كاتب الموضوع :
princec4nathing.
المنتدى :
الارشيف
اقتباس :-
المشاركة الأصلية كتبت بواسطة SHAJAN-ROHI  |
مرحبا رياحين ...كيفيك انشالله تمام ...
ازا بتريدي بدي جواب صريح واضح عن ما يلي :
بسم الله نبدأ:
1- دخلك شو هو التبرير المنطقي لهيده الحب لكبير لكل اعضاء ليلاس اتجاهك؟وانتي بالمقابل شو عما تعطيون كتعبير عن حبك الن؟
2-ليلاس شو نقطة ضعفو؟ شو نقطة قوتو؟ اكتر شي بيفتقدو ليلاس؟بينك وبين حالك رضيانة ع الشي ياللي وصلو؟
3-انتي صريحة ..وشفافة ...وما بتحبي اللف والدوران...منك ندمانة ع صراحتك ؟ لو بايدك تغيري هالصفات كلاا شو بتحطي مطرحا ..؟
4-ما بدي زكرك بالاشيا المؤلمة ياللي مرقت ..بس بحسك رح تكوني مبسوطة ازا حكيتي عنا:
*وانتي بين رحمة الله ايام المرض اكتر شي ندمتي انك عملتيه؟واكتر شي ندمتي انك ما عملتيه؟
*بنفس الموقف شو هو اكتر شي حسيتي وقتا انو بدك تعيشي بس كرمالو ؟
5-اكثر شي بيضايقك بشجن روحي وبتحسي انو ما في فايدي خلاا العوض بالله ؟
6-هدية مادية انبسطتي فيها كتير ما رح تنسيا ابدا ..شو هيي لهدية ومن مين ؟
7-هدية معنوية بضلاا محفورة بقلبك ...شو هيي ومن مين ؟
7- شو بتعنيليك الكلمات التالية:
*جنوب لبنان...
*الروح
*الجسد
*صحن فول...
8-قصيدة ما ابتستاهل ظفيري امتا بدنا نشوفا فيديو كليب ومين بتقترحي يشاركك في الغناء ههه؟
واسفي كتير والله طولت ...
|
لا اكيد رايحه جاوب بالتقسيط مريح جدا هههههههههه
1- دخلك شو هو التبرير المنطقي لهيده الحب لكبير لكل اعضاء ليلاس اتجاهك؟وانتي بالمقابل شو عما تعطيون كتعبير عن حبك الن؟
العفوية ـ والمرح ـ والحكمة بمعاجلة الامور
هالصفات التلاتة لما تتوفر بالشخص
بيدخل لقلوب بسرعة
وهالشي بينطبق عليي وعلى اي شخص ابتجتمع فيه هالصفات
انا قدمت للمنتدى ـ اولا معاهدتي اياه اني ابقى فيه
لهيك حاولت اعطيه قد ما فيني ـ ومهما اعطيتو ـ قليل عليه .
ثانيا قدمت مو بس عداد مشاركات بيرتفع
لا قدمت نصائح ـ استشارات ههههه ـ بجد وهيده الشي بيتم وراء الكواليس
ويمكن الو اثر في نفوس البعض اكثر من مشاركاتي ومواضيعي .
============
2-ليلاس شو نقطة ضعفو؟ شو نقطة قوتو؟ اكتر شي بيفتقدو ليلاس؟بينك وبين حالك رضيانة ع الشي ياللي وصلو؟
نقطة ضعفوا متل نقطة ضعف باقي المنتديات والمواقع ـ بنخاف عليه من محاولات الاختراق ليس الا ـ ومع هيك بنشارك كل يوم وبنتواصل ـ وشفتي وقت ما اتعطل المنتدى بفترة
ساوينا قسم فرعي ـ اجتمعنا فيه
واتذكرت وقتها ايام الحرب على لبنان وقت ما كنا انروح الملاجئ .
وقتها حسيت انو روحنا كلنا بالمنتدى ـ وانو مصيرنا واحد .
بيفتقد حبر وفير بكتير من الاقلام المكتنزة
الي ما بتحاول تطرحوا السطر
في مبدعين كتير عنا ـ وعددهم كبير وافكارهم مميزة
بقسم الروايات ولكن للاسف مكتفيين بالمشاركة بتلك الاقسام دون سواها من الاقسام
بالمنتدى .
