الجزء الحــــــــــــــــــــــــــــادي عشر



مـايكفـي انـك بـاقصى خفـوقـي تربعـت
تبـي بعـد تستحـل بـداخلـي روحـي
والعـرق وانفـاسـي
وبصـدري تسجـن احسـاسـي
ابسـألك يـا قــاسي
دامـك مـن معـاليقـي تمكـنت
تعيشـني ليـه بذكـرى طيفـن يكسر فروحـي




الساعة 1:30
بيت بو سعيد
المطبخ


منصور ( صرخت والله العظيم صرخت حاولت أمنع نفسي حاولت احذرها لكن ما في فايدة ما فهمت عليه وبالأصح الصرخة الظاهر كانت داخلي يعني الريم ما سمعتها مستحيل لو سمعتها اتم جي واقفة في مكانها والله مب حاسس بعمري...... حسو بيه أنا أدمي من لحم ودم ما أروم امسك عمري وهي بعدها واقفة جدامي بدون ما أحس..........أحس عمري اتجدم صوبها أكثر واكثر لين ما وصلت لين عندها بس خلاص أحس أني فقدت السيطرة على عمري ما حسيت الا وانا اشدها صوبي بكل عنف بس للحظة أختفت الريم وينها (


منصور سحب اللحاف بكل عنف: بسم الله الرحمن الرحيم ....... شو هالحلم صدق انه خايس
يا ربي مستحيل .......................... ليش الريم بالذات وليش أحلم بها بهالطريقة معقولة انا نذل عسب أضيع بنت عمتي ...................... لاء شو هالكلام انا أحلم أنا مب قصدي شي بس ليش الريم ليييييييييييييييييييييييييييييش؟؟؟؟؟؟؟

تعوذ منصور من ابليس وقام يشرب ماي ورد يرقد

.................................................. .................................................

مــــا قلتلك هالوقت قاســــــــي ودوار ..
تشين لو زانت ليالي دهرهــــــــــا
هذا انــت غبت وفرقت بيننا الاقــــدار ..
جت منك والاحلام كلن خسرهــــا
انـت السبب يامرخص كل ماصـــــــار ..
احساسك الميت هو اللي دمرهــــا


أبوظبي
بيت سعيد


سعيد: وين سايرة
روضة: بروح أرقد
سعيد (بعصبية ) : أظن هاي غرفتنا مب هاذيج
روضة: من اليوم ورايح هاي غرفتك روحك
سعيد قام بعصية ومسك ايدها :اسمعي عاد انا طول الطريج متحملنج وقلت ماعلي بتعتدل الحرمة لكن مافي فايدة .......... بالزين ما تين شكلج
روضة: هد ايدي كسرتها
سعيد يشد عليها أكثر : علها الكسر اذا ما سمعتي رمستي
روضة:أوووف ما بسمع يعني ما بسمع
سعيد رفع حياته وشد اكثر : ما سمعت عيدي
روضة وهي تتدمع :قلت ما بسمع رمستك شو ما تفهم
سعيد :لاء بتاني ما فهم
روضة خلاص ما رامت تتستحمل :آآآآآآآآآآآه يعورني هدني سعيد انا حامل
سعيد: هدها ولوا على جتفها وهو ينهد : حبيبي قتلج خليج طيبة بكون طيب بس انتي
روضة بعدت ايده وابتعت عنه شوي
روضة :سعيد بقولك شي
سعيد: أمري
روضة :لحظة راحت لين الغرفة وسعيد يطالعها مستغرب منها
وقفت روضة عند الباب
روضة: تدري سعيد انت يباك دكتور نفسي انت مستحيل تكون صاحي ....في دقيقة تعصب وفي دقيقة ترجع طبيعي ..... في ساعة تحبني وتموت فيه وساعة ما تطيق حتى تشوف ويهي .....هم شيئين يا انك اكبر ممثل ومنافق يا انك مينون
وصكرت الباب بسرعة قبل لا يعصب سعيد عليها
سعيد تم مكانه منصدم من رمستها
الحين أنا يا بنت عبدالله مينون هاي يزاتي اني بغيت أعاملج مثل سارة عسب أعدل لكن انا براويج
يا بنت ابوج أن ما خليتج تشوفين النجوم في عز الظهر ما أكون سعيد )

سار سعيد متجه للغرفة وهو معصب

يا يفتح الباب بس ما نفتح تم سعيد يحركه بعصبية : روضة افتحي الباب
سعيد: روضة بلا حركات يهال وافتحي الباب (سعيد قام يدق الباب بكل قوة ................. روضة افتحي اقولج........................... افتحي ولا بكسر الباب عليج .................. روضة اليهال راقدين افتحي بسرعة
................... أوووووووف الله يلعنها من حالة ................. سعيد يأس ودق الباب بكل قوته
بس ما حس الا بألم شديد يعتصر ايده
سعيد صرخ صرخة كلها الم وقهر
ولوا على أيده خايف عليها
راح لين القنفة ويلس
تم يطالع أيده :أوووووووف شو بلاها هاي بعد
حركها شوي وحس كأن روحه طالعة منه:آه

روضة تمت متحرقصة في الغرفة صرخ صرخة بعدين انعدم حسه اخاف أستوابه شي أووووووووف شو بلاه يا ربي ارحمني بفتح الباب بشوف شو فيه ............. لاء خلا يولي ......... أنزين بروح اشرب ماي
............ بس أنا مب عطشانه .............. خلاص بطلع بشوف اليهال
فتحت الباب شوي شوي وبحذر ........لقته مغمض عينه ولاوي على أيده وأول ما سمع صوت الباب أطالعها بعيون كلها ألم
روضة سوت عمرها مب مهتمة ومشت في طريجها
سعيد: روضة
روضة وقفت بدون ما تصد عليه
سعيد: أيبيلي ثلج
كملت طريجها لين الدري وأول ما تأكدت أنه حلاص ما يشوفها ركضت لين المطبخ تيبله ثلج
ورجعت سريع وصلت على أول الدري خذت نفس وتمت تمشي شوي شوي معنها من داخل تتحرقص
روضة :تفضل
سعيد تم يطالعها : تشوفيني ما أروم أحطه .......... ما ترومين يعني تحطيلي اياه ولا بيطيح نصج
روضة تنهدت ويلست عنده وحطت كيس الثلج على أيده
تمت تتأمله وهو يطالع أيده بحسره وألم كسر خاطرها تمت تطالعه بحنان ما حست الى وهو يطالعها
نزلت راسها على طول
سعيد أطالعها بنظرة خاطفة بعدين صد الصوب الثاني : روضة دامج تحبيني هالكثر ليش تعامليني جي
وليش تحاولين تبينين العكس
روضة تمت اطالعه باحتقار بس هو ما كان يشوفها لأنه صاد الصوب الثاني :أكرهك
سعيد صد عليها :شوووووووووو
روضة :انا اكرهك
سعيد: اطالعها باستهزاء : جذابة
روضة نزلت راسها
سعيد رفع راسها : لو صادقة اطالعي بعيوني
روضة تمت أطلعه في عيونه ............نظراتها كلها تحدي وكره
أما سعيد كانت نظراته كلها حب وحنان
سعيد(أنزين يا روضة ليه أنا هالنظرة ) اطالعها بنظرات تذوب
روضة ما رامت تتستحمل وخاصة أنه بدا يجرب منها
روضة صدت الصوب الثاني
سعيد :ها روضة ليش صديتي
روضة :مليت
سعيد:استغرب: مليتي من شو
روضة : من الجذب الي في عيونك
وقامت من عنده وخلت سعيد وهو مغتاض ( منو تتحرى عمرها هاي زين مني معطنها ويه ......... أنا قلت وحليلها مجرورحة ولازم أداريها واراعيها........... لا تجذب على عمرك يا سعيد ....... أنت سويت كل ها عسب ترتاح ومحد يوقف ضدك في مسألة الزواج ......... لا لا مستحيل انا الي سويته هذا حاولت اتجرب منها لأنها عزيزة عليه ............... معقولة أكون اناني لهدرجة لاء مستحيل أن مب أناني هم الانانيين هم الي زوجوني غصب عني .......... هم ألي ظلموها مب انا .......... أنا حاولت أسعدها كثر ما اقدر بس هي ما تبغي شو ذنبي انا )

.................................................. .....................................


