نا ماني على خبرك حزين واكسر الخاطر
اذا راجع تبي تلعب بعيد العبها يا شاطر



الساعة 5:30
بيت بو سعيد

سلطان :أطالع حصة الي شكلها مستحية بينهم وخاصة من الاسئلة الي تهل عليها من كل صوب اذا هو الريال استحى كيف هي عيل حد يسال ريال وحرمة ما كملوا اسبوع عن الحمل
والله العظيم مشاكل هالعيايز
أطالع حصة : حصة انا بظهر وبرد بتمين هني
شمة :هي هي بتم ما عليك انت
قام سلطان وظهر وهو يهز راسه لا البنية اليوم بيستويلها شي ما بيخلونها بحالها
اتصل بهزاع الي طول اليوم كان سرحان
سلطان :هلا والله بالسرحانين
هزاع :هههههه هلا بالي مطنشنا
سلطان :أفا منو هذا الي ما يستحي
هزاع : واحد الله يسامحه
سلطان :أنزين وينك
هزاع :أتمشى ويا علي ما أدري بلاه ضايج
سلطان :هي مرو عليه انا بعد احس عمري ضايج
هزاع :هي كل واحد ضايج ايي عندي شو ما عندي شغله غيركم
سلطان :ههههههه يلا
هزاع :يلا يايلك في الطريج

هزاع ( يالله الظاهر اني مب بس انا المهموم الكل مهموم بس الحين شو مصيري اليازية ما ردت لين الحين
تنهد آه ارحمني يا ربي )

وقف هزاع على طرف الشارع
علي :بلاك
هزاع :لحظة تذكرت تلفون مهم لازم اسويه اترياني
نزل هزاع من السيارة
وراح اتصل باليازية
بس محد رد وبعد رنتين
ردت وحدة تكح
:ألو
هزاع :فديت هالألو
اليازية :هزاع
هزاع :روح هزاع
اليازية (وهي مب مصدقة ):كح كح هزاع لين الحين زعلان عليه
هزاع :ابتسم بلؤم :لا غناتي مب زعلان
اليازية :كح كح كح
هزاع :اشفيج غناتي مريضة
اليازية :شوية بس من سمعت صوتك صرت زينه
هزاع :هي عسب جي متحيرة هالقد عليه
اليازية : في شو
هزاع :لا والله ما تدرين أني خطبتج
اليازية ( متفاجأ ة):والله محد قالي
هزاع:شوووووووو
اليازية:اماية كانت بترمسني في هالسالفة بس انا ما رضيت ما كنت ادري انك خاطبني
هزاع : لا والله يلا الحين تروحين تسألينها
اليازية:ههههههههه ان شاء الله الحين ما بقولك لاء مول
هزاع:هههههههههه أنزين يلا صكي وياية ناس أنا
اليازية:فمان الله
هزاع:فمان الكريم

الحمدالله اتصلت بها ولا جان رفضتني ما تدري اني انا الي خاطبنها ........... والله اشتقت لصوتها وضحكتها اذكر هزاع شكلها وهي تبتسم بس ما حس الا بصوت نقزه من مكانه شاف علي يطالعه وهو يبتسم نزل الجامة وظهر راسه علي : وين وصلت
هزاع:ولا مكان يلا نسير

.................................................. ................................................

طمـنوني شـلونـهـا كيـف حـال عـيـونـهـا
الله يـسـامح هـالـزمـن خـلانـي أحـيا بـدونها
مـدري كـيـف أوضـاعـهـا
عـصاها الزمن أو طاعـها
تسعـدها ذكراهـا معي أو تـزيـد أوجـاعـهـا
الحـب بعـدي شـافـته والا مـثـلي عـافـتـه
تضحك حياتي وتبتسم والا حـزينه وساكته


بيت مطر
في الصالة

أم مطر:مطر ذبحتني تراك شو نجدم العرس ما يصير ما يصير
مطر: أماية وايد مأخرين العرس
أم مطر: أحيدك ما تطيق طاري العرس شو الي تغير
مطر: خلاص عيل ما بعرس
ام مطر: اطلعته بنص عين : هي ما بتعرس بتموت علينا اذا ما عرست
مطر قام وباس راس امه :ههههههه فديتج والله............. بس بعد اماية رمسيها
أم مطر: حشرتني تراك بقوم تراني
مطر:لاء خلاص خلاص فديتج خلج يالسة

