..... : لأ ما أكابر , وماني موافقه صدق ..

..... : طيب .. افترضي اني صدقتك .. ليه منتي موافقه ؟

ارتبكت حلا من السؤال وقالت وهي تحاول تصرّف : كذا .. احب احتفظ بالسبب لنفسي .. ايه صح منال .. ابغى اسمع سالفة البنات اللي تهاوشتي معاهم ماقلتيها بالتفصيل .. يللا قولي

طفشت منال وهي تحاول تسحب حلا بالكلام , وسكرت موضوع طلال وقامت تتكلم عن البنات ..

في نفس الوقت في غرفة طلال

اتصل طلال على الرقم الغريب اللي وصل منه missed call

طلال : الو مرحبا

....... : مراحب , كيفك طلال ان شاء الله تمام ؟؟

طلال : عفواً مين معي ؟

....... : مشاري الفلاني ..

....... : اوه مشاري معليه آسف ماعرفت رقمك

....... : ايه انا غيّرته قبل يومين

....... : اها , وشخبارك ياشيخ من زمان عنك

...... : تمام الحمد لله والله , حمد الله على سلامتك

استغرب طلال , مين قال له ؟ : الله يسلمك , بس انت كيف عرفت ؟

...... : انا اشتغل بنفس المستشفى اللي كنت انت فيه اليوم , ومعليش اعذرني والله مادريت الا من واحد يقال له محمد , تعرفه ؟

..... : ايه اعرفه ( محمد زوج منيرة )

..... : لا بس شفته جاي عند الرسبشنست وانا خلاص بطلع , وسمعته يقول اسمك , وقلت اتطمن عليك

...... : الله يسلمك ماتقصر ..

...... : طيب انا اخليك الحين , فمان الله

...... : فمان الكريم

( مشاري اكبر من طلال بسنتين .. تخرج واشتغل في المستشفى .. وكانوا يعرفون بعض من ايام الجامعه .. )

سكر منه طلال وهو مستغرب .. كيف ماشافه في المستشفى قبل ما يطلع ؟ يمكن كان دوامه مخلص ..


في بيت غدير .:

ابو غدير وهو يصعد الدرج : وين غدير ؟

ام غدير : في غرفتها تدرس

ابو غدير : روحي ناديها ابغاها , خليها تجي الغرفه

ام غدير : طيب

راحت ام غدير نادتها وراحت غرفة ابوها

غدير : سمّ يبه

ابو غدير : غدير انتي كنتي تذاكرين في المجلس امس ؟

...... : لا , من زمان ماذاكرت فيه ..

...... : طيب , في كتاب لونه ازرق حطيته بالمجلس امس واليوم ماشفته .. انتي ماخذته ؟

...... : لا يبه , ماخذت شي , تبغى انزل ادوّر لك اياه ..؟

...... : ايه ابغاه ضروري

....... : ان شاء الله الحين انزل



ونزلت متّجهه للمجلس عشان اجيب كتاب ابوي .. وكانت لمباته مطفّية ..

شغلت اللمبة .. واتجهت على اول كنبه قابلتها .. وكان فيه مجموعة كتب عليها ..

سحبت من بينهم كتاب ازرق .. بس طاح الكتاب من يدي لما سمعت احد يناديني ..

وكأن الصوت جاي من احد واقف وراي ..

التفتت بكل بطء .. وكان فيصل بشحمه ولحمه واقف وراي ..!

فيصل ..؟ انت هنا ؟

ردّ وهو يبتسم : كيف الحال ؟

ماردّيت عليه .. بس اول شي سويته .. اخذت نظره على نفسي ..

كنت لابسه أسخف شي في الدولاب ..!

تعرفون البناطيل حقت الرياضه , كحلي وفيه على الجنب خط سماوي ,,

ومعاه بلوزه سماويه احبها .. على كثر مالبستها مو مبين انها قديمه ( الحمد لله .. ) !

والشعر .. وما أدراك مالشعر .. شايلته بربطه صغيره من ورا بدون اهتمام ..

وreading glasses على وجهي .. !

قبل ماينطق أي حرف ثاني .. شلت النظاره عن وجهي .. شكلي فيها طالع وحده مثقفه ودافوره وغبي ومتخلّف

وابتسمت : مادريت .. انك بتجي .. !

