بلا عنوان هلا وغلا فيك
صدقيني مو زعل على قد ماهو عتب
كنت اتمنى من الاعضاء يتابعوني ويردون علي بس الموجودين فيهم البركه
وليلاس منتدى كبير اكيد اتشرف بوجود روايتي فيه كأول منتدى
تسلمين على المتابعه والحضور وياليت اشوف ملاحظاتك وانتقادك ياغالية

صليت الفجر ونمت بعدها .. صحيت الساعه 2 الظهر ونزلت بعد ماصليت وبدلت ملابسي
حصلت بسام وياسمين جالسين على التلفزيون .. سلمت عليهم وحضنتهم قال بسام : ديمه انا احبك كثير زي ماما .. بس ازعل اذا بتروحين عند مهند
استغربت من كلام بسام قلت له: من قالك اني بروح عند مهند ..؟
: مهند سألني عنك قال تحبها قلت ايوه قال انا باخذها عندي
: مممممممم بروح عنده وبخليكم تجون عندي وأجي عندكم وووووووو ماكنت ادري ايش اقوله وغيرت الموضوع قلت : افطرتوا
: ايوه انا وياسمين صحينا بدري بس أسامه وديمه نوامين مايصحون بدري زينا
: بروح اصحيهم واصحي بابا وماما كمان
مريت على الشغالة قلت جهزي الغدا وطلعت فوق اصحي النايمين .. صحيت ديوم بدلع وأسامه جلست اضحكه وهو نايم واحاول اشيله واسوي اني مااقدر وانو قوي وهذا حلم اسامه انه يصير اقوى انسان بالدنيا .. صحوا وأخذت ديمه معاي ورحت لعند غرفة خالي وهدى .. دقيت الباب وسمعت صوت هدى باين انها صاحية ودخلت ديوم عليهم ورجعت ادري انها بتنط على خالي على طول وتزعجه ناديت على هدى قلت ان الغدا جاهز وانا مرة جيعانه واستناكم تحت ..
نزلت تحت ونزلوا بعدي بشوية كان خالي يشيل ديمه وينططها فوق وهي تضحك جلس بعد ماسلم وجلست هدى بجنبه وانا مقابله لهم
قال : اليوم بيوديك السواق انتي وهدى للسوق ..و التفت لهدى وكمل .. هدى تقول ان مافيه وقت ..
قلت : بنروح بس محتارة ابدا بأيش
تدخلت هدى : انا اقول اليوم نروح ندور على الفستان وأحسن تشترين جاهز لاتفصلين ماعاد يمديك وانت مو فاضيه كل شوي عند الخياطه
:اذا قدرنا نلاقي فستان بسرعه بروح بوتيك ناريمان عندها موديلات قالت لي وحده من البنات وتصاميم عالمية روعه
: اوكي نروح نشوف مو خسرانين شي ..!
خالي وكأنه تذكر شي : الذهب .. انتظروا لاتشترونه الحين .. فادية تقول انها بتختار لك على ذوقها
ضحكت هدى وقالت : الله يعينك ياديمه الحين بتشتري لك من النوع الثقيل قلايد وحزام ليه لأن فادية تقول اهم شي في جهاز العروس الذهب ولازم يكون ثقيل وغالي مو شرط فخم وأنيق وناعم
خالي بكل جدية : وهي صادقه فادية .. بدال ماتحط فلوسها بالخرابيط تحطها بذهب اضمن واحسن
قلت وانا اضحك : خالي صاير تفكيرك مادي .. انا عني ماراح البس ذهب الا اذا كان شي ناعم وخفيف
قال خالي بجدية : حلو اشتري شي ناعم وخفيف واشتري شي ثقيل يمكن تحتاجينه بعدين لاقدر الله ..!
قلت وانا اأشر على عيوني وابتسم : ابشر ياخالي من عيوني الثنتين اللي تبيه يصير .....
تغدينا وجلسنا بالصالة وبعد العصر طلعت مع هدى للسوق مع السواق ... مادرت الا محلين او ثلاثه الا حصلت فستان روعه .. كان ابيض على فضي ناعم وبسيط جاي من فوق على الصدر ضيق وفيه علاقي كريستال من جهة وحدة يوصل للكتف من ورا .. والصدر فيه كريستال لامع وفصوص كبيرة شوي لامعه بقوة .. كان اللون الفضي خيالي .. ومن تحت كان التصميم ناعم بس القماش نفسه فخم وفيه كريستال اخف من اللي بالصدر وطويل من ورا شوية والطرحه كانت اروع شي بالفستان لونها فضي فيها اقراص كريستال دائرية كبيرة شويه ومتباعده عن بعض .. وهي طبقه وحدة من القماش طويلة لأسفل الفستان تتثبت على الراس وتنزل على الراس .. احسني مو قادرة اوصفها لأنها مبهرة بمعنى الكلمه .. بس مااعجبت خالتي فادية في البداية.. تقول كأنها شرشف صلاة مرصع بالكريستال .. بس بعد مالبست الفستان بالبيت والطرحة معاه اعجبها كثير ..!
رحت انا وهدى لبوتيك ناريمان كان خيالي وأخذنا تنانير وبلايز وبناطيل وبديهات بعدها رجعنا للبيت

يوم الجمعه ماقدرت انزل ولا باقي الاسبوع لأني ارجع من الجامعه لأني ارجع اذاكر وأكتب رسالتي اللي كان موضوعها " من المسئول عن اتزان الشخصية "
الاسبوع اللي بعده كانت خالتي عندنا .. طبعاً مايحتاج اقولكم انها وبختني كثير اني مانزلت السوق الا مرة وحده وان باقي لي اشياء كثير .. نزلت معاها الاربعاء واشترينا الذهب والله لايوريكم شالت لي كوم ذهب اربعه اطقم .. وقلاده كبيرة مالها أي داعي بس جاريتها لأن خالي يبغى كذا وحزام .. وكم خاتم على ذوق خالتي وأساور ناعمه وهادية اكثر شي عجبني هي ...!وكم سلسال ناعم كمان
رجعنا للبيت ويوم الخميس ماكنت ابغى اروح لأني طفشت من السوق وخالتي اصرت علي وعصبت وهددتني انها بتكلم خالي وتقول اني مستهترة وماعندي احساس ومو متحمسه لزواجي كأنه زواج بنت الجيران .. !عاد انا مو ناقصة وخالي ناصر من النوع اللي يدلعني صحيح بس اذا زودتها والله ليوريني ..
رحت مع خالتي واشتريت الجزم والشنط بالرغم ان كل اغراضي اللي عندي الحين جديده ومايحتاج اجيب جديد بس خالتي ماعندها عروس لازم كل شي جديد ..!
اشترينا كمان اكسسوارات وعبايات وطرح .. قالت باقي الفساتين واني مااخذت ملابس كفايه بس انا ماعاد فيني امشي بصراحه رجولي تكسرت .. وخالتي انفعلت وقالت
: اجل الله يعينك .. الاسبوع هذا ماني رايحه وراح ننزل كل يوم لأن الامتحانات على الأبواب وحضرتك اعرفك مابتنزلين ايام الاختبارات
قلت باستسلام : خلاص ولا يهمك الاسبوع هذا اكمل بس خلينا نرجع ..!
صرنا ننزل كل يوم اشتريت المكياج والعطورات وكريمات بدي ووجه وكمان اشتريت الملابس الداخلية والبيجامات
رجعنا للبيت قالت خالتي باقي قمصان النوم بنخلي لها يوم كامل صرخت انا : لا والف لا مستحيل والله لو ماادري اش يصير الا قمصان النوم .. .. كلهم استغربوا ... بعدين لحقت على نفسي و قلت : لاتخافون بشتري بس انا ولينا صاحبتي تعرف اماكن حلوة وأشياء ناعمه غير نعومي ..!وابتسمت ثم قلت : بعدين هذي اشياء خاصة لاتحرجوني ..
خالتي كانت شاكة بتصرفاتي وكل شوي تقول انتي موطبيعيه اللي يشوفك يقول انك ماخذة شايب ومغصوبة عليه .. انا بصراحه ضحكت على تعليقها ..وبقلبي اقول لو تدرين وش فيني ياخالتي .. انا فيني هم قد الجبل وانتم فرحانين وتسحبوني من سوق لسوق كأني بروح للجنه اللي تحلم فيها أي بنت وانا في الحقيقه بروح لعناد مهند وتحديه لي وغروره واحتقاره واهانته آآآه بس لوتدرين ياخالتي فادية . . لوتدرين ياهدى اللي متأكدة انك عارفه اني مو متحمسه لاللزواج ولا لمهند نفسه .

حجزت عند المشغل اللي اتعامل معاه واللي سويت مكياج ملكتي فيه ..
رجعت خالتي فادية للطايف .. وكل يوم تتصل فيني وتسألني اذا اشتريت القمصان ولا لا ..؟ وانا كل شوي اقول اليوم بنزل هو كله محل واحد آخذ كم واحد والباقي بعد الزواج ..
كنت اضحك عليهم وأوهمهم ان حياتي مع مهند راح تكون عادية ولا حلوة ...!
رحت عند لمى اللي ولدت وجابت بنت سمتها "ديمه" على اسمي وحاولت اخليها تغيره بس رفضت ومااعطتني فرصة للنقاش لأنها خلاص قررت وزوجها وافق ..
جلست معاها بعد ماعاتبتني لأني ماعدت اكلمها زي اول وانا اعتذرت بتجهيزات الزواج قالت : والله زعلانه منك تحددون الزواج مافكرتي فيني واني في فترة نفاس ..
قلت بتريقه : من قال ان لي دخل بتحديد موعده
فتحت عيونها لمى قالت : كيف مالك دخل مو زواجك
ضحكت وقلت لها : لا حبيبتي هذا زواج مهند وهو الوحيد اللي يقرر ويفرض وخالي يجاريه على كل شي ..
قالت بأسى : بجد ياديمه الله يعينك
: ماعليك لموي احضري تكونين خلصتي اسبوعين وزياده اهم شي تقدرين تتحركين وتمشين وديومه الصغيرونه ماراح يجيها الا العافية ..
: ان شاء الله بحاول احضر
: لا مو تحاولين اذا ماجيتي معاي ماراح اكلمك ..
: لا جد ديمه بإذن الله راح اجي مااتخيل انك تتزوجين ومااكون معاك
: اهم شي احضري لاتسوين ولا شي عاذرتك بس ابغى اشوفك في ليلة زي هذي
: خلاص من عيوني
خرجت من عند لمى على الساعه 8 المغرب واتصلت على روان وقلت اني راح اطلع معاها للسوق ابغى اشتري لي كم فستان وهي ذوقها روعه .. لأني مااشتريت مع خالتي الا ثلاثه وذوق خالتي مايناسبني واذا جيت اشتري شي على ذوقي تقول مايصلح جاريتها والحين ابغى اشتري على ذوقي .. وصلت عندها وخرجنا مع بعض بعد مااتصلت على خالي وقلت له .. وقلت لهدى اني بروح اشتري القمصان... ورحنا انا وروان لأكثر من مجمع واشتريت فساتين مرة رايقه وحلوة .. رجعت للبيت معاي اكياس وخرجت لغرفتي على طول وناديت هدى تجي تشوف الفساتين وقستها وهي عندي : واو ياديمه وربي رووعه اوف لويشوفك مهند بس بالشكل هذا والله لينهبل
: هذا ذوق روان .... غيرت طبعا الموضوع ماابي سيرته ولااتخيل نفسي البس عشانه

