كاتب الموضوع :
brune
المنتدى :
القصص المكتمله
مفاجآت.. اليوم يوم مفاجآت
راوين\والله ياجمون لو اجلس احكي من اليــوم لبكره..مستحيل اقدر اوصف لك الموقـف..حسيت انه صوتي اختفى..ووجهي ذاب..حتى الحركه ماعرفت اتحركهــا..
جمانه ضربت راسها بالمخده بقهر\حســافه..حســافه ليتني حاظره الموقـف..وطلال وش سوى!
راوين استحت ووطت رأسها\ماشفته بعد ماطلعت..
جمانه\ليش انتي كنتي تبين تشوفينــه..
راوين مدت بوزها الصغير\لو اقولك ايه بتقولين قليلة ادب صح!
جمانه\لابقول ماتستحي على وجهها..أقولك طفي ألأبجوره وشغلي اللمبة..
جمانه طلعت صفة اسنانها وابتسمت بمكر\ابي اشوفك وجهك اللحين!
راوين\كولي تبن..نامـي اقول..
جمانه\وانت تتوقعين نقدر ننام وإحنا مانعرف وش صار بجدي..وإلا وش صار بيوسف!..
راوين\اي والله صادقـه..بس امي الله يهديها..مسويه لنا حظـر بالبيت..
جمانه\وأنتي مصدقه كلام هالحريم..هم يبون يغفلونا عشان مانعرف شـــي..أصلا أنا مدري كيف طاوعنهم وطلعنا فوق..
راوين ماكانت مع جمانه ابدا..كانت تفكـر بطلال وبردة فعلــه..وتوها تنتبه انه هو كان عارف بالموضوع قبل ماتدخل على جدهـا الغرفه..
كانت تحس بنظراته انه يبي يكلمها..او يطمنهـا..لكن وجوده وهي قريبه منه اربكهــا..
جمانه وعتها من افكارها بضربه محترمه على راسها\بـس..بسك سرحان..هذه ثالث مره تسرحين فيهــا..
راوين\أنتي شنـوا خليني أعيش إحساسي..جمانه أحس إني ودي أطير..
جمانه بغباء\وين تطيرين..!
راوين انقهرت ومسكت غرة جمانه بقـوه\ لاتستهبلين علي..!
جمانه\آي اي..وصرخت..حرام عليــك..
راوين ندمت\عورتك..؟
جمانه طلعت لسانها\امزززح..
ضمت راوين رجولها بحضنها وناظرت جمانه وهدأ صوتها\تدري يوم شفـت يوسف كيف هو ينادي امه بكل ضعــف وانكســار..حسيت بقلبي يرجــف..يعــزّ علي اني اشوف ولد عمــي بعد هالسنين هذه كلها يجي ومايرتمي بحظن امــه..كان ودي ذيك اللحظه اخفف عليه..كان ودي اقوله امك تحبــك..وكانت تنتظرك..كان ودي اقوله أي شـي..ماتمنيت ابدا اشوفه بعد هالسنين هذه وهو بهالحاله..عورني قلبي عليــه..كنت اشوف ابتسام منهاره من جهه وحاظنه جدتي..وعمي محمد يبكـي وهو كبيــر..والوليد ضايــع..حايـر..مايدري يخفف على نفسه والا على ابوه والا على يوسف وابتســام..الموقف كان مره صعـــب..صعـب علينا كلنا..جمانه..جمــانه وين سرحـتي..توك تظحكين علي..!
جمانه\ماسرحت..بس تذكرت الموقـف..تدرين يوسف لو اشوفه بره ماراح اعرفه..لأني كنت ذيك الفتره صغيره..يعني عمري 8 سنين..بس انتي شكلك نسيتي شي!
راوين\شنوا.!
جمانه\تتوقعين يوسف ليش رجع اليوم بالذات..!وليش كان هو غايب اصلا!
راوين\ أنتي تخرعين..انا بهالمواقف عاطفتي هي الغالبة...يعني مأفكرت باللي تفكرين فيه..الموقف اثر فيني وخلاني مااشوف غيره..لكن معاك حق...يوسف وينه كل السنين!؟
جمانه\سؤال محيــر صح!؟صدقيني مأاظن الكل فكـر بنفس تفكيري تدرين ليش!
راوين\ليش؟
جمانه\لأنه صدمتهم بوجود يوسف وانهياره..نستهم كل شـي..
راوين\صــادقه...لكن اهم حاجه انه يوسف رجع ..رجع لبيته..ولأهله..
جمانه\وغير كذا اللي فهمته .او اللي استنتجته انه سبب رجعة يوسف هي الوليد..
راوين ابتسمت بخبث\وش معنى الوليد؟
جمانه\أولا لاتطالعيني بهالنظرات اوكي..وثانيا مايبيلها ذكاء..الوليد رجع اليوم..واكيد يوسف رجع معاه..
راوين\وقسم بالله انه عقلك يوزن بلد..هذه فاتتني بعد
جمانه بغرور وانفها مرفوع\قديمـــه..
راوين\اقولك..امشي ننزل..اللحين الساعه ثنتين تهقين في أخبار جديدة..
جمانه\مدري...بس كيف ننزل واحنا بهالبجامه..
راوين\يعني مين هنا يالخبله..مافي احد..امشي بسرعه ترى مو قادره استحمل اجلس ولا ثانيه..
جمانه قامت من السرير\\والحريم..
راوين\بالطقــاق,,
جمانه\قويــه راوين...!
راوين\ههههههههه لاأمزح..
جمانه\إيه ضحكي..ضحكي..مين قدك اليوم..