قال فيصل وهو يصلح الcoatحقه : جاي في رحلة عمل .. عندنا ندوه . قلت اطل عليك .. ( وابتسم )

قلت : طيب , كان قلت لي ..

قال : انا قايل لأبوك مايقول لك .. ابي اشوف شكلك متفاجأه ..

مسكت طرف بلوزتي من تحت وكأني اتكلم عن ثيابي وقلت : كذا عاد ؟

قال : عادي .. اهم شي انتي

ابتسمت ونزلت راسي وكأني ادور الكلام اللي ابي اقوله

قال هو : غدير ,, ما شتقتي لي ؟

قلت وانا ابتسم : لا

قال : خلاص مع السلامه ..

تلقائيا مسكت الcoatحقه من الجنب وقلت : صدقت انت . .....؟

ضحك على حركتي وقال : طيب قولي لي انك مشتاقة لي ..!

........ : مابي اقول غصب ..؟

....... : ايه غصب

....... : وش بتسوي لو ماقلتها يعني ..؟

....... : بطلع من بيتكم .. وماني راجع

...... : ماتقدر ...!

...... : شوفي ( ويروح عند باب المجلس الرئيسي بيطلع )

حسيت في وجهه جدية .. خفت يزعل صدق .. قلت بسرعة : ايه مشتاقة لك ..

التفت علي وقال : ايه كذا .

قلت بهمس : حيل ..!

قام يستهبل .. الله يعين .. قال : وشو ؟ ماسمعت ,, .؟ وش قلتي

قلت : لا لا ماقلت شي

مسك الباب ,, وقال : تأدبي ولا بطلع !

..... بضحكه : تمنّ علي بجيّتك ,؟ تبغى تطلع اطلع عادي ..

........ بتحدي : اكيد عادي ؟

........ : اكيد

طلع وسكر الباب وراه ..

حسيت بالذنب .. مدري ليه رحت وفتحت الباب .. حسيت انه واقف وراه ولسّه ماراح ..

ويوم فتحت الباب ماشفته .. وعبست بوجهي زعلانه ...

طلع واقف على يسار الباب وانا مانتبهت له ..!

ضحكت وفتحت له الباب عشان يدخل ...


................

ايام تعدّي ............!

رن تلفون البيت ,, وقام طلال يرد ..

طلال : مرحبا

حلا : السلام عليكم

طلال عرف صوتها : وعليكم السلام , هلا بنت خالتي

حلا طاح وجهها : هلا .. منال حولك .؟

طلال : لا والله يمكن في غرفتها , اتصلي على جوالها

...... : تعبت وانا اتصل مقفول , خوفتني عليها

....... : هذي ماينخاف عليها تلقينها نايمه ولا جوالها مافيه شحن وعجزانه تشحنه

....... : طيب , ممكن تناديها لي ؟

....... يستهبل : وش تبين فيها ؟

........ : نعم ؟

....... : لازم اعرف وش تبين فيها بعدين اعطيك اياها ..

....... : اقول ابيها ضروري

........ : اول قولي لي

....... : خلاص مابغى شي مع السلامه

....... ضحك : لحظه اناديها

وصرخ : مناااااااااااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااااااااااااا اااااااااااال

مناااااااااااااااااااااااااااااااااااااااااااااااااااااااااا اااااااااااااااااااااااااااااال

ويوم شافها ماترد مسك السماعه وقال : ما تسمعني ,, اظاهر نايمه

قالت حلا : انا اللي صرت ما أسمع من الصراخ , طبلة اذني راحت فيها ..!

طلال يضحك : عادي , شوفي بناديها ثاني مره واذا ماردت اتصلي بعد 5 دقايق

حلا بانزعاج : لا لا لاتصرخ مره ثانيه , مابيها خلاص , اذا قامت بس قول لها اني ابغاها ضروري

....... : عادي خليني اجرب اناديها مره ثانيه

........ : لا والله ابغى اذاني ... بس وصّل لها بليز ,,

........ : ان شاء الله , الحين اروح اصحيها ..

