمتها .
عطاني جواله ورحت اجيب جوالي اطلع رقم جدتي منه شفته يراقبني يطالع بيديني ووجهي وجسمي وصدري يوووه مرة احرجني ..! مسكت صدري قلت : اووه نسيت البروش تحت ..
: هههههههههههههههه احسن خليه عساه يضيع ماتلقينه الا اذا جا ابوي
: هههههههههههههه .
حطيت رجل على رجل وجبت شعري كله على قدام بدلع حسيتني ادوخ مهند بس حلال خلني اصير السراب اللي قلته له ..
كنت ادق على جوال جدتي ولمن ردت قمت من عند مهند للغرفة ماحبيت ازعجه بس شكله فهمني غلط يحسبني راح اقول لها شي ماابغاه يسمعه .
: الو هلا جدتي
: مين العروس لك تئبريني ان شاء الله
: حبيبة قلبي .. كيفك وكيف صحتك .
: منيحه كتر خير الله
: يارب دايما منيحه ويخليك لنا ويطول بعمرك .. كيف خالي ايمن وخالتي سمر وزوجها ..
: الحمد لله بيسلموا عليك
: الله يسلمك انتي وياهم يارب .
: ولك روحي ياديمه يابنت بنتي نور الهي يهنيك ويكتب لك بكل خطوة بطريئك سعادة ورزءه وهنا بجاه سيدك وحبيبك محمد
: أي والله ياجدتي هذي الدعوة اللي ابغاها .. ياليت كل يوم تدعينها لي ..
: كل يوم بدعي لك ياألبي .ما إلتي لي كيف مهند ان شاء الله منيح ؟
: الحمد لله بخير ويسلم عليك
: الله يسلمه .. مابدكن تيجوا لسوريا وتزورونا ..؟
: ممم الا ان شاء الله بس خلاص مهند بيرجع للعمل خلصت اجازته ..
: طيب يابنتي مابدي طول عليك .. انتبهي عحالك واهتمي بزوجك . وسلمي عليه وعلى اهلك .
: الله يسلمك يوصل ان شاء الله .
: يالله مع السلامه .. بأمان الله .
: الله معاك .. بحفظ الله .
قفلت مع جدتي وشفته واقف وراي .. بصراحه انقهرت منه ليه يجي وراي يعني يبغى يسمع كلامي ؟ فكرت اتخذ موقف بس لاااا انا الحين رااايقه وماابغى انكد عليه ولا على نفسي
... طالعته وهو متنح ومركز ومسرح ويتأمل فيني اخيراً تحرك وابتسم وابتسمت له .. بعدين وقف ورمى وحط في فمه سيجارة ولعها ومد يده لي قال : هاتي .
قلت بشك وخوف : فين ؟
رمى السيجارة من فمه وقال : بس اوقفي ماابغى منك شي .
مديت له يدي وسحبني بقوة وضمني على صدره .. كنت اتوقع كل شي الا هالحركه .
كل خلايا جسمي تتحرك وتنتفض ومرتبكه وخايفه ومبسوطه ..مشاعري مضطربة ومختلفه . . . رفض وقبول وارتباك وارتياح ..
كان ضامني بقوة وانا مافيه امل اقاومه ..صحيح كان شعور حلو وماينوصف بس لا ماابغى اخلي مهند ينتصر علي بسهوله .
مهند يخطط وينفذ وانا مالي أي رأي الا الاستسلام والضعف لاياربي خلني اصير قوية .. يكون لي رأيي وقراري ويتنفذ زي ماابغى ... مهند يجتاحني بحركاته وبعيونه وضحكته حاولت ابعده عني بس قرب فمه من اذني وقال : لاتخافين مااغصبك على شي ماتبينه ..!
قلت باحراج : خلنا نمشي لاهلي الله يخليك
تركني ومسكني بأكتافي وتأملني شويه وانا غمضت عيوني لأنه عيونه تجرفني لبحر عميق وواسع اضيع فيه وأتوه .. باس راسي بحنان قال : يالله البسي عبايتك .
رحت منه وانا احس بأنفاسه وحرارة جسمه ومسكة يدينه وقوتها آه يامهند ليه تسوي كذا .. ماكنت ابغى اضعف ولا اخلي لمشاعري باب يدخل لي عن طريقها .. مشاعري ..؟ لا لايمكن ..! انا بس كان عندي فراغ عاطفي هو اللي خلاني استسلم لمهند بالطريقه هذي .. بس الحمد لله انه متفهم وما اخذ شي غصب عني .. ليه حضني مهند معقوله يحبني ؟ ولا معجب فيني ..؟ الا صح هو باين انه معجب فيني .. مو بس معجب .. مهند مفتون فيني من ليلة ملكتنا انا شفته وشفت نظراته كان بياكلني بعيونه .. حتى اليوم اغريته بلبسي ودلعي وطريقة كلامي وهذي النتيجه شي طبيعي مهند رجال ومعاه بنت تغريه اكيد بتخليه يفكر فيها ... آه ياديمه اش سويتي .. انتقم ربي مني وانقلب السحر على الساحر ..
لبست عبايتي وحطيت الألبوم في الكيس وأخذه مني مهند .. كنت افكر ومسرحه ذهني شارد بمهند واللي سواه من باب ايه بالضبط هل لأني اغريته ولا لأنه يحبني ولا يستدرجني بالطريقه هذي عشان يوصل للأهم بالنسبه له ..
فاجأني وهو يقول : ديوم لاتفكرين .. مصيري بقولك على كل شي وأوصلك للي تدورين عليه ..
طالعته متفاجأة وقلت : ها..؟ لايكون تقرا افكاري ..؟
: انتي مكشوفه صدقيني ماتقدرين تخبين شي .
: ساذجه لهالدرجة مااقدر اخبي شي ..
تكلم بمنتهى الجدية : لا ياديمه لاتقولين كذا .. انتي انسانه واضحه جداً وصادقة جداً عشان كذا اقدر اعرف بأيش تفكرين .
ابتسمت وقلت : نمشي ..؟
رد لي الابتسامه بأحلى وقال : يالله هاتي يدك ..
كنت احس ان الحواجز بيني وبين مهند بدت تنهار وتتكسر واني خلاص راح اضعف له .. يالله اصلاً انا ابغى اعيش حياة حلوة ومبسوطه اذا هو بيترك اسلوبه الجاف وشوفة نفسه فأنا راح اتنازل عن قراراتي بس اذا رجع لها لو مرة وحده معناتها ماراح يفيد فيه الا اني اعوده فترة طويلة الين ينسى هذا الاسلوب .... ياربي تعينني وتساعدني
نزلنا مع الدرج وشفت فاطمه تمشي بالصالة اللي تحت ولا همها احد هي من جدها تحسب انها بتعجب مهند .. ؟ سبحان الله على التفكير .. الله يشفيها ويهديها بس .. ركبنا السيارة بعد ماحط الكيس حق الألبوم ورى قال : ترى بس بنتقهوى الحين ناصر بيقعد يقول العشا والعشا وشلون افتك منه ؟
: طيب خلنا نتعشى عندهم والله نفسي اجلس مع هدى وخالي .
: لا لا ياديمه مانبي نكلف على ناصر وانا بصراحه عريس وابغى اتعشى مع عروسي ويحمدون ربهم اني جبتك تجلسين معاهم شويه .
: والله احسني من زمان عنهم ..
: وانا من سنتين عنك .
ضحكت عليه وقلت وانا مفتحه عيوني : شو ؟
قال بخبث : مممممممممم اقصد ماشفتك من ايام امريكا ..
: هههههههههههههههه لاوالله ..؟ عاد لاتذكرني بأمريكا وأيامها الله لايعيد الشر .
: الا صحيح كيف راسك بعد العملية ..؟
: الحمد لله مافيني الا العافية .
: كان ناصر يجيني منهبل يقول بتموت من الألم .
: يوووه لاتذكرني احسني بستفرغ اذا بس تذكرته الحمد لله اللي فكني منه .
: تدرين انك قاعده بين يديني اكثر من 32ساعه وانتي شبه ميته ؟
: شو ..؟ انت ..؟ كم ..؟
: شو انت كم ؟؟ هههههههههههههههههههههههههه شو جاوبنا عليها قبل وهي انك جلستي بين يديني 32 ساعه ،، انت ايوه انا الدكتور مهند بدر ال ... ،، كم قلناها 32 ساعه .
: عن جد تتكلم ولا تمزح ؟
: والله جد
: اوف ماكنت اعرف ان لك دخل بالعملية حسبتك تجي تتدرب مع الدكتور وتروح .. وعشان خالي كنت تجي تشيك على حالتي
: عاد ماابغى اقولك ايش اللي قلتيه اول ماصحيتي من البنج
: يووووه شو قلت ..؟ امانه تقول ..
: ماني قايلك الا بشروط
خفت من شروطه قلت : بكيفك بيجي اليوم اللي تقول لي فيه
: هههههههههههههههههههه نفسي اقول لك بس اخاف احرجك
: ممممممممممممممممممم ماعندي شي يحرجني الحمد لله اذا فيه خرابيط بقولها فهي عن صاحباتي عن هدى وخالي وعياله
: هههههههههههههههههههههههه واثقة .. طيب يالواثقة عطيني رقم جوالك بسدده لانجي عند ناصر ويدري ان جوالك مفصول يقول عني بخيل
: لا لا انا اسدده سيبه .
: بالله وش قالوا لك متزوجه واحد عاطل .. ولا بخيل ..؟
: لا ماخذة دكتور قد الدنيا بس بجد انا كمان عندي فلوس وخير وماراح اكلف عليك
: ديمه لااسمع الكلام هذا بعد اليوم رجاءً ...... ناظر فيني وابتسم قال : قلت رجاءً عشان ماتقولين يتأمر ..
: ههههههههههههههههه ايوه خليك كذا عشان يصير عندك امل
: عندي امل في ايش بالضبط
: في الحياة مع ديمه
: ممممممممممممممم الحياة يعني الماء .. والحياة تعني الحب .. ممكن تتحقق لي هذي
: اذا صرت حبوب وطيوب وماتتأمر وتشوف نفسك ليه لا
:ههههههههههههههههه حرام عليك انا اصلاً حبوب وطيوب ومااشوف نفسي ولا اتأمر
: يمكن بس مع ديمه لا مو كذا
: طيب ياديمتي اناااا ... ترى وصلنا بيت خالك .
: يالله ننزل ..
: خلينا نسولف شوي .
: هههههههههه انزل انزل لايجي الحين خالي ويشوفنا .
: انتي قلتي لهم .
: لا جوالي مفصول
: اوووه نسيتيني الصراف واني اسدد لك .
: عادي ماعليك الجوال مو مهم كثير عندي ..
:خليني ادق على ناصر ونرجع نسدد من الصراف القريب بعدين نرجع لهم
: اوكي براحتك
رجعنا لصراف قريب من بيت خالي ومهند دق على خالي ومارد عليه دق مرتين ومافيه امل .. اعطاني الجوال ودقيت على البيت محد رد آخر شي دقيت على رقم هدى من تلفون مهند وردت بعد مادقيت مرتين
: الو
: هلا هدى انا ديمه
: هلا والله فينك تراني استناك اليوم
: انا قريبة من البيت خالي فينه ليه مايرد
نام هنا بالصاله وانا اللي حطيت جواله صامت
: ههههههههههههه خلاص لاتصحينه اذا هو تعبان انا ادخل اصحيه
: هههههههههههههههه اوكي صار تعالي بسرعه مشتاقة لك
: وانا اكثر والله ..يالله قريب افتحوا البوابه اوكي
: اوكي
:يالله سلام
: سلام