راوين قامت وعدلت لبسها وفتحت الباب\اسكتي بس..
-------------
فتح عيونه على وجـه ابــوه اللي كان موطي راسه ونايــم..حس بفرحه كبيره تغمـره وهو يشوف ابوه جنبــه...لكن تلاشت هالفــرحه كلها لمن تذكر اللي حصل لــه..خانته دمعه حرقــته...وتوه بيرفع ايده عشان يمسح هالدمعه الا شاف ايده اليمين حاظنتها ابتسام براحة ايدها اللي ماشعر فيها....
التف ببطء لأبوه..ومره ثانيه التفت لأبتســام..ويوم شاف شكثـر هم خايفين عليــه بكـى مثل الطفــل اللي توه مولود..ظل يبكــي واحساسيس كثيره يستشعرها,,الم وامــان وعذاب وخوف..
خوف بفقدانهم
وعذاب لأمه
وامان بوجودهم
والم لظلم الدنيا عليه
شكثـر قاسيه هالدنيــا..عاندتــه وهو بغمرة فرحه.. كسرته وهو وبقمة سعادتــه..احساس مميت..احساس مميت انك تجـي بعد هالغياب..وماتلقـى امـك اللي احتريت سنين واعوام عشان ترتمي بحظنها..
احساس اليم انه الفرحه تنخطف منك وانت متأمل انك لقيت راحتك..
وينك يايمــه..وينــك..ابيــك..كنت مراهـق..كنت مظلوم ومحروم..انا اعرف اني غلطان.انا نادم..انا جيت اليوم وبحب رجولك واطلب السمــاح..انا جيت اليوم برتمي بحظنــك وانســى هالعذاب.. انا جيت اليوم وابيك تمسحين دموعي..لكن محد مسحها يمه..ظلت كذا..جفت..بردت..واخنقتني مالقيت اللي ابيه..مالقيت لا صوتك..ولا صورتك..
مالقيت غير ماضــي انا كنت السبب فيــه..وحاظر ذبحنـي وانا بعز لهفتي عليك
انحــرق قلبـي يمــه..انحرق قلبـي بعــدك..
والدنيا..آآه على هالدنيــا..مكتوبه تظل ظلمه من بعدك..
ابتسام\يوسف انت صحيــت.!
يوسف\ابتسام..وين امــي..قولوا لها اني ابيهــا..قولوا لها انه ولدك رجــع..تعالــي..تعالي يمـــه..ابــي امووت..ليش مامــت.ليش انا حــي..المفروض هي اللي تحيا وانا اللي امــوت..ليش يايمــه ليش رحتــي..!
سكرت ابتسام فمه ومسحت دموعه\يوسف تكفــى..لاتقول كذا..حرام عليك..احنا نبيك..وامي بعد تبيك لنا..يوسف لاتضعف ارجوك..خلك قــوي وترحم عليها..واستفقر ربك..الأستغفار زين.
ابعد يوسف ايد اخته من فمه ومسكها\امـي متى ماتت!
ابتسام\ليش تسال وانت عارف انه الجواب جارح..يوسف لاتفكر بالماضـي..امي راضيــه عليك..امي تحبــك واكيد اللحين هي مرتاحه في قبرها..اكيد هي اللحين مطمنـه..
يوسف وبكل جروح وبكل الم قال\الله يرحمك يايمــه..الله يرحمــك..
ابتسام كانت تحس بجروح يوسف وهمومه..فرق بين يوسف اللي شافته بيت جدها واللحين..فرحته ماتت بسماعه خبر امها\يوســف قول معــأي..لا اله الا انت سبحانك اني كنت من الظالمين..
يوسف انصاع لها ونطق ولسانه يحسه جاف ومرّ\.لا اله الا انت سبحانك اني كنت من الظالمين..
ابتسام\ الله الله رب لا اشرك به شيئا
تاثر يوسف بهالكلمات وحس براحه خفيفه تتسل لقلبه\ الله الله ربِ لا اشرك به شيئا
ابتسام\واللحين وش تحس فيه!؟
يوسف ابتسم بين دموعه\الله ياأجرك يأبتسام..
بسبب كلام يوسف وابتسام صحـى بويوسف اللي كان غافــي..ومن شاف يوسف حس بالراحــه وتهلل وجهه.
يوسف قرب من ابوه وحـب راســه..
يوسف\صحيتك يبــه..
بويوسف هز راسه بالنفي\الحمدلله على سلامتك ياولدي..
يوسف\الله يسلمك يبــه..يبـه..سامحنــي..
بويوسف\انا مسامحك دنيا وآخره..يوسف ولدي..انت ولدي..وشلون مااسامحك..انت نورت عيني..بردت على قلـبي بشوفتك..
عور قلبه يوسف على ابوه..وبويوسف حس بولده..
بويوسف\للحين تعبان..
مسك يوسف قلبه وتنهد بصوت موجع\آآه يايبــه..قلبــي هو التعبــان..
بويوسف حس بالخوف\سلامة قلبــك..
ابتسام كانت معهم وتبكي دموع الفــرح..من زمان..من سنيييين وهي تتمنى وتحلم ووتامل..من سنين وهي تتمنى تشوف هالفرحه اللي بعيون ابوها ..من سنين وهي تتمنى ينشرح هالقلب,,ويتهلل هالنور اللي بوجه ابوها..واليوم ربي استجاب لدعاؤها مثل ماأستجاب ليوسف وللوليد,,اليوم ربي رجع ضالتها وضالة أبوها..
ابتسام\اقول مو كأنكم نستوني..!
بويوسف\احد ينســى ابتسام..غلطان..