....... : لا حرام , خلها على راحتها

......... : طيب ,

........ : مع السلامه

........ : فمان الله

سكر طلال التلفون وهو يبتسم على تطفيشته لحلا .. وراح علطول غرفة منال وطقّ الباب بعنف خلا منال تقوم من الروعه وتفتح الباب

منال بصوت ووجه نايم : نعم ؟!

طلال : انتي للحين نايمه ؟ الساعه 7 المغرب

........ : طيب وش تبغى ؟

........ : حلا تبغاك , اتصلي عليها

........ : وش تبغى

....... : مدري , قومي اتصلي عليها

...... : طيب بكمّل نومي واذا قمت بتصل عليها

...... ياخذ جوالها من فوق المكتب حقها : لا .! الحين اتصلي عليها ..

.......: خلاص ياخي انت وش عليك لاقمت بدق عليها ..

...... : البنت تبغاك ضروري حرام عليك

....... بيأس : هات الجوال

يمده لها : خذي

....... : والله لو وحده غير حلا كان ماصحيتني من نومي عشان اتصل عليها ..!

....... : اتصلي بس ! وعن الكلام الفاضي , ولا تخلين البنت تنتظر

....... بمكر : ايه , لجل (حلا) تكرم مدينة ..!

....... قال وهو يبتسم : اذا مابطلتي حركات بايخه , ترا ازوّجك لبشير سواق بيت جيراننا .. واتخلص منك ..!

....... ماردت عليه وشغلت جوالها واتصلت , وطلال طلع من الغرفة

منال : هلا حلا

حلا : نايمه انتي ؟

...... : أي والله جالسه احلم حلم حلو وجا طلال صحاني ..

...... : سوري والله ترا ماقلت له يصحيك ..

...... : لا عادي هم اصلا يدورون سبب عشان اصحى ,, تعرفين نومي ثقيل ..

....... : اها , ترا ماعندي سالفه بس كنت ابغى أسألك عن موقع الجامعة ابغى اطلع نتايج الامتحانات ,, وغدير صديقتي رايحه مع اهلها الدمام .. قلت مافي الا منال حبيبة قلبي

منال : اوكي ,, افتحي جهازك وانا شوي واتصل عليك ..

حلا : اوكي ..

( وطلعت حلا نتايجها وكانت كلها حلوه الحمد لله .. ومنال ماهتمّت تطلع النتايج .. وباقي طلال بعد اسبوع تطلع نتايجه ...)

4"]جزء طويل وحلو
بس احس في مقطع ناقص لما كانوا فبيت طلال ما عرفنا كيف كانوا لحالهم طلال ومنال وحلا وش قال علشان تزعل[/size][/color]

ةبعد فترة كانت منيرة تكلم عزيزة ..

قالت منيرة : اقول ترا البنت طلعت نتايجها ومابقى على طلال الا انه يتخرج

عزيزة : خليه يمسك وظيفه اول ,

..... : مو مشكلة انتي بس اقنعي ولدك وانا اقنع البنت

..... : ايه بس ان رفض واحد منهم ترا مو غصب .. صحيح ان حنا نبغى نتقرب من بعض اكثر .. بس مانبغى نزعل او نظلم احد ..

....... : يصير خير , انتوا متى بتجون اليوم ؟

...... : بعد المغرب ..

...... : خليها عصرية , ترا اليوم خميس .. وحلا وشوق صاحين بدري ..

...... : اخاف ازعاج على محمد من العصر ..

...... : لا هو عنده مراجعات في المستشفى , بيصلي العصر ويروح علطول , ويقول انه بيطول هناك

...... تنهدت وقالت بألم وكأن محمد كاسر خاطرها : اوكيه , عسى بس ذي المخده اللي عندي تصحى .. صار الظهر وهي لسّه نايمه ..

سكرت عزيزة وهي في بالها كلام كثيير بتناقش عزيزة فيه .. بس ماينفع على التلفون .. بس تروح عندها ان شاء الله بتفتح الموضوع ..

وكلها ساعات قليله ووصلوا منيرة ومنال لبيت محمد ..