كيـف الفـرح لامـن بـدا يظهـر علـى غيمـة حـزن
وكيـف الامـل والتشـاؤم يتفـق
وكيـف القمـر والشمـس فـي وقـت واحـد تجتمـع
كيـف انـت وكيــف انــا
وكيــف الطـريـق يضمنـا
بـس المهـم انـي اقـول [ حبـك أمـل ، حبـك فـرح ]
حبـك وســام اتقـلـدهـ وهـذا الاهـم


يوم الجمعة
الساعة 9:30
دبي


نهيان فتح عينه شوي شوي يحس بشي بس ما يعرف شو هو سمع حس واحد يصارخ
علي:أنتي بعدين وياج قتلج ما احبج ما أبغييييييييييييج شو هندية ما تفهمين....... لا تصيحين ذبحيني تراج ..................ناقص انا أفلام مصرية .......... قطعيها هالرمسة .......زود ما أتصلتي على هالرقم لا تتصلين
صكر علي :اووووووووووف شو هاللزقة
نهيان (بلاه ها )
علي أطالعه بنص عين :خيييييييييييييييييير
نهيان :الخير في ويهك وصد الصوب الثاني يكمل رقاده
سمع رنة مبايل
علي:أوووووووووووف
نهيان بغياظ :هذا مبايلي لا تخاف
نهيان : هلا والله ........... هلا بقلبي .......... شقا ما أقوم وأنا اسمع هالصوت الحلو.... ورفع حياته يغايض علي
علي ابتسم (صدق فايج )
نهيان: شووووووو ............ بلاه بعد ...........هي ......... انزين ........... ما أدري والله ................. ما أظن اليوم ............... أمس يايين لحقتي تولهين عليه...........هههههههههههه أنزين أماية أرمسج بعدين
صكر وما حس الا بمخدة على ويهه
علي: الحين من الصبح تغايضني وتطلع أمك
نهيان : هههههه شو اسوي بعد
علي: يلا قم
نهيان:ما أروم فيني رقاد
علي:انا بسير اتسبح
نهيان:يوم بتطلع قومني
علي:اوكي

الشباب كانوا حاجزين في فندق البستان جناح غرفة فيها علي ونهيان وغرفة فيها خلفان وخليفة

نهيان شاف مبايلة فيه مس كول من ام راشد صح هي قالتلي يوم توصل اتصلبي نسيت اتصل
بتصل بعدين الحين خواتها عندها ولا خلا اتصل يمكن ترد عليه وضحة
ههههههههههههههههههههههه
اتصل نهيان ورد عليه ياهل
نهيان:ألو
الياهل:ألو
نهيان(أهووووووو شو هالحظ )
الياهل: منو أنت
نهيان: وين أم راشد
الياهل: يدوه محد
نهيان (يدوه منو يدوه بعد )
نهيان:منو عندك
الياهل: خالوا وضحة وأماية وشمة أختي وأماية نورة في المطبخ
نهيان )في المطبخ عيل شقا ظاهرة يمكن يقصد يدته ..... هي يمكن بعد أم راشد ):أنزين أزقر اماية نورة
الياهل:ما اروم
نهيان ( ابتسم بخبث أحسن بعد ):أزقر خالو وضحة
الياهل:أنزييييييين
:خالو وضحة تلفووووووووون
وضحة:منو بعد
وضحة:ما أدري
وضحة راحت عند التلفون
وضحة:ألو
نهيان : فديت هالالو
وضحة:فجت عينها : منو
نهيان:واحد معجب
وضحة:شووووووووووو
نهيان:هههههههههههههه هدي اعصابج نهيان أنا..... شحالج
وضحة(لا والله يتحرى عمره واحد من الأهل يتمصخر وياي):زينه شو تبا
نهيان:أبغي أم راشد وينها
وضحة:في المطبخ
وضحة:تبغي شي بعد
نهيان:هي
وضحة(بضيج) شوووووووووووووو
نهيان:بتخبرج أمج يزقرونها أم راشد
وضحة:هي................ خلاص ولا في شي بعد
نهيان:في شي بعد ............ خلا ام راشد تتصلبي
وضحة (ينفاذ صبر ) :ان شاء الله في شي بعد
نهيان يبتسم :سلامتج
وضحة: الله يسلمك
نهيان:أنزين بقولج شي
وضحة:شوووووووو
نهيان:ولا شي يلا مع السلامة
وضحة:مع السلامة

نهيان:ههههههههههههههههههه يالله جبريت ما تستحمل بتضربي أخر شي

.................................................. ...............................

أحبــك
ايــه أحبــك ولجلـك اشتعـل نيـران
عسـانـي احتـرق يمـك ولا تقـوليـن بـردانــة
فـداك الـروح يـاروحـي وقلـب العـاشـق الهيمــان
لعينـك بسهـر ايـامــي ولا تبـاتيــن سهـرانــة




الساعة 9:30
سيارة سلطان


حصة:حبيبي ليش ما خليتني اسلم على هلي
سلطان :ناقص انا مناحة من الصبح ............. ادريبج صياحة وبعدين امس مسلمة عليهم لازم اليوم بعد
حصة:بس نحن بنسافر
سلطان : يدرون امس أنا بنسافر ..............وبعدين الا هو أسبوع
حصة:أسبووووووووووووووووووع
سلطان:هي أنا عندي شغل أحمدي ربج مودنج شهر عسل
حصة عوت بوزها (بلاه هذا جي دفش عفانا الله أقوله حبيبي يقولي أيه أشو هالحالة )
سلطان: يلا وصلنا المطار
حصة ياية تفتح الباب
سلطان :حصة اتغشي
حصة:ليش
سلطان:باستهزاء :خاطري اشوفج وأنتي متغشية...........(وهويصارخ ) لييييييييييييييييييييش يعني صابغة ويهج وتقولين ليش بعد يلا
حصة:أوووووووووووف ان شاء الله (بسمع رمستك هالأسبوع لين ما نرد من شهر العسل )

.................................................. ...........................................