نهيان ابتسم( ما ادري ليش أذكرتها لما طروا الحشرة هههههههههه حليلها خاطري اسمع صوتها من زمان ما غايضتها ................لاء يوم بيون انا بروح لهم اوني ما ادري انهم هناك اذا ما تطردني من البيت تسويها هالجبريت ادريبها هههههههههه.............. اسمها مخرب وضحة أونه.......... ما أداني هالاسم بس حبيته الحين ابتسم نهيان

.................................................. ................................................


يــا مــوت خــذنــي كـم بـدنيـاي عـانيـت
خـذنـي معـك يـا مـوت و أعلن وفـاتـي
خلــي جـرحنـي بـالهـوى يـوم حبيـت
والـروح راحـت مـا بقـى إلا رفـاتـي
مـدري بيبكـي صـاحبـي لا تـوفيــت ..!
و إلا حبيبـي مـا تهمــه وفــاتــي
أخاف يـا قلبـي لامنــي تـوفيـت
يبخــل عليــك بجيتــه فــي صـلاتــي


الساعة 7:30
غرفة منصور



منصور (الصراحة قمت على صدمة مب مصدق الي انقال كيف وبشور منو هذا الي صار وليش وشو بسوي هالاسئلة كلها في بالي محتاجة جواب كل الي أعرفه ان يدوه كانت هني وعقت عليه قنبلة وراحت وشكلها القنبلة ما بتفجرني روحي بتفجر الكل وياية...................................






ظنكم منصور عن شو كان يرمس؟
سلطان وحصة شقايل بتمشي حياتهم؟
خليفة وين راح ؟ ؟؟؟؟؟؟؟؟
وسعيد شو بيسوي ويا نورة بيحل المشكلة ولا بيطيح هو في مشاكل؟
علي الحين متأكد أن ميرة بتوافق بيخطبها ولا لاء؟
وهزاع شكله أموره تسير اوكي بتم جي ولا لاء؟

الجزء الرابــــــــــــــــــــع عشر

((والاخــــــــــــيـــــــــــــــر))




الساعة 7:30
غرفة منصور



منصور (الصراحة قمت على صدمة مب مصدق الي انقال كيف وبشور منو......... هذا الي صار وليش وشو بسوي هالاسئلة كلها في بالي محتاجة جواب كل الي أعرفه ان يدوه كانت هني وعقت عليه قنبلة وراحت وشكلها القنبلة ما بتفجرني روحي بتفجر الكل وياية...................................



قام منصور يلحقها عل وعسى يقدر يفهم شي ولا يمنع هالمصيبة انها تصير .............هذا الي ما كان حاسب حسابه .........وبالاصح الي كان مستهزأ به ........... ليش جي يسون لييييييييييييييييييييش
يبغون يعيدون قصة سعيد وروضة مرة ثانية
يبغون يتعسون حد ثاني بعد
والمشلكة انا غير عن سعيد أنا مستحيل ارضى أتم حرمة على ضمتي وهي باغضتني.............. وانا الي اعرفه اذا مب متاكد أن الريم ما تباني

منصور واقف وهو محتار
منصور: يدوه
اليدة: نعم
منصور: شو هالرمسة الي قلتيها توه.......... جني سمعت غلط
اليدة :هي كلمة ما بثنيها ........اليوم الي بتنزف فيه اختك على مطر بتنزف فيه الريم لك

نزلت الجملة على منصور مثل الصاعقة راحت اليدة وخلت منصور في دوامة ما يعرف كيف يطلع منها
يعرف أن اليدة اذا قالت شي الكل بنفذه ومحد يقدر يناقش .................

والحييييييييييييييييييييييييييييييين شو الحل شو بسوي منصور حس راسه صدع من كثر الافكار راح ويلس على القنفة وحط العكاز عنده تم حاظن ويه بكفوفه ويفكر كيف بيطلع من هالمصيبة


اليدة (أنزين يا ريمو أنا بعلمج شقا تعانديني .......... عيل تقولين ما بتين العين ..........انزين بشوف الحين شقا ما بتين وبشوف رمستي أنا الي بتمشي ولا رمسة هاليهالو )

.................................................. ...............................................