اخذ مهند مني رقم الحساب بعد ماوصلنا عند الصراف وسدد لي ورجعنا لبيت خالي ودخلنا مع البوابه وفتحت باب الفيللا بالمفتاح حقي ودخلت ورحت افتح لمهند باب قسم الرجال ودخل هو المجلس قال : تعالي اجلسي عندي لين ناصر يجي
قلت : بسلم على هدى اول شي
: زين لاتطولين علي
: حاضر
دخلت عند هدى وسلمت عليها وشفت خالي نايم بالصاله ورحت سلمت على راسه وهو نايم .. فتح عيونه ببطء وشافني وبسرعه فز ووقف وفتح يدينه بقوة : ياهلا وغلا بديمة هالدنيا وفرحها
: هلابك يالغالي وسلمت عليه مرة ثانيه وحضني على صدره .. اذا شفت خالي جميع المشاعر تجتمع ماادري كيف احددها بس اقول الله يجعل يومي قبل يومه .. وعساني ماابكيه ..
: مهند دخل
: ايوه بالمجلس
: بغسل واروح عنده
: اوكي انا بروح اقول له انك صحيت وبتجي عنده
مريت على هدى بالمطبخ ونزلت الألبوم عندها قلت بشوف مهند وبرجع لك
دخلت على مهند بعد مانزلت عبايتي عند هدى
طالع بصدري وضغط على اسنانه بضيق قال : ماقفلتي صدرك ليه ..
جلست قريب منه ومسكت حلق بلوزتي وقلت : اوووه نسيت البروش والله .. بس عادي آخذ من غرفتي هنا ..
طلع سيجارة ودخنها قال: خلاص ماعادت لك هنا غرفه غرفتك عندي
: لا شو هالحكي غرفتي هنا وبيتي هنا واهلي هنا لاتقول هالكلام مرة ثانيه
نفث الدخان ورمى السيجارة في الطفاية اللي على الطاولة قدامه وقال: اوكي ماابي ازعلك بس حطي في بالك اني مااقدر اخليك تنامين هنا لو ماادري ايش يصير
: لا بس تقوله الحين بعدين بيصير عادي لو انام اسبوع
: ههههههههههه طيب جربي واطلبيني .
دخل خالي علينا ومهند يكلمني وسلم عليه وانا قمت لأن مهند ناظر بصدري بمعنى غطيه ..
قال خالي : وين ديوم اجلسي خليني اشبع منك
:بروح اشيك على غرفتي واشوف هدى وبرجع لكم
: زين اجل خذي راحتك .
طلعت فوق لغرفتي وحصلتها زي ماهي اصلاً مفتاحها معاي والثاني مع خالي هدى ماعندها .. سريري اشتقت له واشتقت لملابسي القديمة .. بيجاماتي وبناطيلي والله كلها جديده بس خالتي الله يسامحها ماخلتني آخذ منها شي لبيتي ..
معقول راح ارجع هنا بيوم من الأيام واترك مهند وعيشتي معاه
لا مااعتقد مهند متمسك فيني الدليل كلامه قبل شوي
دخلت علي هدى وانا احط بروش صغير في بلوزتي واضيق فتحة صدري
قالت هدى : ماشاء الله عليك ياديمه تهبلين والبارحة كنتي ملكة جمال
: تسلمين لي ياهدهود .. عيونك الحلوة ..
: عاد تدرين لمن قلت لامي جات ديمه وماشاء الله عليه جمالها واسلوبها وعقلها قالت مو جديد على ديمه من يوم عرفناها وهي جمال وعقل وكمال
: ههههههههههههههه ياقلبي على امك والله وحشتني كيفها ؟ وكيف البنات ؟
: كلهم بخير بس انتي كيفك ؟
مسكت يدينها وقلت اطمنها : الحمد لله .. والله ياهدى مبسوطه لاتشيلين هم ..
: طيب واذا قلت لك اني ملاحظة انك في البداية مو مرتاحه وخالك نفس الشي وماجد بيتجنن ويجننا معاه كل شوي يقول كلموهم انا اخاف اعصب اذا سمعت صوتها وسامي يقول فيها شي بس يمكن عشان خايفه من الحياة الجديدة وماقدرت تتقبلها كلهم حاسين ان فيك شي وكلهم يبررون الا ماجد مو صاحي ..
: آه ياخالي ماجد الله يخليه ويسعده دايما يحبني من بعيد لبعيد .. واذا حسسني بمحبته لقيته اكثر انسان يحبني ..
: حرام عليك مافيه احد في الدنيا يحبك كثر ناصر
: خالي ناصر امي وابوي واخواني وكل شي بحياتي اذا تأكدتي ان فيه احد يحبك اكثر من امك وابوك ياهدى ساعتها اشك ان فيه احد يحبني اكثر من خالي ناصر
: الله يخليكم لبعض
: ويخليك ياام بسام صحيح فين العيال ؟
: راحوا مع عيال صالح اخوي للملاهي والله لويدري بسام انك جيتي وماشافك ليتجنن
: خلاص خليه يجيني للبيت مع السواق ..
: لاوالله مستحين من مهند واهله
: والله ياهدى اذا قلتي بعد كذا هالكلام لازعل منك وأي وقت ابغاهم يجون يجون هذاك بيتي وانتم اهلي .. ومحد راح يلومكم او يتكلم اذا زرتوني ..!
: ديمه من جد بسألك .؟
: تفضلي
: فاطمة كيف تتحملينها ماتغارين ؟
: مو مسأله مااغار ياهدى بس الحمد لله عارفه نفسي واني احسن منها بكل شي وعارفه مهند يعني بالله عريس ومتعلق فيني بيطالع في وحده زيها ؟
: لاتنسين انها قالت مايحب النحاف ويحب المتان ..
: ههههههههههههههههه تصدقينها انتي .؟ انا سألته قال لاوالله وقال ان جسمي عاجبه ..! .
: اجل مامنها خوف ؟
: الا والله اخاف تسوي فيني شي بس حركاتها وتعرضها ولا كلامها له ماهمني .
قلت لهدى عن حكاية الرساله وكلمتها لي ودخولها علينا وانها عندنا الحين
انفجعت هدى بس قالت :احمدي ربك ان مهند مايحبها هذا اهم شي .
: ماعطيتها اهتمام بس سمعت مهند يقول اللي يكفينا شرها وخوفتني الكلمه
: توكلي على ربك ولاتهتمين لها .
: ونعم بالله توكلت عليه .
نزلنا تحت بعد ماقفلت غرفتي حتى مايلعبون فيها عيالها ويعدمون اغراضي .. تقهويت مع هدى وجلسنا نسولف عن الزواج وهي تحكيني عن الناس اللي جو وشفنا الصور وخليت صوري معاهم عندها قلت اذا قابلت غادة وهند تعطيهم الصور وقلت لها ان مهند موراضي ان خالتي تاخذ صورتي عشان زوجها مايشوفها
ضحكت هدى وقالت : والله ياديمه من حقه يغار ومحد يلومه
سمعت خالي يناديني ورحت عندهم قال مهند : يالله ياديمه بنمشي
رجعت البس عبايتي وآخذ الألبوم واسلم هدى وجيت عندهم لقيت خالي يضحك مع مهند وهو يقول : ياخي هذا الحب اللي يقولونه .
سكتوا اول ماجيت ووقف مهند وخرج خالي معانا لحد ماوصلنا البوابة ومسكني خالي بيدي قال : الرجال هذا كيف معاك ؟
: مممممم للحين كويس بس اذا تغير ترى بدق عليك واقول لك عليه
: ايوه هذا اللي ابغاه منك .
تدخل مهند : ههههههههههههههههه والله بتموت مادقت عليك
التفت عليه اوف اش هالثقة فيني بعدين استطرد مهند كلامه بعد ماطالعني : لأنها ماراح تضطر انها تشكيني لك .
قال خالي بجديه : الله يوفقكم ويسعدكم استغلوا كل لحظة بحياتكم لاتفرطون فيها لأنها ماترجع وهذي اجمل ايام العمر
رد مهند : الله يجعل ايامنا وايامك كلها سعاده ياابو بسام .
: اللهم آمين
خرجنا بعد ماسلمت على راس خالي وقلت له يزورني يشوف بيتي ووعدني خالي بس قال : ارتب معاك موعد واجيك بشرط مايكون فيه احد من اهل مهند قلت له اوكي ..!
ركبنا السيارة حسيت ان مهند مبسوط قال : ديمه
: هلا
بنروح لكوفي بعدين بنتعشى بمطعم ...تدرين ...؟ بحجز على ابها اش رايك نروح هناك ..؟
: لااستنى مو الحين ...بعدين عملك . لاتنسى اجازتك خلاص انتهت ويومين وتداوم ..
: لا لا ماعليك من دوامي اقدر ازيد اسبوعين .. انتي بس متى تبغين ؟
: خلنا نرتاح يومين ثلاثه بعدين نقرر طالما عندنا فرصة اسبوعين .
رحنا لمطعم وتعشينا بس ماادري شو صار لي صدعت وجسمي مرة مكسل وتعبان حتى ماقدرت آكل ... احسني ابغى ارجع انام مافيني اجلس اكثر من كذا ..!
ماحبيت اقول لمهند اني تعبانه واخرب عليه لأنه مرة مبسوط وباين في عيونه .. حتى دخان مادخن ولا سيجارة من يوم ماطلعنا من بيت خالي . واليوم هذا حكيت لكم تفاصيله لأنه اجمل يوم مر علي مع مهند .. ويارب عسى ايامنا كلها الجاية كذا وأحلى ..!
سألني ليه عيوني حمرا ووجهي ذبلان كذا قلت شكلي مرهقة وعلى طول قام راح دفع الحساب ورجعنا للبيت بدري .. طلعنا جناحنا بعد مامرينا اهله وسلمنا عليهم
لاحظت خالتي اني تعبانه .. سألتني قلت لها بس ابغى انام مانمت كويس .
طلعت فوق وبسرعه بدلت وأزلت مكياجي وغسلت ونمت .. صحيت على صوت مهند وهو يقول : ديمه قومي خذي لك دوا حرارتك مرتفعه ،، ديمه اصحي ،
: يوه خلاص انا صاحيه شوفني
: تستهبلين انتي ..؟
: لا بس ... خلاص خلاص بقوم الحين .
كنت صاحيه بس مغمضة عيوني وانا احس ان جسمي متكسر ودايخه وقرفانه من الدنيا يمكن حمى اللي فيني .
: طيب طيب قومي خذي الدوا واتركي عنك الدلع ..
قمت جلست بعد ماقدرت افتح عيوني وأخذت الحبوب من يده حطيتها بفمي وشربت مويه .. قلت له : كم الساعه الحين ..؟
: مممم احنا اربعه الفجر .
: يووه كان خليتني انام اقل شي الين يأذن .
: شفتك تحلمين ولمن لمستك كانت حرارتك مرتفعه . قلت اصحيك تاخذين لك دوا .. بلع ريقه قال : ارجعي نامي اذا تبغين ..!
قلت : لا لا بجلس الين اصلي الفجر .. احس حرارتي مرتفعه وقمت باخذ لي شور عشان حرارتي تنزل ..
مشيت بروح للحمام بس صوت التلفزيون بالصالة كان مرتفع وماعنده احد .. ورحت له بطفيه .. شفت في الصالة صحن حلا وقهوة عندي وباين ان مهند ماكل منه استغربت كيف راح جاب له قهوة ولا مين اللي جابها له ... والله انقهرت انه كان رايق ومبسوط واني تركته ونمت بس مو بيدي كنت تعبانه وادور السرير .. ماكنت في حال احد .. ماخلاني مهند افكر كثير لأنه كان واقف وراي وقال بارتباك واضح عليه : هذ هذ هذي قهوة جابتها الشغالة قبل شوي ..
يؤ اش فيه هذا مرتبك .. يعني يحسبني راح ازعل اذا الشغالة جات عندنا ؟
كمل وهو يجلس عن القهوة قال : تبين قهوة ..؟ اجلسي تقهوي .. اصب لك ..؟
: فيه شي ..؟ انت ليه كذا ترى مافيها شي اذا تقهويت لوحدك ولا قلت للشغالة تجيب لك . بالعكس انا آسفه اني نمت وتركتك وو
: لا لا لا بالعكس بسس .. حط يده بجيبه وطلع سيجارة ودخنها بتوتر فظيع .
هزيت اكتافي ودق الباب رحت بشوف مين ..؟ بس لحقني بسرعه وسبقني وفتح وتكلم بصوت واطي ورجع لي ..
قلت : مين ..؟
: ها الشغالة تبي الأغراض وقلت لها بعدين ..
دخلت الحمام واخذت شور وخرجت وانا بردانه كثير .. ولبست بيجامه قطنية ودافيه وأخذت لي بطانيه وجيت عنده بالصالة .. طالعته قلت : في راحت القهوة ..؟
: خرجتها برا يجون ياخذونها .
نفسي اشرب شي دافي .. وقمت بجيب القهوة قبل يجون الشغالات ويشيلونها ..
فتحت الباب ماحصلت القهوة .. بس شفت شي غريب ..
كانت فاطمة لابسه قميص لونه فوشي طويل وناعم بأكمام قصيرة طالع عليها مرة حلو وجالسه في الصالة اللي فوق قدام غرفة ريم وتقرا مجله . اول ماانتبهت انه انا فزت وحطت يدها على صدرها قالت : بسم الله الرحمن الرحيم متى صحيتي انتي ..؟
اش دراها هذي اني كنت نايمه ..
طالعت مافيه قهوة وجيت بقفل بس نادتني : ديمه
طالعتها وانا قرفانه منها ومن وجودها بالبيت قلت : هلا
قالت وهي مسوية مستحية : ترى مهند طول الليل طفشان وحبيت اسليه سويت له قهوة وحلا .. ضحكت وكملت : ماتقهويتي اكيد لأني عرفت انك نايمه وماحطيت لك فنجال .
قلت لها بقرف بس وانا ابتسم لها : لا حياتي تقهويت بفنجال مهند .. بس حلا اعذريني ماقدرت آكل ... وأشرت على جسمي وكملت : مااحب وزني يزيد واصير دبه .. بعدين يضحك علي مهند يقول لي بطه ولا دبه .
شفت لونها يتغير حسيتها تمنت الأرض تنشق وتبلعها من وجهها بس دخلت وسكرت الباب .. وعديت من عند مهند اللي كان واقف ياعالم مرتبك اثريها مكلمته وشاكي لها طفشه .. قلعته هو وياها ..؟
أخذت الغطا حقي ورجعت للغرفة وجلست على السرير .. ياعالم ماعاد فيني افكر وانقهر وازعل .. انا مليت ابي حياة هادية بدون مشاكل وهموم ..
: تعالي وين رايحه .. ترى لسه مااذن ..!
مارديت عليه وانسدحت وتغطيت باللحاف .. بس جلس بجنبي وقال : ترى ياديمه ماعاد فيني صبر عليك .. وانا الظاهر اليومين اللي راحتك دلعتك زياده .. ردي علي ولا تطنشيني ..
ياربي والله مو ناقصته انا تعبانه
وكمل : الحين ليه ماتردين ولا تحسبين انك اذا طنشتي ارضيتي غرورك
لااله الا الله اللهم طولك ياروح .
: روح اشتك للي قاعدة لك برا وطول اللي الليل تهتم فيك وتقهويك وتتحنن عليك من الطفش والوحده .
بهت لونه وفتح فمه قال : انتي فاهمه غلط ووو
: لا ني فاهمه ولا ابغى افهم ولو سمحت انا تعبانه بعد عني .
قمت وانا متكسرة وأخذت اللحاف وشرشفي حق الصلاة والسجادة ودخلت الغرفه الثانيه اللي فيها مكتب وكنبه وقفلت علي بالمفتاح
دق الباب علي : ديمه
.................
:ديمه افتحي لااكسره
.. خله يسوي اللي يبغى قلعته وقلعة الساعة اللي شفته فيها .. اجل يروح للغبية هذي يكلمها عني .. استغفر الله ماابغى اظلمه يمكن هي تكذب .. بس ربكته وخوفه وكذبه هو اللي قاهرني الحين . تعوذت من الشيطان وسميت بالرحمن وقريت المعوذات وآية الكرسي ودعاء النوم .. نمت وهو راح من عند الباب .. ماعدت اسمع صوته ..احس فيني نوم مو طبيعي . ومو قادرة افكر اكثر من كذا ..!
صحيت الظهر وانا دايخه ، خرجت واخذت ملابسي واستحميت ولبست وماشفت مهند موجود .. قلعته ..
نزلت تحت عند امه وحصلت ابوه وريم وهو جالس معاهم سلمت عليهم وكلهم سألوني عن صحتي اليوم قلت لهم اني بخير ..
قالت خالتي : سألت مهند عنك قال انك تعبانه ونايمه .
: ايوه ياخالتي كانت حرارتي مرتفعه بس اخذت لي حبتين بندول وخفيت الحمد لله
جلست وانا احس اني لسه تعبانه وقمت من الصالة لمجلس الحريم ومددت على الكنبه لحقني مهند قال : اوديك للمستشفى ..؟
سكتت وطنشته خله يدري انه غلطان مو كل شوي يغلط ويجيني يراضيني بكلمته وانا ادور الراحة والهدوء .
قال بعصبيه وصوت واطي : ديمه ردي لاقص لسانك ثم اخليك تسكتين صدق
مارديت عليه : ................
: الله يعينك يامهند على هالبلوة
خرج من عندي وانا كنت تعبانه ودايخه وقرفانه من حياتي ومن اسلوبه طيب يامهند اوريك ..
نمت شويه الا جات ريم عندي وصحتني اقوم اتغدى وقالت لي انها جايبة الغدا هنا
قلت لها : اوكي حقوم الحين
شافتني حطيت يدي على عيوني قالت : ديمه فيك شي عيونك فيها شي ..؟
: الحين افتح عادي
بعد شوي فتحت عيوني وسألتني ريم باهتمام عنها اش فيها
: ماادري بس من بعد العملية والغيبوبة اللي صارت لي ماصرت افتح بسرعه لازم اجلس دقيقتين ثلاث عشان اقدر اشوف
: يابنت هذا اكيد مو شي عادي لايكون للورم اللي جاك دخل فيه ..؟
: الا ان شاء الله شي عادي وماللورم دخل فيه .. اهم شي مااحس بوجع ولا الم ولا شي هذي مشكله وبتروح مع الوقت ان شاء الله .
: مهند يدري
: لا ماقلت له ولا سألني
: غريبة أي احد لازم يلاحظ
: هو دايما يصحيني ويقول خلي الغفوة هذي اللي تاخذينها بعد ماتصحين يحسبني نايمه .. اخوك عصبي ومتسرع ومتهور ..
: طيب ليه ماتقولين له مو تنتظرين لين يسألك ..؟
: يووه ياريم مو مهم ماعليك بس انتي تغديتي .
: ايوه كلنا تغدينا كنا بننتظرك بس مهند قال ماتقدرين تنزلين ومتى ماصحيتي راح تجين .
: كنت تعبانه بس الحين احسن الحمد لله .. اقولك هذي فيه ولا انقلعت ..؟
: لا راحت امها رجعت .. لايكون قالت لك شي تراها البارحه تدخل وتطلع ولبسها مرة قليل ادب ومبسوطه .. بس دخلت علي الفجر وشكلها متغير وتبكي .
كلمتك ..؟
: خليك منها وو
سمعت مهند ينادي على ريم وسكت وهي طلعت ودخل علي بعدها كنت قد اكلت شوية خضار وسلطه ماكان لي نفس بس اكلت غصب
: يالله اطلعي جهزي بوديك المستشفى
مارديت عليه
: ديمه تعوذي من الشيطان ويالله
: الله يخليك اطلع من عندي الحين مو في حالك انا ومالي خلقك .
: مالك خلقي هاه .. قومي واقصري الشر لااشيلك الحين قدام الناس . وكلامنا بعدين مو الحين .
قمت وطلعت اخذت عبايتي ولحقتني ريم تساعدني ونزلت رحت عنده وجا بيمسكني بيدي بس مارضيت قال : امشي الشرهه مو عليك على اللي بيساعدك
ركبت وانا ماتكلمت دخلنا المستشفى وقاسوا لي الحرارة لقتها الممرضه 39 وأعطتني الدكتورة مسكن وخافض للحرارة ومضاد لالتهاب اللوز
وخرجنا من المستشفى ومهند ساكت وانا كمان ماتكلمت للحين من اول ماخرجنا الا لمن كلمت الدكتورة .
رجعت للبيت وماطلعت فوق لأني اولاً ماابغى اقابله .. ثانياً مافيني اطلع وانزل
جلست عند خالتي واضطريت اجلس عشان عمي كان موجود وظهري احسه بينكسر انتبهت لي ريم بعدين قالت : ديمة خلينا نروح نجلس داخل المجلس والتفت انا لخالتي
:خالتي تجين عندنا
: وين بتروحين ؟
: بروح انا وريم نجلس بالمجلس ابغى اتمدد هناك
: بجلس مع ابو مهند شوي واذا خرج جيتكم
: خلاص على راحتك .
رحت مع ريم وجلست بالمجلس ونمت بعد مااخذت الدوا وماصحيت الا العشا بس الحمد لله احسني احسن بكثير خرجت عند خالتي وريم ماشفت مهند وسألت ريم عنه عشان مايقولون ماتهتم فيه قالت : خرج بعد مامر عليك وشافك نايمه
: ماتدرين فين راح
: لا مارضى يقول لي يقول مشوار .. اتصلي فيه اسأليه
: ها.. لا خليه براحته اخاف عند من اصحابه يقولون بدت تزعجه ..