ظحك الكل على دخلة الوليد وابتسم يوم شاف يوسف صحــى..
الوليد\فديت هالوجه ياربــي..وجلس جنب يوسف..
ابتسام\اي وجه عاد قول!
الوليد\لاتصدقين نفســك..انا اقصد يوسف..
ابتسام مدة بوزها وهي منقهره\سخيـــف..
يوسف\هههههههه الوليد إلا بســوم..
ابتسام صرخت\يوســـف عيدها..
يوسف خاف\شنوا!
ابتسام\قول بســوم من زمان ماسمعتهــا..
الوليد ضربها على كتفها\مالت عليك..خرعتيني ..
يوسف بصوت هامس\بســوم..
ابتسام ابتسمت بفرحه\والله احلى بسوم..
الوليد\ طفلــه ياناي طفلـــه...صح تذكرت..احمد بــره..يبي يسلم عليك
يوسف ابتسم بفرحه\والله..
بويوسف بهدوء\ لحظه..يوسف..
يوسف\سم يبــه..
بويوسف\....كنت ابي اخبرك اني تزوجت وعندي ولد..
سكت الكل بعد كلام ابــوهم.. والكل عيونهم على ويوسف اللي كان مصـدوم...ومندهـش
يوسف\صج!
الوليد\ولد قمـر يشبهك كثييييير..عمره خمس سنين..واسمه عـ
ابتسام قاطعتها\عزيز,,ومسكت ايد اخوها بحنان....إذا شفـته بتقطعه بوس..
يوسف ماكان على وجهه غير الصدمة..ماعرف ولا أحد هل هو فرحان بهالخبر والا متضايق.ولكن تفاجئوا يوم قال..
يوسف\وليد اكتب لي خروج..آبي أشوف عزيز..
ضحك الكل ..وابتسام ضمت يوسف بقــوه..
ابتسام\امووت فيك..
-----------
طبعا الجزء طويـل واللي يقول مو طويل!ياويـــ...<<كملوا انتوا
تركي وش موقفه اذا عرف برجعة يوسف!
والجد بومحمد بتنجح عمليته!
ويوسف بتكون هذه نهاية احزانه
ولؤي واول خطوه للمستقبل!
وفجر وش راح يكون دورها بألأجزاء الجايه
وطلال وراوين..انتهى موضوعهم!؟؟
وعزيز !؟
اختكــم\وصيت قلبي عليك
الجزء الثالث والأربعون
دنيا غريبـــه
--------------
بوجهه ابتسامه باهته تخدع الكل بهداوتها..وبعيونه لمعه حزن اوجعت قلوب بوجعها
دخلوا عليه الكل عمامه وعيال عمه يوم عرفوا انه صحـى وامتلت الغرفـه بالحبايـب
كانت عيونه تدور عليهم كلهم وهو يـتأملهم وملتزم الصمت يمكن يرتوي بشوقه لهم ....خبروه عن جده اللي ماطلع من غرفـة العمليات.. واول ماعرف حس بحراره قويـه بكل جسده ووهن شديد بأاعصابه..شحـب وجهه وحاول يهـدي من روحـه ويتنفس ويركـز بكل اللي يقـدرّ عليه والكل يناظر تقلبات وجهه..
كره نفسـه وغربتــه..وكل كان ضـده...مايدري مين السبب على اللي يحصل!هو والا تركـي ..والا القـدر اللي ماأنصفـه..!ماقدرّ غير يدعي له من كل قلبـه انه يقومه بالسـلامـه....مايبي يخسـر اثنين كفـايه امه خلت القلب ينـزف بغيابهـا...مو قادر يتقبـل انه ممكن ينصدم مره ثانيــه..وثالثة ورابعــه..خلاص القلب ماعاد يتحمـل صدمات بعد اليــوم..
\\
وبعد ماتطمنوا على يوسف الأغلبيه صعدت للدور الثـاني بقسم العمليات ومابقى غير الوليد واحمد
اما ابتسام رجعت مع ابوها اللي وصلها البيت ورجع المستشفى..
احمد\يوسف انت بخـير!؟
يوسف\تطمن يأحمد..وبصعوبه كمل!..انا بخـير..
الوليد\يوسف انادي لك الدكتور..
بسرعة قال يوسف\لاااا..مايحتاج بس احس بصعوبه وانا اتنفـس..
احمد\استرخي يايوسف..ارتــاح ولاتفكر بأي شـي..وجدي ماعليه شر إن شاء الله..
يوسف تكلم بألم عميق\شلون ارتاح...قولي شلون ارتــاح..!
هدوء غريب بعد جملة يوسف دام دقايق كانت طويله..
يوسف\انا لازم أشوف جـدي..مو متحملّ...اعصابـي تلفت..العمليه طولت..
احمد\العمليه تحتاج دقـه...مالنا غير الصبـر..
يوسف\الوليد طلبتـك..روح شوف يمكن جدي طلع من غرفة العمليات..
توه بيردّ الوليد الا دخـل هيثم وهو يلهث...
قام احمد\بشر ياهيثم..
هيثم بصوت عالي\العمليـه نجحـــت..
من سمع يوسف آخر كلمـه تجمعت الدموع بعيونه وتمتم بهمس ".."
\\
الفـرحه رجعت مره ثانيه لـ عايلة العالي..والكل عرف بنجاح العملية
والجد بومحمد نقلوه لغرفـه خاصة ومنعوا أي احد يدخل عليه لمن تتحسن حالتـه..
رجع الكل بيوتهم وبعيون الأغلبية أمل وتفاؤل..وتركوا اثنين بالمستشفى يتمنون راحـه تعيشهم بسلام ابدي.