الساعة 8:30
أبوظيي
شاطئ الراحة

كان يالس على البحر والموج يوديه وييبه مثل افكاره الي حسها خلاص تشتت
معقول ..........أنا مالي شور وكلمة توديني وتيبني .............
تمت ترن في اذنه جملة علي
(أكون بو العريف احسن ما أكون سلبي ومشني شور الحريم ولا لي راي )

توقع كلام جارح من كل حد الا علي معقولة علي يقول هالرمسة وحق منو حقي
بس المثل يقول ما ينصحك الا الي يحبك بس هو كان قصده .........(بتردد) لاء لاء ........(باصرار) بلى كان قصده التجريح
ليش يا علي لـــــــــــــــــــــــــــــــــــــــــــيش

شاف مبايله يرن وشاف مكتوب على الشاشة بو ميثة

بو ميثة يعني علي الي يتصل وهاي مب اول مرة هاي يمكن المرة العشرين
اكيد يبغي يتأسف
عقب شو عقب ما عق الرمسة
بعد ما طاح الفاس على الراس
تنهد خليفة
و قام وفر المبايل في السيارة ورد يطالع البحر

.................................................. ..............................................

الساعة 8:30
العين
سيارة سعيد


سعيد كان محتار يتصل ولا لاء
سعيد الله يهديك يا عبدالله شو هالخدمة الي طالبنها ............ يلا خلا اتصل بها لكن لحظة أنا ما اظمن هالاشكال .......اخاف اتصل وتروح تراوي سارة رقمي وعاد هاذيج الخبلة بتصدق تعال فجج عاد .........عيل كيف ........من وين اتصل ...........هي اذكرت
فتح سعيد السدة الي جدام وظهر منها بطاقة جديمة
اتصل الحين لاء ..........أتريا لين باجر احسن ..........هي أحسن
الحين بنزل البيت أحس أني تعبان

نزل سعيد البيت شاف البيت شبه فاضي محد موجود غير أهل البيت
أطالع روضة الي صدت الصوب الثاني عنه
ابتسم باستهزاء وراح فوق بس
لاحظ أن منصور يالس في الصالة الثانية
وحاظن ويهه بكفوفه وشكله مهموم

استغرب سعيد بعدين راح عنده
سعيد: منصور
رفع منصور راسه
سعيد يلس عنده بلاك
منصور بتعب :ما بلاني شي
سعيد :متاكد
منصور تنهد :آه يا سعيد شو بقول وشو بخلي
سعيد: قول الي تباه بس لا تم جي

منصور قال حق سعيد السالفة
سعيد تم يطالع منصور وهو كاسر خاطره والله دنيا الرياييل ينغصبون على الزواج والحريم لاء
حسافة عليك يا منصور يلي كنت مخبل البنيات جي يستوي بك أخر شي......... تذكر سعيد يوم امه وابوه غصبوه على الزواج........... كيف كانت حالته
صح ان حالة منصور احسن بوايد من حالته بس هو كان يحب سارة بس منصور منو يحب عسب يرفض الريم
سعيد تنهد :منصور ليش ما تبغي الريم
منصور باستهزاء : وانت ليش كنت ما تبغي روضة
سعيد :أنا كنت احب سارة بس انت ما تحب حد
منصور: سعيد أنا ما عندي مانع لكن المشكلة في الريم........... انا ادري انها مب طايقتني كيف بتتزوجني ..............سعيد احس انها مغصوبة عليه
سعيد: مع الأيام بتتأقلم معاك صدقني
منصور: سعيد أنت ما تعرف الريم انا الصراحة ريال ما أبغي مشاكل كل الي ابغيه اعيش بسلام ومتاكد مع الريم عيشتي كلها مشاكل
سعيد : حاول يا منصور معاها وصدقني بتتجاوب
منصور : تنهد الله يهديك يا سعيد بس