مر علينا ثلاثة ايام وانا ومهند وضعنا من سيء لأسوأ لاهو راضي يتعدل ويكلمني باسلوب حلو ولا انا راضيه اعطيه فرصة يكلمني بهدوء .. او افتح معاه أي حوار .
حياته مملة وانا اكثر منه ..
نزلت من الجناح وهو نايم بالغرفة لوحده لأني صرت انام بغرفة المكتب .. وجلست مع خالتي وريم .. قامت خالتي قالت بروح اصلي بعدين تكلمت ريم وهي شكلها مرة طفشانه .
:ديمه اش رايك اسجل من الاسبوع هذا بمعهد حاسب
: حلو بس ليه ماتكملين جامعه
: يوه لاتذكريني هلكت وانا احاول اجيب واسطات ادخل ومحد رضى يقبلني .. كليه ماابغاها والجامعه نسبتي 77 مايقبلوني
: ليه ماتسجلين انتساب
: لا ماابغى دوام العصر .. اذا سجلت بالجامعه يامنتظمه يابلاش ..
: اوكي جهزي اوراقك واذا بدا التسجيل ذكريني
طالعتني وقالت : ليه حضرتك بتسجليني ولا عندك واسطه ولا لاتكونين العميده ماحنا ماندري اقولك ابوي جاب لي واسطات ناس كبار محد قدر يدخلني
: ههههههههههههههه ليه منتي واثقة فيني خلصي اوراقك والباقي علي .
" وش اوراقه " سمعنا صوت مهند اللي كان واقف قريب منا .
التفتت عليه وهو كان يناظرني بس صديت عنه قالت ريم : عليكم السلام
: السلام عليكم
ردينا كلنا : عليكم السلام ورحمة الله
طالع مهند في ريم وانا قعدت اصب لي قهوة وآخذ قطعة من الكيكة اللي على الطاولة احاول اشغل نفسي حتى ماتنتبه ريم علينا بعدين قالها : أي اوراق اللي بتجهزينها
: زوجتك تقول جهزي اوراقك وتسجيلك في الجامعه علي
التفت مهند علي قال : صدق ياديمه ..؟
: ايوه صدق .. وكملت وانا اشرب قهوة من دون مااطالعه : انا اعرف مسؤولات كبار بالجامعه واذا ريم بتسجل ماعليها الا تجهز اوراقها واذا بتقدم عن طريق النت مافيه امل يقبلونها.. بس انا راح آخذ اوراقها للعمادة ووحدة القبول والتسجيل وأسجلها هناك ..
طالعني وهو يبتسم قال : واثقة من كلامك
مارديت عليه وأخذت جوالي قعدت ادور على الأرقام الين لقيت الرقم اللي ابغاه واتصلت قدامهم
: الو السلام عليكم
: اهلين .... ديمه .؟
: ايوه معاك ديمه يادكتورة .. كيف حالك .؟
: الحمد لله بألف خير .. انتي كيفك طمنيني عنك .. كذا ياديمه تقطعيني بهذا الشكل ؟
: والله يادكتورة مشاغل تعرفين الماستر والبحث والاختبارات
: والإجازة ماتكلميني ولا تنسين فيها اهلك اللي بالجامعه تعرفين ياديمه قد ايش اعزك واعتبرك مثل جيهان بالضبط
: الله يخليك يادكتوره مو انا عزمتك على زواجي وماجيتي
: اوووه والله ياديمه دوبني تذكرت .. اصلاً البطاقه ضيعتها من هذاك اليوم وكنت ابغى اتصل فيك بس نسيت الله يلعنك ياشيطان ... عن جد ياديمه آسفه والف مبروك حبيبتي .. لا لا اذا كلمتيني وانتي بشهر العسل معناتها انا اللي مقصرة مو انتي
: لايادكتورة ماتقصرين والحق لكِ انتي .. انتي بمكان امي ولازم اطمن عليها ..
: الله يسعدك يابنتي ويخليك
: كيف جيهان ودينا من زمان عنهم والله
: طيبين ودايماً يسألوني عنك .. راح اقولهم انك تزوجتي اكيد حيفرحوا لك ...
: سلمي لي عليهم يادكتورة .. ويالله حبيت بس اسلم واطمن عليك ..
: الله يسلمك حبيبتي والف مبروك مرة ثانيه .
: الله يبارك فيك .. ومااطول عليك يالله مع السلامه
: الله معك يابنتي
قفلت وهم يناظروني قال مهند : من هذي
: مديرة وحدةالقبول و التسجيل
: اوف مرة وحده
شربت من فنجالي وقلت بخبث : مشكلتك انك تستهين فيني ...
ناظرني باهتمام بس صديت بعدين التفت عليه وقلت : تبغى قهوة .؟
: هاتي فنجال ..
صبيت له قهوة وحطيت له من الكيكة ونزلتها قدامه من دون مااطالع بوجهه .
قالت ريم : ديوم ياعمري وربي لو ادخل الجامعه على يدك اني لأكون مديونة لك الين اموت ..
: ههههههههههههه بتدخلينها ان شاء الله ولاتصيرين مديونة لي ولا شي لاتنسين انك ريم الغالية وماعندي اغلى منك اخدمه ..
ضحكت ريم وقالت : تسلمين يازوجة اخي المصون .. صحيح اني انا السبب في زواجكم واني كذا مرة ارسلني مهند لك اقولك كلام بس ماقلته لأن مالي وجه منك واخوي خبل ماعنده اسلوب .. وووو
تنحنح مهند وقاطعها قال : ريم ممكن تجيبين لي كاس ماء وتتركين الهبال هذا عنك ..؟
عرفت انه بيصرف ريم قلت : اجلسي ريم خليني اتحرك انا من امس وانا نايمه
بسرعة خرجت وجبت له كاس ماء ونزلته قدامه ..
دخلت خالتي علينا قالت : ديمه يمه كلي لك شي ترى غداك اليوم مو غدا
قال مهند : بنطلع تعشا انا وياها .
تدخلت انا قلت : لاااا خلنا نتعشا هنا مالي نفس اخرج في البيت احسن .. بلعت ريقي خفت من خالتي تنتبه وكملت بسرعه : الا اذا خالتي وعمي وريم بيروحون معانا ماعندي مشكلة ..
قالت ريم : ياليت والله طفشنا من البيت لو انا في ابها كان يمديني اروح لبيت عمتي واجلس مع البنات مو هنا ملل وطفش ومانطلع .. يالله مهند خلنا نطلع .. طالعت فيه وهو يناظرني مو معاها قالت بنبرة غير وفيها احراج : ولا اقولكم بلاش البيت احسن .
هذا يناظرني ويبتسم مايتحرك .. صديت بسرعه لايبين علي الارتباك وقمت وقفت وانا اسوي نفسي مكسلة ..فتحت الشباصة ونزل شعري كله على قدام بطريقه حلوة
قالت ريم : ديمه ماشاء الله على شعرك تسشورينه كل يوم انتي ..؟
: لا والله من يوم زواجي ماسشورته الحمد لله مو محتاج
: طيب علميني انا اخت زوجك تكفين ديوم وش تسوين له .. ؟ بطول شعري خلاص .
ضحكت من ريم : ههههههههههههههههههههههه والله مااسوي له شي معين بس كلي خضار وفاكهه وسلطه واتركي الرز والبيبسي اللي اهلكتك
احس مهند مرتبك وحاول يطلع سيجارة بس تراجع شكله استحى من امه . . بعدين عدل جلسته ثم وقف كان بيطلع بس لمن تكلمت رجع وقف .. .
قلت لريم : اش رايك نطلع للحديقه ؟
قالت باستغراب : أي حديقه
: هذي حقت بيتكم ؟
: هههههههههه هذي تسمينها حديقه ؟ ياحليلك ياديمه .
: اجل شو اسميها ؟
: هذي الكم شجرة وكم ورده
: هههههههههههههههههههه لا اجل الحديقه بنظرك كيف ؟
: ماراح اقولك لين تشوفين حديقة بيتنا اللي بأبها !
: اها ومتى راح اشوفها ؟
: بقول لابوي نروح لها الاسبوع هذا تعالي انتي ومهند معانا حرام تقضون الاجازة في البيت كذا ترى محد سوا زيكم العالم تروح تتمشى وانتم محبوسين في البيت
: انا مبسوطه هنا وهذا اهم شي
كان مهند يناظر فيني وهو ماقد طلع بعدين قال : تعالي معاي انا اوديك خلي ريم عنك ..
ابتسمت وانا مقهورة ضغط علي قدام امه وماحبيت اقول لا وارفض ويلاحظون علينا شي .. واضطريت اخرج معاه بعد مامسك يدي وسحبني ...
طلعنا للحديقه كانت صغيرة فعلاً بس فيها كرسي ارجوحه كبير ومسبح وأشجار زينه وزاوية فيها ورود الوانها حلوة ذكرتني ببيت جدتي بس حديقة جدتي مرة كبيرة وأحلى .. وأشجارها اكبر وأكثر كأنها مزرعه كاملة ..
اخذني مهند عند المسبح و بعده رحنا للأرجوحه جلست فيها وجا وراي يدفني
ثبت الأرجوحه وقرب مني وقال بهمس : ديومتي زعلانه مني ؟
: لا .. وليه ازعل ..؟
: الا زعلانه .. وغيورة ..
وجا قدامي على ركبه قال : والله العظيم انها بهذلتني ... تنفس ثم كمل وانا احس انه مايبغى الكلام في الموضوع هذا : دخلتي تنامين وانامافيني نوم وطفشان .. نزلت ابي شي آكله لقيتها بوجهي ورجعت .. بعد ساعه قلت اطلع مرة ثانية ولقيتها عند الدرج كأنها تنتظرني .. قلت لها وانا مقهور : ارجعي وتستري ولا روحي لبيت اهلك .. بس قعدت تبكي وتقول مهند ابي اكلمك عطني دقيقتين اسمعني فيها .. وقالت لي خرابيط عنها ماعنت لي أي شي .. وانا قلت لها انها مثل اختي واني خلاص مو لها والله يرزقها بواحد احسن مني .. آخر شي ترجتني انها تسوي لي قهوة وحلا من يدينها .. صدقيني ياديمه تعاطفت معاها لأنها بس تبكي حسيت انها مسكينه .. وقلت اجل انا في بيتي اذا خلصتيها دقي الباب وتستري ..
ديمه والله ماكنت اقصد ازعلك .. كنت ابي الموضوع هذا يعدي بدون مشاكل .
: تدري انك لو جيت وقلت لي الكلام هذا من دون ماتكذب وتقوله هي لي مازعلت .. ترى انا اكره الانسان اللي مايصدق معاي وماعاد اثق فيه مهما كان .
: لاياديمه ثقي فيني انا لايمكن اخون مهما كان .. وفاطمة دايما قدامي بشكلها هذا عمري ماالتفت فيها وانتي مو عندي مو الحين والقمر بين يديني اطالعها ..
قرب مني وباس خدي قال : ادري ان اسلوبي اسلوب واحد غبي تحمليه لين اعدله شوي شوي .
ابتسمت وقلت : لو فكرت فيني كان عدلته من زمان .
ضرب على راسه بيده : انا سنتين ماافكر الا فيك وانتي تقولين مافكرت فيني
دخل عمي اللي ضحك بصوت عالي قال : ماشاء الله على ولدي وحركاته ههههههههههههههههههههههههههههههههه .
وقف مهند وراح عنده سلم على راسه وانا لحقته سلمت على راس عمي قال مهند : شبل من ذاك الأسد طال عمرك .
ضحك عمي بصوت عالي اكثر قال : تعالوا ادخلوا الرطوبه عاليه الله يقطع جده وجوها ..
التفت وكمل : على فكرة حجزت لكم على طيارة بكرة لأبها لأن ساره مسوية لكم حفله ونسيت اقولكم العمل اشغلني عنكم .
قال مهند : وانتم بتروحون معنا ولا لا ..؟
: الا بنروح بس احنا حجزنا على طيارة 11 الصباح وانتم طيارة 5 العصر ماحبينا نحرجكم واحجز لكم معانا .
تكلمت انا : عمي لاتقول كذا انتم اهلنا مافيه احراج ولا شي .
:الله يسلمك يابنتي يشهد الله انك مثل سميرة وريم عندي
: تسلم ياعمي عسى الله لايحرمنا منك ..!
دخل عمي البيت واحنا وراه كان مهند حاضني بيده على جسمه وانا كل مااحاول ابعد يقربني منه اكثر اخيراً دقيته بكتفي والتفت وأشرت على عمي وضحك و تركني ومسك يدي ..
دخلنا كلنا البيت وراح عمي يسلم على خالتي ويمسيها بالخير بعدها دخل غرفته يبدل عشان يجي يتعشا
دق التلفون اول مادخلنا الصالة عند خالتي وردت على طول سمعت خالتي : هلا مرحبا ..............الحمد لله بخير انتم كيفكم .................. ايوه مهند هنا .................. ماتبين ارسل لك السواق خلي مهند يرتاح ................ اللي تشوفينه انا بقوله وهو مابيقصر معك ان شاء الله ..............مع السلامه
طالعت خالتي بمهند قالت : هذي عمتك نورة تقول خليه يجيني يوصلني لزواج معزومه عليه
رد مهند وهو باين انه طفشان : ارسلي لها السواق وفكيني منها .
: تقول انها ماترتاح لسواقنا رغم ان سواقنا مطوع واكثر وقته بالمسجد
: اجل خليها مادام ماترتاح للسواق تجلس في البيت مو لازم كل اسبوع وهي ساحبة بنتها وحاضرة لها عرس .
: يمه روح ودها تقول القاعه قريبة من هنا
التفت علي قال : تروحين معاي نوصلها وباخذك مشوار
هزيت اكتافي وقلت : مالي نفس احتك فيهم واجيب لراسي الوجع بس اذا تبغى اروح ...
خالتي تدخلت : يمه مهند اترك ديمه تعرف عمتك وبنتها وأشرت له بعينها ..
: يالله اجل بروح اوصلها والله يعيني .. يمه تكفين دقي عليها قولي لها لاانتظر خلها تخلص وتطلع لي برا .
: هي قالت انها جاهزة وخلها تطلع له
قام مهند والتفت علي احسه مايبغى يخرج قال : الله يكفينا شرهم
بصراحه دايما اخاف من كلمة مهند هذي اذا قالها عن عمته احسه يخاف منها تسوي له شي ....
راح مهند لعمته ودخل علينا عمي وجلس بجنب خالتي وصبت له قهوة بعد ماكنت انا بقهويه بس خالتي اخذت مني القهوة وراحت تقهوية وهي تتودد له
الله يرحم ابوي صادق بكلامه عنها باهتمامها بزوجها وحنيتها وحبها للناس
بعد شوي جات ريم جلست معانا بعد ماكلمت سميرة اختها بالجوال وسلمت على ابوها ثم قالت : يمه يبه ترى زوجة اخوي الفاضلة تبي تتوسط لي بالجامعه وادرس منتظمه
: التفت عمي علي قال : صحيح ياديمه تقدرين .؟
: ان شاء الله ياعمي لاتشيل هم .. وريوم بتدرس بإذن الله لأن علاقتي بمديرة القبول قوية تعتبرني زي بنتها وماراح ترد لي طلب وهي دايما تقول لي اطلبي مني أي شي نفسي اخدمك .
: الله يبيض وجهك يابنتي انا اشهد انك تدخلين قلب كل من عرفك
تدخلت خالتي : والله ياديمه لو ريم تدخل الجامعه انك تسوين فيها معروف ماننساه لك .
: خالتي اش هالكلام ريم اختي وانتم اهلي مابين معروف وجميل ..
دخل مهند وهو يقول: الا عمتي نوره وبنتها .. يبه شوف لك صرفة مع اختك ولا تراني بتصرف معاها بطريقتي .
تكلمت امه : بسم الله يمه مسرع تجي
: ماوديتها الله حسبي على ابليس بس
فتحت عيونها امه من شكله وهو معصب قالت : وش فيك يامهند ؟
: يمه عمتي لاتبيني اوديها ولا شي دخلت بنتها علي بعد ماغصبتني ادخل المجلس وهي طاقة مكياج ولابسة نص فستان ويوم طردت بنتها .. جات وتكلمت كلام لايرضي الله ولا خلقه ... كان يطالع فيني على آخر جملة .. وفهمت انها تكلمت علي الله يكفيني شرها .
رد عمي قال : ولد عيب مهما كان هذي عمتك ومايجوز تتكلم عليها .
تكلم مهند : يبه عمتي مالقت من يوقفها عند حدها بس الظاهر ان سنعها هي وبنتها على يدي ..!
قال عمي بصوت عالي :مهند وش هالكلام .؟
:الله يعين بس اعذرني يبه والله اختك وبنتها بيطلعون في راسي قرون من سواياهم .
قالت خالتي : انت علمنا وش هي قايله .
: خل كلامها الحين كلهن يسعن .................. وقف مهند وناظر فيني وكمل بعد ماتنهد : حسبي الله ونعم الوكيل والله يكفينا شرهن
قالت ريم تهدي الوضع :هد بالك مهند احنا تعودنا على كلامهن وسخافتهن .. ويالله قوموا تعشوا اتركوهم عنكم . الله يهديهن ويشفيهن .
رحنا تعشينا انا جلست بجنب مهند وعمي وخالتي متقابلين وريم جالسه مقابلة لي ..
كنت اشوف ريم تناظر مهند بعدين أشرت لي وانا بدوري التفت على مهند لقيته ماأكل بالمرة حتى امه لاحظت قالت له تعشى ولاتفكر بنورة وبنتها راح تتعب من كثرة التفكير ...بس هو اعتذر وقال انه ماله نفس .
قام والتفت علي قال بصوت محد سمعه غيري : اذا خلصتي تعالي للصالة ..
قمت على طول حاسة انه بيقول لي مصيبة .. واعتذرت من خالتي وعمي وريم اللي ناظروني باستغراب قلت : الحمد لله .. عن اذنكم بشوف مهند اش فيه شكله متضايق .. وابتسموا كلهم قال عمي : روحي يبه شوفي زوجك وحاولي تهدينه .. ترى الأمور هذي توافه ماتستاهل العصبية والنرفزة .
رديت على عمي وانا ابتسم وانا من جوا خايفه من حالة مهند اش وراها الله يستر: ان شاء الله عمي .
لحقته بالصالة وجلست بجنبه قلت بصوت واطي وباين اني مهتمه : هلا .. خير فيه شي ..؟ ليه ماتعشيت وليه شكلك كذا .. صاير شي ..؟
كان مكشر واسنانه على بعض وهو يتكلم عشان يمسك اعصابه احس انه بينفجر ...
: ليلة العشاء كلمتي هدى وعمتي عندكم ..!
: ممممم ايوه طول الليل اسولف مع هدى وعمتك كانت موجودة بالمجلس بس ليه تسأل ..؟
بسرعه لف يدي وهو يلتفت لغرفة الأكل خايف احد من اهله يشوفنا قال : تعرفين وحده بالجامعه اسمها سارة عبدالعزيز
: ايوه كانت من صاحباتي .. بعدين سيب يدي ولاتكلمني بهذي الطريقة .. وسارة اش فيها ..؟
: وليه كانت ومو مازالت .. ؟.... كنت احس يدي بتنكسر وهو يلفها اكثر ...
: انت اش فيك البنت لايكون فيها شي بعدين يدي انكسرت سيبها .
: تعرفين اخوها سلطان
فتحت فمي وعيوني ونسيت وجع يدي .. : شو اعرفه وضح كلامك ..!
: تعرفينه ولا لا ..؟
: سارة دايما تكلمنا عنه
: قصدك تكلمك عنه
: انت شفيك .. ؟
سحبني بيدي ووقف قال : اطلعي قدامي وانا اعرف اتفاهم معاك .
طلعت قبله للجناح وانا على اعصابي .. دخل بعدي ولحقني ومسك يدي بقوة بس انا قلت له بسرعة تفادياً لأي نقاشات تافهه وسخيفه حتى مااتعب نفسياً ويطيح من عيني : الله يخليك اذا أي احد بيجيك ويقول لك كلمتين لاتجيني تناقشني خاصة بهذي التفاهات ..
واذا بتعرف ليه سارة كانت ومو مازالت لأني زرتها ببيتها وحاولت تخلي اخوها يشوفنا وماكنت لوحدي عندها كانوا معاي ثلاث من صاحباتي وكلنا عصبناعليها ورجعنا لبيوتنا على طول وقاطعنا سارة لليوم .... وقلت لخالي بساعتها وخالي تفاهم معاه بطريقته وكسر له راسه هو ورامي ولد خالي محمد .. واسأل خالي اذا تحب ... ورجاءً اذا تلمح لشك بيت خالي قريب ودني اياه ومنت ملزم تعيش مع وحده تشك فيها او تصدق فيها كلام ناس زي اللي رحت لهم ....
كانت الصفعه القوية على وجهي هي رد مهند وانا فتحت عيوني مو مصدقه لااااا
..
كنت حاطه يدي على خدي واناظر فيه وعيني احسها مليانه دموع بالرغم اني مابكيت .
رجعت ورا بس هو لحقني بسرعه ولفني عليه وضمني على صدره حاولت افتك منه بس مهند قوي وانا ضعيفه .. تكلمت : بعد عني .. !
: ديمه
: لوسمحت بعد عني .. اكره اسلوبك ..!
فك يدينه ورحت مابكيت ولا عاتبته ولا شي دخلت الغرفه الثانيه وسكرت علي وجلست بحاول استوعب اللي صار لي ..
انا عروس لي شهر وكم يوم متزوجه اكلت منه ضرب وبدون ادنى سبب والله لو اني مسوية مصيبة ماضربني كذا ..
انا ديمه اللي من يوم فارقت جميله من 18 سنه للحين محد جرحني او تكلم علي مو يضربني .. آخر شي يجي هذا اللي داريت على كسره ليدي وضربه واسلوبه وتجريحه لي عشان اخوالي مايذبحونه يسمع فيني ويشك ..!
اروح اكلم خالي .. لا لا والله لو اكلمه لتصير سالفه بصبر كمان شويه على مهند
اصلاً حتى لو رحت عند خالي ماراح يسوي لي شي وبيحاول خالي انه يصالحني عليه .. لأنه ماراح يرضى اتطلق او احد يتكلم علي وأكيد انه بيتصرف مع مهند ويتمشكل معاه .. وانا مو مستعده اعيش بمشاكل كبيرة وادخل خالي فيها ..
ياربي صبرني وألهمني وأعني على مهند وعلى العيشة معاه