قالت بمشي،،قلت عفوا على وين؟!
قالت بقفي،،قلت مرواح جـــــــــــدي
وش صار يعني لابغيتي تقفيــــن؟!
بموت يعني لانويتي بصــــــــــــــدي؟!؟
(( "انا" قوي الباس ماني بمسكين !!
واموت في شي اسمه "تحــــــــــــدي" ))
((انا)) العزيز ولاهمني لو تجفين !!
بترجع "ذليل" وتحب راسي ويـــدي


ابوظبي
بيت سعيد
في الصالة


روضة:أحمد ..........أحمد
احمد:ها ماما
روضة :روح قوم أبوك
أحمد:أنزين
راح احمد فوق غرفة سعيد وروضة
أحمد :بابا قوم
سعيد :تم مرصص عينه :ممممممممممم
احمد ركب على الشبرية ويلس عنده : قوم ماما تقولك
سعيد:انزين
أحمد :بابا ابا اسير الالعاب
سعيد:اليوم ما اروم حبيبي
احمد:أنا بسير اليوم
سعيد:باجر ........... باجر اكيد بوديك
احمد: مابا
سعيد يلوي عليه :خلاص حبيبي قتلك باجر بنودي ماما بعد
أحمد:وفيصل لاء
سعيد:ليش حبيبي
احمد :كسر لعبتي
سعيد: بشتريلك غيرها كلا ولا زعل بوشهاب
احمد شق الحلج سعيد ابتسمله بحنان وقام

.................................................. ..............................................
الجمعة
بيت بو سعيد
في الصالة

شمة: منصور حرام عليك
منصور:ما أروم والله شمو ما أروم
شمة:أنا ملانه
منصور: انزين وين الريم روحي سولفي معاها
شمة:الريم بعد ملانه ما بنتأخر بس شوي مشينا وردنا
منصور: وليش أنا يعني ........ أشوف أنا كل شي عقوه على راسي ما ادري منو بيعرس انا أوديكم تشرون ........... ما أدري ربيعة منو مريضة أنا أوديكم تزورونها ......... ليش ما شي غيري سيروا يا الدريول
......... وبعدين ما أشوفج تقولين حق خليفة ولا سعيد هالرمسة بس أنا
شمة:ترى أنت الطيب ولي تشفق بحالي
منصور :أطالعها بطرف عينه
شمة: هههههههههه منصور عاد
منصور: ما اروم قتلج لا بعد اليوم ميثة وميرة بيون ناقص أنا صدعة راس
................. خلا ميثة تقول حق اخوها هزاع ما عنده شغلة شو بيستويبه اذا وداكم يعني
شمة: الريم ما بتسير مع هزاع تستحي
منصور:لاء ..لا تخافين الريم ما تستحي
شمة:منصور شو عندك أنت أنزين
منصور:مواعد مطر بظهر وياه ............الا على طاري مطر حظرتج ما رديتي عليه
شمة: استحت ونزلت راسها
منصور: ابتسم :توه لسانج هالطول الحين اونج عاد شو اقول حق الريال
شمة:الي تشوفه
قامت وراحت
منصور:هههههههههه حليلج يا شمو كبرتي وبتعرسين بعد........ زين مطر بيفكني من مشاويرها هههههههه
الريم :دخلت :منصور
منصور:نعم
الريم:شفت ماماتي
منصور:منو ماماتي ما أعرفها
الريم تنهدت:يدوه
منصور:هي قولي جي ما ادري وينها تبينها بشي مهم
الريم:هي برد الشارجة
منصور:بتردين الشارجة تقولين حق يدوه ليش .......... قوليلي انا
الريم:انزين برد الشارجة
منصور:ليش
الريم: ملجة ربيعتي
منصور:مبروووووووووووووك عقبالنا
الريم:اووووووووووف منصور مب فايجة حقك شو بتردني
منصور :متى ملجتها
الريم:الخميس الياي
منصور :خلاص شي وقت بوديج يوم الأربعاء
الريم:لاء لازم أسير قبل
منصور: اوكي متى يعني
الريم: اليوم
منصور:اليوم ماأروم أنا
الريم :أنزين باجر
منصور:خلاص تم
قام منصور
وتنهدت الريم (أووووووووف اليوم بتي العلة ميثة يا ربي الله يصبرني على سخافتها )

.................................................. ...........................


ضــاق صـدري والفـرح ويـن ابلقــاهـ ..!
ضــاع الهنــا والنـوم عيـا يجينـي
غـاب الامـل عـن مـدى صبـري وتـاهـ
واستبـد الهـم ميـر أخفـي ونينـي
مـا بقـى حـزن مـا جرى دمعـي وراهـ
ولا لـي غيـر الـدمـع سلـوى يـا ضنينـي


الساعة 11:30
بيت مطر

مطر(اووووووووووف ليش ما رد عليه لين الحين ولا يسالني بعد شو فيك راسي بدا يعورني الصراحة
.................. مب حالة هاي أنزين ليش ما اسأله انا يمكن يقولي لا فشيلة ما صار أسبوع مكلمنه
يمكن هو قالها وهي متحيرة عليه ............ هي يمكن مترددة وخاصة أنها ترجتني وانا ما رضيت والحين يوم نستني أبا أخطبها ................ ويمكن هي رافضة وهو مستحي يقولي .......... بس أنا لمحت في البداية لمحت حزن في عينها بس بسرعة تحولت لحقد وكره .............. آه أنا يالس أتعذب وانتي يا شمة تتعذبين شراتي ولا لاء شكلج مب حاسة بيه )

.................................................. .......................

ذنبي أني لا عشقت أمطر إحساس وشجون !!
وعيبي أني لا كرهت أبقى وافي للعشير !!
وأنت ذنبك لا اهتويت تقلب الفرحة حزون !!
وعيبك أنك ظالم ميت فيك الضمير !!!!


أبوظبي
بيت سعيد
في الصالة

سعيد :أشوفج يالسة مب من عوايدج
روضة :شو تباني أسوي يعني
سعيد: وأنتي ليش ترمسيني جي
روضة:وشقا تباني ارمسك
سعيد: مثل ما كنتي ترمسيني قبل
روضة وهي تعوي بوزها :آسفة
سعيد:روضة انا لين الحين محترمنج
روضة:لا لا ليش تحترمني قوم اصفعني كف احسن
سعيد (وهو ياشر لها بصبعه السبابة ) :لا تحاولين تستفزيني
روضة: والله انا كيفي
سعيد:شوووووووووووووووووووووو
روضة: :الي سمعته
سعيد: كيفج تدرين لو مب حامل جان كان ليه تصرف ثاني معاج
روضة:أهاااااااا تصرف ثاني مثلاَ قولي شو بتسوي
سعيد: بعلمج الادب
روضة : انا متعلمة الادب قبل لا اشوفك وبعدين لا انت ولا عشرة من اشكالك يعلموني الادب
سعيد قام من مكانه معصب ورفع ايده عسب يعطيها كف بس مسك عمره في اخر لحظة
سعيد تنهد بقهر ورص على أيده
روضة : بتضربني يا سعيد
سعيد نزل راسه
روضة:أنا احيد بنات الناس ما ينظربون في بيوت ريايلهم ............. الخياس وبنات الشوارع هم الي ينظربون
ولا تتحرى الناس كلهم شرات الـــ ..............
سعيد: شرات شو قوليها شرات سارةصح ........ على فكرة سارة بنت ناس وقبايل اذا أنت ما تدرين
روضة:لو بنت ناس جان ما رمستك
راحت روضة وخلت سعيد والدنيا دايرة به
:لو بنت ناس جان ما رمستك
:لو بنت ناس جان ما رمستك
:لو بنت ناس جان ما رمستك
:لو بنت ناس جان ما رمستك
:لو بنت ناس جان ما رمستك
:لو بنت ناس جان ما رمستك
:لو بنت ناس جان ما رمستك
:لو بنت ناس جان ما رمستك
:لو بنت ناس جان ما رمستك
:لو بنت ناس جان ما رمستك
:لو بنت ناس جان ما رمستك
:لو بنت ناس جان ما رمستك
:لو بنت ناس جان ما رمستك
:لو بنت ناس جان ما رمستك
:لو بنت ناس جان ما رمستك