مرت اسبوعين الاختبارات كنت اواصل اغلب الأيام لأني مصرة اكمل الدرجات ماحاولت اضيق على نفسي وأفكر بشي راح يأثر على مذاركتي .. الحمد لله عدت على خير وأخيراً انتهت الاختبارات ..
لو اقول لكم انه كل ماخطر على بالي الزواج ولا جات فكرة اني بتزوج مهند قريب احس اني ابغى امسك الوقت لايتحرك ماابغى اليوم يمر وينتهي ويجي يوم ثاني ويقرب موعد الزواج .. صحيح جاريت اللي حولي وهم فرحانين لي بس انا بقلبي شي ثاني ..
خلاص هذا آخر اسبوع لي ببيت خالي وانا ديمه البنت اللي عايشة بعز خالها ودلاله .. اذا جيته بعد الاسبوع هذا راح اجي ضيفه ولفترة معينه وارجع الا في حالة وحده وهي اني انفصل عن مهند وهذا اللي اتوقعه ... !
رجعت للبيت وانا على قد ماني فرحانة اني انتهيت من اختباراتي على قد ماني زعلانه
دخلت الصالة وحصلت خالي ناصر جالس عنده اوراق كثيرة ويكتب شكلها للمدرسة او عقود تابعه لمكتب العقار حقه .. ! سلمت عليه ورد علي وهو مشغول .. ماحبيت اقطع عليه شغله وجيت ابغى اطلع بس ناداني وهو مشغول : ديمه تعالي لاتروحين انتظري لين اخلص ابيك بموضوع .
: حاضر
جلست على الكنبة وانا اقول بقلبي الله يستر .. احترت من خالي اش يبغى .. جا في راسي مليون شي .. الحين راح اعرف كل شي ليه اتعب نفسي ..
كمل خالي اوراقه وخلصها بعد حوالي نص ساعه
قال وهو يحس بارتياح وابتسم لي : هلا ديمتي ها كيفك ..؟ وكيف امتحاناتك ..؟
: الحمد لله بخير وامتحاناتي كلها عال
: الحمد لله .. وين تبغين شهر العسل
: ها ..؟ مو لازم شهر عسل
: لاوالله بكيفك هو ؟ ديمه تراني صبرت على دلعك كثير .. ترى لو غيري كان كسر راسك عشان الدلع هذا
: حتى انت ياخالي ..؟
ناظرني خالي قال : وشو حتى انا ..؟ وش قصدك ..؟
: ولا شي ..؟ طالما مو بكيفي ليه تشاورني
: مهند يقول اسألها وين تبيه
: ماابيه .
فتح عيونه وهو يناظرني وقال بصوت عالي: ايش ... وش فيك انتي تستهبلين ولا خلاص شفتيني ساكت
: اقصد ماابغى شهر عسل برا مو لازم ماشبع سفر وغربه خلنا نقضيه هنا بالسعوديه احسن
حسيت خالي ارتاح لأنه غمض عيونه شوي بعدين قال : والله هذا عين العقل بس انا ابيك تروحين شهر عسل حالك حال بنات الناس انا اقول روحوا كندا وماليزيا ولا اسبانيا ولا فرنسا مافيه احلى من هالدول
: لا لا ياخالي انا ماتهمني الشكليات بالعكس هنا احلى والمفروض هو يستغل اجازته ويقضيها بالبلد مو اول ماياخذ اجازة يرجع يسافر
: هو راضي ماعليك اهم شي انتي
:انا مهمني هنا بجده بمكه برا بأي مكان عادي .. بس ارجع واقول لو مانسافر احسن
: بكيفك بس ليه انا حاس انك منتي مبسوطه
: يعني بطلع من بيتك وتبغاني اصير مبسوطه ...... قلتها ودموعي في عيوني وصوتي مخنوق ..
: هههههههههههه لا تقولين هالكلام محد بيزعل على طلعتك كثري بس هذي الحياة وانتي هنا بجده اذا بغيتي تجين ولا اشتقت لك كل مافي الأمر مشوار مايكلف عشر دقايق
: ليه بيتهم فين ..؟
: بينا وبينهم تقريباً ربع ساعه اذا مافيه زحمه
: ياالله يعني بعيد شويه
: لابعيد ولا شي اجل تبين تسكنين بجنب اهلك
: تصدق خالي ...؟ لوماكنت ماابغى افرق بينه وبين اهله كان قلت نستاجر بنفس حينا ..
: ههههههههههههههههههههههه ماعليك اذا بغيتي تجين تعالي على طول واذا ماقدرتي ولا كان مهند مشغول لايردك الا التلفون دقي علي ونجيك ناخذك ولا نزورك
: الله لايحرمني منك ويخليك لي
: ويسعدك ياديوم واشوف عيالك واربيهم مثل ماربيتك من غير شر على امهم وابوهم
: انت عزي ياخالي وسندي بهالدنيا واذا ربيت عيالي اشهد انهم بيطلعون رجال عساني ماانحرم منك
دخلت علينا هدى قالت : ماشاء الله وش هالكلام الحلو ديوم عطينا شويه ولا خالك مافيه امل ننافسك بكلامه لك ..
ضحك خالي من كلام هدى وقال : عاد انتي ياام بسام محد ماخذ من الكلام الحلو كثرك

قمت وانا اضحك قلت: بروح ابدل ملابسي وارجع اتغدى معاكم ..
: يالله ننتظرك .. قاله خالي وهو يقوم يروح للطاولة اللي حطوا عليها الشغالات الغدا

بدلت ملابسي ولبست قميص قطني لنص الساق وأكمام قصيرة ونزلت .. وتغدينا بعد ماجوا بسام وأسامه وياسمين من عند التلفزيون اللي محطوط لهم بغرفة خاصة تحت ..!



اليوم الأربعاء صحيت الساعه وحده الظهر عشان اشوف درجاتي بالنت .. اووه الحمد لله كل درجاتي روعه اقلها كانت 97 من ميه وهي مادة واحدة الباقيه مادتين 98 ومادة 100 من 100 وومادتين 99 من ميه الحمد لله رضا من ربي ..
ارسلت لخالي درجاتي كلها بأسماء المواد وآخر الرسالة كتبت وش رايك في بنتك..؟ ماقدرت اكلمه وأزعجه لأنه نايم وانا بصراحه ماحبيت اقول لأحد قبله


قمت غسلت وصليت الظهر وأخذت دوش ولبست لأن جدتي بتوصل اليوم هي وخالتي سمر مع خالي ايمن وزوجته .. وخالي محمد موجود بالطايف عشان بيحضر زواجي بس ماراح يجي الا بكره بس هند وغادة بيجون اليوم بالليل لأن عندنا عشا لجدتي اميرة ...
شفت هدى خارجة من قسمهم وهي تبتسم جايتني : مبروك ياديمه مو غريبة عليك ..
:ههههههههههههه عرفتي الله يبارك فيك
: يالله اليوم بتروحين للمشغل
: لا جدتي بتجي خليها بكرة
: مايصير لازم تروحين اليوم يابنت سوي الحمام اليوم احسن ترى المفروض انك مسويته من امس ولا قبله بس انتي كسوله عاد لازم تروحين اليوم
: وجدتي وخالتي وسهى اللي بيجون عشاني
: لاحقة عليهم بعدين هم عارفين انك عروس يالله ديمه تكفين لاتعاندين
: مو مسألة عناد ياهدى بس بجد مو حلوة اترك اهلي اللي بيجون من بعيد
: والله مافيها شي بعدين خالتك هنا بتقابلهم وانا موجوده وهند وغادة خلاص لاتشيلين هم
: اوكي بروح اجل بعد شوي
رحت للصالون وسويت حمام مغربي وبخار وسلمت نفسي ليليان اللي دايماً تنبسط على مكياجي ولا الشغل معاي تقول اني مااتعبها وان بشرتي سهل التعامل معها .. اخيراً صبغت شعري بني فاتح ودخلت معاه خصل صغيرة مرة لونها ثلجي وأكدت على ليليان انها ماتكبر الخصل وفعلاً اتقنت اللي ابغاه طلعت الخصل ناعمه وخفيه وكأنها خيوط ثلجيه ناعمه داخله على اللون البني الفاتح ..
رجعت للبيت على الساعه 9 بالليل واول ماشفت جدتي حضنتها بسرعه وخالتي نفس الشي .. وسلمت على سهى زوجة خالي ايمن اللي اعتبرها زي خالتي سمر
جلسنا مع بعض وهذي مو اول مرة يجون عندنا في بيتنا .. خاصة خالي ايمن اللي يجينا اذا حصل فرصة لأنه في الرياض ويقدر يجي بالسيارة

جلست معاهم الين جات الساعه 4 الفجر وكانت جدتي تعبانه دخلوا غرفة الضيوف وناموا ونامت معاهم غادة لأن فيها اربع سراير وغرفة خالتي فاديه فيها سريرين نامت فيها هند معاها .. انا طلعت لغرفتي وقلبي بدا يدق قربت الساعة اللي ماادري كيف راح تكون بس اللي ادري عنه انها ساعه ماراح اكون فيها مبسوطه .. وكل هاللي سويته مو عشاني فرحانه ولا لأني ابغى مهند يشوفني حلوة .. لا بالعكس انا فكرت في اهلي في اهل مهند اللي مالهم ذنب ان عروس ولدهم ماتهتم ولا تجي بشكل عادي وماتتكلف عشانه .. وفكرت بالناس اللي راح يجون ماابغاهم يتكلمون علينا خاصة انهم يدرون ان مهند دفع مهري 100 الف فما ابغاهم يقولون ان خالي مااعطاني ولا انه قصر معاي ..
حاولت انام ماقدرت .. جلست اتقلب الين الساعه 11 الصباح ارق وتفكير و مهند اللي راح ارتبط فيه وانا اكرهه .. ايوه اكرهه لأنه بإمكانه يطلبني بإسلوب احلى ..بإمكانه يتمكن من قلبي لأنه مو ناقصه شي بس هو ماحاول وشكله مايبغى ..
كنت احلم اني اتزوج انسان مهم في المجتمع .. تكون شخصيته قويه يحسسني بالحنان والأمان ويقدر ديمه اللي انا واثقة انها بنت الكل يحلم فيها .. ماني مغرورة بس انا الحمد لله فيني كل الصفات اللي يتمنونها اغلب الرجال .. ماعدا شغل البيت طبعا وهذا مو عيب اقدر اتعلمه بسهولة والشغاله تكفي .. انا جميلة ،، عاقلة ،، محترمه وخلوقة ،، مثقفة وشهادتي كبيرة ومتفوقه ،، اصل وحسب ونسب وعز الحمد لله
كان النوم قريب مني لأني حسيت بتعب بس دق الجوال وطرد النوم شفته رقم عمتي صالحه
رديت بتعب : هلا والله
: هلا ديمه كيفك يابنتي
: الحمد لله انتي كيفك ياعمه
: بخير من ربي .. ليه صوتك تعبان فيك شي
: لاعمتي بس ماقدرت انام للحين
:ههههههههههههه لاتخافين هذا يصير لأي عروس المهم الحين خذي لك ثلاث ساعات قبل تروحين للصالون حتى مايبين عليك الارهاق الليله
: ان شاء الله .. متى بتجين
: اخوك هو اللي قومني اتصل عليك وبيمشينا الحين يقول بشوفها قبل زحمة الناس
: ياعمر اخته ياعناد كيفه هو ياعمه وكيف عادل وسديم
: هذولي نعمة ربي علي كلهم بخير ياوجه الخير
: الله يسعدك ياعمه ويكتب لك الأجر ويخليك لنا ام حنون وقلبك كبير .
: ويسعدك يابنتي والله لوتدرين انهم مغيرين لي حياتي وعوضوني اللي ربي حرمني منه الحمد لله على كل حال
: ماتدرين عن امهم
: هههههههههههههه ابشرك انخطبت ووافقت وزواجها بالصيف
: شو ..؟ ومن هذا اللي خطبها ..؟
: ولد خالتها مساعد عنده حرميتن وهي الثالثه
: الله يرزقها ليتها تتزوج لاتجيك بكرة تقول هاتي عيالي
: ههههههههههههه والله هذا كلامي ..طيب يمه مااطول عليك نامي زي ماقلت لك والليلة ان شاء الله اشوفك
: على خير يارب سلمي لي على اخواني عندك خاصة عناد
: يوصل ... مع السلامه ..
: بحفظ الله

