كاتب الموضوع :
^RAYAHEEN^
المنتدى :
الارشيف
يا زمان الطائفية
طائفيةِ وطائفيك
خلي إيدك ع الهوية، وشد عليها قد ما فيك
شوف الليرة ما أحلاها
بتقطع من هون لهونيك
ويازمان الطائفية
طائفية وطائفيك
والله الأوضة بألف ليرة
بشارع صبرا وبالكسليك
حامل ليرة بتسوى ليرة
درزي، بوذي أو كاتوليك
وليكو التاجر يا جماعة
بكل ميلة عندو شريك
شو ما دينك الله يعينك
بياخد منك ما بيعطيك
تعلّم منو العلمانية
نقدي ولا بموجب شيك
ويا ساكن بالأشرفيةِ
أشرفيةِ وأشرفيك
شو أخبارك، كيف أحوالك
والله عم فكر فيك
الزودة طلعت عندي وعندك
لا بتكفيني ولا بتكفيك
يا رواد الأبجدية والشيمية والفيزيك
يللي قطعتو السبع بحور
وسبقتو كولومبس ع الأمريك
وشلتو اللون الأرجواني
عملتو قزاز عملتو قناني
شو بدكم بإسم العيلة،
بالأحرف بالألفابتيك
حلو عن إسمي وحروفو
حرفيا، حرفيةِ وفيك
شو هالجرسة العالمية
يا رواد الأبجدية
بدينت بتريك لحن ع أحمد
تيرد أحمد مع بتريك
ولي عمي حاج رايحه معكم
بالأونطة والتفليك
عنا هالأرزة ع راسي
وغيرا شو عنا يا شريك؟
في التفاحة يا ما شاالله
إن شا الله ما يضربها الله
وفي عنا البيض بأورمة
السودة نية و المعاليق
فينا نخلّص بكل لغة
وفينا نزرزق بالإبريق
عنا حجرة عليها سمكة
بعلبك، صور، و "بيت الديك"
في عنا سنسول مسائب
فرجة كل ما إيجي ترانزيت
عنا حرية - أجلّك
إذا فضلا الله يخليك
عنا مواسم طائفية
بتغيب بترجع قوية
ويا زمان العلمانية،
متى أشوفك؟ - ميتافيزيك
غناء: جوزيف صقر
|
04-03-06, 07:24 AM
جديد مواضيع قسم الارشيف
العرض العادي
