23-03-07, 05:05 PM
|
المشاركة رقم: 1
|
| المعلومات |
| الكاتب: |
|
| اللقب: |
شمعة الديكور  |
|
| البيانات |
| التسجيل: |
Nov 2006 |
| العضوية: |
16763 |
| المشاركات: |
5,347 |
| الجنس |
أنثى |
| معدل التقييم: |
 |
| نقاط التقييم: |
263 |
| مدونتي |
|
 |
| الإتصالات |
| الحالة: |
|
| وسائل الإتصال: |
|
|
المنتدى :
نكت , طرائف , ضحك , فرفشة , منتدى الضحك والفرفشة
نكت صعيدية
الصعايدة وصلوا...!
تليفزيون الأحلام
واحدصعيدى دخل محل اجهزة كهربائية وسأل البياع
ــ سالخير ،بكام التلافزيون ده؟فرد البائع بقرف:
ــ امشى ياله، مابنبيعش لصعايدة. زعل الصعيدى من التفرقة العنصرية وقرر ان يشترى التليفزيون على سبيل العند، فحلق شاربه وارتدى بدلة فاخرة وعاد للمحل
ــ مساء الخير ، بكام التليفزيون ده من فضلك، فرد البائع
ــ امشى ياله، مابنبيعش لصعايدة !. اغتاظ الصعيدى لأن البائع تعرف عليه وقفلت معاه يشترى التليفزيون فعاد للمحل مرتديا ملابس امراة منقبة وغطى وجهه تماما وعاد للبائع وقال للبائع بصوت رفيع
ــ السلام عليكم ياأخى ، بكم تبيعون هذا التليفزيون ان شاء الله؟
فجاء الرد:
ــ امشى ياله مابنبيعش لصعايدة، كاد الصعيدى يجن فخلع النقاب صائحا:
ــ انت بتعرفنى كيف كل مرة ياولد الفرطوس؟
ــ علشان ده مش تليفزيون ، دى غسالة فول اوتوماتيك !
ـــــــــــــــــــــــــــــــــــــــــــ
اخذ الاراجوز يهز طرطوره الأحمر سعيدا وهو يلقى النكات بصوته الرفيع الأخنف، وبالطبع كان موضوع النكت حبايبنا اللى ماتحلاش النكت غير عليهم ، ووسط ضحكات الجمهور قفز أحدهم الى المسرح صائحا:
ــ أيش قلة الأدب دى، انتوا جايين تضحكوا الناس ولا تتمسخروا بيهم ، الصعايدة دول جزمتهم برقبتكم ياأولاد الــ . . . ، وبعدين نص اللى قاعدين هنا صعايدة!
شعر المهرج الذى يحرك الأراجوز أنه عك، وأن نهايته قد تكون علقة من الصعايدة(مثل نهايتى ان شاء الله) فخرج من وراء مسرحه المتنقل مذعورا
ــ أنا آسف جدا ياجماعة والله مش قصدى ،الصعايدة دول أجدع ناس
.فرد الصعيدى الغاضب:
ــ وانت مالك انت ، أنا بأتكلم على ابن الكلب أبو طرطور أحمر ولسان عايز قطعه !
ــــ ــــــ ـــــــ ــــــــ ـــــ
صعيدى خبطته عربية روحه طلعت خبطتها طيارة
صعيدى ماشى فى الصحراء وقعت عليه بلكونة
صعيدى فى المصيف أتصور بمايوه وبعت صورته البلد ، بعتوله هدومه
صعيدى باع نص البيت اللى يملكه واشترى النص التانى
صعيدى باع التليفزيون واشترى بثمنه فيديو
صعيدى أكل رغيف فينو نسى اسمه
صعيدى اشترى مصفاه لقاها مخرمة رجعها
صعيدى وقف قدام المراية مغمض ، قال ايه بيشوف شكله وهو نايم!
صعيدى قلع العمة فقد الذاكرة!
صعايدة بيلعبوا صلح بالنبابيت!
ظبطوا صعايدة بيشموا أسمنت أبيض!
8 صعايدة بيهزروا صفصفوا على تلاتة ، قالوا كفاية كده أحسن تقلب بجد!
