كل ما تكبر تحلى
وتصير احلى واحلى
بين الخد والحاجب
سحر العالم كله

مرت من شارعنا سكتت كل القهوة
عضينا اصابعنا اعجابا بالحلوة
واحد هز الشارب
واحد حرك حاجب
هي ارتبكت..
ضحكت ..
عثرت..
صاح الكل اسم الله

بارد حبهم بارد
وحبي اللي يشفي العلة
يبعد واحد واحد
وخلو الحب لأهله
ليش تهز الشارب
وليش تحرك الحاجب
مسكينة ارتبكت
عثرت ضحكت
صاح الكل اسم الله

شعر: كريم العراقي
غناء : كاظم الساهر

اخذ الحلوة ونام براحة
الشفة كريزة وخد تفاحة
ام القلب المخلص هي
وحدها وتلعب بالساحة
الحلو يغازل اللي قاعد
الله يعين والله يساعد
خمسة وخميسة يا حاسد
ابعد خلي نعيش براحة

مرتبطة او ما مرتبطة
يا ناري على هذي الورطة
والله لارسملك خطة
وتسلمي القلب ومفتاحه

أعجبك من اريد أتغازل وياك
وأرش مي الورد فوق الشفايف
وبنور القمر أغسل محياك
انا شلال من حب وعواطف
مكانك بالقلب وبروحي مأواك
وبين عيوني انت منين خايف
جميل انت ومثير بكل مزاياك
حرام الليل يخلص بالسوالف
حبيبي اسمحلي المس طرف وجناك
وانقط منكة مصرية وقطايف
وبحجة المزاح أتمادى وياك
من هسه اقلك آنا آسف

كلمات : كاظم الساهر

مشيتني بدرب الألم وحملتني اقسى عذاب
جسمي ما يحمل تعب وعاندت آه الصعاب
حتى أهديك..حتى أرضيك
وأكون صاحب كلمة
وبوعدي أوفيك
ما شغل فكري وخيالي الا وجهك
ما شغل صوتي ولساني الا اسمك
ورسمت أجمل صورة
تجمعنا بالمستقبل... عيني اتدلل
وسافرت واتغربت
من اجلك كلشي اتحمل .. عمري اتدلل
وهسه واقف ببابك حزين..
مكسور الخاطر وبصدري أنين
وأتفاجأ برفضك الي
تبدلني بثياب وحلي
يا دمعة لا تنزلي
عالباعني برخص التراب
لازم أبكيك
لازم على النار أمشيك
لازم تدفع ثمن تعبي
ادفع ثمن سهري
لا.. الله اللي يسامح ..لا
طمنتني بكلمة حلوة
أمنت وسافرت
وعلى خدودك دمعة نزلت
وبوداعي تأثرت
يعز علي ما أشوفك
شلون أعيش بلياك
انت اعز محبوب عندي
وانسى روحي وما أنساك
كنت أتوقع أشوفك واقف بباب المطار
تنتظر جية حبيبك بلهفة وبصدرك النار
بين لحظة ولحظة تسأل عن وصول الطائرة
تقول أشوفك يا حبيبي لو ما أشوفك يا ترى
وهسه واقف ببابك حزين..
مكسور الخاطر وبصدري أنين
وأتفاجأ برفضك الي
تبدلني بثياب وحلي
يا دمعة لا تنزلي
عالباعني برخص التراب
لازم أبكيك
لازم على النار أمشيك
لازم تدفع ثمن تعبي
ادفع ثمن سهري
لا.. الله اللي يسامح ..لا

كلمات عزيز الرسام
غناء : كاظم الساهر

أبوس قلبك خلي قلبك صافي
لو فعلا تحبني وتريد انصافي
خليك طيب يا عسل يا صافي
لك صفي نيتك قلبي الك فدوة

أبوس روحك لا تروح لحالك
ملهوفة روحي وحالي يشبه حالك
بهذا الهجر منهو علي أوحالك
معقولة تنسى أيام حبنا الحلوة

أبوس عينك يلي عينك عيني
راعيتك تمنيتك تراعيني
لو تعطش اشرب يا حلو من عيني
أرويك بيدي المي يحلى ويسوى

أبوس قلبك.. أبوس روحك .. أبوس عينك

كلمات : كاظم السعدي
غناء : كاظم الساهر

افتح الباب احنا العزيزين
الاحباب ما نستغنى عنهم
هذا الزمن غير كثيرين
يا خوفي انت تكون منهم
نبض القلب دق على بابك
عطشان رويني بعتابك

عيوني وفؤادي وروحي بالباب
احضنهم وسلم عليهم
يحلى الغزل من بعد الغياب
يلة ارمي راسك بين ايديهم
الدنيا ناقصها وجودك
ضحكاتك وشمة خدودك

افتح الباب اذكر قديمك
واللي على ايده تربيت
الليلة التقوا ضيمي وضيمك
وظل يرتجف من شوقنا البيت
شاي الحبايب صار مدة
ما شربته من ايدك الحلوة

افتح الباب احنا العزيزين

كريم العراقي
غناء : كاظم الساهر