خلااااااااااااااااااااااااااااااااااااااااااص بس كفاياااااااااااااااااا
ظهر سعيد من الصالة وراح على طول ركب سيارته وتم يدور بها مثل المينون
وقرر ينسى الي صار( لو ما تحبني جان ما رمستني هي واثقة بيه أصلاَ عسب جي تمت ترمسني)
رن مبايله

وشاف أن سارة هي الي تتصل
سعيد بصوت تعبان:الو
سارة:هلا بقلبي
سعيد:ابتسم: هلا
سارة:بلاك سعيد صوتك متغير
سعيد:لاء تعبان شوي
سارة:أوكي وظهرتنا اليوم مع بعض
سعيد :أنا اقول خليها باجر
سارة: لاء حبيبي ما ابغي
سعيد: بس انا تعبان
سارة:انزين أنت تعبان الحين والحين الساعة 11:30 وحنا بنظهر ثمان شو قلت غناتي
سعيد: خلاص مثل ما تبين
سارة:اوكي تمر عليه ولا لاء
سعيد: على هواج
سارة :مر عليه عيل
سعيد:أوكي
سارة:أنزين نشتري فستان الملجة بالمرة
سعيد: غناتي بنأخر جي
سارة :ليش حبيبي بنسير بوظبي مول بناكل وبنشرى
سعيد: بس انا ما كنت ابغي أروح بوظبي مول
سارة:وأنا أبغي أروح
سعيد: على هواج
سارة: يلا حبيبي أخليك الحين
سعيد:اوكي مع السلامة
سارة: مع السلامة
.................................................. .......................

ابـي اعيـش بـدنيتـي دون خـلان
مثـل الطيـور الـي بهـالجـو حـرة
ابـي اطـوي سنيـن بهـا ضيـم واحـزان
وامسـح جـروح داخلـي مستمـرة
ولانـي علـى الـي راح بـاكـي ونـدمـان
كلـه مقـدر لـي بخيـرهـ وشـرهـ


الساعة 3:30
بيت بو سعيد
بعد الغدا

منصور: الريم قومي صبيلي شاي
الريم :والله أنا مب خدامتك كل ما بغيت شي تقول الريم سوولي أياه
ميثة: خلاص ما يبا منتج أنا بصبله
الريم: صبيله تراج بتموتين عسب تسويله شي
ميثة: هذا احترام ولا ما تعرفينه
الريم:أعرفه وأعرف شي اسمه مذلة بعد
ميثة وقفت عند الدلة وما صبت الشاي جابلت الريم:شو قصدج
الريم: قصدي واضح
ميثة: لا انا ما فهمت
الريم :أصلاَ أنتي مب فاهمة شي
ميثة: أنتي صدق ما تستحين
الريم: ليش عسب قتلج حقيقتج المرة
ميثة: وشو حقيقتي
الريم :أنج انسانة بلا شخصية تركضين ورا واحد بارد ما مسولج سالفة أنا أقول لو تحفظين الباقي من كرامتج وايد احسن
ميثة:اذا أنا جي فأنتي انسانة مغرورة متكبرة ولا تحترمين حد
الريم :اكون مغرورة احسن من ما اكون سطحية وباردة
ميثة:أنا سطحية
الريم: ومريضة بعد أنا اقول لو تشوفيلج دكتورة نفسية بتفيدج ترى
ميثة:لا زودتيها وايد
الريم: شو بتسويبي يعني
ميثة :شو منصور ما أشوفك تقول شي
منصور كان فاتح ثمه وعينه................... ويالس يسمع مستغرب:ها ها ...
ميثة:أنا الحين مثل الي قالته
الريم:ترى البقرة ما تشوف ذيلها تشوف ذيل ربيعتها
منصور فج عينه :خلاااااااااااااااااااااااااااااص
شمو قومي صبيلي شاي............ز مايرزى عليكم كل هذا عسب استكانه شاي
الريم: انا بروح أشوف ماماتي وين راحت
يوم راحت الريم
ميثة تعيب عليها: ماماتي اونه
منصور:" ميثة خلاص ما ابغي أسمع رمسة في هالموضوع
ميثة :ان شاء الله

.................................................. ..............................................


اللي تحبه يارفيقي وتغليـــــــــــه ..
لو غاب عنك من تحط بمكانـــه
لو كل واحد نسى جرح غاليـــــه ..
ماكان به غالي تذكر زمانــــــــه
خله عشان الوقت لابد يربيـــــــه ..
عشان يعرف قيمتك مو عشانـــه
الكون واسع لاتجاري خطاويــــه ..
يلقي بدالك وانت تلقى مكانـــــــه



الساعة 6:30
مبزرة الخضراء

يالس روحه يفكر بلي صار والي بيصير ...............آه الحين شو بسوي يا ربي حالة هاي ............. سلطان عرس الحين يعني مب مثل قبل فاضيلي ..............لازم أقدر شوي..... الريال عنده حرمة الحين وباجر بيكون عنده عيال ..................... مب كل شي رحت عنده ما بيكون فاضي ............. والمشكلة أنه محد من ربعي يعرف بالسالفة الا هو وما اقدر اقول لحد... شو بقول احب أخت أربيعي ومرمسنها وما أبغيها الحين ............. لازم أنسى ما يصير أتم على ذكراها وما في حل عسب أنسى غير أني .............. أعرس هي اعرس ما في غير هالحل .............. أنا بقول حق أماية تدورلي عروس اليوم برمسها )

.................................................. ...............................................


الساعة 8:00
بيت بو سعيد


منصور نازل وهو متكشخ ولابس سفرة وعقال وريحة العطر شالة المكان شاف الريم تطالعه باستخفاف وميثة وهي تطالعه بتأمل وشاف شقا الكره بين الأثنين ابتسم ونزل
وطاف من عندهم وكأنهم مب موجودين وسمع هرنات برع ظهر شاف سيارة مطر واقفة وشكله مطر معصب
منصور:السلام عليكم
مطر: وعليكم السلام جان ما ييت تو الناس
منصور:هههههههههه اسمحلنا عاد
مطر:أطالعه بقهر وأطالع جدام
منصور ابتسم و شغل الاف أم
وكانت أغنيه جرحي الاليم مال عيضة

مطر: أقول منصور
منصور:هلا
مطر: ما رديت عليه
منصور:في شو فديتك
مطر: في السالفة الي رمستك عنها
منصور:هي
مطر :شو هي
منصور: البنت ما عندها مانع ايب اهلك
مطر ضرب بريك قوي :شوووووووووو
منصور: حاسب بلاك
مطر :صدق وافقت
منصور: هي وافقت ليش جي مستويبك
مطر:لا بس اتفاجأت
منصور أطالعه بتشكك :هي أنزين تحرك
مطر:أوكي

منصور( غريبة بلاهم هاذيل أنا بديت أشك ............ لا استغفر الله شو هالكلام )

مطر(آه مب مصدق الصراحة بتخبل بيوقف قلبي من الوناسة احس عمري بطير من الفرح ودي أوقف وسجد ركعة شكر لربي ...............آه اخيراَ انا وشمة بنكون مع بعض يا ربي حاسس عمري بتخبل........... اليوم اول ما ارد برمس أمي بخليها من باجر ترمسهم )
.................................................. .................................................. ......