قفلت من عمتي وحطيت جوالي صامت ونمت .. كان نومي بتعب كل شوي اصحى واذا نمت اتحلم بأحلام مزعجه
صحيت وانا احسني مصدعه ومرهقة وتمنيت اني مانمت هالنومة المزعجه بس يالله اسمه اني نمت ..دقت علي عمتي قالت ان عناد جا مع عمه ياسر وقالت لي ادق عليه عشان اذا ماقابلني راح يزعل .. دقيت على عمي حصلته بالمجلس حقنا ..
كانت الساعه خمسه العصر وجاتني خالتي معصبه تقول يالله للمشغل
قمت بكسل واستحميت ولبست بنطلون جينز وبدي كحلي علاقي وقصير ولبست عبايتي ومريت المجلس سلمت على عناد اللي حضنته وكثير بعدين سلمت على عمي ياسر .. وقلت اني مشغولة قال عناد : اناا بوديك للمشغل مع السواق
قلت له : اوكي يالله نمشي انا جاهزة
ورحت مع عناد اللي ركب ورى معاي عشان اسولف معاه براحتي بدون مايسمعنا السواق
.. جلس يسولف لي طول الطريق عن عمتي وعبدالوهاب وطيبتهم وانه مرتاح نفسياً .. فرحت كثير لكلامه وقعدت اوصيه على نفسه واذكره في كلام ابوي الله يرحمه عنه
وأوصيه على عادل وسديم .. ووعدني انه راح يكون قد المسئولية وانه رجال قد الثقه . وقعد يقول لي عن مغامرتاه في الحي حقهم والمدرسة ودرجاته ..
وصلت للفندق على الساعه سته تقريباً دخلت جناح العروس ومعاي ليليان ..
اما خالتي والبنات راحوا عند الصالون يسوون مكياجهم هناك الا هدى جات معاي وسوت مكياجها قبلي بعدين بدت ليليان في مكياجي على الساعه 8 وطلبت منها تسوي لي تسريحه ناعمه تناسب الفستان وقلت لها ماترفع شعري على فوق لأني مااحب الستايل هذا .. لفت لي شعري على ورى بطريقه روعه وبيد محترفه ودخلت الشعر مع بعض كانت الصبغه بصراحه جناان .. طولت ليليان وهي تشتغل وتخلص مرحلة وتبدا مرحله بالمكياج احس كل هذا ماله داعي بس يالله مكياج العروس عشان مميز ويطول على قولتها .. اخيراً خلصت الساعه الحين 11 وماراح انزف قبل 2 او حتى 3 لبست فستاني اللي طلع مع المكياج والتسريحه روعه ..ولبست الجزمه الفضية اللامعه والعالية شويه... ولبست طقم الالماس معاه والخاتم ..تذكرت شي ... لا لا لا كيف نسيت ... ياويلي نسيت اجيب الدبلة معاي .. ورطه صدق .. اصلاً الدبه مالبستها من ليلة الملكه واذا احد سألني عنها اقول واسعه علي .. الحين اذا جا المفروض يخرج الخاتم من يدي اليسار ويحطه بيدي اليمين .. ياربي اش اقول له .. ماخطر في بالي الخاتم ونسيت شي اسمه دبله ..
دقيت على هدى لأني لو قلت لخالتي بتعصب علي وانا مو ناقصتها .. !
: هلا ديمه خلصتي
: تعالي هدى تكفين محتاجة لك بسرعه
دقيقه وحده بس الا هدى عندي : هلا ديمه خير فيك شي واو ماشاء الله تبارك الله وربي انك اجمل عروس شفتها بحياتي حصنتي نفسك
: ايوه هدى لاتخافين بس انا في ورطه ومحد بيساعدني الا انتي خالتي لو تدري بتعصب علي وتزعل
: شو فيه وقفتي قلبي ؟
: الدبلة نسيتها
: يووووه معقولة انتي
: هدى لاتعاتبين انا قلت لك عشانك ارحم من خالتي تكفين هدى ايش الحل
: مممممممممممم طيب لاتخافين بروح للبيت
: بعيد البيت اخاف يطب الحين علي وانتي ماجيتي
: لا ماعليك بكلم ناصر مايدخله لين اقول له بقوله ماخلصت اوكي ..؟
: اوكي الله يسعدك ياهدى ويخليك .
: يسعدك انتي يالله باخذ عبايتي
اخذت عبايتها اللي كانت حاطتها عندي ودقت على السواق وخرجت من عندي
كل شوي ادق عليها لين وصلت للبيت .. وعلمتها بمكانها وبأية درج ..
دخلت علي لمى وحضنتني وجابت معاها ديومة الصغنونة كنت بموت عليها احسها بنتي .. كانت صغنطوطه نظرها بكل مكان ماتقدر تثبته جلست تبكي وأخذتها امها قالت : ماعليه ديمه نفسي اجلس معاك بس بنتي شكلها بردانه عندك جليد مو تكييف
: اوكي حياتي روحي ومعذورة اهم شي ديومه لاتتعب
: يلا مبروك ويارب يسعدك ويهنيك
: الله كريم
جات منار بنت خالي محمد وامها وهنادي اختها وسلموا علي وكل وحده عبرت باعجابها عني بطريقتها .. قالت منار .: يارب اكون مكان ديمه بعد شهرين ثلاثه ..
ردت امها : بنت استحي على وجهك وش هالكلام
: يمه تعبت من العزوبية بستقر
ضحكنا من منار اللي كانت لابسه فستان كحلي قصير مطلعها رهيبة وتسريحتها كانت روعه .. قلت لها : ماشاء الله عليك منار انتي الليلة قمر
: من جد ديمه يعني اروح استعرض اقول من تخطب ..
:ههههههههههههههههههههههه
راحوا اهل خالي محمد لمن دخلوا علي صاحباتي روان وليلى وندى وزينه ولينا وعفاف سلموا علي وباركوا لي وجلسوا عندي شويه .. كانت روان جايبة معاها معجنات فطاير بالجبنه واللحمة والخضار .. وعصير الربيع حوالي ست علب ضحكت عليها لأنها معبيه شنطة البراء اكل وعصير .. قالت :هذا عشانك عارفه ماراح تاكلين ..
: تصدقين مااكلت شي من البارحه ... اصلاً مافيه وقت من اول ماصحيت وخالتي تقول تأخرتي يادووب بسرعه قمت لبست وجيت هنا
: يالله كلي .. انتي قمر ماشاء الله عليك ياديمه بجد مين قده مهند ياخذ وحده بهذا الجمال وفستانك مرة مرة يجنن .. ولا الطرجة واو عليها ..
تدخلت ليلى : بجد ياديمه فستانك ومكياجك وتسريحتك بالرغم انها ناعمه الا انها موطبيعيه بخلي الكوافيرة حقتك تسوي لاختي مكياجها وشعرها في زواجها ..
: واذا تبين الفستان حلال عليك ههههههههههههههه
: تسلمين حبيبتي فستانك جنان بس اختي امتن منك ماراح يزبط عليها بس باخذه عشان اسوي نفس الموديل
: الله يسعدها ويتمم لها على خير .
كانت خالتي تجي عندي تعدل شي فيني وتروح .. وترجع مع عاملة تجيب لي عصير ولا قهوة وحلا .. ماكنت اقدر آكل شي بس اخذت حبة فطيرة بالجبنه عشان روان وشربت شوية عصير ..
جات جدتي عندي وتصورت معاي وكمان خالتي سمر تصورت معاها هي وجدتي ولوحدنا .. الشبه بيني وبين خالتي سمر كبير سبحان الله ..
اجبرتني جدتي اشرب قهوة وآخذ حبه شكولا ... وعشانها شربت قهوة وأكلت شكولا
الحين الساعه وحده وربع اتصلت هدى قالت انها وصلت الفندق اوف اخيراً
دخلت هدى علي وفيدها العلبة حقت الدبلة اللي كنت حاطتها فيها .. اوه الحمد لله ماصدقت اني شفتها ماادري ليه مهند يخوفني هالقد ... لا لا مايخوفني بس ماابغى مشكله او انه يمسك علي شي من اول ليله