----------
من أول مارجعت البيت طلعت لغرفتها وخذت مفتاحه اللي بدرجها وفتحت غرفتـه وبدت تنظفها مع الخدامة اللي صحتها من عز نومهـا,,
كل شي رتبته ونظفتــه..استبدلت مفرشه بمفرش جديد..وطلعت كل ملابسه وحطتها بسلة الغسيـل
الخدامة كانت تنـاظر ابتسام ومستغربه منهــا ومن نشاطها الغريب بآخر ثلث الليل..لكن ابتسام ماعطتها مجال تكلمهـا وطلبت منها تغسل كل ملابسه اللحين....وبعد ساعة ونصف من التنظيف والترتيب..بخرت الغرفة بريحة المسك والعود وفتحت كل النوافـذ والستاير بسعادة كبيـره وجلست على سرير يوسـف والفرحة غامرتهــا ..كان ودها تصحـي الكـل وتقول لهم انا سعيدة..سعيدة لأن اخـوي رجع لي..في ذيك الليلة عيون ابتسام ماقدرت تريح جفونها وتنـام وظلــت تفكـر وتفكـر لمن النـوم غلبهــا وماحست إلا بنـور الشمــس ملى غرفة يوسـف..وصوت الشيخ وهو يخطـب خطبة الجمعـه..
نـاظرت ساعتها وشافتها 11 ونصف..قامـت بسرعة وسكرت الغرفة بعـدهــا..
دخلت الحمام وتروشت بسرعه وصلت ولبست اول بدله شافتها..
نزلت تحت وشافت عزيز اخوها لابس ثوب ابيض يجنن عليه وخصوصا لأنه ابيض وشعره اسود وكثيف وجالس على ألأرض قبال التلفزيون وماسك صحن مليان كورن فليكس ويناظـر توم وجيري بتمعـن قوي.
قربت من التلفزيون وقفلتـه وبشفايفها ابتسامه خبيثة..
قام عزيز بسرعه وجلس على الكنب وهو ماد يوزه الصغير بدون ماينـاظرها وواضح انه زعلان
جلست جنبه ابتسام وابتعد شوي..قربت منه وبرضوا ابتعد قربت اكثر وهو ابتعد اكثر لمن لصقت فيه ومسكت شعـره اللي وصل لتحت إذنه...وبصوت هامس وحنون قالت\زعلانين!
عزيز ابعد ايده وبخشونه قال\ايــه..
ابتسام رجعت تحط ايدها على شعره وتلعب فيه\ليــش!
عزيز\ليش تنامين بيت جدي وتخلينــي..!
ابتسام\فديت اللي يحبــوني..
عزيز\ماأحبـك..
ابتسام\كــذاب..وبعدين انا مانامت بيت جـدي..انا كنت هنا امـس.
رفع عزيز عيونها وناظره ويوم شافته ابتسام تذكرت عيون يوسف\متـى..ماشفتـك!..أنا رحت غرفتك ومالقيتـك..
ابتسام\أمم خلص طيب هذاني موجودة..
عزيز بأسلـوب طفولي\ياويلك إن تركتيني مره ثانيه..
ماقدرت ابتسام وحضنته بقوه وعزيز بالمقابل تشبص فيها اكثـر لأنه كان طول هاليومين يحس بوحدة
أمه كانت تطلع وتتركـه لوحده ولو ابتسام موجوده كان ماظل وحيد
ابتسام\عزيز تذكر ذيك ألصوره..صورة يوسف..
عزيز ابتسم وهو يتذكر ألصوره\اخـوي الصغـير..
ضحكت ابتسام عليه\ايـه..اخوك..تبي تشوفه..
عزيز ابعد عنها وهو متفاجأ\أشوف مين؟
ابتسام\يوسـف..!
قام عزيز وصار ينط نط بحماس\ايـه..ايـه..آبي أشوفه..
ظحكت ابتسام عليه
ابتسام\طيب اسكت بتشوفـه قريـب..قريب كثيــر
دخل هاللحظه أبوها والوليد وكانوا جايين من صلاة الجمعـه..
قامت لهم بسرعـه وسلمت عليهـم..
الوليد\دريتي عن جـدي..
ابتسام\شفيـه جدي..
الوليد\نجحت عمليته..
ابتسام صرخت\واللــه..
جلس الوليد وفصخ غترته البيضاء وحطها جنبه ومسك عزيز وجلسه بحضنه..\إيه..
ابتسام\الحمدلله يارب..يبه متى بيطلـع يوسـف..!
بو يوسف\المفروض يجلس يومين..
ابتسام\ليش يبـه ماله داعـي..
بو يوسف\لو الأمر بأيدي كان طلع من أمس..لكن إن شاء الله بيطلعه الوليد اليوم
ابتسام\متى!؟
الوليد\شفيك انــتي...قلنا اليـوم..!
ابتسام انحرجت\طيب بروح معـك..
تمدد الوليد على الكنب اكثر\ان شاء الله صحوني اذا حطيتوا الغداء....تراني جويعان..
ابتسام\وانت لازالت متمسك بهالمصطلح..!
الوليد رفع حاجب بغرور\منقهره الأخت!
ابتسام كتفت ايدنيها بضجر\على ايش ياحظـي..!
الوليد\اعترفي اني اجمل منك..!
طنشته ابتسام وطلعت فوق وهي منقهره شوي منه..
الوليد شافها وهي تطلع وظحك عشان يقهرها اكثر\عزيز بتنام معـي..
عزيز\لا لا..مأبي..