ماعاد ينفع لو تعذرت ورجعـــــــــــت ..
فات الاوان وقل قدرك وشانــــــــــك
وشلون اسامح وانت في الود قصــرت ..
وبعت الرفيق اللي وفالك وصانــــــك
والحين جاي تقول نادم وفكــــــــــرت ..
خل المحبه وانت خلك مكانــــــــــــك


الساعة 10:30
مول الامارات

علي كان يالس في الكوفي شوب الي جنب سكاي دبي ويشرب hot chocolate
ويطالع خلفان وخليفة ونهيان داخل يلعبون هو ما دخل ما كان له نفس يدخل بس يروم يشوفهم خاصة وأن الكوفي عند السكاي بالضبط
يبتسم على خبال نهيان كل ساعة يشل ثلج من الأطراف وتي المسؤولة وتصرخ عليه وتقول هذا حصى شل من النص اذا تبى تفر ويقولها أخر مرة ويرد يشل عصبت عليه من الخاطر وقالت بطلعه .........بس بعدين تاب...................علي اطالع مبايله كان بيتصل في ميرة بس بعدين تراجع

طرشلها مسج


اشوف الموت من نظرة عيونك
مثل ما شفت انا فيها حياتي
انا بالله كيف احيا بدونك
اذا كان البعد يعني مماتي
حبيبي والغرام العذب كونك
حبيبي والعطش كله كياني
متى تمطر على قلبي مزونك
وتتحقق بلقياك امنياتي

.................................................. .....

إن كان نور عيني ما يساوي غلاك ..
أشهد إني بخيل في ما عطيت .. وش تبي ؟؟
آمر تدلل يا بعد هذا وذاك .. تبي قلبي وش بغيت ..
تبي روحي لأجل ترضي وتضحك شفاك ..
إذا يرضيك خذها بس قول إني وفيت
.................................................. ....

علمتني كيف اعزك ولعيونك أشتاق
بس...................
نسيت تعلمني الدنيا بغيابك كيف تنطاق ؟

.................................................. ...........................................


منك نتعلم لعبت الصد ونصــــــــــد ..
مادام قلبك والليالي علينـــــــــــا
منك نتعلم كيف مانحفظ الـــــــــــود ..
(( وتشوف منا ماتسويه فينــــــــا ))
والحين لازم تاخذ المسأله جـــــــــد ..
علمتنا نقسى وشفنا قسينـــــــــــا


الساعة 11:30
بيت سعيد


دخل سعيد البيت
:السلام عليكم
روضة:وعليكم السلام
سعيد: تعشيتوا
روضة: يهمك
سعيد(اللهم طولج يا روح ) :أكيد يهمني
روضة:انت تعشيت
سعيد: الحمدالله
روضة: خلاص كافي انك تعشيت
سعيد: روضة
روضة: ما قتلي متى الملجة
سعيد: ليش
روضة : ما يصير بعد ما احضر ملجة ريلي
سعيد ( لو أدري بالي في بالج يا روضة ) تنهد سعيد:أنا رايح أرقد
روضة: انزين انا فرشت لك في غرفة الضيوف
سعيد: ليش
روضة:اذا ما تبغي انا بروح بس أنت تدري ........انا ما اروم ارقد على الفراش تراه وايد قاسي وانا حامل وما أقهر
سعيد: بسير برقد في غرفتناااااااااااااا سامعة غرفتنا وبترقدين بنفس الغرفة وما بعيد رمسة منتهية الى اذا أنتي تبين تضاربين في الليل

راح عنها سعيد ولا عبرها وهي تمت اطالعه لين ما راح
.................................................. ...................
الساعة 12:00
بيت مطر

دخل البيت بسرعة
اماية أمااااااااااااااااااااااية
أم مطر:أنا هني بلاك
مطر:أماية بعدج يالسة
أم مطر:هي اترياك
مطر:أنزين أبغيج في سالفة
أم مطر:شو
مطر :أبغي اعرس
ام مطر:شووووووووووووووو
مطر:أبغي اعرس أماية
أم مطر:واي فديت روحك أنا من باجر بخطبلك شيخة البنات
مطر:لاء أنا في وحدة في بالي
أم مطر:ليكون وحدة من خايساتك
مطر:لاء اماية ابغي شمة
أم مطر: منو شمة
مطر: منو شمة.............. الحين ما تعرفين شمة
أم مطر: والله ما عرفتها منو
مطر: أخت منصور ربيعي
ام مطر:هي يا زين ما اخترت خلاص برمس ام منصور بس انت من وين تعرفها
مطر:أنتي أماية كنتي دووووووم ترمسين عنها
أم مطر:هي بس شو الي غير رايك
مطر: شكلج ما تبيني اعرس
أم مطر:لاء لاء خلاص شمة........... شمة مبروك ابوية وعقبال اخوك
مطر:هههههه الله يبارك فيج الا متى بيرد
ام مطر: ما ادريبة
مطر: انزين اماية أنا بسير برقد
ام مطر: خلاص حبيبي
مطر:تصبحين على خير
أم مطر:وأنت من أهله


راح مطر وهو مستانس لأنه حقق حلم من احلام أمه كان خاطرها تشوف واحد منهم معرس وهو حقق لها هالحلم وحقق حلمه الي تم سنين متناسينه وهو حبه الاول والأخير
شمة الي حلم بها طول عمره اتذكر لما عرف أن في واحد خاطبنها كيف كانت حالته كان طول اليوم وهو متنكد وكاره عمره ولما عرف انها رفضته استانس ما يدري ليش كان يستانس معنه كان دايماَ يدعيلها أن الله يوفقها مع واحد زين وطيب لكن يكره الشعور ان واحد ممكن شمة تصيرله ممكن يلمسها أويبوسها أو.....
كان يطرد هالتخيلات عن باله ويتنرفز وايد ويحس انه لو شاف هالأنسان ما بيمسك عمره ويمكن يجتله او يسوي به اي شي
.................................................. ..........

الساعة 1:30
بيت بو سعيد
غرفة منصور


كان يحس راسه منتفخ روحه راد معصب من مطر كل ساعة يقول بيرد البيت ما ادري شو عنده في البيت والحين مب قادر يرقد بسبة صوت التلفزيون العالي
أووووووووووووووووووووف مب حالة هاذي
قام من فراشه وفتح الباب حس حرقة في عيونه ومب قادر يفتحها من الليت
مشى شوي شوي لاحظ ان الصوت من تحت
تم يمشي عسب ينزل شاف دري
نزل عليه بس ما حس بعمره الا وهو يطيح من فوق الدري لين تحت
سمع صوت صريخ وحد يا عنده
وسمع وحدة تصيح وترمس كلام مب مفهوم مع حد بس منو ما يعرف شوي شوي منصور حس انه مب رايم يسمع شي ؟؟؟؟
.................................................. .........................

