كاتب الموضوع :
princec4nathing.
المنتدى :
الارشيف
اقتباس :-
المشاركة الأصلية كتبت بواسطة طموحة  |
ايه الاسئلة الخطيرة دي يا بيجا؟؟؟ انا بديت اشك في انتماءك السياسي و اغراضك الغير سلمية في المنتدى هههههههههههه
المهم :
تحت الاضواء يعني الواحد يقترب اكثر من كواليس الضيف, و الكواليس زي شريط المنوعات فيه و فيه, أنا حابة احط اسئلة منوعات تمس جوانب عدة من حياة الاستاذ الخاصة العملية و الفكرية و يا ريت اتوفق في اختيار الاسئلة مع انو بيجا الله يخليه ما تركلنا شي نسالو هههه
استاذنا: الشباب شباب الروح و انت مركز دايما على السن لانك عارف و متاكد انو مازال قادر تعطي اكثر
يابنت الايه !! وانا قلت طموحة ح اكلها على السريع 000 اتاريكى مدكنه وقاعده لى فى الدره !! ماشى ياانستى العزيزة 000 شمرنا واستعنا على الشقا بالله -- بس بصراحة اسئلتك طعمة ودمها خفيف منك لله ذكرتنى بالذى مضى !!
اسئلة خاصة:
س 1/ كيف عشت شبابك ؟ و كم تعطينا من درجات معايشتك للمراهقة و خصوصا باخطاءها (((( لانو اخطاءها و الله زي العسل ههههه
انا ابن رجل فقير رحمه الله 00 وولدت كبيرا كما يقولون 00 تحملت المشاق فى صغر وشربت كاس المر ولكن كنت ارى الرجل ابى رحمه الله كانه لورد انجليزى فى اخلاقة الجميلة وتحمله وصبره على المكاره
فتعلمت منه 000 مراهقتى ؟؟ بكل صراحة -- لم تكن !! كانت الكتاب ( لانه مجانى فى دار الكتب المصرية بباب الخلق00 وفسحة يوم الخميس مع الاصدقاء وساندويتشات وسينما درجة تالته بتعرض ثلاثه افلام فى الحفلة وتخرجى منها الساعه 2 صباحا وتلاقى عربية البليلة امام جامع السيده زينب سخنة وجميلة والدنيا برد --- اللــــــــــــــــــة ماالذها ايام 00 والحمد لله لم تكن فيها اخطاء الاخطاء جاءت بعد ان كبرت !!
س2/ غلبت بابا و ماما كتير لغاية ما وصلت لمرحلة تقول فيها يا ريت اللي جرى ما كان؟؟ و تقول ايه لشباب مش عارفين انو حييجي يوم يتندمو على كلمة بابا و ماما ؟؟
هى مرة واحده زعلت فيها من والدتى وخرجت صباحا بدون ان اقول له صباح الخير --- وعنها --- اول حاجة اتنشلت فى الاتوبيس !!00 تانى حاجة اتخانقت من البنت اللى كانت 00 وللا بلاش احسن السيده جلال تقرا يبقى يومنا مش فايت 00
س3/ تزوجت السيدة جلال عن حب او زواج تقليدي؟ و بالمرة تقولنا ايه رايك في الزواج اليومين دول ؟؟
السيدة جلال 00 ام عمرو 00 زواج تقليدى -- لكن زرعنا الحب بيننا فى ايام الخطوبة وهى مثلى من اسرة فقيرة وراضية 00 وربنا كرمنا 00 وعشنا ياست طموحة واتخانقنا زى اى اتنين مخطوبين واتصالحنا ومااحلى الرجوع اليه 00 واكلنا لقمة بالقشده والعسل واكلناها من غير غموس ورضينا بالحال وربنا رضانا بكرمه وفضله اما عن زواج اليومين دول ح اقولك حاجة جميلة -- انا زوجت ابنه وفى الطريق اختها باذن الله وربنا اكرمنى بابنين اضفتهم لعائلتى هم ازواج بناتى شباب الله يحفظهم ويكرمهم
س4/عندكم كم ولد ؟ و ايه القاعدة اللي بتعتمد غليها في تربيتهم ؟ و هل تميز بين الاولاد و البنات ؟ و تقول ايه للي بيعملو هالشي ؟ و التمييز على فكرة مش شرط يكون مجسد ممكن يكون لا شعوري
من فضل الله عندى ثلاثه جواهر وولدين -- وترتيبهم ولد وبنت وبنت وولد وبنت
واكرمنى بتربيتهم على طريقة والدى رحمه الله --- اصدقاء وليسوا ملكيه لى -- لانهم بشر تصادف ان كنت انا ابوهم --- فتعلمت ان اكرمهم --- اما عن التمييز فلا والف --- لانى اصلا بدون اخوات بنات فبناتى اخواتى واصدقائى وانا احب البنات جدا لانهم وش خير وسعد --- مش معنى ذلك ان الاولاد لا
بالعكس الاولاد اصدقائى ونهزر كما لو كنا اصدقاء على المقهى -- بس بكل احترام -- ابنى الكبير ملحن وموزع موسيقى مشهور ويعمل مع فنانين مشهورين --- الله يكرمه ببنت الحلال اللى تريح بالى انا
س4/ طيب لو ابتديت حياتك موظف بسيط( بقول لو لاني مش عارفة ؟ ) تقولنا ايه عن البدايات و معايشة هالفترة و كيف الواحد يعديها و خصوصا الجانب المادي؟
انا فعلا ابتديت حياتى موظف بسيط -- وتعلمت كلمة القناعة كنز لايفنى 00 ليس من باب بيع الكلام ولكن عن معايشة اجبارية --- لانك ماذا تفعل ماليس فى يدك ؟؟ غير الحمد والشكر عسى الله يغير الاحوال --- وقد حدث !!