حاولت انام بس موقادرة وفكرت مااروح لابها بس المشكلة فيه حفلة وفيه ناس ينتظرونا ومتشوقين يشوفوني لأن ريم قالت لي ان كل قرايبهم هناك متحمسين لزوجة مهند خاصة انه كان رافض الزواج بالمرة وفجأه وافق وخطب .. وانه كان مصر علي وقالهم انه اذا ماتزوج ديمه ماراح يتزوج قبل ست سنوات ..
نمت بعد ماتقلبت ساعتين وانا افكر بس اهم شي مابكيت وحاولت اتناسى الشك والاهانه اللي صفعني بها مهند قبل مايصفعني بالكف ..
اخيراً نمت حتى مابدلت ونمت بملابسي ..دايماً النوم يمثل لي طريق للهروب من المشكلة لأني اتعب كثير من التفكير ومن الحزن ومن البكا فأحسن طريقة واريح حل اني اهرب للنوم اعرف ان هذا مو حل للمشكلة بس مجرد راحة مؤقته وخاصة اني وحيده ماعندي احد يساعدني بمشكلتي ومااقدر اشكي على احد لأنهم مايقدرون يحلون مشكلتي لا هدى ولا خالتي فادية ولا حتى أي احد من اخوالي بالعكس راح يزيدون المشكله ..
ولمى ..آآه يالمى نفسي اكلمها هي الوحيده اللي تريحني اذا كلمتها بس انا مقررة ماادخل أي احد في مشاكلي الا اذا عجزت عن حلها ولمى مافي يدها حل ....
نمت وطول ليلي احلام مزعجه .. وكل شوي اصحى وارجع انام غصب .. صحيت الساعه 9 الصباح لأني نايمه تقريباً الساعه وحدة احسني خلاص اكتفيت ..

