المنتدى :
الارشيف
العجوز التي تحدت ابليس
العجوز التي تحدت ابليس
--------------------------------------------------------------------------------
هذه قصة قراتها واعجبتني عملت عليها بعض التغييرات خصوصا تغيير الكلام من اللهجه الخليجيه الى المصريه حتى تكون قراتها اسهل وفي متناول الجميع ويا رب تعجبكم :
فيه عجوز كانت قاعده لوحدها وفجأه طلع لها إبليس , العجوز خافت وسمت بالرحمن . قال لها إبليس : إنتي ياعجوز بتعتبري نفسك داهية ؟العجوز : إيوة داهية , والنساء عموماً كيدهن عظيم ..إبليس: أنا اتحداك , يلا بقى نشوف مين كيده أعظم المرأة وإلا إبليس ..العجوز : خلاص أنا حقوم مشكله وأنت حتحاول تحلها وإذا ماقدرتش أنا أحلها وأفوز ..إبليس : خلاص موافق..راحت العجوز عند واحد من الشباب احد ضحايا البطالةوياكثرهم وقالت له أنا ح شغلك عندي فترة معينة بس , إذا عاوز فلوس لاتتدخل ولاتتكلم ..وافق الشاب لأنه زهق من البطالة و طبعا عاوز فلوس , راحت العجوز ومعاها الشاب لمحل قماش وقالت له استناني عند باب المحل وخذت قماش غالي وراحت لعندي تاجر القماش ..العجوز : رخص يابن الحلال..التاجر: يا ستي لو ما عندكيش فلوس خذي حاجه ارخص..العجوز: ما اقدرشي .. لازم اخده والي يكون يكون ..التاجر: ليه ؟ للدرجه ده .. ؟؟العجوز : شفت الولد ده اللي واقف عند باب المحل ده ابني .. بيحب وحده متجوزة وهي بتحبه ولماح تتطلق من جوزها .. ابني حيتجوزها وهو قال لي ان عارضتي الجواز ده حأطردك من البيت وأمرني اني اشتري له قماش غالي عشان يعطيه لحبيبته والا حيطردني من البيت مع ان البيت بالأاساس بيتي ولكني غلطت وكتبته باسمه ( العجوز تبكي)..التاجر: خلاصخليها على الله وتهون والله قطعتي قلبي .. خلاص اناحاعطيك القماش ببلاش وربنا يجازيني على فعل الخير .. العجوز طلعت من عنده وقالت للشاب روح للبيت ..بعدها راحت العجوز لبيت زوجة التاجر وخبطت على الباب وطلعت الزوجه ..العجوز : آآآه يابنتي أنا تعبت بالطريق وماأقدرتش أكمل ممكن أقعد عندك أرتاح خمس دقايق ..رحبت الزوجة ودخلتها وأكرمتها وجابت لها شاي..العجوز :الف شكر يا حببتي ما قصرتيش اردهالك ان شاء الله ( تعمدت تنسى القماش وطلعت )..الزوجة : حرام .. الست نسيت قطعة القماش .. أكيد حترجع بعد شوي وتاخذها حروح أحطها بالدولاب ..تاجر القماش رجع لبيته وتغدى ونامله شوي , قام العصر وفتح الدولاب يغير ملابسه عشان يروح محله ..تفاجأ بقطعة القماش وعرف ان الست الليعايز يتجوزها ابن العجوز هيمراته يعني بتخونه، قام وطردها بالشارع بالهدوم اللي عليها ..العجوزكانت تنتظر بآخر الشارع فراحت لها بتجري ..العجوز : مالك يا بنتي بتبكي ليه ؟الزوجة :جوزي طردني .. ومن غير ما يديني فرصةعلشن أتكلم او اشرحله اي حاجه ..العجوز : خلاص أنا حا خدك معاي لبيتي و ححل المشكله ده .. راحت العجوز لبيتها ودخلت الزوجه في غرفه والشاب في غرفه ثانيه وقالت له مايطلعشي منها ..راحت العجوز تبكي عند الشرطة وتقول: كنت قاعده في بيتي وفجأه دخل علي راجل ومعاه ست وقعدوا ببيتي حاولت أطلعهم ماقدرتش .. راحت الشرطة ومسكت الشاب والزوجه ..وحطوهم بالسجن ..العجوز: هاه ايه رايك يا إبليس ؟دورك جه يا ابليس يلا وريني شطارتك وحل المشكله ده! ابليس : لا ما اقدرش ده مشكله صعبه اوي ..العجوز : انا ححلها وكأ نحاجه محصلتش .. راحت العجوز تزور الزوجة بالسجن وقالت لها : انتي ساعدتيني مره وانا دي الوقت حساعدك ..يالله البسي عبايتي وغطي نفسك واطلعي من السجن كأنك انا وانا حأقعد مكانك الزوجة: مشكورة .. لكن انتي ؟العجوز : مالكيش دعوة انا زي ما خرجتك حخرج نفسي ..تمت عملية الهروب بنجاح ..الوالي قال للحارس انه يجيب المسجونين عشان يحكم عليهم ..حضرت العجوز والشاب وقال لهم الوالي :ماسكينكم ليه ؟ ايه اللي عملتوه ؟ردت العجوز : احنا ما عملناش حاجه كنا قاعدين ببيتنا انا وابني وفاجاه الشرطة طابة علينا وخادتنا للسجن ..زعل الوالي وهزأ الشرطة ومادلهمشي فرصة علشان يتكلموا ..طلعت العجوز من عند الوالي ودات للشاب فلوس وانهت خدمته من عندها ..راحت العجوز لتاجر القماش وقالت له انها تعبت بالطريق وان زوجته اصيله واكرمتها وهي من كثر التعب نسيت قطعة القماش عندها وان زوجته بريئة وقالت خذ قماشك لأن ابني سافر هو ومراته الجديدة ..رجع التاجر لمراته وتأسف منها ..العجوز: ايه رايك يا إبليس أنا حليت المشكلة .. شفت هي سهله ازاي!!!!
|
06-03-07, 09:26 PM
جديد مواضيع قسم الارشيف
العرض العادي