اكيد رضيانة ورغم هيك ما بقول بس ـ ستوب ـ خلال سنة بتمنى وبأمل نوصل للمراكز المتقدمة عالميا باذن الله وهالشي مو صعب طالما انو يوم عن يوم ـ عداد الاحصائية بيبين زيادة في عدد الزيارات .
==========
3-انتي صريحة ..وشفافة ...وما بتحبي اللف والدوران...منك ندمانة ع صراحتك ؟ لو بايدك تغيري هالصفات كلاا شو بتحطي مطرحا ..؟
صراحتي ما رح اندم عليها لانو هيده طبع فيني ما بقدر غيرو
الي بقدر ساويه اني ابعد عن الاماكن الي ما بقدر فيها سيطر على حالي
مثل الشات مثل الحديث مع الناس على المسنجر
وبهيك بضمن لحالي ـ انو صراحتي ما رح تفلت مني ههههههههههههه
لا مو ندماني على صراحتي
لاني لو بدي اندم كنت لازم اندم على الاشيا الي ساويتها مو الاشيا الي قلتها
ما رح غير شي فيني لو بدي غير شي ما رح عود رياحين
==========
4-ما بدي زكرك بالاشيا المؤلمة ياللي مرقت ..بس بحسك رح تكوني مبسوطة ازا حكيتي عنا:
*وانتي بين رحمة الله ايام المرض اكتر شي ندمتي انك عملتيه؟واكتر شي ندمتي انك ما عملتيه؟
ما ندمت على شي رغم انو عندي اشيا كتيري لازم اندم عليها ، لانو نفسي عافت كلمة الندم ـ اجت اوقات اتصنع الندم حتى حس بقيمة الغلط .
بس اتخذت قرارات كتيري مصيرية بالمستشفى ولله الحمد اقدرت نفذ معظمها .
للاسف فترة المرض كانت بمثابة درس واختبار الي ـ بس انا ما بحسن استغلال الفرص
يمكن لاني ما عمبصقل ايماني بقراءة القرآن وسماع الخطب وحضور المجالس
بل مكتفية بتضييع وقتي بملاهي الحياة .
================
*بنفس الموقف شو هو اكتر شي حسيتي وقتا انو بدك تعيشي بس كرمالو ؟
اهلي وماما بالتحديد وفكرت بجدية ما ارتبط وعيش طول حياتي جنبها
مع انها لو عرفت بتموتني لانها بدها تتخلص مني ومن عصبيتي ههههههههههههه
==========
5-اكثر شي بيضايقك بشجن روحي وبتحسي انو ما في فايدي خلاا العوض بالله ؟
اتصدقي ما بحب فكر بهالشي لاني بس فكر بالشي الي بيضايقني فيكي
بتلاقيني وصلت لطرق فرعية كتيري
من الشك ـ عدم الثقة وهالشي بيخليني اعلق خلف قضبان سوء الفهم
والحكم على الامور بصورة يمكن تكون مغايرة للحقيقة .
لهيك بفضل ما فكر بهالموضوع بالتحديد
==========
6-هدية مادية انبسطتي فيها كتير ما رح تنسيا ابدا ..شو هيي لهدية ومن مين ؟
ما بحب الهدايا نهائيا وبرميها
==========
7-هدية معنوية بضلاا محفورة بقلبك ...شو هيي ومن مين ؟
هدية السيد حسن نصرالله الي قدمها لكل عربي شريف
وقت حرب الصيفية الماضية
وقت ما قال عن البارجة الاسرائيلية الي قصفت في مياه صور
وقتها حسيت انها اغلى هديةاحصل عليها .
==========
7- شو بتعنيليك الكلمات التالية:
*جنوب لبنان... اشرف واطهر مكان بلبنان
*الروح .. سكرات الموت
*الجسد .. رغبات آفلة
*صحن فول... انا ههههههههههه
===========
8-قصيدة ما ابتستاهل ظفيري امتا بدنا نشوفا فيديو كليب ومين بتقترحي يشاركك في الغناء ههه؟
بس طول ظفيري ابنعمل الفيديو ههههههههههه
بقترح يطلع معي امقص الظفير ههههههههههههههههههههههه
التعديل الأخير تم بواسطة ^RAYAHEEN^ ; 14-06-07 الساعة 11:13 AM
|
14-06-07, 11:04 AM
جديد مواضيع قسم الارشيف
العرض العادي