رحت للحمام اوف .. كان خدي الأيسر فيه علامة زرقا وعيني كانت حمرا
ياااااااا الله الحين كيف اسوي .. اش اقول لاهله ولا للناس اللي بروح لهم اليوم ..اوووووف ......بجد انقهرت ..
دخلت الغرفة ابغى آخذ لبس شفت مهند نايم على السرير بالعرض وبثوبه ومو متغطي باين انه تعبان .. والطفاية بجنبه ومليانه زقاير ..
ياالله شوف كيف تعب نفسه بنفسه .... هو اللي جاب الحالة هذي لنفسه .. بس ابغى اعرف كيف عرف سارة واخوها .. هو محد خلاه يعصب الا عمته وبنتها ولمن جا قال انها قالت له كلام مايرضي الله ..
ياربي من فين عمته تعرف ساره ولا حتى فاطمه .. سارة مخلصة جامعه من سنتين تقريبا وقالت لي ندى بنت عمها انها تزوجت وعندها ولد كمان .. اش يجيبها لفاطمه وامها خاصة انهم مو من قبيلتنا ولا من معارفهم حتى ...
ياخبر بفلوس اليوم بكره اكيد بعرفه ... رحت للدولاب وأخذت لي بيجامه قطنية ناعمه لونها بيج وفيها رسوم على الصدر بلون احمر كم طويل وبنطلون طويل ..
لبست بعد مااستحميت .. حطيت مكياج فونديشن وبودرة وكثرت ابغى اخفي العلامه الزرقا اللي بخدي .. ومشطت شعري وفرقته من اليمين جبته على جهة وجهي اليسار عشان يغطي الندبة
ياااالله الحين اش اسوي اقعد مااقابل اهله لين يروحون ولا اخرج لهم واقولهم ولدكم جاني مجنون وضربني لأن عمته حشت راسه بكلام فاضي .. ولا ادور لي عذر واقوله عشان ماافضحه ولا اخلي اهله يزعلون منه .
توكلت على الله ونزلت بعد ماحطيت روج لحمي وبلاشر
ماحصلت احد تحت وسألت الشغالة قالت : ماما وريم يروح سوق .
احد يروح السوق في الحر هذا ..؟
حضرت لي الشغالة فطور وجلست افطر بالمطبخ .. بعد ماخلصت فطوري رحت عند التلفزيون وأخذت لي مجله قعدت اقرا فيها .. دخلت علي ريم شايلة معاها اكياس وخالتي كانت وراها
سلموا كلهم علي وبعد مارديت عليهم قالت ريم : ديومه صاحيه بدري ماشاء الله عليك لو دريت كان خليتك تروحين مع امي للسوق وتشترين لي اغراض واكمل انا نوم .
قلت لها : كان قلتي لي عادي اروح عنك بس اش عندكم بالسوق مع الصباح
: ياعروس اليوم مسوية لك عمتي سارة حفلة ولازم نروح نشتري فستان وتبعاته من اكسسوار لجزمه لشنطة ..عشان حفلة اخوي وزوجته .
: اها يعني الحفلة كبيرة ولا عشى عادي
تكلمت خالتي قالت : لايمه حفلة كبيرة ولازم تسوين مكياج سهرة والبسي فستان سهرة واذا تبين نصيحتي البسي فستان ملكتك مرة يناسب الليلة .
: عندي فساتين احلى منه بس اذا تبيني البسه لبسته عادي
: لا لا يمه البسي اللي تبينه ويعجبك اذا عندك احلى منه حلو .. ابي الناس تعرف ان زوجة ولدي مافيه اشيك منها ولا الجمال عارفين مافيه اجمل منك .
: هههههههههههههههههههه تسلمين خالتي الله يخليك لي
قمات ريم قالت : بروح اجهزالحين .. ابوي يقول الاقيكم جاهزين الساعه 11 بالضبط عشان نروح للمطار .. وفتحت عيونها بقوة وهي تقول . . ديمه شو هذا ..؟
: شو ..؟
: عينك ليه كذا حمرا .؟
: ها .. ؟ ماادري يمكن من العدسات
: عاد مالقت تحمر عينك الا اليوم ... ياشيخه روحي اكشفي من جديد وسوي تشطيب وارتاحي
: بروح مرة ثانية لمستشفى ثاني ولو ان مغربي مافيه احسن منه بس نتأكد
طلعت ريم وخالتي ساكته بعدين قربت مني قالت بهدوء : ديمه يمه ماابي اتدخل بس وجهك فيه شي وانا ملاحظته من اول مادخلت اذا مهند يمد يده عليك وانتي عروس ماني ساكته ابد .
: يمه ماصار شي ولاتشيلين هم
: لا صار ومهند مو من حقه يمد يده عليك مهما كان ..
سكت شوية بعدين قلت : خلاص يمه هو اعتذر مني وانا سامحته .
: اخ بس .. لولا اني ماابي اتدخل كان كلمته وحاسبته
: لايمه الله يخليك .. يكفيه اللي فيه ولا يدري انك منتبهه الله يجازي اللي كان السبب . وحسبي الله ونعم الوكيل .
: اها ... عرفت انها فهمت اقصد مين كانت بتتكلم الا دخل مهند بسرعه علينا كان شكله يفجع عيونه حمرا وأزارير ثوبه مفتوحه وشعره مبهذل اول ماشافني حط يده على راسه قال : انتي هنا حسبت .......... وسكت ..
التفت على خالتي وهو كان واقف قلت : يمه تبغيني اساعدك بشي عشان تجهزين
: ذكرتيني والله لو يجي ابو مهند وانا ماجهزت بيزعل .. قامت خالتي بعد ماناظرت بمهند قالت : شكلك ليه مبهذل كذا . ؟
: نمت البارحه وانا مصدع ماانتبهت الا الحين ماشفت ديمه
: تطمن ديمه عاقله بس الباقي والشرهه على المتهورين
خرجت خالتي وانا بصراحة تمنيت انها ماتكلمت لأنه حالته تكسر الخاطر وهي تزيده ...
طالع فيني قال : ديمه
وقفت وقلت : بدل ملابسك وخذ لك شور بحضر لك الفطور ..
وقفلت المجله اللي كانت بيدي وقمت رحت للمطبخ قلت للشغالة تحضر له فطور .. وانا رحت للصالة الثانية
لحقني ومسكني بيدي قال : طيحتي قلبي حسبتك مو هنا ..!
سحبت نفسي منه وصديت عنه مارديت عليه ... بعدين مسكني مرة ثانية وسحبني ناحيته شفته يناظر بوجهي ورفع شعري كله ورى كان يبحلق فيني بقوة ..
بس تركني وانا وخرت عنه ورجعت شعري . شفته يضرب على جبينه بقوة وقال كلام مافهمته شكله يوبخ نفسه لمن شاف عيني ووجهي ...
طلع فوق وبعد شوي رجع كان لابس بنطلون جينز وتي شيرت بيج وأزرق ومرجع شعره ورا وهو لسه مبلل مانشف زين .. وحاط عطر ريحته واصلتني قبله ..قرب مني وانا صديت عنه وقمت طلعت فوق
رحت ارتب اغراضي عشان اروح للمشغل قررت اسوي مكياجي بجده قبل نروح .. المصيبة لو اروح عند ليليان بتفضح فيني عند هدى وبتقعد تسألني كيف عروس وتنضربين وماادري ايش ..
رجعت لغرفتي نمت فيها ساعتين وصحيت حصلت مهند قاعد بالصالة ويتفرج على مباراة اوروبيه عديت من عنده واتصلت على ريم لقيت جوالها مقفل وعرفت انهم راحوا ..
وقفت عند مهند قلت : ترى ابغى اروح للمشغل من بدري بتوديني ولا اروح مع السواق
وقف وجا عندي قال : السواق هذا ماتركبين معاه الا اذا كنتي مضطرة فاهمه ..
رحت من عنده ودخلت لبست عبايتي ولفيت طرحتي على شعري وخرجت للصالة وأول ماشافني قام وأخذ جواله ومفاتيحه والتفت يناظر بوجهي تنهد بقوة ومشى قبلي وانا لحقته ..
في السيارة دقيت على لمى اللي عاتبتني لأني ماادق عليها واطمنها عني قلت لها ان عندي ظروف وراح ازورها قريب بإذن الله .. سألتها عن مشغل حلو غير المشغل اللي اروح له وشي واثقة فيه لأني بصراحه تعودت على المشغل حقي وباقي المشاغل مااثق بشغلهم
دلتني على مشغل تروح له زوجة اخوها وقالت ان شغلهم مرة روعه ..اخذت منها العنوان ومهند يسمعني ... قفلت من لمى قلت : فهمت الوصف
: لا
قلت له على الوصف بدون نفس وصديت عنه ،، بصراحه قاهرني وطفشانه منه ولولا اني ماابغى اضايق اهله ولا خالي كان تركته وافتكيت من همه ورجعت لجنتي بيت خالي الله يخليه لي .
كان جو السيارة كئيب وممل .. قمت دقيت على خالي ناصر مارد علي ودقيت على هدى واشوا ردت قلت لها انا اليوم بنروح لأبها وماادري كم يوم بنجلس وراح اتصل فيها .. وقفلت مع هدى بعد ماقلت لها تسلم لي على خالي وعيالها ..
كنت اموت باللحظة عشر اذا كلمت هدى وعيالها .. اذا تذكرت بيت خالي وحياتي فيه ياناس الأيام فيه تمر علي مااحس فيها من الوناسه وقلة الهم مو هنا اعد الساعات والايام .
نزلت دموعي غصب عني ورجعت راسي ورى .. ماادري يمكن مهند انتبه لي بس اللي متأكده منه انه ندمان ومقهور من نفسه ومستحقرها
: ديمه
:................
: ردي علي بقولك ليه البارحه انا منفعل
: ...............
: ديمه انا ..
قاطعته بسرعه : اسكت لو سمحت ماابغى اسمع منك شي .. من يوم عرفتك وانت تعتذر وتبرر ..
: تدرين انك تذبحيني بالدقيقه مية مرة
: هه ......
صديت قعدت اطالع بالطريق .. وصلنا للمشغل وقبل انزل اخذت منديل امسح دموعي خفت يشوفوني بشكلي هذا اكيد الحين باين اني بكيت ...
مد علي مويه وأخذتها شربت شوية بعدين نزلت قال :انا موجود هنا ماني رايح بنتظرك
: بتأخر لاتنتظر ... روح اتغدى لأن الشغالات راحوا مع اهلك ومافيه احد يسوي لك غدى ..
: لا ماني رايح بنتظرك متى ماخلصتي بتلاقيني هنا . ..

ساعة ونص قضيتها بالمشغل بعد ماحاولت الكوفيرة تغطي الكدمه الزرقا اللي بخدي ..
اضطريت البس عدسات ملونه لونها اخضر عشان انسب احمرار عيني لها لأني لولبست عدساتي العادية ماراح يلاحظونها الناس لأنها شفافه بس هذي بيشوفونها ويصدقوني اذا قلت انها هي اللي حمرت عيني ...!

ركبت السيارة مع مهند لقيته مرجع المرتبه ورى ومشغل المسجل ونايم .. انتبه لي لمن سكرت الباب وحرك ..
مرينا بارنيز وطلب لنا قهوة
ماشربت قهوتي ولا تكلمت معاه .. وصلنا للبيت وطلعت فوق وهو جلس ينتظرني تحت
دقيت على خالتي ام مهند وسألتها كم يوم بنجلس ؟ وألبس الحين ولا اذا وصلت احسن ؟ قالت بكيفكم متى مابغيتوا تمشون امشوا .. والبسي الحين لأنك بتجين عند بيت سارة على طول ..!
لبست فستاني كان لونه زيتي موديله بسيط مرة .. قصير من قدام وكان فيه كم واحد علاقي جاي على شكل سلاسل سودا ممتده من الصدر الين الكتف .. وصدره فيه اكسسوار اسود وكريستال زيتي .. كان ناعم ومنساب على جسمي ومبين تفاصيل جسمي سواء صدري ولا وسطي وخصري .. وجاي من اسفل على شكل كلوش طالع شكله روعه .. وهذا من اختيار روان صاحبتي ..
لبست جزمه لونها زيتي فيها اكسسوار ماشي مع الفستان .. ولبست اكسسواراتي
طالعت بشكلي الحمد لله راضيه بس عيني فيها احمرار حتى الندبة مو باينه الا للي راح يدقق وبقووة ..
لمن سمعت صوته جاي مع الدرج لبست عبايتي ولفيت الطرحه على شعري بشويش وعطيته ظهري ماابغاه يشوفني بالمكياج هذا وبسرعه قفلتها ورحت اجهز اغراضي
قال :جهزتي شنطتي ..؟
: لا
نزلت تحت بشنطة المكياج حقتي وشنطتي الصغيرة من دون ماالتفت عليه ورحت للمطبخ اشرب لي عصير قبل اروح للمطار ...
نزل مهند وهو يكلم السواق يقول له يجي عند باب الفيللا عشان ياخذ الشنط منه
شفته وانا بالمطبخ وهو كان يتلفت يدور علي ..كان لابس ثوب سكري وشماغ ابيض وشعره كان باين من تحت الشماغ ومعطيه طله تسحر وتجذب وتربك ... بصراحة شكله بالشماغ الأبيض يدوخ ..
ياربي ليه يربكني ... ليه اذا شفته اتخربط .. ياترى هل هو شعور طبيعي اني اتخربط اذا شفت واحد عاجبني والمسافة اللي بيني وبينه اقل من متر ولا مهند فيه شي يخربطني انا ويربكني
ناداني وبسرعه غطيت وجهي وخرجت معاه .
خرجنا واعطى السواق شنطتي يحطها بالسيارة وهو اخذ شنطته الطبية في يده وحطها في السيارة من ورا .. قلت : فين شنطة ملابسك ..؟
: مااخذت لي شنطة شنطتك تكفي ...!
بجد قهرني ليه يحط اغراضه بشنطتي ...! بيحرجني الحين معاه خاصة انه كل شوي بيفتح الشنطة ويقعد يطالع بملابسي وأغراضي الخاصة ...

بالطريق قال : بناخذ شي ناكله اش رايك
: خذ لك شي انت .. انا مالي نفس ..!
سكت ومشى ماوقف ولا اخذ شي ..
في الطيارة كنت ساكته طول الوقت.. معاي كتاب يتكلم عن الشخصية وكيف ممكن نعدل من سلوكياتنا الخطأ ..
ماكلمته وهو احسه تعبان حط راسه ونام شكله يئس اني اكلمه..!
وصلنا واستقبلنا عمي لأن مهند مارضى احد يجينا من عيال عمته وكلم ابوه قال له يجي يستقبله ولا ياخذ ليموزين .. بس عمي حلف اني مااركب ليموزين ويجي هو بنفسه ياخذنا
دخلنا بيت الخاله سارة انا وعمي ومهند كان داخله اربع سيارات وفيه جهه مليانه اشجار كبيرة ونخل وأرضيته مفروشة بزرع اخضر مغريه ... دخل مهند وعمي قسم الرجال عشان مهند يسلم على عمته ... وانا رحت لقسم الحريم واستقبلتني ريم .. اول مادخلت تذكرت بيت خالي ناصر من كبر البيت من داخل .. شفت الخاله سارة وسلمت عليها بالصالة ... مسكت يدي كانت بتوديني لمجلس الحريم قلت لها ابغى ادخل الحمام اشيك على شكلي ..وبسرعه دخلت عند المرايا والحمد لله مكياجي زي ماهو ماتغير .. بس حطيت عطر وخرجت مانزلت عبايتي خفت يكون فيه احد باين وانا ادخل المجلس .... دخلت عند الحريم وسلمت عليهم وحده وحده الين شفت اللي ماكنت اتوقعه .
نورة كانت قاعده وفاطمة بنتها بجنبها .. سلمت عليهن ببرود وشفت خالتي ام منهد وسلمت عليها ونزلت عبايتي اخذتها وحدها عرفتني عليها خالتي انها ساميه بنت سارة .. لمن شافتني خالتي ابتسمت لي حسيت برضا في وجهها قالت : ها ياام فايز وش رايك بزوجة ولدي .. هذي هي وشفتيها ؟
ردت الحرمه اللي عمرها تقريبا في الأربعين : بسم الله عليها الله يستر عليها عزة الله عرف ينقي مهند عسى الله يوفقه
ابتسمت لها وما تلكمت بالمرة لأني اغلي من نورة وبنتها حتى هنا لاحقينا .. الله يستر منهن
قامت نورة بعد ماقالت : بروح اسلم على اخوي وولده
طالعت بخالتي وشفتها تتصل من جوالها وتقوم تروح في الزاوية بحيث محد يسمعها حتى انا ماسمعت ولاكلمه
رجعت بجنبي وهي تبتسم قالت : لاتهتمين لاحد وانا معك
: تسلمين ياخالتي الله يخليك لي
جات خاله ساره اللي كانت مبسوطه وفرحانه قالت : هذي ديمه زينة بناتنا من يوم شفتها وهي متربعة بقلبي والتفتت على خالتي قالت : اخذت غلا مهند واكثر ..
قمت انا سلمت على راسها مرة ثانيه .. بجد كلامها حسيت انه من قلبها قلت لها : مااغليتي الا من يغليك ياخاله ويشهد الله اني حبيتك اول ماشفتك
التفتنا كلنا على صوت من آخر المجلس : هههههههههههههههههههه والله انكم مساكين كلكم ينضحك عليكم بسهولة ..!
كانت تناظرني باحتقار وهي مكشرة بس انا صديت عنها ورحت مكاني عند خالتي .....
جات ريم مع ساميه وعرفتني ساميه على اخواتها وبنات اخوانها اختها عزيزة وبنتها رؤى مدرسة ومخطوبة وزواجها بعد 20 يوم تقريباً ... ودلال اختها كمان عندها بنتين دانه وغدي وكلهن تقريباً في سني وحده اكبر مني بسنه والثانية اصغر بسنه .. متخرجات من الجامعه وقاعدات في البيت ماتوظفن ..
وساميه في سني كمان .. جلسوا البنات عندي وكل شوي الناس تزيد وأخذوني البنات لغرفة فوق قالت سامية هذي غرفة مهند امي مخصصتها له .. وادخلي اجلسي فيها لين نطلع الحريم في الحوش ..
: ليه بالحوش والرجال فينهم
: الرجال في الاستراحه قريبه من هنا ..