قمت شيكت على نفسي كنت واو الحمد لله وجوا البنات خالتي فادية وهند وغاده وهدى تصورنا مع بعض وأكثر وحدة تصورت معاها هدى .. وجو اهله وتصوروا معاي لوحدي
جات اللحظة الحرجة ...!
اتصل خالي قال انه جاي مع مهند وماجد وسامي وياسر وعناد
قبضني قلبي لمن سمعت سيرته وانه بيدخل الحين عندي قلت عشان ابرر لهدى توتري : اوف كل هذولا ..؟
: تكفين ديمه لاتنغصين على ناصر طلبتك لاتبكين اذا شفتي مهند .. انا حاسة انك ماترتاحين له وتتضايقين منه بس ناصر لايحس ماتدرين قد ايش يشيل همك .. طلبتك ديمه خلي ناصر الليلة يكون مبسوط وفرحان .. ترى ليلة الملكة بغى يموت عشانك ..!
: ياقلبي ياخالي .. خلاص هدى لاتشيلين هم... بعدين الله يخليك لاتقولين اللي قلتيه لي عن احساسك لاحد طلبتك هدى..
:لاتخافين ماعمري قلته الا لك كله عشان مايتضايق ناصر
: ماراح يتضايق لاتخافين
اخذت نفس عميق وهدى راحت تلبس عبايتها وطلعت وانا احسني بديت ارتجف وأحس بيغمى علي خلاص
حاولت اصير قوية اذا مو عشاني عشان اخوالي وعناد وعمي ياسر
دخل خالي اول واحد وسلم علي قال : ماشاء الله تبارك الله وش هالزين اضمن ان مهند الليلة بيطيح ومحد مسمي عليه .. مبروك ياديوم والله انه اسعد يوم بحياتي يوم شفتك عروس ...
قلت له بسرعه: استنى خالي لايدخل لين اتصور انا وياك لوحدنا
اوكي يالله وزبط نفسه وصورتنا المصورة صورتين .. بعدين راح ينادي مهند والباقين
.... دخل على طول وانا ماالتفت له ولا رفعت راسي من الأرض
جا يمشي لين وقف بجنبي قال : السلام عليكم
:..............
: كيف الدلوعه
قلت بقلبي دلوعه بعينك ومارديت عليه :...................
جو اخوالي وعمي وراه سلموا على راسي وباركوا لي بعدين جا عناد بعدهم وسلم علي وأخذ يدي قال : اسمع يامهند ديمه بنت عز .. عزها وولاتذلها تراني وصيتك .. ضحكوا اخوالي على تهديد عنااد قال خالي : كفو سند ديمه ... والله انك رجال ولد رجال .. اجل مايحتاج اوصي على ديمه دام عناد فيه الله يستر عليه ..
جا صوت مهند المختلف عن اصوات اخوالي وعمي احس فيه نبرة غريبه ارتجفت لمن سمعته : ابشر ياعمي عناد ديمه بعيوني .
ماتكلمت انا ومارفعت راسي ولا ادري كيف شكل مهند اللي اعرفه انه لابس بشت اسود لأني اشوفه من تحت ... قال خالي خل هذي تصورنا بنطلع يالله نخلي الرجال يتصور مع زوجته بهدوء تصورنا كلنا .. وانا بأمر من المصورة رفعت راسي .. قال خالي سامي انا بتصور معاها لوحدي ولو سمحتوا وخروا .. ضحكوا منه وجا خالي سامي مكان مهند وحسيت براحه وأمان ودفى قبل شوي كنت بموت من البرد بس لمن جا خالي سامي دفيت .. صورتنا بعدين جا خالي ماجد وتصورنا لوحدنا .. بعدين جا عنااد .. وعمي ياسر قال : انا مااتصور الا ومهند يكون معنا صديقي وهضمتوا حقه هنا وابي افزع معاه .. طبعاً يمزح وجا وتصور معاي .. وهم يضحكون كلهم ... احسهم كلهم مبسوطين الا انا .. ويمكن مهند .
خرجهم خالي وراح وراهم وسكر الباب .. ودخلت امه واخواته على طول ومعاهن حريم شفتهن يسلمن عليه وسلمن علي وباركن لي وانا رديت عليهم وابتسمت لهن بس كان يضايقني كل شوي يناظر فيني ... تصورن كلهن معانا ثلاث صور بعدين تصورنا مع امه واخواته .. ونادى امه قال : تعالي هنا بالوسط بنتصور معاك لوحدك .... تصورت معانا بعدين خرجوا كلهم ... وبقيت انا وياه والمصورة اللي قعدت تامرني ارفعي راسك واطلعي فيني .. وقربي منه لاتبعدين بليز .. ياعريس قرب غصب عنها .. حط ايدك على خصرها .. اطلع بعيونها ... ديمه بليز اطلعي بعيونه
ماقدرت .. وهي تامرني وكأنها طفشت مني وأخيراً قررت ارفع راسي بس بسرعه غمضت عيوني ماابغى اشوف وجهه .. ومستحيه ومقهورة من كلام المصورة . بليز اطلعي فيه ماتغمضي عيونك
فتحت عيوني كان يناظر فيني بتأمل .. يطالع بعيوني رجعت غمضت مااقدر .. اصلاً عيونه مو طبيعيه واسعه وصافيه ورموشه كثيفه وحواجبه كثيفه وطويله حسيت مر علي ساعتين ثلاث وانا متوترة بشكل فظيع وكارهه نظراته لي ماقدرت افسرها .. هل هي تنفيذ لأوامر المصورة بإتقان .. ولا يتأملني معجب ولا يفكر كيف ينتقم مني ولا كيف يربيني .. ولا نشوة انتصار علي ...ولا بس يبغى يقهرني ويغيضني .. ارتحت لمن قالت المصورة صورتين وخلاص .. خذ ايدها قربها من فمك .. اخذ يدي وانا ارتجف .. قربها من فمه .. يالله هلا بوسها .. لعنت الساعه اللي جات فيها المصورة طيب شغلها عندي . باس يدي وانا اناظر فيه مقهورة بس مااقدر اتكلم رفع عيونه وناظر في عيوني ونزلت نظري للأرض .. كان زي الريموت كنترول هي تقول سو كذا ويسوي كأنه مستانس بحرق اعصابي ...املت عليه اوامر ولف يده على خصري وأحسه يشدني ناحيته كنت بصرخ وسمعت المصورة تقول واو هيك بيجنن ديمه حطي راسك عصدره حطيته وانا رافضة حركاتي كلها بس عشان الصورة تطلع حلوة وعشان مااخلي المصورة تعصب علي لأني في وضع زي هذا مااقدر اسكتها ...... تنفست بعمق احاول اهدي نفسي .. قالت هلا بدكن تخرجوا من هون تئصوا الكيكة احنا راح نصور فيديو هلا انتبهوا لكل حركه ديمه خليك بنت مطيعه ماتعندي عيونك بتئول انو مو عاجبك الوضع .. قرب مني وحط فمه عند اذني قال :خليك مطيعه لاتعاندين سمعتي ..؟ اتركي الدلع عنك
مارديت عليه ولا كلمته ...
كان ماسك يدي بقوة وانا امشي معاه بعدين قالت المصورة لا مش هيك وجات لفت يدي على ذراعه .. احسني قربت منه كثير وريحة عطره قوية بشكل مو طبيعي بس حتى لو حسيت برجولته ولا لفت نظري هذا مهند اللي اهانني ونافخ علي وكلمني باسلوب بايخ ..لايمكن اسمح لنفسي اني اعجب بواحد مثل هذا ..ولا افكر مجرد تفكير .. قلعته ارضيت خالي ومااهنته قدام الرجال .. وهو راح اعتبر وجوده زي قلته ..
مشيت اكمل التمثيليه السخيفه .. قصينا الكيكة والبنات يصيحن تحت لمن شافونا من فوق اكلني بالشوكه وأكلت قطعه صغيرة وانا اكلته.. شربني عصير وهو ماشال عيونه من علي ... أتقنت الدور وانا اشربه العصير .. بعدين نزلنا تحت ورموا الورد علينا وجات قصيدة الزفه فيني انا وياه وكانت الموسيقى روعه مشينا لحد ماوصلنا الكوشة اللي منسقتها هدى وخالتي متماشيه مع فستاني .. وكانت بجد روعه .. قبل مانجلس قربنا من بعض ... كل هذا بأوامر المصورة طبعا ...طلع دبلتي حطها بيدي اليسار وانا احسه ربطني فيها خلاص ،، غير حياتي بهذي الدبلة للأبد ،، من لبستها وانا اسمي ديمه زوجة مهند ... مو ديمه بنت عبدالله وبنت خالها ناصر .. خرجت دبلته ودخلتها بيده اليسار وهالمرة عشان الناس هنا دخلتها كلها وانا ابتسم ..
جلسنا على الكوشة وسمعنا مشغلة الدي جي اللي جبناها عشان اغاني الزفة فقط .. تقول اغنية اهداء من ناصر ابو بسام .. خال ديمه لها
وجا صوت الجسمي لا لا تضايقون الترف لاتضايقونه .. حسيت بدموعي بتنزل والله قلبي عورني على خالي ياربي كيف بتركه ... ولا هو ادري ان خالي مايقدر يجلس في بيته بدوني يارب ارحمني ماابغى ابكي .. مسك مهند يدي وضغط عليها وقرب مني قال : لاتبكين ... فكينا من الدموع .. وخليك قوية .. سكت وانا مقهورة منه كان نفسي اسحب يدي اروح اهرب منه للأبد بس ماتكلمت .. جو اخواته وامه وحريم كبار شويه من قرايبه يرقصون عندنا .. بعدين قام مهند وخرج وخلاني عشان اهلي يسلمون علي .. سلمن البنات علي مرة ثانية وباركن لي ورقصن عندي ماطولت الا جات هدى قالت خالك يقول تطلع خلاص الساعه قربت على اربع ...
. شو ..؟ اطلع يعني شو اطلع ياربي مو قادرة استوعب اني بروح مع هذا الآدمي
اخذتني خالتي كانت لابسه عبايتها وجات جدتي اللي اصرت تسلم على مهند وتوصيه علي .. وهدى كانت معاي وانا امشي معاهم اصلاً فستاني مو كبير حتى يضايقني صحيح طويل من ورى بس اقدر اتحرك براحتي .. كنت امشي بشويش عشان طقوس العروس فقط .. وصلت بوابة القاعه ولبست عبايتي وطرحتي ولفيتها على شعري واحنا اساساً حاجزين بنفس الفندق بس لازم اخرج مع البوابه بعبايتي وندخل مع مدخل الفندق الرئيسي بالسيارة ..
كانوا اخوالي وعناد عند الباب .. وانا ماقدرت امسك دموعي كنت ابكي وانا اتذكر كلام هدى حاولت امسك نفسي .. ومااخلي خالي ينتبه لي وغطيت وجهي بطرحتي .. وسلم علي خالي وحط يدي بيد مهند قال : قلبي اللي بين اضلاعي امانتك ..
: لاتوصي ياابو بسام بعيوني الثنتين
جات جدتي وكانت بس متحجبة وسلمت على مهند اللي استغرب قال هذي اش تبغى ماكان يدري انه جدتي يحسبها من الموظفات حقات القاعه .. قهرني بكلمته هذا ماعنده اسلوب ..
.. قال خالي : هذي ام ايمن جدة ديمه
: اووه هلا هلا ام ايمن كيف الحال .. الحمد لله على السلامه
: اهلين ياابني .. بدي وصيك على ديمه .. ديمه امانتك .. بدياك تخليها بعيونك .. ياابني ديمه درة حافظ عليها ..
: لاتوصين حريص ياام ايمن ابشري ديمه بعيوني
يالله مع السلامه ..
سمعت خالي يقول : نوصلك ...؟ . قال :لا مشكور ورجاءً رجاءً لاحد يدق علينا يزعجنا . بنتكم في الحفظ والصون لاتخافون ..
ضحك خالي وراح وانا خلاص راح قلبي معاه ونزلت دموعي غصب ..
سكتنا خلال الدقيقتين اللي وصلنا فيها للفندق ووقفنا السيارة بمكان مناسب شفته ينزل وجا عندي وفتح الباب نزلت وانا مقهورة ومكسورة .. ودخل قدامي وانا امشي وراه لحد ماوصلنا الجناح .. فتح وانتظرني لحد ماوصلت وانا اصلاً كنت متعمده امشي بشويش خلاني ادخل قبله وكان حاط بشته على يده دخل ورماه على الكنب اللي بالصاله ونزل شماغه جلس على الكنب وانا عديت من عنده ودخلت الغرفه .. نزلت عبايتي وشفت وجهي بالمراية كانت عيوني باين عليها البكا اخذت منديل ومسحت الدموع وجلست ازبط شكلي .. هذا فين راح قلعته ليه اسأل عنه ..
نزلت الطرحة حقتي .. وجيت بنزل الفستان الا طل مع الباب قال : بدلي ملابسك وتعالي نتعشى
: مو مشتهيه
: لا بتتعشين وتتركين الدلع عنك .. ولو سمحتي اذا قلت لك شي قولي طيب واسمعي الكلام ..
تنهدت وقلت : ممكن تسكر الباب ..
رجع وسكر الباب وانا رحت للحمام وأخذت شور على اقل من مهلي احسني ابغى اغيظه .. خرجت بعد مالبست بيجامه لونها زهري كم طويل ومحدد بسماوي .. وبنطلون طويل ومدده اطرافه بسماوي .. جففت شعري وحطيت كريم علي وانا احسني اتحرك بهدوء ولاكأن عندي احد او قال لي شي اصلاً ..
دخل علي بعد مادق الباب قال : ساعه استنى
: قلت لك مو مشتهية ليه تستنى
: ديمة واللي يرحم ابوك تراني تعبان مااشوف لارتفعين ضغطي بحركاتك الطفولية اللي مالها داعي .
مارديت عليه مو يقولون الحقران يقطع المصران ..؟
رحت للسرير ابغى انام وجا لين مسكني بيدي قال : لمن اكلمك مو تطنشين فاهمه ..؟
: ممكن تخلي اليوم يعدي على خير ..؟
: اووووف .. اللهم طولك ياروح
وطلع من عندي وانا لبست شرشف الصلاة حقي وصليت الفجر .. ورحت للسرير دخلت تحت الغطا لأني بردانه وحسيت جسمي متكسر من التعب وقلة النوم .. دقايق بس ونمت ...
صحيت على الساعه تسعه الصباح وقشعر جسمي لمن شفته متمدد بجنبي مو متغطي وكان بثوبه مانزله وفاتح الأزارير باين انه تعبان .. ماادري فين راح هو خرج ولا لا .. ولا ادري متى نام ولا حتى حسيت فيه
قمت بشويش ورحت للصالة جلست فيها ومددت على الكنبة ونمت .. صحيت على صوته وهو يقول : ديمه قومي كل هذا ماتبين قربي قومي صلي ويالله بطلب غدا عجلي
صحيت وانا قرفانه منه مايعرف يتكلم الا بأمر . الله يعيني عليه كيف بتحمله باسلوبه هذا ..
تنهدت بقوة وقمت جلست كنت مغمضة عيوني وحاطة يدي عشان مايشوفني وانا مغمضة اخاف بعد يقول هبلة ولا شي .... من يوم ماسويت العملية ماصرت افتح عيوني بسرعه لازم استنى دقايق بعدين افتح ..