شل منصور العكاز واستند عليه وراح غرفته

وخلا سعيد وهو يتذكر ليلة عرسه.......... يتذكر الجرح الي جرحه لروضة جرح مب بسيط جرح ما يبرى مع الايام
لكن روضة سامحته ورد جرحها جرح أكبر
تنهد وقام راح الصالة شاف روضة يالسة روحها تقرا مجلة واحمد وفيصل يلعبون
تجدم منهم وراح يلس عند روضة
روضة نزلت المجلة
روضة :سعيد
سعيد:عيونه
روضة رفعت حياتها وابتسمت وهذا الي استغرب منه سعيد
روضة تجربت منه لين ما لصقت به :سعيد شو رايك شو احلى هالفستان ولا هذا
سعيد استغرب منها أكثر بس بعدين أطالع المجلة واشر على واحد منهم : هذا ليش
روضة باستهزاء : لاء كنت أفكر أسويه حق عرسك
سعيد أطالعها بنظرة ما فهمتها قامت روضة واطالعته بستهزاء وراحت
سعيد ( بعدج صغيرة يا روضة مب أنتي الي تلعبين عليه ولا بنفس الطريقة
...........انزين يا بنت عبدالله بنشوف منو رايه الي بيمشي انا ولا انتي وبلعب وياج نفس اللعبة الي تلعبينها )


.................................................. ..................................

الشارجة
الساعة 9:30

الريم كانت يالسة في حجرتها وتفكر في الموضوع الخبر ما اثر فيها
لأنها تعتبر عمرها خلاص انسانة ميته ومستقبلها ما يهمها
منصور ولا غيره كله واحد تمت تذكر اليدة وهي معصبه وتقول باجر بتي عسب ترمس أبوها ................. يا ترى شو بيكون راي ابوي بيوافق ما ظنتي يوافق............ والله كيفهم
تنهدت وحطت راسها على الشبرية
بس ما وحالها الا والباب يندق دخل سيف
الريم اطالعت سيف وهو داخل
بطل الليت
سيف: عادي ادخل
الريم : دخلت تراك تعال
سيف يا و يلس على الشبرية عند الريم
سيف :شو بلاج
الريم : ماشي
سيف :شقا ماشي أنتي مب متغدية اليوم ولا متعشية
الريم: دخيلك ومنو مهتم
سيف: بلاج الريم
الريم: تدري سيف أحس حياتنا كلها ملل كل شي عندنا بس ناقصنا شي........... ما أدري شو هو
سيف:استغرب منها :شقا يعني
الريم : تنهد: ليت السعادة تنشرى بفلوس
سيف اتنهد واتساند على الشبرية
سيف: الريم متغيرة أنتي وايد
الريم : كيف يعني
سيف في كل شي ما أصدق ان يوم الجمعة وانتي يالسة في البيت مب ظاهرة ................. وتقولين كلام غريب مب فاهمنه
الريم: خلك مني سولف عنك أنت
سيف : أنا الحمدالله مرتاح
الريم ابتسمت بألم :يحظك .......... ساعة كم الحين
سيف:9:30
الريم : قوم نظهر
سيف:نظهر............ وين
الريم :اي مكان احس عمري مخنوقة
سيف: أوكي بتلبس ويلا
الريم : أوكي سير تلبس

ظهر سيف وراح يتلبس اما الريم تمت مكانها شوي تفكر بعدين تنهدت وقامت تتلبس
.................................................. .........................

الساعة 10:30
بيت أبو هزاع


علي كان يالس وهو كاره عمره :أووووووووووووووووووووووووووووف ما يرد بتخبل انا
أم هزاع : منو هذا
علي: ها لاء واحد من الربع
أم هزاع : هي
هزاع:اماية
أم هزاع : ها امي
هزاع : ما ردوا عليج لين الحين
أم هزاع :لاء بتصل بهم باجر بشوف تحيروا علينا وايد
هزاع: هي هي اتصلي
علي وهو مركز على المبايل ويدق الرقم :أماية اخطبيلي ميرة
أم هزاع: ميرة ابوية محيرة لك شو اخطبها بعد
علي بعدم اهتمام :اماية قصدي حددوا موعد العرس هالسوالف يعني
ام هزاع : بس البنية ما تبغي تعرس الحين
علي :اوووووووووووف والله عاد كيفها.......... بس قوليلها اذا ما وافقوا علي بيدور وحدة ثانية

ظهر علي وخلاهم مستغربين
أم هزاع :بلاه الولد تخبل


.................................................. .............