طالعت بغرفة مهند اللي تقولها ساميه كانت مرتبه وأنيقه وأثاثها باين انه غالي بس كبير مرة المراية حقت التسريحه نص الجدار والسرير من النوع الفخم بس لشخص واحد فتحت الدولاب لقيت دقلة رجالي حقت مهند اكيد .. جزمه رياضيه وبيجامات وثياب ملونه شتوية وجاكيتات .
معقولة مهند ينام هنا عند عمته .. وبنات عيال عمته عبير ورحمة وبسمه فين يروحون .. غريبة ..!
دخلت علي ساميه بعد ماجابت لي شرشف صلاة وسجاده وصليت المغرب والعشاء جمعاً وقصراً بعدين جلست معاها وجوا البنات .. قالت لي ساميه : ديمه انتبهي لفاطمه تراها مو هينه وهم جايين مخصوص عشانك ولا عمرنا ماعزمناهم وجو الا اذا كانت العزيمة بقاعه لكن بيتنا مايجون له لأن خالتي وامي مايتفقون ..
: ساميه بصراحه ماابغى احتك فيها يعني اذا جات جلست هنا اعذريني بطلع
: وين بتطلعين ؟ وتخلينها تجلس بغرفتك ؟
: واذا جلست ؟ اهم شي انا ماابغى احتك معاها وانا بصراحة ماجيت ادور المشاكل .!
: الله عليك ياديمه زي ماقالت امي تهبلين وعاقلة وفاهمه وتدخلين القلب
: ههههههههه تسلمين ياسامية والله امك هي اللي كاملة وتنحب بسرعه
: مممممممممممم اثري مهند محد يلومه فيك
: ليه ..؟
: بصراحة لمن كان يقول لي انه مجنون فيك ويمدحك لي سواء شكلك ولا اسلوبك ولا هدوءك كنت اقول مجنون وعشان يعشقها بس بصراحه الله يلوم من يلومه فيك .
فتحت فمي وعيوني انا مستغربه بس بسرعه انتبهت لنفسي وابتسمت قلت : مهند يكلمك عادي ؟
: ههههههههههههههههههههههه لاوالله تغارين ؟
: مو عن اغار بس استغرب !
: عاد تدرين ان مهند كان يعيش حالة حب قبل تمرضين الله لايعيد الشر ولمن جيتوه في امريكا كان يقول لي على كثر مازعلت على مرض ديمه على كثر مافرحت انها مرضت وجات عندي وصرت اشوفها وأكلمها لا وتجلس قدامي بالساعات
: بالساعات ..؟
: قصده بوقت العملية ثم وانتي منومه كان مزعجني يقول حبيبتي نايمه الحين .. ولا يدق يقول تنادي امها واحيانا ابوها واحيانا خالها وهي تحت تأثير البنج ..
:اوف اجل صادق فيه فضايح .... ـ قلته وانا افكر بكلام ساميه اجل مهند كان يحبني ولا ومبسوط واحنا عنده بأمريكا وفرحان فيني وانا ماعطيته وجه ـ.
: ايوه يقول قالت اشياء وهي نايمه كنت اسمعها حرف حرف وكلمه كلمه وماكنت افارقها الا لمن صحت خرجت عنها عشان ماتزعل لأنها خجولة وماجبيت احرجها
: والله ولد خالك جبان ليه ماقال لي انه يحبني ..
: ههههههههههههههههههههههههههه خلاص الحين قالها لك اكيد .. المهم ديمه انتبهي من فاطمة
: اش اسوي طيب
: لاتخلين مهند يروح لهم تراهن جالسات يخططن وهذي شغلتهن
: الله يستر ربي معاي
دخلت ريم وبنات يوسف اخو سامية عبير ورحمة .. وبسمه بنت احمد جلسنا نسولف وجات عندنا دلال اخت سارة وبنتها رؤى وبنات عزيزة دانه وغدي كانن هن يسولفن وانا ابتسم وارد على اسئلتهن اذا سألني .. جات الساعه 9 قالت خالتي سارة انزلوا لأن الناس وصلوا .
نزلت تحت كان المكان تحفه كأني بقاعة افراح بس الجو غير عن القاعه والمنظر غير .. المكان يفتح النفس الطاولات مرتبه في الجزء الكبير من الحديقة اللي توني شفته .. الأرض مزروعه بالكامل وفيه ورود الوانها بنفسجي وأحمر وأصفر ترد الروح وفيه كنب فخم ثلاث قطع جابتني خالة سارة عليه وهي ترحب وتهلي فيني قالت تعالي هنا وجو الحريم يسلمون علي .. جابت ساميه القهوة والشاهي وجلسنا ياربي الجو خيال نفسي اقضي باقي الوقت هنا بأبها لا لا موشرط في ابها .. بس ابغى اقضيه مع الناس اللي هنا سامية وبنات يوسف ورؤى اللي احسها عاقلة ومتفهمه جات وجلست عندي سولفنا مع بعض وهي أخذت رقمي وانا اخذت رقمها .
كانت ساميه كل شوي تجيب لي شي آكله حلا معجنات ولاعصاير . كل الناس هنا مهتمه فيني مو بس عشان انا عروس وجديده لا كلهم طيبين وماخلوا جلستنا رسمية كأنهم يعرفوني من زمان ماعدا نورة وبنتها وصديقة بنتها اسمها فوزية
كانت الحفلة من اروع مايكون كل الناس احسها مبسوطة وجوا جيران خالتي سارة .. وتعرفوا علي وعزموني بس انا اعتذرت وقلت الايام جاية ويمكن نرجع جده ماراح نطول
جلسنا في جو مااقدر اوصفه حتى الإضاءة كانت خيالية .. ماعمري شفت زي هذي الحفلات الا في الأفلام .. ماناقصني الا هدى ولمى وخالتي فادية ياليتهم كانوا هنا ..
على الساعه 12 فتحوا البوفيه ونادتنا خالتي كلنا رحنا تعشينا وأكلت بشهيه مفتوحة احسني من زمان مااكلت زي الليلة ..
رجعت جلست على الكنبة المخصصة لي وجوا البنات معاي كانت دانه تذكرني برغد صاحبة مايا في سوريا دمها خفيف وطول الوقت نضحك منها ومن حركاتها واسلوبها ..
بعد ماراحوا الناس قاموا البنات يرقصن مع بعض على صوت الدي جي اللي مالي المكان .. قالت لهم دلال قوموا كلكم ارقصوا وأولهم انتي ياديمه بس رفضت اولاً مستحيه.. ثانياً مااعرف ومو متعودة وماابغى اغامر والناس كلهم مركزين علي .. اخذتهم دلال كلهم وماباقي الا انا جالسه لوحدي ....
شفت فاطمة ومعاها فوزية جوا عندي ووقفت تناظر فيني وأخذت لها كوب ورقي وهي تناظر فيني وتبتسم وصبت لها شاهي من الترمس اللي على الطاولة اللي قدامي ... شافتهم خالتي ام مهند وجات تجري على طول ..
وانا صديت عنهم للبنات وأشرت لساميه وانا ابتسم لأني كنت حاسة انها بتسوي شي من نظرتها فيني .... جات ساميه بناء على رغبتي بس فاطمه سبقت ساميه وكبت الشاهي اللي بيدها علي وانا بعدت بسرعه اول مانوت تكبه وجا على يدي من فوق وكتفي وصرخت من قلب بصوت عالي كان الشاهي حار ودوبها صبته
على طول ..سمعت خالتي تسب وهي واقفه وراها .. اما فاطمة انفجعت من خالتي وشردت وهي خايفة ومصدومه انها انكشفت وشافوها الناس .. وجات ساميه اللي شافتها يوم تكبه .. قالت : عاد لهنا وخلاص .. صبرنا كثير عليهن وعلى كلامهن وأكاذيبهن بس توصل لهنا لاوالله .
مسكتني خالتي بيدي بتشوف كنت مااقدر اتحمل احس جسمي احترق ونادت ساميه تجيب ثلج بسرعه وهي دقت على مهند سمعتها تقول : خذ سيارة ابوك وتعال ................. ديمه تعبانه عجل علينا .......... الو الو مهند
قفلت خالتي وهي ندمانه قالت : شكلي خوفته ليتني ماقلت له لين يجي .
حطت الثلج علي وانا ماسكه نفسي مااقدر اتكلم بجد الألم كان فظيع احرقتني حسبي الله عليها الحين جسمي بيتشوه ياويلي .. وغيره حسيتني ضعيفه قدامها هي وامها بأفكارهن وكلامهن وتصرفاتهن .
وقفت ريم عندي بالعباية لأن خالتي ارسلتها تجيبها .. وانا دخلت يدي اليمين اللي مافيها شي في كم العباية بس الثانيه ماقدرت لأني ماابغاها تلمسه صرخت لمن حاولت خالتي تدخل يدي
وبسرعه دخل مهند بعد ماعلمتهم ساميه ..
جا مهند عندي بسرعه وشنطته بيده قال :وش فيها
قالت له ساميه : الشاهي انكب عليها
شافني مهند وانا خلاص احس جسمي ينحرق اكثر ...قال : خليني اشيلك ادخلك جوا البيت ..
قلت له : لا لا اقدر امشي ماعليه .
التفت على ساميه وقال :ساميه هاتي الشنطة ولاحد يلحقني الا امي وعمتي
كنت بين يدينه وانا ماني في حال اقاومه ابغاه بس يحط لي شي على الحرق المشكله كبته على جسمي على طول لوفيه لبس كان ارحم شويه
حط لي مهند كريم للحروق اخذه من صيدلية عمته سارة اللي عرفت انه هو اللي مسويها لها .. وأعطاني ابرة مسكنه عشان ماأحس بالحرق قال : تطمني ديمه هذا حرق بسيط وماراح يجي له أي اثر تطمني بس ... كان يمسح على جبيني وهو يتأملني ويناظر فيني باهتمام ... حسيتني فقدت الألم وجلست اطالع في جسمي وانا ساكته مقهورة من فاطمة وش اسوي لها اسكت واصفح واتجنب المشاكل ولا آخذ حقي ..
سمعت خالتي تقول : مهند خذ زوجتك للمستشفى مو تقعد تبحلق فيها كذا ..!
ضحكت عمته سارة : ههههههههههههههههههه يبحلق غصب اجل يشوف هالزين ومايبحلق .
سمعت ساميه اللي استغربت وقفتها مع مهند وهي باللبس هذا : مهند حبيبي ماشبعت منها لسه .. اللي يشوفك يقول اول مرة يشوفها
رد مهند وضحك : هههههههههههههههههههههههههه الحين مو ادخلكم عندي تقعدون تعلقون وتتريقون ترى بطلعكم برا ....بعدين التفت علي مهند قال كيف انكب عليك ... ناظرت خالتي الجوهرة ( ام مهند ) قلت : ها ..؟ انكب مادريت عنه .
قالت خالتي الجوهرة : لا لا لا مو مادرت عنه .. كبته بنت عمتك المصون من كثر الحقد اللي معمي قلبها .
فز مهند واقف قال : ايش ..؟ وهذي شاللي يقربها من ديمه ..؟ وش جابهم اصلاً ماكفى كلامها امس .
والتفت علي وانا احاول التهي عن نظراته ولا مواجهته واطالع في يدي ورحت للمراية بشوف الحرق احسه للحين يألمني بس اخف بكثير طبعاً بعد المسكن ..!والكريم اللي يقول ان فيه مادة مخدرة خفيفه .
لحقني وقال بحنان : ديمه قلت لك لاتخافين
ابتسمت له عشان الناس : مو خايفه انا بس لسه يألمني ..
: يألمك كثير ولا خف عن اول
: لا خف عن اول طبعا .. بس لسه فيه الم
قالت خالتي سارة : مهند يمه اذا تبون ترتاحون ترى غرفتك مجهزينها لكم والله لو فضيت لاشتري لكم غرفه كبيرة بس انا ناوية أأثث لكم الجناح الشرقي وماابي العجله ودي احط فيه اثاث يناسبكم وعلى مهل
قام مهند وسلم على راسها : الله يخليك لي يايمه احنا لنا جناح ببيت ابوي لاتنسين ومتى ماجينا لابها بنجلس فيه
:وهذا بيتك يامهند وبإذن الله راح احط لك جناح عندي والليلة ناموا هنا بيت ابوك يبي له وقت يرتب وينظف .
: الله يخليك لنا يايمه ويديمك ذخر يالغاليه
استغربت من مهند ليه يكلم عمته كذا وساميه تقابله بالطريقه هذي اجل كل هالغيره وتقابل ساميه وتضحك معاها استغفر الله العظيم اكيد يعتبرها اخته وماابغى اظلمه .
التفت على مهند وهو يقول : ديمه انتي تدرين ان عمتي سارة تصير امي من الرضاع وان السيدة سامية اللي وراك تصير اختي
التفت لساميه وضحكت كويس اني ماظلمتهم ولا عصبت : هههههههههههههههه ليه ماقلتي لي طيب لنا ساعه نسولف مع بعض .
: يؤ حسبتك تدرين اجل ماعرفك عن نفسه الأخ مهند
رد مهند : ترى مالنا الا شهر من تزوجنا مايمدي اقولها كل شي
ضحكوا كلهم وسمعنا الباب يدق راحت ساميه تشوف مين طلعوا البنات وكلهم جوا سلموا على مهند بنات يوسف واحمد يقولون ياعمي وبنات عزيزة ودلال يقولن ياخالي تطمنوا علي وسألهن مهند عن عمته نورة وبنتها قالوا راحوا اول مادخل ...!
كانت دانه تعلق وتضحك تقول : جات فاطمه تجري كل جسمها يهتز وكلمت امها في اذنها وبسرعه امها ارسلت الشغالة تجيب عباياتهن ودقايق الا هن عند الباب شكلهن يحسبنك بتجي تضربهن .
سكتتها امها ماتبيها تقول شي على خالتها مهما كان
انا ماعلقت ولا حتى ضحكت البارحه حرق والليلة حرق بس كل حرق يفرق عن الثاني والشبه بينهم قوة الألم .. ممكن الاثنين يشوهون للأبد ..
بس ان شاء الله مايصير تشوهات ولا يصير لها اثر .
كل شوي مهند يقرب مني يشوف الحرق ويقول لا احسن الحمد لله يالله البسي بنروح للعيادة نضمده لك
: ضروري
: ايوه الحين تقدرين تلبسين عبايتك
: اجل بروح ابدل مااقدر اروح عند الدكتور وهذا شكلي .. اشرت على فستاني ومكياجي
: مممممممممممم اقولك انا اضمده لك اجل اوديك دكتور وانا دكتور
: بس هذي مو شغلة دكتور شغلة ممرضات .. قلته وانا ابتسم ..
قرب مني وابتسم قال : عادي اصير لك ممرضة مو كله طب وكله دارسه ..
طلع مهند ضمادات من الصيدليه وشاش وقطن وبلستر قال : الحين بلف كتفك كله ويدك كلها من فوق
: ياالله شغله ..!
: لاعادي بس راح تقيدك شوي ..
لف يدي بالضمادة والشاش وحط على كتفي ضمادة بعد مازاد الكريم عليه وحط قطن ولف عليه بطريقة ماهرة وحط عليه بلستر عشان يمسك الشاش
سمعنا صوت عمي عند الباب ودخل علينا وجوال مهند في يده يقول خير وش فيه وش اللي صار .. التفت على مهند قال : وش فيك فجعتني رحت ماعطيتني خبر باللي صار ورميت جوالك والله اني قلت صاير مصيبه ..
رد مهند عليه : من وين بيجي الخير واختك وبنتها في الأرض
قالت خالتي سارة لعمي السالفة وعمي كشر : حسبي الله ونعم الوكيل وصلت معهن لهالدرجه .. نورة هذي ماتربت فضحتنا في بنت الناس .. امسحيها بوجهي ياديمه ولاتشيلين بخاطرك . سودت وجهينا معك ..
رديت انا : وجهك ابيض ياعمي عسى الله يخليك لنا .... وانتم مالكم دخل في اللي صار .. فاطمة تعاني من شي كبير وكل هذا ينعكس على تصرفاتها . الله يهديها بس .
ضحك مهند وقال : تحدث علم الاجتماع الحين وطرق التحليل للتصرفات .
ضحكوا كلهم حتى عمي ضحك وقال : والله ياديمه ماياخذ لك حقك منها غيري وانا ابو مهند ..!
: الله يخليك ياعمي ويطول لنا بعمرك ... ماابي انتقم ولا ابيك تتمشكل مع اختك بسببي . جزاهم بيلاقونه عند رب العباد وانا الحمد لله ماصار فيني شي مجرد حرق بسيط ماله أي اثر بإذن الله .
كانوا البنات ساكتات يسمعوني وانا اكلم عمي قالت دانه : ديوووم
: هلا
: من فين تعلمتي الردود هذي والاسلوب هذا من الجامعه ولا كل بنات جده ؟
: ههههههههههههههههههههههههههه الله يخلي لي اللي يعلمني كل شي .
ضحكوا كلهم منها بعدين قال مهند : لاتجيبون سيرة ناصر تسوي لنا رسالة ماجستير ودكتوراه وأبحاث في ناصر بن عبدالهادي .
جلسنا نسولف كلنا وعمي ومهند عندنا البنات كانو متجمعات في الجهه الثانية وخالتي ام مهند وخالتي سارة وبناتها دلال وعزيزة عندنا نادتني ساميه تبغاني اجي اسولف عندهن بس قال مهند لا ماتقدر تجيكم .
ابتسمت لساميه وانا منحرجه من تصرفه يعني مو داري اني زعلانه منه ولا اذا سوا هذي الحركات هنا يحسبني راح ارضى عليه ..!