دق جوالي شفته خالي رديت عليه وانا يادوب فتحت عيوني وصوتي نايم : هلا خالي
: هلا بالعروس ..صباحية مباركة .. كيفك وكيف مهند معاك ..
: الله يبارك فيك كلنا بخير
:هو عندك الحين ..؟
: ايوه ليه ..؟ ......... خفت لايكون البارحه خرج وشافه خالي الله يستر
: ادق على جواله مايرد عطيني اياه ..
: حاضر لحظة بس
مديت جوالي عليه وكلمه وفهمت ان خالي يبارك له ويسأله عني قال اني بخير ومبسوطه ...
لاوالله شايفني مبسوطة ..؟
قمت رحت توضيت وصليت الظهر وهو دخل الحمام سمعت صوت الدوش شكله ياخذ له شاور وخرج وهو لابس بيجامه .. وجا للصاله وانا لسه بالبيجامه ماراح ابدل ولا راح البس عشانه .. كنت لامه شعري بشباصة وماحطيت مكياج ولا سويت شي .. ماابغى احسسه اني عروس .. خله يعرف اني ماابغاه وطفشانه منه وأكرهه هو وأسلوبه وشوفة نفسه
.. طلب الغدا وبعد شوي راح يفتح باب الجناح بعد مادخلت الغرفه وسكرت الباب وشويه ناداني قال : الغدا برا ولاتبين عزيمه
اوف ياربي فيه احد يكلم عروسه بالطريقه هذي
قمت ماابغى مشاكل بس مريت المرايه وفتحت شعري وابتسمت لنفسي شعري مغري وهو كثيف وناعم وطويل لأسفل ظهري خليته مفتوح وجيت جلست مقابله له احسه ناظر فيني لاشعورياً . وبلع ريقه ثم قال : اذا تغدينا بنروح لاهلي واهلك بعدها نمشي رحلتنا الساعه عشرة بالليل
: فين ..؟
: فرنسا عشرة ايام ونكمل باقي الشهر في ايطاليا ..
: لازم نسافر ..؟
: ايوه لازم ورجاءً لاتطلعين لي بقرار ولا تحاولين تفرضين رأيك بأي شي ..!
: ممكن ماتكلمني بهذي الطريقه
: مااعرف ادلع انا وماعليه تعودي على الاسلوب هذا لأني مااحب الدلع ..
قمت من على الأكل وانا لسه مااكلت دخلت الغرفة وانا ابكي ياربي هو ليه يسوي كذا .. انا اش سويت له .. ايوه صح نسيت اني رفضته ونسيت اني قلت قلبي مليان وهو ماله مكان فيه .. ونسيت اني رفضت عزيمته واحنا بأمريكا وقلت اني اكرهه .. ياربي اش هالحظ .. بكيت من قلب طلعت دموع البارحه وأمس وقبل اسبوع اللي كنت اكبتها عشان مااحزن خالي علي وهدى وخالتي وكل الناس اللي تحبني ...
دخل علي ولمن شافني ابكي وقف شويه بعدين رجع وسكر الباب ...
ياعالم انا والله ماني دلوعه بس الاسلوب هذا ماتعودته ... ومافيه عروس بالدنيا يعاملها زوجها بالشكل هذا .. المفروض يراعي اني عروس وتاركة بيت اهلي واني اهم شي مجبورة عليه .. وهو اللي اجبرني ..
جلست ابكي يمكن ساعه بعدين قمت اخذت شور سريع وخرجت البس بعد ماصليت العصر على اساس بنطلع لأهله واهلي .. لبست تنورة موف قصيرة وبلوزة وردي وداخل معاها الموف .. بأكمام قصيرة مرة وواسعه وجاي مطاط على وسطي وفيها اكسسوار اسود على الصدر والأكمام ولبست جزمه لونها وردي بخيوط تتربط على الساق .. لبست حلق موف ووردي وحطيت مكياج ثقيل شوي حطيت بودرة وبلاشر وردي وكحلت عيوني من جوا بقلم اسود .. وشادو موف ومسكرة وحددت حواجبي بعدين حطيت قلوس موف ... وفتحت شعري وبخيت عطر وخرجت من الغرفه بشوفه فين ..
الساعه قربت على خمسه متى نروح لاهله بعدين اهلي بعدين لازم نروح للمطار بدري .. ياالله على بروده ...شفته متمدد على الكنب ومغطي وجهه بذراعه وقفت عنده شوي بعدين رجعت .. ناداني والتفت له قال :بغيتي شي
: ماقلت بنروح لاهلك واهلي
: لا خلاص كنسلنا .. وهو لسه مارفع يده عن وجهه
شو كنسلنا صاحي هذا .. ؟
سألته بخوف وتردد: ليه ..؟
: كذا غيرت رايي .. ولا عندك اعتراض كالعاده ..!
بصراحة حنيت عليه .. اجل كنسل الرحلة عشاني .. نسيت كلامه لي وقلت خلني اتجرأ واكلمه اذا مو عشانه عشاني وعشان صورتنا قدام الناس .. بلعت ريقي ثلاث مرات احس حلق نشف من الخوف قلت : احم احم .. مم ممكن نتكلم ..؟
رفع يده عن وجهه وطلعني بنص عين قال : نعم تكلمي
: ط ط طيب لاتعصب
قام جلس قال : وش بغيتي ياديمه تكلمي مو ناقصك انا
: ليه فيك شي
: ايه فيني هم الدنيا ..
طالعته بقلق وخوف ... خفت ان صاير مصيبة : صاير شي ؟ اهلك فيهم شي ؟ اهلي فيهم شي ؟
: وهذا اللي همك الناس ..؟ همي انتي ياديمه فاهمه ولا لا ..؟ انا من يوم خطبتك تورطت لاتحسبيني لمن كنت ابي اكلمك وادورك حبا فيك .. لا ياديمه انا كنت ابغى شي يريحني ويطمني ويهدي بالي ابي الاقي فيك شي واحد مايخليني اندم اني تزوجتك ..
لفت الارض فيني لاااا مو معقول اللي اسمعه بس تشجعت .. ماادري فرحت انه قال كذا .. يمكن لو قال انه يحبني ويموت علي زعلت .. لأني مااحبه ومااقدر اعيش معاه ..
غمضت عيوني بقوة ادور على كلام ارد فيه عليه ... قلت وانا احسني بطيح على وجهي : انت اللي جنيت على نفسك ومحد اجبرك على الزواج مني بالعكس اجبرتني واجبرت خالي عليه ووو .............. انتهى الكلام ماعندي كلاام خلاص .
رجعت للغرفه وانا خطواتي مو قادرة اسيطر عليها .. جلست على الكنبة اللي بالغرفه ودق جوالي كان خالي ماجد سلم علي وبارك لي وسألني مبسوطه ولا لا قلت له الحمد لله مبسوطه .. بعدين قال عطيني مهند .. رحت بسرعه عند مهند وقلت بصوت واطي : خالي ماجد بيكلمك .. وفز بسرعه وسلم عليه حسيت ان مهند يكلم خالي ماجد رسمي واحترام اكثر من اخوالي ناصر وسامي اللي يمون عليهم ويمونون عليه ..سمعته يقول ابشر ابشر طال عمرك ديمه بعيوني لاتوصي حريص .... بعدما قالها .. رجعت للغرفه وانا اقول بنفسي ابشر طل ماتدري ياخالي كيف اسلوبه وكأني مسوية له شي ... ماتدري عن اللي قاله لي ..
لحقني واعطاني الجوال ووقف يناظر فيني احسه تجمد لحظات بعدين انتبه لنفسه حسيته مرتبك وعلى طول رجع ودخل الحمام ....اول ماخرج أخذ ثوبه للصاله ورجع وهو لابس ثوبه وأخذ شماغه وعقاله ولبسها على بالي انا بنروح لاهله وفكرت اقول البس عبايتي بعدين قلت لا اذا قال لي لبستها يمكن فعلاً كنسل وماابغى احرج نفسي قدامه .
وفعلاً لبس وتعطر وخرج من دون مايعبرني ..قلعته ماابغاه يعبرني ولا ابغاه يقابلني ماهمني بس والله لاوريك يامهند
اتصلت علي لمى اول ماخرج وسلمت وباركت لي قالت : ها كيف اكيد بعد ماشافك البارحه انقلب وصار يتمنى رضاك
:ههههههههههههههههههه ضحكتيني ياام ديمه
: ليه
: تصدقين مااعطاني كلمه حلوة للحين بس ينافخ ويتأمر علي وابشرك يقول انه ندمان انه تزوجني .. والحين لبس وتشيك وخرج وتركني
شهقت لمى وقالت : والله تتكلمين جد
: اجل امزح .. والله اكلمك جد
: هذا معقد ولا فيه شي .. الله ياخذه كلمي خالك لاعاد تسكتين عليه ..
: لا ماراح اكلم خالي اموري احلها بنفسي .. خليه براحته
:طيب ديوم حاولي تتكلمين معاه باسلوب حلو وتفاهمي معاه حرام تفرطون بأيام زي هذي والمشكلة مافيه سبب مقنع انه يخليكم تتعاملون مع بعض كذا
: مستحييل والله لو تشب حياتنا حريقه ماجيت اترجاه لأني ببساطة ماغلطت عليه ويحمد ربه اني متحملته وماقلت لأخوالي عن اسلوبه والا والله مايخلوني اجلس عنده دقيقه وحده .
: طيب وش بتسوين قدام الناس خاصة انك بتسكنين عند اهله
: يفرجها ربك واذا احد بيلاحظ شي بيلاحظ عليه اسلوبه انا محترمته وهو كل شوي يحذف على كلمه
: الله يوفقك ديوم ويسعدك
: وياك لمى
: يالله مع السلامه بنتي ازعجتني تبكي .... اذا حسيتي نفسك تبغين تتكلمين مع احد اتصلي اوكي
: اكيد انتي اقرب الناس لي الله لايحرمني منك ... يالله بوسي لي ديوم
: اوكي .. يالله باي
: باي الله معاك


جلست على التفزيون شوية بعدين رجعت شلت مكياجي بالكريم ولبست بيجامه لونها ابيض قميص بأزارير وكم طويل واسع وبنطلون حرير ناعم ووسيع شوية .. !
كان شعري مفتوح ورحت جلست على التلفزيون و ماحسيت بنفسي الا لمن صحيت على صوت مهند اللي كان يناديني بهدوء : ديمه قومي تعشي مااكلتي شي من امس .
صحيت وانا بجد ميته من الجوع مااكلت بعد حبة الفطيرة اللي اكلتها البارحة الا حبة شكولا غصبتني عليها جدتي .. وللحين مادخلت في معدتي شي ..
قال : مرة ثانية ديمه اصحي
: خلاص انا صاحيه
: صاحية
جلست وحطيت يدي على عيوني وقلت : الحين افتحها صاحيه انا خلاص ....!
فتحت عيوني بعد شوي مالقيته عندي ... بس رجع لابس بيجامته .. مهند طويل لونه ابيض بس مقارنه معاي انا ابيض منه بكثير ..... جسمه يجنن اكتافه عريضة ويميل للنحافة بس باين ان عنده عضلات ... شنبه خفيف وماعنده لحية وشعره ناعم وأسود طويل شوي ومرجعه كله على ورى بصراحه شكله يجنن
سمعت الباب يدق قام يفتح وانا رحت للحمام اغسل ورجعت لقيت العشا وصل
جلس قدامي يناظر فيني قلت : اتعشى لوحدي
: ايه تعشيت انا برا
سكت بعدين قال : حسبتك بتقولين ليه تروح وتتركني وانا عروس بس شكلك منتي مهتمه
: مو من حقي اتحكم فيك انت انسان فاهم مو محتاج اقولك المفروض تسوي وماتسوي
: اها يعني لو اروح اسهر كل ليلة برا على كيفي ماتعترضين
: بصفتي شو ..؟
: مممممم بصفتك زوجة ..؟
: زوجة ..؟
: ليه عندك اعتراض ..؟
: هههههههههههه لا ماعندي اعتراض بالعكس زوجة وعروس كمان ..!
: وش قصدك ..؟
: مااقصد شي بس خلنا نتعشا ترى كملت 48 ساعه مااكلت شي ..
:مامنعتك لاتتعشين .. تعشي بس قولي لي قصدك اول
: سبحان الله انت الحين دايماً كذا
: شلون كذا ..؟
: ماادري غريب
: وش لاحظتي علي يااستاذه ديمه
: والله طريقة خطبتك لي اقصد طلبك لي .. وتزوجتني وانت عارف اني موافقه غصب عشان خالي .. و.. ولا بلاش خلني اتعشى لايكبر الموضوع وتنسد نفسي ثم اموت من الجوع
: تكلمي لاتسكتين
: اش رايك بعد مانتعشى
: سولفي وانتي تاكلين انا انسان مافيني صبر
: الحين كلامنا هذا وش راح نستفيد منه
: يمكن نستفيد
: لا ماراح نستفيد ولا راح يغير شي
كانت الشوكة بيدي ابغى آكل بس اشغلني
: اللي انا ابغى اعرفه بس شي واحد
: اللي هو ..؟
: انتي ليه دلوعه ومغرورة ..
: شايفني كذا
رجع ظهره على الكرسي قال : وغرور ماله داعي بصراحه
طالعته بلا مبالاة وقلت وانا اصد عن وجهه وعيونه : الله يعينك ياتتحملني ياتتركني وترتاح
: ههههههههههههههههههههههههههههههههههههههههه هذا اللي تبينه اتركك لكن عشم ابليس ياديمه .. بعدين مااقدر بصراحه اترك زوجتي عشان تتزوج حبيب القلب .. تحسبيني اهبل ومو حاس انك تحبين .. تلاقينك الحين لمن خرجت دقيتيها سوالف معاه وماصدقتي على الله اني اطلع ..
فتحت عيوني وعقدت حواجبي مو مستوعبه هذا اش يقول .. صاحي ولا شارب شي
سحبت نفسي من الكرسي وقمت وانا ارتجف رحت للحمام احسني ابغى استفرغ مو قادرة اسند طولي وكلامه يجيب لي الغثيان ..
وصلت الحمام وحاولت استفرغ بس مافي معدتي شي .. رجعت والغرفة تلف فيني وطحت على الأرض قبل اوصل للسرير ..

صحيت وانا على السرير وهو جالس بجنبي وحاط راسه بين يدينه وكأنه يفكر دق جوالي وتحركت بشوف مين بس كان اسرع مني واخذ الجوال حطه صامت
بعدين رن مرة ثانية ووراني الرقم كان توأم روحي .. اخذته منه وانا موطايقته ورديت بصوت مخنوق وتعبان وقرفان : الو ..
خطف الجوال مني وحطه على اذنه بس ماتكلم .. ورجعه لي
ناظرته باستحقار وحطيت الجوال على اذني ..
: الو ديمه .. ديمه وش فيك ..؟
: هلا والله لمى .. سوري طاح الجوال من يدي .
: المهم كيفك ..؟
: الحمد لله
: انتي نايمه
: ايوه
: طيب اذا صحيتي كلميني
: اوكي ادق عليك بعد شوي
: باي
:باي

كان جالس بجنبي ورجعت لي ذكرى كلامه ... جيت بتحرك واقوم للحمام احسني دايخه مافيني اتحرك ... بس مسكني بيدي بحنان : قومي افطري الساعه 9 الصباح وانتي اغمي عليك من الجوع ووووووووو كان مرتبك كثير .. حط يده جبينه ورجع دخلها في شعره قال : ديمه انا آسف .. انا واحد وقح .. انا غبي ماعندي اسلوب .. ديمه خلاااص
صديت عنه وانا احس بغثيان وقرف منه ومن كلامه امس قاطعته وقلت : لو سمحت بعد عني ..
رن جوالي مرة ثانية وكان خالي ياربي اش مصحيهم مع الصباح .. ولا هذا خالي دايما يعرف ان فيني شي من احساسه ..
رديت بضعف وألوو ترتجف ..
قال : هلا ديمه وينكم ..؟
حطيت التقلون على اذني الثانية احسني مااسمع زين من الضعف والدوخه ورديت : في الفندق
: وش اللي في الفندق
طالعت بمهند وصديت قلت : وين نروح اجل
: مو المفروض مسافرين من البارح
ارتبكت من سؤال خالي الحين بيتأكد من احساسه ويدري ان فيني شي وحطيت اصبعي بفمي ياربي شو اقول .. تشجعت وقلت : المفروض بس كنسلنا
: ليه كنسلتوا لايكون رفضتي ياديمه ..
بلعت ريقي : ها ..؟ لا ياخالي اتفقنا نقضي شهر العسل هنا
: عطيني زوجك
مديت الجوال على مهند وصديت عنه
سمعته يقول : هلا والله ابو بسام .................... بخير الله يسلمك انت وش اخبارك .............. لا بنت اختك لعبت على عقلي اللي تبيه يصير وانا اللي كنت الومك يوم تلبي لها اللي تبي اثريها ساحرتك مثل ماسحرتني ..................... هههههههههههههههههههه طيب لاتزعجونا رجاءً وتكفى طلبتك لاتخلي احد يدق على ديمه ياخي زوجتي ذبحتوني عليها جوالها مايطفي ............... هههههههههههههههه ... يالله مع السلامه