الساعة 11:30
سيارة خليفة


خليفة تضايج من مبايلة الي صارله نص ساعة يرن


خليفة ":الو
علي :الو خليفة وينك............ شو هالحركات الله يهديك
خليفة :شو تبا متصل
علي بندم :اسف
خليفة :تنهد :أنزين يلا مع السلامة
علي : لحظة بلاك انت بعدك زعلان
خليفة :اخاف أزعل وتقول أني ياهل
علي :بلوم :خليفة
خليفة: حاولت أزعل بس ما قدرت
علي: يعني مب زعلان عليه
خليفة :لاء
علي :أكيد
خليفة ابتسم :أكيد......... بس بذكرك لو كنت انا الي عاق هالرمسة عليك جان الحين أنــ....
علي: خليفة خلاص عاد ذليت أخلاقي تراك
خليفة :انزين يلا سكر أسوق انا
علي :يلا ربي يحفظك
خليفة : يو تو.......... باي

رد علي داخل البيت وشاف امه يالسة
راح عندها وتم يحببها ويحظنها
ام هزاع : واي يالطفس قوم عني
علي :أحبج اماية شو اسوي
ام هزاع : هالحب ما يطلع الا اذا تبغي شي
علي : ههههههههههههه تصدقين محد فاهمني غيرج
ام هزاع :شو تبا
علي :ابغي اتزوج
أم هزاع : تزوج هذوا الدرب
علي :امااااااااااااااااااااااااية ابغي ميرة
هزاع : توك تقول ما تباها وبتدور وحدة غيرها
علي ببرائة :انا قلت هالكلام............ حرام عليكم اصلاَ انا ما اروم أعيش من دونها ........زهاي القلب اذا في واحد يروم يعيش بدون قلب أنا بعيش من دونها
هزاع :الله الله
ام هزاع :صدق ما تستحي تتغزل في البنية وبعدها ما صارت حرمتك
علي :اماية اقولج تراني روحي خطبيها لي
ام هزاع :انا ما بضرب ويهي عند الناس وانا اعرف الرد
علي :أماية صدقيني بتوافق أنا سألتها
ام هزاع :يوم انتو متفقين روحكم جان عرستوا بعد من شوركم........ ليش انت وياها ما وراكم كبير تتشاورون روحكم
علي :أماية من الحين بتبدين مشاكل
ام هزاع : حشا عليه............. بس الحق ينزعل منه هالايام
هزاع : خلاص اماية رمسي أم البنية باجر
ام هزاع : برمسها وامري لله
علي : فديتج يا احلى ام
أم هزاع :هههههه بس قوموا عني بروح اشوف شيبتيه وينه
علي : آه ما اروم أنا على كل هالرمنسية
هزاع :هههههههههههههههههههه
أم هزاع :انزين بشوف منو يرمس أم سلطان
علي :خلاص خلاص اسف حقج عليه
هزاع :لاء الولد رايح فيها
الكل:هههههههههههههههه

.................................................. .......................................