الوليد\زين قوم عنـي..صاير ثقيــل..مدري وش تأكل!
عزيز\أنت دبّ..
الوليد\هههههههه طالع عليك
-------------
يتخيــــل
أكيد هو يتخيـــل!
رجــع..!شلون!؟وليش!؟ومتى!؟وكيـــف!؟
كل هذه اسئله في بال تركـي مو قادر يلقى لها اجوبه..
قبل دقايق رجـع بيته وهو حاس انه هالصبـاح كريه بسبب مقابلته مع ابونايف اللي ماتوصل معاه لحل..
هو قادر انه يوفقه عند حده ويضغظ عليه لمن يدفع المبلغ غصبن عنه..لكن تركي كان متعاقد معاه بأكثر من مناقصه..ويمكن هذا اكبر سبب لاوي ايد تركـي..
لكن اللحين نسـى كل شي بخبـر غلا اللي صدمــه..
مسكها من كتوفها بدون شعـور وعلا صوته\أنتي متأكدة..!؟
غلا كانت فرحــانه ومتأثرة بالخبر ومو حاسه باايدين تركي القاسيه\ايــه..رجـع يوسف ياتركـي..رجــع ونور بيت عمـي..
تركي\كيف عرفـتي.!
غلا\دقيت على أهلــي..وامــي قالت لي..
تركي بهمس وكانه يكلم نفسه\شلون!؟..ليش؟
حاولت غلا تتخلص من قبضة ايدينه لكن عبـث\مو مهم شلون!؟..المهم انه رجـع لنا..تركي اتركني أنت تالمنــي..
تركها تركـي بقوه لدرجة انه اختل توازنها لكن ثبت نفسها بالجدار اللي جنبها بصعوبه..اما تركي طاح على اقرب كنبه وحط أيدينه الثنتين على رأسه وهو مفجوع..
لاحظت غلا حركاته..وتفاجأت منه..توقعت تلقى الفرحة بعيونه..توقعت تشوف عكس اللي تشوفه أللحين..كانت متشوشه..ومو عارف وش تقول..الحركه فاجأتها..لكن اللي فاجأها اكثر ردة فعل تركي..
غلا\تركـي..أنت مو فرحان بردة يوسـف..
غلا\تركــي..خوفتنــي شفيــك..!؟
غلا\تركــ
قاطعها تركي وقام وهو يصرخ بأعلى صوته\اسكــتــي..ماأبي اسمــع صوتــك..
غلا ارتجفت من صرخته\انننـ
طلع بره البيت وترك غلا مصدومة بتصرفاتـه..
-------------
طفـش وهو جالس ينتظـر الوليد ..ماتوقع لو مره انه اول يوم له بديرته بيكون بالمستشفى..ماكان وده مايبي يضيع ولا لحظه وه بعيد عن اهله..لأنه عارف ومتيقن انه كل دقيقه بحياته ثمينــه ومستحيل تتكررّ مره ثانيـه..
فكر انه يزور جده مدامه جالس لوحده لكن شلون يعرف مكان غرفتــه..!فكـر كثير لمن توصل لحل
قام بسرعه وهو ناوي يسأل الرسبيشن واكيد بيدلونه...وفعلا طلع لهـم واعطاهم اسم جده وعرف هو بأي غرفه واي دور..دخل اللفت وظغط على الدور الثاني ودور بين الغرف اسم جده لمن حصله وحس بسعاده كبيـره لأنه بيشوف جده اللحين..فتـح الباب بهـدوء
وشاف شخـص متمدد على السرير أهلكته السنين وكبـرته كان جده جالس بكل ضعـف وبأيدينه اسلاك كثيـره جهلها.قرب منه أكثر وقلبـه يرجـف لمن جلس بطرف السرير بهدوء..تذكر يوم كان يقول لجده وهو صغيـر "أنا بكون مثلك رجال ولد رجـال تاجر والكل يهابنـي..ابيهم يقولون اذا مريت هذا يوسف بن محمد بن يوسف العالي..آبي أكون دوم عالي بعيونك وبعيون الكـل ياجـدي.."
مسك أيدينه وقرب وجهه لمن باسهم بهدوء
يوسف\مدري ياجـدي انا مازلت عالي بنظركم أو لا!؟لكن شقـول...الله العالم بسـري وغربتـي..وحشتني ياجـدي..وحشني كل شـي فيـك..خفت افقدك..مثل مافقدت أمي..لكن الله عوضنـي بشوفتـك..الله عوضنـي,,
فتـح بومحمد عيـونه على صـوت يوسـف..ماكان مصدق اللي يسمعه...كان يتوقع انه يتوهم او يحلـم بنومـه..كان بومحمد شبـه غافـي وحس بأحد يدخل غرفته لكنه تعبه وارهاقـه منعوه انه يفتح عيونه اويتحـرك لأنه حتى الحركـه تاثر على قلبـه..ولمن سمع الصوت..تفاجأ بوجه يوسف على ايدينه اليمنـى..
بومحمد بصوت هامس وثقيل وهو جاهل هوية الشخص اللي جنبه\منوا! سلطااان
رفع يوسف وجهه ببطء وماكان مصدق اللي يسمعه..ولمن التقت العيـون لحظــه دمعت عيون يوسف
يوسف\يوسف..انـــاااا يوســف..
بومحمد\يوسف..ولد ولــدي..يارب انا اللي اشوفه صـدق.!
يوسف\صـدق..اللي تشوفه صـدق..