ظنكم منصور شو استوابه؟
سعيد وروضة شو بصير بينهم ؟
علي بيروم يراضي ميرة ولا لاء؟
نهيان شو كان يبغي يقول حق وضحة ؟
هزاع بيروم ينسى اليازية ويتزوج ؟
شمة ومطر بتم زواجهم ولا بيظهر شي يديد ؟
والمعاريس شو اخبارهم ؟

الجزء الثـــــــــــــــــــــــــــــاني عشر







كملي مزعت الثوبي ودختر يزيد حبوبي
قال الهبوط عيوبي ونغز الابر داهنه
هاذي القصيدة مني يوم الهوى مشجني
جار الحبايب عني ودرب العنى واطنه


منصور ( اسمع صوت حد يالس يرمس منو هذا ها الصوت مب غريب عليه هذا صوت ابوية.... بس لحظة شو هالريحة............ هاي الريحة الي ما ادانيها ريحة المستشفيات أنا ويييييييييييييييييين؟؟؟؟؟؟؟؟؟؟
فتح عينه شوي شوي ......... شاف ابوه واقف مع دكتور ويرمسه
منصور:ابوية
أبو سعيد: ها ابوية قمت الحمدالله على السلامة
منصور:الله يسلمك شو مستوي ليش أنا هني
أبو سعيد: تراك أمس طحت من على الدري شكلك كنت دهمان
منصور (فاج عيونه ): متى هالرمسة
ابو سعيد: لا بالله الولد مب صاحي
رن المبايل في هاللحظة
ابو سعيد: هكي العيوز في البيت حاشرتنا عليك ما يسوى علينا
ألووووووووووووو......... ها لا ما بلاه شي .............. بيرد اليوم معاية بعد ............. لاء ما في شي الحمدالله ان الضربة كلها يت على ريله ما جاست راسه ................. لا بس كسر في ريله
منصور:شووووووووووووووووو
اطالع ريله وتم يتلمسها (آه يالقهر ريلي منكسره أووووووووووف شو هالحالة ولا بعد يقول بس الشيبة )
ابو سعيد: هذا ولدج منو بعد صرخ ...........ما أدري بلاه مستخف ........... لا لا تخافين .............. امبونه قلبج مقبوض متى كنتي عادية ...............هههههههههههه ..............
منصور (لاء ينكت الشيبة بعد مب سهل )
أبو سعيد : يلا أبوية الدختر رخصك
منصور: لازم يرخصوني بيفتكون مني
ابو سعيد: شو
منصور: لا ولا شي أبوية
أبو سعيد :يلا ابوية بسندك
منصور:أبوية سير ايبلي عكاز وتعال
أبو سعيد: وحنا رايحين بناخذ لك في الدرب
منصور:اوكي يلا
يا أبو سعيد يساعد منصور يوقف
أبو سعيد: والله الايام تركض يا منصور أمسات كنت تزحف والحين ما شاء الله غديت ريال شكبرك
منصورابتسم و باس راس ابوه :الله يخليك لنا يا ابوية ويعطيك طولة العمر ان شاء الله

.................................................. ....................

بيت بو سعيد
الساعة 2:30
في الصالة


تواعدني على باجر وباجر راح ما دله
أفا يا غر يا نادر عطيتك قلبي وتذله



منصور دخل البيت هو وأبوه لقو
أمه واليدة وشمة يالسين
اول ما دخل طبعاَ الكل راح صوبه
وبدوا العيايز بحشرتهم
وتعرفون كلام العيايز واي فديت قلبك .........حبيبي ولدي ........... وايه يعله فيني ولا فيك ..........ويعله في العدو......... وحاسدينه ولدي ..........فديت روحك .............الخ
هالكلام كله منصور سمعه معنه ما كان له خاطر يسمع شي خاصة وانه مدوخ يبغي يرقد
منصور :أماية يدوه ما فيه شي والله ما فيه شي بسير ارقد تعبان
اليدة :سير ابوية سير ارتاح
ام سعيد :روح ارقد في الغرفة الي تحت أبوية......... شمة روحي رتبي الغرفة فديتج
شمة:ان شاء الله أماية
منصور :يلا تصبحون على خير
الكل :وأنت من اهله
أم سعيد :أساعدك ابوية
منصور:لاء روحي أروم امشي ما ابغي حد يساعدني
راح وهو متضايج من الخاطر ناقصني أنا حد يمنن عليه ويساعدني
( منصور كان وايد يتحسس من هالامور وخاصة اذا حس أنه في شي ناقصنه وانه في حد لازم يساعده)



.................................................. ..................................
بيت سعيد
الساعة2:30
غرفة سعيد

لو درى أتمنى قربه لو درى
لو درى معذبني حبه لو درى
لو درى يرحم عيوني لو درى
لو درى خفف جنوني لو درى


روضة كان أرق صايبنها وحاسة بضيجة مب طبيعية تمت تتجلب

سعيد قام ويلس وهو يتأفف:اووووووووووووووف مب حاله هاي
روضة تطالعه وهي بعدها راقدة :بلاك
سعيد:اسمعي انا ورايه دوام وتعبان أبا أرقد .............. كل ساعة وتنجلبين صوب حضرتج ما أروم أرقد أنا جي
روضة: مب عايبنك روح ارقد في الغرفة الثانية
سعيد : ادريبج هذا الي تبين توصليله
روضة:عيل تشطر وأفهمها
سعيد ابتسم :شو انج مب طايقتني ومب طايقة قربي لج
روضة:هي دامك فاهم ليش تام ولا عايبنك عوار الراس
سعيد:هي عايبني عوار الراس وخاصة عوار راس غيري
رد انسدح وقالها باستهزاء :تصبحين على خير يا قلبي
وصد الصوب الثاني
.................................................. ......................................


الساعة 3:30
شوارع العين

يا صاحبي المتعالي يالي طلبت رضاك
متى يغمضك حالي والقلب لي صافاك


ظنكم هالليلة الكل نام بسلام ولا في ناس النوم مجافنهم أو بالأصح واحد ماقدر ينام محتار بين قلبة وعقله بين غروره وكبرياءه وبين عشقه وغرامه
حاير وتايه ما يدري وين يروح يدور في الشوارع مثل المينون وخاصة انه يحس عمره مختنق محتار هل الي سواه الليلة صح ولا لاء
هزاع : معقولة معقولة الي سويته وانا اقول ابغي انساها اسوي جي انا ما ادري ليش قلت جي يا ربي
أوووووووووووووووووووووووف



يا امير قلب متيمك ترى الفراق في ذمتي ما هو بطبع الأمرا
صاحبك له سمعة على أوسع نطاق ظلاله الحاله لخلق الله ذرى
لكنك تحملت حملٍ ما يطاق ويقوم به مثل الحصان الابجرى
سريت قلبي في رجا لحظة عناد وخلفت وعدك ليت وعدك ما سرى
والجملة الي ما تجي ظمن السياق ما تنكتب اصلاَ ولا هي تنقرا


.................................................. .................................................. ..............
النمسا
في الفندق

تزعل وانا الي منك زعلان تقسى وتجرح قلب مغليك
غالي معي لو كان الي كان متعوداَ تزعل واراضيك
أن كنت ناوي الصد يا فلان الروح في بعدك تناديك
وأن يتني من حب ظميان بسقيك من حبي وبرويك