بيت بو سعيد
الساعة 11:30
في الصالة


اليدة :انا باجر بروح أكلم ابوها
أم سعيد :بس انا اقول نشاور البنية قبل وايد احسن
اليدة : البنية موافقة أنا شاورتها وانا باجر بسير لابوها
أبو سعيد : أنزين متى بتروحين ويا منو
اليدة :بسير باجر ويا دريولي وخدامتي
ام سعيد :لازم احمد يسير وياج فشلة في الريال رايحين نخطب بنته
اليدة : لاء انا برمسه اول بعدين بنخلي احمد واخوانه يسيرون
ابو سعيد :ليش هو ممكن يرفض
اليدة :لاء طبعاَ هو ما يرفضلي طلب............. ووين بيلقى احسن من منصور
روضة : منصور يباها
اليدة : منصور متخبل يهاذي بها
سعيد رفع حياته مبتسم يطالع اليدة : بس أنا سمعت رمسة ثانية
اليدة : مسود الويه يعني انا جذابة
سعيد :هههههههه لاء أنا ماقلت جذابة
اليدة : اشوف يا أحمد عيالك قاموا يجذبوني على اخر عمري
أبو سعيد :الله يهديج يا اماية الولد ما قال شي
اليدة : هذا ولد ريال بكبره لحيته تارسة ويهة وتقول ولد
سعيد ضحك وقام (مخرفة هالعيوز ) باس راسها: السموحة منج الغلا
اليدة : مسموح وين منصور ما اشوفه
شمة : منصور في حجرته
اليدة :هي زين زين
سعيد :يلا روضة نروح تحيرنا وايد
اليدة :وين بتروحون
سعيد :بوظبي وين بنروح بعد
اليدة :هي عيل هالله هالله في الدرب وعن السرعة وياك يهال انت
سعيد :انشاالله يلا روضة

قاموا روضة وسعيد وروحوا صوب بوظبي

في السيارة

سعيد: روضة بلاج سرحانة
روضة : كاسرين خاطري
سعيد : منو هاذيل
روضة :منصور والريم
سعيد :تنهد : هاي حياتهم لازم يعيشونها
روضة أطالعته : لا والله ليش لازم يعني
سعيد : شو بيدهم يسون يعني
روضة :بأيدهم يعترضون
سعيد : جان أعترضتي انتي
روضة :أنا ما كنت ادري انك
سعيد قاطعها باستهزاء : حليلج يا البريئة أنتي ..........مسوية عمرج الزوجة المخدوعة لا تسوين عمرج مثالية عاد

روضة انجرحت من كلامه بس ما بينت صدت الصوب الثاني وسعيد سكت وتم راص على السكان وهو يسوق
كان متنرفز منها ...............خلاص ما يروم يستحمل أكثر تحاول تغيضه بكل طريقة
لين متى بيسكت لها

.................................................. ..........................................

الساعة 2:30
بيت بو سلطان
غرفة سلطان


سلطان كان راقد بهدوء وامان لين ما سمع صوت الباب الي نقزه ونرفزه في نفس الوقت
سلطان فتح عينه واستغرب لما شاف حصة وهي تركض وانخشت عداله وهي ترتجف وتصيح :سلطان
سلطان :بلاج بلاج
حصة :سلطان في حرامي تحت
سلطان قام :شووووووووووووو
حصة لصقت فيه :سلطان والله...........حتى زقرني وتمت تصيح
سلطان فتح عينه وتم يطالها شو هالبلشة يا هالياهل بعد : حصة اهدي وين سمعتيه
حصة : تحـ...ـت
سلطان :أنزين اهدي بروح اشوف شو السالفة
حصة :مسكت ايده :لاء أخاف يجتلك
سلطان غصبن عنه ابتسم :ههههههههههه حصة شو فلم هندي هو شو يجتلني بعد
حصة : حرامي اقولك حرامي
سلطان :حصة أي حرامي انتي بعد يمكن صوت الباب كان ولا صوت دريشة مفتوحة
حصة : زقرني يعرف اسمي أبغي اماية
وتمت تصيح
سلطان: ههههههههههههههههه يا ربي انا شو سويت في حياتي عسب يصير فيه جي

شوي ولا يندق الباب

سلطان :منو
ميرة :أنا ميرة
سلطان :قام وراح فتح الباب وشاف ميرة ناقعة من الضحك
سلطان :بلاج
ميرة ":وينها حرمتك الخوافة
سلطان :أنتي الي سويتي بها جي
ميرة :هي هههههههههههههههههههههههههههههههههه
سلطان :اي بس لا تضحكين جدامها
ميرة :هههههههه أنزين وينها
سلطان :داخل
ميرة دخلت وشافت وحدة ترتجف :حصوه ههههههههههههههههه
حصة : حرام عليج طيحتي قلبي
سلطان :سلامة قلبج يا قلبي
حصة ابتسمت بخجل
ميرة رفعت حياتها تطالع سلطان :حصوه قومي كملي الفلم يلا ما في حرامي لا تخافين هههههههههههههه
حصة قامت :حسابج بعدين أنا براويج
ظهروا حصة وميرة.................. وحصة يالسة تتوعد لها
سلطان :اوووووووووووووووف جان قلنالها كلمة حلوة قبل وفارجت
ابتسم لما تذكر كيف انخشت عداله هههههههههههههههههه يالله شقا تكمشت

.................................................. ........................................

