كاتب الموضوع :
princec4nathing.
المنتدى :
الارشيف
اقتباس :-
المشاركة الأصلية كتبت بواسطة wano  |
بيووونه
ايش تعنيلك فلسطين بما انك فلسطينيه الاصل وما شفتيها ؟؟
وايش تعنيلك الادن بما انك عشتي فيها ؟؟
وايش رايك ف السعوديه بما انك عشتي فيها فتره ؟؟
وايش رايك ف ليلاس بصفه عامه ؟؟
|
فلسطين كلمة بنشوفها اسامي بكل بلد عربي بتلاقي شارع فلسطين مستشفى فلسطين مركز فلسطين بس البلد كبلد اصبحت قضية مو لأنها فلسطين بس بلدي هي قضية أمة بالنسبة إلي صحيح انا فلسطينة بلدي بس ان بعتبر كل بلد مسلم بلدي وانا مابدي اشوف فلسطين طول ماهي تحت يد اسرائيل وبتذكر اغنية حزينة كنت اسمعها :
اه ياويلوا اللي يضيع بلدوا
يبقى في الغربة ماشي فكروا محتار
خفض رايته في ذل وانكسار
هاي الاغنية بحسها بتعبر عن رغبة كل فلسطيني أنو يكون حقيقة واقعة قدام العالم فلسطين من النهر للبحر واكيد رغبة كل انسان مسلم بحق أنو ترجع فلسطين لأنها بلدوا بعتبرها كمان وانا رغم اني ما بعرف فلسطين بس عرفتها بناجي العلي غسان كنفاني وبفكر والدي النير عرفت فلسطين وكان اخر لقاء للوالد الله يرحمه وكان رح ينبث بالاذاعة لقاء بستذكر فيها حياته بالمنسي وبتكلم عنها كونها من القرى الغير مدون عنها بالموسوعة الفلسطنية بس العمر ما امهلوا ومات قبل ما يطلع اللقاء الاذاعي ألو
الأردن انا الاردن بالنسبة الي اهل اصدقاء ووطن عشت فيه وحاملة جنسيته وجزء من الأمة الاسلامية
السعودية البلد اللي فادتني تجربة السفر الها كتير وصقلت شخصيتي وكانت ايام من اجمل الأيام فيها رغم صعوبة الغربة ومشاكل العمل والبلد اللي لقيت فيها تقدير لشغلي ما لقيته وأنا اشتغل بالأردن غير اني عملت عمرة مرتان وكان هذي احلى ذكرى اخدتها من السعودية .
ليلاس والله ما بعرف كنت اعتبروا حلم لأنو حققت فيه تفجير لكل طاقاتي الكامنة بس الآن ليلاس قيمتوا عندي بالاصدقاء اللي كسبتهم يعني قيمة ليلاس بكل انسان كسبتوا صديق بالنسبة ألي ما عاد الحلم زي اول لأنو الحلم ممكن تصحى منوا على كابوس ولهيك أنا خفت محبتي لليلاس والسبب ما بدي اخسر ليلاس لأنو الزائد اخو الناقص لازم احب باعتدال المنتدى هذا اعطاني فرصة فجر طاقاتي واكسبني اصدقاء رائعين في مقدمتهم بطل الدوامة ههههههههههههههههههههههه لا بجد في مقدمتهم العبيريات كلهم اول من تعرفت عليهم وبعدين رياحيين وبعدين الباقي كلهم لأني مش رح الحق اتذكر
وانا بحكي بالتسلسل كيف تعرفت على الكل .
|
09-09-07, 12:41 PM
جديد مواضيع قسم الارشيف
العرض العادي