منيرة : منال حبيبتي شيلي عبايتك , محمد طلع

منال : ان شاء الله

فتحوا مواضيع كثيرة وصاروا يسولفون .. جات شوق وجلست بين عزيزة ومنيرة

اشرت عزيزة لمنال انها تاخذ شوق وتقوم ,, وقالت عزيزة : حلا روحي سوي شاهي ..

قاموا الثلاثه .. ولقتها عزيزة فرصه انها تفتح الموضوع اللي من زمان كانت تبي تناقشها فيه ,, لكن منيرة راسها يابس .. وكم مره تفتحه معاها وماتقتنع ..

دخلوا في الموضوع .. وعزيزة تحاول تقنعها لكن مافي فايده ..

قالت عزيزة : انتي كيف تبغين تزوّجين البنت وهي الى الآن ماتدري .. ؟

...... : مو لازم تعرف ..

..... : الا لازم .. حلا بالجامعه .. وغلطة كبيرة انها الى الحين وهي ماتدري انك مو امّها ..!

قالت منيرة بضيق : انا اللي ربيتها .. وامها هي اللي تخلّت عنها ..

عزيزة : يعني حتى مرض ابوها مارح تقولين لها عنه ؟

منيرة باصرار : لأ ياعزيزة خلاث قفلي الموضوع .. البنت مو لازم تعرف .. لا أني مو أمها .. ولا أن ابوها عنده الخبيث .. ..!

قالت منيرة آخر جمله .. والتفتوا ثنتينهم على قدام ..

كانت حلا واقفه عند باب الصاله .. بتدخل تجيب الشاهي ..

منيرة وعزيزة تجمدوا في مكانهم لان البنت سمعتهم ..

دارت عيون حلا على خالتها وامها .. وقالت وهي تطالع منيرة بكل براءة وبعد فترة من التجمد .. : عشان كذا محد قد قال لي تشبهين امك ..!!

عزيزة وقفت من قعدتها وتبغى تتقدم ناحية حلا تفهمها الموضوع ..

لكن حلا نطقت بعبارة مقطعة .. : وابوي بعد .. بيموت .... وأنا ... انا .. ما ... ما ..أدري ..؟

وكلها ثواني .. وتميل صينية الشاهي من يدها اليمين .. وتفلت من يدها اليسار .. وتطيح على الرخام بصوت مدوّي ..

وتطيح حلا من طولها على الأرض ورا الصينية ..!
وهذا الجزء التاسع

ركضوا منيرة وعزيزة على حلا اللي كانت ممدّه على الارض ..

ومنال وشوق جاو يركضون من فوق .. على صوت الصراخ اللي طلع من الصالة ..

قالت عزيزة : حلا .. حلا قومي .. قومي

منيرة بعصبية : جيبوا جوالي بتصل على محمد

عزيزة : محمد مو فاضي لك ,..... منال قومي اتصلي على اخوك خليه يجي بسرعة .. بسرعه قومي

قامت منال تركض لجوالها , ومن ربكتها وخوفها نست رقم اخوها .. ونست هي وش مسمّيته في الجوال .. بعد ثواني اتصلت عليه .. وقالت بصوت مرتعب : طلال .. تعال بسرعه .. بسرعه

طلال بخوف : منال وش فيك ؟

منال : طلال تعال بسرعة حلا اغمى عليها .. طلال بسرعة تكفى , محمد مو موجود

سكر طلال منها وداس على البنزين بأقصى سرعة .. ودخل بين الأحياء عشان يوصل بأكبر سرعة ممكنه ..

كان يحاول انه يسيطر على خوفه على البنت .. وصوت منال خوفه زياده ..

ومنال كانت كل شوي تتصل تستعجله .. بس ماكان يرد عليها ..لانه مايبيها تربكه اكثر ..

وكلها ثواني ووصل عند بيت خالته .. وحرق الجرس من كثر مادقّ عليه مرات ورا بعض ..

فتحت له منال وهي تصيح وتسحبه من يدينه للصاله ..

دخل وكانوا عزيزة ومنيرة جالسين على الارض يصيحون .. وشوق واقفه وبكل خوف تتأمل الموقف ..!


قال بعصبية واعصاب مشدودة : شيلوها عن القزاز .. بسرعة .!

روووووووووووووووووووووووعه

نحن في انتظارك