رفع بومحمد جسمه بتلقائيه لكن يوسف منعه من الحركــه وهو اللي قرب منه لمن حظن راســه وظـل يبكــي على اكتـافه مثل الطفـل.. وكانت هذه احساسيس يوسف من اول ماتخطت رجله ارض السعوديه..كان بكاءه مثل الطفــل الوليد..كان يبكـي بعمـق وبخوف وبضياع وباحسايس كثيره خالجته..ماكان يعبر غير بدمعــه حارقه وهذه اليوم الدمعه تعبر عن بعض من مكنون سنين الغربـه والحرمان..
بنفس اللحظه دخلت هند وسلطان وام محمد وشافوا كيف يوسف حاضن جده وعرفوا انه اللقاء انكتـب..
هند قربت منهم وابعدت يوسف من جده وهي تبكـي..
هند\وأنا مالي نصيب ياولد اخـوي..
ابتسم يوسف بين دموعه وضم عمتــه\غيابكـم صعــب..والله صعــب..
ضمته اكثر وضلت تبكـي وهي ساكتة..فرحتهم اليوم مو مثل أي فرحـه..
بومحمد بصوت تعبات\تركيه ياهند.خليني اشبع من شوفتــه..
تركته هند وجلسته قريب من جده\ولايهمـك..هذا ولدك اشبـع من شوفتـه..
ارخى يوسف راسه وحب رأس جده..
وما مضت غير دقايق واجتمع الحبايب مره ثانيه بغرفة بومحمد لمن امتلت
الدكـتور عبد الله (دكتور العايله) دخل عشان يكشـف على بومحمد وانصدم من هالتجمـع الكبيــر وطردهم من الغرفة لأنه الكلام بيأثر على العملية...
\\
طلع يوسف من المستشفى اخيـرا مع ابوه والوليد ومعاه كيسة أدويه ومراجعات كثيرة لازم يحرص عليها لكن يوسف كان عارف انه دواه وشفاءه بوجوده وسط اهله
وصل يوسف البيت وهالمره ابوه بيمينه والوليد بيساره واول مادخل الصاله طاحت عينه بدون شعـور على كنبه مزدوجه كانت محطوطه بالوسط واول ماشافها حس بغصـه تخنقـه وتعذبـه هالكنبه هذه بالذات كانت امه تجلس فيها وتنتظره لمن يجي من بـره او ينزل من غرفتـه..مشتاق لها.مشتاق لها حتى لو رضـى بقدره...كان اول يتمنـى يشوفها..ولمن يأس من هألأمنيه اللي عيت تتحقق تمنى لو يسمع صوتهــا..وهاللحين مالقا لا همس ولاشوفه..مابقى غير ذكريات تجرحه وحرمان يعيد نفسـه...!
ومن كثر ماكان غرقان باأفكاره ماحس بأبتسام اللي سلمت عليه ولاحس باللي واقف قباله وينـاظره بخوف..
مسك ابوه ايده عشان يرجعه للواقـع وعلى طول طاحت عينه على مخلوق صغيـر لابـس ثـوب ابيـض وشعره حاجبه عيونه الوساع..دقق فيه اكثـر لحظات ماهي طويله..وفجأه.. رق قلبـه ونعسـت عيونـه وهو يتامل احلى براءه وطفـوله..
ابتسام حست بالتغيرات اللي صارت بملامح يوسف وابتسمت بسعادة..
اما عزيز خاف وتشبص بأيد ابتسام اللي كان ماسكها اول ماشاف الضيف الجديد
ابتسام\عزيز..مين اللي كنت تبي تشوفه اليوم؟
خبئ يوسف وجهه بكتف ابتسام وقال بصوت هامس\يوووســف الصغـير..
ابتسام وتأشر على يوسف\وهذا هو يوسف ..
طلع عزيز وجهه وناظر يوسف ورجع يخبي وجهه مره ثانيه بكتف أخته وقال بصوت مبحوح\بس هذا كبيييييييييير
ضحك الكـل بعد كلمة عزيز ويوسف ماقـدر يستحمل أكثر ومسك أيد عزيز الصغيرة ونزل لمستواه ورفع ذقنه وعزيز كان ينـاظره
عزيز\انت يوسف..
انهبل يوسف على صوته\إيه
عزيز ببراءه\اخـوي يعني..
دق قلب يوسف\ايـه..
عزيز قال ببراءه\يعني صار عندي اثنين..الوليد الدب ويوسف..
حضنه يوسف وقال\إيه..إيه
الوليد عصب\انا دب يالــدبّ..
يوسف\الوليد دبّ؟
عزيز\إيه دب كبير..
يوسف\طيب وأنا!؟
ابتسم عزيز وبانت أسنانه \لا أنت حلو
ضحك الكل ورفع يوسف أخوه وجلسوا على الكنـب..وبويوسف كان ينـاظر عياله والفرحة مو سايعـتـه ..مو مصدق انه يشوف ولده قباله..ولده اللي بكـى عليه سنين طوييله..
كان الكل جالس جنب يوسف..عزيز بحضنه ويناظره وهو مو مصدق انه هذا أخوه كان يمسك عيونه بين فتره وفترة ويضحك يوسف يغمض عيونه عسان عزيز ياخذ راحته..وبعض المرات يتحسس لحيته الخفيفة بطفولة مجنونه ..أما ابتسام والوليد كانوا حوالينه ويسترجعون ذكريات حلوه وقديمـه بينهم..وضحكهم مالي أرجاء البيت..
ابتسام\يوسف ماتبي ترتاح بغرفتـك..
يوسف\راحتي معكم ياأبتسام..عيوني ماأبيها تنـام وتتركم..!
الوليد\وإذا نامت!