8 صعايدة ماشيين ورا بعض وقعوا فى بلاعة واحدة!
2 صعايدة بيلعبوا شطرنج الاثنين خسروا !
واحد صعيدى امتحن لوحده طلع التانى !
فى محطة السكة الحديد
ــ شيال
ــ نعم ياعمدة
ــ شيلنى
فصل اللغة الانجليزية فى مدارس الصعيد
ــ يعنى ايه سعيد بالانجليزى
ــ هابى
ــ ضعها فى جملة مفيدة
ــ هابى فوق الشجرة
ــ صح ، أمال بيجولوا الفصل ده وحش فى الانجليزى ليه؟
ــــــ ــــ ـــــــ ــــــ ـــــ
على القهوة-:
صعيدى: دش
صعيدى تانى:جهار يك
الأول : دش والله
التانى:لأ على الطلاق دى جهار يك
صاحب المقهى لصبيه:يووه، شيل الشطرنج من قدامهم يابنى!
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
بواب صعيدى وقع على السلم اتجرح ، راح للطبيب أعطاه مرهم وقال له:ادهن مكان الاصابة راح دهن السلم.
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
ــ ماوجه الشبه بين الصعيدى الذكى وسوبرمان
ــ كلاهما شخصيات خيالية
ــ تعرف ليه ربنا خلق للصعايدة ودان؟
ــ علشان تسند العمة
ــ ايه الحاجة اللى بيعملوها الصعايدة أول مايصحوا؟
ــ كل واحد يروح على النكتة بتاعته!
ـــــــ ـــــــ ـــــــ ـــــــــ ــــــــ ــــــ
اتنين صعايدة هاجموا الناس اللى بتطلع نكت على الصعايدة، لأن الصعايدة أذكياء مش ذى النكت ما بتقول!
قرر واحد يعمل لهم اختبار أخد الأول فى غرفة وسأله:
حاجة سوداء برباط بنحطها فى رجلنا ، تبقى ايه؟
ايه السؤال الغبى ده؟جزمة طبعا !اعتذر الرجل للصعيدى:
يظهر ان الصعايدة صحيح أذكى مما تصورت، ابعت زميلك.
خرج الصعيدى وأشار لزميله بالدخول هامسا فى أذنه:
ــ حيسألك عن حاجة سوداء برباط قول له جزمة.
دخل التانى وسأله الرجل
ــ حاجة سوداء بنقليها ونعملها مسقعة وناكلها ، تبقى ايه؟
ــ برباط؟؟
ــ لأ
ــ تبقى بلغة !
ـــــــــــــــ ــــــــــــ ـــــــــــــــــ ـــــــــــ ـــــــــــــــــــــــ
شاويش بيلف بعد نص الليل لقى صعيدى شايل باب خشب، سأله عنه فرد:
ــ كنت سهران عند جماعة بلدينا قاللولى خد الباب معاك وانت ماشى!
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
واحد نزل بلد فى الصعيد وسأل:هى دى البلد اللى بتنطق الجيم دال؟
ردوا عليه :لع،دى البلد اللى دنبنا!
ـــــــــــــــــ ــــــــــــــ ـــــــــــــــــــ ـــــــــــــــــــــــــــــــ
سقطت الطائرة ولم ينج من الحادث سوى ثلاثة، وبعد ان أوشكوا على الموت عطشا عثروا على مصباح علاء الدين، وخرج الجنى من المصباح
الجنى:شبيك لبيك عبدك وملك ايديك لكم عندى ثلاث طلبات أنفذها لكم ،كل واحد طلب
المنوفى:أرجوك روحنى بلدى .فى ثوانى طار المنوفى متجها لبلده
الشرقاوى:وأنا كمان عايز أروح بلدى . وفى لحظة اختفى الشرقاوى
الصعيدى:ايه ده ، : ايه ده،انتوا حتسيبونى لوحدى؟رجعهم لى!
|
|
|
جديد مواضيع قسم نكت , طرائف , ضحك , فرفشة , منتدى الضحك والفرفشة
العرض العادي
