أفلاطون
زياد الرحباني

وصلت دورية عصفورين
غطت على نفس البلكون
مشغول فكرا على عصفور
طار و غط و طول هون
و رجعوا موكب تلات عصافير
رجعوا على نفس الكراكون
نيالن والله نيالن
برمو الدنية فتلو الكون
و أنا علقان بنفس الغرفة
مفكر حالي أفلاطون

و باقي شجرة بوجّ البيت
فتحت الشباك و طليت
غاطط شي مية عصفور
أكتر من مية عصفور
و فجأة طارو كلن منها
ورجعت شجرة مش كاركون
و صار يدق التلفون

غناء: جوزيف صقر

شو هالإيام اللي وصلنالا
قال إنو غني عم يعطي فقير
كأنو المصاري قشطت لحالها
ع هيدا نتفة و هيدا كتير
حلوة دي بتعجن في الفجرية

بيقولوا لك من عرق جبينو
طلّع مصاري هالإنسان
طيب كيف هيدا و كيف ملايينو
و ما مرة شايفينو عرقان
مش صحيح الهوا غلاب

الغني من تلقاء نفسه حابب يوزع ورق المال
منو بخيل ابداً على عكسه تذكركن يا ولاد الحلال

كل واحد منا عندو ستيلو
ما بيمنع انو يصير تنسيق
جيبلي لآمضيلك قلم ستيلو
كل الشعوب بكرا حتفيق
يا سلام
يا سلام
يا سسلام سلم

كل المصاري اللي مضبوبة
ليه ما بتنعد و ما بتنقاس
أصلها من جياب الناس مسحوبة
و لازم ترجع أجياب الناس
هي دي
هي دي هي الأصلية

غناء: زياد رحباني وسامي حواط

بصراحة تعي نحكي بصراحة
ما في أحلا من الصراحة - بصراحة
و بصراحة، بما انو بصراحة
و بما انو ما في أحلا من الصراحة - بصراحة
ما عدت أعنيلك شي و أنا حاسس - بصراحة
ما عدت انفع لشي ما شي واضح - بصراحة
ما في أحلى من الصراحة - بصراحة
والله و بصراحة ما تفتكري من بعدك بطل يطلع زهور
و لا تفتكري من بعدك يعني وقفوا الإيام
و لا تفتكري من بعدك بطل يعلى العصفور
والبيت الكان مضوى رح بيطفي وينام
بمنتهى الصراحة
صحيح الصراحة بتجرح لكنا بتفيد
بتأكدلي انو لازم لاقي حب جديد
و اذكري بس شو كنت منيح معك
و اذكري بس شو كنت نضيف معك
واذكري بس شو كنت كبير معك
و اذكري بس شو كنت بهيم معك
اذكري اذكري بس

غناء: زياد رحباني وسامي حواط

حكي قد ما بدك في
حكي معي و شو بدك في
هيدا مطفي و لو ضويتو
قنينة بيرة بتطفيه
ما بتعود بتسمع فيه خالص

جكي زت و ارجع شيل
تهدا بخيط و طيّر فيل
هيدا لو فقعت "عالدورة"
بيقللك طار "سن الفيل"
هيدا نفسوا تبع الفيل
وواصل

غناء كورال / مسرحية أمرك سيدنا وأبطال وحرامية

ولّعت كتير خلّصت الكبرتة
لا انت الزير ولنّي نفرتيتي
من فضلك تبقى لما بتيجي المي
خلي المي توصل عالتتخيتة

قايللي بيت مش قايل تخشيبة
كيف هيدا حيط و نصو مهدى بسيبة
على كلٍ هلق لما بتيجي المي
سكر هاي والا يعني مصيبة

عم بيحكي رد عليي
و بس تحكي اتطلع فيي
إذا فكرك قوي با فهلوي
منك بـهالقوية
و لا يوماًً رح بنصير

جربت الفيش شرقط بين ايديّ
أنا بدي عيش عيشة طبيعية
هاي جارك عندو مولد
قللو please مد بريز
اخدمني اتوصى فيي

فاتح سلطان عليّ
و فاشل مية بالمية
مشتلشق قصداً فيّ و فكرك قوة شخصية
و إذا فكرك حلو لأ مش حلو
أنا عندي الأولوية
ولا شكلك فاهم كيف

وينوّي السيف بشو بحف الكسرولا
ما في شي نضيف
و لا ناوي الحمد لله
ما في Lessieur ولا جايب Mazola
قللي كيف ممكن انو
تسكن بنت عندك انت
قللي شو بتعملا

قايلي انها فيلا
و هي ولا لحظة فيلا
ليك ملاّ فيلا لا حول الله
انت تعا شوفا كلها
اشي عش فراخ كبير

صارلو شهرين عالمجلى البقلاوة
و بتدبّل عين انو انت حلاوة
و الأنكى وقح و جلغ
والك عين بالعينتين
تقللي البيت مساوى

نبشت الريف على نثرة حشيشة
البقاع تضيف بس مش قدو العيشة
و من صيدا سحبة واحدة للبترون
في كميون عبى صدري

غناء: سلمى مصفي