ابتسم يوسف \بفتحها غصـب..
ابتسام بهمس\بتتعود على السهـر..؟
يوسف\تستاهل السهـر مدامها بتناظركـم..
----------------
على المغرب وفي البيت الكبيـر كانت جمانه متضايقة لأنهم بيرجعون رأس تنوره اليوم بعد ماترجع امها من المستشفى..
جمانه\والله قرف..انا مدري متى بفتك من الامتحانات!
راوين\خلاص جمون هانت بقى اسبــوع..!وبتبدأ علطة الربيع..
قامت جمانه من الكرسي وجلست على العشب ألأخضر وأرخت رأسها على الكرسي وصارت تناظر النجوم..
وراوين استنكرت هالحركه..
راوين\من صجك أنتي!؟
جمانه\مللّ..مللّ أحس بملل..على إني المفروض افرح اليوم لسلامة جدي.بس مدري ليش أحس بضيقــه..!
راوين\انا عارفه ليش انتي متضايقة..
ناظرت جمانه راوين بتمعــن وسكتت..
راوين\أشوفك ساكتة وإلا ماعجبك ردي!
جمانه\نفسي اكلم غلا!
راوين\اسميه هروب!؟
جمانه\مو هروب..ماعندي شي أقوله راوين..
راوين\طيب كلمي غلا..
جمانه\المشكلة إني كلمتها العصر بس حسيت أنها مو معي..شي شاغل بالها..
راوين\مثل ايش!
جمانه\مأاعرف..غلا تغيرت بعد زواجهــا..
راوين\فاقدتها جمانه!
جمانه تألمت لكن لكنها ردت\كثييير..
راوين\وأنا مأأنفـع!
تضايقت جمانه\فهميني راوين..
راوين ابتسمت بحنيه\والله فاهمتك..بس ابي العب بأعصابك..
جمانه تكلمت بدون شعـور\موبس غلا اللي فاقدتها..انا فاقده اشخاص كثييره..فاقده ناصر..
فاقده نفســي..فاقـده أأ
راوين\ليش سكتي..كملي!
فتحت جمانه شعرها اللي كان يضايقها ورجعت تتسند على الكرسي مره ثانيه\مأبي اكمـل..انا اكره نفسـي هاللحظـه..اكره هالأحساس اذا عذبنــي..
راوين نطقت بدون شعور\فاقده الوليد..صح؟
سكتت جمانه وهي متفاجأه ..وراوين عرفت الجواب بسكوتها..
---------------
كان واقف قبال باب بيت جده وعارف إنهم ماشين اليوم وهو بعدهم بكم بيوم برضوا بيمشي ومو راجع إلا بااجازه الصيف اللي بعد أربع شهور..
مايدري وش اللي جابه هنا وهو متأكد انه الأغلبية بالمستشفى ..مايدري كيف لبس ثوبه وحرك السياره وجاء هنا بس اللي يعرفه انه فاقـدها بجنــون واذا ماسوى شي قبل مايرجع امريكا بيموووت قهـــرّ
احساسه غريب اليوم..ومن كثر غربته هو جاهله..خلاص الوليد ماعنده شي يفكـر فيه بعد اليوم..تفكيـره كله بمستقبله مع جمانـه..وهو بيسعـى لحبـه حتى لو تضررّ..
دخل البيت وحـس بصوت على يسـاره جنب الحديقـه لف وجهه بتلقائيه وشاف بنتين وحده جالسه على الكرسي وبتلقائيه نزل عيونه وشاف ثانيه متمدده على الأرض وراسها على الكرسي ومايفرق بينه وبينهم الا اقدام..وكانوا يناظرونـه بذهـول وشكلهم مصدومين..
الوليد كانت عيونه تنتقل بينهم وعرفهم بعد استيعاب دام ثواني سريعـه وبدون مايضبط نفسه ووبدون اراده رجع يركز نظراته على جمانه نظــره اخيـــره وطوييييله غصبن عنه وماقدر غير يرسم على شفاته ابتسامة شوووق واسعـــه وحب مجنــون.. وبعدها لف وجهه واعطاهم ظهره ودخل البيت وهو مو قادر يخبي هالأبتسامه ولا تهوره اللي فضحه..
\\
بجهه ثانيه كان جمانه على نفس وضعتيها وباين عليها الصدمه لأنها فاتحه فمها كله.. وتنـاظر الفراغ اللي اتركه الوليد ومو قادره تستوعب انها شافت الوليد..كانت تفكر فيه..كانت وبكل صـــراحــه مشتـــاقــه له وهذا هو اليوم حقق مطلبها وجاء لها مثل الحلم الخاطف..
مو قادره تستوعــب اللي يحصــل لها..وماقدرت غير تلف على راوين بسرعه وتصـرخ
جمانه\قليـــــل الادبببببببب
راوين مااااااااااااااااااتت ضحك عليها
جمانه شوي وتبكي\الحقيير عرفنا ولا لف وجهه ..ورجعت تقول بصعصبيه وخجل..قليــل الأدب حمـــار..
راوين\هههههههههههههه ولا ..ويبتسم بعــ ـددد ههههههههههه
جمانه عضت على شفايفها بقهر\سخيــف..سخيــف..
راوين\ويوم شبع شوف لف وجهه ههههههههههوانتي بعد ماقصـــرتي مفتحه عيونك على ألأخيير هههههههههه ههههههههههه اللحين عرفت ليش انتي متضايقــه.. شوف وجههك كيف صـار ههههههههه
جمانه بدون شعور تحسست وجهها ويم شافتها راوين رجعت تضحك بجنون وجمانه كرهت نفسها وقامت تضرب راوين وتشمع شعرها الطايح..