يوم السبت
الساعة 11:30
دوام سعيد


سعيد( بتصل بها الحين ............أنا فاضي ما عندي شغل
بدل البطاقة وتريا لين ما اشتغل المبايل
دق على الأرقام بس محد يرد رد اتصل مرة ثانية
وانصدم من الشخص الي رد عليه
هالصوت مستحيل ما أتذكره هذا صوت؟؟؟؟؟؟؟؟؟؟؟؟؟

ألووووووووووو
سعيد تم منصدم

الووووووووووووو ............شو ما بتردون
هههههههههه أدري أنك ناصر رد بلاك

سعيد :ناصر؟؟؟؟؟؟؟؟؟؟؟؟؟؟؟؟؟؟؟


.................................................. ...........................................

بيت بو سيف
الصالة

بو سيف : مايصير يا عمتي
اليدة :ليش ما يصير الولد بغا بنت عمته لا هو حرام ولا عيب
بو سيف : بس البنية يمكن ما تباه أنا بشاورها قبل
اليدة :شاورها محد منعك
بو سيف :ويوم يبغون يخطبون ليش ما يو أمه وأبوه ليش مطرشينج انتي
اليدة : بيون لا تخاف بس انا قلتلهم ..........لا يون لين ما أشوف رايك
بو سيف : تنهد
اليدة :بلاك ................ (وهي تعوي بوزها )ولا ولد ولدي مب عايبنك
بوسيف :أنا ما قلت جي عمتي الله يهديج
اليدة :ليش شايفني مينونة قابضلي الله يهديج والله يهديج ..................... الا وينها الريم
بوسيف:الريم في غرفتها راقدة
اليدة :روح رمسها يلا
بوسيف:خلا تقوم بالاول بعدين أنا بسأل على الولد ما بعطي بنتي أي واحد
اليدة : شو بعد اي واحد ولد خالها هذا ............... وبعدين ليش تسأل الولد زين وأنت شايفنه
بوسيف:شايفنه بس ما اعرفه ولا عايش وياه ولا أعرف أخلاقه
اليدة :"أنزين عورت راسي تراك اسأل محد مانعك أنا بروح اوطي راسي شوي
بوسيف: تنهد وهز راسه
( آه بعد كل هالسنين بحط ايدي بأيد بو سعيد الي كان من اشد المعترضين على زواجي من المرحومة
..........الي خلانا نعيش بتعاسة وخلاها دايماَ مهمومة ...........ما أنسى دموعها نصايف الليالي ولا أنسى العذاب الي عاشته من اخوانها صح اني كنت احاول اخفف عنها بس هم ما قصروا في تعذيبها الحين شو الحل شو اسوي يا ربي
........ أنا بسال البنية يمكن هي تباه............ لكن اذا ما تباه انا ما بغصبها )

قام بو سيف وراح فوق غرفة الريم دق الباب
الريم :ادخل سيف
بوسيف فتح الباب وابتسم :أنا مب سيف
الريم ابتسمت بحزن :هلا أبوية تفضل
بوسيف تجدم منها ويلس عندها على القنفة
شو تقرين :
الريم: قصة
بوسيف شل الكتاب :الرجل الغامض هاي قصة لاجاثا كرستي تقرين قصص بوليسية أنتي
الريم : أقضي وقتي
بوسيف ابتسم ومسح على راسها :شو اخبارج بعد............. الحين مول ما نشوفج دومج في العين
الريم :بخير
بوسيف: بلاج........... أحسج زعلانة
الريم:لاء بس ملانة
بوسيف:أظهري انزين غيري جو
الريم : مالي مزاج
بوسيف:غريبة ..............المهم تدرين ان يدتج هني
الريم تنهدت :هي
بوسيف:وتدرين ليش ياية
الريم: هي
بوسيف ابتسم :قالتلج صح
الريم هزت راسها بمعنى هي
بوسيف : وشو رايج
الريم بلا مبالة وحزن : ما أدري
بوسيف: شقا ما تدرين
الريم: .............
بو سيف:أنزين أنتي فكري في الموضوع وردي عليه خبر والي تبينه بيصير
الريم:ان شاء الله أبوية
بوسيف: والله وكبرتي يا ريم
الريم :ابتسمت بحزن وها الشي الي لاحظه بو سيف
بو سيف: بلاج ابوية ارمسي شي في خاطرج
الريم:لاء ابوية
بوسيف:انزين انا بسير رديلي خبر ولا تخلين يدتج تضغط عليج
الريم: ان شاء الله
بوسيف: يلا

