كاتب الموضوع :
لبيب
المنتدى :
الارشيف
اقتباس :-
المشاركة الأصلية كتبت بواسطة rosemari2323  |
او معلومات كتير حلوة تعرفي انتي شوقتيني اكثر ازور مصر
|
ميرسي كتير كتير علي ردك يا rosemari
لما تزوري مصر أن شاء الله برشحلك في القاهرة متحف الأثار المصري بس دا عايز كام يوم تشوفي اللي فيه مش يوم واحد وبس وأستمتعي فيه برؤية قناع الملك توت عنخ أمون وبقية الكنوز الرائعة اللي وجدوها في مقبرته الملكية.
كمان زوري دار الأوبرا المصرية وأستمتعي بالغنا الطربي علي أصوله وبالفرق الأستعراضية القادمة من مختلف
أنحاء العالم.
وفي محافظة الجيزة أكيد بدون شك برشحلك أهرامات الجيزة العجيبة الوحيدة الباقية من عجائب الزمن الماضي وخاصتا وقت الليل لما بيبتدي مسرح الصوت والضوء في تشغيل الأنوار البراقة وتسليطها علي الهرم من كل الجهات بصراحة جو رومانسي وخيالي جدا
وبرشحلك في جنوب مصر تزوري مدينة الأقصر اللي فيها ثلث أثار العالم وأكيد راح تستمتعي بمعبد أبو سمبل
وبمنطقة وادي الملوك في البر الغربي وخاصتا بالليل لما تشوفي مسرح الصوت والضوء وهما بيحكوا حكايات
الملوك والملكات.
ومن الأقصر روحي لأسوان أخر مدن مصر في الجنوب وهي كمان فيها معابد كوم أمبو ومعبد فيلة ومعبد أدفو
كمان فيها جزيرة النباتات اللي فيها فوق الألف نوع من النبات الغير موجود في العالم الأن وكمان عندك تحفة
عصرية معمارية عصرية هو السد العالي اللي أتبني في العصر الحديث وبيثبت أن المصرين بالفعل هما أحفاد
الفراعنة في هندسة ودقة البناء.
في كمان عندك مدينة الغردقة وشرم الشيخ وهما الأتنين بيشتركوا في نفس المواصفات لكنواحدة منهم في الجنوب وهي الغردقة والأخري في الشمال وهي شرم الشيخ فيهم مياه بتجنن وخاصتا في الأعماق
راح تشوفي عالم بالألوان الطبيعية من أحياء بحرية جميلة وغريبة بنفس الوقت أسماك وشعب مرجانية عايشة من ألاف السنين.
لكن ملاحظة هامة جدا لما تزوري مصر متلتفتيش للأشياء السلبية زي السكان مثلا لأنهم مش مدربين علي كيفية التعامل مع السائح ...........اللي بيعرف يتعامل مع السائح هو اللي عملوا مرتبط بالسياحة وبس................وأن شاء الله زيارتك لمصر تكون زيارة مريحة وجميلة وكلها ذكريات حلوة أن شاء الله.
|
09-03-07, 01:00 AM
جديد مواضيع قسم الارشيف
العرض العادي