حاولت اقوم اروح للحمام وجا بيمسكني بس بعدت يده عني وانتبهت ان كفي عليها بلاستر عرفت انه اعطاني ابره لمن اغمي علي .... رحت للحمام وتوضيت وجيت اصلي الفجر صليت وانا احس برعشة وضعف .. كنت جالسه على السجادة وجا جلس بجنبي
: ديمه قولي شي لاتسكتين ..
شلت شرشفي من على راسي وصديت عنه وقلت : الله يخليك انا الحين احس اني تعبانه مالي خلقك ..
: طيب بنفطر هنا ونتغدى برا
: لا
: كذا بتموتين من الجوع
طالعته وقلت وانا مخنووقه احسني راح ابكي : احسن لي وأحسن لك اموت
طالع فيني وغمض عيونه بقوه وتأوه من اعماقه ..حسيتها من قلبه: آآآآآآآه .... قام وطلب لي فطور وبعد ماجا الفطور دخل ينام لأنه باين عليه انه مواصل
افطرت وشربت عصير ... بعد شوي حسيت معدتي بتقلب علي ورحت بسرعه للحمام ... استفرغت وغسلت وجهي .. رفعت راسي وطالعت المرايه لقيته واقف وراي قال : طبيعي تستفرغين لأن معدتك كانت فارغه ..
ماكلمته ورحت للصاله وهو جلس بالغرفه مالحقني يمكن بيرجع ينام .. وانا رجعت آكل غصب .... بعد نص ساعه تقريبا حمدت ربي لأني حسيت الحياة رجعت لي ....
شغلت التلفزيون وحطيت قناة الام بي سي ماادري وش فيها بالضبط ولا كنت معاها ..ماقدرت اهرب منه .. التفكير فيه هلكني .. لوبيدي هربت من مهند وكلامه وتعامله معاي .. وشكله .. وصوته اذا عصب ولا اذا روق ولا اذا حسيت فيه بحنان زي قبل شوي .. خلاص احسه محاصرني وانا المسكينه اللي ماعندها قدرة على أي مقاومة .. وماقدامها الا الاستسلام وانتظار الحكم ..! والفرج بيد الله ..
بعدين دقيت على لمى اللي لاحظت ان صوتي تعبان واعتذرت مني كثير لأنها دقت علي بوقت غلط بس قالت حسبتك صاحيه وكنت قلقانه عليك وابغى اشوف مهند رجع ولا لا .. قلت لها تتطمن وماقدرت اقول لها شي لأن مهند صاحي وراح يسمعني وكمان احسني تعبانه مااقدر اتكلم .. وخلاص قررت محد يعرف باللي بيني وبينه غير ربي ..
نمت بالصاله بدون غطا بعد ماتمددت على الكنبة والتلفزيون كان شغال وصحيت العصر حسيتني شبعانه نوم .. ومصحصحه ..دخلت الغرفة لقيت مهند نايم ..رحت آخذ لي ملابس ودخلت آخذ شور ..وبعد الشور حسيت مزاجي احسن من قبل الحمد لله .. لبست بنطلون جينز سماوي وبلوزة اورنج حرير وواسعه وحلقها كان واسع وبدون اكمام وجمعت شعري مسكته بشباصة من فوق وتركت الباقي مفتوح .... خرجت من الحمام وحصلت مهند صاحي ومسند ظهره على السرير وحاط يدينه ورا راسه .. التفت علي حسيته يتأملني بس ماالتفت له ورحت عند المرايه حطيت قلوس اورنج وحددت حواجبي ولبست حلق دائري و كبير لونه اورنج .. كان باين ان ملامحي تعبانه .. بس عادي احس ان التعب اللي بعيوني معطيني شكل هادي وحلو ...
خرجت من الغرفه وماحسيته تحرك .. رحت للصاله وجلست على الكنبة حطيت رجل على رجل بكل برود وقعدت ادور على قناة كويسة تريح لي اعصابي بعد مااربكني هالآدمي ...قلت ماابغى اعيش بجو نكد لاحقه عليه بالأيام الجايه ذا هذا مابيتغير ..الله يعيني ..بحاول قدر الإمكان ارفه عن نفسي الحين ..
جلست تقريباً ربع ساعه شفته خرج لابس ثوبه وجلس عندي بالصالة بعد ماطلب لنا غدا .. كان يطالع بالتلفزيون وماتكلم معاي كأنه مسرح او مهموم .. قلعته اجل انا يقول لي كل هالكلام ..
جا الغدا وانا بصراحه من النوع اللي اترك وجبتين ثلاث يبين على شكلي وأحس وزني ينزل بسرعه ..يعني لو تركت الأكل راح يلاحظون اهلي وأهله وماابغى اسئلة ولا ملاحظات من احد .. جا مهند عندي ومد يده يبغى يمسك يدي بس قمت انا ومااعطيته يدي .. جلست مقابله له وانا مارفعت له راسي حسيته يناظر فيني وهو لسه واقف ماجلس بعد .. ياليت فيه طاولة ثانية وأروح آكل فيها لوحدي مو معاه بس مضطرة اقابله .. رفعت راسي لأنه طول وهو واقف شفت عيونه تطالعني بهدوء وتأمل ياربي شو هالاحراج احرجني بس انتبه لنفسه وجلس وانا بديت آكل خفت يبدا بكلام يسد نفسي زي البارحه .. وأمس ..!واموت من الجوع .. ولا يغمى علي ..!
اكلت سلطة وسبموسة وحبة كبه وشربت لبن .. جيت بقوم قال : تغدي
: الحمد لله
: ماتغديتي
: خلاص شبعت
غمض عيونه وضغط على اسنانه كأنه يهدي نفسه حتى مايعصب قال : ديمه تغدي هذا مو غدا ..
حسيت انه يتأمر علي ياربي ماعنده طريقه ثانيه بغير هذي اللهجه وأخذت نفس عميق عشان مااتوتر .. وقلت وانا هادية بلهجتي بس : مااحب الرز واللحم بعدين اكلت كفايتي الحمد لله ..
كشر وقال : ليه ماقلتي انك ماتحبينه
: عادي ماصار شي بعدين فيه بديل اكلت وخلاص
: طيب اجلسي وين رايحه

رن جوالي بالصالة ورحت من دون ماارد عليه اوف الحمد لله انقذني ربي
شفتها الدكتورة نجوى : الو
: اهلين ديمه كيفك يابنتي
: الحمد لله بخير .. انتي كيفك يادكتورة
: بخير الحمد لله الف مبروك ياديمه .. كان نفسي احضر زواجك بس كان زواج ولد اختي بنفس يوم زواجك اعذريني وبإذن الله راح اعوضك بزيارة ببيتك
: اتشرف يادكتورة واهلا فيك بأي وقت
: متى حتسافري
: ماادري .. كنا حاجزين على فرنسا بس اجلنا كم يوم
: ان شاء الله خيرة يابنتي يالله حبيت اسلم عليك وابارك لك وبالرفاة والبنين
: تسلمين دكتورة ماتقصرين والله يبارك فيك ..
: مع السلامه
: مع السلامه هلا والله
....
التفت بشوف فينه لقيته واقف وراي ويناظر فيني .. ياربي هذا اش فيه اليوم ماشال نظره من علي .. رجعت وجلست على الكنبة .. وهو جلس على الكنب الثانية وجواله في يده .. شفته يدق على احد بعدين كلم : السلام عليكم ................. هلا والله الله يبارك فيك ويخليك لنا ذخر .............. انت شلونك عساك بخير ................. الحمد لله .................. وشلون الوالده عساها بخير ................. عطني اياها
.................... هلا والله بالغاليه ............ الله يبارك فيك ......... كلنا بخير الحمد لله ................. من عندكم .؟ ................ اها .................... لا اشوى انا ماجينا اجل .................... لا ماسافرنا قلنا نأجلها كم يوم معانا شهر كامل ان شاء الله ........................... ايه عندي خذي .. وأعطاني الجوال قال : ديمه خذي امي بتكلمك .. اخذت الجوال وانا ماطالعت فيه : هلا خالتي هلا والله
: هلا والله بديمه الف مبروك يابنتي
: الله يبارك فيك ياخالتي .. كيف صحتك بشريني عنك ..
: بخير ونعمه ماناقصنا غير وجودكم معانا
: الله يتم عافيته عليك ياخاله ويخليك لنا
: هاياديمه خذي ابو مهند بيكلمك
حسيتني بقفل مرة انحرجت وطالعت في مهند مفجوعه حتى هو استغرب يحسب امه قالت لي شي يفجع وشفته يقول اشفيك بصوت واطي مارديت عليه بس اخذت نفس ورديت على التلفون
: هلا والله
: شلونك يابنتي وعساه مبروك والله يوفقك .
: الله يبارك فيك ويسلمك ......... قلته بصوت واطي وانا مرة مستحيه منه
هو شكله لاحظ اني مستحيه بعدين قال
: ماودي اطول عليك لكن ان شاء الله تجون بالسلامه والله يوفقكم ويسعدكم
: الله يسلمك ويخليك
: يالله مع السلامه
: الله معاك .
قفلت الجوال وانا احسني ارتجف ..
طالعني وهو يبتسم قال : مستحيه من ابوي ..؟
مبسوط حضرته على شكلي قلت بعد مابلعت ريقي : ها ..؟ لا عادي
قرب مني قال بهمس : طيب يالله البسي بنطلع
بسرعه وقفت وبعدت عنه قلت : فين نروح ..؟
وقف وقال : ماطفشتي من هنا لك يومين ماطلعتي راسك
مسكت طرف البلوزة حقتي من تحت وقلت وانا منزلة راسي : اكيد طفشت
: ديمه ...... وانتي تكلميني ناظري في وجهي مو بالأرض تراني مااخرع
رفعت راسي وانا اناظر فوق بعدين طالعت في التفزيون ماالتفت له وهو كان واقف على يميني
: لاحووول ديمه اذا كلمتك ناظري فيني لاتخليني اعصب
: ممكن ماتكلمني بالاسلوب هذا ..؟
مسك يدي اليمين وكأنه بيلفها قال : انتي اللي لاتتكلمين معاي بالاسلوب هذا
رفعت راسي للسما وغمضت بقوة ياربي ماابغى اتكلم معاه ولا ابغى احتك فيه ولا حتى اجلس معاه ..
صحيح اني اقدر اصبر عليه وعلى حركاته بس انا خايفه انفجر هاليومين وأخرب كل شي ..ذكرني بزوجة ابوي .. كنت اعيش طول اليوم بنكد وكانت تدور علي ادني زلة وتخلق من اللاشيء اشياء واشياء عشان تضربني وتحبسني وتحرمني باسبابها .. ياخوفي لاارجع لنفس ايام جميلة وحياتي معاها .. وياخوفي لاتكون آخرايام السعاده والهنا لي هي ايام عيشتي في بيت خالي ناصر ..ذكرى جميلة او اني راح ارجع لايام القسوة والظلم احساس يخوف .. احس برعب ياناس ..
رميت نفسي على الكنبة ورجعت راسي ورى وانا مخنوقة بس ماابغى ابكي
جلس على ركبه قدامي قال : قومي يابنت الحلال خلينا نطلع انتي طفشانه وانا العن منك قومي
طالعته وعيوني متحجرة فيها الدموع قلت وانا اهز راسي : طيب اذا خرجنا مع بعض بيروح الطفش ... بنطفش اكثر صدقني
: اوووووووووووف .... ــ حسيتها من قلبه ــ بعدين كمل : ديمه الله يرحم ابوك ماابي اطفشك ولا اضايقك بس انتي ......... وسكت ثم قال : يالله قومي
حسيته تعبان اوطفشان من شي .. مو مني مااتذكر اني قلت له شي يخليه يطفش ويمل من الدنيا لهذي الدرجة .. قلت : اوكي خلاص
قمت ولبست عبايتي وطرحتي وأخذت شنطتي ولمن جيت اخرج مسك يدي ولفني ناحيته
شفت عيونه قريبه مني ... وجهه واكتافه وشعره اللي باين من تحت الشماغ ...وعطره الرجالي احس ريحته وصلت كل خلايا جسمي من قوته ..... تخربطت وارتبكت حاولت ابعد بس مسكني بقوة قال : سامحيني اذا ضايقتك ..
ابتسمت ومارديت عليه .. خفت اتكلم ويخلق مشكله وانا ماصدقت انه يعتذر .. هالانسان غريب اول مرة يتكلم معاي باسلوب حلو وصوت هادي بس اسامحه ..؟واذا سامحتك شو انسى كل اللي راح ..؟ لاااا يامهند اذا سامحتك مو معناتها اني راضيه عن زواجي طولت وانا ساكته واناظر بالأرض
: ديمه
ابتسمت وقلت : نمشي ..؟
خرجنا مع بعض بعد ماغطيت وجهي .. وكان مهند قمة في الشياكة والوسامه .. فتح الباب وركبت بعدين ركب هو كان الجو متوتر بالسيارة وانا للحين احسني مرتبكة وهو مسرح وأحس انه طفشان جد ..والله اني حنيت عليه .. بس تذكرت انه ممكن يقلب علي الحين قلت بنفسي قلعته ماهمني يطفش مايطفش اهم شي مايضايقني الحين بالسيارة
دقيت على خالي
: هلا والله وغلا .. هلا باللي بيتي بدونها مايسوى
ياعمري ياخالي اذا سمعت كلامه انسى هم الدنيا كلها قلت وانا اضحك :لاتقول كذا ارجع لك من اليوم ... كيفك ؟ مرة اشتقت لك .
: والله مو كثري .. بس عاد وش نسوي هذي الدنيا وانا يشهد الله ماخفف عني هم بعدك عنا غير ان اللي ماخذك هو مهند
: خاالي ... كيف صحتك وكيف هدى وعيالك ..؟
: كلنا بخير اذا انتي بخير .. كيف مهند معك
: الحمد لله
: شو الحمد لله .. قولي لي كيف معاك كويس ولا لا
: لا كويس طبعا مو انت مرتاح اني معاه .. خلاص اطمن وهدي بالك ..
:والله ماادري احس ان في كلامك شي .. بس تأكدي ان أي حياة لازم يكون فيها عدم توافق في بعض الأحيان في البداية بس بعدين تصير الأمور اوكي وخاصة مع التعود والتقبل للطرف الثاني .. والحيم كل واحد غريب على الثاني مع الوقت بتتعودون على بعض .
: والله فاهمة ياخالي .. وبالعكس مافيني شي ومبسوطة حتى شوف الحين خارجين نتمشى ..
: اوووه اجل طلعتوا .. حلو حلو الله يوفقكم .. ماقررتوا تسافرون
: ها ....؟ لسه ماقررنا ويمكن نقرر فجأة ماندري ههههههههههههههه
احسني سخيفه وانا امثل على خالي
: طيب ديوم سلمي لي على مهند ويالله عرسان مانبي نطول و نزعجكم
: الله يسلمك ياخالي .. وانت ماتزعج الله يخليك لي
حسيتني مخنوقه مشتاقه لخالي ناصر .. نفسي اقول لمهند يوديني عنده واسلم عليه وارتمي بحضنه وانسى مهند واللي جاب مهند وساعته وطاريه .. بس مااقدر اقول له ولا اروح لخالي بوقت زي هذا ...