س5/ أنا العصفورة قالتلي انو مسكت منصب مهم بحياتك العملية صح؟ ماذا تقول حول الضغوطات اللي يمكن تمارس على الواحد بهيك منصب ؟ و شو تصرفك حيالها (( السؤال يهمني لانو الواحد احيانا يخاف انو يضعف او يستسلم او يهرب من حلبة الصراع اصلا )
اه من العصفورة ولسانها الطويل !! 00 كلامك صحيح -- والضغوطات اكبر من ان يتحملها بشر والتنازلات المطلوبة اكبر من مقدرة الانسان على تنفيذها -- لولا ان الله يحمى الانسان الذى يؤمن به لكنا ضعنا من زمان 00 والتصرف الوحيد 00 مالايتنافى مع مبادىء الانسان فاهلا وسهلا 00 وبدون اى تنازلات ممكن 00 والتصرف حيالها -- اما تنفيذ عن اقتناع -- او رفض بصورة مهذبة باللجوء الى القوانين واللوائح ومااكثرها لمن يعرف كيف يستخدمها لحماية كرامته وكرامة وظيفته 00
س6/ أول راتب اخدتو في حياتك عملت بيه ايه ؟؟
اول راتب لى 000 كان مبلغ عشرة جنيهات وخمسة وخمسون قرشا !! الصافى من اصل 12 جنيها مصريا شهريا !! هذا الكلام فى عام 1964 وكانوا بعملة هذه الايام يساووا اكثر من خمسمائة جنيه 00
عملت ايه ؟؟ بصراحة مش فاكر -- لكن امى كان ليها نصيب واخى رحمه الله واخى الاخر
س7/ لو ظهرلك مصباح علاء الدين و فركتو و طلعلك المارد و قالك: ممكن ثلاث طلبات : ما هي ؟((((( طبعا غير انو اسئلتي تنتهي ده مستحيل
لاتضحكى 000 ساقول له 00 روح ياعم الله يسهلك ؟؟ انا اخدت من الدنيا اكتر مما اريد --- ومااريد لن تستطيع انت ولاغيرك ان تعطنيه--- رضا ربى --- اللى بحاول اكسبه بحبكم لى وده مش قليل
س8/ بتحب النيل و الأكل المصري ده أكيد, أي نوع آخر من الأكل الغير مصري تحبو ؟ ؟
انا عاشق الفول ( لاتقولوا لمنال حتى لاتحضر فورا للقاهرة لتتذوق الفول الذى اعده )
غير الاكل المصرى 00 بصراحة ---ومطلقة كمان -- انا ماليش فى الاكل خالص --- انا اى لقمة تكفى الحال بس ياريت كوباية شاى مضبوط بعد الاكل كله يبقى تمام التمام والحمد لله
س9/ كم تجلس على النت في اليوم ؟
والله موضوع النت ده مش اساسى فى حياتى -- يعنى ممكن اجلس ساعه او اربع ساعات 00 حسب الصحة وحسب الجذب وحسب اشياء كثيرة --- والاهم ان الجو مايكونش حار زى الايام دى
دي الاسئلة الخاصة مزال العملية و الفكرية و الحيل طويييييييل ان شاء الله انا متفرغة اسبوع كامل ان شاء الله
|
بجد 000 اول اسئلة تضرب فى المليان 00 بس انا عاهدت نفسى على الصراحة وباعترف بكامل ارادتى وبكل الحب ليكوا جميعا --- وفى الاخر --- الله يسامحك -- ايقظت ذكريات عفا عليها الزمن وعادت كما لو كان الزمن توقف -- شكرا لك
محمد جلال
اسير كرسى اعتراف طموحة  
|
21-07-07, 11:46 PM
ياهلا فيكى بارشا بارشا
جديد مواضيع قسم الارشيف
العرض العادي