قام عمي يقول بروح اصلي الفجر وانام وقام مهند معاه بيروح للمسجد وانا رحت فوق لغرفة مهند وخالتي دخلت غرفة تحت خصصتها خالتي سارة لهم .. والبنات راحن بينامن لأنهن تعبن اليوم بما فيه الكفاية ..
دخلت الغرفة ياربي شلون انام بغرفه زي كذا ياليت فيه كنبه انام عليها ولا كان السرير اعرض شوية .
كنت ابغى اتحمم بس صعب وبصراحه مااقدر على هذا الوضع .. بدلت لبسي ولبست بيجامه قطنية بنطلون اصفر وبدي سماوي وصليت ونمت على جنبي الأيمن بحيث يصير مهند ناحية ظهري اذا نام على السرير .. ياربي يقدر اني زعلانه منه واني مو متعوده انام معاه ويروح ينام بمكان ثاني .
طبعا هربت للنوم عشان مااواجه مهند ... صحيت من مهند اللي يناديني وسكت شويه مارديت عليه الين قدرت افتح عيوني.. فتحتها وتمنيت اني مافتحت كان مهند بجنبي على طول ومتغطي معاي بنفس الغطا انحرجت كثير قلت له: بغيت شي ..؟
قال : انتي نايمه ؟
: ها..؟ ليه قلت شي ..؟
: لا ماقلتي شي بس تتقلبين كثير على بالي انك صاحيه ومو نايمه ..
ابتسمت لأنه مايدري عن طبعي : انا دايما اتقلب في نومي هذا طبعي ..!
: اجل آسف اني صحيتك كملي نوم
: كم الساعه الحين
: احنا الساعه 12 الظهر باقي مااذن ومحد صاحي بهالوقت بس نامي ..!
حاولت انام والمشكله مااقدر انام الا على جنبي الايمن ولا انقلب على بطني بس مستحيه من مهند ومااقدر آخذ راحتي ابداً ..
قرب مني مهند حسيت بأنفاسه قريبه مني .. حط يده على راسي قال : ازعجتيني وازعجتك ..!
: آسفه
: بتكملين نوم ..!
مارديت عليه وقرب مني قال : ديمه زعلانه مني ؟
قلت له من دون ماالتفت عليه : لاتكلمني
: لمتى ؟
: لين انسى .
: طيب سامحيني !
: هه قديمه وسمعتها كثير خلاص صارت سامجه .
: ديمه
: ترى اذا بتطول الكلام بطلع انام بغرفة ساميه ولا عند وحده من البنات
: لا لا فكينا من الفضايح نسكت احسن .
: للأسف ماتفكر الا بالناس وكيف تصير علاقتنا قدامهم .
: ديمه
: الله يخليك نام .. ولا اقولك خلاص بقوم احسن . وقمت جلست وجلس هو كمان ومد يده لفها من تحت صدري وسحبني عنده صار ظهري قريب من صدره جمع شعري اللي كان مغطي ظهري وحطه قدام على جهتي اليمين
قال :وريني حرق الكلبـه ..؟
التفت عليه وشفته قريب مني كثير بلعت ريقي وقلت : أي حرق قصدك ..؟
: ها ..؟ كيف أي حرق فيه غير هذا ..؟
: قصدك حرقها لي البارحه واللي قبل البارحه ..؟
طالع وجهي ودقق فيه شاف العلامه اللي الزرقا قال : اليوم اخف بكثير عن امس ..وبسرعه باسني عليه .. قمت على طول من حضنه بس سحب يدي قال : تعالي ياخوافه بشوف الحرق .
مارديت عليه وفتح البلاستر وشافه قال : لا خلاص ماله داعي الشاش الحين اصلاً انا حطيته عشان مايضايقك وانتي نايمه لأن المسكن مفعوله قصير وخفت يرجع لك الألم بس الحمد لله الحين كويس .. وفتح الشاش عني ولمسه على طول حسيت بالحراره قلت : لا لاتحط يدك يألمني ....
جاب الكريم اللي طلعته معاي لمن جيت انام وحط عليه منه ..
قلت : طيب كيف استحم الحين
:ممممممممم مو لازم
: شو مولازم ..؟ الا ضروري
: اوكي ..وابتسم بلؤم بعدين قال استحمي واطلعي لهم عشان يعذورني بعد بحلقتي فيك البارحه .
طالعت فيه وبعد شويه فهمت قصده رميته بالمخدة الصغيرة وقمت وهو قعد يضحك بصوت عالي .. قلت له : لاتروح مكان عشان اذا استحميت تحط لي كمان مرة ثانية من الكريم
: مصممه تتحممين
: ايوه مااقدر انزل كذا ..!
طالع فيني وابتسم قال : اش رايك ننام شوية وبعدين تتحممين براحتك واذا تبيني اساعدك ترى ماعندي مانع ..!
مارديت عليه ودخلت الحمام وانا معصبه منه .. الحين انا زعلانه وهو مسوي الموضوع عادي .. صدق ثقيل دم . وماعنده احساس .

استحميت بحذر وطفش بس احلى شي ان الموية كانت بارده شوي لأن جو ابها بارد ويجنن مو جدة الحر والرطوبة والقرف .