سلطان كان يالس في صالة الجناح الي حاجزينه
ويلعب في مبايله
شافها من الصبح رايحة ورادة مترددة تدخل بس ما مرت دقايق الا وهي داخلة
حصة: بتردد سلطـ ... ــان
رفع عيونه اطالعها ونزلها وكمل لعب بمبايله
حصة: حبيبي انا أسفة
سلطان با ستهزاء : ليش انتي غلطتي
حصة: سلطان خلاص قتلك أسفة
تجدمت حصة ويلست عنده : حبيبي قول أي شي صارخ عصب بس لا تسكت جي
سلطان حتى وهي زعلانة تقول حبيبي هههه والله حالة هالبنت ) صد عليها وتفاجأ :هههههه حصة انتي على كل شي تصيحين
حصة مسحت عيونها : أنت تراك
سلطان لوا على جتفها: وابتسم: بلاني انا ...............حصة انا ما ابغي شي منج غير انج يوم أقولج شي نفذي بدون كلام لاني ما أحب الصراحة الي يراددون
حصة: ان شاء الله
سلطان ابتسم لها
سلطان ( حليلها حصة وايد بريئة ما توقعتها جي وأحلا شي فيها انها تزعل وترضى روحها ما أتعبني وايد اذا قلتلها شي ما تمر دقيقتين الا وهي ناسية كل الي صار و اذا ما نست تي روحها وتراضيني )

.................................................. .................................................

يوم السبت
الساعة 10:30
بيت بو سعيد


الريم كانت نازلة من فوق واستغربت ان منصور في الصالة ليش ما راح الدوام
الريم: صباح الخير وشهقت لما شافت ريل منصور :بلاها ريلك
منصور:يطالعها :ياية تشمتين
الريم تتطالعه وهي مستغربة :اتشمت وليش اتشمت
منصور:لا والله ما تدرين ليش...........عيل تقولين بلاها ريلك ليش ما كنت وجودة لما طحت
الريم :لا والله ما كنت موجودة اصلاَ انا كنت راقدة امس من وقت
منصور: اطالعها بطرف عينه
الريم: عالعموم سلامات
منصور :الله يسلمج على فكرة ادري انج مستانسة فيه
الريم: الله يسامحك
منصور: الله يسامح الجميع وقام يروح يتريق
الريم وايد كسر خاطرها منصور
الريم: تباني أصبلك شاي
منصور: لا أيدي بعدها صاحية ما انكسرت وبعدين أنا قايل ما ابغي حد يساعدني بعدني ما نشليت
وقام من كرسيه بعصبية
الريم استغربت بلاه وايد متحسس ما يسوا عليه
اذا جي عيل بتصل في سيف خلا يي مع الدريول عسب ارد الشارجة
.................................................. ..............................................
ابوظبي
الساعة 4:30
بيت سعيد


روضة:وين رايح
سعيد : ظاهر
روضة : مب أنت واعد أحمد تظهره
سعيد :أوووووووووووووه نسيت
روضة:لازم تنسى
سعيد :اطالعها بس طنش : أنا بسير شوي ويا ربيعي وبرد ........... لبسيه لين ما أرد
روضة: ولازم يعني تروح ويا أربيعك
سعيد: هي لازم وأدري انتي بشو تفكرين ........... لا تخافين بظهر و يا ربيعي مب الي في بالج
روضة : والله أنا ما يهمني
سعيد:أنزين كيفج ................. أنا ظاهر

.................................................. .................................................

بيت بو سعيد
الساعة 4:30
غرفة اليدة


الريم :أنزين ماماتي انا رايحة
اليدة : وأخوج ليش ما ينزل
الريم :يقول يستحي
اليدة : من شو يستحي ............ هذا الا فاصخ الحيا
الريم :أنزين ماماتي انا رايحة الحين
اليدة : تري بشوف هذا مسود الويه
ظهروا الريم واليدة
عند الباب كانت سيارة دريول قوم الريم واقفة سيف يالس جدام عند الدريول
أول ما شاف يدته ياية نزل
سيف: هلا بالزين والله
اليدة : مسود الويه ليش ما تنزل لازم انا الي أي لين عندك
سيف: لاء ماماتي والله
اليدة : ولا أكيد ابوك قالك لا تنزل عندهم
الريم عفست ويها
سيف: لاء أصلاَ أبوية مسافر
اليدة :انزين ادخل سلم على عيال عمك
سيف: وقت ثاني ان شاء الله ماماتي......... مستعيلين بنرد
اليدة : الا هي دقيقتين
سيف:تنهد :ان شاء الله بس الحين الساعة اربع ونص والناس راقدين الله يهديج
اليدة: لاء مب راقدين
الريم : يدوه عمي وحرمته راقدين ومنصور تعبان وشمة فوق أطالع تلفزيون
سيف: خلاص عيل مرة ثانية بنسلم عليهم المهم سلمنا على هالحلو
اليدة : هي بتشرد لازم ما فيك مذهب بتطلع على منو يعني أكيد على ابوك
سيف باس يدته على راسها :اوكي ماماتي رايحين نحن بتين معانا ولا لاء
اليدة : لاء بتم هني فديت قلبه منصور تعبان
سيف: عيل انا تعبان محد سوالي سالفة
اليدة :بلاك انت
سيف:قلبي .............آه قلبي يعورني من فراقج ....هههههههههههه
اليدة : تتمصخر عليه مسود الويه
سيف :لاء والله ما اتمصخر ولا شي عالعموووووم غناتي رايحين نحن ادخلي شمس عليج
اليدة :انزين ديروا بالكم على نفسكم.................... والريم بعد الملجة تردين فاهمة مب تقولين لي ما برد والله ترى بي لين الشارجة وبردج غصب
الريم تنهدت :ان شاء الله
اليدة :يلا فمان الله
سيف والرم :فمان الله

\................................................. .....................................
الساعة 30
بيت بو هزاع
الصالة

أم هزاع : يا وليدي رمست انا ام البنية وقالتلي هي خاطبنها بعد ولد عبدالله بن مطر
وهي مب رادة عليهم لين الحين هم بيخيرونها بينك وبينه والبنية بتستخير وبتشوف الانسب
هزاع : .......................
أم هزاع : بلاك ابوية
هزاع :ولا شي
ام هزاع : أنت من وين تعرف البنية
هزاع :اخوها ربيعي
ام هزاع : عقبال أخوك
هزاع ":الا وينه هو ما اشوفه ما رد من دبي
ام هزاع :لا ء بعده ما اقول الا الله يهديه
هزاع :انزين اماية
بس قطع رمسته رنة مبايلة
هزاع : شكله سلطان يتصل
ام هزاع :رد عليه ابوية وسلم عليه وايد
هزاع :ان شاء الله
ظهر هزاع برد :الو
سلطان :مرحبااااااااااااااااااا الساااااااااااااااااااااااااع
هزاع :هلا والله بالمعرس ها شو علومك
سلطان :تمام والله أنت علومك
هزاع :زين
سلطان :هزاع بلاه صوتك
هزاع : ماشي
سلطان : هي صح يقولون خطبت
هزاع :هي
سلطان : منو خطبت
هزاع :اليازية
سلطان:....................................

.................................................. .................................................. .....................

