عناوين جرانين المستقبل خطيره

--------------------------------------------------------------------------------


عناوين جرانين المستقبل

احـنا العـمال اللى انقـتلوا
قـدام المصنع فى ابو زعبل
بنـغـنى للدنـيـا ونـتـلو
عناوين جرانـين المستـقبل:
"وحـدة صـف الأحـرار"
"جـبـهـة لكـل الثـوار"
"عـبور الجـيـش لسـينا"
"الـزحف مـن الأغـوار"
"جـيش العـدوان يتقـهقر"
"الأرض قــايـدة نــار"
"والبـحر قـايـد نــار"
"الاستـعمار أثـبت فشـله"
"البـيت الأبيض لا يخجل"
"إحـنا العـمال اللى انقتلوا"
"قدام المصنع فى أبو زعبل"
بـنـغـنى للدنـيا ونتـلـو
عنـاوين جرانـين المستقبل:
"محـكـمة للـمـجرمـين"
"قائــمة بالمـتـهـمـين"
"إدانـة مسـتر نيـكسون"
"بقـتل الاسـطى ياسـين"
"القــاتل اسـتـعـمارى"
"القـتـلـى وطنــيـين"
"عـمــال مـدنـيـيـن"
"نـصارى ومسـلـمـين"
"مرتكبو المذبـحة يعتـقلوا"
"الحـكم عـى المتهم الأول"
احـنا العـمال اللـى انقتلوا
قـدام المصنع فى ابو زعبل
بـنـغـنى للدنـيا ونتـلـو
عنـاوين جرانـين المستقبل:
"الجـو غــدا يتحـسـن"
"معرض لزهور السـوسن"
"الخطـة الخـمسية تنـفذ"
"مهرجانات النـصر غـدا"
"تصـفـية الصهـيونـية"
"دولـة فلسطين .. تعـلـن"
"دستور وقوانين .. تعـلـن"
"حريـة الدين .. تعـلـن"
"قوس تذكارى جارى عمله"
"طالين منه احنا وح نفضل"
احـنا العـمال اللـى انقتلوا
قـدام المصنع فى ابو زعبل
بـنـغـنى للدنـيا ونتـلـو
عناوين
جرانين
المستقبل

§¤~¤§¤~¤§رباعيا ت صلاح جاهين§¤~¤§¤~¤§
ولدي نصحتك لما صوتي اتنبح ..

ماتخافش من جني ولا من شبح ..

وان هب فيك عفريت قتيل اساله ..

مادافعش ليه عن نفسه يوم مااندبح ..

.. وعجبي

غمست سنك في السواد يا قلم
علشان ما تكتب شعر يقطر ألم
مالك جرالك ايه يا مجنون..و ليه
رسمت وردة و بيت و قلم و علم

..واعجبي

أنا اللي في الأمر المحال اغتوى
شفت القمر نطيت لفوق في الهوا
طلتو، ما طلتوش. أنا إيه يهمني
مادام بالنشوة قلبي ارتوى...

وعجبي



اوصيك ياابني .. باليل والزهور

اوصيك.. بليل القاهر المسحور

وانجيت في بالك

اشتري عقد فل .. لاي سمره

وقبري اوعاك تزور

..وعجبي



خرج ابن آدم م العدم قلت .. ياه

رجع ابن آدم للعدم قلت .... ياه

تراب بيحيا وحى بيصير تراب

الأصل هو الموت والا الحياة ؟

عجبى !!
ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
عجبى

بعتذر طولت عليكو
بس فعلا الحديث يطول عن عمنا صلاح جاهين "زي ما بيقولو اخوانا المصريين"
عندي الرباعيات كامله وكمان على اسم مصر
لو حبيتو انزلها انا جاهزه

تسلمى رودى كتييييييييير
انا بحب اشعاره جدااااا هو و بيرم التونسى
احمد شوقى امير الشعراء نفسه
كان بيقول انه بيخاف على الفصحى
منه هو و بيرم التونسى.

ياهلا اخي حسام
انا كمان بحب اشعاره
لانها تحاكي واقع صعب نعيشه
وفيها جرئه اتحدى وجودها عند كثير من الشعراء
نورت اخي وشكرا على المرور العطر الله لا يحرمنا منه