قفلت من خالي والتفت عليه قلت :خالي يسلم عليك
مارد علي احسه مسرح ومو معاي .. سمعت صوت سيارة يدق بوري ووقف فجأة صرخت بصوت عالي بعد ماميلت بجسمي قدام .. ...كنت مرة مفجوعه ..
هدَّا السرعه وحط يده على صدري قال : ماصار شي الحمد لله لاتخافين
مارديت عليه كنت ارتجف بجد انفجعت لأن كان قدامنا باص كبير وخفت نصدم فيه
نزلنا عند كوفي شوب ودخلت معاه ..
مسكني بيدي الين جلسنا بمكان بآخر الكوفي جلسني ورجع قال :ايش قهوتك .؟
: تركي مزبوط ..
خرج من عندي وانا طلعت المراية من شنطتي ونزلت الغطا والطرحه خليتها على رقبتي وزبطت شكلي وحطيت قلوس اورنج .. ورجعتها بسرعه قبل يجي ..
: ماكنت عارف انك خوافه
قلت بقلبي ضيفها لدلوعه ومغرورة وسكت مارديت عليه ..
جات القهوة وقام جابها .. ومعاها صحنين حلا..... دق تلفونه ورد .... هلا ...... هلا مين معاي .............. اوه هلا هلا عمتي كيفك .............. الله يبارك فيك ويسلمك ..............بخير الله يعافيك .............. الاسبوع هذا صعب مانقدر .................... لا ماسافرنا اجلناها ياطويلة العمر ................. لا لا وعد نجيك ونجيب امي وريم بس خليني ادور وقت مناسب ......................... ههههههههههه لا ديمه تامر على كيفها هذي بنت عبدالله الله يرحمه وناصر لازم ندللها ....................... طيب ياعمه انا بمكان عام اعذريني ارجع اكلمك بعدين ....................... الله يسلمكم ويرزقها بالنصيب ..................... مع السلامه . شفته يقفل على طول ويرمي الجوال على الطاولة
كنت اسمعه وانا حاطة رجل على رجل وانا على جنب مسوية مو مهتمه فيه وانا بصراحة سمعت كل كلمة قالها .. شربت رشفة من القهوة ونزلت الكوب على الطاولة وتكيت ظهري على ورى .. كان مهند يطالع فيني ويتأملني.. بس ماكنت اناظر فيه سمعت صوته : تحبين خالك ناصر ..؟
طالعت فيه باستغراب وش هالسؤال
ابتسم وقال بسرعه : سؤال غبي صح
رشفت من قهوتي قلت : مو مسألة غبي .. بس غريب
ضحك بشويش وحسيتني انحرجت انا مرتبكه منه ومن شكله وضحكته وفي نفس الوقت خايفه اطلع من هنا وانا متضايقه منه ولا ابكي من كلمة يقولها ولا تريقه ولا تحدي ولا حتى اتهام زي آخر مرة آآآآآه كل ماتذكرتها ...!
: ابغى اعرف بس قد ايش تحبينه ..؟
: قد ماتحب ابوك وأكثر ..!
: يعني تعتبرينه ابوك
: مو بس ابوي خالي ناصر اهلي كلهم ام اب اخوان اخوات كل شي بحياتي
ناظرني باهتمام وكأن كلامي كان مفاجيء له بعدين رد بسرعه : الله يستر عليه ويخليه لعياله
: ويخليه لي انا كمان
: انتي خلاص ماتحتاجينه
كنت راح اكب القهوة على وجهه من كلمته بس حسيتني اجبن من كذا .. ومارديت عليه
: اشفيك
:....................
: ديمه ردي علي
: مافيني شي ..... ..
: ترى ماقلت شي يزعل وش فيك انتي ماتتحملين أي كلمه
: ادري
: هدي اعصابك طيب
حاولت اتماسك وآخذ نفس عميق اهدي نفسي وانا بقلبي اقول ياديمه تعودي على الصبر والتحمل وانتبهي لاتنهارين هذي شرارات يرسلها مهند لحريق بعدين وفري كل شي له
كنت افكر ومسرحه ومنزلة راسي على الطاولة انتبهت على صوته : فين وصلتي
رفعت راسي وعدلت جلستي ومارديت عليه
: متى تبغينا نسافر ..؟
:...............
: ديمه لوسمحتي قولي شي .. ادري انك منتي طايقتني بس تحملي مصيبتك وردي علي
: ماادري بكيفك .. مو قلت لاتطلعين بقرار ولا تفرضين رايك
تنهد بقوة بعدين قال : ياستي والحين اطلب منك تفرضين مية الف قرار قولي اللي تبين وانا انفذ
الله شو هالتغيير اللي طرأ فجأ
ابتسمت غصب قلت : بكيفك انت ماتفرق معاي كلها واحد عندي سواء سافرنا ولا ماسافرنا
: ههههههههههههههههههه قصدك اني مقابلة وجهك ونفس المشكلة
فتحت عيوني قلت : ماقلت كذا
: بس هذا قصدك
: لا لاتتوهم شي
: والله ياديمه من يوم ماخطبتك وانا ماارتحت لليوم
: خطبتني ...؟
: ايوه خطبتك ولا عندك شك ..؟ وعدل جلسته وقرب مني
:قصدك طلبتني ..... !
: طلبتك خطبتك كلها واحد
: لاطبعا مو كلها واحد خطبتك معناتها جيت زي الناس وخطبتني بشكل رسمي ومتعارف عليه .. اما طلبتني معناتها جيت تتأمر وتقول عطوني اياها وغصب عنكم
: هههههههههههههههههههههههههههههههههه اجل هذا اللي مضايقك .. رشف من قهوته وكمل : والله وحده رفضتني في البداية وقلبها مليان .... قالها وقرب مني وناظر في عيوني.. وكنت واثق انها ماراح توافق علي مرة ثانيه لأنها ببساطة تكرهني وانا ماادري ايش السبب ..
حسيت الأرض تلف فيني من الكلام هذا ...ياناس اعصابي تعبانه ..ماادري كيف اتصرف معاه .. ابرر له عشان افتك من مشاكله ولا ماراح ينفع خاصة انه واثق ومتأكد من كلامه ...!
كمل وهو هالمرة هادي جداً بعد مارجع لورا وكأنه ارتاح : وبصراحه ماابيك تروحين لغيري .. انا واحد اناني ماافكر الا بنفسي .. كان يكلمني ويدخن بشكل عصبي كأنه ينتقم من الزقارة وبسرعه اخذ وحده ثانيه وانا كنت متنرفزة بس سكت تفادياً لأي تطورات . يارب صبرني ووسع بالي ..
جلسنا ساكتين كان يفكر وباله مشغول وزقارة ورى زقارة لحد ماخلص البكت ..
: ماقلتي متى نسافر
مارديت بالرغم اني كنت خايفه يعلي صوته علي .. بجد محد تصرف معاي كذا من يوم جيت لبيت خالي ناصر لين طلعت منه وشكل جنتي بالدنيا هي بيت خالي ناصر والظاهر طلعت منه لجحيم جميلة ثانية ... الله يعيني اهم شي ان هذا مايضرب زي جميلة .. والله اعلم وش ينتظرني ..!
: جهزي حالك الحين بنحجز على ايطاليا ولا ماليزيا اذا ماتبين فرنسا
: ماقلت ماابغى فرنسا
: خلاص فرنسا .. اشربي قهوتك ..
مارديت عليه ولاشربت قهوة حسيت برعب لمن تخيلت نفسي مع مهند في غربة ولوحدنا واحنا هذا وضعنا ..
دق جوالي وكان رغم غريب ومميز ... مارديت المرة الأولى ودق مرة ثانية فتحت الخط بشوف مين من دون مااتكلم بس على طول جا صوته : السلام عليكم ياديمه انا رامي ولد خالك
: هـ ـ ـ ل ا والله
شفت مهند يناظر فيني مستغرب لهجتي لأني مرة مرتبكة ومتردده اكلمه ولا لا
: الف مبروك
: الله يبارك فيك .. قلتها بصوت واطي
: الله يوفقك ياديمه ويسعدك .. كل الناس اللي تعزك باركت لك الا انا وانتي يشهد الله انك بمعزة منار واكثر
: تسلم يارامي ماتقصر
شفت مهند لمن قلت يارامي فتح عيونه بقوة وعقد حواجبه ودخل يده في جيبه ماحصل الدخان وخرجها بعصبيه باينه عليه
: يالله ياديمه مع السلامه وسلمي لي على مهند انا كلمته وباركت له باقي انت بس
: الله معاك ومشكور على اتصالك
ماكنت ادري ايش اقول لرامي من الحالة اللي جات مهند
قفلت وسويت نفسي مو مهتمه فيه قال : هذا اش يبغى ..؟ مايستحي على وجهه يكلمك ..؟
: هذا رامي ولد خالي محمد اعتبره اخوي ..!
: الله يلعن شكله ذا وقته يخلص ... قالها بصوت واطي لمن دخل ديه في جيبه مرة ثانيه يقصد الدخان .. حسيته متوتر .. بصراحة رحمته من الحاله اللي هو فيها
: رامي قلبه طيب ويعتبرني اخت
: لو يعتبرك اخت ماخطبك
: مو هو اللي خطبني خالي من راسه جا وخطبني من دون مايدري رامي
: وانتي اش دراك انه مايدري ..؟
: اخته قالت لي واعتذرت مني عن رامي لأني انصدمت من رامي انه يخطبني وهو يدري اني اعتبره اخ وادري انه يعتبرني اخته ..
تنهد مهند بعمق وبقوة .. حسيتها كأنه يطلع شي من داخله
وقف ومد يده علي قال : قومي احسني مخنوق خلينا نطلع
مامديت يدي له بس لفيت طرحتي علي وغطيت وجهي وقمت اول ماكنت بطلع مسك يدي وانا عادي خليته هالمرة يمسكها ماابغى اعانده وهو بحالته هذي .. خرجنا ورجعنا للفندق وراح يحجز بالتلفون وطبعاً كلم صاحب خالي اللي بالمطار سمعته يسلم عليه ويقول انه زوج بنت اخته وان ناصر مرسله عليه .. ويبي مقعدين الليلة لفرنسا
صاحي هذا شو الليله ..؟ متى يمدينا نروح لاهله وأهلي
بعد مانزلت عبايتي وطرحتي رجعت للصاله عنده .. لمن قفل قلت : :مايمدينا نروح لأهلك واهلي
: مو لازم نروح لهم
طالعته وانا مرة متضايقه هذا مو تصرف الحين اش بيقولون سافروا مامرونا
خالي وهدى ممكن يتفهمون بس اهله مرة مستحيه منهم
: يالله البسي بدال ماتفكرين يادوب نلحق الطيارة واهلي انا اكلمهم وراح اكلم ناصر لاتخافين
: اوكي
رحت اخذت لي دش ولبست بنطلون ابيض طويل وبلوزة لونها بني علاقي وطويلة لنص الفخذ .. مافكرت احط مكياج لأني راح انزل غطاي بالطيارة ..رحت للمراية حطيت بس قلوس لحمي وحددت حواجبي .. ورجعت لشنطتي اللي رتبتها ولبست جاكيت ابيض قصير بسرعه قبل لايدخل مهند علي... لفيت بقفل شنطة مكياجي لقيته واقف وراي ويناظرني من متى الله اعلم بس تحرك ولف بسرعه قال : خلصي وانتظريني بالصالة بلبس ونخرج ...
جلست بالصالة كنت لابسه عبايتي وجوالي بيدي وشنطتي الصغيرة .. دقيت على هدى اللي سمعتني وجلست تبكي تقول مو متخيلة حياتنا بدونك .. حتى انا تأثرت وبكيت خاصة اني الحين بسافر .. سألتني عن مهند وكيفه معاي قلت الحمد لله تمام .. ماابغى اقول لاحد اني مو مرتاحه معاه ..احسني اقدر اشيل همي بنفسي وماابغى الناس تشاركني الهم ..يشاركوني الفرح ولا يشاركوني الهم بعدين خلاص تعبتهم معاي زيادة عن اللزوم ايام وفاة جدتي ثم العملية ثم وفاة ابوي الله يرحمه
كلمت خالتي فادية وعمتي صالحه اتطمن على عناد وعادل وسديم وخلصت مكالماتي بسرعه قبل يخرج مهند واعتذرت منهم اني الحين مسافره
استنيته ماخرج بعدين دقيت على لمى وبسرعه قلت لها : لموي كيفك مرة مشتاقه لك
: وانا اكثر ها بشري عسى امورك تمام
: الحمد لله على كل شي الحين مسافرين فرنسا بس اذا رجعت بقابلك ان شاء اللله اوكي
: اوكي ترجعون بالسلامه والله يهنيك
: تسلمين حياتي يالله باي وبوسي لي ديمه
: ان شاء الله .. باي
دخل عليّ بعد ماقفلت مع لمى كان لابس بنطلون اسود وقميص ابيض مقلم بأسود بس باين انه ماركه وفخم .. شعره مرجعه على ورى .. حاط من العطر اللي اذا شميته معاه احسني ادوخ .. ياربي ليه اتكهرب اذا حطيت عيوني بعيونه .. انتبهت لنفسي وانا متجمده وصديت عنه وهو كان يناظر في الشنط بعد شوي جا واحد يشيل الشنط بعد ماكلمهم مهند.. نزلنا وكان ماسك يدي اللي يشوفنا كذا يقول اسعد زوجين بالدنيا مايدرون اني بكل لحظة تمر اموت فيها عشرين مرة ..
خرجنا من الفندق وانا ركبت بعد مافتحت الباب بنفسي تأخر علي والتفت شفته يكلم بالجوال .. عرفت انه بيكلم اهله وخالي .. دق جوالي كان خالي ماجد .. عاد خالي ماجد اذا سمع صوتي فيه شي بيتجنن حتى لو ماتكلم اعرفه ودايماً هند تقول لي عنه ولمن كلمني وانا عند مايا في سوريا اثبت لي بكلامه واهتمامه ..
: هلا والله
: هلا وغلا بديمة قلوبنا
: هههههههه تسلم لي يالغالي
: اول شي مبروك .. ثانياً انا مخليك متعمد مادقيت عليك ماابغى ازعجك .. ثالثاً كيفك عساك مبسوطه وكيف مهند معك ..؟
: اولاً الله يبارك فيك .. ثانياً انت تدق بأي وقت لأني استانس اذا كلمتني .. ثالثاً انا بخير ومهند كويس معاي الحمد لله .. رابعاً مرة مشتاقه لك وزعلانة لأني الحين مسافرة وماقدرت اشوفكم
: ليه ماقدرتي ..؟
: ماحجزنا الا قبل شوي ورحلتنا بعد ثلاث ساعات مايمدينا نروح لاحد
: اها .. ماعليه لاحقين نشوف بعض اذا ربي كتب .. اهتمي بنفسك وحاولي تستانسين على قد ماتقدرين الأيام هذي ماتتعوض
: ان شاء الله انت كمان اهتم بنفسك وسلم لي على هند والعيال
: الله يسلمك يالله فمان الله
: الله معاك