خرجت من الحمام وانا لابسة الروب حقه حصلته متكي بظهره على السرير ويناظر فيني .
قلت : ممكن تروح تتوضا عشان تروح تصلي
ابتسم قال : مااذن لسه ولا بتخرجيني من البيت بحجة الصلاة ماتبين وجهي
: طيب ابغى البس ممكن تخرج
: البسي هنا
: يوووه اخرج ولا روح للحمام غسل ..! فرش اسنانك ..!اتوضا واستنى الصلاه .. اعمل أي حاجه بس اخرج ..!
ضحك بخبث قال : والله اذا انتي مستحيه البسي بالحمام .
: شو البس بالحمام من كبره الحمام حتى مرايته صغيره وفوق كيف اشوف لبسي
: لحوووول الله يعيني على دلعك وتحكمك فيني ياديمه ..
قام بيروح للحمام وقرب مني قال : الحين معصبة عشان قلت البسي عندي ..وش بتسوين طيب لو البسك انا ..؟
: عادي اصرخ وأقولهم يحاول يقرب مني ويعرفون ب.لعت ريقي وقلت وتفضح نفسك ......... ممكن تروح للحمام ..؟
: هههههههههههههههههههههههههههههههههههههههه كملي طيب والله منتي هينه بس شغلك عندي ..! على فكرة تراني تاركك براحتك انتي يعني مااحب اجبرك على شي ماتبينه ...!
دخل الحمام وانا ارتجف حسبته صدق بيقرب مني بسرعه لبست ملابسي الداخلية من تحت الروب بعدين لبست تنورة قصيرة كاروهات اسود وموف .. ولبست بلوزة مموجه لونها اسود وموف ماسكة على صدري والباقي واسع الين خصري وبدون اكمام بس علاقي ناعم .. كان صدري باين وأهم شي في البلوزة هذي ان كتفي باين مو متغطي عشان الحرق مايألمني .. اخذت معاي شال حرير لونه اسود ولبست جزمة سودا طويلة وسويت مكياج يغطي الكدمة اللي بوجهي الين اخفيتها .. ولبست عدسات بنيه والحمد لله اليوم الاحمرار خف بكثير .. طول مهند بالحمام وعرفت انه ياخذ دش يووه هذا كيف بيسوي الروب حقه هنا وفيه مويه مني
ناداني قال هاتي الروب وطلعي لي منشفه من الشنطة .. جبت له الروب والمنشفه لأن منشفته حقته لفيتها على شعري وطبعا مافيه امل احد يستخدمها قبل تجف .. نزلتها عند الباب ورحت بسرعه... وهو فتح الباب اخذها وسكر وطلع بعدها على طول وجا عندي يبغا ملابس من الشنطه كان ينشف شعره وطالع فيني قال : ديمه لاتلبسين كذا قدامي .تراني نبهتك ..!ولا ترى بزعلك ..!
: ها..؟ شو ..؟ اخذت الشال حطيته وكملت ..: اصلاً انا مالبست عشانك ..!
كان مرة جاد وقرب مني قال: ديمه خلينا حلوين مع بعض والله ماابغى ازعلك ولا آخذ شي غصبٍ عنك ..... ماصارت ترى ..!
كانت انفاسه قريبه مني احسها تحرقني .. بس صديت عنه وبعدت وقلت: لا صارت ونص .. لاتحسبني اني ارد عليك ولا اكلمك ولا ماني معصبة راضيه عن طريقة زواجي منك .. ولا اني نسيت ايامنا في فرنسا .. ولا سامحتك بعد الكف اللي عطيتني اياه بدون ذنب وانا عروس .. ولاتحسب لمن سكت ماكبرت الموضوع اني ضعيفه ولا مااقدر اكلم اهلي لا يادكتور غلطان ... انا صابرة لأنه من طبعي اعطي فرص للناس اللي يغلطون علي .. بس اذا مانفع خلاص معناتها صعب يجربون يرجعون علاقتهم فيني ..وحط في بالك وانا هالمرة انبهك ترى زعلي مو هذا انا اذا صديت صديت صدقني ماراح اجلس لك ثانية وحده وانت عاد تعرف اخوالي كيف يدللوني ..
سكتنا شوي بعدين قال : ديمه انتي منتي فاهمه شي صدقيني
: مايهمني افهم الدوافع ولا الاسباب ولا حتى مشاعرك .. انا من يوم جيتك وانت مرجع لي ذكرى زوجة ابوي جميلة والضرب اللي كنت آكله منها من الصباح الين الليل .. تجمعت الدموع في عيوني وكملت .. من بعد ماشفت عندها اقسى ايام حياتي عشت عندي خالي رفاهية ونعيم عارف اش معنى نعيم حتى بالكلام محد جرحني ولا تكلم علي .. عشت عند جدتي عايشه الله يرحمها البنت المدللـه والعاقلة كنت بالنسبة لاخوالي بنتهم واختهم وحبيبتهم كنت قلب خالي ناصر ونبضه وعيونه .. عمرك شفت احد يسوي لعيونه شي ولا يسمح لحد يتعرض لها ويخليها تألمه .. انا كنت عيون خالي .. كنت اهله زي ماهو هو اهلي وجنتي .. جيت انت ونغصت حياتي قلبت النعيم الى جحيم .. نكدت علي باسلوبك وخطبتك لي وبعدها كل ماتطلع لي تسبني وتتكلم علي وتضربني ماعندك اسلوب ورهبتني منك ..وخوفتني وبدل ماتقربني منك صرت ابعد الناس عنك .. انا عشت سنه كامله بحزن ماتتخيله .. ابوي وامي وجدتي كنت ابكيهم بس اني اتذكر ايامي الحلوة معاهم وأبكي عليها .. اما انت بكاي منك كان خايف .. وكره للعيشه معاك لدرجة اني فكرت كذا مرة انتقم منك .. وصدقني لولا اهلك وطيبتهم معاي اللي خففوا عني مواجهتك وعذابك لي كان ماكلمتك وكان خليت حياتك جحيم ..
جلست ابكي احسني منهارة وهو كان واقف وحاط المنشفه على شعره وجا عندي
قال : يامجنونه انا اعذب نفسي ولا اعذبك ..
: يتهيأ لك .. انهرت وقلت : ماراح تفهمني ياآدمي .. قلت لك مليون مرة الغصب عمره ماجابني .. والقسوة عمرها مالينت قلبي .. ليه ماتستوعب الدرس وتفهمه .
جلست على الأرض بجنب السرير ابكي قلت : والله حرام عليك ابغى احس اني عايشة بأمان معاك اذا ماتبي تخلي سبيلي انا عمري ماضريتك ولا سببت لك اذيه ليه انت تأذيني ..
قال بأسى وحنان وصوت هادي : ديومتي ماصارت خلاص ماتبين قربي ابشري باللي تبغين بس هدي نفسك ..
سكتت وقمت غسلت عيوني وحاولت اهدي نفسي وزبطت مكياجي مرة ثانيه وهو راح ولبس ورجع لي وقف بجنبي .. مهند بحر وتيار قوي يجرفني ناحيته .. ايوه يجرفني غصب عني .. مهند رغم عمايله معاي وقسوته قدر يسيطر علي ويربطني فيه ويتمكن مني وبجدااارة .. طالعته بالمراية قربه على قد ماكان يربكني ويخربطني على قد مايريحني الآن ويحسسني بشعور مختلف صعب افهمه بس المهم اني مرتاحه ومااتخيل حياتي بدونه .. سحبني ناحيته وحضني على صدره بقوة اول مرة احسني محتاجه انه يضمني خليته يضمني براحته وماقاومت ابداً .
:ديمه
مارديت عليه : .....
قال : عطيني فرصة اخيرة مممممممم ووعد مني مااقرب منك ولا احاول الا وانتي راضية.. ومسك اذني بشويش بقاومك الله يساعدني ... اذا وثقتي فيني راح اكون اسعد انسان بالدنيا ماوثقتي فيني لك اللي تبين .. وش رايك ؟
: مهند
فكني من يدينه وناظر بوجهي بعدين رجعني لصدره وضمني بقوة وهو يحاول مايلمس الحرق اللي بكتفي وتنفس بقوة قال : عمر مهند وروحه .. تدرين اني اول مرة اسمع اسمي منك .
: خايفه من مشاعري تغلبني يامهند .
: قصدك خايفه تحبيني .
: خايفة ..
: ماتبغين تحبيني ..
: اخاف احبك وأفشل خاصة اني للحين ماوثقت فيك .
: تدرين ان كلمة ريم لي لمن قالت ان قلبك مليان ومالي محل فيه للحين بأذني وهي اللي منغصة علي حياتي
:ههههههههههههههههه ماسألتها مين اللي مالي قلبي .
: ليه انتي قلتي لها من ؟
: طبعا اجل اقولها موضوع زي هذا ومااقولها من اللي فيه
: هو اللي امس ضربتك عشانه .
: لاااا .
: اجل ..؟
: مافي قلبي غير اهلي يامهند .. وقلت قبل كذا ان عمر ماصار لي تجارب بس ماصدقتني . سكتنا شويه بعدين كملت : مهند اذا مشاعري تحركت فأنت اول رجل في حياتي كلها يحركها واذا عندك شك ادق على لمى اقرب الناس لي واسمع كلامها لي .
: ديمه وربي اني اصدقك بأي شيء تقولينه مهما كان انتي مفروضة علي وعلى قلبي وحياتي حتى عقلي مسكين قدامك مايفكر .
: ليه ماقلت لي انك كنت تحبني من زمان
: ههههههههههههههههه اكيد ساميه اذاعت لك النشرة
: اخس عليك وقاعد تقول آخذك عشان اكسر راسك
: قهرتيني وانتي تقولين اكرهه .
: ههههههههههههه ليه تبغى تحرجني هذاك اليوم وانا خلقه منحرجه منك .
: اصبري فيه اشياء كثيرة بعدين بقولك عليها .. الحين خلينا نجتاز هالمرحلة
بعدت راسي عن صدره ورفعته اطالع بعيونه قلت وانا ابتسم: اصدقاء ..؟
قرب عيونه مني وحط جبينه على جبيني قال : عشاق ..
رجعت راسي على صدره وقلت بهمس : مهند
رد علي بنفس الهمس : عيونه
: خايفه من فاطمة كثير احسها تخطط لشي اكبر من حرقي ولا نفاقها بيني وبينك
: لاتخافين وربي اللي خلقني ماتضرك الا اذا غبت عن الدنيا
ضربته على صدره بشويش ووخرت عنه ..مااقدر اتخيل مهند مو موجود تعودت عليه خلاص . ويمكن يمكن اني حبييته ..!او بديت اتقبله في حياتي .. المهم اني مااقدر اتخيل اني بدونه .
حسيت دموعي تحجرت بعيوني وقرب مني بس قلت : لاتكلمني اذا بتجيب سيرة الموت .
: هههههههههههههههههههه ياروح مهند انتي .. ماني جايب سيرته وعساه مايجينا ولا ينغص علينا .. ممممم طيب بطلب منك طلب .
ابتسمت وغمضت عيوني وفتحتها قلت : آمر
: لا قولي اطلب انتي ديمه حبيبة مهند محد يامر عليك حتى لو كان مهند بنفسه .
: هههههههههههههههههه لا انت سامحة لك تعودت اسمح لك .
:ههههههههههههههههههه طيب ماابغى اشوف دموعك تكفين ديمه .. واذا زعلتي لاتسكتين تكلمي ردي خاصميني وهزئيني بس لاتسكتين تذبحيني ..
: مممممممممممممم مااوعدك لأني بكاية وكتوم بس بحاول اتغير عشانك
حضني بقوة قال : الله يخليك لي ولايفرق بينا
: ويخليك .... طيب ممكن اطلب انا
: آمري
: مهند اذا جيت تصحيني لاتصحيني بسرعه انا طبيعتي اجلس بعد مااصحى دقيقتين ثلاث مافتحت عيوني .. واذا شفتني اتقلب في نومي ترى هذا طبع فيني وعادة يعني لاتعصب ولا تتهور وتخاصمني .
: اوووووووه بجد ديمه آسف انا متهور بس اوعدك خلاص اقدر بعض اطباعك الغريبة هههههه لاتزعلين
: لا عادي انت صادق مافيه احد يتقلب في نومه زيي .. ومافيه احد يجلس مقفل عيونه بعد مايصحى غيري ..
دق جواله وراح اخذه وحطه صامت على طول قال : وش رايك نتغدا هنا ونطنش الدنيا كلها .. ولا نطلع انا وانتي نتمشى بالسيارة .
: اللي تبغاه .. صحيح تذكرت اش رايك اروح لبيت عمي سالم .
: اوووه ذكرتيني ياسر عازمني الليلة على العشا بس ماوعدته قلت اشوف ديمه اش رايك ؟
: ماادري احس بيني وبين عماني رسميات وحواجز كبيرة .. خلنا نسلم عليهم ونرجع لو معاي احد ممكن ، بس انا لوحدي احسها صعبه ..
: طيب خلينا ننزل الحين نتغدى ، والعصر نطلع .
: طيب ديومتي انتبهي لنفسك وزي ماقلت لك لاتعذبيني .... كان يناظر بصدري .. بسرعه لفيت الشال علي ومديت يدي عليه بدلع وهو مسكها وقرب من اذني قال : بدينا .. دلعك هذا بيجني على ولا عليك انتبهي ..
: خلاص هات يدي وانا اصير عاقلة . ..
:هههههههههههههههههه خلي يدك معاي
: اقولك البس عبايتي ؟.
: لا لاتلبسين اصبري اشوف
خرجنا مع بعض وهو نادى ساميه قال احمد ويوسف فيه قالت بقسم الرجال مع ابوك .
قال لي : البسي عبايتك وتستري هنا.. لاحد يشوفك ..!
: اكيد .. انا احرص منك لاتخاف .
رجعت للغرفه واخذت عبايتي .. ولبستها بشويش والحمد لله مافيه الم كثير بس جسمي احمر .. لفيت طرحتي على شعري وغطيت وجهي ونزلنا ..
دخلت مجلس الحريم وهو راح لقسم الرجال ..جلسنا نسولف انا والبنات اللي كلهن مكسلات لأنهن مانامن الا الساعه 8 الصباح وصحتهن خالتي سارة الساعه وحدة الظهر كان الجو رايق وانا ورؤى نسولف بالنقل وان زوجها في جده وهي محد راضي ينقلها قلت لها بكلم خالي اذا قدر ينقلك ولا لا..ووعدتها اني لاهتم في موضوعها لأن خالي الله يخليه لي علاقاته قوية ببعض الشخصيات والمسؤولين وسبق ونقل ثنتين من زوجات اصحابه وخالتي فاديه كمان نقلها لمدرسة بجنب البيت ... كل شوي دانه تعلق علينا وتقول صدق وافق شن طبقه ...
ضحكنا من دانه وخفة دمها حتى وهي نعسانه وتبغى النوم ..... فجأة وصلت الصاعقه دخلت نورة وهي حاميه وتصارخ تقول ياسااارة وين سااارة .. هذي لها وجه تقعد عندكم قمت بسرعه وأخذت عبايتي وأشرت لريم تكلم مهند يجيني ..
رحت للمطبخ وعلى طول جا مهند عندي وهو يسمع الصراخ قالت : الخاينه الملعونه اللي عندكم والله ان ماطردتوها لاذبحها ولا ماعاد ادخل بيتكم لين اموت
طلعت خالتي سارة من عند الرجال على صوتها قالت : انتي لك وجه تدخلين بيتي بعد سواتكم بديمه .
: ديمه بناخذ حقنا منها وتشوفين
فتحت عيوني وجلست اناظر بمهند وهو مسك يدي قال : هلا بعمتي اللي اتهمت زوجتي بشرفها ثم حاولت تشوها ثم الحين جاية تنصب عليها .. حطي في بالك والله لو مايقعد بالدنيا غيري انا وبنتك ماآخذها .. سمعتي ياعمه اما خليك سنعه واعقلي وعقلي بنتك ولا بيوتنا كلنا تعذرك ..عيني لاتشوفك عندنا
: انت ماتدري عن حرمتك اللي تدافع عنها
قاطعها مهند : الا ادري عنها وادري عنك انتي وبنتك واخذني مهند قال اطلعي جيبي شنطتك وجوالك بنروح نتمشى ونتغدى برا بعدين نروح لعمانك
بسرعه جبت شنطتي وجوالي لقيت نورة خارجه برا وتلعن وتسب وتقول الملعونه اللي تكلمت بشرف فاطمه والله لانتقم منها وخلق ربي يشهدون
طالعت بمهند وابتسمت ببرود قلت : لحوول هذا آخر الحلول عند عمتك تتهمني اني اتكلم في شرف بنتها
كان مهند معصب قال: ماعليك منها لاتفكرين بكلامها
: ههههههههههههههه اشبك مهند لاتحسبني تأثرت بكلامها والله اني اشفقت عليها معقولة من جدها فيه احد بيصدقها المشكله انها تغلط علي من اول ماشفتها وقدام الناس وانا اطنشها هي وبنتها ومع كذا الا بتثبت اني انا الغلطانه وهي المسكينه اللي ينغلط عليها .
طالعني وابتسم قال : يازين الناس الواثقه بس .
قلت له ابغى اغير الموضوع لأنه يحرجني بكلامه وابتسامته : مهند تخليني امر مزرعة ابوي الله يرحمه .؟
: اخاف تتأثرين .
: اكيد بتأثر اعرف نفسي ..
: اجل آسف جايبك عشان تنبسطين مو تتنكدين
: هههههههههههههههههههه والله عمتك مو مخليتني بحالي بس الله يساعدني .. :تصدق مهند ..؟
: شو ياروح مهند ؟
: ههههههههههههههههههه ممممممممممممم نسيتني خلاص
: ههههههههههههههههههه لا بجد شو كنتي بتقولين
: كنت بقول اخاف من عمتك وبنتها يسوون فيني شي .. ولا يغيرونك عليّ .
: اش قلت لك انا ؟
: تصدق اليوم لمن دخلت حسبتها بتكب على وجهي موية نار ولا شي حار على بالي انها ماقدرت تشوه وجهي البارحه والحين جاية تكمل .
: انسيها ياعمري لاتفكرين فيها
ابتسمت له وقلت : وماله ننساها لعيونك
وصلنا بيتزا هت ونزلنا تغدينا وبعد الغدا جلسنا نلف بالسيارة الين بعد اذان العصر ورحنا لبيت عمي نزلت وسلمت عليهم كانوا يعاملوني رسمي حتى عمي بنفسه سلم علي وحلف الا يعشينا بس رفض مهند اشوا .. ماارتحت عندهم ابداً وجا عمي ياسر اللي كان احسن منهم جلس معاي شوي بعدين راح لمهند .. انا طبعاً لو اقطعهم ولا اسأل فيهم ماسألوا فيني ولا تذكروني الدليل ماحضروا زواجي بس عمي ياسر حضر اتوقع عشان مهند ولو كنت متزوجه غير مهند مادرى عني ..
رجعنا انا ومهند للبيت وجلست مع البنات ومهند راح مع عمي ياسر يتمشون برا ومارجع الا الساعه 4 الفجر وانا قد نمت حسيت فيه لمن جا ولمن شفته كان تعبان بس نزل ثوبه ونام على طول حتى مابدل ..
مرت علينا ثلاثة ايام في ابها ذكرتني بالأيام اللي كنت اقضيها بسوريا بس هذي فيها مهند ومشاعره وكلامه واهتمامه ...
مهند كان في البداية يتسلل لقلبي احاول اصده بس هو اقوى ..الحين صار يقتحمني ، يخترقني وانا مافي يدي لاحول ولاقوة .. دايماً يغلبني لأنه الأقوى ...
حاولت على قد مااقدر اكبت مشاعري وأحيانا افكر اقتلها لأنه مايصير استسلم له اكثر من كذا ... لأني بصراحه مااضمنه .
رجعنا لجده .. احسني كنت اسعد من مهند لأني مبسوطه بحالي بس هو كان ينقصه اشياء .. ولو انه مالمح بس كنت اشوف في وجهه ونظراته ومسكته لي وأحيانا يستغل الفرصة حتى لوكنا تحت ويضمني بقوة على صدره ..
بس عموما هو مبسوط الحمد لله وشكل حياتنا راح تستقر وتهدا اكثر من اول .. والله لايغير علينا الا للأحسن ..






تابعوني البارت الجاي فيه احداث مثيرة

لاتبخلون علي بآرائكم وانتقاداتكم

انتظر تعليقاتكم

السلام عليكم
كيفك يا أقدار الله يسلملك من كل شر،عجلي علينا بتكملة القصة،تراني مافيني صبر


كنت أتابع قصتك من بعيد،والآن سجلت في الموقع عشانك ،فرحت كثييييييييير لما شفتك متواجدة.


وسلامتكم



أعذرييييييييييييييييييني وسامحيني على بس والله من شوقي لقصتك

الله ابداع الله يعطيكي العافيه انا من زمان ما دخلت اقرا قصص لكن هذي تستحق القراءة واني افضي نفسي عشانها بس بلييييييييييييييييز لا تتغلي علينا وتتأخري الله يعطيكي العافيه قصه جدا رائعه