بيت بو سعيد
في الصالة



ميثة :عيل وينها الخقاقة
شمة :منو
ميثة : منو بعد الريم
شمة :ههههههههه حرام عليج راحت الشارجة
ميثة : فكة من ويها
شمة : بس عاد عيب عليج ميثة
ميثة : تنهدت :ومنصور لين الحين راقد يايتنه من ساعة خمس عسب اشوفه وهو راقد
شمة : هههههههه هو في هالوقت يقوم بتشوفينه قايم عقب شوي
ميثة :يا ريت
شوي ولا منصور ظاهر من غرفته شافهم يالسين في الصالة وأول ما دخل
قامت ميثة
منصور طنش وسار يلس
ميثة : شحالك منصور
منصور :بخير أنتي شحالج
ميثة : بخير ........
الحمدالله على السلامة ما تشوف شر
منصور :الشر ماييج
وقام راح
ميثة :اوووووووووووف أخوج مول ما فيه ذوق
شمة :هههههههههه تضحكوني والله
ميثة :تدرين اخوج وايد يكابر
شمة :كيف يعني
ميثة :يحبني ويسوي عمره مب مهتم بس انا فاهمة منصور عدل
منصور كان واقف عن باب غرفته ويبتسم باستهزاء
دخل وقفل الباب
رن مبايلة
مطر:مرحبا بالمرضى
منصور: هههه هلا والله علومك
مطر : الحمدالله ....... أنزين شو كنت بقولك
منصور :أمر
مطر :متى الوالدة تي عنكم
منصور : مستعيل أشوفك
مطر :ها .... لاء بس الوالدة قالتلي اسالك
منصور :وليش ما اتصلت باماية أنا شو يعرفني بهالسوالف
مطر :أنا ما خليتها قلت أسألك أول
منصور :انا أقول توكل على الله
مطر :خلاص بنيكم باجر
منصور : تنور فديتك ........ ما بنظهر اليوم
مطر :آسف ما اظهر مع عزابية
منصور :هههههههههه بدينا من الحين
مطر: هههه تجهز بمر عليك
منصور :يلا مع السلامة

.................................................. .........................................
الساعة 6:30
صحارى سنتر
سيارة علي

عند باركنات صحارى الي عند مارك سبنسر من برع

علي :اووووووووووووف زحمة مب طبيعية
خلفان :سير انزين الباركنات الي تحت
علي : ما اداني الباركنات الي تحت وبعدين هناك زحمة
نهيان :لحظة هاي ظاهرة من المركز أكيد يتظهر سيارتها

كانوا بنتين ماشين مع بعض وشكلهم خوات
سايرين صوب سيارتهم

نهيان فتح الدريشة وظهر راسه :بتركبين الشيخة
خلفان: نزل الدريشة من الصوب الثاني:فديتج بغينا البارك اذا ما عليج امارة الغلا

البنات كملوا طريجهم وما سووا سالفة راحوا صوب سيارتهم

نهيان :تسلمييييييييييين يالذوق انتي............ ما قصرتي
خلفان:ما قصرتي فديت روحج تعالي كل يوم
نهيان :اسمحيلنا عاد بنلحقكم
خلفان : لا مافي داعي نلحقهم قلبي يلحقهم
نهيان :ههههههههههههههههه

ركبوا البنات السيارة وتحركوا
الشباب ما صدقوا على طول على البارك

نهيان :يهمس حق خلفان :غريبة علي رزين اليوم
خلفان بصوت واطي :يا ريال يوم نزلت الدريشة عصب وخزني بعينه
نهيان : تدري خفت يعطيني محاظرة دينية هههههههههه
خلفان :هههههههههه صخ عن يسمعك ما ادري بلاه لابق
نهيان :هههههههههههههههههههههه
علي :بلاكم
خلفان: سلامة قلبك الغالي

.................................................. ......................................

بيت بو سعيد

شمة: منصور بتظهر
منصور :هي
شمة :وين رايح
منصور باستهزاء : اسالي ميثة تراها تعرف كل الي في قلبي اكثر مني
ميثة :فجت عينها
منصور :اتمنى يا ميثة تهتمين بنفسج وتهديني بحالي
ميثة :؟؟؟؟؟؟؟؟؟؟؟؟
منصور :شو سكتي أشوفج
ميثة : كلا منها العقربة غيرتك عليه
منصور :منو هي
ميثة : منو غيرها الحقودة الريم
منصور : ما يخصج في الريم فاهمة
ميثة :انت تحبها صح
منصور :باستهزاء حليلج والله .......... لا تخافين ما أحبها ولا بحبها بيوم
واذا فكرت اعرس ما باخذ من الأهل
ميثة :؟؟؟؟؟؟؟؟؟؟؟؟
منصور : فمان الله
ظهر منصور وهو مب حاس بالجرح الي جرح به ميثة ظهر بدون ما يعبرها بولا كلمة

.................................................. .........
مر الاسبوع والكل على حالة

سعيد بعده مع سارة وروضة مجافتنه وما غيرت اسلوبها معاه
هزاع خطب اليازية ويتريا الرد
ميرة وعلي بعدهم زعلانين
الريم بيت ابوها فرحانة ومستانسة وما تدري عن الكلام الي دار بسبها
ومنصور عايش حياته وبدون ما يفتكر بميثة الي ما قامت تي بيتهم بالعكس حس انه سوا شي زين
ارتاح منها عالاقل
مطر خطب شمة رسمي وحددوا موعد العرس

المعااااااااااااااااااااااااااااريس شو استوى بهم

.................................................. ..........................
يوم الخميس
الساعة6:30
بيت بو سلطان


ام سلطان :توها ما نورت البلاد
حصة :منورة بوجودج عمو
ام سلطان :فديتج والله.................. ها قوليلي عن سلطان ان شاء الله مرتاحة معاه
حصة : الحمدالله عمو
أم سلطان اطالع سلطان بتشكك
سلطان ابتسم :ههههههههههه أماية البنية قالتلج مرتاحة شو بلاج اطالعيني
ام سلطان :لا بس أبغي اتاكد
سلطان :هههههههههه انزين يا جماعة أنا بقولكم خبر
سلطان : هو خبر مب حلو بس شو نسوي
أم سلطان :خير اللهم اجعله خير
سلطان : اماية انا نقلوني دبي
حصة شهقت :شو
أم سلطان : بتهدنا وبتروح منو بيهتم بك
سلطان بغى يخفف من جو التوتر الي هم فيه انا بعد صدق ثور طول عمري غبي والحين تاكدت من هالشي حد يقول هالخبر وهو توه راد من السفر : لا اماية ما بهدكم ان شاء الله كل اسبوع بيكم وما بتم روحي حصة وياية
حصة : بس أنا ما ابغي اسير دبي
سلطان :لاء والله كيف يعني
حصة : انا ما ابغي اهد ابوية وامي
سلطان :عيل سيري ايلسي بيت ابوج أحسلج
ام سلطان حست ان الجو توتر وايد :سلطان شو هالرمسة بعد.......... البنية ما تقصد شي
سلطان :شو تقصد عيل
أم سلطان :سير انت الحين
ظهر سلطان وهو معصب
وشخط بسيارته اما حصة تمت تصيح بحضن عمتها ام سلطان
حصة :عمو أنا ما قصد شي
أم سلطان :ادري امي ما عليج منه سلطان الحين بيرد وبهزبلج أياه
حصة : لا عمو لا تقوليله شي اخاف يعصب عليه
أم سلطان :يهبي الا هو اذا قالج شي تعالي قوليلي واذا ما تبين تروحين دبي تمي هني تراه بيت
عمج وبشوف سلطون جان يروم يقول شي
حصة :..........................
.................................................. ...............................