راوين\ههههههههه أي ايييي حرام عليك ههههههههه جمون وخري يالعجووووز ااههههههههه ترى بقول له انك متوحشه اييييييييي
جمانه تركتها يوم سمعت احد يتحنحن وعرفت انه الوليد قامت بسرعه من مكانها واصطدمت براوين اللي قامت بنفس اللحظه رجعت راوين تضحك على الموقف وجمانه انقهرت اكثر وصاورا يركضون بدون شعووور للباب الخلفي قبل مايطلع الوليد لهم مره ثانيه ..و فعلا طلع بعد مأاختفى صوتهم وصار يناظر مكانهم وهو فـرحان ماكان متوقع ابدا انه يشوفها..كل الي كان يتمناه انه يكون موجود بنفس المكان اللي هي موجودة فيه...لكن انكتب انه يلتقون...حسد نفسه على هالشوفه لأنها احلى شوفـه قبل السفـر....
طلع من البيت وهو يقول "ماميزت هو عشب ضاوي والا اللبس اخضـر..آآآه فديت اللي لابــس اخضــر"
---------------
انتظـرته كثيـــر..ضلت طول يومها وحيده كئيبة..والليل زادت وحشته وظلمته..وتركي لسه مابين..
وينه تركي! وليش طلع معصـب!ليش مقفل تلفونه!
ليش يتلذذ بتعذيبي.!
مايسوى علي زوج..مايسوى علي حـب!؟
آآه ياتركي ليتني ماحبيتـــك!الكلمه قويه صح!لكن مأظن انها قاسيه على احد غيري..!مأاظن انه احد بيتحمل نتايجها غيري!
ليش مكتوب علي اعيش بقلق!ليش هالعذاب النفسي ليييش..!
ليش مقدر أواجهك..ليش راضيه بظلمك وبجبروتك..كل هذا لأني احبـك..وإلا لأني ضعيفـه وصابرة..
ياربــ ساعدنــي ياربـ
وفجــأه حست بصـوت باب غرفتها ينفتح بكل قوه التفت بتلقائيه وطاحت عينها على اللي معذبها ومسهرها وحارمها النوم..
غلا\تركــي
دخل تركي عليها بدون مايسلم..وفتح دولابه وخذ الشنطه اللي بالزاويه وحطها بالسرير وصار يطلع ملابســه بسرعة كبيييره وغلا تنـاظره ومتفاجأه من اللي يحصـل..قامت له بسرعـه وقلبها يدق بخوف
غلا\تركي..ليش هالشنطـه..!
طنشها وفتح الرف الثاني وطلع إغراضه الشخصية..
غلا\تركي وين بتروح.!
سكر الشنطه والتفت لها\بسـافر..
حطت ايد على فمها ورمشت بتوتر\تســافر!
تركي\ايه..بسافر..كلها اسبوع او اسبوعين وراجـع..عندي شغـل ضروري..ولازم اسافر الليله..
غلا\وتتركنــي..!
تركي\ليش انتي طفلــه..والا تخافين!؟وبعدين اهلي بالطريق اذا ماتقدرين تجلسين بالبيت روحي نامي بيت اهلي لمن اوصل..
غلا\بسســ
ماعطاها مجال تستوعب\بس ايش!..صح تذكرت..طلع ظرف من جيبه وحطها باأيدها..خذي هذه الفلوس يمكن تحتاجينها..
غلا حست إنها بتموت إذا تكلمت\بسـ انااا.. انا ماأبي فلووس..
تركي\ناقصك شي.محتاجه شي..
امتلت الدموع بعيونها وهي تقول بجراءه تفاجأت منها تركي... لاتسااافــر..
استغرب تركي منها..مايدري هي وش فيها..!معقولة هي حاسة باللي يحس فيه!؟
تأثر بدموعها وقرب منها ببطء وضمها\لاتخافين..اسبوع وراجـع.. وبصعوبة نطقها..حبيبتــي
غلا تفاجات بكلمته..ماتوقعت يجي يوم وينطقها..من زمااان..من زمان وهي تحلم بهالكلمه..واليوم نطقها وهو بيفارقهــا!
رفعت رأسها من صدره ونزلت دموعها على خدها وهي ترمش بضياع\تحبنـــي تركــي..!
ناظرها نظره طويلــه بدون مايرد عليها.. لكن رجع يضمها مره ثانيه بقــوه وهي ماأستحملت وضلت تبكــي بحضنه بصوت اوجـع قلب تركي
إيه احبك هذا حظي اللي أنكتب ودربي اللي أمشيه وادريبه تعب
إيه احبك وأنت في عيوني سهر وانت وسط القلب حرات وقهر
بس احبك هذا حظي اللي أنكتب ودربي اللي أمشيه وادريبه تعب
اشوف الناس في عيوني ومن بدهم اشوفك غير
واحس مثلك في هالدنيا في الدنيا ابد مايصير
في عينك سحر ياخذني ويخليني معاك اسير
واحس عمري وقف عندك وايامي وراك تسير
يادمعة عين في فرحي ودمعة عين في احزاني
ياحب تالي العمر اهلا نطرته سنين لي جاني
بشيلك في وسط عيني ياأغلى حب لاقاني
وقلبي يافرح قلبي وشبابي اللي رجع ثاني
ايه احبك هذا حظي اللي انكتب ودربي اللي امشيه وادريبه تعب
الكاتبه:"وصيت قلبي عليك"
|
29-05-07, 01:42 PM
جديد مواضيع قسم القصص المكتمله
العرض العادي