ظهر بوسيف وخلا ريم وهي محتارة اذا وافقت بتهدم حياة منصور وهي مهما كان هذا ولد عمها وما تبغي تهدم حياته
شو بستوي ؟؟؟؟؟؟؟ اذا ما وافقت عليه المشاكل بين العايلتين بترد وما اظن معاملتهم بتم مثل ما هي أكيد بتتغير ..........يعني شو اوافق ............... اذا وافقت شو بيصير بتزوج منصور ......... كيف بتكون حياتنا آه احس اني يالسة اموت من هالعذاب الي أعيشه............ يا ربي ساعدني شو اسوي؟



.................................................. .................................................. ............


سعيد:ناصر؟؟؟؟؟؟؟؟؟؟؟

سعيد تم مبهت ودموعة تنزل مب دموع حزن عليها لأنها ما تستاهل ............كانت دموع ندم على كل شي ...........على الايام الي عاش فيها على حبها................. على كل كلمة حب قالها لها .........على كل نظرة حنان منحها لها........... على كل ليلة سهرها وهو يفكر فيها ..........على كل دمعة نزلت من عينه على فقدها ..........على كل حنين وشوق لها.............و على كل دمعة نزلت من عيون انسانة طيبة وحنونة الي هي جنته وناره بسبها................على كل جرح جرحه لكل الي يحبونه بسببها ............على عياله الي كان بيهدم حياتهم عشانها .................على روضة هي روضة الي سهرت ايام وشهور وما ذاق جفنها النوم بسبها
على انسانة حقيرة خاينة ما تسوى
تخونه مع عشرة غيره
حمد ربه انه كشفها قبل فوات الاوان قبل ما يرتبط اسمها الوصخ به


اما سارة عرفته على طول :سعيد

سعيد:هي سعيد ...........سعيد الغبي الي قصيتي عليه.......... سعيد الي ما يندرى رقم كم بحياتج ............
سعيد الي عصى أمه عسب وحدة ما تستاهل ...........سعيد الي ما قدرتيه ورحتي لواحد غيره ............بس مب منج من الحماار الي حبج ...........من الي هد اهله عسبج .............. من خان زوجته بسبتج ................من الي كان مستعد يهد العالم كله عشانج .................للاسف عطيتج شي اكبر من حقج عطيتج شي ما تستحقينه ............انتي المفروض الواحد ما يصد صوبج...........لا تعقدين اني زعلان عليج انا زعلان على نفسي كيف نزلت عمري لهذا المستوى بس فرحان بعد ان ربي كشفج لي قبل لا أتورط بج

سارة :سعيد الله يخليك اسمعني ..................سعيد انا احبك

سعيد :اوووووووووووش قطعيها الرمسة ..........اسمعي يا بنت الناس تروحين لهلج وتقوليلهم أنج ما تبيني فاهمة وما ابغي اسمع صوتج ولا اشوفج بعد هاليوم
واذا فكرتي مجرد تفكير انج تتصلين بيه والله يا سارة لتندمين عدد شعر راسج

سارة:بس يا سعيد

سعيد: أبغي اقول مع السلامة بس احسها خسارة فيج

صكر سعيد التلفون وتم محتار في الي صار والي بيسويه كشفها بعد ما خسر روضة
بعد ما صارت مشاعر روضة باردة تجاهه تنهد آه الحين شو اسوي
قام سعيد بسرعة وركب سيارته وراح البيت تم يسوق بسرعة
تم يسوق وهو مب حاس بعمرة