كان مهند قد دخل وحرك السيارة وانا اقول ثانياً يعني سمعني لمن قلت انه كويس معاي .. احسن خله يدري ان اهلي يسألون عن معاملته لي واني اداري عليه يحمد ربه بالذات قدام خالي ماجد اللي مايعرف اخو صديق قريب اذا احد زعلني حتى زوجته ياويلها لو تجيب سيرتي بشي مو حلو . الله يخليه لي احسني احب خالي ماجد محبة خاصة غير عن الناس كلهم ,, صحيح مو اكثر من خالي ناصر بس كل اخوالي كل واحد احبه بطريقه تختلف عن حبي للباقين .. الله يخليهم لي عز وسند واهل ويخليهم لاهلهم وعيالهم .. ..
:هذا سامي ولا ماجد ..سألني مهند
: خالي ماجد ويسلم عليك
: الله يسلمه ...ماجد هذا يخوف دايما جاد وساكت واذا تكلم سكَّت المجلس كله حتى لو قال كلمه عادية ..
: اخوالي كلهم رجال الله يستر عليهم
: هههههههههههههههههه الحين ابي اعرف ليه ماتكلمين ياسر مثلهم باهتمام وحب .
: اخوالي هم اهلي شي طبيعي اهتم فيهم اكثر واحبهم اكثر
: وياسر تكرهينه ..؟
: انا عمري ماكرهت احد وبالعكس عمي احبه بس المحبة تفرق من شخص لشخص ..
ماالتفت علي وقال وهو يبتسم : اها قلتي ماتكرهين احد .. طيب وانا ..؟
التفت عليه وفتحت عيوني مرة متفاجأة قلت بارتباك : انت شو ..؟ قلته وصديت اناظر مع الشباك اللي بجنبي ..!
: ادري انك تكرهيني .. سكت شوي بعدين كمل ..:ديمه ماابيك تقولين شي بس ابي اعرف السبب
: ماعمري كرهت احد قلت لك
: طيب ليه قلتي لريم انك تكرهيني
: ممكن ماتفتح مواضيع زي هذي لأنها توترني ..!
: ليه تذكرتي احد
: اش قصدك ..؟
: يمكن تذكرتي الحب والكره وتذكرتي احد معين ..
: لااله الا الله .. قلتها بصوت واطي وانا اتنفس بعمق .. بعدين قلت : اذا قلت لك شي تصدقني ولا لا
حط في فمه زقارة وشفته يولعها بتوتر قال : قولي
: عمري ماحبيت ولا عشت قصة حب زي بعض البنات .. وكان ممكن تكون اول شخص احبه بس انت ماعرفت توصل لقلبي ..
مارد عليّ ..
سكتنا وهو قعد يدخن واحس انه متوتر باين عليه بالرغم اني ماالتفت له بس من كثرة حركته وطريقة تدخينه ... فتحت الدرج ادور على سي دي ، كاسيت ، شي يكسر التوتر اللي احنا فيه ..
حصلت الدرج متقفل ورجعت مكاني .. طلع المفتاح وفتح لي الدرج اللي قدامي
كان قريب مني وهو يفتح الدرج وانا احترق .. ياناس كله رجولة .. أي بنت مكاني راح تتوتر من قربه .. فتشت بالسيديهات اغلبها لفيروز ومحمد عبده وخالد عبدالرحمن ورابح صقر ونوال الكويتيه والرويشد .. ولا واحد منهم يصلح نسمعه بجو زي هذا .. بس لازم اسمع شي غير مهند
حطيت سي دي لرابح صقر ..
الصراحة قولها لي ... ماتبيني لاتعلقني معاك
مادريت البارحة... اش صار فيني ... لاسعادة عشتها او شفت راحة

ابتسمت لأنها بصراحة مرة مناسبه .. وخله يسمعها عشان يدري اني ماعشت معاه لاسعاده ولا راحه ...

رابح يغني وانا بعالم ثاني تذكرت بيت خالي وراحتي فيه .. تذكرت اهتمامهم فيني حتى بعد مارحت من بيتهم ومهند الكل واثق فيه وانه بيحطني في عيونه بس هو ماكان قد الثقة احياناً اجيب له اعذار اقول يمكن لأنه يحس اني اكرهه او اني رفضته ... بس هذا مو سبب او حجة مقنعه انه يرمي علي كلام ولا يتأمر علي بهذا الشكل .. او حتى يعاملني بعصبية ونرفزة .. معقولة مهند ماعنده اسلوب ..؟ ولا يعرف يوصل لي ..!
اتصلت علي خالتي فادية واستغربت ..انا كلمتها قبل مااخرج ورديت عليها لأنها اكيد تبغى شي قالت : تراني كلمت المصورة وقالت ان الصور جاهزة بتمرينها بطريقك ولا آخذها انا ... خفت ان مهند مايرضى يخليها تجيب صورنا لأنها اكيد بتجلس عندها شهر لحد مانرجع التفت عليه قلت نروح نجيب الصور ولا تجيبها خالتي ..بسرعه رد قال : لا نجيبها احنا الحين .. رديت على خالتي قلت : احنا نجيبها لاتتعبين نفسك .. قالت خالتي : اذا مايمديكم ترى مافيها كلافه ولا شي
: ههههههههههههههه لا لا بروح اجيبها متحمسه لصوري بشوف كيف طلعت
: اوكي اجل يالله مع السلامه وترجعين بالسلامه
: مع السلامه
سألني عن مكان المصورة وقلت له على الشارع والحمد لله كان قريب على طريقنا .. رحنا هناك واتصلت فيها وبسرعه نزلت وجبت الصور ..
ركبت السيارة وفتحت الألبوم وخرجت الصور اللي فيها خالتي وهند وغادة ومنار ووخالتي سمر وعمتي صالحه وام رامي وكل اللي مايصير مهند يشوفهم وقلبتها على بعض حطيتها بآخر الألبوم وجلست اتفرج على صورنا .. كان شكلي روعه .. وقفت شوي اطالع بصورة كان مهند ماسك خصري ويناظر بعيوني .. انا كيف خليته يمسكني كذا .. بجد ماكنت بوعيي الحين الحين اذا مسك يدي ارتبك واتخربط شلون خليته يمسك خصري كذا ... بجد ماكنت صاحيه او اني كنت مخدرة ماعندي احساس .. فتحت صورة ثانية كان يطالع بالكاميرا عيونه فيها سحر .. عيونه هذي نقطة ضعفي الوحيدة لا لا مو الوحيدة عطره كمان .. وأكتافه اذا شفتها عريضة وفيها قوة احسني اتخربط .. ياربي وش النحس بحياتي محد لفت نظري ولا اعجبني شكله قد مهند على كثر ماشفت فنانين ولاعبين وممثلين الا اني ماكنت اعجب فيهم زي بعض زملاتي اللي كنت استحقرهن .. بس الحين هذا عاجبني بس مااحبه اكرهه وأكره عنجهيته واسلوبه وأوامره وشوفة نفسه .. وانا اللي على بالي انه دلوع الماما طلع بعبع يخرعني ...!
سكر الألبوم قبل ماافتح الصورة الثالثه وسحبه مني وهو مركز على الطريق : لا تتأملين فيها كذا خلينا نشوفها مع بعض بعدين ..!
مارديت عليه وقلت بنفسي لابعدين ولا قبلين خلاص ماراح اشوفها الا اذا رجعت ولا لوحدي .. بس هذا اكيد بيصير لازق فيني اربع وعشرين ساعه هناك ..
وصلنا المطار وحط الألبوم في الشنطه ونزلنا .. جلسنا تقريباً ساعتين في المطار كنت ساكته وماتحركت من مكاني وهو اغلب وقته يدخن ولا يقوم يمشي شوي ويرجع واحيانا يكلم احد من اصحابه ....
دقت عليه ريم وسمعته يقول .. بسرعه لاتطولين فاهمه؟ ................اعطاني التلفون وكلمتها وكانت مستعجلة قالت مهند بيعصب علي قال بسرعه لاتطولين قلت اوكي براحتك وقفلت منها وانا بصراحة انقهرت منه ليه يقول لريم كذا ..؟
اخيراً وصلنا وأقلعت الطيارة لمكان بعيد مع مهند ولوحده .. الله يستر وش بيصير لي مع مهند هناك ..





بارت طويل لعيون اللي يتابعوني ومايحبون الانتظار

يارب يعجبكم

البارت الجاي فيه اثارة اكثر


تابعوووني

القصة روعة والله انك كاتبة و عجبتني كتير و انا متابعها من بدايتها والله يوفقك و تكمليها عشان خاطري