اخي العزيز هل تتكلم بجد تريد المقارنة بين نجيب محفوظ بدون اي القاب لانه اكبر من اي لقب وبين مين
هل تحاول هدم الهرم واستخدام احجاره في بناء مساكن شعبية
سامحك الله

فعلا يا أخ كفافس المقارنة ظالمة لكن لنجيب محفوظ و أمثاله ، أنا مش مقتنع إن الأدب حاجة مهمتها تضييع الوقت و للأسف كل اللي استفدته من أدب الستينات هو تضييع وقت ، حاول تقارن بين كمية المعلومات اللي بتعرفها في كل المجالات من "أدب المساكن الشعبية" سافاري و فانتازيا و ملف المستقبل و ما وراء الطبيعة على الأقل دا أدب نضيف مش هتخجل إن ابنك أو أختك المراهقة يقروه

طيب استخدام ألفاظ خارجة بيعتبر أدب يا كابتن ملولي ؟ بلاش الألفاظ الخارجة طيب الألفاظ اللي استخدمها الأخ محفوظ في كفاح طيبة بخصوص بيض البشرة و خضر العيون في شمال مصر مش تعتبر تمييز عرقي يستحق إنه يتحاكم عليها في جينيف ؟ هو الأخ الفرعوني دا بيجردنا من انتماءنا القومي لإننا بيض البشرة ؟ طيب ما احنا عرب برضه دا حتى الفراعنة كانو خليط من شعوب آسيوية و أفريقية ولا احنا بقينا خلاص من الهكسوس عشان لوننا مش زي لونه

اخي العزيز انصحك باعادة قراة روائع نجيب محفوظ وارشح لك حديث الصباح والمساء ملكش دعوه بالتمثيلية
العمل مكتوب بطريقة حديثة جدا معجز والله
وبالمناسبة لا يوجد خجل من الانسان واحسيسه الصادقه غير المفتعلة او المقحمة علي الرواية
اما المثل العليا الطوباوية فليس مجالها الادب فليس مجال الادب الكذب وتزين الواقع ولكن فضح وتعرية الواقع بل يكون مثل مبضع الجراح حين يشرح لاستخراج ورم او قطع عضو مصاب
العلوم والمعارف التي تفترض انك حصلت عليها من ادب المساكن الشعبية علم ناقص انت تعرف اين يجب ان تبحث وتتعب حتي تحصل العلم كاملا وليس مبتورا في شكل معلومه ناقصة ربما يكون دور هذا النوع من الروايات تشجيعك علي البحث
ويبقي الادب العالمي زو الاصالة حكرا علي نوعية ما كان يكتبه اديبنا العظيم الاستاذ نجيب فاعتقد ان ماركيز وسولجنتسن وباسترناك وغيرهم من قمم الادب لا يكتبون بهدف اضافة معلومه لمن يفتقدها دي كانت تبقي مصيبة
تحياتي وحبي